رواية في السماء نور الفصل السابع 7 – بقلم نهله جمال

رواية في السما نور part 7

¤ يقولون أن النجوم مصابيح السماء ولكن وجهة نظري تختلف عنهم كثيرآ ف ما فائدة النجوم بدون القمر ؟ مصباح الحياه في الليل ؟ كذلك أنت ! ما فائدة وجودي بدونك ؟ كيف سأكمل ذلك الطريق وحيدآ أنا أستغيث بكي ! ساعديني في الشفاء وغلفي قلبي بحبك ¤

• في قصر الكاشف على طاولة الطعام •

كانت والدة هاري تجلس وهي تأكل بهدوء ثم قالت : وبعدين يا دكتوره ؟

بلعت تيا الطعام من فمها ونظرت لها ثم قالت بهدوء : بعدين ايه ؟

والدة هاري : انتي فاهمه قصدي كويس ، بقالك داخله على شهر وحاجه ولسه متقدمتيش خطوه في مرحلة العلاج وشكلك حبيتي لعبة خطيبة إبن الكاشف مش كدا ؟

تركت تيا شوكة الطعام ونظرت لوالدته بإبتسامه بترده ثم قالت : والله حضرتك جبتي لإبنك دكتوره مش ساحره

والدته بإستفزاز : والله لو ساحره كان زمانه خف زبقى كويس وخلصنا بقى من الوضع دا ، انتي ايه البرود دا يا دكتوره هو انتي معندكيش أدنى فكره انتي حطيتينا ف ايه ؟ والصحافه بتقول عننا ايه

الكاشف باشا : أتفق مع وجهة نظر مراتي جدآ مع ان كلام الصحافه لا هيقدم ولا هيأخر

تيا : ما حضرتك محتاجه فرصتي برضو ! دي أول حاله في الكارير بتاعي

والدة هاري : بس أعتقد انتي عارفه ايه عقابك لو فشلتي

ابتلعت تيا ريقها وقالت : هو هاري قال لحضرتك على ..

قاطعتها والدته وقالت : لا لا ماليش دعوه بعقاب هاري ليكي ،، أنا عقابي مختلف وقاسي

غضبت تيا وقامت وهي تقول : وانا مبتهددش ومش هفشل ولا هيأس

وجائت لتصعد للغرف ف قالت والدة هاري وهي تأكل : لو طالعه لهاري سيبيه دلوقتي عشان الصحافه وكلامها ضايقوه

تجاهلتها تيا تماما واتجهت إلى غرفة هاري ..

• في غرفة هاري •

طان يمسك بالجرايد ويحرقهم في شرفة غرفته بينما طرق الباب ف قال : اتفضل

دخلت تيا وأغلقت الباب وراؤها ثم وقفت أمام هاري وهو يحرق الجرائد وقالت : تفتكر دا الحل ؟

هاري بهدوء : تفتكري انا بعمل كدا عشان نفسي ؟ انا زعلان اني ورطتك معايا !

تيا : مورطتنيش دا دوري ك طبيبه بس من فضلك حاول تساعدني كلام والدتك بقى جارح جدا

هاري : مفيش ف ايدي حاجه انا عاجز زيك

تيا : مش هينفع نقف متكتفين كدا

هاري بهدوء : انتي مقرتيش الجرايد صح !

تيا : لا ومش مهتمه

هاري : لا المره دي لازم تهتمي

تيا : مش فاهمه مالها الجرايد يعني

هاري : تيا ! .. الصحافه حددت معاد جوازنا من نفسهم والناس اتفاعلت مع معاد الفرح لدرجة في أتيليهات بتعملنا فستان الفرح ك نوع من الكادو ” الهديه “

وضعت تيا يدها على فمها في صدمه ثم قالت : عشان كدا أهلي مبيردوش عليا !

هاري : انا اسف

تيا : ممكن تاخدني انا وانت بعربيتك لمكان ؟

هاري : فين ؟

تيا : هقولك في الطريق يلا من فضلك

أخذ هاري مفاتيح سيارته ونزل على الدرج مع تيا وما إن وصلوا حتى وجد والده ووالدته وشقيقته الصغرى ينهون طعامهم ف قالت والدته عندما رأنه يسير خلف تيا : طبعا ! بقت تمرمطك معاها واحنا خلاص منظرنا هيكون زفت قدام الناس لو خالفنا معاد الفرح والمطلوب مني ك أم العريس اني أنزل أختار الاجهزه والأثاث عشان أفرح بالترتيبات

هاري بغضب وهو يحاول أن يتمالك أعصابه : لو سمحتي يا ماما بلاش الكلام دا عشان مش عاوز أفقد أعصابي

الكاشف باشا : خلاص بقى متقعديش تضايقيهم بس لو سمحتي يا دكتوره

انتبهت تيا لصوته ف قالت : أيوه ؟

الكاشف باشا وهو ينظر لها : حاولي تسرعي في علاجك للحاله بدل ما كمان كام يوم نشوفك بفستان الفرح وأظن دا مش مناسب ليكي

والدة هاري بغضب : ولا لينا ولا لمركز عيلتنا كمان

طتفت تيا ذراعيها وقالت : متقلقيش حضرتك انا مش جايه أتجوز أنا جايه أعالج الحاله

والدة هاري : طب كويس انك عارفه ، برافو

غضبت تيا ف خرجت للحديقه ولكن توقف هاري أمام طاولتهم وقال وهو يضغط على أسنانه : متضغطوش عليها زياده العيب مني انا هي بتحاول وبتعمل كل اللي تقدر عليه

والدة هاري : بطل تدافع عنها وتشيل نفسك الذنب يا حبيبي ، انا عارفه انها هتفشل وساعتها هعاقبها عقاب قاسي

ضرب هاري الطاوله بيده بعنف حتى اهتز العصير وقال : مش من حق حد يعاقبها غيري

ثم ارتدى نظارته الشمسيه وخرج للحديقه ف وجد تيا تقف بإنتظاره ف قال وهو يفتح سيارته : يلا عشان الصحافه بتصور

ركبت تيا بجانبه ف عندما وصل للبوابه شبك أصابع يده بأصابع يده ف خفق قلبها ونظرت له ف قال : لحد ما نخرج من البوابه بس عشان الصحافه متشكش فينا

خرج بسيارته مسرعا من بين تساؤلات الصحافيين : مستر هاري هل صحيح حددتوا ميعاد فرحكم ؟

يا ترى رايحين فين حاليا هل مشوار يخص تجهيزات الفرح ؟

هل قصة الحب اللي نشأت بينكم هتنتهي نهايه سعيده !

وما أن تجاوزهم هاري حتى سحبت تيا يديها وتنفست بارتياح ثم قالت : بقوا حاجه مزعجه جدا

هاري : متقلقيش هتتعودي عليهم

تيا : أنا مش عاوزه اتعود أنا عاوزه أعالجك !

هاري بغضب : وتمشي وتسيبيني !

تيا : مش قادره أفهمك ما دا اللي طبيعي يحصل ان أمشي مش فاهمه انت مستني ايه

هاري : هه لا ولا حاجه اعملي واجبك وامشي وسيبيني

تيا : انت ليه بتخاف الفقدان كدا

هاري : مش بخاف الفقدان ، بخاف أفقدك انتي وبس ..

تيا : اشمعنا

هاري : عشان بتديني الأمل في حجات كتير ولو مشيتي الأمل هيروح معاكي ومش هعرف أخف وهتعب أكتر

تيا : بمناسبة علاجك والدتك بتقول انها هتعاقبني لو فشلت في

قاطعها هاري وقال بعنف : محدش هيعاقبك غيري !

تيا : خلاص إهدى طيب !

هاري : هنا ؟

تيا بابتسامه : أه خلاص وصلنا

نزل هاري من سيارته وقال : جبتينا هنا ليه ؟

تيا وهي تمد يدها له : هتعرف جوا .. يلا ؟

مد يده وأميك بيدها بقوه ف ابتيمت ودخلوا سويآ

وما إن دخل حتى وجد الكثير من فقاعات الماء والبالونات يمسكها أطفال صغار ، تنفس بطريقه سريعه وجاء ليخرج ف حضنته تيا وقالت : إهدى ! انت كدا خايف وانت في حضني !

هاري بصوت مختنق : خرجيني

تيا : متخافش !

هاري : خرجيييني

تيا : شششش اهدى

إقترب أحد الأطفال بالبالونات ف اتسعت عينا هاري وما أن جاء ليفتح فمه ليصرخ حتى أمسكت تيا بوجهه وقبلته بعنف ، إرتخت ملامحه كثيرآ وهو يضمها بين يديه ونسى تمامآ ما يدور حوله واندمج في تقبيلها بينما دخل الصحافيين وصوروهم على هذا الوضع .