رواية في السماء نور الفصل الثاني عشر 12 – بقلم نهله جمال

رواية في السما نور part 12

¤ ك ليلة شتاء هادئه تشوبها همسات المحبين كان قربك ¤

• في غرفة هاري •

كان يعمل على تمرين الضغط وتيا تجلس على فراشه وهي تعد له الارقام

تيا : ٢٣ ، ٢٤ ، ٢٥ ، ٢٦

هاري : هووووف خلاص مش قادر ، بس قوليلي ايه علاقة دا بنوع الفوبيا اللي عندي

تيا : بيقوي القلب.

هاري : لا بجد ؟

تيا : اه والله ، بص يا هاري علاجك هياخد وقت بس أتمنى تسمع كلامي عشان نوصل سوى لنتيجه مرضيه

هاري : طب بقولك ايه ما ..

قاطع حديثه دخول والدته المفاجيء عليهم وهي تقول : بقالنا ساعه مجهزين الغدا وانت قاعد ترغي مع الهانم

تيا بهدوء : الهانم دي تبقى طبيبة ابنك ف ميصحش كدا

والدة هاري : هو انتي هتعلميني ايه يصح وايه ميصحش ؟

هاري : ممكن كفايه ؟ وبعدين هي الاوضه دي مش ليها باب تخبطي عليه يا ماما ؟

كتفت والدته ذراعيها ثم قالت بتهكم : عايز تخلي امك تخبط ع الباب وانت مقعد الهانم على سريرك ! لا دا حاجه جميله خالص

قام هاري وارتدى قميصه ثم قال : لو فضلتي ع الحال دا هسبلك البيت

ثم سحب تيا من يديها وخرج بها من الغرفه تاركآ والدته

تيا وهي تسير برفقة هاري على الدرج : مكنش يصح تسيبها لوحدها

هاري : ماما بقت فظيعه جدا يا تيا مبقتش قادر استحملها لا هي ولا اسلوبها

تيا : بس مهما ان كان برضو مامتك

هاري : بما ان الغدا فاتنا ما تيجي أعزمك ؟

تيا : مممم موافقه بس بشرط

وضع هاري يده على بطنه تلقائيآ ف قال : بلاش تطلبي أكل غريب زي اللحمه الغريبه اللي طلبتيها اخر مره ، انتي دكتوره يعني لازم تكوني هاي كلاس

تيا : انا دكتوره اه بس احنا اساسا من الارياف يعني دا اصلنا

هاري : اها هي كانت اللحمه اسمها ايه ؟

تيا : لحمة الراس

هاري : yukiii محبتهاش

تيا : هههههه خلاص المره دي اختار انت الاكل وربنا يحمينا من اكل الفافي بتاعكم

ضحك هاري على جملتها ثم ساروا باتجاه سيارته

• في مكتب الكاشف باشا •

الكاشف : يا سيدي متقلقش اعمل انت الترتيبات وملكش دعوه هنحطهم قدام الامر الواقع

المتحدث : خلاص تمام يا باشا طالما حضرتك امرت كل حاجه هتكون جاهزه وهبلغك بيها فور إنتهائي منها

الكاشف : تمام شكرا جزيلآ

ثم اغلق الهاتف وفجأه وجد زوجته تدخل غرفة المكتب عليه وهي غاضبه وتقول : ابنك هيموتني شوفلك حل فيه .

الكاشف : انا أساسا لقيت حل متقلقيش هيبسطك جدا

زوجته : مش مرتحالك بس لو حل يظبط اموري مع البنت دي انا موافقه

وضع الكاشف باشا يده على ذقنه وقال : هيظبها متقلقيش انتي بس ..

تنهدت زوجته وهي تنظر له بحيره

• في المطعم •

هاري : الأكله دي اسمها sweet & sour ودي عباره بتدمجي السكر والملح في اكله واحده بتديكي طعم السويت ولذة الملح خاصة ان الفراخ مسكره

وضعت تيا يدها على فمها وقالت : فراخ مسكره

غرز هاري شوكته في قطعه من الدجاج وقربها من فم تيا التي حاولت ان تمتنع وهي تقول : لا فراخ مسكره ايه بس لا مش هاكلها ابعد

هاري وضع شوكته وقال : تيا انتي ليه بتعملي كدا بهدلتي بوقك بالصوص

تيا : مش مشكله بس المهم ماكلهاش

هاري : طيب تعالي امسحلك اللغبطه اللي ف وشك

اقتربت تيا بكرسيها من كرسي هاري ف أمسك بالمنديل وظل يمسح لها وهو يقول : طيب أجيبلك نودلز ؟

تيا : تؤ

هاري : اثبتي خليني أمسحلك

وبينما هو يفعل هذا جائت فتاتان وقالت : هاري احنا من أشد المعجبين بيك وزعلنا لما قرينا الخبر ع السوشيال بس ربنا يوفقك

هاري بنظره ضائعه لتيا قال : خبر ايه ؟

الفتاه : خبر جوازك بالليل ، احنا استغربنا ان شوفناك مع عروستك انهارده عادي قولنا اكيد عندكم تجهيزات

وقع المنديل من يد هاري بينما نظرت له تيا نظرة : اتقذني ! أرجوك ..

• في قصر الكاشف •

كان العمال قد بدأوا في تجهيز القصر لحفل الزفاف ووقف الكاشف باشا في شرفة غرفته يدخن سيجاره ويشاهد التجهيزات وزوجته تجلس على الفراش وهي تصرخ

والدة هاري : منك لله مش مسمحاك ابداا ازاي تعمل كدا

كان الكاشف باشا متجاهلها تماما حتى وجد ابنه قد دخل القصر برفقة تيا وعلى وجههم علامات الغضب ف ابتسم وقال لزوجته : اهدي انتي عشان كل حاجه هتتظبط من انهارده غصبا عنك وعنه وعن الدكتوره ، منظر عيلة الكاشف وكرامتها لازم تترد وانا already كلمت الصحافه وقولتلهم الثلاث شهور كانت فترة زعل بين هاري وخطيبته زي اي خلافات بتحصل بين اي اتنين

زوجته : يااااه دا انت مرتب كل حاجه بقى ! واحنا اخر من يعلم

نفث الكاشف باشا دخان سيجاره وقال : كان لازم اعمل كدا لانقاذ ما تبقى من سمعة العيله واللي هقولهولك دلوقتي هتمشي عليه وتعمليه بالحرف الواحد

بينما كانت زوجته تجلس على الفراش بقهر وهي تستمع الى نبرته البارده التي تأمرها ..