رواية الام الهوى – الفصل الرابع
٤…. رياض بصلها بصدمه
وقال….. ينهار اسود يلا لازم نلحقهم بسرعه ..
.ديما قالت….طب اعمل انك مغمى عليك وان انا بفوقك
رياض قال…لا كده ممكن يفتكرو انى زعلت علشان شوفتها انا مش هينفع انتى اعملى مغمى عليكى بسرعه يلا
ديما نامت على الارض بسرعه وقالت …اهوه رياض راح على اوضت مروان وبقى يخبط جامد على الباب مروان فتح وكان لابس منطلون بس
وقال ….فى ايه
رياض قال…الحقنى ديما اغمى عليها اجرى هاتلها ميه من تحت بسرعه يارا طلعت وهى لابسه لبس خفيف جدا وروب وكانت سايباه مفتوح
وقالت …ايه مالها انا هروح اشوفها وراحت على الاوضه ولقتها على الارض ورياض راح وقف وراها
وقال…انتى روحى انا هفوقها انا انا بعت مروان يجبلى ميه
يارا قالت ….وسبتها وجيت تخبط وهتستناه يجيب من تحت ومشوفتش الميه دى الى على الكمود رياض بص للكوبايه و
قال….اه تصدقى من الخضه عليها مااخدتش بالى بس يارا قربت عند وحدنه
وقالت …من الخضه عليها ماشوفتش الميه ولا من الغيره عليا سكعت مراتك وسبتها عشان تبعد مروان عنى
ديما فتحت نص عينها وشافتها قريبه منه كده بقت تكح ويارا بصتلها
وقالت ….لو التانيه انا هستناك بكره باليل ومتخافش مش هخليه يقربلى لحد ماتاجى ونشوف ومشيت جيه مروان
وقال …اهوه جبتلكم الميه رياض اخدها منه وبقى يعمل نفسه بيفوقها وديما حطت ايدها على دماغها
وقالت بالم مصطنع ….اه دماغى
مروان قال بفرحه …اهيه فاقت
رياض قال …اه فاقت
مروان قال…طب اروح انا رياض قال …امم اه خلاص روح انت ومروان طلع ورياض قعد على السرير بضيق وحط اديه على راسو وديما قعدت جمبه
وقالت بغيظ…كنت قريب منها كده ليه ها ليه كانت لازقه فيك كانت بتقولك ايه ها رد عليا
رياض قال …كانت فاكره انى عملت كده من غيرتى عليها
ديما قالت …ياسلام وانا هساعدك
رياض قال…لا فاكره انى انا الى عملت فيكى كده انا خبطتك او حطيتلك حاجه او ايا كان المهم هى هتستنانى باليل
ديما قالت….فين رياض قال …..فى اوضتها
ديما قالت …ليه …
رياض قال …هو ايه الى ليه يعنى انتى مش عارفه ليه
ديما قالت….لا مش عارفه دى مرات اخوك
رياض قال…لا و هى مشاء الله اخلاقها ودينها ميسمحوش بكده ابدا يعنى لو مكنتش اخو جوزها كان بقى عادى
ديما قالت ….كان اتبلعت شويه يعنى
رياض قال …مش عارف انا هعمل ايه دلوقتى محتار خالص
ديما قالت ….محتار فى ايه بالظبط مش فاهمه
رياض قال…فى الى حاصل ده
ديما قالت….هو فى واحد من الاختيارات انك تروح
رياض قال ….طبعا بس بفكر اروح واستدرجها شويه مش كتير يعنى اصور واوريها انا بنفسى لمروان ولما يشوف كده يطلقها بس خايف يزعل منى انا كمان
ديما قالت …صح هى فهمتو انك سبتها علشان انت حبيتنى وانها مظلومه هو ميعرفش انها كانت اصلا طمعانا فى الفلوس انت الغلطان دايما بتتعامل على ان انت لوحدك فى الدنيا لا بتحكى لحد ولا بتشرح بس انت عمرك ماقولتلنا حتى سبتها ليه لازم يصدقها لان هى حكتلو انما انت ماقولتش غير انها طمعانا فينا
رياض قال…وانتو يهمكم يعنى
ديما قالت …طبعا يهمنا احنا عيلتك صح انت عصبى وبارد ومستفز وتخوف بس انت مننا انت ضلع فينا ازا بتتوجع نتوجع معاك انت بس الى بتشوف ان احنا منستاهلش تضيع وقتك فأنك تحكيلنا بتشوفنا لا هنحل ولاهنربط
رياض قال…لا مش كده انا بس مش بحب اضايقكم بس طالما انتى حابه تسمعى مفيش مشكله انا خطبتها لسبب فى دماغى مصلحه يعنى بس بعد كده لقيت ان هى بقت تطلب طلبات كتيره فلوس هدايا عربيه انا الاول ماكنتش مدى خوانه بس بعدين لقت الموضوع زاد عن حده انا مرضاش انها تستغلنى لان هى حلوه وانا راجل وبلين لا ده موضوع تانى
ديما بصتله بغيظ وقالت…يسلام بقى هى حلوه
رياض قال….اه حلوه بس مش أحلى منك انتى فى حته تانيه لوحدك انتى غيرهم
ديما ابتسمت بكسوف وقالت…طب انت هتعمل ايه دلوقتى
رياض قال..هقول لمروان انها قالتلى كده وانى هروحلها باليل وهروح وهو يشوف بقى وخلاص
ديما قالت….اه بس كده هيزعل وقلبه هيتكسر والقلب ده مش فاظه نجيب غيرها الواحد لما القلب بيتكسر والثقه بتتحطم بيكره حتى نفسه ومابيبقاش قادر حتى يصدق نفسه بيبقى كاره الدنيا كلها
رياض نزل دماغه بحزن لانه عارف انها بتقصد تجربتها مع محسن بكلامها بس رفع عيونه بدهشه لما
قالت…بس اوقات من قلب الحزن ده بيتولد فرح ومتعرفش يمكن كده احسن بس اخدت بالها لكلامها حمحمت بحرج
وقالت…انا قصدى يعنى انو يمكن ربنا شايلو حاجه احسن حتى لو مش دلوقتى احتمال تبقى مأجله وتاجى بعدين وبعد ماتاجى تروح تانى عادى برضه
رياض ضحك بخفه وقال….اه عادى ماحنا الحظ النحس لابسنا مش عايز يسيبنا حببنا قوى مش عارف ليه
ديما قالت ….بيحس باأخواته عشان كده لازقلك
رياض قال…على رأيك يلا انتى رأيك يعنى مقولهوش
ديما قالت …لا طبعا كده يزعل
رياض قال ….تمام على خيرة الله أول ماينزل بأذن الله يلا انا هنام دلوقتى واستناه بكره بقى ونام وديما بصتله بزهول
وقالت…شكله مافهمش ده ونامت هى كمان
فى صباح يوم جديد قامت ديما مالقتش رياض فى الاوضه قامت اخدت شور ونزلت تشوفه ..بس لقته واقف عند الباب
قالت …رياض بس شافته بيبص لأوضت أخوه بصت هى كمان وشافت يارا قاعده جمب مروان وبيلبسها عقد ألماظ غالى
ديما قالت …ده الماظ ولا انا اتحولت
رياض قال …ياريتك اتحولتى ياديما دى كارثه ودخل بغضب
وقال…مروان مروان بصله
وقال …حبيبى ايه
رياض قال بغضب …حبك برص ..انت بتعمل ايه
..مروان قال…قاعد مع مراتى ولو سمحت تبقى تخبط على الباب قبل ماتدخل لأن انا مبقتش لوحدى فى الاوضه زى زمان انت عارف بقى وضحك وقال…. يعنى الواحد لما بيتجوز
رياض قال بعصبيه …ياحلاوتك تعال معايا تعال واخده وطلع بيه
وقال …ملقتش غير دى تتجوزها
مروان قال…مش انت قولت انك مش بتحبها وانك بتحب ديما خلاص زعلان ليه
رياض قال …حتى لو مينفعش تتجوز الى كانت خطيبتى وتاجى تحطهالى فى البيت قدامى مش انا اخوك
مروان قال …طب انت لو زعلان انا ممكن اخدها وامشى نسكن فى اى مكان تانى ياعمرى متزعلش نفسك
رياض قال …اه وبدال ماتاخد مليون تاخد عشره حلو مشاء الله فصيح لا خليك هنا قدام عينى يمكن اقدر اسيطر بس على فكره مراتك لسه عايزانى وقالتلى بس
مروان قال ….انت وديما عملتو كده علشان تبعدونا عن بعض مش يارا
رياض قال….جاى فى دى تنصح
مروان قال….لا انا منصحتش دى يارا اناعارف انك خايف عليا بس متخافش لو جرحتنى وقشاطتنى مش هاجى ابكيلك باى بقى هروح اشوفها ومشى ورياض اتنهد بيأس
وقال ….مش هتبكيلى ماانا هكون با أبكى معاك ياغبى ونزل عند ديما يارا كانت بتتكلم معاها
وبتقول….وهرب منك ليه ياترى استكفى كده من مره واحده ولا انتو من زمان مقضينها ديما نزلت دموعها بسرعه ولسه هتتكلم بس اتفاجأت برياض مسك ايدها وقف قدامها
وقال….لا يا يارا هو بس كان عايز واحده وسخه زيك ولما مطلعتش الحمدلله زيك فا خلع بس واخد ديما من ايدها ونزل بيها وديما كانت بتشهق جامد
رياض قال …ممكن تبطلى بكى وتردى عليها هى طالما شايفاكى بتزعلى وتعيطى بالطريقه دى هتفضل تعاملك كده قاصده تضايقك اوقفى وكلميها زى ما بتكلمك متقوليش لحد سبب دموعك لانه هيبقى عارف امتى يقدر يبكيكى وقت ماياجى على بالو بس
ديما قالت وسط شهقاتها……انا بخاف ومش بعرف ارد ابدا بس رياض حاوط وشها باديه ومسح دموعها
وقال…انتى مش لازم تخافى ابدا الخوف نقطة ضعف والضعف غلط تمام
ديما قالت…انا هوريلك هعمل فيها ايه لما تاجى تانى انت صح انا هبهرك انت استنا وشوف
رياض قال… تمام
ديما قالت …هروح اجيب حاجه نشربها رياض هز دماغه بأيوه وديما مشيت ورياض
قال بصوت واطى… بلاش الثقه دى الله بسترها معاكى انا عارف الى بياجى وراها يلا ربنا يستر وقعدت على الكنبه بعد شويه جات ديما ومعاها العصير وكان مازن قاعد معاهم وبعد شويه جي مروان ويارا وقعدوا هما كمان جنبهم بعد شويه يارا بصيت لديما
وقالت… ديماحسيتك زعلتي من شويه وعيطتي ما كنتش اقصد اصل الناس بره بيقولو كده وانا طبعا مصدقتش فا قولت اسالك وديما مالت على رياض
وقالت بصوت واطي….حبهرك اتفرج على فنون الرد وحطت ايدها على كتف رياض
الفصل التالي اضغط هنا
يتبع.. (رواية الام الهوى) اضغط على اسم الرواية لتجد الفهرس كاملاً بجميع الفصول.