رواية في السماء نور الفصل الثالث عشر 13 – بقلم نهله جمال

رواية في السما نور part 13

¤ كان العالم بأسره في يوم زفافي سعيد ولكن تلك النظره المنكسره في أعين عائلتي جعلتني حزينه ¤

• في مكتب الكاشف •

كان هاري وتيا يجلسون أمام الكاشف باشا في صمت بعدما ألقى على مسامعهم ما فعل

هاري : يعني حضرتك خططت وقررت لحياتنا من دون أي حق وجاي تبلغنا ؟

الكاشف باشا : ما لو كنت إنت والدكتوره راعيتوا سمعتنا ومنظرنا ك عيله قدام الناس مكنتش اتصرفت التصرف دا

تيا : أيوه مش من حقك برضو ! أنا ليا عيله ليهم حق القبول والرفض

الكاشف باشا بقسوه : سامحيني بس تتوقعي رد فعل ابوكي ايه لما شافك ع التليفزيون بتبوسي إبني ؟

نظرت تيا لهاري بحزن ف قال هاري : بابا !

الكاشف باشا : بلا بابا بقى بلا بتاع هي كلمه وهتتنفذ وياريت العروسه تروح غرفتها عشان البنات يلبسوها ويجهزوها وحاولوا تفردوا وشكم دي ليلة العمر

وضعت تيا يدها على فمها ثم خرجت ركضآ من غرفة المكتب بينما إنحنى هاري على مكتب والده قائلآ : مش هسامحك على اللي حصل

الكاشف باشا : مش مهم ، المهم تروح تجهز للفرح

•في غرفة تيا •

كانت تتحدث مع والدتها في الهاتف

والدة تيا : منك لله يا بنتي أبوكي مش عارف يروح في حته بسببك والفرح انهارده الجيران كلوا وشي

تيا : يا ماما انا كنت بحاول أعالجه

والدتها : روحي اجهزي واحنا جايين بس عشان أفهمك حاجه لما ربيتك تعملي أي حاجه عشان تنجحي نبهتك برضو ان مش كل الحجات مباحه ودا غلطك وذنبك هتتجوزي واحد من طبقه راقيه مش من مقامه انتي وعينه ع طول هتبقى على غيرك

أغلقت تيا الهاتف وجلست تبكي على الفراش بينما وقفت الفتيات حولها ليصلجن شعرها ويضعن مساحيق التجميل وتجهيزها لعرسها ف قالت الفتاه : ممكن حضرتك تهدي لان مش قدامنا وقت كتير نجهزك ؟

اعتدلت تيا وهي تلملم شعرها بيدها وتمسح دموعها بهدوء ثم قالت : من فضلك عاوزه ألوان ميكاب هاديه ..

الفتاه : أيوه يافندم بس !

تيا تقاطعها : من فضلك !

الفتاه : يا فندم حضرتك بشرتك مجهدها ودا فرح عالمي يعني لازم مساحيق التجميل ترمم بشرتك عشان الصحافه

قالت تيا بنفاذ صبر : اعملي اللي وعمليه مبقتش فارقه

• في غرفة والدة هاري •

كانت تتحدث في الهاتف مع صديقتها

والدة هاري : انتي مش متخيله يا حكمت أنا متغاظه ازاي ! لا وجوزي اللي قولت هعتمد عليه يخرب الجوازه تخيلي هو اللي يسلملها ابني على طبق من ذهب !

صديقتها : هي للدرجادي العروسه مش مناسبه ؟

والدة هاري : جدا يا حكمت ! هتيجي بنفسك وتشوفي انها فالجر ومش من مستوانا نهائي !

صديقتها : حاولي تهدي اعصابك عشان بشرتك تكون نضره في فرح ابنك ، هو نصيب في الأول والأخر ودا إبنك الوحيد عقبال بنتك الاموره لما تكبر

والدة هاري : أنا مش طايقه أقوم أجهز نفسي ، عايزه اقوم ارميها برا القصر وأنهي المهذله دي فورآ !

صديقتها : بلاش فضايح دي مش من مصلحتكم انتوا الفتره اللي فاتت طنتوا رقم واحد على لسان الصحافه وشباب السوشيال ميديا حاولي تبيني انك الحماه اللطيفه اللي بتدور على سعادة ابنها فين ما كانت

والدة هاري : طيب تمام هقوم اجهز نفسي مفاضلش وقت كتير

صديقتها : ومتقلقيش يا حبيبتي في الفرح هتلاقيني دايمآ جمبك

• في غرفة هاري •

كان مصفف الشعر يجهز هاري لقصه يوم عرسه ف قال هاري : هو قدامك كتير ؟

مصفف الشعر : لسه يا فندم هو شعر حضرتك ماشاء الله مش محتاج تصفيف

هاري : هقوم أجيب حاجه واجي

مصفف الشعر : طب خليك يافندم وهبعت اي حد يجبهالك

هاري بغضب : انا عايز اقوم بنفسي هو انا محبوس هنا ولا ايه ؟؟

فجأه دخل الكاشف باشا وهو يقول : لا مش محبوس بس لو هتقوم تطمن على عروستك ف هي بتجهز هي كمان

هاري قام بغضب : بابا من فضلك متعملش كدا تيا متستحقش العقاب دا

الكاشف باشا : انت بتسمي جوازها منك عقاب ؟ هي كانت تطول اساسا ! دا ابوها بيخاف يشتري الجرنال اللي بيتطبع فيه اخبارنا عشان غالي ما بالك لما بنته تتجوزك

هاري : ماشي بس مش غصب عنها !

الكاشف باشا من بين اسنانه : تصرفاتكم الصبيانيه هي اللي وصلت الأمور للمرحله دي ودلوقتي يا ولادي هتتحملوا نتيجة أخطائكم ، تصرف غير لائق من امير وملك جمال

جلس هاري على الكرسي ثم قال بلهجة الامر لمصفف الشعر : خلصني

الكاشف باشا : هروح أجهز انا كمان

ثم خرج واغلق باب الغرفه وراؤه

• في غرفة تيا •

الفتاه : من فضلك ممكن متعيطيش لان الماسكارا دي تاني مره تخرب

تيا : قولتلك مش عايزه غير ميكب خفيف انتي اللي اصريتي

الفتاه : يافندم ساعديني من فضلك الكاشف باشا لو لقى فيه حاجه مش مظبوطه فيكي انا اللي هضر في شغلي ودا ميرضكيش

تيا بعطف : طبعا ميرضنيش دا راجل ظالم ، خالص هحاول امسك نفسي

ابتسمت لها الفتاه بينما نظرت تيا لنفسها في المرأه ك عروس ثم قالت : انا !

انا بتجوز !

• في المساء في حفل زفاف تيا وهاري •

حضر العديد من رجال الاعمال وشخصيات المجتمع العامه وأيضآ والد ووالدة تيا ، وكان الكاشف باشا في كامل أناقته وهو يمسك بالكأس ويقف وسط مجموعه من رجال الأعمال وبجانبه هاري

الكاشف باشا : وبس هو حبها وهي حبته ف حبينا نختم حكايتهم الجميله بالزواج

رجل أعمال : بالتوفيق يا باشا وأكيد بعد الزواج هاري هيمسك كل شغلك

الكاشف باشا : طبعآ دا وريثي اللي هيشيل اسمي واهو بكرا يخلف ويجيب الكاشف الصغير

رجال الاعمال : هههههه

وفجأه انتشرت أغنية ” طلي بالأبيض ” في ارجاء حديقة القصر ، نظروا جميعهم لدرج القصر ف وجدوا تيا تنزل برفقة والدها ، نظر هاري لها بانبهار وبلمعة عين لاحظها والده الذي ابتسم بخبث ..