رواية حياتي فقط – الفصل الخامس
الفصل ٥
في المطعم اللي كان زحمه وشيك
ملك : رغم ان المطعم شيك وغالي بس ما شاء الله زحمه
الاء : تعالوا نقعد هنا وقعدوا
ملك : كنت عايزه تقولي لنا ايه يا حياه
حياه حكت لهم علي المعسكر
ملك : انا معاكي يا حياه لو روحتي هاجي تطوع علشان اكون معاكي ولو اسمك منزلش خلاص
الاء : وانا كمان يعني من الاخر لو احده فينا اسمها كان نازل الاتنين يروحوا تطوع
حياه باندفاع : لا طبعا لو اسمي بس اللي نازل مش هضحي بيكم دا يا عالم هنرجع ولا لا
ملك : اولا الأعمار بيد الله يعني مكتوبلنا نموت هنموت حتي لو كنا فين اما بقي الصح زي ما الاء قالت
ربنا يسهل
الاكل نزل وكلوا
الاء : الله الاكل هنا تحفه
حياه وملك : اه جميل اوي
الاء : نبقي نيجي هنا علي طول
حياه : اوك. عجبني انا كمان خلصوا الاكل وقعدوا يتكلموا شويه
الاء : تعالوا نروح الحمام اعدل شعري قبل ما نمشي
يلا
حياه وهي ماشيه خبطت في طارق
حياه : انا اسفه
طارق بابتسامة : لا عادي ولا يهمك
ودخلت الحمام
الاء كنت بتكلمي مين دا يا حياه
حياه : دا واحد ا نا خبطت فيه واعتذرتله
عند طارق
محمد بغمزه : مين دي اللي كنت واقف معاه دي انا شفتك متنكرش
طارق : انكر ايه يا بني هو انا لحقت دي واحده خبطت فيا بالغلط واعتذرت بس ايه عيونها يلهوي دوبت فيهم مش عارف ايه اللمعه دي دي لو كانت وقفت معايا كمان شويه مش عارفه كنت هعمل ايه
محمد : لازم اشوفها
طارق : هي راحت في اتجاه الحمام وهي خارجه هوريهالك بص لسيف اللي مش بيتكلم وقاله مالك يا بني ساكت ليه انا عرفتلك مين اللي وقف قرارا هدم البيت اللي قلتي عليه دا وزير محمد ابراهيم هو اللي امر بكدا والموضوع خلص
سيف بنفكير : اممم وايه اللي يعرفهم بالوزير دا
طارق : خلاص سيبك بقي من الموضوع دا وقولي ايه رايك في المطعم
سيف : جميل الصراحه الف مبروك يا طروقه
محمد : الف مبروك يا كبير بس ما شاء الله زحمه وهتولع معاك يا كبير
طارق : خمسه في عينك يا اخويا يارب استر انا لسه لحقت
وخرجت الاء وحياه وملك
طارق : هي دي
محمد : اهني واحده بس الثلاثه قمرات
طارق: اللي لابسه ازرق دي
محمد : اوبا علي الجمدان بس اتصدق عيونها بتلمع
سيف اخده الفضول ان يشوف بيتكلموا علي مين وبيلف يشوف مين
سيف اتصدم هي
طارق ومحمد : هي مين
فجأه سيف ذهب عند طرابيزه حياه
سيف : والله زمان والفلاحين بقت تيجي أماكن زي دي
الاء باندفاع : فلاحين في عينك انت مين انت!!
حياه بصدمه ولكن حولت تتداريها : حضرتك بتتكلم معانا
سيف : هو فيه غيرك
حياه : هو حضرتك تعرفني
سيف : انت هتستهابلي لحقتي تنسي بس اقول ايه من كترهم مش فاكره
حياه بنرفزه : انت واحد مش محترم ولا تفهم يعني ايه احترام مين أصله انت ازاي تتكلم كدا فين مدير المطعم دا
ملك والاء اهدي يا حياه
الاء بصوت عالي : فيه ايه يا استاذ اكيد بتشبه
سيف : وطي صوتك يا بت انتي
الاء: بت انتي !! يعني ايه بت انتي !!! وكانت هتمسك فيه لولا ملك مسكتها
ملك : ما تتكلم كويس يا استاذ انت احنا عملنا حاجه
طارق ومحمد جم بسرعه : فيه ايه يا انسه فيه ايه يا سيف المطعم النهارده الافتتاح ميصحش تزعقوا كدا
حياه بغضب : فيه ان الاستاذ دا تعدي علي الخصوصية احنا كنا في حالنا والأستاذ جي يرمي بلاويه علينا
سيف كان هنتكلم طارق قطعه
طارق : احنا اسفين يا انسات انا مدير المطعم ثواني ونفهم ايه اللي حصل واخد سيف ومشيوا
طارق : ايه يا سيف هما عملو ايه
سيف بعصبيه : مفيش وساب المكان ومشي
طارق : يخربيت برودك يا شيخ هعمل ايه دلوقت
محمد مشي عندهم
محمد : احمم احنا اسفين علي اللي حصل هو سوء تفاهم وهو كان بيشبه علي حد اسفين مره تانيه
طارق : دا اعتذار رسمي من المطعم وحضرتكم مش مطالبين تدفعوا تمن الاكل هيكون فري اعتذار علي سوء التفاهم دا وتقدروا حضرتكم تيجوا في اي وقت تاكلوا فري مره كمان من المطعم
الاء : احنا مغلطناش يا استاذ وتقدر تشوف الكاميرات ونقدر بكل سهوله نقدم شكوي والمحل اللي لسه فاتح النهارده بياخد سمعه وحشه من اول يوم بس احنا مش هنعمل كدا لان حضرتك ملكش ذنب ودا تمن الاكل احنا مبنقبلش العوض
طارق برق ليها وقال في سره عوض !!!!
حياه : والأستاذ دا لو أتعرض لينا مره تانيه ساعتها هقدم الشكوي ولا هنعمل حساب لاي حاجه وخرجوا من المحل
طارق : هو ايه اللي حصل لسيف
محمد : الصراحه انا شايف انه هو اللي غلطان البنات كانت في حالها
محم. : تعالي نمشي نروح ليه نفهم منه
طارق : سيبه النهارده مع نفسه هيكون متعصب وهو قايل ميه مره محدش يكلمني وانا متعصب خلينا نسأله بكره قعدت تقول هتولع هتولع ادي عينك يا فقر منك لله ملحقتش اتهني
ومشيو هما كمان
في بيت البنات
حياه : واحد متخلف كان عايز قلمين تلاته
الاء: اي نعم كان حلو ، لا حلو ايه كام مز اوي الصراحه بس ملهوش الحق يكلمنا كدا
حياه : امشي يا بارده من هنا احنا في ايه وانتي في ايه
ملك : خلاص يا حياتي خلاص يا لولو متزعليش نفسكم هو واحد مترباش
حياه : صح
ملك : ومعندهوش زوق
حياه : صح
ملك : ومش محترم
حياه : صح
ملك: بس هو اصحابه استغفر الله العظيم حلوين حلاوه
حياه والاء بصوا ليها بصدمه : والله طب تعالي بقي وجروا وراه ومسكوها وقعوا علي بعض وقعدوا يضحكوا
حياه : بقولك يا لولو ما تباتي معانا النهارده
ملك : ايوة يا الاء نامي هنا معانا
الاء : ان مكنتش تحلفوا بس
ضحكوا ونامو
تاني يوم
حياه لبست بنطلون واسع بيج وعليه بلوزه سوداء وطرحه مشجره
ملك كانت لبسه جيبه بلسيه سوداء وبلوزه بيبي بلو وطرحه مشجره
الاء كانت لبسه بنطلون جينز وعليه بلوزه بيضاء وفارده شعرها
وذهبوة للمستشفى
في المستشفى
في مكتب حياه
علي : حياه نص ساعه ويعلنوا مين هيسافر خليكي جاهزه انتي وصحابك
حياه: ماشي يا علي
علي باستغراب : علي ! انتي زعلانه مني ولا ايه
حياه : لا مش منك مخنوقه مم موضوع كدا هبقي اقولك بعدين
علي : بعدين ايه قوليلي دلوقتي
حياه قصت له ما حدث في المطعم والمشكله اللي سببها سيف
علي : ابن**** ازاي يكلم معاكي كدا اشوفه بس
حياه : خلاص هي المشكله اتحلت لو أتعرض ليا تاني هقدم بلاغ فيه
علي: ماشي
بعد شويه نزلوا تحت علشان يعلنو الأسماء :
الدكتور علي البحيري ودكتور حسام غازي ودكتور عبد الله ودكتور سامح ودكتور هاني ودكتور حسن ودكتور فادي ودكتور حياه البحيري ودكتور سلمي الجوهري ودكتور الاء الشرقاوي وملك الصاوي ودكتور رنا ودكتور روان دول اللي هينزلوا المعسكر واي حد تاني عايز يتطوع يجي الشئون يكتب اسمه
البنات بصوا لبعض وضحكوا
حياه : اهو بقينا سوا من غير اي حاجه
كل واحد ذهب لمكتبه
بيتبع ……
ياتري ايه اللي مستخبي ليهم !!!!!؟.؟؟
ويا تري سيف ناوي علي ايه ؟؟
ايه حكايه المعسكر دا ؟؟؟
الفصل التالي: اضغط هنا
يتبع.. (رواية حياتي فقط) اضغط على اسم الرواية لتجد الفهرس كاملاً بجميع الفصول.