رواية خالتي مبسوطة – الفصل الثالث
سعيده…. الحقى يا خالتى سهى جارتنا قالتلى حبيبتى انتى انا هجبلك عريس هتجوزنى يا خالتى
مبسوطه… لازم بعد ما دفعتيلها المواصلات ٣ مرات
سعيده… لا هى حبتنى لله ف لله يا خالتى
مبسوطه…. طب يا ختى اما اشوف اخرتها معرفت الميكروبصات دى
سعيده… اهوه الباب بيخبط يا خالتى اكيد جابت العريس
وراحت سعيده وفتحت الباب ولقت بنت فى العشرين ومعاه بنت تانيه فى التلاتين…
سعيده… اهلا وسهلا اتفضلو
دخلو
البنت… انا جنى بنت رياض محمود مهندس كبير دى سميحه تخيلي ان بابي يتجوزها صعيديه على فكره دي اكبر مني ب ١٠ سنين بس هي عشان عينها على الفلوس اتجوزت دادى
سميحه… لا مش عشان الفلوس عشان اهلى ركزو على انهم يبعدو عنى الشباب الصغيرين……. ماخدوش بالهم للخمسينى اللى ساكن القلب والعين
مبسوطه… انتم بنت ومرات ابوها مش كده شكل الحلقه نار النهارده قهوه يا بنت يا سعيده
سميحه… والنبي يا خاله كوبايه شاي حكم اني حاسه ان دماغي منى خارجه
جنى… سامعه الالفاظ
سميحه… يه هو انا قولت الفاظ خارجه انا بقول دماغي هي اللي خارجه
مبسوطه… ادخلوا في حكايتكم وما تحتكوش ببعض
جنى… مامي ماتت من فتره وبعدين اتجوز دى واللي حصل كنت بره البيت وبكلمها فون…
جنى….. شوفي بقى يا زفته انا عازمه اصحابي وعايزاكي تعمليلهم الاكل كتبتلك في ورقه عندك باي …… وقفلت فى وشها بعد شويه وصلنا
جنى….. يلا يا سميحه هاتى الاكل
صاحبت جنى…. ايه ده
سميحه…. ده ممبار ودى لحمه ودمعه وملوخيه…
البنت….. ايه الاكل ده كده هيبوظ رجيم بتاعي
سميحه… ده احنا عندنا في البلد الرجيم بيتدى من هنا تعالي اما اقولك انتى تضربي طبق ورق العنب ده وورك من الرومى بالزبده الفلاحى ده هتلاقي نفسك زي الفل في بعضك بدل ما انتى معصعصه كده….
جنى…. انتى بتعملي ايه ملكيش دعوه بالبنت سوري سوري يا بنات اكيد في لبس حصل دمعة ايه فين الاكل اللي انا قلتلك تعمليه
سميحه… ما هو انتي كاتبه الورقه بالانجليزى واني يدوب باقرا العربي بالعافيه مش هعرف اقرا انجليزي ما عرفتهوش فقمت عاملالك اكل على زوقي بس اكله حلو يعني وعاملالكم ام علي بعد الاكل ودى مش واحده لا مأخذه حضرتك هتاكلوها دي اكله انا مش هجيبلكم مره اسمها ام علي واقطعهالكم يعنى
صحابها… احنا اكيد مش هناكل الاكل ده عن اذنك يا جنى
ومشيو…
جنى… كدا مشيتى صحابي
سميحه… يوه وانا اعملك ايه يا اختي قلتلك ما عرفتش اقرا اللي انتى كاتباه اللي عرفت اعملو ومالو يا جاحدين ده رومى ومحشى وياما
جنى… شايفةيا بابي عملت فيا ايه قدام اصحابي عايزه اتاكلهم مامت علي
سميحه لوت بقها وقالت… مامت علي مين ام علي اسمها ام علي داهيه في ثقافتكم مش عارفه هتتجوزوا كيف وانتو ما عرفينش تخشوا المطبخ
رياض… ينفع تعملي كده انتى ما عملتيش الاكل اللي في الورقه ليه
سميحه… وانا عرفت اقراه عشان اعمله بس انت كده لازم تغلطني قدامها عمرك ما تقف معايا ولا تنصرني ولا تبل ريقى بكلمه حلوه بس على رأى المثل جوه وبره فرشنالك وانت مايل ايش يعدل حالك
مبسوطه… انتى قولت لجوزك قدام بنته كدا عيب يا ماما هتتاخد على حاجات تانيه
سميحه… احسن هو كل مره يقف معاها هي
جنى… انا جايه اشكلها علشان هو مش بيقف معايا وبيقف معاكي قالى طول النهار واقفه في المطبخ وما اعرفش ايه وهي واقفه عشان تحطني في الموقف ده قدام اصحابي لو كانت قالت مش هعمل وانا طلبت اوردر كان احسن
سميحه… ايه الدودر اللي انتى عايزاه ده
جنى… اوردر
سميحه… ايوه ايه ده يعنى
جنى… شايفه الجهل في مره قولتلها عايزه هوت شوكليت راحت السوبر ماركت جابت شيكولاته بره التلاجه بيتتها في العلبه بتاعتها وبتقولي خدى الشكولاته الحرانه اللي طلبتيها
سميحه… ايوه مش هوت يعني حر والشيكولاته يعني اللي انتى قولتيها الاول ديت انا مش جاهل انا واخده اعداديه مرتين اه والله سقطت وعتها خيرا تعمل شرا تلقى
مبسوطه…… بس كملوا حكايتكم
رياض… شوفي يا بنتي يا حبيبتي وحيد ابن صاحبي راجل كويس ومهندس وشافك وعايزك بالحلال ليه مش عايزه تتجوزيه
سميحه… عشان ده مش وش ستره ولا جواز دي هيتجوزها اسبوع هيرجعهالك لا بتعرف تطبخ ولا بتعرف تكنس ولا بتعرف تعجن ولا حتى بتعرف ترقص وريلو الحيه وهى بتتلوى كده فرجى بابى يا جنى
رياض بغيظ… توريني ايه اسكتى
سميحه… توريك ان كلامى صوح مغص عندها لما بترقص
جنى…. اسكتي انا مستحيل اتجوز بالطريقه دي اوكي
سميحه… امال هتتجوزي بأنهي طريقه حبتينى حبيتك والاحضان والبوس ورا الشجر هنوكا في الجنينه وكوبايتين لمون ويطب عليكم البوليس ويكبس عليكم متلبسين………..في وضع مخل لا يصح للاطفال المراهقين
رياض…. انتى بتقولي ايه اسكتي
جنى… لا يا دادى انا مش عايزه لو سمحت اقفل الموضوع ده
رياض… خلاص خلاص في حفله عاملها صاحب الشركه ابو وحيد هنروح الحفله ولما تتعرفي عليه يمكن يعجبك ولو ما عجبكش خلاص
سميحه…. هيهي انتى تشوفيه عجبك تتجوزيه ما عجبكش عادى نجرب مره تانيه وتانا وراكى لحد ما يعجبك
جنى….. استغفر الله العظيم ما لقتش غير صعيديه تتجوزها
رياض… مالها يا بنتي دي بلد الحظ كلو
جنى… قصدك بلد الناموس والجاموس كله
سميحه… اه يا اختي وانتى عارفه راس الجاموس بقت بكام دلوقتي فيها رجاله بجد مش زي هنا عيال خيخه الولد اللي جبتيه معاكي في الصبح يحضر العزومه عليا الطلاق اجمد واحده في الصعيد ما مربيه شعرها كيفو
رياض… عليكى طلاق ماشي اجهزو بالليل الحفله
جنى… البسى حاجه كويسه ما تفضحيناش
سميحه… هبهرك
جنى… استر يا رب
باليل
جنى… احنا بقالنا ساعه لبسنا هي اللي مش راضيه تنزل اوه ايه اللي انتى لابساه ده
سميحه… فستان
جنى… انتى حاطه مناكير اصفر على فستان احمر
سميحه… ايوه والصندل ابيض والطرحه سوده لو خدتى بالك عشان بحب التلات الوان دول مع الاحمر الاحمر مع الاصفر يا اختي ولا الابيض مع الاحمر يا لهوى ولا الاسود مع الاحمر يا خرابي يهبل
جنى… انا مستحيل اروح الحفله مع علم مصر دى دي لو راحت معانا هنبقى مسخره قدام الناس انت عايز تروح بيها انا ذنبي ايه
سميحه… هيء مالو علم مصر ايه مش عاجبك المناكير
جنى… لا مش عاجبني
سميحه… عنو ما عجبك هو انتو في حاجه بتعجبكم في البيت ده مش عجبك انتى يا سى ريو
جنى… مين ريو
رياض.. احم اه مين ريو يمكن كلمه مش مفهومه
وعض على شفايفه عشان سميحه تسكت
وقال… يلا بينا هنروح الحفله سميحه ما لكيش دعوه بيها
سميحه… على راسى يا رافع معنوياتي ومعلى مصروفاتي
وراحو الحفله..
وحيد….. ازيك يا اونكل
رياض… الحمد لله يا وحيد يا ابني اخبارك ايه دي جنى بنتي ودي سميحه مراتي
وحيد…. اهلا اهلا وسلم عليم
بس سميحه مسكت ايده
وقالت وهى بتبص لجنى…. بيضه وكيف القمر……. بس السان يضرب كيف القطر….. الشعر اسود وطويل……. والرمش اسود وكحيل…….. بس القلب اسود من ظلام الليل….. شرانيه والعرق براني……. وانت غلبان والقلب وحداني…… هيلبسوك فيها ويدوك بيها كفوف… هتمرر عيشتك وايامك السود……هتقلبها اسود من قرن الخروف
وحيد… ايه ده
سميحه…. قولت اقولهالك قبل ما تاخد قرار….. وتوقع وتنزل في حفره ملهاش قرار….. وانت يا حبت عينى صغير وقلبك على نار انا اصلى جدعه فى قراية الكف وكشف الاسرار….
جنى… سيبى الولد
سميحه… مش بقراله الكف
جنى… ما تقريش حاجه كنتى عرفتى تقري الورقه وتعملي الاكل بدل ما جايه تقري كف الناس سوري يا وحيد هي مش متعوده اصلا على الاحترام هي كده
وحيد… لا بالعكس دى ظريفه
سميحه بهمس لرياض… هو ده العريس اللي منظرين عليه يا قلب امه ده اللى امه دعت عليه وهى فى الحرم
رياض… اش
جنى… ورجعنا البيت ليه قالت كده
سميحه…. صعب عليا وقولت اكشف المستور واللي انتو عايزين تعملوه انتى وابوكى فى الولد يرضيكي يا خاله اشوف واحد هيتدبس وما اقولهوش
مبسوطه… لا ما لناش دعوه بيه نخلينا في حالنا
ها وايه اللي حصل
سميحه…. جو اهل يزروني عادي جدا زي اي واحده
ابوها….. السلام عليكم
سميحه…. وعليكم السلام اتوحشتك قوي يا ابوي
ابوها… وانتى يا سميحه يا بنتى توحشتك قوي
سميحه… يا جنى تعالي سلمي على ابوى
جنى….. هو حد رحب بيكي علشان تجيبي ابوكي هاي يا اونكل
امها…. هى بتكلمنا من تحت الضرس كده ليه يا اختي
سميحه…. عادي ياما ولا يهمك سيبك منها
امها… انا مش عارفه عجبك فيه ايه ابوها وهو معاه بنت قدك وهي قاعده منشفه ريقك
سميحه…. هى اصغر منى ودلوك تتجوز ياما وتهملنا البيت انا وجوزي لوحدينا
جنى… اه انتى عايزه تبرطعى في الفيلا براحتك
سميحه… اكتمي دلوكتى واطلعى يا بت العبيطه هبقى اقولك لما نطلع
جنى… انا بنت العبيطه
يميحه… ايوه امي هتفهم انى علشان تسكت وانتى لسه
جنى… لا لا انا لا اقبل الاهانه دي ولا بمسبت مامي ومش هتجوز يا سميحه وبيت ابويا محدش هيقدر يمشيني منه
ابو سميحه…. انتى بتشتم البت واحنا واقفين ولا ايه
جنى… اه هشتمها وهضربها كمان ليك شوق في حاجه
سميحه… يخرب بيت ابوكي اطلعى
امها…. تضربى مين مش عشان سيبنهالكم تفتكروها سايبه قومي يا بت نروحو وليها راجل يردها
سميحه…. البيت بيت جوزي وجوزى ما وصلنيش وما قاليش حاجه هي دي اللي بتقول وخليها تقول مع نفسها تهري من هنا لسنه……… مسمار جحا واندق هنا
ابوها…. احنا ما هنقبلوش بقله الحيا يلا معانا
سميحه.. يا ابوي الله يسترها معاك دي عيله هتعمل عقلك بعقل عيله
سميحه…. رياض الحق اهلى هملولي البيت ومشوا وانا عايزه اهلي جبلي بيت لحالي اقعد فيه
جنى… عايزه تاخدي بيتك عايزه تقسمى والراجل لسه عايش ما ماتش انتى عينك من الفلوس بس الخيار ما بيبقاش كده دادي يا انا يا مراتك في البيت
رياض….. انتى بتقولي ايه ازاى تقولى لابوكى كلمه زي دي انتى بنتي انا ما اقدرش ازعلك
سميحه… بس تقدر تسيبني مش كده
رياض…. ولا انتى اقدر ازعلك بس
جنى… ما بسش يا بابا انا مش هعيش مع البنت دي في مكان واحد مش هسمحلك انك تبعني لوحيد علشان تفضي البيت للهانم
وبس طلع وساب البيت.. ومش راضي يرجع الا لما نحل مشاكلنا انا وهي قال كدا وراح عند عمي
مبسوطه…. يا بنتى انتى غلطانه على طول بتقوليلها يا جاهله وده ما ينفعش ظروفك كانت احسن منها وتولدتى بنت راجل غني ودرستي وتعلمتي وتنورتي يبقى نيجي على الناس اللي اقل مننا لا بعدين دي بنت في سنك زيها زيك بس هي اخدت ابوكى علشان هي عيزاه مش عشان الفلوس بعدين يا حبيبتي ابوكي مش عايز يبيعك ابوكى عايز يجوزك حتى لو ما كانتش سميحه في الموضوع هو كان هيجوزك
انا عارفه انك زعلانه على امك الله يرحمها عشان كده مش متقبله انه يتجوز واحده تانيه بس لازم يكمل حياته وهى حقها انها تعيش هي كمان لسه صغير
سميحه بدلع…. انا قولت ما اخدش شاب يلوعنى
اخد خمسينى يدلعني….. من حظى طلعتلي بنتو تشرشحني
جنى…. شايفه الالفاظ
مبسوطه…. معاكي حق طبعا هي ما تتعاشرش بس هي نيتها سليمه هي عملت الاكل بدل ما يقعدو على كده ولبسها كده هنعملها ايه ما تاخديهاش الحفله ليه
انتى يا سميحه كمان تبقي كويسه معاها اعتبريها اختك
جنى… انا اخلي دي اختي
سميحه.. رضينا بالهم والهم ما رضاش بينا لما قلنا ناخد العله وتبقى منينا
مبسوطه… انا دايما بصراحه بسمع عن مرات الاب والبنت بس بشوف مرات الاب الظالمه اللي بتطفي السجاير فقفى بنت جوزها حكايتكم دي اول مره بصراحه اشوفها انتى يومين وتتجوزي تعيشي حياتك وحتى لو ما اتجوزتيش حاولي تتاقلمي معاها يعني هي ليه تعمل اكل لاصحابك هي بتعملك من عندها يبقى المفروض نقولها شكرا
سميحه…. والله العظيم عداك العيب وقذح وركب قوس قذح
مبسوطه… تستحملو عشان ابوكى اللي بيحبك من موقف زي ده يعني هو يقعد من غير جواز تيجي بكره وبعده تتجوزي وتسيبيه في البيت لوحدو مش عايز واحده تونسه
انتى كمان يا سميحه حاولي تخليكي في نفسك يعني ما تتدخليش فى جوازتها هو هيشوفها عاجباه ياخدها مش عاجباه يسيبها مش الضمير هيصحى دلوقتي بلاش الضمير ها
سميحه…. والله انا كنت مدياه برشامه ريفو ونايم وروحت هناك عشان اشقطلها الولد بصراحه صعب عليا
جنى… لا غيرتى وكنتى عيزاه ليكى
سميحه…. يا اختي مش محتاجه اخدت ابوكى مدلعنى ومتدلع واللي مش عاجبه يولع
مبسوطه…. ما فيش فايده بصو حاولو تكونو كويسين عشان خاطر الراجل اللي طفشتوه ده بنت جوزك مش ضرتك عشان تكرهيها خليها اختك وصاحبتك لما تحتاجيها تلاقيها وانتى…. هي ما اخدتش ابوكى من امك وطلقتهم لا سمح الله ولا حاجه هي ماتت وهي اتجوزته ومش هتاخد مكانها لا مكان امك محفوظ هى كده الحياه ناس بتيجي وناس بتروح المهم نرضى بالمقسوم…
جنى… انا اصل قررت اتجوز وحيد
سميحه…. احسن…
سعيده… جنى انا من رأيى تفضلى جمب ابوكى اولى ووحيد ما تزعليش عليه جوزيهونى انا واشيلو فى عينى
مبسوطه… ما فيش فايده… لاكن هسأل سؤال ايه سبب كره البنت ومرات الاب انا بقول بالنسبه للبنت الغيره طب ومرات الاب مش عارفه قولولى انتو سبب مقنع
على كلا الحقد وحش شيلوه من قلبكم بدال ما يلونه بالسواد…. وده مش كلامى ده كلام رب العباد
(بسم الله الرحمن الرحيم )
(وَلَا تَجْعَلْ فِي قُلُوبِنَا غِلًّا لِّلَّذِينَ آمَنُوا رَبَّنَا إِنَّكَ رَءُوفٌ رَّحِيمٌ ) (صدق الله العظيم )
الفصل التالي اضغط هنا
يتبع.. (رواية خالتي مبسوطة) اضغط على اسم الرواية لتجد الفهرس كاملاً بجميع الفصول.