رواية الام الهوى – الفصل الثالث
٣….. مروان قال… انا اتجوزت يارا تمام انا بحبها بس رياض بصله بصدمه
وقال ….مين اللي اتجوزتها يارا
مروان قال… اه يارا مش زي ما انت فاكر يارا كويسه ومحترمه وبتحبني وانا كمان بحبها
رياض بصله بضيق وقال..جدا واتجوزتها كده من نفسك
مروان قال….. لا اتجوزتها لو سالتكم ما حدش كان هيوافق رياض طلع على اوضته بغضب من غير ولا كلمه وديما بصيت لمروان
وقالت ….انت ازاى تعمل كده تتجوز البنت اللي كانت خطيبه اخوك وبصت ليارا بقرف وقالت …. بعدين ما انت عارف هو سابها ليه
يارا قالت.. سابني عشان حمار ساب الجواهر عشان ياخذ بنت الضفاير يلا يا مرمر تعال هنروح على اوضتنا و حط ايده في ايدها وطلعوا على فوق وديما طلعت تشوف رياض بس لقت رياض مكسر المكان حوالي وايده مجروحه وقاعد على الأرض عند السرير ديما قعدت جنبه
وقالت …هو انت مش قولتلي بتحبني امال اتضايقت دلوقتي ليه
رياض بصلها بغضب وقال…. ابدا علشان مروان الاهبل اللي بره ده فاكر ان الست يارا بتحبه واتجوزته عشان ميته في دباديبو عشان عاشقه سواد عيون امه ما يعرفش انها جايه هنا اساسا عشان تدمرنا كلنا وتاخد الفلوس وترمينا في الشارع رميه الزباله من البيت بس موضوع مش مستاهل يضايقني ويزعلني وينرفزني ويعصبني لا خالص عادي وايه يعني لما ترمينا وتاخد اللي ورانا واللي قدامنا ونروح احنا بقى عند سيدنا الحسين نبيع مسابح على الباب
ديما بصيتلو قالت …. وانت لما تكسر المكان كده وتعور ايدك يعني هيمشيها وبس بقى عشان انا شويه وهعيط
رياض قال…. تعيطي ليه هو في حد كلمك
ديما قالت….ايوه مش انت بتزعق
رياض قال …..انا بزعق على ده الي فاكر انها بتحبه وانا دلوقتي لو رحت وشرحتله وحكيتله مش هيقتنع بالموضوع وهيقول انى انا بعد ما سبتها ندمت مطلوب مني حاجتين يا ارميهم بره واضمن فلوسنا ونقعد في بيتنا يا اما بقى استنى الست يارا لما تحب انت ما تحب تلعب وتاخد الفلوس وترمينا كلنا انتى ما حدش كلمك عشان تعيطي وسيبيني بقى يمكن اعرف افكر يمكن الاقي حل
ديما قالت …طب يعني ما نعمل حاجات كده هي ما تقدرش تستحملها فتقوم تطفش و تروح تشوفلها حد تانى تضحك عليه
رياض بصلها بطرف عينه و قال…. هى هتاخد ملايين ومثبته اتجوزت واحد علشان الفلوس هتطفش بالسهوله دي ازاي هتعملي ايه يعني
ديما قالت ….انت ما تعرفنيش لما احط حاجه في دماغي اناشريره بص هقولك هنعمل ايه
رياض قال… هتعملي ايه بقى يا شريره
ديما قالت …هنكب كاتشب في ميه البانيو تفتكروا دم وتتخض ممكن كمان مثلا نحطلها ملح فى الشاي بدل السكر وممكن كمان
بس رياض حط ايده على بقها وقال…. وممكن كمان تروحي تشوفي هتعملي ايه وتسيبيني افكر هيبقى احلى اكيد وهتطفش اسرع
ديما قالت …على فكره فكرتي حلوه
رياض قال بسخريه….كده هنطفشها من كتر الضحك يلا بقى سيبيني افكر انتى روحي اعملي الكاتشب
ديما قالت….. انت شكلك كده استهونت الموضوع ما احنا ممكن نعمل حاجه اصعب شويه
رياض قال… انا بفكر في الموضوع على طريقتي انا يعني خليني افكر
ديما قالت…. مثلا يعني نحط لها افعى في البانيو ممكن مثلا نعملها عفريته
رياض قال….بصي هو انا يعني عارف انك بتساعديني طبعا ومقدر المجهود اللي انتى بتبذليه معايا بس برده لو تتكرمي وتسكتي وتسيبيني افكر انا هتصرف
ديما قالت….على فكره انا ما كنتش حابه اصلا اقولك مالك بس لما لقيتك زعلت وطلعت قولت اعمل بأصلى
رياض قال بغيظ…. شكرا
ديما قالت….العفو ونطت تاني جنب رياض
وقالت….. انا لقيتها
رياض قال… هي ايه دي
ديما قالت… هما فى الاوضه اللي جنبنا يعني احنا هنشوفهم من الشباك ولما يطلع مروان نعرف ايه اللي عايزه توصله بالظبط واحنا نقفلها
رياض قال ….دي فكره كويسه مع الاسف انتى معاكي حق راح فتح الشباك شويه صغيرين بس رجع قفله تاني وقعد على السرير
بحرج وقال ….احم احم هو بعدين نبقى نراقب مش هينفع دلوقتي
ديما قالت باستغراب…. ليه يعني
رياض قال …..يعني مش هينفع دلوقتي شويه كده نبقى نروح
ديما قالت….. ماشي برده ليه مش دلوقتي
رياض مشى ايده على شعره من ورا بحرج وقال…. ايه هما يعني هي مش بتخطط دلوقتي
ديما قالت….ليه مش المفروض اول ما تحط رجلها تقوم تخطط على طول
رياض قال…. مش على طول قوي يعني اديهم نص ساعه كده ونراقبهم
ديما قالت…. هو ايه الى مش على طول وشويه ونص ساعه ابعد كده انا رايحه بس رياض مسكها من ايدها بيمنعها
وقال… ما قولتلك شويه يا بنت انتى ما بتفهميش خالص
ديما قالت ….انا مش فاهماك انت ليه مش عايزنا نروح مش انت الفكره عجبتك
رياض قال …. الفكره عجبتنى بس مش هنروح دلوقتي مش فاضيين
ديماقالت ….مشغولين بايه دلوقتي
رياض قال …يوه مشغولين باللي احنا كنا مشغولين بيه امبارح
ديما كانت مبرقه عينيها بشده وقالت….. انت قصدك انهم
رياض قال …ايوه
ديما قالت…. يا نهار اسود احنا المفروض نتدخل ودلوقتي كمان….
رياض قال….. دلوقتي دلوقتي ازاي
. ديما قالت….. باي طريقه كام يوم وتقول ان هى حامل وتقعد في البيت وما نعرفش نطلعها لا هي ولا الولد ده غير ان احنا مش هنعرف اصلا الولد ابن مروان ولا جايباه من حته تانيه استغفر الله العظيم رياض بصلها بصدمه
وقال….. ينهار اسود يلا لازم نلحقهم بسرعه ..
الفصل التالي اضغط هنا
يتبع.. (رواية الام الهوى) اضغط على اسم الرواية لتجد الفهرس كاملاً بجميع الفصول.