رواية كل هذا الحب الفصل الواحد والعشرون 21 – بقلم ديدي فتحي

الحلقة 21

قرأه ممتعة

زينب بخوف وحب… طب يلا قوم عشان اروح معاك تكشف

ابراهيم بيحاول يقوم بس مش قادر وبتعب وألم… مش قادر اقوم يا زينب مش قا… ولسه مكملش الكلمه و وقع علي الارض واغمي عليه… و زينب صرخت بصوتها كله… ابرااااااهيم

والصرخه كان ليها أثرها علي مسمع كل اللي في الفيلا الا حنين الصرخه سمعت في قلبها مش في اذنها بس

وقامت مفزوعه علي صوت صرخت زينب وبتشد المحلول عشان تقوم و الممرضه حاولت توقفها بس حنين رفضت و شدت فعلا المحلول و طلعت بره الاوضه ولقت زينب شايله دماغ ابراهيم علي رجليها وبتعيط

حنين جريت عليها بخوف حقيقي… ايه اللي حصله ماله

زينب بدموع… الحقيني يا حنين الحقيني نادي لحد يشيله نوديه المستشفي

حنين مشت بتعب وبخطوات سريعه… ناديت الحرس بتوع الفيلا اللي دخلوا جريوا شالوه وركبوه العربيه وراحوا المستشفى و زينب اتصلت علي جوزها احمد عشان يحصلهم

وبعد وقت ليس بكتير

وصلوا المستشفي وبعد الفحص و الكشوفات علي ابراهيم

الدكتور بجديه… هو لازم يتنقل له كلي في اسرع وقت لان عنده الكليتين تعبانين فلازم يتنقل له وحده سليمه في اسرع وقت ممكن

زينب بجديه وخوف علي اخوها… انا ممكن اديله كليتي وبدموع…ارجوك يا دكتور اعمل الازم في اسرع وقت وانا جاهزه اديله كليتي

الدكتور بجديه… انا مقدر خوف حضرتك عليه بس انتي عارفه الحاجات دي مش في ايدينا أبدا احنا هنعملك التحاليل ولو لقينا كليتك مناسبه ليه هناخدها ولو مش مناسبه لازم نشوف متبرع تاني

زينب بدموع… ان شاء الله هتكون مناسبه ان شاء الله

الدكتور بجديه… اتفضلي معانا نعملك التحاليل الازمه وفعلا راحت معاه وجوزها راح معاها

وحنين دخلت عند ابراهيم وقعدت جنبه قد ايه منظره ده وجعها… قد ايه كان نفسها متشفهوش بالمنظر ده أبدا

قربت منه وبتمشي ايديها علي وشه بحب وخوف عليه

ولحظات وابراهيم فاق و بتوهان… انا فين انا مش عايز اموت أنا عايز أفضل سند لزينب اختي انا مش عايز اموت

حنين بحزن ووجع… متقلقش انت هتعيش وهتفضل سند لزينب اختك

ابراهيم بصلها بتوهان ونام وهي خرجت من عنده وراحت عند زينب اللي عملوا لها التحاليل هي و جوزها عشان المناسب ياخدوا منه الكلي ويحطوها لابراهيم

حنين بجديه للدكتور… لو سمحت انا كمان عايزه اعمل التحاليل

زينب اندهشت من كلامها ودموعها نزلت وبحزن… بس انتي مشفتيش من اخويا غير كل عذاب وجرح

حنين قربت منها ومسكت وشها وبحب… بس برضه أنا مشوفتش منك غير كل حنان وحب فياريت كليتي تناسب عشان أقدر اردلك لو جزء بسيط من افضالك عليا

زينب رمت نفسها في حضنها بوجع و حرقه وبحزن… ربنا ما يحرمكيش من حد غالي عليكي أبدا

حنين غمضت عيونها ودموعها نزلت لانها اتحرمت من كل الغالين عليها والسبب هو ابراهيم طلعتها من حضنها وبجديه..انا هروح بقا عشان اعمل التحاليل

وموني كمان جت وراهم واتكلمت بشبه جديه و بتمثيل… انا كمان هاجي اعمل التحاليل مهو مهما كان جوزي وحبيبي

حنين بصتلها و سكتت ودخلوا هما الاتنين يعملوا التحاليل

موني عملت الأول وطلعت وبعدها حنين عملت التحاليل

وقبل ماتخرج كان دخل الدكتور باسم اللي لاحظ تغير لون وشها وعرقها وبجديه… لو سمحتي ممكن نعملك اشعه وفحوصات على قلبك عشان لو كليتك كانت مناسبه نتاكد انك معنديكش مشاكل تتعارض ان احنا ناخدها منك

حنين بدهشه.. ليه اشعه انا قلبي كويس

الدكتور باسم… لو سمحتي اديني فرصه بس نعملك الاشعات ونتأكد لانه لو طلع شكوكى صح ونتيجه التحاليل بتاعتك طلعت ايجابيه مش هنقدر ننقل الكلي منك لانه هيبقي في خطوره علي حياتك

حنين بجديه… بس انا مش عايزه أعمل اشعه ولو كليتي مناسبه انا موافقه انك تنقلها حتي لو كان فيه خطوره علي حياتي

الدكتور بجديه… يبقي مش هنقدر نأخد منك الكلي حتي لو النتيجه ايجابيه لان احنا هدفنا الاول والاخير حمايه الشخص المتبرع مش اذيته فخليني اعمل التحليل لو سمحتي و بجديه اكتر… وبعدين كويس انك جيتي هنا لاني كنت قايل لجوزك يبعتك عشان نعملك الفحوصات والاشعات الازمه لاني شاكك ان في حاجه في قلبك

حنين باستغراب و جديه…بس هو مبعتنيش انا اللي جايه اعمل التحاليل عشان اتبرع له بكليتي

الدكتور باسم بجديه… احنا هنعملك الاشعه والفحوصات اللازمة علي قلبك الاول وبعد كدا نحدد اذا كنتي تقدري تتبرعي له او لا ده طبعا لو تحاليلك مناسبه مع تحاليله

وبدأوا يعملوا لحنين إشاعات علي قلبها وفحوصات وبعد وقت كبير الدكتور اتكلم بجديه… انا كنت متأكد من ده

حنين بتوتر وسؤال… حضرتك كنت متأكد من ايه

الدكتور باسم بجديه اكتر… انتي عندك مشاكل في شرايين قلبك ولازم نعمل عمليه في حد اقصي أسبوع او اسبوعين من دلوقتي و نتيجتها مضمونه بإذن الله بس التاخير طبعا غلط جدا و هيسبب خطوره علي حياتك

حنين اتصدمت من كلامه والصدمه لجمتها معقوله دي تكون نهايتي معقولة يعني انا هموت قبل ما اهلي يعرفوا اني مظلومه وقبل حتي ما أشوف بنتي طب ليه بيحصلي كدا ليه

وبحزن ووجع بس انا عمري ما اشتكيت من تعب في قلبي

الدكتور قرب منها وبجديه …لاسف اللي في قلبك ده نتيجه للزعل والحزن فعضله قلبك متحملتش اكتر من كدا ولازم نعملك العمليه في اسرع وقت ممكن… وباطمئنان… بس متخافيش ان شاء الله هتعمليها وتكونى بخير ولسه حنين هترد قاطعهم خبط الباب وكانت نتيجه التحاليل وللأسف طلع كل التحاليل مش مناسبه الا حنين

الدكتور بدهشه وجديه… مش معقول

حنين بسؤال… لو سمحت يا دكتور طمني مين المناسب إنه يتبرع ليه

الدكتور باسم بجديه و أسف… لاسف انتي الشخص الوحيد اللي تحاليله مناسبه لتحليل الحاله بس للاسف التعب إللي عندك في القلب هيمنعك انك تتبرعي له… لانك لو دخلتي اوضه العمليات عشان ننقل الكلي منك ممكن عضله قلبك متستحملش المجهود بتاع العمليه و ممكن نخسرك وانتي في العمليات انا اسف بس واجبي كاطبيب يحتم عليا اني معملش حاجه زي دي ولسه هيسيبها و يخرج

حنين شدته من ايديه وبرجاء وحزن… ارجوك بلاش تقول لحد علي موضوع التعب بتاع قلبي ده ارجوك

باسم باستغراب… لازم يعرفوا امال هتعملي العمليه ازاي

حنين بدموع… ارجوك بلاش تقولهم دلوقتي وانا هبقا اقولهم

باسم بجديه… تمام أنا مش هقولهم و كمان هقولهم ان عينات الكل مش مناسبه للمريض وهديله علاج ومسكنات لغايه لما نشوف حد تحاليله مناسبه او متبرع غيركم

حنين عيطت بكل الوجع والحزن اللي جواها

وباسم خرج قال لزينب كدا وكتب لابراهيم علي علاج و مسكنات

والكل روح الفيلا و زينب دخلت ابراهيم اوضه حنين اللي فوق تحسبا منها ان دي فعلا اوضتها وهي لاسف منمتش فيها غير أول يوم وابراهيم نزل حنين اوضه الخدم

ابراهيم بتعب والم… روحي بقا يا حبيبتي لولادك انتي سيباهم من الصبح

زينب بحب وخوف علي اخوها… لا انا مش هسيبك غير لما تلاقي متبرع ونعملك العمليه وتبقي كويس

حنين قربت منها وبجديه وصدق… متقلقيش عليه يا ابله زينب انا هفضل جنبه روحي انتي اطمني علي عمرو و محمد وبعدين ابقي تعالي الصبح

احمد بجديه لزينب… خليكي وانا هروح لهم عشان تكوني مطمنه اكتر

ابراهيم بجديه وتعب… ارجوكي يا زينب لو عايزة تريحيني روحي و ابقي تعالي الصبح وبعد تصميم كبير من ابراهيم

زينب مشيت وقبل ما تمشي بصت لحنين وبرجاء… ارجوكي يا حنين ارجوكي خلي بالك منه ولو حاجه حصلت ابقي كلميني علي طول و هتلاقيني

قدامك في غمضه عين

حنين بصدق…حاضر يا ابله زينب حاضر متقلقيش

زينب بضيق لموني اللي واقفه معاهم… وانتي تروحي اوضتك و ملكيش دعوه بيه خالص

موني باعتراض… بس هو عايزني انا و انا مش هطلع من هنا وهفضل جنبه صح يا بيبي صح انت عايزني جنبك

ابراهيم جه يتكلم

زينب اتكلمت بعنف… لو هي اللي فضلت جنبك انا مش هبقي مطمنه عليك ومش همشي اختار بقا

ابراهيم بتعب و جديه… خلاص يا حبيبتي اللي انتي عايزاه اعمليه

زينب بجديه لموني… اللي انا عايزاه انها تمشي من هنا علي اوضتها ومتجيش هنا لغايه لما تبقا كويس

موني بصتلها بغيظ ومشيت وزينب كمان مشيت بعد ما اكدت علي حنين مواعيد علاج ابراهيم

وبعد ما الكل مشي ابراهيم بجديه وتعب لحنين… ممكن تروحي تنامي في اوضتك لان الكل مشي وانتي مش محتاجه تمثلي الخوف اكتر من كدا

حنين قعدت جنبه علي الكرسي… وانا مش جنبك عشان حد انا جنبك عشان ده حقك عليا كزوج

ابراهيم بتريقه وتعب… ده علي اساس انك فعلا معتبراني جوزك

حنين بجديه… علي الاقل جوزي قدام اختك وقدام الناس

ابراهيم بجديه وسؤال… وقدامك انتي ايه

حنين سكتت وهو كمان سكت وبعد شويه نام وهي قعده قدامه علي الكرسي كل ما النوم يغلبها تقاومه لغايه لما جه ميعاد الدواء بتاعه حنين صحيته وقومته وادتله العلاج وهو اخده و نام تاني

وبعد الفجر ابراهيم كان تعبان جامد مع ان حنين كانت لسه مدياله العلاج من ساعه ولسه ميعاد التاني مجاش

قربت منه وحطت ايديها علي جنبه واعدت تقراله قرآن عشان الوجع يخف ويقدر ينام… بس هو من كتر الوجع مش قادر يتحمل و من غير تفكير ولا تردد منه رمي نفسه في حضن حنين وحضنها جامد وحنين جسمها كله اترعش من قربه بالشكل ده

وبتعب والم…انا تعبان اوي اول مره احس بالتعب والوجع ده وبجديه وحزن و هو مازال في حضنها… بس انا عارف ان ده ذنبك انتي و ذنب اللي انا عملته فيكي انا انتقمت منك ومعرفش اني كدا بنتقم من نفسي ارجوكي سامحيني ارجوكي… وبتعب اكتر ارجوكي لو حصلي حاجه ابقي خلي بالك من اختي و قوليلها انا كان نفسي ابقي سندها واحميها من الزمن انا عارف اني ظلمتك كتير معايه بس ارجوكي خلي بالك منها… و هاتي تليفونك وسجلي الكلام اللي انا هقوله ده عشان تسمعيه لأهلك وجوزك وترجعي لبنتك وحياتك تاني… انا عملت فيكي ده كله مع انك ملكيش ذنب فيه… عشا…

حنين بمقاطعه وخوف عليه من الكلام لانه بيتكلم بتعب والم جامد… بلاش تتكلم دلوقتي لما تبقي كويس ابقي احكيلي علي كل حاجه وكمان ابقا سجلهم اللي انت عايزه

ابراهيم بتعب اكتر والم… ارجوكي مفيش وقت لاني انا كدا كدا هموت فاقل حاجه اني ابرائك قدامهم…ارجوكي يلا قبل فوات الاوان هاتي تليفونك وسجلي كلامي وكمان عشان اقولك علي السبب اللي خلاني اعمل فيكي كل ده

حنين بحب وخوف عليه اكتر… ولفت ايديها حواليه بحب وصدق.. لأول مره من وقت ما شافته في الحقيقه… هشش ارتاح دلوقتي انت عمرك ما هتموت ابدا حتي لو تمن حياتك هي حياتي

ابراهيم بعدم فهم وتعب… انتي قصدك ايه

حنين… هشش مقصديش حاجه ابدا نام انت بس وكل حاجة هتبقي تمام

ولسه حنين هتبعد عنه عشان ينام مسك فيها جامد ارجوكي خليني أنام كدا علي الاقل الوجع يخف عني

حنين بحب وصدق…لو ده فعلا اللي هيخفف وجعك فأنا معنديش اي اعتراض اني افضل كدا طول العمر وبحزن… لو كان لسه في العمر باقيه

ابراهيم نام في حضنها مع انه مش فاهم معني كلامها بس كون انها سمحتله ينام في حضنها دي حاجه مريحاه جدا

وبعد وقت ليس بقليل حنين كمان نامت وهي ضمها بحب وخوف عليه

*************************كل هذا الحب (عشق حنين)… بقلمى… دي دي فتحي… صفحتي الشخصية… باسم… اللهم أسألك الفردوس لوالدى

&&واشرقت شمس يوم جديد علي ابطالنا&&

زينب اول الشمس ما اشرقت نورها جت بسرعه البرق لاخوها و طلعتله اوضته ولقيتهم قاعدين نص قاعده ونايمين في حضن بعض اتمنت برغم حزنها إللي مالي قلبها لتعب اخوها اتمنت يفضلوا طول العمر كدا ومفيش حاجه تفرقهم أبدا

نزلت وسابتهم براحتهم ودخلت المطبخ حضرت فطار وطلعت تاني و هما مازالوا نايمين دخلت وقربت منهم وبهمس بتصحيهم بس محدش فيهم حس وزينب حاولت تاني عشان يفطروا وابراهيم يأخد العلاج

ولحظات وابراهيم فاق بتوهان واتعدل في نومته وشد حنين نيمها علي صدره وضمها جامد

زينب مابين حزنها ضحكت علي حركته ونزلت وهما فضلوا نايمين كتير لغايه لما حنين وشها بقا كله عرق

وابراهيم كان فاق و بيحط ايده علي وشها لاحظ ده وبخوف حقيقي عليها… ولنفسه طب هي مش سخنه امال عرقانة كدا ليه ولنفسه يمكن الجو حر بس الجو عادي امال هي مالها  وبهمس و بيصحيها حنين حنين

حنين قامت مفزوعه… في ايه مالك ايه اللي حصل

ابراهيم بجديه… مفيش حاجه اهدي اهدي

حنين بتأنيب ضمير وبتبص في الساعه… انت ميعاد علاجك فات وانا خونت ثقه ابله زينب فيا

ابراهيم مسك وشها… ممكن تهدي لاني انا كويس ويمكن اكتر يوم ابقي فيه كويس

حنين تاهت في عنيه وهو قريب منها بشكل ده واتوترت جدا وهو كمان تايه في عيونها وشفايفها اللي مجنناه وبيقرب من وشها وبدعوه صريحه منه لشفايفها وحنين كمان تاهت معاه ونفسها تسيب مشاعرها علي حريتها بس ازاي وهو برغم حبها الكبير ليه حطم حياتها… ابراهيم قرب اكتر واكتر وانفاسهم اختلطت ببعض ويدوب ابراهيم هيلمس شفايفها حنين بعدته عنها ولسه هيقرب تاني دخلت عليهم زينب اللي نفسها الارض تنشق وتبلعها وهما اتخضوا من وجودها وبعدوا عن بعض

وزينب اتكلمت بحرج… انااا اناااكنت بحسبكم لسه نايمين قولت اجبلكم الفطار و اصحيكم تفطروا وكمان تاخد علاجك

حنين بتوتر… اتفضلي يا ابله زينب احنا صاحين أنا هنزل اعمل فطار و اطلعه

زينب قربت منها وبحب… لا يا قلب ابله زينب انا عملته يلا عشان تفطروا سواء

وفعلا فطروا وهما في الاوضه وحنين اديت ابراهيم العلاج بتاعه وهو عنيه مش عارف ينزلها من عليها… ولنفسه في سره ياااه يا زينب لو كنتي اتاخرتي شويه كنت دوقت طعم شفايفها ياااه ياااه لو الفرصه دي تكرر تاني كنت اكلتها هي وشفايفها ومخلتهاش تطلع من حضني ابدا

زينب بمشاكسه ليه ومكر … معلش عشان كنت السبب في قطع اللحظه الرومانسيه دي

حنين اتكسفت وبهروب… انا هروح للدكتور اطمن فيه حد يتبرع ولا لاء

ابراهيم بجديه… لا خليكي انا هبعت حد غيرك يشوف

زينب بحب… خليكي انتي يا حنين جنب جوزك و انا هروح

حنين باصرار… لا يا ابله زينب انا هروح ومش هتأخر ان شاء الله

ولسه هتمشي ابراهيم مسك ايديها وهو نايم وبجديه وخوف عليها… خلي بالك من نفسك ومتتاخريش… حنين لسه هترد

دخلت موني وبدلع ليه… حتي لو اتاخرت يا بيبي موني حبيبتك موجوده وراحت قعدت جنبه وحضنته

وحنين بصتلهم وسابتهم ومشيت

وابراهيم كان عايز يلسع موني بالقلم علي قفاها عشان كان نفسه يسمع رد حنين عليه… وكمان موني رمت نفسها في حضنه زي البالوه

زينب بصتلها وكانت مضايقه منها وعايزه تبعدها عن ابراهيم باي شكل… وبمكر وشدتها من حضنه… بقولك ايه يا حبيبتي انزلي افطري عشان إحنا فطرنا وانتي مفطرتيش وبعدين الدكتور قال غلط ان حد يقرب منه اوي كدا

موني بزعل مصطنع… هو انتوا فطرتوا وسيبتوني

زينب بمضايقه ليها… ايوه فطرنا انا وابراهيم وحنين قلبه

ويلا بقي روحي انتي كمان افطري عشان عايزه ابراهيم في حاجه ضروريه

موني قامت ودبت رجليها في الارض ومشيت

وزينب بعد ما مشيت و بزهق… اللهي يدبدبوا عليكي ساعة وينفضوا يا بعيده

ابراهيم ضحك بصوت عالي ما بين تعبه

وزينب اكتشفت ان واحشها اوي ضحكت اخوها قربت منه وبحب… ربنا يجعل أيامك كلها سعاده علي طول يا حبيبي و بمشاكسه… بس قولي انت كنت مكلبش في حنين كدا ليه ده كان فاضل شويه ودخلها جواك

ابراهيم بشرود و توهان… هي فعلا جوايا وده للأسف اللي انا عرفته متأخر اوي

زينب خبطته علي صدره بالراحه..كل ده سرحان في حنين قلبك

ابراهيم بصوت خافت… هي فعلا حنين قلبي وحنين روحي وياريت تسامحني علي اللي عملته فيها ونبدأ من جديد و بمشاكسه لزينب… تعالي بقا قوليلي ايه اللي انتي عملتيه في موني ده… دا كان فاضل كمان شويه و كنتي هتولعي فيها

زينب بغيظ… ان كان عليه نفسي والله اولع فيها او ارميها من البلكونه او اي حاجه وحشه تحصلها واستريح منها

ابراهيم بضحك وتعب… يا شيخه حرام عليكي دي حتي بتحبك اوي

زينب بمقاطعه وغيظ… حبها برص وعشره خرس وانا مبحبش غير حنون قلبي وبس

ابراهيم بتوهان… كلنا بنحبها ياريت هي تسامح ونبدا من جديد

زينب بحب… ان شاء الله يا حبيبي الدنيا من حواليك هتبقي كويسه بس انت قول يا رب و انسي الماضي وعيش الحاضر بدل الحاضر كمان ميبقا زي الماضي

ابراهيم بأمل جديد.. يارب يارب تنسي الماضي ونعيش الحاضر سوا

**************************كل هذا الحب (عشق حنين)… بقلمي… دي دي فتحي… صفحتي الشخصية… باسم… اللهم أسألك الفردوس لوالدى

حنين راحت للدكتور تسأله عن اي شئ جديد او متبرع ظهر لابراهيم بس مفيش جديد

وكملت بجديه… يبقي انا اللي هديله كليتي يا دكتور

باسم بجديه اكتر منها… وأنا مقدرش اعيش إنسان علي حساب انسان تاني ارجوكي افهمينى

حنين بدموع ووجع… ارجوك انت افهمنى انا كدا كدا مبقاش ليا مكان في الدنيا دي و محدش عاوزني فيها ومعدتش ليه حد  لكن هو ليه مراته واخته اللي بتحبه وبتعشقه ولو حصله حاجه هتموت وراه ارجوك اعمل العمليه ومش عايزه حد يعرف ان انا اللي هديله كليتي او اني عندي موضوع تعب القلب ده ارجوك وافق لاني دي رغبتي انا

الدكتور باستغراب…وليه كل ده وكمان مش عايزة تعرفي حد ليه

حنين بوجع ودموع… عشان لو حصلي حاجه بعد العمليه محدش فيهم يحس بالذنب أبدا ارجوك وافق بقا

باسم بجديه… صدقيني فيها خطوره علي حياتك لان قلبك ممكن يقف في اي لحظه في العمليه وحتي لو العمليه عدت علي خير قلبك هيكون ضعيف جدا ومش هيستحمل العمليه بتاعته واي اجراء فيه هبقا بحكم عليكي بالموت

حنين بدموع… انا موافقه يا دكتور وربنا قال في كتابه العزيز

((قل لا يصيبنا الا ما كتب الله لنا )) ارجوك يا دكتور خليني اساعده انا عارفه ان نسبه نجاح عمليه القلب دي ضعيفه فكدا كدا انا ميتة ارجوك خليني اساعده هو لو حصله حاجه انا عمري مها سامح نفسي ابدا

باسم بجديه اكتر… صدقيني مفيش حاجه في الدنيا كلها تستاهل إنك تضحي بحياتك عشانها

حنين بوجع وحزن… لا فيه اللي اهم من حياتي نفسها

باسم بسؤال وترقب… هو فيه حاجه اهم من حياتك نفسها

حنين بدموع اكتر ووجع…اه فيه… 👇👇

& & اللي انا حبيته كل هذا الحب… اللي بسببه سميت نفسي معشوقته الخرساء… وبدموع وصدق… هو حبيب حنين… هو عشق حنين &&

باسم بدهشه واستغراب وسؤال … هو فيه حد بيحب حد بشكل ده… وهو مين ده اللي انتي بتحبيه كل الحب ده

حنين بحب وعشق… هو💏 ابراهيم ❤️عشق حنين💏

و بجديه وصدق .. اللي انا بقوله ده ولاشي من اللي في قلبي ليه برغم كل اللي هو عمله فيه… بس مقدرتش اكره ولا ابعد عنه ولا امحي حبه من قلبي وكنت دايما بدعيله ان ربنا يهديه وكمان يحس بيه ويعرف اد ايه انا بحبه وبعشقه… وانا مش معترضه علي اللي انا شوفته واتعرضتله من وجع وحزن لان اكيد ده عقاب ربنا ليه… واما ربنا يعاقبني في الدنيا احسن بكتير من انه يعاقبني في الاخره… فمستحيل بعد كل الحب والعشق اللي في قلبي ليه اسيبه يموت واكون انا السبب في موته لو مدتلهوش كليتي في اسرع وقت

باسم مش عارف يقولها ايه تاني بعد كلامها ده وحاول يقنعها تاني لانه واجبه بيحتم عليه يعمل كدا… وبعد ما يأس من اقناعها… وبجديه… خلاص دي حياتك وانتي حره فيها توهبيها للي انتي عايزه عموما شوفي الميعاد اللي يناسبك وانا هحضر العملية ولو عدت على خير يبقا بعدها باسبوع او اسبوعين حد اقصي و نعملك عمليه قلبك

حنين بجديه… النهارده ان شاء الله تتصل علي ابراهيم و تقوله لاقينا متبرع وانك هتعمله العملية بكره وبرجاء.. ارجوك بلاش انا ابقا في الصوره

باسم بجديه وسؤال … بس اكيد هيسالوا عن المتبرع اقولهم ايه

حنين بجديه.. قولهم ان هو مش عايز يعرف عن نفسه ودي رغبته

الدكتور بحزن وصدق.. للأسف لو طلعتي من العمليه هيبقي أملك في الحياه ضعيف وحتي العمليه اللي كان ممكن تعمليها وتكون نسبه نجاحها ٨٠٪ بعد اجهاد قلبك من عملية بكره هتبقى نسبه نجاحها لايتعدي ٤٠٪

حنين بصدق ودموع… مش مهم انا اعيش…

المهم عشق حنين يعيش