رواية مرات اخويا – الفصل التاسع
الفصل التاسع
الفصل التاسع _ مرات أخُويا.
_____
بعد عدة محاولات وتكسير السيارة بسبب الطلق وتعب طه وارهقاه، وصريخ مريم وبُكائها، استطاع ان يتخطى السيارات بذكاء بل وجعلهم يصطدمون ببعض واخري انقلبت، هبط مرسي من سياراته صارخاً بغضب
=اااااه ماشي يا طه الكلب … وراك وراك والزمن طويل… هتروح منى لفين ؟.. اخلصوا اتنيلوا …
بينما توقف طه بالسيارة بتعب في مكان هاديء يستند للخلف قائلا بتعب شديد
=انتِ كويسة يا مريم… تالا؟
خرجت مريم من مكانها وحالتها مرزية تبكي بخوف ثم امسكت يد طه بخوف شديد
=مين دول يا طه وعاوزين مننا ايه انا خايفة خايفة اووي …
توتر قليلا من لمستها ليديه ثم قال بتنهيدة
=اهدى يا مريم مفيش حاجة دلوقتي خلصنا منهم محدش لا يقدر يأذيكي او يأذي تالا فى وجودي، دول شوية عصابة وهيتخلص عليهم..
=يعني ايه وعاوزين مني ايه انا مش فاهمة ليه دة كله بيحصلى ليه كل البلاوي دي عملت ايه في حياتي انا !!!
=استغفرى ربنا يا مريم ، المؤمن مُصاب، الحمدلله جت على قد كدة…
مال على تالا التي كانت ترتعش باكية بخوف وتحتضن طه وتدفن رأيها فى عنقه قائلة
=انا خايفة اوووي يا عمو .. خايفة العروسة بتاعتي تموت…
ربط على ظهرها بحنان شديد قائلا
=متخافيش يا قلب عمك، محدش هيموت لا انتِ ولا العروسة …
ظل يربط على ظهرها يهديها حتى استطاعت ان تنام بهدوء ، وتوقفت عن البكاء.. أدار طه محرك السيارة مرة أخري يقود وعقله فى اكثر من مكان حاليا زوجة اخيه وابنته في خطر .. وعليه أن ينقذهم الآن وبأى طريقة كانت…
نظر بجانبه ليرى مريم نائمة ، ملامحها باهته ضعيفة السواد حَلْ اسفل عينيها بشرتها امتلأت بالحبوب والكدمات، لكنها ورغم كُل هذا تبدو جميلة.
اشاح بوجهة بعيدًا عنها ، ثم استمر في القيادة الى ان وصل اسفل العمارة هز مريم برفق قائلا
=يلا علشان وصلنا.
هزت رأسها ونهضت بتعب من السيارة وهو الاخر حمل تالا وعروستها لكن وقع شيء م العروسة هبط طه للاسفل لتبدو فلاشة لونها أزرق وضعها في جيبه ثم استمر وصعد للاعلى …
وضع الطفلة على فراشها ثم جذب عليها الغطاء ، التفت لمريم قائلا بهدوء
=انا لازم اخرج عندى كام حاجة اعملها ، بس هرجعلكم مرة تانية.
هزت رأسها بهدوء ليخرج هو من الشقة ثم اتجهت هي لغرفتها بقدم ضعيفة بطيئة جذبت صورة ياسين التي تجمعهم سوا ومعهم تالا اخذتها في احضانها ثم ألقت بنفسها على الفراش تبكى بقوة رهيبة وخنقه قد احتلتها اسوء م الاول لا تعلم سببها وبدأ كل شيء سيء يتجمع بها قد فاقت قدرتها على التحمَُل ..
بعد ساعة ،دلف طه الى غرفته التى في المنزل خلع ملابسه ودلف ليأخذ شاور ثم خرج مرة اخري يرتدي ملابس جديدة وقام بهندمة نفسه بتعب وعينيه تؤلمه كم يود النوم ولكن خلفه مسؤوليات كثيرة تُحيّل بينه وبين النوم ..
ضغط بقدمه على شيء في الأرض وهو الفلاشة التي وقعت من جيب بنطاله نظر لها بحيرة ثم قال
=ايه دي .. فيها ايه ؟
خرج الى الصالون ثم فتح اللاب ووضعها فيه بهدوء ورفق ولكن هناك وقت لتشتغل ف امسك هاتفه يتصل بشركة الحرس ثم قال بهدوء
=الو.. انا طه حرب التهامي…
=اهلا يا طه بيه اؤمر…
=عاوز اكثر من طقم حرس كامل يكون قوي وكويس جدا جدا لأنهم لو غلطوا مش هسامحك ولا اسامحهم مفهوم.
=اللى تؤمر بيه يا طه بيه تحب يكون فين..
=بيت اخويا، لازم يحرس مرات أخويا وبنته كويس ويكون فيه ع الشقة وتحت العمارة وفوق في اخر العمارة كله م الاخر عاوز حراسة مكثفة، هبعتلك العنوان وكل التفاصيل هتبقى مع نوال السكرتيرة بتاعتي .. ماشي ؟
=اعتبره حصل يا طه بيه..
اغلق طه الهاتف برفق ثم لمح بعينيه ملفات وصور ظهرت من خلال الفلاشة دقق النظر فيهم لتتسع عينيه بذهول قائلا بصدمة
=يا نهار أسود … إيه دة؟؟!
_____
=يوه مش عاوزه اكل يا حرب سيبني بقي.
قالتها فاطمة بزمجرة، فقال بضيق
=لا هتاكلي .. ولا عاوزه تروحي لابنك وتسبيني لوحدي في الدنيا…
بدأت تبكي مرة اخري قائلة
=اعذرني دة ضنايا، شاب زي الورد راح م الدنيا هدر.. وبنته بقت يتيمة ومراته ارملة مريم اللى زي الفل شايف حالتها ؟
ترك طبق الاكل من يديه قائلا بحزن
=دي ارادة الله عزوجل انا بموت اكثر منك بس مفيش في ايدي حاجة اعملها العياط والقهر مش بيرجع اللى فات لازم ندعي لياسين بالرحمة، غير ان مريم وحفيدتك محتجاكينك، أهي حاجة من ريحة ياسين مش عاوزه تقومى ليهم بالسلامة ولا ايه … دول دين في رقبتنا لازم نفوق ليهم
=بحاول.. بس انا انسانه لازم يحصلي دة كله وقبل انا ام يا حرب هموت م الحسرة على ابني اللى زي الورد ضاع في شربة مايه
=لا اله الا الله.. ربنا يرحمك يا بني ويجعلك من أهل الجنة، كلى بقي علشان عاوز اقولك على موضوع هكلم فيه طه ..
بدأت تتناول ببطيء وعدم شهية ، ثم قالت وهي تمسح دموعها بكف يديها
=خير موضوع ايه ..
=عاوز طه … يتجوز مريم.
تصمر طه مكانه على باب الغرفة عندما وصلت لأذنه تلك الجُملة العجيبة ف نطق بدهشة
=نعم.. أتجوز مين ! مريم ؟ مرات أخويا !!
نظر له حرب بهدوء ولم يعقب ف اقترب طه منه قائلا
=اللى سمعته دة اكيد غلط صح !
قالت فاطمة هي الاخري
=صح يا حرب ايه الكلام الفارغ دة بس البت لسه جوزها ميت وروحها فيه عاوز تجوزها اخوه هتحصل مشاكل بسبب الموضوع غير عدتها لسه مخلصتش.
تنهد حرب قائلا
=ارتاحي انتِ يا فاطمة .. تعالي معايا يا طه نتكلم برا.
بالفعل اخذ طه المذهول للخارج في الحديقة وجلسوا بجانب بعضهم فقال طه بصدمة
=ما تفهمني يا حاج فيه ايه
تنهد حرب قائلا
=لا مريم ولا امك ولا غيرة لازم يعرف اللى هقولهولك دة يا طه.. اخوك ياسين مش مات عادي الحادثة بفعل فاعل انا لما وصلت هنا قابلت الظابط وقال ان اخوك فيه ناس ضربته بالعربية ولسه بيحققوا في الموضوع ! واخوك قبلها جه وقالي انه بيكشف حاجة تبع مستشفي بيستخدموا لقاح كيماوي او حاجة زي كدة في قتل الناس حاجة تبع تخصصه انا مفهمتش اوي واعتقد الناس دي خايفة اخوك يكشفهم ف قتلوه .. حق اخوك قبل ما ييجي لازم نفكر الاول في بنته ومريم مهو اكيد هيبصوا لمريم او لتالا وانا مش حمل خسارة تاني..
=ف لازم تتجوز مريم تحميها وتحمي بنت اخوك الموضوع دة مفيش غيرك يعمله !!
غضب طه قائلا
=انا متفهم ومتابع الموضوع وحق اخويا جاي وحماية مريم عندي بس مش لازم بجواز انا جبت حرس يبقوا معاها ف كل مكان.
=فكرك الحرس ايه هيحموها مثلا ؟ لاء ممكن في لحظات يخلصوا عليهم وياخدوها وجودك معاها في أي لحظة مهم جدا وعلشان الناس متتكلمش يبقي فيه علاقة بينكم بالاضافة اني بقي ميجيش حد يفكر يتجوز مريم وياخد مننا البت ! جوازك من مريم مصلحة من كل مكان ولو ع أميرة هفهما انا.
نطق طه بعصبية
=أميرة مين انا طلقتها اصلا الموضوع مش هي الموضوع مريم اختي بشوفها اختي الصغيرة مرات أخويا تبقي مراتي ازاي اعقل الكلام يا حاج.
=ايه طلقت أميرة ازاي تعمل حاجة زى دي يا طه انت اتجننت !!
=مش وقته الموضوع دة مش هاممني، انا ف جوازي من مريم انا مش أخلص من علاقة ادخل في علاقة سيبني اختار علاقة بحريتي واتجوز براحتي انا مش آله ولا لعبة تحركها وتجوزني للي عاوزها !
نهض حرب من مكانه قائلا بمنتهى الصرامة
=دة قراري غصب عن اي حاجة مش هقف اتفرج واسيب كل حاجة تبوظ لانك مش عاوز يا طه .. وبلغ مريم كلامي والا تنسي بنتها تالا خالص وحذاري حد يوقف قصاد كلامي..
نظر لهُ طه بغضب ووجهة ممتعض، مقسم ان تلك المرة لن ينظر لانه ابيه وسيقف امامه وسيُظهر طه القوي الذي يهابه الجميع لن يقبل بزوجة اخيه زوجة مهما كلفه الامر !
_____
يُتبَّع .
_سُؤال ديني، في رأيكم هل العدة تسقط عن مريم لأنها ارملة وأسقطت أم لاء؟
الفصل التالي: اضغط هنا
يتبع.. (رواية مرات اخويا) اضغط على اسم الرواية لتجد الفهرس كاملاً بجميع الفصول.