رواية حارة كرياكو الفصل الثاني عشر 12 – بقلم نهله جمال

رواية حارة كرياكو part 12

البارت بعنوان / عروس حارة كرياكو

لولولولولولي

صوت الزغاريط والتهاني تملأ الشقه الصغيره بينما جلست نورسين في غرفتها وهي تضع يداها على اذنيها لتمنع تسرب أصوات السعاده الزائفه من حولها

دخلت همس واغلقت الباب ثم خلعت حذائها وهي تقول : هيات معاكي الليله امك بتقول مفيش خطوبه جواز على طول

إزالت نورسين يدها عن اذنيها وهي تقول : وطبعا دا اقتراح البيه ان ميتعملش خطوبه

اعتدلت همس في جلستها وهي تقول : انتي بتهزري يا نورسين ! خطوبة ايه يابنتي هو انتي مش عارفه هببتي ايه ف نفسك

نورسين بضيق : بس بقى ! انتي كمان هتعلقيلي حبل المشنقه !

همس وهي تجلس بجانبها : انا خايفه عليكي يا نور ، كريم مش طبيعي وعينيه كلها شر ، دي مش ملامح سخص فرح بعد اسبوع

انتفضت نورسين وهي تقول بصدمه : اسبوع !

همس : ايوه متخافيش انا هبات معاكي انهارده

نورسين : ولما اتجوز هتباتي معايا صح ؟

تنهدت همس وقالت : لا طبعا هبات ازاي هنام وسطكم يعني

قامت نورسين بغضب وهي تقول : انتي بتقولي ايه ! انا مش هنام جمبه ولا هخليه يلمسني لا الا هقتله واقتل نفسي انتي فاهمه ؟

همس : فاهمه فاهمه اهدي ابوس ايدك

جلست نورسين ووضعت يدها فوق رأسها وجلست تبكي

نظرت لها همس بحزن على حال صديقتها

《《 في منزل كريم

كان يمسك بقطعة خشب ويقطعها بموس صغير بينما دخل ايبو الغرفه وهو يقول : الضيوف اكلو جاتوه ومشيو

كريم بملل : طيب

ايبو : كريم انا فاهم انك غضبان منها بس ا ..

كريم : ما خلصنا بقى انا قولت اللي عندي مش عاوز نصايح

بينما كان كريم ينحت قطعة اىخشب بالموس جرح يده جرح عميق ولكن لم يهتز به شعره

قام ايبو بخوف وهو يقول : ايدك بتنزف يا عم ! استنى متتحركش هروح اجيب شاش اعقمها واربطهالك

نظركريم أمامه وهو يتنهد ويقول : من بكره هبتدي انك عليكي واوريكي وشي الوسخ

《《 في منزل نورسين

قامت فزعه من النوم وهي تتنفس بصعوبه ، نظرت حولها ف وجدت همس نائمه ف تنهدت بحزن

ارتدت شيئآ على جسدها ووقفت في الشرفه قليلآ ، أغمضت عيناها وتركت الهواء يداعب وجهها ثم فتحتهما ف وجدت كريم يقف في نافذة غرفته وينظر اليها ف ارتعبت ، أرسل لها قبله في الهواء ف دخلت غرفتها بغضب وقد شعرت أنه يضغط على أعصابها بطريقه صعبه

عادت للنوم مره أخرى محاوله تناسي ما حدث .. وما سيحدث

إسيقظت في صباح اليوم التالي على صوت هنس وهي تقول : نورسين ، نوورسين

قامت نورسين بإرهاق وهي تقول : ايه في ايه

همس بوجه باهت قالت : كريم قاعد برا

انتفضت همس من الفراش وهي تقول : نعم !! بيعمل ايه برا

همس : وطي صوتك ، يعني ايه بيعمل ايه انتي تاسيه انه عريسك ؟

نورسين بغضب : انتي قاصده تحرقي دمي ولا ايه ، انا هلبس عشان انزل المحل وخليه هو قاعد

اخرجت نورسين الملابس من الخزانه ووضعتها على الفراش لتبدأ بتبديل ملابسها ، قالت همس : عيب يا نورسين

نورسين : اخرسي انتي اما نشوف اخرتها

قامت بتبديل ملابسها وخرجت باتجاه باب الشقه متجاهله كريم ولكن اوقفها صوت حاسم يقول : إستني !

ارتعشت قليلا ولكنها استجمعت نفسها وهي تلتفت له

قام من على الأريكه ليقف أمامها وينظر لها بإستعلاء : هو انتي مش ليكي دكر يلمك ؟

نورسين بصدمه : نعم !

كريم بنبره بارده : وايه اللي انتي لبساه دا

نورسين : انت مالك ومال لبسي ؟

كريم بنفس البرود سحبها من يدها بقوه وهو يقول : تعالي معايا

نورسين بغضب : اوعى انت ازاي ماسكني كدا

طرق كريم باب شقته بقوه بينما فتحت والدته وعيانها متسعه وتقول : يالهوي ايه دا

أجلس كريم نورسين على الأريكه وقال لوالدته : متخليهاش تتحرك من هنا

نظرت لها والدة كريم بضيق وقالت : بتعيطي ليه منك لله ع اللي عملتيه ف ابني

جاء كريم وهو يمسك بعبائة والدته وقال : خدي البسي

نورسين بضيق : عبايه ! مش هلبسهاا

أمسكها كريم من شعرها حتى أن والدته كانت تحاول فكها من يده ف قال وهو يقترب منها بقوه : اللي انتي لبساه حاليا دا ابقي البسهولي ف اوضة النوم لكن الشارع هتلبسي عبايه واي دكر هيبص ليكي او يرفع عينه فيكي هسفلت وش امه ، فاهمه ! انا مش همس ولا ابوكي حتى عشان اخليكي تنزلي كدا ، البسي !

ارتدت نورسين العباءه على مضض وهي تبكي بينما قالت والدة كريم : يالهوي ! ايدك ملفوفه ب شاش ليه ايه حصل

نظر كريم لنورسين بنظره ذات مغزى وقال : كنت بنحت قطعة خشب بموس إمبارح ، بتدرب عشان بعد كدا هنحت وش بشري

ارتدت نورسين العباءه وصمتت في خوف ف قال كريم : يلا بينا

قالت نورسين بهدوء : على فين

اقترب كريم منها وقال بقسوه : هنجيب حجاتك الشخصيه يا عروسه

إزدردت نورسين ريقها وهي تتنفس بصعوبه بينما كان كريم يستمتع وهو يراها بهذه الحاله ..

.