رواية مرات اخويا – الفصل الثاني
الفصل الثاني
الفصل الثاني _ مرات أخُويَا.
_____
=مريم.. مريم رُدي عليا مريم انتِ كويسة ؟؟
قالها طه بقلق على مريم التي وقعت بين يديه فجأةً، نهض برفق على عجله يتحدث في الهاتف مع إحدي الاطباء اصدقائه نطق قائلا بعجله
=لازم تيجي حالاً مرات أخويا وقعت فجأة ومش عارف فيه ايه
=اهدي يا طه بيه انا هاجي بأقصى سرعة بس العنوان..
=هبعتهولك في رسالة بس متتأخرش سامع
=حاضر .. حاضر..
اغلق طه الهاتف ثم حاول حمل مريم برفق لا يود لمسها ولكن لا حيلة اخرى يديه ثم وضعها على الكنبه ليضع عليها غطاء كبير يخفي جسدها ثم ظل يدور حول نفسه بحيرة وتوتر وهو لا يعلم ماذا يفعل الآن امسك هاتفه مرة اخري يتصل على زوجته لتأتي في الحال ل ربما تساعده ولو قليلًا وبالفعل استجابت…
بعد نصف ساعه وقفت بجانبه أميرة تقول بغل
=دي مسهوكه والله ياكش تموت ونخلص منها بقي.
=ايه يا أميرة ده وقته الكلام ده حرام عليكي يا شيخه متعرفيش تقولي كلمه حلوة ابدًا يعني ؟!
تنهدت بضيق شديد وهي ترمق، رن جرس الباب ليذهب طه ويفتحه ليري الطبيب فقال لهُ طه بقلق
=جوا أهي بسرعة الله يخليك يا دكتور..
جلس برفق وهو يتفحصها بوقتٍ كافٍ، ثم إبتسم قائلا
=مفيش حاجة تستدعي القلق.. المدام حامل في شهرها التاني..
نطق الاثنان معاً
=إيه؟!
=هو فيه مشكلة ولا حاجة؟
هز طه رأسه قائلا
=مفاجأة بس علينا ، شكرا يا دكتور تعبناك معانا
= كتبت ليها شوية ادوية وفيتامينات، على ما تروح لدكتور تتابع معاه..
هز رأسه واخذ الورقة ثم اوصله ليخرج من الشقة، جلست أميرة بغضب ووجهها أصفر ها سلفتها حامل في المرة الثانيه وهي لم تُجيب طفل حتي الآن حتي ..
هزت رأسها بغضب وهي ترمقها قائلة
=لازم أسقطها لازم.. والله ما هيكمل الحمل ده ابدًا.
عاد طه اليهم لتبدء مريم تفوق وهي تتعرق ودموعها تنزل ببطيء قائلة بصوت رافض
=لاء.. ياسين.. لاء .. اوعي تمشي يا ياسين.. انا لسه بحبك .. بحبك أوي يا ياسين…
رمقها طه برفق قائلا
=إنتِ كويسة ؟ يا مريم .. مريم؟
نهضت بقوة رهيبة صارخه بأعلي صوتها
=يااااسيييين…
تفاجيء طه بها قائلا وهو يقترب منها يطمئنها
=اهدي اهدي بس شوية ياسين في سفر وكويس..
هزت رأسها وهي تبكي كالمجنونه
=لاء قالي ياسين عمل حادثة…قالي قالي البقاء لله ..
نهضت بسرعة تمسك يد طه قائله وهى بالفعل مُنهارة
=والله قالي البقاء لله … ده كداب ياسين مالحقش ده لسه خارج أكيد مش مات والله ما مات أتكلم يا طه أعمل اي حاجة علشان خاطري ابوس ايدك…
=اهدي يا مريم اهدي بس والله محصلش اي حاجة استني هنرن عليه طيب اهدي..
قام بالاتصال بهاتف أخيه ولكن لا رد أكثر من مرة فقال بتوتر
=اكيد بس مفيش شبكة ولا حاجة..
رن جرس الباب ليستدير يفتح برفق راي شاب يقف قائلا بهدوء
=ده بيت العالم الكيميائي ياسين التُهامّي؟
=أيوا هو فيه حاجة ؟
=البقاء لله توفي النهاردة أثر حادثة وهو حاليًا في المستشفي ولازم حد من اهله يستلم الجثة…
صرخت مريم وهي تقع أرضاً تبكي بكُل ذرة وجع من قلبها .. لم يكن فقط زوج بل كان كُل شيء حقًا، فقدته في عدة ساعات فقط ، كان منذُ قليل هنا يوعدها بالكثير يحتضنها ويُطَبِطب على قلبُها بكُلِ حٌب الآن رحل وتركها..
بينما شعر طه بقدمه لا تحمله رغم قوته المعروفة الا انه فقد أحد اجزاء وهو أخيه وحبيبه اتكأ على الحائط وبدأت دموع خفيفة تهبط من جانب عينيه ثم اشتدت فجأة على ذكرياته مع أخيه منذُ الطفولة الى الان عِشرة عُمر وليست كام سنه فقط ..
بعد لحظات صعبة عليه أفاق لنفسه بهدوء ثم حاول ان ينهض برفق قائلا وهو يمسح دموعه
=انا جاي حالًا فين عنوان المُستشفي؟
=العنوان(..).
هز رأسه قائلا
=اتفضل انا رايح بنفسي.
ثم التفت ل أميرة قائلا
=خليكي جنب مريم لحد ما اشوف الأوضاع دي ، ومتقوليش لأمي وابويا الا لما يرجعوا من العمرة.
هزت رأسها برفق في حين قالت مريم وهي تبكي ناهضة بصعوبة
=انا عايزة اشوف ياسين اكيد مش هو اللى عمل الحادثة والله مش هو انا حاسة انه بخير وكويس خُدني معاك علشان خاطري بِالله …
تنهد طه قائلا
=أفتكري ان فيه طفلة جوا من لحم ودم ياسين، انتِ عارفة تالا لو عرفت ممكن يحصلها إيه؟ ده بيبعد عنها سفر بس بتبقي حالتها زي الزفت .. ما بالك لو عِرفت أن ياسين مبقاش موجود… لازم تبقي جنبها لازم تبقي قوية فى لحظة زي دي يا مريم علشان خاطره، انا هتأكد وأكلمك نحضر مراسم الدفنه ماشي..
هزت رأسها برفق قاطع وظلت تبكي وتبكي ثم جلست ارضًا مرة أخري تقول كلمات غير مفهومه وتبكي بكُل قدرتها في حين تنهد طه والتفت مُغادِرًا، بينما ذهبت أميرة للداخل قائلة بغضب
=فرصتي لازم تسقط النهاردة.
أخرجت هاتفها تتصل بالطبيبة الخاصة بها قائلة
=الو.. اسمعيني كويس وهديكِ الفلوس اللى عاوزاها بس لازم تسمعيني… عايزة دواء يسقط بأسرع طريقة ممكنه… في الشهر الثاني هي… طيب ابعتيلي على العنوان اللى هبعتهولك ووعد الفلوس تبقي عندك وأكثر المهم المفعول يبقي أسرع.
_____
يُتبّع.
الرواية فصولها قصيرة ولكن احداثها كتيرة وفيه مفاجئات وصدامات كبيرة، رأيكم مهم.
الفصل التالي: اضغط هنا
يتبع.. (رواية مرات اخويا) اضغط على اسم الرواية لتجد الفهرس كاملاً بجميع الفصول.