رواية حارة كرياكو – الفصل الثالث
رواية 
حارة كرياكو part 3
حارة كرياكو part 3《 عندما همست لي بصوتها كي أقترب لم يلتفت جسدي فقط ! بل إلتفت قلبي أولآ وعندما رأيتها للمره الأولى تمتمت قائلآ : سبحان الخالق ! 
》
》وقف كريم ينظر لمصدر الثوت وعندما إلتفت وجد فتاه رائعة الجمال ، ذات خصلات سوداء ك لون الفحم ولامعه وناعمه ، وعينان عسليتان واسعتان ورموشها كثيفه ، اممم وما هذا ؟ بشرتها بيضاء ك الثلج و .
قاطعت أفكاره نورسين وهي تقول : هتساعدني أفتح المحل ولا لا ؟
كريم : إحم ، حضرتك مش معاكي المفتاح
نورسين : معايا بس الباب جامد وصعب يترفع لفوق ، غالبآ بابا اللي بيفتحهولي ناو بابا تعبان وانا مش عارفه أفتحه
كريم بشرود : ألف سلامه عليه
نورسين بإبتسامه ساحره : طب قرب
كريم بإتساع أعين : أقرب ؟
ضحكت نورسين ثم قالت : أيوه عشان تفتح الباب !
♤ في منزل همس ♤
كانت تمشط شعرها الطويل وهي تدندن ، دخلت والدتها قائله : على فين يا ست الحسن ؟
همس : هنزل أتمشى في حارة كرياكو شويه
والدتها : مفيش نزول
تركت همس الفرشاه ثم قالت : لا إله إلا الله ! مفيش ليه يا ست حلويات !
والدتها : قطم رقبتك ايه حلويات دي ! مفيش عشان انتي بتاعة مشاكل وعرفاكي
همس ببراءه : أنا ؟ دا منظر واحده بتاعت مشاكل
والدتها : طب هاتيلي قصب أنا وأبوكي وانتي جايه
همس : مش همشي بقصب أنا ! برستيجي ميسمحليش !
والدتها : طب مفيش نزول !
همس بحزن : خلاص هتنيل أجيب ، موواااح
نزلت ركضآ ف قالت والدتها بخوف : يارب يهديكي يا همس ويكفي الناس من شرك انتي ونورسين
♤ أمام متجر نورسين ♤
فتح كريم الباب وأعطاها المفتاح ف تعمدت لمس يده ف سحب يده سريعآ وهو ينظر لها ، إبتسمت له قائله : مش عارفه من غيرك كنت هعمل ايه
كريم : إحم متقوليش كدا العفو حضرتك
رفعت نورسين حاجبيها ثم قالت بتأكيد : حضرتك ؟
نظر كريم في ساعته بصدمه ثم قال : بقالها ساعه واقفه لوحدها !
ردت نورسين بصدمه قائله : هي مين دي ؟
إنصرف كريم من أمامها على عجله من أمره ليحضر شعائر بينما وقفت نورسين وهي تنظر له وتصنع بالونآ من العلكه قائله : دا شكله أهبل ومش هنعرف نعمل فيه مقلب معتبر وهيتعبنا
جاء السيظ جبر الذي يرغب في الزواج من نورسين ، رأته ف زفرت بضيق إلى أن إقترب منها قائلآ : مساء العسل على برنسيسة حارة كرياكو وست الناس
شم رائحة عطرها في الجو ف أغمض عينيه قائلا : الله ! يارب ما تحرمنا من أنواع البرفان الحلوه دي
نورسين وهي تمضغ العلكه : لخص ! عايز إيه ؟
السيد جبر : معندكيش تمثال الملكه إليزابيث وهي بتستحم بدماء البنات ؟
نظرت له نورسين بغضب مكتوم ثم إبتسمت إبتسامتها الشريره المعتاده ثم قالت : هي المدام مش ماليه عينك ولا إيه ؟
السيد جبر : هو حد يشوفك ويبص لأي ست بعد كدا ؟
نفخت نورسين بالون العلك ثم برقت عينيها لدرجه أرعبت السيد جبر ثم قالت بصوت عال نسبيآ : بص يالا يا مرااهق انت ، لو جيت نايحة المحل بتاعي تاني أو بصتلي بعينك اللي يتدب فيها رصاصه دي هخليك زي المومياء الصارخه وكل يوم هنضفك بتفافه هتف عليك وامسح بمنديل مستعمل
إظبط كدا واتلهي مع مراتك عشان لو حطيتك في دماغي هزعلك
نظر لها السيد جبر برعب ثم قال : انا بهزر معاكي قفشتي ليه
نورسين بصوت عال : يلاا من هنا !
♤ في الدرج ♤
جلست همس على الدرج لتربط رباط حذائها وهي تزفر : مبحبش الجزمه اللي برباط دي كل شويه تتفك !
فتح ايبو باب الشقه ليخرج النفايات للخارج ف نظرت له همس ثم قالت بنفس إبتسامة نورسين : انتوا الجيران الجداد !
نظر لها إيبو بصدمه من جرأتها ثم أجاب قائلآ : أيوه يافندم
همس وهي تضحك : فندم ؟ والنبي عسل
إيبو بصدمه : ايه !
.
.
الفصل التالي اضغط هنا
يتبع.. (رواية حارة كرياكو) اضغط على اسم الرواية لتجد الفهرس كاملاً بجميع الفصول.