رواية في السماء نور الفصل الثامن 8 – بقلم نهله جمال

رواية في السما نور part 8

¤ لو إننا لم نفترق لبقيت نجمآ في سمائك ماضيآ ¤

• في مكان البالونات •

وقفت تيا وهي مازالت تحتضن هاري بعد أن قبلته وصورتهم الصحافه ، وكاان الأطفال بفطرتهم النقيه البريئه مستنكرين ما حدث ، حاولت تيا الإبتعاد عن هاري ولكنه إحتضنها بقوه وظلت الصحافه تلتقط لهم الكثير من الصور

تيا بهدوء : أنا أسفه أنا عملت كدا عشان رد فعلك مع البالونات

لم يرد هاري ولكنه إحتضنها بقوه وما إن إنتهت الصحافه من إلتقاط الصور حتى بدأت في سؤالهم : أنسه تيا هل حاولتي تلفتي إنتباه الصحافه لما قبلتي هاري ؟

هل عائلة الكاشف هتتقبل الفعل دا خاصة إنها عيله محافظه ومشهوره ؟

رد فعل معجباتك إيه يا هاري عن اللي حصل من خطيبتك

أمسك هاري بيدها بقوه ثم خرج متجاهلآ أسئلتهم وهم يسيرون نحو سيارتهم حتى ركبوا وإنطلق بسرعه مبتعدآ عن المكان

• في السياره •

تيا : أنا أسفه أنا مقصدتش عملت كدا غصب عني

هاري : بتتأسفي ليه ! انتي دكتوره شاطره حولتي إنتباهي من أكبر مخاوفي لصدمه ودهشه أنا مش مصدق اللي حصل

وضعت تيا يدها على رأسها وهي تشعر بدوار ف قال هاري : قهوه ؟

تيا بإبتسامه : ياريت

إبتسم لها هاري وهو يذهب بسيارته إلى أحد الكافيهات الشهيره ..

• في قصر الكاشف •

كان والده ووالدته يجلسون أمام التلفاز بهدوء مخيف حتى نفث الكاشف باشا دخان سيجاره وقال : ممتاز الدكتوره دي فعلآ دكتوره ممتازه عالجته من أكبر مخاوفه .

والدته بغضب وصوت عال نسبيآ : إنت بتقول إيه ! دي معندهاش حياء أو أخلاق معدومين من عندها إزاي تعمل كدا وهي مجرد دكتوره إزاي تلمس ابني

الكاشف باشا ببرود : والله مش شايف فيها حاجه هي بتمثل دورها كويس وأظن إنتي شوفتي إبنك كان مبسوط ومندمج إزاي ؟

والدته : إنت عاوز تجنني ! مبسوط ايه مركزنا وشكلنا قدام الناس والصحافه

طفى الكاشف باشا سيجاره ثم نظر لزوجته بجديه وقال : مستغربك الحقيقه ؟ بقالك سنين بتحاولي تعالجي إبنك من الرهاب اللي عنده ووقت أما تيجي دكتوره شاطره تبتدي مشوار علاجه ويقرب يخف تهاجميها بالشكل دا ؟

والدته : إنت شايف إن دي شاطره ! خليك كدا مبسوط بالقرف لحد ما تدخل مره وهي حامل وتقولك خلاص إبنك هيتعالج لما أولد

الكاشف باشا : لا لا الكلام معاكي بقى لا يطاق

والدته : هي كلمه ومش هكررها يا كاشف ، يا أنا يا الدكتوره دي في البيت

الكاشف باشا : إنتي بتقولي ايه ! هو دا جزاتها

والدته : إختار

الكاشف باشا بغضب : إعملي اللي انتي عوزاه عاوزه تمشيها مشيها

ثم قام بغضب ودخل غرفة مكتبه بينما ندهت والدته بصوت عال : ميييررري

جائت الخادمه ف قالت والدته : حجات دكتور تيا تلميها كلها في شنط وتجيبوها هنا ، مفهوم ؟ دلوقتي حالآ

أومأت الخادمه برأسها ثم ذهبت بينما جلست والدة هةري وهي تضع رجلآ فوق رجل وقالت : يارب مكافئتي تعجبك .

• في المقهى الشهير •

كانت تيا تقلب السكر في فنجانها بينما هاري نظر إليها وهي شارده ، وما إن لاحظت أنه ينظر أليها حتى وضعت يدها على وجنتها وقالت : بتبص لي كدا ليه

هاري : مش مصدق لحد دلوقتي إني كنت في مكان فيه بالونات ومحصليش حاجه ولا خوفت

تيا : دا عندنا في الطب إسمه العلمي غطاء الخوف ، بتبدل شعور مريضك من الخوف وتشتت إنتباهه لأي شعور تاني

هاري بإبتسامه : بس عجبني الغطاء دا

رفعت تيا فنجان قهوتها وهي مبتسمه ثم قالت : مش هتشرب قهوتك قبل ما تبرد

أمسك هاري فنجانه وقال : صح

تيا : أنا كمان مش قادره أقولك فرحانه أد إيه اني ماشيه في طريق علاجك

أمسك هاري بيدها ف سحبتها فورآ ثم قالت : علااجك متنساش إني بعالج

هاري : إحم ، تحبي أطلبلك حاجه تاكليها

تيا : لا أكلت كتير مع والدك ووالدتك ..

هاري : عاوز منك طلب

تيا بإبتسامه : أكييد

هاري : مهما إن كان رد فعل والدتي إستحمليها

تيا : حقيقي ربنا يستر

هاري : صدقيني هي كويسه بس الصدمه ممكن تكون قويه عليها

تيا : طب ممكن نروح القصر عشان قلبي بدأ يوجعني

هاري : أه أكيد

ثم قاموا ليذهبوا إلى القصر

• في القصر •

دخل هاري برفقة تيا وما إن دخلوا حتى وجد والدته تجلس وهي تقول : حمد الله ع السلامه

وضع هاري يده خلف عنقه وقال : عاوز أتكلم معاكي يا أمي

والدته ببرود : وأنا كمان عاوزه أتكلم معاك يا حبيبي

نظر هاري للحقائب الممتلئه ثم قال : إيه الشنط دي هو حضرتك مسافره ؟

والدة هاري : لا طبعآ ، هو أنا نسيت أقولك ؟ إحنا خلاص إستغنينا عن خدمات دكتوره تيا

هاري : نعممم !

تيا : هو انا كنت عاوزه اقول ان

قاطعتها والدة هاري بعنف ثم قالت : أنا اللي عايزه أقولك فرصه سعيده ونورتينا وكفايه جدآ لحد كدا إنتي أساسا سمعتك ك دكتوره بقت في الأرض من ساعة ما اللي حصل إتذاع ع التليفزيون

وضعت تيا يدها على فمها ف قال هاري مدافعآ : ما طز في الصحافه من إمتى بنهتم بكلامهم أصلآ

والدته : وإنت من إمتى بتدافع عن حد بالطريقه دي ؟

هاري بغضب : عشان هي عالجتني وادتني ثقه ف نفسي ف تمشيها!!.

والدته : دا قرار نهائي مش هرجع فيه

سحبت تيا حقائبها ف أمسك هاري يدها وقال : مش هتخرجي من هنا إنتي فاهمه

تيا ببكاء : من فضلك سيب ايدي كفايه كدا

هاري وضع يديه الإثنين على رأسه ثم قال : لييه بتعملوا كدا لييه

خرج والده من غرفة المكتب وقال : إهدى يابني

إنتفض جسده ثم وقع أرضآ وهو ينزف دمآ من أنفه ، ما إن تقدم خطوه في العلاج حتى إنتكس ورجع ألى الخلف مائة خطوه وهنا شعرت تيا بالإنهيار وظلت تبكي بقوه وهي تحاول إيقاظه ..