رواية خالتي مبسوطة الفصل الثاني 2 – بقلم جيجي

رواية خالتي مبسوطة – الفصل الثاني

مبسوطه… يا لهوي على الجو الناس هتموت من حر

سعيد… لا يا خالتي انا مش هموت من الحر انا هموت واتجوز بقولك يا خالتي ما تدوريلي كده على عريس وتصتاديهولي زي ما اصطدتى المرحوم

مبسوطه… لا يا اختي المثل بيقول امشي في جنازه ولا تمشيش في جوازه وانتى بالذات مش همشيلك في جواز عشان انتى مش وش ستره

سعيده….. كده يا خالتي وانا مستغربه الناس ما بتجيش ليه لما انتى تقولي عليا كده الناس تقول ايه دايما كده كاسره نفسي

مبسوطه…. طب قومي يا اختي افتحي الباب اللي بقاله ساعه بيخبط ده بدل ما اقوم اكسر رقبتك

سعيده… طب بقولك يا خالتي سيبك من الباب في واحد بيبيع تين شوكي على اول الشارع ما تديني فلوس يا خالتي اروح اشتري منه شكله مزه قوي يمكن اشقطه

مبسوطه… قومي افتحي الباب بدل ما اشقطك انا بالشبشب اجيب اجلك

سعيده… يوه رايحه يا خالتي

فتحت سعيده الباب وكانت بنت في العشرين

مبسوطه… بقولك ايه يا شابه الحجه مبسوطه هنا

سعيده… شابه وحجه اه هنا اتفضلى

البنت… طب يا اختي قوليلها نرجس

سعيده… واحده نرجس يا خالتي مبسوطه عايزاكى

مبسوطه… اهلا يا حبيبتي اتفضلي

نرجس….. شوفي يا خاله مبسوطه انا ام جوزي واخته طلعوا عيني هو كان بيسافر وانا كنت قاعده مع اخته هى متجوزه بس اول ما جوزها بيطلع من البيت بتيجي تبلط لنا ولما تاجى مروحه اخر النهار تاخد الاكل والعيش وانا كنت ساكته بس هي دي بقى خلته يطلقني ويتجوز صاحبتها بس انا ما سكتش اه ورجعت حقي من عينيهم تالت ومتلت ومربع بس كنت عايزه اخد رايك في الحوار اصل انا حقانيه وما احبش اجي على حد اه

مبسوطه…. طب يا اختي تعالي اقعدي شاى يا سعيده احكيلي حكايتك من اولها

نرجس… انا هحكيلك حكايتي قصتي وروايتى يا خالتي

حماتها….. ايوه يا جمال يا ابني مرتك راجعه من الشارع شايله اكياس سودا وطلعت بيها على شقتها ومعاها كيستين وفي واحده تالته حطاها تحت بطاها وانا ايش عرفني يا اخويا جايبه فيها ايه اهي حاجات اسالها هى انت بقى واعرفلي ايه اللي كان في الشنط ورن عليا قولى سلام

تعالي يا بت يا حسنه مرت اخوكى طالعه شقتها وجايبه كياس شوفتى فيها ايه

حسنه… دستهم قال يعني مقطعين روحنا عشان نعرف اللي جايباه في الكياس السودا من فلوس اخويا دي الحقى ياما نازله من على السلم تاني ودت الكياس وهتنزل رايحه فين يا نرجس

نرجس… رايحه عند امي افرط خلايقى شويه

حسنه….فرطي يا اختي ما تفرطيش ليه قوليلي يا بنت يا نرجس هو انتى كنتى جايبه ايه في الكياس

نرجس… حاجات ليا وريحي نفسك يا اختي انا ماشيه فت العافيه بيكم مبليه

حسنه… روحي يا اختي ما تروحيش ليه ما هو على راي المثل اللي يغيب سبعها تلف على الجيران بكعبها

نرجس بردح… ليه يا اختي قلولك رايحه كباريه بنقول رايحه عند امي انا عامله كانى قاعد في الشارع اللي رايح عارف سرها واللي داخل عارف سرها داهيه تلمها اللى تتجوز في بيت عيله

حسنه… ما تلمي روحك يا اختي ليه منقصينك ولا منقصينك ما انتى قاعده واكله شاربه نايمه لابسه

نرجس… لا هو انتو لما جيتوا ختوني من بيت ابويا كنت قالعه كنت قاعده لكم ملط لا انا كده ابوس يدى وش وضهر بدام لبستونا وكلتونا وشربتونا البهايبه اللي فى حوشكم بتاكل وسعى عشان الكلام اللي هيطلع مش هيلد عليكم

ومشيت

حسنه… شايفه يا اما البنت بتشوحلنا كيف

امها… ايوه يا ولدى مرتك كانت بره وشرشحتنا انا واختك وما خلتلناش والله يا ولدي هزقاتنا قال ايه احنا حشرين وشاكين فيها ايه الكلام ده يا ولدي من ميتى بنسيبو الحريم تروح السواق احنا الكلام ده ما ينفعش معانا احنا ناس متربيه ماشي يا ولدي تبقى تلمها احسن حبلها يفك وبعد كده ما حدش يعرف يربطه واصل ماشي يا قلب امك مش هنعطلوك عشان وراك شغل

فى المفرب كانت راجعه من عند مامتها

حسنه…. خدي يا بت يا نرجس تعالي طالعه على شقتك ولا كلام ولا سلام

نرجس… واكلمكم ليه احنا مش لسه شاتمين بعض بالام قبل ما اطلع

حسنه… انتى بردك بتزعلي مننا وبتاخدي علينا ده احنا ما نقصدش ايه الكياس اللي جايباها معاكي وانتى راجعه

نرجس…. دي حاجات امي ادتهالي وانا جايه

حسنه… كل ما تروحي عند امك ترجعي شايله ومحمله الا تكونى بتدسى فلوس اخويا فى شنطتك وانتى رايحه وتشتري بيها وانتى راجعه قال يعني ايه امك بتديكي حاجات اصل امك مفلسه ما يكونش معاها جابتلك الحاجات دي كلها

نرجس….. لا لا لا كله كوم وتجيبي سيره امي كوم تاني تقفي عوج وتتكلمي عدل بقى انا يا مأيحين يا صدمانين يا عدمانين يا اللي محلتكوش اللضه ادس فلوس اخوكى هو بيسيبلي فلوس انا يا اختي بروح عند امي فاضيه برجع محمله ده انا الحاجه اللي بنقصها امي بتمهالي

حسنه….. انتى عايزه تقولي ان اخويا ما مكفيكيش وما بيبعتلكيش فلوس

نرجس…. لا بيبعت بس قليل روحت عند امي تمتلى وجابتلي الحاجات الناقصه اللى انتى واخوكى ما بتجيبوهاش يا اختي ما تتكلميش انتى عشان حتى العيش بتاخديه بعد ما ضهرى يطقطم فيه وما تفتحينيش عشان اللي بيطلع مني وحش وبعد كده تقولوا نرجس غلطانه وسعى كده

ومشيت

حماتها… هاتى التلفون ايوه يا جمال يا ولدي تعالى بسرعه مرتك كل يومين ترجع البيت شايله ومحمله الله اعلم يا اخويا مين اللي بيديها الحاجات دي بتقولةامي بس امها ما حلتهاش حاجه انت تنزل وتعرفلي الحاجات دي بتاجي منين وتحكمها وتشكمها حكم البنت اتفرعنت طب يا حبيبي مستنياك الليل الاقيك قدامي

نرجس… و اللي حصل كوم واللي جاي كوم يا خاله مبسوط انا قلت جوزي هينصفني قام كسفني

مبسوطه….. بصراحه يا اختي اللي عملوه اهل جوزك حاجه وحشه خالص

سعيده…. لا واللى جاى خراب اسمعي بس الاول قبل ما تسمعي انتى عندك كاميرا يا خالتي الناس بتشوفينا منها هاتيها عليا الله يبارك لك بصوا يا بنات وركزوا معايا

تلاته ما تتجوزوهمش لو قعدتو في بيت ابوكم على كده

اول واحد ود امه اللي ماشي بشورت امه

تاني واحد عديم الشخصيه اللي سامع كلمه امه محمد كلها الا انتى

تالت واحد بقى اللي ساكن مع امه واخواتو

مبسوطه…. سيبك من الكاميرا يا حبيبتي وخلينا في حكايتك

نرجس… اه نرجع للحكايه كنت قاعده بلم شقتي واذا بالباب خبط فتحت لقيتها حسنه

خير يا حسنه

حسنه… يا لهوي هو انتى لابسه بنطلون يا بت

نرجس…. انتى مالك البس بنطلون ولا البس شورت ولا اقعد بلبوص في الشقه انتى مال امك

حسنه…. انتى بقيتى عصبيه قوي يا بت

نرجس… ماني لازم اتعصب قاعده فى شقتي جايه تسالى البلطنون وشاغله روحك بيه هو كان السبب فى سقوط الدوله العثمانيه

حسنه…. امي عايزاكي تحت

نرجس… نازلالها نزلت الميه من زورك وزورها باذن الله ما تتبلعش كده

ونزلت…..خير يا حماتي

حماتها…. بصي يا بنت عايزاكى تنضفى البيت ده وتكنسيه وتطلعي الجل فوق السطح عشان ينشف وبعد كده تفودى الفرن بالفواده عشان بقت سماد اسود على طول

نرجس… لا لا سماد ايه وفرن ايه ما ينفعش النهارده الراجل جاي من السفر عايزه اطلع عشان لما يجي يلاقيني حلوه ومتشيكه عشان يسمع كلمتي ويطنشكم قصدي يعني يلقى مرته حلوه وقاعده مستنياه

حماتها…. لا احسن لما ياجي يتقالو ان انتى ما بتسمعيش كلمتنا وما بتعمليش حاجه في البيت

نرجس… حاضر اما اشوف اخرتها

وبقت تلم البيت وبعدين دخلت جوه الفرن وبقت تمسحها بالقماشه وكان وشها كله اسود

جمال… فين نرجس يا اما

امه… اول ما عرفت انك جاى دخلت جوه الفرن قال ايه يعني بتنضف

نرجس… يا مرك يا نرجس هو مش النرجس ده ورد لونه جميل لو شاف اللي على وشى ده هيقول عليا الزمبوقا السوداء

جمال.. اللي انتى عامله في روحك ده يا بنت ارجع من الغربه الاقيك بالمنظر ده

نرجس… معلش يا جمال حقك عليا والله العظيم امك واختك مخلوني استحميت ولا غيرت ولا عملت حاجه ده حتى الوكل ما خلونيش طبخته

جمال… اطلعى اوضتك

امه… تعال يا حبيبي احنا عاملينلك اكل اختك طبخته الواحد ملوش غير امه واخته

نرجس… طب ما تجوزيه اخته معذبه روحك وطلعتيه من حجرك ليه يا حاجه

جمال… نرجس قلتلك اطلعى

مشيت

نرجس…… بص بقى البنت دي قليله ادب وبجحت فينا كلنا انا بقول ان انت تكسر عينها وتتجوز البنت عاليه صاحبتي والله العظيم بنت زي العسل

جمال…. انتم عايزينى اطلق مرتي

حسنه … مين قالك تطلقها الشرع محلل اربعه

امه…. اه يا ولدي بكره نروح نطلبوها والاجازه اللى جايه تتجوز ونكسر عينها بدل ما هي قاعده مبجحه كده ومحدش عارف يلمها

جمال… انا هعمل كده ياما

وطلعو

نرجس…. تتجوز عليا يا جمال بعد كل اللي مستحملاه مع امك واختك عشانك ليه يا حيله امك ده انت اللي بتاجيهم من السفر اول على اخر 10 ايام عايزين تقسموهم مع واحده تانيه على ايه ياخيبتكم قال… رضينا بالهم والهم ما راضيش بينا

حسنه… اخوى راجل وده حقه

نرجس.. انتى عادى يعنى جوزك يتجوز اربع حريم

حسنه…. والله لو مش مكفياه يتجوز ده اخويا بس قلبه طيب ما رضاش يطلقك

نرجس… يا قلبه لا على ايه تاجى منى انت خليك على حجر امك واسمع كلمتها بكره تعرف خيري اما تجرب غيري واقولك على حاجه انا رايحه بيت ابويا وورقتى توصلني تتجوز عليا يا مصبتى ليه وانا وحشه ولا ايه تتجوز تاني هارون عصرك عشان انا ماشيه وهتجوز واعيش عيشه زي الفل وانت خليك ورا امك واختك بكره دي ترجع لبيت جوزها وتقعد عنده وتستقر مش هيستحملها كتير وامك دي بكره تموت وانت تقعد

وتولع البابور يا حله امك….. دخله عفريت ازرق ولا دخله امك….. ينعل امك

وهملته للبيت يا خالتي ورجعت عند امي

مبسوطه…. يا بنت الحلقه هتخلص وانتى ما قلتيش للناس رجعتي حقك ازاي انتى اتطلقتى زي اي واحده ما حصلش معاها نصيب بعدين انتى مش كنت بتهزئيهم ايه اللي خلاكى رجعتى جريتى ناعم ونزلتى تنضفى الحوش

نرجس…. ما هو اصل انا يا خالتي لما روحت عند امي قالتلي يمكن ما تقصدش والكلام بتاع الامهات الغلابه ده مش الحموات اللي بتسلط لا بعدين رجعت حقي ما رجعتوش ازاي انا جايلك في الحكايه لسه حسنه اخته كانت متجوزه واحد اسمه احمد

مبسوطه….. اه ده اللي مطنشاه وبتاجيلكم من الصبح تقعدلكم ماله

نرجس….. ده انا اتجوزته

مبسوطه… ايه ايه

نرجس… والله يا خالتي بعد ما خلصت عدتى طوالى ده اللي حصل

حسنه…… ياما الواد احمد انا حاسه انه بيلعب بديله حاسه متجوز عليا ياما ما بقاش يجي البيت غير مره في الشهر وباقي الايام قاعد بره ايوه والله العظيم يا اخويا ده اللي حصل

جمال… ايه يلا نروح للبيت التاني ده ونشوف في ايه هناك

نرجس… وانا قاعده في شقتي واذا الباب بيخبط عليا

نرجس… جمال اتفضلوا يا احمد مراتك الاولى

حسنه… انتى بتعملى ايه في بيت جوزي يا بت

نرجس…. لا يا حبيبتي انا هنا بعمل في بيت جوزي وانتى هناك بتعملي في بيت جوزك اه ربنا يخليهولي جابلي بيت لوحدى عشان ما اقعدش معاكي يا عقربه

جمال….. انت اتجوزت على اختي

احمد…. ايوه ده حقى اللي انت كنت هتعمله كل يوم رايحه من الصبح مهملا البيت وجايه عند امها خبرين بتتونس مع امها واخوها ومرت اخوها تقعدلكم انا قاعد مع مرتي وزي الفل عايزه تقعد في البيت مرحبا بيها مش عايزه تقعد الباب يفوت ٣ جمال

نرجس بدلع… تسلملي يا سبعى لبو اوعى يلبك
وانا اموت فيك واحبك….. بس يا خالتي وهي اتطلقت والحمد لله وانا مع احمد ومبسوطين

مبسوطه… عايزه اعرف عملتيها ازاي يا قادره

نرجس…. ولا حاجه اصل هي كانت مشغوله في ال٣ اشهر وال 10 ايام بتوع العده ان هي تجوز اخوها للبنت صاحبتها انا اي نعم خد مني ديك رومي على ٣ جواز بط واني كل يوم اروحله والله العظيم لو في حاجه حلوه فى جوازت النحس دي معرفتك يا سى احمد

هيهيى اهو ده العريس ابو احمد مش عيل سيس واحلى حاجه ام ميته يا خالتي

سعيده… بقولك ايه انتى عملتى زين الزين وما فيش اي واحده تقدر تعمل اللي انتى عملتيه انتى فله نامي وضميرك مستريح بس بالله عليكى اشقطيلى واحد زي اللي شقطتيه ده انا بقالى ٣سنين مش عارفه اشقط

نرجس… مين دي

مبسوطه… سيبك منها تعالي هنا يا بنت والله يا بنتي انا نفسي مش عارفه اللى انتى عملتيه صح ولا غلط بس الست اللى تسيب بيتها وتفضل قاعده حارسه مرات اخوها غلطانه لو كانت خلت بالها من بيتها وجوزها وسابت الناس وركزت في حياتها ما كانتش اتطلقت وامه كمان ايه لازمه جابت شنطه سودا وجابت شنطه خضرا برده ده متاكده انه غلط لان هي كده خربت على ابنها وبنتها في نفس ذات اللحظه والتو وانتى الجواز حلال ما فهوش حاجه غلط

نرجس… الله يريح قلبك يا خاله مبسوطه كيف ما ريحتي قلبي معلش اقولهم حاجه تانيه ابن امه لأ

مبسوطه قالت بهمس…. ونرجس لا

نرجس.. بتقولي حاجه يا خاله مبسوطه

الفصل التالي اضغط هنا

يتبع.. (رواية خالتي مبسوطة) اضغط على اسم الرواية لتجد الفهرس كاملاً بجميع الفصول.