رواية سقطت كالنجمه بقلبي وأنارته – الفصل السادس والعشرون
● كنت أود لو تبقى بجانبي تمد يداك إلي لتلمس جراحي وتسحبني من عمق الظلام الى نور قلبك 
●
●○ في منزل هايدي ○
هايدي بصدمه: طلقتها ليه ؟
فؤاد : ماما حكتلي على كل حاجه يا هايدي مستحملتش كذبها واللي عملته فيكي انا اصلا متجوزتهاش عن حب صدقيني ! محبتش غيرك ولما عرفت انك سيبتي البيت حصلي صدمه كنت همد ايدي عليها لولا أمي وقفتني في اللحظه الاخيره ..
هايدي بتوتر : إديني وقت افكر
فؤاد : مقدرش مش هعرف
هايدي : إزاي يعني مش هتعرف
فؤاد : محتاجك جمبي أنا نفسيتي تحت الصفر
هايدي : معرفش يا فؤاد بس من فضلك متضغطش عليا
هشام : خلاص يا فؤاد سيبها تاخد وقتها في التفكير متضغطش عليها
إقترب فؤاد منها وهي جالسه ف أغمضت عينيها عندما قامت بإستنشاق عطره ثم قبلها في رأسها وإشتبكت بعض من خصلات شعرها في ذقنه ثم همس لها وقال : هستناكي ترجعي بيتي ، وفي حضني المره دي يا هايدي
إحمرت وجنتاها خجلآ ف إبتسم لها فؤاد وخرج برفقة هشام وما إن وصلوا ألى السياره حتى ضحك هشام ف قال فؤاد : بتضحك على ايه ؟
هشام : لا مفيش بس مكنتش اعرف اإنك تعرف تمشي أمورك لوحدك من غيري
فؤاد : يا عم اتنيل
ثم ضحك هو وهشام سويآ
○ في منزل نيروز ○
كانت مرهقه إلى حد كبير وهي تحادث زميلتها : أه محتاجه منك ٢٠٠ جنيه قبل اخر الشهر وهرجعهم لك وعد ، مم تسلميلي يا ااااااه
زميلتها : ألو نيروز مالك !
نيروز بتوتر وعرق : المياه بتاعت البيبي نزلت يا نهار اسود !
زميلتها : اييييه انا جيالك فورآ
وقع الهاتف من يد نيروز ثم صرخت بإعلى صوتها : اااااه
○ في منزل والدة هشام ○
كان هشام قد ذهب الى منطقته ليأخذ سياره جديده من المعرض الخاص به ف ذهب لوالدته ليطمئن عليها
والدته : مالك مش على بعضك ليه لسه بتفكر في الهانم اللي سقطت
هشام : شوفتها يما مسقطتش الحمل كان باين عليها وفي الأواخر
والدته بسعاده : بجد والنبي ! هي بنت اصول مش ممكن تموت ضناها
هشام : بس مش راضيه ترجعلي يما ، لسه بتكرهني
والدة هشام : مفيش واحده بتكره واحد هتحافظ على ابنه يخايب
هشام : لا مش شرك ما يمكن محافظه عليه عشان روح مش اكتر
والدته : بطل هبل واتكلم معاها مره واتنين وعشره
هشام : تفتكري !
والدته طبعآ أفتكر الزن على الودان امر من السحر
○ في منزل نيروز ○
كانت صديقتها قد وصلت وما أن رأت نيروز حتى صرخت : يالهوي دي المياه نزلت فعلا انتي لازم تولدي انهارده
نيروز بتعب مبالغ فيه : مش هقدر حاسه اني مس هخرج من الولاده دي بخير ااااه
صديقتها : بطلي هبل بعد الشر ، انتي لازم تتصلي على جوزك
نيروز بتعب وصراخ : لا والنبي لا متكلميهوش مش عيزااه هو السبب في اللي انا فيه اااااااه
صديقتها : يالهووي لا لازم اكلمه حرام عليكي يا نيروز
ثم أمسكت صديقتها بهاتف نيروز وبحثت علها تجد رقم هاتفه وبالفعل وجدته ف اتصلت به على الفور
رد هشام : نيروز ! كنت لسه بفكر اكلمك و ..
صديقتها : أستاذ هشام انا صديقة نيروز هي مياه البيبي نزلت ولازم تولد الليله تعبانه جدا ممكن أبعت لحضرتك العنوان واتساب وتيجي فورا
هشام : ابعتي بسرعه !
○ في منزل فؤاد ○
كان يجلس بجانب والدته في حيره وحزن ف قالت والدته : متقلقش يابني ربنا يحنن قلبها عليك ، مش عايزه ادعي على راندا دي
فؤاد : مالوش داعي يماما اهي راحت لحالها بس نفسي هايدي توافق
والدته بإبتسامة رضا : هتوافق يابني بإذن الله ثق في ربنا
أرجع فؤاد راسه للخلف بتعب وقال : يااارب
○ في سيارة هشام ○
كانت والدته تجلس بجانبه بقلق وهي تقول : حتى لو الاسعاف إتأخرت متقلقش يابني انا مولده بنات العيله كلهم
نفث هشام هواء من فمه بقلق وقال : ياارب اهو العند بتاعها دا سبب تعبنا
وما ان وصلوا حتى نزلوا ركضا وصعد الى الطابق الذي أرسلته صديقتها وضرب جرس الباب ف فتحت زميلتها بقلق
دخل هشام مندفعآ ف وجد ميروز ملقاه على الكنبه وقد بلغ التعب حده على ملامح وجهها ف انحنى بسرعه ليحملها بقوته بين يديه ف اغضمت عيناها الم ، إحتضنها قليلآ ف قال : إنتي عندي اهم من البيبي مس هعرف اعوضك انا جمبك يا حبيبتي مش هسيبك
ثم قالت والدة هشام لزميلتها وهي تشمر اكمامها : سخنيلي مياه بسرعه وهاتيلي مقص
…
الفصل التالي اضغط هنا
يتبع.. (رواية سقطت كالنجمه بقلبي وأنارته) اضغط على اسم الرواية لتجد الفهرس كاملاً بجميع الفصول.