رواية كل هذا الحب الفصل التاسع والعشرون 29 – بقلم ديدي فتحي

الحلقة 29

قرأه ممتعة

اعلنت الطائرة عن رحيل ابراهيم الي مكان مجهول

و اعلنت عن رحيل حنين عن الحياة

$$تاني يوم $$

باسم دخل العنايه المركزه في مكان ما… وقرب من اللي نايمه علي السرير ومغمضه عيونها وفي عالم تاني… وقرب اكتر وبهمس وحب… وحشتني عيونك اوي… بس صدقيني هعملك العمليه وهنفضل مع بعد طول العمر لان محدش يستاهلك غيري انا… حتي اللي انتي حبتيه اتخلي عنك وسابك… وباسها من جبينها وخرج قعد علي الكرسي وبيفتكر هو ازاي جاب حنين وايه اللي حصل لما اعلن عن موتها

$$فلاش بااااك$$

باسم بعد ابو حنين مارفض يدخل ابراهيم عند حنين وابراهيم سابها ومشي بعد ماباسم عنفه

دخل لحنين وقرب منها وبجديه وعشق… سامحيني علي اللي انا هعمل فيكي دلوقتي… بس صدقيني ابراهيم ده ميستاهلش حبك وعشقه ليه ابدا… لانه اتخلي عنك في اكتر وقت انتي كنتي محتاجه فيه… وفي لحظه كان فاصل الجهاز اللي موصل لقلبها… وادها حقنه عشان تثبت انها ميته قولا وفعلا والاجهزه كلها صفرت لتعلن عن رحيلها عن الدنيا

وابوها وامها دخلوا وشافوها وحالتهم بقت حال وانهاروا لما عرفوا ان بنتهم خلاص فارقت الدنيا وغمضه عيونها لابد

اخوها قرب منها وحضنها جامد… وبصريخ لاااا ياحنين لاااا متعمليش فيه كدا ارجوك ياحنين فتحي عيونك ارجوكي فوقي بقا وانا اوعدك اني مش هزعلك تاني ابدا وهكون دايما معاكي وجنبك بس انتي فوقي ارجوكي بس لاحياه لمن تنادي وسابها وببصلها بحزن ووجع وقلبه بيقطع من الحزن علي بينته وحبيبته واخته

وامها حضنتها وبدموع وهستيريه… سبتيني ليه يابنتي سبتيني ليه ياحبيبتي… ليه تحرقي قلب امك عليكي… ليه تحرميني منك… وبصريخ ااااه اااه ياريتني كنت موت قبل مااشوفك كدا يابنتي… ياريتني كنت موت قبل مااسمع خبرت موتك وانهارت علي الارض واغمي عليها

وباسم والسيد اخو حنين شالوها وودواها اوضه تانيه

وابو حنين… اخدها في حضنه جامد… وبدموع وقهر هفضل طول عمري ندمان علي اللي عملته فيكي ياحبيبتي… ياريتك مكنتي بنتي ولا انا كنت ابوكي… ياريت كان ابوكي حد تاني… علي الاقل مش هياسي عليكي ويخليكي تروحي للموت بايدكي… اه ياحنين لو تعرفي موتك حارق قلب ابوكي ازاي

وهو مازال حضنها… دخل عليه باسم وبجديه ومكر… ياريت حضرتك تنزل تخلص الاوراق المطلوبه وتجيب تصريح الدفن عشان ندفنها

ابوها بصله بوجع وقهر ودموعه مغرقه وشه

وباسم بجديه ومكر اكتر… هي ارتاحت ادعيلها ربنا يرحمها

ابوها طلعها من حضنه ونايمها وباسها علي جبينها… وبكسره سامحيني يابنتي سامحيني… وسابها ونزل تحت يخلص الاوراق المطلوبة

وباسم  عين واحد علي العنايه اللي كانت فيها حنين … وبجديه… اللي يسالك عن الحاله قولهم نقيلوها تلاجه الموتي عما تخلصوا الإجراءات

ودخل تاني واخد حنين علي ترويلي وخرج من الباب الخلفي للعنايه وغطاء وشها وخرج من المستشفي وشالها وحطها في عربيته وراح بيها عيادته وحطها تحت الاجهزه

و رجع تاني المستشفي و ابوها كان خلص الإجراءات ولسه هدخلها عشان يدفنها ويوديها مثواها الاخير

بتاع الامن اللي علي الباب قالهم انهم وداها تلاجه الموتي… ولسه ابوها هيروحلها

قابله باسم وراح معاها بس منعه انه هيدخل لانه كان متفق مع اللي مسؤل عن التلاجه انه يديله جثه غير معروفه المصدر او بمعني اصح اي جثه ميته اثر حريق او ماشبه ذالك وطبعا ده مقابل فلوس باسم دفعهاله

واخدوا الجثه اللي هي هتبقا مكان حنين ووادها لمثواها الاخير ودفنوها… وابوها واخوها روحوا بقلب حزين ومفطور امها مازالت تعبانه وعندها انهيار في المستشفى

وباسم راح عيادته بانتصار ودخل وقرب من حنين وبحب و عشق… خلاص يا حنين قلبي محدش هياخدك مني تاني ولا ابراهيم ولا اسر ولا حتي اهلك انتي ليه لوحدي وبس

ولحظات وامه دخلت عليه اللي كانوا علي ميعاد مع بعض ولما اتاخر راحتله عيادته لانها عارفه ان باسم مبيروحش في اي مكان غير عيادته والمستشفى… و اتخضت اول ما شافت حنين وبصدمه حقيقيه…. مين دي يا باسم وجت هنا ازاي

باسم رد بمكر… دي بنت عملت حادثة و محتاجه عمليه في قلبها عشان تعيش وترجع تاني للحياه

أمه بجديه… طب ماوديتهاش ليه المستشفي يعملوا لها العمليه

باسم بمكر اكتر…لا انا هسافرها واعالجها لاني انا بحبها وكان نفسي اتجوزها لولا اللي حصلها

امه باستغراب… بس انت عمرك ما جبت سيره الموضوع ده

باسم بجديه… ارجوكي يا ماما مش وقته ساعديني ان احنا نسفر حنين

امه بجديه… طب هي بنت مين ولا فين أهلها

باسم بمكر… انا معرفش اصلها من فصلها ولا اعرف عنها حاجه غير انها كانت شغاله في محل

أمه بدهشه… وعايز تتجوزها ليه طالما انت مش عارف اهلها من فصلها؟؟؟

باسم بجديه وصدق… عشان بحبها ومقدرش اعيش من غيرها

وبعد حوار كتير وكلام اكتر بينهم عمل لحنين الاوراق المطلوبة لسفرها وكمان عملها جواز سفر مزور

واخدها هي وامه وحنين مازالت تحت الاجهزه في غيبوبه وسافروا علي امريكا وعملوا لها الفحوصات الازمه وخضعت للعلاج حوالي اسبوعين و مفقتش ولا مره من الغيبوبه

واوقات كتير وهي تحت الاجهزه مكنتش بتقدر تقاوم و بتستسلم للموت وباسم عمل المستحيل عشان تفضل معاه لآخر لحظه ويعملها العمليه

وبعد اسبوعين عملها العمليه بتدخل اكبر دكاتره في امريكا والعمليه نجحت وعدت علي خير وفضلت فتره تتعالج لغايه لما بقت كويسه وخرجت من المستشفي

بس الصدمة الكبيره اللي كسرت قلب باسم نصين زي ماهو كسر قلب اهلها نصين لما اعلن عن موتها

و للأسف الشديد بعد العملية فقدت الذاكره بسبب التخدير الخطأ وعدم وصول الاكسجين الكافي للمخ

وباسم كان عايز يعالجها ويرجعلها ذاكرتها بس خايف لما ترجع ذاكرتها تسيبه وتبعد عنه فمحاولش يساعدها انها يرجعلها الذاكره

*******************************

&&عند اهل حنين بعد موتها&&

ابوهابعد مادفن حنين… راح لامها في المستشفى ولسه هيقرب عليها قامت وبصريخ… و بتضربه علي صدره وبهستريه… انت اللي موتها انتي اللي عملت فيها كدا انت السبب… بنتي ماتت بسببك وولسه هتمشي تاني اكتشفت انها مش قادره تمشي ولا حتي تتحرك من مكانها… ووقعت علي الارض وابنها خرج جاب الدكتور وبسرعه… اللي كشف عليها وباسف… لاسف هي مش هتقدر تمشي تاني واحنا هنعمل اللي علينا ونخلي الباقي علي ربنا وسابهم وخرج

ابوها وقع علي الكرسي… واتاكد انه هو السبب في كل اللي حصل لبنته وكمان مراته لو كان سمح لقلبه يدخل مع عقله مكنش قسي علي بنته كدا ودمرها ودمر عيلته بشكل ده

واخوها بصلها بوجع و دموع… يعني حنين مختارتيش غير العقاب ده وبتعاقبيني بيه… وكمان امه اللي بقت عاجزه… وبدموع اكتر… حرام كدا والله حرام… وسابهم و خرج راح لمكان محدش يعرفه فيه ويعيش مع ناس غير الناس يمكن يلاقي في قلوبهم شويه رحمه لبعض ولا يلاقي شويه حب وصدق في مشاعرهم راح لمكان ومعرفش حد بيه و هنرجعله بعدين و تعرفوا هو راح فين وحصله ايه

*****************************كل هذا الحب… عشق حنين… بقلمي دي دي فتحي… صفحتي الشخصية… باسم… اللهمّ أسألك الفردوس لوالدى

&&عند إبراهيم $$👇👇👇

ابراهيم وصل لمكانه بس طول الطريق حاسس بوخذه في قلبه هو مش عارف ليه… ومش عارف ازاي هانت عليه حنين وسابها… وازاي قدر يعمل فيها و في زينب اخته كدا ويبعد عنهم بس قال في نفسه ده عقاب لنفسه علي اللي عمله في حنين وكمان عذب زينب و كان السبب في حزنها واهانتها من ابو حنين

فااختار العذاب لنفسه ببعده عنهم وحرمانه منهم

وسافر نفس المكان اللي فيه مروان ورودي من غير قصد منه لانه ميعرفش مكانهم فين ولا كلم رودي من غير مره كلمها فيها لما طلب منها تعرفه مكان اهل حنين وقالتله

وعدا حوالي اسبوعين وابراهيم بيموت فيهم بالبطي بسبب بعده عن حنين وزينب ومكنش يعرف بموت حنين… وفي بيفتح الفيس يعرف اي حاجه واو يسال اي حد من اصحاب حنين عنها وعن صحتها بس ملقاش حاجه

وفضل قاعد في الاوضه اللي حاجزها في الفندق مش عارف اللي عمله صح ولا غلط مش عارف يروح فين ولا يجي منين… طب هعيش من غير زينب ازاي و من غير حنين روحه ازاي… وليه اختار لنفسه اقوي عذاب في الدنيا وهو الحرمان من احبابه وخصوصا لما بقوا الاحباب دول اعز واغلي ما يملك في الدنيا مش كفايه خسر زمان  ودلوقتي كمان بيخسرهم دموعه نزلت بوجع وحصره و قهر علي اللي هو فيه ووصله

وبعد وقت ليس بكثير وهو مازال علي حالته واحد صاحبه رن عليه علي النت…فينك ياصاحبي سامع انك سفرت الكلام ده صحيح…وبجديه بقولك متعرفش البت اللي كان اسمها حنين دي ماتت ازاي ولا من ايه

ابراهيم جاتله حاله من الذهول والصدمه ولنفسه… اكيد لا اكيد مش هي… اكيد حد تاني وبخوف ورعب وترقب.. حنين مين؟؟

صاحبه بضحك… يابختك يا عم من كترهم مبقتش عارف اساميهم

وبتريقه… يا عم البت حنين اللي كانت ميته في دباديبك دي

وبتريقه اكتر… بس تصدق غبية وتستاهل كانت عايشه الدور اوي اكنك اول واخر واحد في حياتها… ومفيش غيرك انت ولما عرضت عليها كتير انها تكون صحبتي وبعتلها كتير علي الماسنجر نفضتلي واديتني الطارشه مردتش عليه يلا تستاهل اللي جرالها…بس اللي انا مستغربله هي ماتت ازاي؟؟؟

ابراهيم التليفون وقع من أيده عايز يخبط راسه في الحيطه… عايز يولع في نفسه… عايز ينتقم من نفسه… و مسك التليفون واتصل علي المستشفي اللي كانت فيها وسأل عليها و في اعتقاده انه هيلحق يشوفها للمرة الأخيرة بس للأسف قالوله انها ماتت من اسبوعين

ابراهيم رمي التليفون اتكسر نصين… وقام كسر كل حاجه

موجوده في الاوضه

وبصريخ وجنون… ليه ليه عملت فيها كدا… ليه وصلتها للموت… ليه مقدرتش حبها ليك… ليه تعاقبها علي ذنب هي معملتهوش… ليه

وبجنون وهستيريه… اااااه ااااااه وجسمه بدا يرتعش جامد واغمي عليه

الأمن اللي في الفندق طلعوا يجروا علي صوت التكسير وكمان النزلاء اللي في الاوض المجاوره

فتحوا بسرعه لقوه كسر كل حاجه و واقع علي الارض مكسور الروح والخاطر والجسد والنفس ومغمي عليه

جريوا عليه وشالوه واخدوه للمستشفي و للأسف كان عنده انهيار عصبي شديد… وفضل في المستشفي حوالي شهر يفوق شويه و يغيب عن الوجود شويه وكان بيغيب عن الحياة اكتر ما بيفوق وكل ما يفوق يسأل عن حنين و يغيب تاني

وبعد شهر استعاد صحته شويه بس مش نفسيته زي ماهي لان نفسيته محطمه و مكسوره وفكر انه يرجع يقعد مع زينب تخفف عنه وتكون معاه في محنته… بس قال كفايه عليها وجع و عذاب بسببه لغايه كدا الأحسن يبقي بعيد وينطوي علي نفسه ويسلم لعقاب لربنا ليه بسبب اللي هو عمله مع البنات اللي كان بيكلمهم ويبتزهم وكفايه عذابه بسبب حرمانه من حنين

***************************كل هذا الحب… عشق حنين… بقلمي… دي دي فتحي… صفحتي الشخصية… باسم… اللهم أسألك الفردوس لوالدى

$$عند اسر$$

أسر لما عرف بموت حنين اتدمر نفسيا ومعنويا وحس بالذنب لانه كان ليه دور قوي ويد قويه في تدمير حياتها وتحطيمها و بسببه  عذبها اتعذبت وانجرحت… لا هو و لا ابراهيم ولا مروان ولا حتي باسم رحموها… محدش رحمها منهم أبدا كل واحد منهم عاقبها بطريقته

وخصوصا اسر عاقبها علي بعدها عنه وكسره قلبه وانها كانت السبب انه يتحول من معيد في الجامعه الي مجرم وميعرفش انها مظلومه والسبب في ده ابوه

حبس نفسه في اوضته وبعد عن الاجرام  و ابويه ليحاول معاه انه يرحعه تاني للمجال بتاعهم وهو كان بيرفض وعايز يعيش علي ذكريات حنين وصورها وبس

ومكنش بيعدي يوم ولا لحظه ولا ثانيه واحده من غير مايانب نفسه  انه كان السبب في تحطيمها وموتها… لانها مهما عملت كانت قطته البريئه و حبيبته و عشيقته ازاي يسمح لنفسه يعمل فيها كدا… وازاي قلبه وعقله سمحوله يبقي زيه زي الحيوان اللي انعدم من قلبه الرحمه

وبدموع وقهر وحزن… انا حيوان حيوان سامحيني يا حنين سامحيني يا حبيبتي سامحيني يا قطتي البرئيه سامحيني

**************************وبعد حوالي ٦ شهور

وحنين فاقده الذاكره… باسم حب ياخدها لنفسه قولا وفعلا وقرر انه هو يتجوز حنين… وبعت لصاحبه في مصر… انه يشوف قسيمه جواز حنين… عشان يعرف يطلقها من ابراهيم ويتجوزها… بس طبعا ملقاش… لان الماذون مسجلش جواز حنين وإبراهيم لانه كان تحت ضغط واعتبر ان جوازهم باطل ومش صحيح فمسجلهوش

ولما صحبه قاله انه هو مش لايق اي حاجه تثبت فعلا جواز ابراهيم من حنين… فرح اوي واتجوز حنين وهي لاحولا لها ولا قوه

وفضلت معاه خمس سنين مش عارفه حاجه غير ان باسم جوزها ودي أمه

واول ماباسم اتجوزها… وبيقرب من حنين وهي بترفضه بطريقه مباشره وظاهره

باسم وهو بيقرب منها اكتر… ارجوكي بلاش تعملي فيه كدا لان قلبي مش هيستحمل رفضك كتير لاني بحبك وبعشقك وهموت عليكي

حنين بجديه وحزن… بس انا مش عايزه ده لان فيه حاجه لا إراديه جوايا رافضاك… ارجوك قولي انا مين وليه انا مش فاكره ولا عارفه حاجه عن حياتي قبل كدا ارجوك قوليلي وفاهمني

بهمس وعشق… طب اوعديني… لو انا قولتلك انتي مين… انك هتفضلي معايه

حنين سكتت ووطيه وشها لارض

وباسم رفع وشها ليه… وبحب وعشق… وبيقرب شفايفه بشفايفها

وهي زقته وبجديه… ارجوك قولي انا مين وسيبلي حريه الاختيار

باسم بعدها عنه وبعنف وغضب لامش هقولك انتي مين وتبعدي عني لانك انتي مراتي وبس ودي الحقيقه الوحيده في حياتك اللي انتي لازم تعرفيها

****************************وبعد حوالي سنه

والجميع مازالوا علي وضعهم… ابراهيم راح قعد علي الشاطئ قدام البحر يسترجع ذكرياته مع حنين خصوصا اليوم اللي جاب اهلها فيه وشفوها و هي كانت رايحه تنتحر و راح وراها وكان هيغرق و هي نقذته

نفسه الزمن يرجع تاني نفسه يدخلها بين احضانه و ميخرجهاش تاني أبدا… هو لغايه امتي هيفضل يخسر كل اللي بيحبهم وهو مازال سرحان وبيبص قدامه في المايه اتصدم لما لقي شخص عمره ما كان يخطر علي باله انه يشوفه قرب منه عشان يتأكد انه هو ولا لاء… وفعلا أتأكد وانصدم اكتر لما اتاكد انه فعلا هو… ولسه هيمشي لاقا  بنت صغيره خطفت قلبه من اول مالمحها وكانت بتلعب بالكوره و جريت منها راحت عند ابراهيم وهو واقف والبنت راحت عنده واداها الكوره بابتسامة ولسه هيمشي

مروان نده عليها و بجديه…نور تعالي هنا و متبعديش تاني بالكوره

البنت بصوت طفولي كان عندها 3 سنين… حاضر يا بابي حاضر

ابراهيم بص لمروان و بص لنور وقال اكيد دى بنت حنين أكيد

وطي عليها وشدها لحضنه جامد وبعنف ودموع… يااااه انتي متعرفيش قد ايه مامتك كان نفسها تشوفك وتخدك بين احضانها ياريتها كانت عايشه وشافتك

مروان شافهم وراحلهم بخطواط سريعه قرب عليهم و ركز للحظات لان ابراهيم معلم في عقله واستحاله ينساه وبغضب وجنون مسكه من لياقه قميصه… هو انت ولا حد شبهه؟؟؟

وبغضب… بس أكيد انت لانك شيطان في صوره إنسان وشخصيتك دي مستحيل تكون لشخصين وضربه بعنف وغضب وكره… هو انت اخدت مني مراتي وجاي كمان تاخد بنتي هو انت ايه ايه

ابراهيم وهو مازال تحت ايد مروان انا ماخدتهاش مخدتهاش لانها ماتت ماتت

مروان بجنون وغضب وهو لسه ماسكه… هي مين إللي ماتت مين

ابراهيم بدموع ووجع وحزن… حنين ماتت ماتت

مروان ضربه تاني بغضب وعنف اكبر…. انت اللي موتها انت اللي موتها و موتت كل احلامي معاها

وبجنون… بس صدقني هي تستاهل تستاهل لان الوحده اللي تخون جوزها مع عشيقها تستاهل الموت

ابراهيم بصريخ وجنون… حنين عمرها ما خانتك أبدا الخاينه هي اللي معاك دلوقتي

رودي بتوتر شبه عنف… هو انت خرفت ولا ايه احفظ لسانك بدل ما اعرفك مقامك كويس

ابراهيم بجديه… لا متتعبيش نفسك لان مقامي من مقامك انتي مش من مقام حنين المسكينه اللي ماتت بسبب انعدام الرحمه في قلوبنا

ولحظات وجاب لمروان الفيديو من علي تليفونه والفيديو الحقيقي لمروان وحنين

وبجديه اكتر… انت لو كنت ركزت شويه كنت هتعرف ان الفيديو ده متفبرك وان الاوضه دي اوضتك انت و سريرك انت حتي الشخص اللي كان مع حنين ده إنت

وده فيديو تاني لمراتك المخلصه إللي معاك دلوقتي بس الفيديو ده حقيقي مش متفبرك لاني انا فعلا اللي كنت معاها

مروان وقع علي الارض بذهول وصدمه و الصدمه لجمته وكسرت قلبه مليون حته زي ما كسر قلب حنين ومدهاش فرصه انها تدافع عن نفسها وطلقها ورماها بره وخلاها تفضل في البرد من غير أكل ولا شرب ولا غطاء ولا حتي رحمها ورحم دموعها واداها بنتها هو مش اقل من ابراهيم لانهم هما الاتنين  شياطين

ولحظات ومروان قام وبضحك هيستيري… حنين مظلومه وانا اللي ظلمتها… وبيضحك اكتر وابراهيم هو اللي فبرك الفيديو… وانا موت بنت حنين عشان قولت عليها هتخون جوزها زي امها ماخنتني وكمان اللي لعبت بيه ودمرت حياتي انا اتجوزتها بعتبراها هي اللي مخلصه وان حنين هي اللي خاينها… وضحك اكتر بجنون وهستريا

ابراهيم اتصدم من كلامه وبص لبنتهم نور

و رودي شالتها واخدتها في حضنتها جامد محدش هياخد بنتي مني محدش هياخدها مني

ابراهيم دموعه نزلت بوجع اكتر ولنفسه… وكمان بنتها ماتت ليه حصلها كدا ليه… ولنفسه هو انت تقتل القتيل وتمشي في جنازته… انت السبب في كل اللي هي وصلتله وكمان بنتها اللي انتي كنت بتهدديها بيها اهي ماتت بسببك وارتاحت… مشي وهو قلب مكسور وموجوع ووشه كله دم اثر ضرب مروان ليه وهو حتي مادافعش عن نفسه وهيدافع عن نفسه ليه وهو السبب في ده كله ومشي ومش عارف يروح فين ولنفسه بس خلاص لازم يموت نفسه يرتاح من عذاب الضمير اللي هو فيه

مروان بص لرودي و بيكلم نفسه وبضحك هستيري انا موتت بنتي وكمان امها ماتت… واتجوزت اللي دمرت حياتي وخلفت منها شيطانه صغيره وبيبصلها اوي وبيقرب عليها عشان يخنقها… رودي طلعت تجري بيها لانها خافت منه وخصوصا وهو في الحاله دي

وهو كمل بضحك و هستيريا وهو ماشي وبعدين عشت علي اساس ان حنين خاينه و اقنعت نفسي بكدا وعشت مع رودي  الشيطانه وحاولت معايا كتير عشان توصلي وبيضحك وبعد ما وصلتلي خلفت منها نور وبعدين عدا ايام كتير وليالي اكتر

ونور بقا عندها 3 سنين وقالتلي عايزه اروح البحر يا بابا وبعدين لما روحنا البحر لقينا حوت كبيييير بيقولي انا اخدت حنين وكمان اخدت رودي يعني اخدهم الاتنين و بيضحك ومستكفاش انه اخدهم و لانه موت حنين قلبي وحبيبتي… وبهستريا موت حنين قلبي موت حنين قلبي

وده كله وهو ماشي بالمايوه لانه كان في البحر والناس مفكراه مجنون

ولاسف جاله صدمه عصبيه اثرت علي دماغه… مش فاكر ولا عارف حاجه غير شخصين بس وهما رودي و ابراهيم ودماغه موجههاه علي الانتقام منه باي شكل

استني بليل وراح الشاليه اللي كان واخده ليه هو و رودي و نور بنته… ولاسف الشديد هي مش بنته… وفكره واحده بس هي اللي مسيطره علي عقله وهي الانتقام منهم لانهم كانوا السبب في موت حنين وبنته

ومن غير تفكير… رش حوالين الشاليه بنزين وكمان ودخل جواه و رش في معظمه وخرج بره وولع النار و رماها علي الشاليه وطبعا ده بنزين ملهوش كبير النار التهمته كله بسرعه البرق و رودي قامت مفزوعه بصت لقت النار محوطاها من كل مكان

شالت بنتها وبصريخ…. حد يلحقنا حد يلحقنا وبدموع وجنون حد يلحق بنتي ارجوكم لحقوا بنتي

كل ده و مروان واقف بره بيضحك وبيشاور علي النار وبجنون و هستيريه والناس حواليه مش عارفين يعملوا حاجه من شده النار

وبهستيريه….انا حرقتها حرقتها زي ما حرقت قلبي علي حنين مراتي و بنتي… وبضحك شوفتوا شوفتوا اخرها ايه شوفتوا اتحرقت ازاي

وعلي ما الناس اتصلوا بالاسعاف و عرفوا يدخلوا جوه للاسف كانت نور بنته ماتت من كتر الدخنه والخنقه لان رودي كانت حطاها في الدولاب عشان تبعدها عن النار

ورودي حاولت كتير انها تخرج بره النار وكمان تخرج بنتها بس معرفتش والنار التهمت جسمها ومعظم جسمها اتحرق ونقلوها بسرعه للمستشفى

ومروان اخدته الشرطه وبصريخ وجنون… سيبوني سيبوني  لسه هنتقم من شريكها واولع فيه هو كمان سيبوني انتوا مش عارفين هما عملوا فيا ايه ولحظات والشرطه اخدته

و رودي دخلت المستشفي وهي بين الحيه و الموت وبانفاس متقطعه ارجوكم عايزه اشوفه أرجوكم لازم أقوله علي الحقيقه ارجوكم عايزه اكلمه واقوله إن بنته عايشه مامتتش وانا اللي اخدتها و رميتها في صندوق الزباله وربنا عاقبني و حرقني وموت بنتي زي ما حرقت قلب امها وابوها عليها أرجوكم عايزه اقوله ان حنين الصغيره عايشه ارجوكم

$$تاني يوم $$

الخبر نزل في الجرايد وابراهيم مازال علي ووجعه وحزنه لفت نظره… عنوان باللغه الانجليزيه… وهو… راجل مصري مجنون اودا بحياه زوجته وابنته… نزل عنيه علي صورهم لاقاهم… مروان ورودي ونور… قرأ التفاصيل بسرعه وعرف عنوان المستشفى عشان يروحلهم… وراح وسال عليهم… وقالوله علي اوضه رودي لان نور كانت خلاص ماتت

دخل عند رودي… اللي ملفوفه كلها بشاش اثر الحروق… وقرب منها… وبيهزها براحه… وهي فتحت عيونها بتعب والم

واتكلم بكلمات متقطعه وبصوت خافت… قول لمروان يسامحني لاني انا عمري ماحبيت ولا هحب حد غيره… قوله ان بنته مامتش وان انا رمتها في صندوق الزباله… واكيد ربنا سخرلها حد يراعها لانها مظلومه زي ماامها اتظلمت واحنا اللي بايدينا ظلمناها

وبشبه ابتسامه ووجع… بس عارف ربنا عاقبنا بااشد العقاب وحرمنا من بنتنا زي ماحرمنا حنين من بنتها

ابراهيم بسوال وعدم فهم انتي تقصدي ايه بي بنتنا

رودي بدموع وقهر… اقصد بنتنا انا وانت… اقصد نور

ابراهيم بخوف ورعب… انتي كدابه كدابه… لان نور بنتك انتي ومروان

رودي بجديه ودموع… لا نور بنتي انا وانت… اكيد فاكر اللي غصبتني اني اقضيها معاك وكانت نتيجتها اني حملت في نور… وسفرت لمروان بعد شهرين وعملت اللي انا عملته في بنته… عشان ميبقاش قدامه غيري ويراضي يتجوزني… وفعلا اتجوزني وبعد ٧ شهور خلفت منه نور… هو كان مفكراها بنته بس هي في الحقيقه بنتك انت

ابراهيم بدموع وقهر… يعني جايه بعد السنين دي كلها تقولي اني عندي بنت وانها ماتت يعني انا بايدي السبب في موتها يعني انا السبب في موتها

رودي بصتله بشماته مع انها بنتها هي كمان ووجعه قلبها… بس منظر ابراهيم اللي قدامها ده وكسرته حسستها بنفسها لما كانت بتترجاه وتتحايل عليه انه يرحمها ومرحماش وكانت نتيجه وحشيته معاها انها حملت في نور ومروان حرق قلبه عليها زي ماحرق قلبه وقلب حنين وغمضه عيونها للمره الاخيره

ابراهيم مشي في الشوارع تايه بيتمني الموت بيتمني يفقد الذاكره بيتمني انه مكنش قابل حنين بيتمني انه مكنش جه للدنيا دي اللي اخدت منه اعز واغلي حبايبه  هو عان كتير وقسي اكتر وفي الاخر فضل لوحده من غير انيس ولا جليس وكمان اتحرق قلبه علي اخته وحبيبته وكمان بنته حس انه قلبه هيقف من كتر اللي هو فيه حس انه هو لازم يموت يرتاح… مش رايح للبحر عشان يموت نفسه ويرتاح من اللي هو فيه بس المره دي مفيش حنين هتنقذه المره دي هيموت ويرتاح من اللي هو فيه

ودموعه نازله بوجع وقهر… وبيفتكر اللي مروان عمله في رودي… طب هي ماتت وارتاحت… طب ليه مموتهوش هو كمان بابشع الطرق زي ماعمل مع رودي… ليه مموتهوش هو كمان عشان يريحه من عذاب الضمير اللي هو فيه… ليه بنته تموت بسبب غلطته هو… وليه رودي مقالتلهوش غير بعد فوات الاوان… معقوله يكون اتحول فعلا لشيطان… معقوله بايده يدمر كل حبايبه اللي هما حته من قلبه معقوله

فضل ماشي تايه ودموعه مازالت نزله… مش عارف يروح فين ولا يجي منين

وهو ماشي… لاقا بنت جميله بتبيع علي الرصيف… وعمرها 5 سنين وصورة طبق الاصل من حنين جري عليها

وقالها… تعالي يا ضي العين دانتي هتبقي ليا عوض السنين انتي اسمك ايه يا حلوه

قالت له… يا عمو هما رموني وسابوني ومسمونيش

قالها…. تعالي ده انتي هتبقي ليا همس الأنين

قالت له…. ياريت وترحمني من عذاب السنين ومن الدنيا الوحشه و انا يعني هروح لمين

قالها… انا هبقي ليكي وانتي ليا يعني انا فاضلي مين

قالت له… خلاص هقولك بابا دي كلمه اتحرمت منها سنين و ياريتك كمان تجيب لي ماما ده انا معرفش هي مين

قالها… يا نور العين اهو ده المستحيل اطلبي عمري هديهولك من غير تفكير… بس متطلبيش مني المستحيل

واخدها معاه وهي دي اللي صبرته علي الحياه وبعده عن اعز واغلي الاحباب