رواية حارة كرياكو – الفصل الرابع
رواية 
حارة كرياكو part 4
حارة كرياكو part 4♧ يجب عليك أن تفكر ألاف المرات أن مشاعر الناس ليست مجال للإستهتار والضحك ♧
أغلق إيبو الباب في وجه همس ف ضحكت هي ، عندما قامت بربط حذائها نزلت على الدرج متجهه لمتجر نورسين وما أن وصلت حتى سحبت كرسي وجلست أمامها قائله : إيه الأخبار ؟
نورسين بملل : قولتله يفتحلي المحل فضل متنح فيا تلات دقايق بعدين جري زي المسروع عشان تقريبآ هيجيب أخته ولا معرفش إيه ، وإنتي ؟
همس بضحك : دا صاحبه ولا أخوه دا حكايه
نورسين : إشمعنا ؟
همس : دا بيقولي يافندم
نورسين : هما برضو مش سهلين وهياخدوا وقت معانا ربنا يصبرنا ع البلاوي دي
همس : أمين
أمام سنتر الدروس وقفت شعائر وهي تتأفف وترفض عروض التوصيل التي تلقيها عليها زميلاتها ، حتى وصل كريم بالتاكسي ونزل منه قائلآ : أنا أسف يا حبيبتي عارف إني إتأخرت عليكي
شعائر بضيق : بقالي نص ساعه واقفه على رجلي وميته من الرعب إني أركب مع سواق تاكسي لوحدي إنت كنت فين ؟
كريم بهدوء : طيب تعالي نركب وهشرحلك كل حاجه ممكن تهدي عشان خاطري ؟
إبتسمت له شعائر بهدوء ثم أمسكت بيده وركبت معه ليذهبوا إلى المنزل ..
في منزل كريم وإيبو كان إيبو يجلس على الفراش وهو يمسك بهاتفه يتصفح بعض مواقع العمل حتى يستقر هو وعائلته في حارة كرياكو ، يبحث عن مجال عمل خاص بدراسته، وجد المدرسه الوحيده في حارة كرياكو تبحث عن معلمة تاريخ ، ملأ الإستماره الخاصه بهم ثم وضع رقم هاتفه وليس في راسه أنهم سيعاودوا الإتصال به لإنهم يبحثون عن معلمه وليس معلم وخاصه لمدرسة فتيات ، أغلق هاتفه عندما وجد كريم وشعائر يدخلون المنزل ف إقترب منهم قائلآ : إيه إتأخرتوا ليه؟
شعائر بضحك : البيه نسي يجبني وسابني واقفه نصف ساعه ف قرر واحنا راجعين يصالحني وعزمني ع أكل ، هخش أنام تصبحوا على خير
إيبو وكريم : تلاقي الخير يارب
دخلت شعائر ف قال إيبو : انت بجد سيبتها نصف ساعه في الشارع ؟
كريم وهو يتنهد : غصب عني كان في واحده محتاجه مساعده ف كنت بساعدها
ايبو : واحده مين ؟
كريم : عندها محل ومكنتش عارفه تفتح الباب
ايبو : طب كويس انك ساعدتها ، لقيت شغل ع الفيس ف مليت الأبلكيشن بتاعهم معرفش بقى هيكلموني ولا لا
كريم : ومش هيكلموك ليه ؟ انت ممتاز يابني في مجال دراستك
إيبو : فاهم بس هما طالبين مدرسه مش مدرس
كريم : اااه بص لو ليك خير في حاجه هتشوفها
ايبو : خير متقلقش ، عاوزين نجيب عربيات
كريم : بص يا ايبو ورث جدك مش عايزين نضيعه في عربيات وهبل عاوزين نفتح مشروع
إيبو : يعني هي فلوس العربيات اللي هتأثر فيه ؟ مش كفايه أنه فضل مقاطع ولاده لحد ما مات لوحده ، بس تعرف متوقعتش انه يكتب ميراثه بإسمهم اصلا
كريم : يمكن بيحاول يعوضهم انه فضل مقاطعهم وقلبه قاسي عليهم
ايبو : بس برضو لازم كل واحد يجيب عربيه ، مفيش حد في مصر معندوش عربيه
كريم : احنا لسه مش عارفين اجراءات الميراث هتاخد اد ايه ف عشان كدا لازم نلاقي شغل لحد ما الاجراءات تخلص وبعدين نجيب العربيات اللي انت بتقول عليها دي
ايبو : خير متقلقش اكيد ربنا هيسهلها
في منزل نورسين كانت تفك خصلات شعرها وهي تتحدث في الهاتف كع همس وتقول : مش عارفه بس حساهم طالعين من فيلم عربي قديم اللي هو مفيش رجاله محترمين اوي كدا اكيد ليهم غلطات
همس : تمام هنام انا عشان فصلت وبكرا نكمل كلام
نورسين : فل عليكي ، يلا باي
اليوم التالي فتحت نورسين المتجر الخاص بها بينما وجدت كريم يسير مسرعآ ف استوقفته قائله : لو سمحت !
إلتفت كريم لها قائلآ : أتفضلي
نورسين : كنت عاوزه أشكرك على امبارح واسفه لو عطلتك عن ميعادك
كريم : ولا يهمك الحمد لله عرفت اصلح الوضع
نورسين : أنا خوفت أكون السبب في إنك ت ..
لم تكمل حديثها حيث انزلقت قدمها وكانت ستقع لولا يد كريم التي أمسكتها ، إصطدمت بصدره بقوه حتى أن شعرها إنحلت عقدته وتطاير حول وجهها ووجهه كريم ، نسى كريم كل شيء من حوله وهو ينظر لعيناها وممسكآ بخصرها بينما هي كانت تتفحص وجهه
كريم وهو شارد بعيناها : مش تخلي بالك ؟
نورسين وهي تنظر له لم تستطع الرد ..
الفصل التالي اضغط هنا
يتبع.. (رواية حارة كرياكو) اضغط على اسم الرواية لتجد الفهرس كاملاً بجميع الفصول.