رواية بين قبضتهم وقلبه – الفصل الرابع والثلاثون
34
لاتنسوا التصويت + التعليق بين الفقرات لُطفاً
“بين قبضتهم وقلبه”
ـ لـرقو الجوهر .
..
“ياقوتَ”
سمعت صوته يشاهگ ويبچي التفتت وشفت حالته شلون صايره دمعت شوي وابچي حاولت اكمل طريقي وما اهتمله صرت بالباب وگلبي نغزني رجليه ماتشيلني احس روحي تگلي ارجعيله لا تعوفي وتروحين باوعتله وهو يباوعلي مسكت الباب احاول اثبت نفسي لأن مابقى بيه حيل صرت ابجي واني منتچيه
على الباب اجن امه وخواته يبچن يمي يحاولن يهدني ومايخلني اروح ضليت واكفه بالباب وابجي وياه مسح دموعه تنهد بحسره
وصعد للغرفة اخذني خواته كعدني بالصالة يحجن وياي وقنعني انطي فرصة ثانيه
عسى ولعلى يتوب ويبطل حركاته هاي اقتنعت بكلامهن وبقيت وياه حاولت انطي فرصة ثانيه لخاطر حبنه لخاطر كلشي عشناه سوه لحكته للغرفة لكيته متمدد بالفراش ومخلي زنده على عيونه يحاول يخفي دموعه دخلت عرفني يمه بالغرفة نزعت عباتي والشال كعدت ع طرف الجربايه وحجيت بهمس
ياقوتَ : دَيهم
ما رد سكتت شويه ورجعت كتله
ياقوتَ : وليدي .
كعد لحيله وشبگني يبچي بحضني ويناشغ اول مره اشوفه يبچي هيج
ياقوتَ : رموش عيوني انتَ كافي بچي
خله راسه على صدري يبچي بحرگه حضني بقوة مسحت على شعرة براحة
دَيهم : تعبان
ياقوت : اني يمك يروحي انتَ
ديهم : جذابه ناويه تعيفيني
ياقوتَ : بس حجي وغلات عيونك اذا شفت گلبي ماكدر حتى اصد عنك اني روحي عايشه بروحك دَيهمي
دَيهم : وشراح يصير بعدين؟ هم تكولين طلكني
ياقوتَ : اني وانتَ اكثر اثنين تعبو بحياتهم واتعذبو ماضگنه طعم الراحه من يوم صرنه مشاكل … دَيهمي اني وياك لازم نتقاسم التعب بيناتنه
وهوة يبجي كال
دَيهم : غيحي تعبت
ياقوتَ : بروحي ولا بروحك
دَيهم : ما اريد اخسرج وما اريد اخسر صحتي بالخيارين الخسراااان انا اذا عفتيني وغحتي اخسر صحتي ويااااريت بس صحتي اخسر حتى نفسي اخسر الدنيا گلها اضل يتيم بدونج
انا حاسبج اهل ياقوتَ
صرت ابجي وياه وامسد على شعره كال
ديهم : الله يلعني ويلعن غيرتي ويلعن حبي ويلعن وسواسي ويلعن مرضي ويلعن هوسي ويلعن كل المشاكل الجاي تصير ويانه
ياقوتَ : اشش خلاص كافي حبيبي
ديهم : يبا جاي اعترف لج انا اغار وبوقت الغيره بعد ما اتفاهم وانا اعترف بأيدي هاي خليت الكاميرا بالدب بيه مرض اخاف احد يحاجيج اخاف احد يسمع صوتج او يشوفج من كلشي اخاف عليج والله هذا الهوى اخاف يشاركج بيه حاضني ويبجي .
ياقوت : اني اتحملك بكل شي بيك يروحي حتـلو هيج اطباعك مستعده اتحملك ما اكدر بدونك والله اني ماضل لي احد حتـلو اريد ارجع لأهلي محد بيهم راح يحتويني مثلك اني لگيت الامان يمك لگيت الاهتمام يمك شفت الدنيا يمك كلشي احلم بي واحبه لكيته يمك يروحي انتَ
دَيهم : بعد لا تكولين طلكني
ياقوت : صار يا امي والله صار
دَيهم : انا اعرف اذيتج هواي بغيرتي الزايده بس حتى من امنع نفسي من انو اغار الگه نفسي اراقبج وادقق وياج بدون وعي ما اكدر امنع نفسي افهميني بويه انا احبچ
ياقوت : خلاص انسى الموضوع
متمسك بيه بقوه كتله
ياقوت : انا يمك خلاص والله ما اروح
ديهم : اوعديني
ياقوت : وعد يرموش عيني انتَ وعد ما اروح واخليك
ديهم : انا حيييل ارعن يمچ
ياقوت : اروح فدوه للأرعن
ديهم : محد يحس بيه مثلج ومحد يداويني غيرچ ابوس ايدج اتحمليني بخبالاتي وبغيرتي الزايده وبعصبيتي وكدامج اصير ارعن والله كل خير مابيه
رفعت راسه عن صدري وكعدت ابوسه بكل انحاء وجهه
ياقوت : كافي الله يخليك انسى و اسفه لأن زعلتك مني
ديهم : هاهيه بويه ولا يهمچ
حاولت اغير الموضوع كتله
ياقوت : تدري شكد احبك
ديهم : شكد
سحبني ونومني وياه بالفراش. كتله
ياقوت : ها مادري
ديهم : احبك
يحجي وعيونه حمر من البچي
ياقوت : احبج
ديهم : اعشڪنج شمعتييي اعشكنج
ياقوت : استحي تره
ابتسم و كال
ديهم : بربوك تستحي
ياقوت : اي والله
ديهم : بوسيني
ياقوت : ها رَيس
ديهم : عيون الرَيس
ياقوت : استحي
ديهم : ههههه
باسني بخدي وضمني بحضنه
“بعد مرور فترة من الزمن”
شيلاء انخطبت لنفس الشخص اللي اهلي جبروها عليه و تقريباً قبلت وهيه مقتنعه بي وعرسها اليوم رحت اشتريت ملابس وجهزت نفسي لعرسها واتفقت اروح وياها للصالون
كاعدين اني وطرزان بالصالة كتله
ـ الارعن
ـ عيون الارعن
يحجي ويتصفح بالتلفون كتله
ـ طيب طفي التلفون اريد اسولف وياك
طفاه وكال
ـ آمرني ابني
ـ اا شسمه
ـ اها افتهمت اللگفة احجي بسرعه احجي شناويه تعملين بيه من مصيبه
ـ حبيبي اروووحلككك ففففدوه اريد اروح ويه شيلاء للصالون
ـ شتسوين؟؟
ـ اسوي ميكب لعرسها يعني شسوي
ـ هلوو وبعد يُبا شناويه تعملين ؟
ـ وو اسوي اضافري وشعري واشتريت ملابس تموت تموووتتت
ـ صدك والله؟ وياهو الگالج انا غاح اخليج تغيحين
ـ لا بشرفك دَيهم برررربك لا تكولها هذا عرس اختي ديههووومم ميصير ما ارووح
ـ اختج تريد تعرس انتِ شكو غايحه لو مكتوب بطاقة الدعوة الرجاء حضور الاخت ياقوتَ حتى يتم الزواج واذا ماتغيحين مايتم اكعدي بابا واستقري
ـ والقران ميصير هيج حبيبي صار هواي حارمني اروح عرس واني ما معارضتك ابد بس هل مره عرس شيلاء ميصيييررر .
سمعتنه امه واجت كالت
ام بلال : شبيكم يا يمه صوتكم طالع
ياقوت : خاله خااالهه شيلاء راح تتزوج و دَيهم ميقبل اروح لعرسها ترضيها يخااالهه
ام بلال : لا والله ما ارضاها يول دَيهم واذا غاحت خطيه وين اكو وحده ماتحضر عرس اختها
ديهم : يمه العرس غاح ينترس ناس غرب وكرايب عجل اتخبلت اذا اخلي مرتي تفوت بينهم
ام بلال : انجب ولا حرف تكوم هسه تاخذها لبيت اهلها تتحضر ويه خواتها خطيه شنو فرقها عنهن هسه كلهن يحضرن
كمت اركص من الفرحة رحت وصرت ابوس بأمه وهو يخوزر بيه
ام بلال : يلا ابني يلا كوم ودي مرتك عيب ميصير بعدين اهلها شيكولون علينه ليش ما اخذناها لعرس اختها عيب وفضيحه عليك هيج تتصرف ويه عمامك
ديهم : بس يمه…
ام بلال : لا اله الا الله لاتبسبس يعني شلون تجلطني يلا ترتاح ميصير يا امي خطيه مرتك بنفسها تغيح تخليها بنفسها يعني كوم يا امي الله يهديك يارب ويصلح حالك كوم وصلها لبيت اهلها .
يخوزر شويه ويدفني كال
ديهم : امشي بدلي اخذج يلا
ياقوت : خاله عود تعالي انتِ والبنات للعرس ترا امي عازمتكم
ام بلال : ان شاء الله بنيتي غيحي بدلي يا يمه حتى تلحكين تحضرين نفسج عندج ملابس لو اخلي دَيهم ياخذج للسوك
ياقوت : لا مشكوره حبيبتي خالتي عندي اشتريت.
بستها براسها وصعدت اكمز من الفرحة بدلت لحگني المسودن عاگد حواجبه وضايج
ديهم : وين ملابسج؟
ـ ياملابس
ـ مالات الخرا العرس
شوفتهن اله گال
ـ ياااا بوووويه كل عقلججج ياقوته
ـ اي والله
ـ تلبسين ههذاااااا؟؟؟؟
ـ اي شبي؟
ـ شايفه رگبتي؟
ـ اي شبيها
ـ اگصها اذا لبستي هيج لبس
ـ دنچب يلا شكو بي لا تضل تمسلت بسوالفك
ـ وشايفه راسي
ـ اي شايفته شحلاته
ـ اركبلوو گرون اذا خليتج تلبسي لجج بنت الزفره شهل لبس الملگلگ مال ملطلطات
ـ والله حلو و مستور ويرضيك
ـ ولججج هذا ما يرضي لا الله ولا يرضينيي شو دجيبي .
اخذه من ايدي شمره بالكنتور وطلعلي واحد غيره
ـ هذا شحلاتوو البسي هذا
ـ ايعععع مخنوگ من الرگبه
ـ عسى ما يخنگج ويموتج ماتلبسين غيروو فاااهمه
خلاه بالجنطه مالتي وگال
ـ يلا امشي
ـ لا بشرفك دَيهم اريد ذاك والله ارررريدههه
ـ اششش خلاص گلت ماتلبسي و شعرج لا تفكرين تطلعينو وتنثرينو كدام الرايح والجاي
ـ حيل بالغت دَيهم ترا هو عرس اختي مو احد غريب
ـ واذا عرس اختج يعني تتشلحين تشلح وتعرضين بجسمج كدام اليسوه والما يسوه انسي يُبه انا زين مني اقتنعت اخليج تغيحين هسه اغير رائيي ترا
ـ يعني هيج؟؟؟
ـ اي بس لا عندچ اعتراض؟؟ يلا الحگيني للسيارة
راح وبقيت بالغرفة ركضت طلعت الفستان الاريد البسه وخليته بالجنطه حتى هناك البسه هوَ شعرفه نزلت لگيته ينتظرني بالصالة
ـ يلا توصلني؟
ـ اي بس
ـ بس شنو؟
ضربني بالسبحه على خصري وكال
ـ رگص ماكو
ـ اوي توجع
ضربني مره ثانيه وگال
ـ ضحك ماكو
ضربني مره ثالثه ورجع كال
ـ تصوير ماكو
ضربني مره رابعه وكال
ـ تلويص بوجهج ماكو
ضربني مره خامسه بالسبحه وگال
ـ حجي ع الناس وغيبه ونميمه ماكو
ـ حاضر رَيس اوامر ثانيه؟
ـ ع السيارة گبل يلااااا لا اموتج هسه
اسمع امه ورانه تحجي عليه لأن يكفخ بيه بالسبحه صعدنه بالسيارة وصلني لبيت اهلي لكيت خواتي كلهن هناك
قبل لا انزل كال
ـ يول تدرين اذا اتصرفتي من راسج شنو اعمل بيج
ـ شتعمل رَيس ؟
العب الغالي ع الغالي وانت يا ابني تعرفني من اتخبل
ـ ديلااا روح رَيس رووح
ـ من اتصل عليج جاوبيني لان يضل بالي يمچ
ـ صار حبيبي
ـ شو تعاي بوسه
بنت اختي واكفه يم الباب تنتظرني انزل گتله
ـ حبيبي وبنت اختي عيب
ـ العيب بالجيب ابني
اخذ بوسه غصب بالكوه ما شلعته نزلت بست بنت اختي وشلتها ورحت للبيت وهو واگف يباوعلي لحد ما وصلت البيت يلا راح لكيتهن متحضرات يريدن يمشن للصالون وحاجزات موعد
ياقوت : اروح وياجن حطني حتـلو بالجنطه
ـ اكو مجال السيارات هواي حتـلو اشهب يوصلج رحت لأشهب كتله
ياقوت : حبيبي شهوبي توصلني للصالون
اشهب : اي اتحضري اوديج هسه لأن عندي شغل بعد شواي
ما الحگ ركضت اتحضرت ونزلت انتظره اجه واخذني للصالون وخواتي وشيلاء لحگونه بسيارة نوار وسايق تكسي اثنين وصلهن لان هنه هواي سيارة وحده متكفي
اختاريت ميكب يشق وكلش كلش ثقيل بحيث اول مره اخلي هيج ميكب بس مرتب بشكل طلع يجنن
بعد ماخلصت وكفت كدام المرايه طگيت صوره ودزيتها لـ دَيهم شافها وبسرعة صار يكتب
ديهم : ولجج بنت الزفره انا شحجيت
ديهم : شحجيت حبيبي؟
ديهم : انا مو گتلج تلويص ماكو وبعدين هذا المكان وين؟ شو اوگفي اركز بالله !!!! هذا بالخرااا الصالوون لييييش طالعه وما گايلتلي
ياقوت : حبيبي انتَ ماگتلي لتروحين للصالون ديهم : يااااقوتَ لاااا تفرمتين عقلييي وتشوشين تفكيري كلامي وياج جان واضح من البدايه گتلج نعال طلعه ماااااكوووو راح اكفرررر والسبب انتِ
ياقوت : حبيبي هذا الصالون يم اهلي يعني مو بعيد هواي
سكت ما جاوب شواي ودزلي لوكيشن المكان اللي اني بي طلع يراقب موقعي الكوااد كال
ديهم : وتجذبين هم؟ اليوم انعل ساسج اررررجعي لبيت اهلج يلاااااا
متت من الخرعه گتله
ياقوت : صار حبيبي
ديهم : بسرررعه ودوريلج مكان تختلين بي اليوم اطيييح حض حضج بربووك طالعه عينج انتِ اتصلت بأشهب طلع ينتظرني برا بدلت ولبست الفستان مالتي وحتى تسريحة ما سويت رجعت للبيت وخواتي كملن ولحگني اول ما اشهب وصلني شفت دَيهم واگف ينتظرني بحديقة اهلي والجكاره بحلكه وعاگد حواجبه ضايج ومعصب وجهه ما يتفسر ويخوزر بالرايح والجاي وايديه ترجف يمه والله اليوم يذبحني بعدني ما نازله من السيارة اجاني يصيح فتح الباب وجرني من ايدي طلعني من السيارة يصيح بوجهي لحگنه اشهب وكال
ـ شبيك دَيهم ماتستحي انتَ عيب العالم منا
ـ رجائاً اشهب لا تدخل بيني وبين اختك
باوعلي اشهب كتله
ـ روح خويه مشكور تعبتك وياي
ـ ياااقوتَ شبيكم
ـ ماكو شي شهوبي يروحي انتَ مشكله بسيطه رجع يباوع لـ دَيهم ويخوزر بي وگاله
ـ لا تضل تصيح عليها كدام الناس ع الاقل احترمها بيت اهلها اذا مابيك حض تحترمها بيتك
عافنه وراح رجع باوعلي دَيهم ودمارات كصته شواي ويطگن وشاد قبضته على ايدي بقوه
ديهم : شنووووو هذا التلويص البوجهج
ياقوت : دَيهم عوف ايدي وندخل جوه نتفاهم
ديهم : مااا اررريد خررررا ادخللل جاي اكل خرااا وياااااج وجهج شلاااااعبه بيي
ياقوت : شلاعبه دَيهم هوَ ميكب يعني عادي
ديهم : لا والله؟؟؟ كلش عادي عندج الوضع !! وانا ماتفكرين بيه ماتفكرين شيصير بحاااالييي ولججج شلون الچ گلب تحركين گلبي هييييج هااااا!!!
صرت ابچي گال
ـ احجي لا تبجين دموعج ماتجيب نتيجة ارررريد جوووااااب اناااااا مكياج وتلويص ونعال بوجهج شكووو مخليه وبعدين شو اشوف شوووو ولابسه الفستان اللي كتلج لا تلبسينووو اخخخخ يا الله اكتل غيحي يعني انتحررررر وامووووت وارتاااااح منججج ومن عماااايلج اللي تووور گلبي وووَررر ولجج ماتفهمين ماتحسين انتتتتت كلامي كلوو وياج ما جاب نتيجة
يحجي وماسك ايدي بقوة واني بس ابجي وهو يصيح بوجهي والعالم كلها تباوع علينه مصدومين من تصرفاته
ـ احجي شكوووو سااااكته بلعتي لساااانج لو بيج خير بس تتصرفين من راااسج هذا
ضربني على راسي خليت ايدي على وجهي خفت لا يضربني
ـ دَيهم عليك الله عوفني لا تضربني كدام العالم
ـ يوم انج هيج خايفه من العالم شتحجي علينه عدلي تصرفاتج وطبعج الزباله هذا لا افلششش راسج
رجع ضربني مره لخ ماحسيت بس بأيد اشهب تسحبه عني
اشهب : ماتستحي انتَ شلون تضربها كدام العالم شنهوووو ماضل عقل براااسك
دَيهم : عيفنه موضوع بيني وبين مرتي
اشهب : شنو ناسي مرتك هيه اختي لا تمد ايدك عليها مره ثانيه احسن ما….
دَيهم : احسن ما شنوو هااا تهددني لو شنووو؟؟؟ جاي اعلم اختك تبطل تلبس هيج لبس خايس وتلوص بوجهه الوان واشكال
اشهب : وشبي لبسها مستور وشحلاته كل البنات لبسن مثلها وازود وكلهن خلن صخام لوجها
دَيهم : اشهب رجائاً اذا انتو تخلون نسوانكم تسوي بكيفها انا مرتي ما اخليها غيرتي ما تسمحلي يا اخي
اشهب : وشنهوو غيرتك ماغيرتك هيه وين رايحه غير يم اهلها وهذا عرس اختها مو يم الغربه اذا براسك حض اعقل ولا تسوي هل حركات كدام العالم وتفشلها خاف عبالك ماكو احد وراها والله اذا تمد ايدك عليها لا تلوم الا نفسك
ياقوت : كافي الله يخليكم سدوو الموضوع العالم تباوع علينه
دَيهم : ما الوم الا نفسي!! شتسوي مثلاً؟؟ لككك انتم جنتوا حتى احترام ما تحترموها هسه جايني ادافع عنها وبكل صلافة لو بيك خير جان منعت اخوك من جان يضربها ويأذيها
سحبني اشهب من ايدي وخلاني وراه وگاله اشهب : امشي اذلف لبيتكم اختي ماتروح وياك شوكت ماصار عقل براسك تعال اخذها ماعندك احترام لا الها ولا لأهلها واكف وبكل عين صلفة تعايرني كدامها بالماضي حتى ماخفت على مشاعرها وشنو راح تفكر
دَيهم : سهله بعيني سهله
يباوعلي ويخوزر ويتحلف راح معصب واني واشهب دخلنه للبيت بس ابجي ماسكتت گال اشهب : خيتي اتونسي ولا تخلين على بالج خليولي هذا خبل ماكو هيج غيره الله يساعدج ويعينج عليه
ياقوت : حرت يا خويه حرت شسوي وياه وشلون اتصرف بكل الطرق ماجاي يتعدل
اشهب : الله كريم خويه بس عوفي خيولي لا تراسلي ولا تجاوبي على اتصالاته هوَ مثل الخوش يجي يعتذر منج ويطلب السماح
عافني وراح رحت للغرفة عدلت وضعي ومكياجي ونزلت العرس مبلش واني ملتهيه ويا المسودن وغيرته واني گاعده اجاني مسج من دَيهم
ديهم : ها الخاتون ما ارتاحيتي الا سويتي البراسج
شفته ومارديت كال
ديهم : اي لا تجاوبين لأن تعرفين نفسج غلطانه هم شفته وما جاوبت رجع يراسل
ديهم : خل يخلص العرس على خير وحق الله وحق من انزل السماوات والارض دقيقة ما اخليج على ذمتي
ياقوت : ياااااريت صدك جذب من زمان انتظرك تكولها
ديهم : كل الخراب والمشاكل البيناتنه بسبب اهلج بكلشي يدخلون وما يخلونه نحل مشاكلنه
ياقوت : والله حلوه هاي يعني تريد اشهب يشوفك تضربني وميسوي شي يكلك عاشت ايدك اضربها اقوة
ديهم : انا وياج مانصلح بعد انتِ تعاندين وانا اكره المره اللي تعاند زوجها وكسرتي كلمتي ولبستي نفس الخرااا الكتلج لا تلبسينو و رحتي صالون بدون علمي وكتلج صخام بوجهج لا تصخمين ورحتي صخمتي وفوك هذا كلو تجذبين وتكولين صالون قريب على بيت اهلي تالي لگيتج بأطراف سامراء رايحه والله وسفه هاي تالي ثقتي بيج!
ـ خلصت؟
ـ ومن اراقبج واتابع موقعج واخليلج كاميرات بالغرفه وبكل مكان لا تلوميني انتِ تكسرين كلامي دائماً حتى بطلت اثق بيج
ـ عفيه هيج اريدك لا تثق ولا تأمن بهل وكت محد بقى ثقه
ـ ارتاحيتي هسه؟ خل الرايح والجاي يشوفج بالفستان المخصر من نعلا علا الخلفججج لابوووو **** لابووو** الاعراس لابوو*** الحفلات والملابس والطلعات
ياقوت : شكوو حارك حطبك انتَ مو تكول ما اخليج دقيقة على ذمتي؟
ديهم : هذا الموضوع منتهين منوو جزت نفسي منج ومن تصرفاتج الطايشه تلعبين بأعصابي وتحرگين بگلبي هاي غاح ارجعج يم الماما اشبعي منهااا شووففف .
اشوف وما ارد گال
ديهم : خسرتيني ياقوتَ وحق الله خسرتيني للأبد گلبي برد من يمج وماعاد اطيقج ولا بأي شكل من الاشكال ضلي بيت ابوج خلي شهوبي يفيدج الشديتي ضهرج بي وعفتيني وطبيتي للبيت انتِ وياه من انعل ابوووج لابووو اشهب لابووو الجابني عليچ ياااا بربوگ ما متربيه على هذا لبسج الخزي
ياقوت : احترم نفسك حيوواااان لا تغلط
ديهم : هو انتِ متقصده تلبسين هيج لبس حتى الرايح والجاي يشوفج خلي الزلم تشبع بيج شوف خل يباوعون زين صدرج ول***
رجلج وشد گرون بسببج شواي اگوم المعهن
رحت للغرفة حتى اكدر احجي وياه
احس ناار بكلبي منه
ياقوت : هيج شايفني بدون شرف اخلي الزلم تباوعلي ؟
ديهم : والله هذا التفكير البراااسج ماكو غيروو تردين الزلم تباوعلج وتشوف تفاصيل جسمج لأنج ماتسوين .
روحي دا تحترك من كلااامه هذا شجاه هيج يحجي كمت ابجي واتدمر مكياجي وما تهنيت حتى بالعرس.
ديهم : يلا استمتعي بالحفله وانتبهي على نفسج
ياقوت : والله خراا بنفسي
ديهم : رتبي نفسج زين حتى العدها ولد تخطبج لأبنها
ياقوت : خرا عليهن وحده وحده وانعل ابوك لابوهن
ديهم : انا شكو شعليه انتِ عاندتي تردين تغيحين ولبستي بمزاجج وخليتي خرا بوجهج بمزاجج وها صدك نسيت الحمره كلش لايگه عليج شوفيلج واحد يمسحها بطريقتو
ياقوت : وصلت بيك تحجي هيج كلام بحقي!! ولا كأنو مرتك وتعرفني شنو اني مشكور كثر الله خيرك
ديهم : تصرفاتج كلها وراها سبب واحد ما ناويه تبقين وياي لأن دوم تسوين عكس كلامي المهم خله يخلص عرس اختج البربوك على خير واجي لأبوج نتفاهم اطلگج وكلمن يشوف حياتو
ياقوت : مثل متشوف يكون احسن اذا طلكت هسه لأن انقرفت منك ومن سوالفك
ديهم : جاي اكلج يخلص الخرا العرس واجي لأبوج نتفاهم .
ضليت كاعده بالغرفة ابجي
اجت امي شافتني وهبطت كعدت يمي وكالت
ـ شبيج ياقوتَ شكو تبجين؟
ما جاوبتها كالت
ـ انتِ و دَيهم؟
هزيت الها راسي بـ اي واني ابجي
ابابيل : شبي وياج شكو عنده هذا المريض
ياقوت : يمه كله لأن حضرت عرس شيلاء وهو مو راضي اجي
ضمتني لصدرها وكالت
ابابيل : خيولي يا يمه خليه يحجي بكيفه مو من حقه يمنعج من عرس اختج وبعدين انت وين رايحه يم اهلج مو يم الغرب .
شواي صاحوها كالت
ابابيل : تنزلين راح يزفون اختج
ـ لا يمه ماكدر اطلع هيج كدام العالم شيكولون عليّ
ـ تمام يمه
ياقوت : سلميلي على شيلاء وهنيها بنيابة عني
راحت وعافتني رجع دزلي مسج وكاتب
ديهم : انا من البدايه مو راضي اخليج تغيحين للعرس بس عاندتيني وغحتي رغم تعرفيني كلش زين مو رااااضي بس لاااا انتِ لازم تسوين البراااسج شديتي ضهرج بأمي وكسرتي كلامي وحضرتي العرس
ياقوت : انتَ كدام خالتي كتلي امشي اوديج لأهلج حتى تلحكين ع العرس
ديهم : اي گلت هيح حتى لا ازعل امي بس انا مو راضي وما اريدج تغيحين المفروض انتِ من كيفج تكول ما اغيح بس رغم كل اصراري ماكدر لراسج اليااابس التريدينو تسوينو محد يگدرلج
ـ حتى بهاي گلبت وفريت الموضوع عليّ
ـ لا ليش افرو انا جاي احجي الصدك انتِ كسرتي كلمتي وحضرتي الخرا العرس تعرفين الي تكسر كلمة زوجها شنو عقابها؟
ـ وانتَ تعرف اليهين مرته ويضربها شنو عقابه؟ ـ اگول انچبي لا تغيرين الموضوع عقابج جبير عند رب العالمين لأن خالفتي زوجج وطلعتي وهو مو راضي عليج
ـ والله دنعل ابو الزواج اذا هيج يصير عمي لو ادري هيج الزواج زباله جان ما ازوجت اني شورطني وياك شو خواتي كلهن مرتاحات وارجالتهن ما ينگون ولا ينكدون على روسهن
ـ ذولاك كلهم طليان ماعدهم ذرة غيره وشرف على نسوانهم انا اختلف انا مو مثلهم لا تقارنيهم بيه خووش
ـ اي انتَ ملاك ونازل من السمه
ـ سدي حلكج يلا لا تستضرطيني فوك كل السويتي والج عين تراددين وتغلطين لجج انتِ تكرهين اليخاف عليج ويمنعج من الاشياء التضرج انتِ تردين واحد طلي تلبسين بركبتو الحبل وتحركي شلون ما يجي على بالج وللأسف انا مو طلي مثل رجولتهن لخواتج
ـ هاي شيلاء توا ازوجت شوف زوجها شلون راح يدللها ريشة ما يذب عليها بس اني من دون خواتي ماكله خرا ونعل وياك
ـ وحتى هذا الي تمدحين بي رجل شيلاء من وجهو عرفتو طلي ابن طلي انت تحبين واحد تركبيو على مزاجج .
تعبت من الكلام وياه طفيت التلفون وكمت بدلت ملابسي ونمت بالفراش وابچي واشاهگ الحسره بگلبي كلش اذاني كلامه صدمني ماتوقعته هيج يوم عن يوم جاي يسوء اكثر
اليوم الثاني كعدت جسمي متكسر وبطني تمغصني من الجوع لا تغديت ولا تعشيت بالعرس ولا تريكت الصبح كالت امي
ـ كومي يمه ياقوتَ سويت ريوك اتريكي ويا ابوج بالصاله
ـ ما اريد يمه مو مشتهيه
ـ بعدج زعلانه انتِ وياه؟
ـ اي اصلاً راح يطلگني وارتاح منه
ـ لا يا يمه طلاك شنو شتگول علينه العالم لا لا يمه حاولو تتصالحون وارجعيله
ـ كل همج العالم يمه وما يهمج اني شلون عايشه مدري مرتاحه مدري مو مرتاحه كل هذا ولا شي عندج اهم شي العالم من خرااا بـ العالم عفتها
ونزلت يم بسته من راسه كعدت اتريكت وياه اكلت شويه رن تلفون ابوي شفت الاسم دَيهم يتصل گلبي صار بطني معقوله يسويها الخبل ويطلگني جاوبه ابوي
حڪيم : هلا دَيهم اي ابني اني بالبيت كل الهلا بيك تمام منتظرك
سد الخط وباوعلي
ـ شبيج وجهج اصفر؟
ـ ها لا بابا بس تعبانه من الهوسه البارحه
ـ بيكم شي انتِ ورجلج؟
ـ لا بابا يعني شبينه ماكو شي
ـ رجلج ما يتصل بيه الا عنده سالفه اصلاً ما يتذكرني الا عنده مصيبه
ضليت ساكته وابوي يخوزر بيه كال
ـ خاف مسويه مصيبه يولي؟
ـ افا يُبا اني بنيتك معقولة اسوي شي ما يرضيك ـ خير ان شاء الله يجي رجلج الشاخط ونشوف شعنده
كملنه ريوك واخذت المواعين اغسلهن ونزلو اشهب ونوار همه ونسوانهم واطفالهم اتريكو وصعدو وامي راحت ع البساتين بس اني وابوي بالبيت بعد مدة اندگ الباب
كاعده ع القنفة كمزت من مكاني من الخرعه
حكيم : ادخل
دخل دَيهم كاشخ على اخر حباية لابس الدشداشه عبالك رايح لحفلة ويفر بالسبحة بأيده اجه على ابوي
ديهم : عمو تاج راسي شلونك
حكيم : هلا ابني استريح استريح
ـ الله بالخير
ـ الله بالخير
اكل بأضافري من التوتر كال ابوي
ـ ياقوتَ چاي طيب من ايدج
رحت للمطبخ سويتلهم وجبت ماي الهم قدمتلهم شربو ورجعت كعدت بمكاني انتظره يحجي بس خل يحجي ويخلصنه عاد
كال لأبوي
ـ عمو انا جايك اليوم بموضوع يخص ياقوتَ
ـ ابوي كول ابني شبيها ياقوتَ
يمههه لازمه گلبي خايفه شراح يحجي هذهه
ـ عجل راهمه يا عمو تكسر كلمتي وتسوي البراسها
ـ فهمني ابني شبيكم من خابرتني عرفت بيكم شي .
حجه لبوي الموضوع واني بس الطم شويه وادفنه باوعلي ابوي يخوزر بيه وكال
ـ ياقوتَ شلون تكسرين كلمة رجلج؟
ـ ماكسرت كلمته بس لبست اليعجبني وهذا عرس اختي مو عرس احد غريب
ـ حتلـو عرس اختج يا بنتي مايصير حرام تكسرين كلمة رجلج حراااام الله يحاسبج عليها الحقير يعدل بشواربه ويتمضحك كال ابوي
ـ تعرفين شنو عقاب الحرمه الي ما اطيع زوجها مو راضي عليها؟
عيوني دمعت ضليت ساكته
ـ يا بنيتي الحرمه الي ماتطيع زوجها تنسد ابواب الجنه بوجهها
سكت شويه واني صرت ابچي الحقير خلاني بوضع محرج كدام
حكيم : قال النبي ﷺ:
إذا صلّت المرأة خمسها، وصامت شهرها وحصّنت فرجها، وأطاعت زوجها . قيل لها: ادخلي الجنة من أي أبواب الجنة شئتِ
يعني طاعة الزوج من اسباب دخولج للجنه يا بنتي وخروجج من البيت بدون علمه يُعتبر مخالفة لشرع الله وديننا واسلامنا ما اريد الله يغضب عليج اسمعي كلامه حتـلو يكلج لأهلج ماتروحين لا تروحين ياقوتَ المره ما الها غير بيت رجلها
ـ بس بابا…
ـ كومي ارجعي وياج رجلج يلا بنتي وماريد هيج تصرفات بعد عدلي اسلوبج وياه وطيعي بكل شي يكوله الج يا بنتي طاعة الزواج من الاساسيات لدخولج الجنه خوما تخسرين رجلج علمود طلعة نص ساعة وياريت تخسرين بس رجلج الله يغضب عليج هم وتخسرين جنة الله سبحانة وتعالى
ضليت بس ابجي كال دَيهم
ـ يلا عمو اعذرني هم تعبتك وياي يلا ياقوتَ كومي نغيح
حكيم : لا يا ابني اي موضوع يتعلق بالدين اني مستعد اسمعك للأخر وبالاخص هيج مواضيع اني ما ارضه بناتي يغضبن الله سبحانة وتعالى لعد تربيتي بيهن وين راحت يلا ياقوتَ كومي البسي عباتج وتعاي روحي ويا رجلج لبيتج .
رحت للغرفه ابجي لبست العبايه واخذت جنطي ونزلت توا نريد نمشي كال ابوي
ـ ياقوتَ
ـ ها
ـ بعد ماريد اسمع رجلج يشتكي منج حافظي على بيتج ورجلج غيرج يتمنى هيج رجال ترا دَيهم ماكو منه يا بنتي لو احد غيره جان طلكج وثانيه ماخلاج على ذمته اني لو امج هيج تتصرف وياي والله ما اخليها ثانيه على ذمتي ـ
ـ صار
ـ عفيه بنيتي عفيه ما اوصيج بعد ها
كوه حاصره البچيه اخذني ورجعنه للبيت كل الطريق كلساع اتعارك ويا ع السواه نزل ودخل للبيت واني اركض وراه واسب واصيح اريده يوكف وهو حييل بارد ولا يمه
ـ اوكف احجي وياك شكو شكيت لأبوي من عندي وفشلتني كدامه هاا شلون حطيتني بهذا الموقف البايخ
ـ اشش نصعد للغرفة ونكمل كلامنه
يمشي ويحجي وياي طبينه للغرفة بسرعة قفل الباب واني منهارة بالعصبيه والحجي
ـ ميصير هيج خليتني بموقف بايخ كدام ابوي هسه شيكول عليّ هسه بنتي ماتطيع رجلها راح اوكع من عينه
ـ يااا صدك والله؟
ـ لا تستفزني جاي احجي وياك جد من كل عقلي
ـ اي كملي اسمعج
ـ انتَ مو گلت باجر اجي اطلگج؟
ـ ماضل عقل براسي اذا طلگتج
ـ شجاك ورجعت بكلامك انتَ مو جنت ناوي تطلگني
ـ ما اگدر
كالها ونفخ دخان الجكاره بوجهي كمت اكح كوه احجي
ـ الارررعن انتَ مو كدها متسويها
قرب مني وهمس
ـ بس يمچ ارعن
يحجي ويتبوسم كتله
ـ ماعرفتك نوب تكرهني وتسب بيه وتغلط وتطلعني مو شريفه ونوب تحبني وتتميلح يمي وتحجي كله بالحبجيات
ـ خلصتي؟
ـ لاااا ممما خلصت
تدري انتَ شسويت بيه بيوم العرس حتى ما خليتني افرح مثل النسوان عفت العرس وكضيتها بچي بالغرفة
ـ هوَ انا اريد هيج اووفف فوختي گلبي
ـ شعندك حاط دوبك ودوبي؟ حالف ما اتهنى لو شنو؟
ـ احبچ اكرهج من تتهنين وانا مو وياج ما اريدج تضحكين وانا مو يمج ما اريد احد غيري يسمع حتى صوت انفاسج ماتفهمين انتِ
سكتني بحجايتين وقشمرني گال
ـ والله العظيم لو مخلوق بلاية گلب احبچ بكلياتي
حجاها وابتسم بوجهي عضيت شفتي معت وگتله
ـ احلف؟
ـ وعيونچ السابيه گلبي
ـ اني قشمر وحق الله قشمر
ـ دَيهم زعلانه وحق الله
ـ انراضيك ابني بشنو تأمرنه
سحبني ولزگني بجسمه مركز بيه ويسولف
ـ امريني عيوني ورمشها ترخصلج
ـ ما ادري راضيني بطريقتك
ـ اذا بطريقتي غاح اتعبج
ـ ها يعني شلون
باسني بشفتي گال
ـ اعلمج شلون؟
ـ لا مو اني مريضه
ااه صدك والله
ـ لا تكول ااه
ـ انتِ گولي هيجي الغالي علينه
ـ وخرر وعوف سوالفك الخايسه وهسه تراضيني
ـ تدرين شصار بيه البارحه من شفتج لابسه هيج وجهج ملطختو الف لون
ـ شصار
ـ نبشت ابو حكومي وهوَ بگبرو
ـ جدو ميت حرام عليك
ـ اشش كافي تحرگين اعصابي ما مليتي
لو عاجبج الوضع الانا بي؟
ـ دَيهم والله انتَ بنفسك وديتني لأهلي وما منعتني من الطلعه ولا الميكب
سند جبينه على جبيني وغمض عيونه ويحجي بخفوت
ـ تعرفيني اغار انطيني على گد عقلي مو ضروري تحضرين عرس اختج البربوك
ـ دَيهم..
خله اصبعه على حلگي وگال
ـ اششش مشتاگلج انسي الموضوع
باسني بخدي وبشفايفي احس رحت بغير عالم ذبت نسيت حتى الزعل واني بين ايديه .
……
بعد فترة كاعدين كلنا بالصالة كال بلال
بلال : يجماعة شنو رائيكم نغيح نغير جو بشاليهاتنه مادام الشتا اجه والجو بارد نطلع سفرة نتونس وهم نقضي وقت
سالم : والله عاد تصدكون ودي اغيح صار يومين افكر بالموضوع شتگول دَيهم ناخذ الاهل ونتوكل باجر؟
دَيهم : ما ادري غيحو بكيفكم انا وياقوتَ مانطلع هيج طلعات .
البنات فرحن وام دَيهم ومرت بلال حاولو يقنعون دَيهم يروح ما اقتنع خططو لسفرتهم واتفقوا باجر يروحون .
اليوم الثاني طلعت من الحمام انشف بشعري لگيت دَيهم يلم بملابسنه
ـ خير حبيبي شكو تلم بملابسنه
ـ اتحضري نغيح وياهم للشاليه
ـ شعجب غيرت رائيك
ـ اشوف بنفسج الطلعه وما اقبل؟
لا مستحيل انا كُلي تحت امرج .
شوي واطير من الفرحة لأن صدك جان بنفسي اروح وياهم
رحنه للشاليه ولگينه هناك ولد عمهم
مو رائد ومحمد لا ههههه ذوله غيرهم رتبنه اغراضنه احنا مقررين نبقى اسبوع بالشاليه كال دَيهم
ـ ياقوتي
ـ عيونها حبيبي
ـ يبعد حيلي امشي اخذج لمكان
ـ شنو المكان
ـ بس امشي وياي بدون اسئلة
اخذني ورحنه لشجرة كلش بعيده عن الشاليه بس شنو من شجرة اتجنننن من جمالها كتب اسمي واسمه عليها وكتب جواهن
” انتَ النعمة التي لا اريد زوالها ”
بصف الشجره الشط رحت خليت رجليه بي وهوَ راح يسبح بعيييد كلش ميبين صدمني طلع يعرف يسبح
ـ مو بارد الماي؟
ـ وين البرد بويه
ـ دَيهوم الورد ضد الحراره والبرد
ـ ههههههه تعاي وياي
ـ يمةةة اخاافف اُغرق
ـ اوي تخاف توغرق بلكي الله وتغرگين بالفاتحه اگوم اتصيدلي وحده اتزوجها
ـ حتى اطلع من گبري ادفنك انتَ وياها ساقط كمت ورجعت للشاليه زعلانه لحگني يحاول يوگفني وفحطان ضحك
ـ حبيبي اوكفي هههههه والعباس اشاقة
ـ هيج شقة خايس بعد لا تشاقيني
ـ وشبيها اذا ازوجت الثانيه؟
ـ دَيهم كل عقلك؟ تحجي صدك وياي يعني؟ لا تخبلللنيييي راح انجلط هسةةةة
حسيت الحراره صعدت لراسي كتله
ـ بالله وياهي طايحة الحض تقبل بيك غيري غمزلي وكال.
ـ يموتن عليّ الحبايب
ـ ***** انتَ والحبايب والله **** حتى **** اگطعه من مكانه
ـ هههههههههه حرام عليج شعليه ترا حتى انتِ تنحرمين منو
ـ انحرم منه ولا غيري تشاركني بي
ضربته على بطنه وكتله
ـ يلا انچب كاااافي تضحك مدا اشاقه وياك مستمر يضحك الخبلل نرفزنيي
ـ دَيهههمممم والنبي مدا اشاقه وياك
ـ خلاص ههههههههه والله سكتت اشش اسف
ـ وسم والله *** اذا تحجي هيج بعد
وجهه صار احمر من الضحك
ـ بويه انتِ اولهن وثانيتهن وثالثتهن ورابعتهن گمت العب بأصابعي احس خدودي عطبن من الخجل
ـ صدك؟؟
ـ وغلات هالخدود الحلوه يبوووو نوب حمرت گام يبوس بخدودي
ـ بعد لا تمسلت وتكول ازوج ومدري شنو
احجي وخازرته كال
ـ يُبا انتِ اميرتهن انتِ تسويهن تعمى عيوني اذا شافت غيرج
شويه واموع بالكاع من كلامه خجللتتت
ـ طيب بوسني
كفخني على حلكي وكال
ـ صايره ساقطة منو علمج على هل سوالف ها؟ ـ انت علمتني
ـ عيب ابني ميصير يلا بوسيني بوسيني
ـ لعد والعيب ديهوم
ـ دبوسيني وانتِ ساكتهضلعي هو ضل بيها عيب اتسرسح كدامج ام عيون حلوه
بسته بخده كال
ـ لا مو هنا هنا
اشرلي على شفايفه وكال
ـ ابني من اول مره برد گلبي لا تضل تلعب بناري احنا نسولف اجو ولد عمه
ديهم : حبيبي ارجعي للشاليه شواي واجيج وبدلي ملابسج تبللن لا تتمرضين
ياقوت : صار حبيبي بس لا تتأخر انتظرك ترا
ديهم : صار يجنحي انتِ
رحت للشاليه لكيت البنات كعدت يمهن ونسوان ولد عمام دَيهم صار الليل اجو الولد صارت لمة برا ولد عمامهم
و بلال وسالم و دَيهم دزلي مسج كال
ـ وليدي البس شي يدفيك وتعال برا مشتاقلك
ـ ثواني واكون يمك يروحي
ـ وما اوصيك بالستر ابني
ـ صار رَيس
ـ يعيون الرَيس يا نبضو انتِ
لبست قمصله و لفيت شالي لأن يدفني اذا شعري يطلع نزلنه احنا والبنات لگيناهم يشوون كباب ودجاج ولحم و سمج و تكه
دَيهم كاعد يشوي سمجه وهما كل واحد ماسكله شي ويشوي يسولفون ويضحكون كعدنه يمهم واني صرت گبال دَيهم باوعلي وابتسم واطفال ولد عمامه يلعبون يمنه يكمزون ويضحكون شواي وشفت دَيهم يباوع للأطفال صافن بيهم ويضحك احس گلبه يرف عليهم مثل الفراشة واحد منهم عثر ركض دَيهم شاله من الكاع نفض ملابسه وگله
ديهم : بالهداوه لا تتأذه يحيل عمو
باسه وشاله يلعب وياه والضحكه شاگه حلكه انقهرت لأن اتمنى يكون عدنه طفل وهيج يلعب وياه ويشيله ويلاعبه كالت ام الطفل
ـ يااا سوده عليّ شوفن دَيهم شوفن شكد يحب الاطفال ابد ماتغير هذا هوَ دَيهم من يوم يومو يتلهف ع الطفل
رغد : هو منو الما يحب الاطفال هما زينه الحياة
ام بلال : يمه ياقوتَ راجعي دكتورة وسوي جدول حمل بلكي يصير عندج
ياقوت : الله كريم خاله بس ربنا من يريد يرزق يرزق بدون جدول ومادري شنو
باوعتلي ام الطفل وكالت
ـ بس ميصير غاح يصيرلج سنه متزوجه وبطفل واحد ما حبلتي انتبهي وراجعي نفسج وبعدين الزلم ما يتأمن الهم من الحرمه ماتخلف كامو وتزوجو عليها ماعدهم اي مشكله
ـ الا دَيهم الزلم كلها تتزوج على نسوانها الا رجلي لجج هو لازك بيه 24 ساعة ميكدر يفاركني لحضة حتى من يروح للشغل يدزلي مشتاقلج ويجي فلته يشوفني
ريام : والله العظيم حتى احنا مصدومين منوو جان قبل محد يكدر يحجي وياه حرف موگف البيت على تك رجل كلها تتراجف من عندو وهسه ياقوت لسانها هل طووولوو هيه موگفتو على تك رجل
ريهام : ما اعرف جنت بالاول متردده من اختيار دَيهم بس من شفت طيبة گلبها لـ ياقوتَ كلشي تغير بنضري صرت اشوفها كلش حبابه حبيتها ويا دَيهم وما الومو لأن يحبها عمي حقو والله حقو
رغد : لجج شوفي عبالك بحياتوو ما شايف طفل حاطو بحضنو ويبوس بي جزعوو للطفل
ام الطفل : اي سوده عليّ غير محروم خطيه الله يرزقكم حبيبتي ياقوتَ ويترس حضنج جهال
حسيتها استنقصت مني وحسستني اني شكد ضعيفة طفل ما اكدر اجيب لـ دَيهم كرهت حتى الكعده وكل شواي اباوع لـ دَيهم شلون فرحان يباوع للأطفال شلون يلعبون احس غصة بلعومي من المنظر
شواي وصاحني دَيهم رحت يمه
ـ اكعد يمي وليدي
كعدت يمه بالكاع وهوه يحجي
ـ ياقوته حبيبي
د كول حبيبي
ـ اريد طفل منج من عطرچ مو كافي صابر ؟
ـ حقك حبيبي بس هذا شي مو بأيدي ولا بأيدك
ـ صحيح بس ليش ماتراجعين دكتورة بلكي تنطيج علاج او اي شي يساعد ع الحمل وانا هم كذالك اراجع دكتور بلكي الله ويرزقني بنوته تشبهج
ـ يعني متريد ولد؟
ـ يولي شسوي بالولد اريد بنوته تشبه امها تلعب بيه فلك تورني ور
ـ ههههههه اني اذا تكررت مرتين احتمال انتَ تهج
ـ لو اجتنه طفله غاح اسميها فديت
ـ ايع شنو هذا الاسم
ـ حتى من المعلمة تصيحلها تكللها فديت دَيهم
ـ ههههههههههه والله نغل انتَ محد يگدرلك
ـ والله شبيج اخلي العالم كلها تفداني كل ما صاحوها كالو فديت دَيهم
خزرته وكفخته على ايده وكتله
ـ ها ها ترا اغاااار راح يطلعن گروني
ـ اعصابك ابني اعصابك
ضلينه نسولف هواي و نسوان ولد عمه يكصن بينه بنضراتهن من جوه ليجوه .
سحب الشماغ من راسه ولفه على راسي لبسه الي وگال
ـ الله يحرسج من عيون الناس ابوي انتِ شحلاتج
ـ هيچ وتكعدني بديوان والخاجيه لافتها
ـ اي بويه وبعدين
ـ واكللهم بالطلاگ الا تتغدون يمنه
ـ اي وتسويلهم منسف اندومي ياااا بويه وتفضحيني انا المگرود
ـ هههههههه لا ديهوم ترا مرتك معدله
ـ مرتي؟؟ يااا بويه تاج راسي مرتي شو تعاي ابوسج
ـ حبيبي واهلك ولد عمامك
ـ يولون حبيبي منو بايس ام اللول غير مرتي
ـ لا تجيب طاري هاي البربوك على لسانك
ـ ااه تغارين
ـ والقران بدفره اشمرك بالمنقله
ـ خلاص اسف بويه اعصابك صاير عصبي وما تتحاجه شگلنه عيني شگلنه بنت حكومي
ضليت اخوزر بي وهو يضحك ويشوي بالسمجه كملوو شوي وسوينه سفرة كعدنه ناكل كلنا سوه وفجأة واني رايحة اجيب ماعون ثاني من الشاليه انضربت بأبن عم دَيهم واني شايله الطرشي وسخت ملابسه طرشي
ياقوت : اوف اسفه والنبي اسفه ما انتبهت ما شفتك اعذرني
باسم : عادي بنت السادة ما صار شي لا تتأسفين
ياقوت : وسخت ملابسك ولونهم ابيض والقران اسفه
ـ كافي تتأسفين ياقوتَ شصار قابل صدك جذب هسه ابدلهن فداج
ضليت اتعذر منه ورحت لمطبخ الشاليه ادور صحن لأن دزوني اجيب ماحس الا و دَيهم وراي يصيح باوعت له كبل مسك فكي خرعني
ديهم : رجعنه لأطبااااعج الخراااا ماتبطليهن يعني لوووو شلوووون .
الصحن بأيدي اخذه مني وشمره بالحايط وكسره
ـواذا وسختي بالطرشي؟؟ ضروري تعتذررررين يعني؟؟ لو هيه دوده بيج ماتكدرين الا تحجين ويااااهم احجيي جااااوبيني
اريد احجي ماكدر ماسك فكي بقوه عيوني دمعت من الوجع واحس گلبي صار بطني من الخوف
ـ تعتذرين منووو وكداااامي وما استحيتي ولا انتخيتي شايفتني رررجل قنفةةةة ولا معبرتني ولا كأنوو رجلج كداااامج
اريد احجي وياه افهمه ماكدر بس دموعي تصب دفعني ع الكاونتر وصاح بيه
ـ حضرررررتج تستضرطيني
الباب مال الكاونتر مفتوح وكعن كل المواعين واتكسرن المطبخ انهجم هجم الجراره بصفي فتحها وسحب سجينه عليّ وحطها بخاصرتي انخطف لوني متت من الخولف گال
ديهم : احطهااا بخااااصرتج والله ولا اشوفج تحجين ويه رجااال غيييررري
دموعي تصب ابعدت ايده عن فكي
ياقوت : دَيهم والله ماسويت شي بس اتأسفت منه لأن وسخت ملابسه
ضرب المواعين كلها كسرها وكال
ـ واذاااا وسخختتتي ملابسووو عساااه بالمووووت انتِ شلج غرض انتِ ياااااهو مالتج انتِ عليج بس بيه
درت وجهي عنه ابجي مسك فكي وكال
ـ حطي عينج بعيني
غمضت كال
ـ لا فتحي حطي عينج بعيني من احاجيج
باوعت له صرنه عين بعين كلش قريبين من بعض مشى السجينه على طول رگبتي وگال
ـ تعرفين من اغار شنو الي يطفي نيراني
ـ لا دَيهم عليك الله عوفني
ضغط على رگبتي بالسجينة توا يريد يغرزها وغمضت عيوني خايفه
ـ ليييش تعذبين گلبي
جرحني برگبتي صحت
ياقوت : يمممةةةةةة
صم حلگي بأيده وگال
ديهم : حتى مره ثانيه تتعلمين تسوين الاريدووو وما تحرگين اعصابي هواي مضرطت واكلت خراا ونعل بحلكج وكتلج انفاسج ما اريد شخص غيري يسمعها بس ماكو فايده من كل الحجيتووو دوم اطبقين الي براسج
هو يحجي واني دموعي تصب شايغه روحي واحس بدم ركبتي نزل على صدري
ـ تشوفين هذا دمج؟ لو اشرب منوو ما يبرد گلبي ولا يشفى غليلي ما يطفي نااار الغيررره الي بگلبي
وخررر ايده عن حلكي احس جنت مختنكه كمت اكح مسكت ركبتي ايدي صارت كلها دم سمعنه احد جاي للمطبخ اجت ريام وشافتنه باوعتلي وهبطت لونها انخطف دَيهم خازرها راحت تركض خايفه
جرني من ايدي كتله
ـ ايدك الكسر عوفني وين ماخذني شتريد تسوي بيه اكثر من السويته وين اكو عاقل يأذي شخص بسبب الغيره
ـ ادفنج بأرض مو بس اذيج
اخذني وشمرني بالغرفة وكال
ـ يلا بسرعه لمي الملابس راجعين للبيت
ـ ما ارجع الا امك ويانه
ـ هههههههه شاده ضهرج بأمي
دنگ يمي وضربني على خدي بخفة وكال
ـ كومي لمي الملابس حبابه يلااا حسابج ما خلص بالبيت نتفاهم
عافني وطلع لميت الملابس واني ابجي واشاهك يربي شوكت اخلص من هذت العذاب اريد الله ياخذ روحي
طلعت كوه امشي كالت امه
ـ يمه ياقوتَ وين غايحين بعدنه توا اول يوم
ـ مادري خاله احس بملل مو متعوده اطلع دَيهم: يمه ياقوتَ تحس حالها مرضانه غاح اخذها تريح بالبيت الجو بارد ما يناسبها مو ياقوتَ؟
ياقوت : اي خاله
ـ سلامتج يبعد عمري انتبهو من الطريق يا يمه وطمنيني عنج ياقوتَ بس توصلين وادفي زين
ـ وين تغيحون يمعودين توا بدت السهره وصارت تحلوو
ـ والله ما اكدر ابقى انا هم مو متعود اسهر و مرتي منا مريضه اخذها للصيدليه بطريقي وهم انريح بالبيت
ريهام ; لا تروحين
ريام گاعدة تباوعلي لونها مخطوف ومرعوبه بس هيه الوحيده بينهم تعرف شبينه ما سئلت ولا سؤال و دَيهم بس يخوزر بيها يخوفها حتى لا تحجي
وصلنه البيت و دَيهم كل الطريق يصيح واني بس ابچي ما اجاوبه والله تعبت من النقاش وياه مايجيب نتيجة ابد نزلت من السيارة اركض بس اريد اوصل الغرفة وهو طاير وراي يصيح مسكني من ايدي قبل لا صعدت الدرج عثرت وكعت رفعني وگال
ديهم : لا اليوم نااااوي اموووتج من صدك والله محد يخلصج من ايدي
ياقوت : شنو حيوان جوه ايدك تسوي بيه بكيفك
ـ لجججج انتتتت شنوووو ماتفهمين من انعل ابووج لابوووو حضي لابووو عيشتي لابووو غيرتي الزم غيرتي واكتلهاااا بالقندره اخخخخ لو بس گلبي يبطل يغااار عليج انا ارتاااااح واعيش بخيرررر
صعدت للغرفة وهو وراي يصيح دخلت
اريد اسد الباب دفعه بقوه وكعني بالكاع
رجع رفعني من ملابسي وصار كلش قريب مني يحجي وصوت انفاسه ينسمع
ـ بالاخير لو انا لو انتِ واحد من عدنه غاح يموووت بسببي بس فهميني ليش تحجين ويااااه لييييش ابوووس ايدج جاااوبيني والله نار گلبي ماكو شي يطفيهااا احس ودي اروحلوو ادفنوو هسه وادفنجج بعدووو
عيونه دمعت وهوَ يحجي عاف ملابسي كعدت بالكاع رجعت ليوره بالزاويه ابچي ضميت روحي اشاهگ وهو يصيح فوك راسي ويكسر بالغرفه هجمها هجم
ـ ياقوتَ انا احترگ من داخلي بس انتِ مو حاسه بيه
يحجي وايديه كلها دم مسحهن بملابسه وكعد بالكاع ودموعه تارسه عيونه
ـ اموت اهون من ما احد يسمع صوتج وانتِ شفتي شلون انضرب بجسمج وتلامستوو ابعض احس غيحي طلعت من مكانها اموت ولا احد يگرب لج ابوس ايدچ افهميني انا تعبت من غيرتي تعبت من الوسواس والمرض الي براسي عليچ
ـ اطلع برا
ـ شمعتي
ـ اطلع برا الله يخليك مالي نفس احاجيك حرف واحد
طلع وعافني وحدي غفيت بمكاني واني ابچي اول ماغطست بنومي اجاني نفس الشخص ابو ملامح حلوه
ـ ليش تبجين؟ راح تخرب عيونج الحلوه
ـ كلها دمرتني كلها اكلت من لحمي واذتني كلها شاركت على اهانتي وضربي
ـ راح انتقم منهم واحد واحد بس انطيني وقت كلشي راح يتصلح بس انتِ لا تبجين
جاب القلم وگال
ـ بقت مره وحده ونختم استدعاء النجمة الخماسيه
ـ وين جنت كل هاي المدة وليش غايب
ـ انا مُكلف بحمايتج حتى لو جنت غايب راح اكون دائماً يمج وعايش وياج بواقعج مو بس بالحلم
اخذت القلم منه مسح دموعي وكال
يلا ارسميها على بطنج
كشفت بطني ورسمت دائرة و بداخلها النجمة الخماسيه
اكتبي تحتها. “وكلتك نفسي وعقلي وفكري وحدسي وعيني الثالثه وكل مافيني من شراً وخيراً ”
كتبتها كال
ـ كرريها ثلاث مرات
كررتها مسك ايدي وغمضنه عيونه واحنا نرد
– وكلتك نفسي وعقلي وفكري وحدسي وعيني الثالثه وكل مافيني من شراً وخيراً .
رجعت من الحلم للواقع واحس بأنفاس شخص تارسه الغرفة واني اطوف مابين الحلم والحقيقة شالني من الكاع وخلاني ع الجربايه وغطاني مسد على شعري واحس بعيون كثيره تتأملني بكل انحاء الغرفة وصوت همس واضح يگول
ـ نامي بسلام وان اتعبوكِ لأتعبنهم اضعاف تعبكِ
غطست بنومه كلش عميقة اول مره انام وهيج مرتاحه بعد مدة كعدت لگيت دَيهم يمي يباوع بوجهي فززني انداريت ما اريد اشوفه
ـ اميرتي
ما جاوبته كال
ـ ملاكي ابني زعلان مني؟
ـ انچب لا تتلوگ
باوعت للغرفة مرتبها ومنضفها گال
ـ اسف بويه سامحيني
ـ على ياهي منهن اسامحك صارن هواي هنه لا وحده ولا اثنين هوااي دَيهم هوووااااي
ـ شو دباوعي اريد اشوفج مشتاگ لوجهج الحلو
ـ خرب وجهي
ـ بويه يجناحي انتِ
قرب يمي دفن راسه بركبتي سحب نفس قوي
ـ احبچ والله احبچ شسوي مو بأيدي ماكدر ابطل غيره اذا اجه يوم وبطلت اغار يعني بطلت احبج ضل يبوسني بركبتي
ـ لا تبوس ماريد هاي البوسه وراها عركه شكبرها
ـ عاشگج بخبال انا لا تلوميني لو قسيت وياج هاي مو قساوة ايدي قساوة غيرتي
ـ اي واضح توصل بيك القساوة تجرح ركبتي سكت شويه تنهد بحسره وگال
ـ بعمري ماتوقعت اصير هيج قاسي ويه البنيه الاحبها صرت ما اضبط اعصابي من غيرتي عليج صرت اذيج ياقوتَ
ـ لا متخاف عليّ انت بس تريد اطفي نارك
ـ والله اخاف عليج من الهوى لا يجرح خدج بس يم الغيره تنقلب كل الموازين انا ارعن كدامج سامحيني ففدوه
ضليت ساكته عضني من اردافي
ـ اوويي وخرر چلب لا تعض
ـ بنت الچلب لا تغلطين
ضل يشاقي بيه بالتالي راضاني بسرعه تقشمرت هم
ـ كومي نصعد ع السطح
ـ شنسوي ع السطح بهل ليل؟
ـ ع السطح نتلاگه سوه لا كهرباء ولا ضوه انا وياچ
طگيت اصبع وكتله
ـ يا ام شامة
ـ وانا وياچ
ـ يا ام شامة
كفخني وكال
ـ كومي ام الهجع تطربين ع الردح
نريد نشيل فراشنه نصعد ع السطح رن تلفونه
ـ شمعتي اخذي الفراش للسطح اخلص اتصال والحگج
ـ هئ ما اروح اذا مو انتَ وياي
طيزني وجاوب ع التلفون ضل يخابر عضيت شفتي اباوعله وهو ولا يمه احس كلبي فرفح ماودي يطلع ويخليني حرت شلون اقنعه هو يخابر مسكته من فكه سحبت وجهه لوجهي وبسته بشفته بخفة فتح عينه مصدوم رجعن لوضعهن الطبيعي وخدرن من حركتي ابتعدت بسرعة عاضة شفتي واحس خجلت من شفته صافن بوجهي اردفت وشفايفي ترجف وكتله
ـ ا ابقى يمي
اتقرب مني وسد التلفون وخلاه بجيبه وعيونه اكلتني بنضرها سحبني وصفطني ويا الحايط نزل وجهه لوجهي وهمس
ـ مو هيچ
ـ ها
ـ مو هيچ البوسة
دنگ بسرعة يبوس شفايفي ويلتهمهن دفعتة بصدره بخفة ابتعد اثنينه نتنفس سريع بلع ريگة عيونه خدرانه وگال
ـ هيچ البوسة يبعدي لا تضلين فاهية گطعي شفايفي .
ضربته على بطنه و رحت اخذت الفراش هو يضحك اخذه مني وگال
ـ لا تتعبين يجنحي انا اشيل بمكانج
راح يوديهن للسطح واني رحت للمطبخ اسوي صحن فواكة لكيت سبأ
ـ ماما روح انا يسوي صحن فواكه ويجيبه لك
ـ لا يروحي سبأ دَيهم ما ياكل الا من ايدي انتِ تعرفينه حتى كلاص الماي لازم من ايدي
واني اجهز بصحن الفواكة اجة دَيهم يخابر
فات من يمي باسني واخذ تفاحة اشرلي اصعد وهو يلحكني طلع برا يحجي ويا مُنير. بتلفون
هذا المُنير ضرتي مشاركني بي بكل وقت
اخذت صحن الفواكة وصعدت اتمددت فوك النجوم تجنن بالسماء شي ولا اروع والگمر يضوي الليلة گمرية تخبل سمعت صوت اهله اجو من الشاليه يمكن غيرو رائيهم مايريد يبقون اسبوع شواي وصعد دَيهم عاگد حواجبه ويحجي بعصبيه
ياقوت : شكو دَيهم شصاير
ديهم : ياقوتَ اكو اثر شخص ثاني ع الدرج بصف اثر رجلج
ـ اثر شنو دَيهم؟
قرب مني يشمني وگال
ـ شكو مخليه عطررر شكوووو ما رايحين حفلة احناا
ـ خليته الك حبيبي
ـ يااااقوتَ لا توكفين عقلي اكو اثر شخص ثاني صاعد وياج ع السطح منووووو احجي غاح اتخبللل
ـ لـ يمتى نبقى هيج؟
ـ لا تغيرين الموضوع وجاوبيني منو الصعد وياااااج ع الخراا السطح؟؟
ـ محد صعد بس هذا شيطانك صار يخليك تتخيل شغلات مو موجوده
ـ شنو قصدج؟؟ انا مخبل لو شنووو هااا
ـ لا مو قصدي اريد انام يلا لا دوخني
اندريت انطيته ضهري اريد انام ضرب صحن
الفواكة وطشره وكال
ـ جاي اكل خرا من احجي وياج لا تنطيني ضهرج
ـ عاشت ايدك كسرت الصحن جنت ناويه اكسره على راسك
جرني من كتفي ودارني عليه
ـ احلفج بغلاتي منو جان يمج ع السطح
ـ ها صرت ما تميز بين الصح من الغلط؟
ـ لا ما اميز معمي على عيوني جااااوبيني ياقوتَ منو الجان ع السطح قبل لا افقد اعصااابي
كعدت لحيلي وكتله
ـ باسم ابن عمك جان يمي
ضربني على حلكي وگال
ـ مصختيهاااا كلش احجي عدل طايحة الحض لا انعل ساسچ
ـ اخر مره اتحملك تمد ايدك عليّ وتضربني اني مو عبده عندك
ونداريت وانطيته ضهري وهو يحجي ماسكت محروگ كلبه
ـ عود اجيت جايبلج لاصق جروح و تعقيم لرگبتج تالي تنطيني ضهرج واطيزيني
ـ ما اريد منك شي
ـ حضرتج لابستني برجلج مثل القندره وانا محترگ كلبي
ـ حشاك ما لابستك بس تصرفاتك تجبرني اتجاهلك
ـ ياقوتَ انتِ عبالج انا جذاب كومي شوفي اثر رجال بصف رجلج والله العظيم اي لييييش تچوين گلبي كووومي ح اتخبللل
ـ لا اله الا الله ماننطمر اليوم كون انطمر وما اكعد
ـ بس كومي شوفي بعينج واتأكدي
كمت اشوف الدرج وفعلاً لكيت اثر رجال كلش جبيره بصف رجلي وكأنو ماشي وراي والاثار واضحة لأن الدرج خارجي وعليه تراب خفيف هبطت احس رجليه ماتن
ـ هذا شنووو ياقوتَ؟
مو اثر رجال حيل جبير يعادل اثر رجلج مرتين هو يسولف واني صرت اسمع صوت انفاس كلش قويه ودافيه تخترق اذني
ـ حبيبي نبقى ع السطح لو ننزل؟
ـ شمعتي انا جبتج ع السطح لأن اعرفج تحبين شوفة النجوم والگمر فـ نبقى ع السطح وبـ4 الفجر ننزل .
اتمددنه نسولف ونضحك ضامني بحضنه وكال
ـ تشوفين ذاك الگمر
ـ اممم
ـ انتِ بعيني اجمل واحلى منوو بالف مرة
ـ القرد بعين امه غزال
ـ يُبا العين اللي تحب ماتشوف عيب وانا يبوووو مو بس احبچ مييت بيچ
ـ بس؟
ـ عاشگج يجنحي
ـ بس؟
ـ اهواچ ينضر عيني
ـ بس؟
ـ هيمان بيچ يشمعتي
ـ بس؟
ـ اتنفسچ واعيش يرموش عيني
ـ امم دامك تحبني سولفلي نكتة
ـ تأمر امر ابني
ـ بس اذا مو حلوه والله اعضك من خشمك
ـ عيفي خشمي انطيج شي ثاني عضي
ـ اححا صدك والله
ـ البربوك صايرة ساقطه
ـ يلا ضحكني ديهوووم احس ضايجه
ـ اكو وحده اسمها يان وصارت معلمه شيصيحون الها؟
ـ س … يااااا عزهه بعينك هههههههههه
ـ لا اسمعي هاي اقوة هذا اكو واحد مشه مشه لگه مشمشه
ـ اكلها ومشه
ـ جؤ خطفها ومشه
ـ يول شقصدك؟
ـ ههههههه انتِ احلى مشمشاية خطفتها ومشيت يبووو حكومي كام يلطم بثنين ايديه غاحت بنتي وباگو بنتي
ـ اتمنى ترجع ذيج الايام
ـ اشش وليدي الله لا يردها انا ماصدكت حصلتج
ـ ملكت الدنيا كلها من لگيتك عسى الله يديمنه ولا يحرمنه من بعضنا
ـ امين يول ويديمج الي يجنحي وتورين گلبي ور ازود ما وارتو
شغلنه اغنية
: انا وخلي سهرنا بليلة گمره
نايمه على صدره والليلة گمريه ضوة الگمر محتل الكون والنجوم تلمع غفينه ورحنه بسابع نومه .
حسيت اصابع تتحرك على جسمي وكأنُ يحفظ تفاصيلي اريد اتحرك ما اكدر احس متقيدة حسيت شخص وراي اتمدد وانفاسه حاره برگبتي قرب مني السانه صار يتحرك على اذني يحاول يهيج الشهوة بداخلي ما حضعت له بقيت مقاومة مستمر يحرك اصابعه على مناطق جسمي انفاسه دافيه اخترقت اذني وهمس
ـ تخونيني وياه .
اباوع لـ دَيهم نايم بسابع نومه اريد التفت اشوفه ما اكدر مقيد حركتي رجع همس
ـ عقابي راح يكون اله لأن اخذج مني وانا اتعذب من منظركم وانتو نايمين بأحضان بعضكم
صوته خشن مبحوح ويحجي بعصبيه متت بدمي احس گلبي صار بطني من الخوف جرني وابعدني من دَيهم دارني على وجهه نفسه هو الشخص ابو ملامح حلوه حرر حركتي و نام فوكاي باسني بشفتي ونزل يبوس بركبتي بكل حنية وحب خايف لا يأذيني صار يبوس بكل انحاء جسمي ويتنفس بأذني يتعمد يذوبني نزعني ملابسي كلها ومارس وياي العلاقة واني بكامل رضاتي وابد ما منعته ما اعرف شبيه كمل واتمدد على صدري انفاسه تتلاهث وگال
ـ حبيتچ واخذتي عقلي من اول مره شفتج بيها
ـ ليش انتَ وين شايفني
اشوفج بأحلامي مثل ما انتِ تشوفيني بأحلامج بس هسه كلشي اختلف من اليوم راح اكون واقعج واقعج الحلو اللي تحلمين بي
يلعب بأصابعه على صدري ونزلهن يحركهن على بطني يمسح عليها بحنية رفع راسه يباوع بعيوني ونضراته مليانه حب مثل الملاك بريئ صرت اسأل نفسي هذا منو وشديصير وياي گام لحيله راح وكف كدام الدرج وطلع تراب من جيبه ونثره على طول الدرج صاحني ورحتله
ـ انطيني ايدج
انطيته ايدي اخذني نزلني من الدرج مشاني
ع التراب ورجع صعدني اخذني للفراش رجعني مكاني وغطاني وگال
ـ باجر نلتقي راح اشتاگلج
نزل من الدرج وراح بعد مدة حسيت على دَيهم يكعد بيه ويكول
ـ حبيبي كومي نطب جوه نصلي الفجر ونام
ـ اووففف ديهوم خليني نايمه شوي عفيه
كشف الغطه عني وگال
ـ ليش نازعه ملابسج يحيلي جؤ ميصير هيج تمرضين بابا
فتحت عيوني على وسعهن من سمعته هيج يكول باوعت لجسمي نازعه ملابسي كلها كما ربي خلقني كمت لبستهن بسرعة وعلى بالي الحلم
ـ دَيهم على كيفج يُبا لا تستعجلين الساعة بعدها بـ4 ونص لاحگين نصلي
نزلنه ورحنه اتوضينه فرشنه السجادات انريد نصلي بس سمعت دَيهم كال
ـ الله واكبر بدون وعي كمت من السجادة احس ما اريد اصلي وكف صلاته وكال
ـ شبيج بويه ليش ماتصلين وياي
ـ ما اريد اصلي
ـ ليش حبيبي انتِ
ـ ماااا اررريد ماتفهم ما احب الصلاة
ـ من شوكت ماتحبين الصلاة يوميه نصلي انا وياج شنو التغير
ـ دَيهههممم لاااا تلح ما احب الصلاة ما احبهااااا احس اختنكت من وگفت ع السجادة كال
ـ خلاص بويه لا تعصبين براحتج
كمل صلاته وطفه الضوه واجه نومني بحضنه اول ماغطست بنومي اجاني نفس الشخص
مارس وياي للمره الثانيه وكتب على بطني كتابات مو مفهومه تشبه الكتابه الصينيه
اليوم الثاني قررت احجي لـ دَيهم كلشي لأن حسيت الوضع مو طبيعي هوَ بالشغل خابرته وكتله
ـ حبيبي تكدر تجي هسه
ـ ليش حبيبي مريضه تحسين شي يوجعج اجي اخذج؟
ـ لا يعمري كلشي مابيه بس عندي موضوع وياك
ـ دقايق واكون يمج مشتهيه شي اجيبلج وياي؟
ـ لا يبعد اهلي سلامتك بس استعجل حبيبي سديت الخط واكفه بالمطبخ وسبأ تسويلي ريوگ شفت شي اسود فات من الصاله وصعد للطابق الثاني يركض حتى مالحكت اشوفه زين كمت احس وجع بطني مو طبيعي ودوخه خفيفه اسمع صوت ناس تضحك وتتهامس بكلام مو مفهوم وصوت اطفال تضحك وتناغي وتكرر كلمة ماما بأستمرار اجه هوى كلش قوي وكأنو شي مر من يمي بسرعة البرق صرت اسمع اصوات ركض ودبج بالطابق الثاني وصوت الاطفال كل مالها تعلى اكثر
رن تلفوني دَيهم يتصل جاوبته
ديهم : السيارة عطلت عليّ بنص الطريق ماتكدرين تحجين الموضوع ع التلفون؟
ياقوت : لا ضروري تجي اني مو زينه حبيبي مو زينه
احجي بصوت خافت مدري شبيه خايفه لحد يسمعني
ديهم : دقايق واكون يمج
ام بلال : بنيتي ياقوتَ اتريكتي؟
ياقوت : لا خاله ما اريد مو جوعانه باوعت بوجهي وكالت
ـ يمه شبي وجهج ليش هيج اصفر؟
ـ مما مادري خاله انتظر يجي دَيهم ياخذني مريضه احس بتعب قوي بجسمي
ـ اسم الله عليج يا يمه هذا كله من قلة النوم والسهر انتِ وهذا المجنون دَيهم
عافتني وراحت تتضوه لصلاة الضهر اني بس سمعت المؤذن صاح الله واكبر سديت اذاني بكل قوتي وعصرت عيوني صوته يزعجني ودي اضربه على حلكه من يكبر
رجع الضل الاسود نزل يركض من الطابق الثاني وشايل بأيده ملابسي مالت النوم ولابس گبع براسه وگف كبالي ميل راسه شويه وخله ملابسي على خشمه يشمهن مالحكت حتى ارمش واختفى من كدامي اخترعت منه صوت المؤذن يأذن واني اختنكت وضاگت انفاسي مسكت الكرسي احاول اوگف على حيلي واتنفس بسرعة شافتني سبأ
ـ بيك شي ماما انت بخير؟ انا يتصل على بابا يجي ياخذك طبيب
اريد اجاوبها ما اكدر سندت نفسي عليها والاصوات اسمعها تارسه البيت ورحمي صار يأذيني وصل دَيهم اول ما صار يمي وگعت بين ايديه
ـ حبيبي شنو اليوجعج يا امي كوليلي انا يمج اباوعله اشوف خيال وراه يفتر كتله
ـ حبيبي رحمي احس بوجع فضيع برحمي الحگني حطني بالسيارة وطار بيه للمستشفى كالت الدكتوره
ـ مابيج اي شي تحاليلح سليمة وحتى بالسونار ما ضهرت النه اي اعراض مرض خطير
ـ طيب دكتوره شنو هذا الوجع صار عندي وجع مو طبيعي
ـ شي جداً طبيعي هذا بسبب ممارسة العادة يومياً او ثلاث مرات باليوم تأثر ايضاً ع الرحم
فـ انتبهو وقللو من العادة ط
لعت وعافتنه دَيهم يمي باوعلي مصدوم وكال
ـ صار يومين ماگربت لج كل ما اجي تكليلي تعبانه مين اجه الوجع؟
ـ حبيبي اكو موضوع اريد افاتحك بي
ـ كولي يبعد هلي اسمعچ .
حجيت له كلشي من الاول للأخير مسك راسه رايح راد بالغرفة ويصيح
ديهم : شنووووو هذااااا ومنوووو ياااا بووويه غاح اتخبلل شنو احنا حرااام نبقى مرتاحين صرت ابجي كال
ـ وبعدين انتِ شلون تقبلين يمارس ويااااج ياقوتَ هاي تُعتبر خيااانةةة الي
ـ والله مو بأيدي حبيبي بالحلم ماكدر اتحكم بنفسي
ـ من خررررب مذهب حبيبج لابوو عرجوو لابوو الخلفوو ولج هاي دگه تسويهاااا ماتحجين ماتنطقين حتى اشوفلج حل
اني بس ابچي وهو يسولف شفته يفتر ويا دَيهم بالغرفة وگعد كبالي يتأملني ويضحك گتله
ـ دَيهههممم هذااا والله هذاا كاعد هنااانه بس سمعني گلت هيج اتغير شكله وانگلب وجه مرعب وشاحب حلگه انشگ وصل لأذانه ولسانه طلع اسود طوله متر وعيونه انگلبن بيض وصار يضحك بعالي صوته واني اكول
ـ دَيهم والله هذا كاعد كبالي ويضحك
دَيهم يهدي
ـ حبيبي ماكو شس هذا كلها تخيلات عقلج يتخيلها
اجه يمشي وكعد يمنه اني و دَيهم وجسمه قذر واسود واضافرة طوال وشعرة يخوف وعنده ذيل كلش طويل واسنانه طويله مليانه قذارة وصخ و شعر اوادم ملتف على اسنانه ريحتة كريهة وصلت يمي شگت خشمي شگ ما اتحملت واتقيئت بالكاع و دَيهم تخبل حاير شيسوي وياي
دَيهم شاف التقيئته وكال
ـ هذا شنوووو ياقوتَ
احس روحي طلعت مني
ـ شنوو
ـ اتقيئتي شعر و لحم ريحتة تكتل هاي شماكله
ـ والله ما ماكله شي من البارحة بالليل
ـ لا ياالله هاي المصيبه اذا صدك
ـ شنو؟
ـ بسـلا مسحوره والله اشگ ثوبي اذا صدگ اخذني وطار بيه للسيارة وطلع كبل للسيد نزلنه لگيته مشغل قران بس سمعته سديت اذاني وكمت اعيط
ياقوت : لااااا طفووووه لحد يشغل طفووو دَيهم طفيييي الله يخليك
احجي وابچي طفااه للقران والسيد ضل مصدوم يباوعلي بنضرات غريبة اشوفه يفتر ورا السيد ومو نفس شكله الحلو انگلب بشكل قذر ومخيف ماكو شي يوصفه ارعب من الوصف بالگوه دَيهم كعدني ماريد اكعد السيد خله ايده على راسي وكال بصوت عالي
ـ اعوذ بالله من الشيطان الرجيم
صرخت بي وصحت
ياقوت : اسكتتتتت لا تحجي لااااا تحجيييي .
مسكوني وقيدوني يحاول يقرأ عليّ واني ما يقرأ اقاطعه
سكت السيد وگال لـ دَيهم
ـ اخذها وارجع لبيتكم ابني
ـ ليش سيد؟ شلون ارجع وهيه هيج حالتها
ـ السيد عدكم اطفال؟
ـ لا ماعدنه صار سنه من ازوجنه
ـ ادري بكلشي ادري ابني و زوجتك مسحوره ودايسة على تراب وشاربه شي وهذا الشي بي السحر كله .
سألني على هواي شغلات وطلعت كلها صحيحة كال السيد
ـ هذا المسوي السحر سلط عليها الجن العاشق وهسه عاش وياها ويشاركك بيها بس ها بس من تكون نايمه يكدر يمارس وياها انتبه تخليها تنام ترا من يكثر ممارسة وياها يصير صعب يطلع من جسمها
ـ واطفال ليش ماصار عدنه؟ هم سحر مو؟
ـ السيد نعم عليكم سحر تعطيل ارحام وتعطيل انجاب وحتى سحر مشاكل مو كبل متعاركين؟
ـ اي والله دوم نتعارك
ـ كلشي اعرف ابني والروح الساكنه زوجتك ماتخرج منها الا بعد اسبوع من استقرارها بجسمها
يحجي واحنا مانفهم شيگول عصب دَيهم وكال
ـ سيييد لازم هسه تطلعوو منهااا شلون تكدر تنام وتتحمل اسبوع كامل وهو وياها وتتخيلوو
باوعلي السيد وكال
ـ اجتج النجمة الخماسية بالحلم؟
ـ اي ويطلب مني ارسمها بداخل دائرة
ـ وين طلب ترسميها؟
ـ على بطني
ـ شكم مره كررتي هذا الشي
ـ ثلاث مرات
ـ تعرفون شنو النجمة الخماسية؟
ـ للا
ـ النجمة الخماسية تستخدم لأستدعاء الارواح واليكتبها مره وحده تأثر على حياته بشكل مو طبيعي وانتِ كاتبتها ثلاث مرات الله يعينج شلون راح تتحملين كل هذا الالم
دَيهم ضامني على صدره ويمسد على راسي حتى ما اخاف والسيد يحجي
سيد : شوكت اخر مره كتبتي النجمة الخماسية
ياقوت : قبل يومين
ـ استقرت الروح بجسمج صارلها يومين والجن دخل حياتج الواقعيه صار يومين وبهاي الحالة مانكدر نخلصج من اللي انتِ بي الا بعد اسبوع من الاستدعاء
تعارك وياه دَيهم يريده غصب هسه يشافيني اخر شي طردنه
رحنه لسيد ثاني وهم نفس الكلام ولسيد ثالث وهم نفس الكلام وياهو اروحله ينصدم من حالتي اخر شي صار الليل و رجعنه للبيت ماخلينه طريقة ما جربناها مددني بالفراش بسرعة حسيت بخمول واسمع صوت يغنيلي تهويدة مريحة حتى انام بشكل اسرع بديت اغفى وفززني دَيهم
ديهم : حبيبي لا تنامين خليج وياي
دمعت عيوني كتله
ـ نعسانه
ـ يجيج بالحلم بويه والله اخاف عليج
ـ بس شويه انام احس عيوني تأذيني وجسمي كله يأذيني
ـ ولا شويه ماكدر اخخخخ لو بس الزم الساقطه المو شريفة السوتوو الاطلع ضيميي وقهري كلو بيها وبالخلفوهااا
يضرب على فخذ رجله ويحجي ويسب ويغلط سكت شويه وگال
ديهم : تدرين اذا طلعت البالي مسويتوو وشرف محمد خاف ذيج المره ما ذبحتها هاي المره انهيها امحيها من الغربيه كلها
ـمنو تقصد؟
ـ ريماااس ام الولد اكو غيرها ام العلاقات
ام المواعيد الساقطة الله لا يوفقها جان هيه سوتوو شو انا شاك بأمرها مو مرتاح الها
ساكته وهو يحجي ويتحلف بيها كمت انعس اريد اغفى صاح بيه
ـ يااااقوت
فتحت عيوني على وسعهن مسكني من اكتافي
ـ بووويه لا تنامين يا نضر عيني لا ابوس ايدجج خليج وياي.
صرت ما اسمعه وشخص يغني بأذني بصوت ذايب وانفاسه حاره يحاول ينومني غصب توا اريد انام سمعت دَيهم يقرأ سورة اية الكرسي انزعجت من صوته فتحت عيوني على وسعهن وصرخت بوجهه ودفعته مسافة عني
ضل مصدوم يباوعلي طلع تلفونه يحجي ويا السيد واني الاصوات تعلى براسي وصوت اطفال تبجي وتناغي واشوف الجن العاشق يتقرب مني يتلمس جسمي بشهوانيه ونضرات مليانه قذارة ويلحس برجلي بلسانه الطويل ما حسيت الا و دَيهم جرني من ايدي وصار يضرب بيه راشديات قويه ويكول
ـ اصحيييي لااااا لا تتخيلين هيج اشياء قذرررة ياقوتَ حبيبي انتِ مريتي السباعية لا مايكدر يسيطر عليج والله مايكدر لا تخلي يسيطر على عقلج
اباوع للجن العاشق واحس اشتهي بداخلي
و دَيهم حس بيه اشوفه ضربني راشدي بكل قوته وصاح
ديهم : ما لااااازم تتخيلين لاااا ابد والله ما اخليج باوعي بعيوني ياقوتَ يُباااا لا لا ركزي وياااااي باوعي بعيني انا دَيهم حبيبج يشمعتي .
يتبع …
الفصل التالي: اضغط هنا
يتبع.. (رواية بين قبضتهم وقلبه) اضغط على اسم الرواية لتجد الفهرس كاملاً بجميع الفصول.