رواية سقطت كالنجمه بقلبي وأنارته الفصل الثاني عشر 12 – بقلم نهله جمال

رواية ~ سقطت كالنجمه بقلبي وأنارته ~ part 12

● أكرهك .. بكل ما تحمله الكلمه من عشق ●

إستيقظت نيروز على ضوء الشمس الذي يتسرب من نافذة غرفة النوم واعتدلت في فراشها تتذكر ما حدث لها ليلة أمس وعندما تذكرت عقدت حاجبيها وتنهدت ثم قامت لتدخل الحمام

بعدما إنتهت من الحمام خرجت وهي تضع أصابعها بين خصلات شعرها ولكنها سمعت باب الشقه يرن ف تجاهلته لإنها أعتقدت أن هشام سيفتح الباب ولكنه رن كثيرآ ف ارتدت الروب الخاص بها وخرجت بغضب وفتحت الباب ثك قالت بوقاحه : نعم !

الرجل : مساء الخير يا فندم انا علي شغال في السوبر ماركت أستاذ هشام باعت الحجات دي لحضرتك

نظرت نيروز للأكياس وحقائب الطعام والمواد الغذائيه بيد الرجل ف قالت بصدمه : شكرا ! دخلهم المطبخ من فضلك

دخل علي ووضع الأكياس على طاولة المطبخ ف أخرجت نيروز من حقيبتها عشرون جنيها ك بقشيش له وعندما قدمت له المال قال بخجل : لا ما هشام بيه ظبطنا وكدا كتر خيرك يا مدام

ثم ركض على الدرج سريعآ ، نظرت نيروز لأثره ثم صفعت الباب وهي تقول بقرف : مدام في عينك حيوان

دخلت المطبخ تنظر للأكياس كانت تحتوي على أجبان وألبان ولانشون وبعض من اكياس الحلوى وصابون المواعين ومسحوق الغسيل وصابون اليد والخبز

نيروز : وأنا لسه هحط كل دول مكانهم !

فتحت الثلاجه وبدأت تضع الطعام بداخلها بطريقه منظمه وبترتيب ثم وضعت صابون المواعين على حوض المطبخ والمسحوق بالقرب من غسالة الملابس المتواجده بالمطبخ أيضآ والصابون رصته في أرفف الحمام ثم جمعت الأكياس الفارغه ووضعتها بأخر درج بالخزانه علها تحتاجها في شيئآ ما

التفتت لتذهب للغرفه ف وجدت باب الشقه يرن مره اخرى ف قالت بغضب : قال يعني مش معاه مفتاح يدخل فالح بس يقرفني ..

فتحت الباب ف وجدت أمامها رجل يرتدي بنطال قماش أسود وبلوزه غير مهندمه ف قالت : ايوه ؟

الرجل : إزيك يا ست هانم هشام بيه كان عمل طلبات ودفع تمنها مع البقشيش وقالي وصلهم للمدام تحطهم

نظرت نيروز للأكياس بيد الرجل ف قالت : ودا ايه دا

الرجل : دا ديك رومي وست حمامات وبطتين وخمس فرخات وطبقين كبد وقوانص وكرتونتين بيض بس في كياس

نيروز : دا كتير اوي وتقيل عليك خش حطهم

الرجل : كتر خيرك يا مدام احم يا ساتر

وضع الرجل الأكياس على طاولة المطبخ ثم ذهب ف أغلقت نيروز الباب وراؤه وعادت للأكياس مره اخرى ثم تأففت وقالت : هو صدق نفسه ان احنا عرسان ! ربنا ينتقم منك يا بعيد

وضعت الطيور في الفريزر لتتجمد ورصت البيض في باب الثلاجه ثم رمت الأكياس لانها غير صالحه للاستعمال واتجهت ناحية غرفتها ، جائت لتتمدد ف دق الباب مره أخرى

نيروز : لا كدا كتييير انا هرتكب جنايه انهارده

قامت وفتحت الباب بغضب وقالت : نعم !

الرجل : صباح الخير يا ست هانم انا الجزار هشام باشا كان باعتني عشا

قاطعته نيروز وقالت بغضب : تجيب طلبات للزفت المدام بتاعته مش كدا !

الرجل : بالظبط كدا يا هانم الله ينور عليكي

نيروز : اتفضل حطهم ف المطبخ

الجزار : احم يا ساتر

وضع الاغراض ثم ذهب ف دخلت نيروز تفتش في الحقائب وقالت : كبده ومخ وممبار ولحمه عجالي وموزه وفخده ومواسير ايه كل دا ! جاب الفلوس دي كلها منين

وضعت اللحوم بالثلاجه وجائت لتذهب ف دق الباب ففتحت نيروز بابتسامه سخيفه وقالت : يا ترى مين المره دي ؟

السيده : بتاعت الخضار يا هانم جيبالك الفاكهه والخضار

نيروز من تحت أسنانها : حطيهم في المطبخ

○ بعد عشر دقائق ○

الرجل : احنا حلواني لابوار هشام بيه كان عمل اوردر جاتوه ومنقوشات وشوكولا

○ بعد ساعه ○

جلست نيروز بإرهاق وهي تضع يديها على جانب بطنها بتعب

فتح هشام باب الشقه ف وجدها تجلس على الأريكه ف قال : السلام عليكم

نيروز بقرف : وعليكم السلام

هشام : ايه مالك

اقتربت نيروز منه ثم قالت بقرف : انا اطيق العمى ولا اطيقك ف لو فاكر نفسك هتمشي البيت بالحجات اللي دخلت على ٤٠٠٠ جنيه اللي انت جايبها دي تبقى غلطان ، انت مش سي السيد ولا انا الست أمينه اللي هتطبخلك وتغسلك وتكنسلك ، انا ضيفه عزيزه هنا لحد ما نتطلق

هشام : هجبلك واحده تخدمك انا برضو ميرضنيش تعبك

نيروز : انت شكلك مبتفهمش احنا هنتطلق

هشام : مش هرد عليكي يا نيروز عشان انتي عارفه اني خدت حقي منك ولمستك غصب عني وانك استفزتيني

نيروز بقرف : اخرررسس مفيش حاجه اسمها غصب عنك !

هشام : لا فييه ودا اللي حصل ! انا مش طفس عشان اعمل معاكي كدا غصب عنك

نيروز : وايه اللي ف ايدك دا !

هشام : دا سمك وسبيط وجمبري جبتهم بنفسي من الشبرا

نيروز : كلهم لوحدك كل اللي انت جايبه دا وكلفت نفسك انا مش هطبخه

ثم دخلت غرفتها وصفعت الباب بقهر بينما تجه هشام الى المطبخ ووضع الاسماك في الثلاجه ثم اتصل على الماركت وقال : عايز كارتونتين مياه معدنيه بسرعه شقه ٣ الدور التاني يلا باي

○ بعد ٣ ساعات في الليل ○

وجد هشام نيروز قد خرجت من غرفتها وهي مرتديه ملابس الخروج وممسكه بحقيبتها ف قال : رايحه فين

نيروز : ملكش دعوه

هشام : انتي بتنرفزيني تاني اهو

نيروز : رايحه لعمي

هشام : الزياره الصبح واحنا دلوقتي بالليل

نيروز : ملكش دعوه

هشام بتماسك : انا بعاملك كويس عشان عارف اني غلطت ف حقك بس اقسم بالله يا نير ..

ولم يكمل حيث قاطعته نيروز وهي تضحك : ههههههه غلطت ف حقي ؟ انت دمرتلي مستقبلي ! حرمتني من يوم اي بنت بتستناه عشان تفرح انها بقت ملك الانسان اللي بتحبه ! انا مبحبكش وانت عارف دا وبعد اللي حصل كرهتك .. مستني مني ايه احنلك واحبك تبقى بتحلم !!!!

هشام بحزن : خلصتي !

نيروز بإرهاق : اه خلصت انا

هشام : انتي ايه

نيروز : بكرهك

هشام : عارف

نيروز ببكاء : ولما انت عارف سيبني بقى مبقيتش طيقاك ولا طايقه شكلك ولا طايقه ريحتك ووجودك .. انت ااء انت توديني عند تيته .. سا سامع وديني عند ..

ولم تكمل حديثها حيث وقعت مغشيآ عليها بين يديه ف قال بقلق ورعب : نيروز !!!