رواية بين قبضتهم وقلبه – الفصل الخامس والثلاثون
35الـجزء الاول من البارت الاخير
لاتنسوا التصويت + التعليق بين الفقرات لُطفاً
“بين قبضتهم وقلبه”
ـ لـرقو الجوهر .
..
انا وگلبي يتامه
شكد بجيناك ويكسر
كلوب مايرحم بچينه
واذا رهمت حبيبي
ويوم شفناك حَضن
سنَتين ماضن يكفينا
..
دَيهم يحجي وياي واشوفه ورا دَيهم يضحك بطريقة مرعبه ويحجي
ـ خليج وياي لا تهتمين اله هذا شخص ضعيف مايكدر يسعدچ مثلي انا اقول لكل شي كُن فيكُن .
يحاول يشتت انتباهي
دَيهم يباوع بوجهي ويحجي وياي
ديهم : ياقوتَ بابا يعمري باوعي بعيوني
صرت ابچي خفت من الوضع اللي اني بي اجو اهله يدگون بالباب
صاح بيهم يروحون ويخلونه ومستمر يحجي وياي واني اشوفه يفتر وراه
ديهم : تشوفيه يحيلي تشوفيه ياقوتَ وليدي احجي تشوفيه
ياقوت : اي وراك .
جرني من راسي وضمني لصدره
ما يخليني اباوعله انفاسي تتلاهث من الخوف
ديهم : اشش يرموش عيني انتِ انا يمچ
اريد اوخر راسي منه شادني بقوة
ديهم : لا خليچ بحضني بابا خليچ لا تباوعين ياقوت : خايفه حبيبي
ديهم : انا يمچ يخسى الخوف يبعد هلي انتِ
ضليت ابچي بحضنه من قلة حيلتي ما اكدر اسيطر على نفسي
ديهم : شاركوني بيج يا نار گلبي لمسج غيري لمسجج يول بابا ياقوته
الله لا يوفق السواه بجاه النبي محمد
ـ حبيبي
ـ ها يبعد امهاتي
ـ يعني اضل هيج ميعوفني هذا
ـ ما اخليچ ما اخليچ يروحي انتِ غاح نتخطى الي احنه بي اوعدچ يعافية هلي
اهله كسرو الباب تكسر صاح بيهم وهم سكتو وراحو وهو مقيد راسي على صدره يحاول يمنعني اشوف شي احس بأيديه ترجف كوه ماسك اعصابه اتمدد وياي بالفراش ومغطي عيوني نومني بحضنه غطاني وتغطه
يبوس بجبهتي ويكول
ـ خلاص يحيلي انتِ ماكو شي اهدي
الليلة الاولى عدت بصعوبة كل شواي افز كوابيس ماتنتهي دَيهم يمي كل ما افز يهديني ويرجع ينومني واي شي اكله اتقيئه اخر شي ماخلاني انام حتى لا يجي بالحلم يمارس وياي السيد وصاه ونبهه عليه ميخليني انام
صار الصبح عيوني تأذيني لأن ما مانايمه ابد اباوع لـ دَيهم يخلي ملابس بالجنطه
ـ دَيهمي
ـ عافية دَيهمج كولي حبيبي
ـ شتسوي
ـ اخذج لبيتنه على ما تصيرين زينه ونرجع هنا
ـ واهلك يقبلون؟
ـ واهلي شعليهم يبه اريد تتعافين كلشي ما اريد من الدنيا غير اشوفج گبالي متعافيه مثل قبل
طلعنه بـ7 الصبح اهله كلهم نايمين محد يدري بينه رجعنه لبيتنه والسايق جاب سبأ نضفت البيت كله ورتبته وراحت
دَيهم : جبتج هنا لأن السيد طلب نغير مكانج ياقوت : ليش تغير مكاني شبي بيت اهلك
دَيهم : يكول السيد السحر بلش بي ولازم يتغير مكانج والا صعب تتعافين يبعد هلي انتِ
ياقوت : منو سواه دَيهمي وشيريد مني اني ممأذيه احد ليش هيج يصير بيه!
ضمني لصدره وگال
ديهم : ياقوتَ
ياقوت : يروحها دَيهمي
ديهم : اوعدچ السوه السحر ماخليه يعيش متهني ومرتاح يمههه يعذب شمعتي واخليه يعيش مرتاح لا والاسمو الله بس اعرفو اقلب حياتو فوك راسو
ياقوت : ابقى يمي لتعوفني اخاف وحدي
ديهم : يمچ يماي عيني يمچ والله ما اخليچ لا تخافين يعافية دَيهم انتِ عدة .
…..
مر اليوم الثاني والثالث والرابع بصعوبة واني مانام بس اغفه يفززني ديهم .
بقت ٣ ايام ويگدر السيد يطلع الجن مني
اليوم الرابع سائت حالتي وصرت ما اتذكر كلشي يصير وياي او عايشته قبل
صار الليل دَيهم دز دلفري عشه
راح يجيب خاشوكه يريد يوكلني
رجعت الاصوات ترست الغرفة اطفال تناغي وتبچي وصوت ناس تضحك وتنعى وتلطم وتبچي واصوات ركض ع السطح
اريد اصيح انكتم صوتي وبدون وعي شگگت ملابسي اللابستهن احس شي يتحكم بعقلي وبحركتي صرت اضرب على وجهي واشرمخه بأضافري اجه دَيهم شافني ركض مسكني يحاول يمنعني ما يكدر مدري منين اجتني هاي القوة ماسك ايديه يحاول يوخرهن عن وجهي واني مستمره اضرب بوجهي
ديهم : لا لا ياااقوتَ بابا لا تسوين هيج حبيبي باوعيلي غلط الدتسوووي ياقوتَ
ياااااقوتَ كاااافيي لا تسوين هيج انتِ قويه يحيلي انتِ مريتي السباعية لا تخلي يسيطر عليچ يبعد عيوني انتِ
يحجي وياي ما اجاوبه
ديهم : ياقوتَ لا يا امي لا يحيلي انتِ غلط التسوي غلط ياقوتَ بابا لا اهدييي
يحاول يقيد ايدي ميكدر راح يدور بالكنتور جاب شالات اثنين وربط ايدي وربط رجليه عل جربايه يربط بيه ويبچي كمل واجه يمي كعد
ع طرف الجربايه
ديهم : مجبور يا نار گلبي انتِ ابوس ايدج سامحيني
هدئت وصارت بس دموعي تنزل بسكته واني اباوعله ايده ترجف يتلمس اثر الجروح على خدي
ديهم : اسف يرموش عيني انتِ ماكدر احميج الا بهاي الطريقة .
دنكت غمضت عيوني وفتحت رفعت راسي اباوعله وافكـر هذا منو ! واني منو وين عايشه احس روح ثانيه اتلبست بجسمي صرت اباوعله بطريقة ودي اقتلع عيونه من مكانهن
اريده يروح من يمي احس ماريد اشووفه
” دَيهم ”
ملامحها يوم عن يوم بدت تذبل وجهه صار شاحب بشكل فضيع ونحفت هواي عن قبل واي شي تاكلو تتقيئو .
وكفت يمها اتلمس جروح خدها ضليت اتأملها نار بكلبي عليها شكد متغيره احجي وياها
رفعت راسها تباوعلي ملامحها تتحولت
لوحده ثانيه احتضنت وجهه بكفوف ايدي وكتلها
ديهم : ياقوتَ بابا بيج شي؟ تحسين بوجع؟ صرخت بوجهي بصوت غريب ومرعب
ياقوت : اني مووو يااااقوتَ
فززتني احس الدم اتجمد بجسمي
اريد امسك ايدها صرخت مره ثانية بصوت اكثر رعب وكأنُ حنجرتها اتبدلت بشخص ثاني
صارت مو طبيعية اتصلت ع الشيخ وحجيت لو كلشي بالتفصيل
بعد مدة اجه الشيخ دخلته للغرفة ياقوتَ بس شافتو وجهه صار شاحب اكثر وعيونها فرغت واثر قلة النوم جان السواد محاوط عيونها اختفت ملامحها البريئة القديمه تهمس للشيخ بكلام مو مفهوم الشيخ صافن عليها گتلو
ـ شيخ شبيهاااا مرررتيي
ـ اشش ابني احس بشي غريب بالغرفة جاي اشوف روح تسكن جسمها هاي مو زوجتك يا ابني هاي الروح تتحكم بيها وتعذبها
ـ ليش تعذبها شسوت هيه
ـ ماسوت شي ابني بس زوجتك داست تراب وشربت شي مسحور وانبعثت هاي الروح واستقرت بجسمها هسه تعتبر مسكنها الوحيد هو جسم هاي المسكينه .
صوت ضحكاتها علت تضحك بطريقة مرعبه وتحرك بروحها ع الجربايه تحاول تتحرر
اريد اغيح يمها صاح بيه الشيخ
ـ لا يا ابني لا تلمسها تأذيك
ـ والحل شنووو شيخ مررتي غاح تموت
ـ جيبلي طبله
جبتلوو واجيت خليتها كدامو فتح القران و صار يقرأ اية الكرسي وهو يقرأ و يتلو الرقية بصوت قوي صارت ياقوتَ ترتجف
نطقت بصوت يختلف من حنجرتها وتحجي بكلام مو مهفوم تحاول تخلي الشيخ يغلط بالتلاوة تريدو يسكت ماتريدو يقرأ صارت تتگطع من داخلها وجسمها يتلوى وجهها يضحك بشكل مخيف ودموعها تصب على خدها باوعت لي وگالت بتوسل
ياقوت : دَيهم خليه يسكت الله يخلييييك خلييهههه يسكتتتت ماريد اسمع صوووتهه
عيونها تتوسلني للحضة حسيتها ياقوتَ مو روح ثانيه بداخلها ركضت ذبيت نفسي يمها واحتضنتها.
ديهم : اشش كافي شيخ اطلع برررااا
الشيخ مستمر يقرأ ومتجاهل كلامي رجعت باوعتلي وكالت
ياقوت : سكته خليه يسكت روحي تتعذب من الداخل وبس انتَ تحس بيه
دموعها على خدها ضميت راسها لصدري ديهم : كاافي كلتتت كااااافييي اسكت جاي تتعذب ياااا يمههه راحت مرررتي ياربي لا تختبرني بيها
الشيخ : بسم الله أُعيذكِ بكلمات الله التامة من كل شيطان وهامة ومن كل عين لامة.
صرخت بي ياقوتَ ودفعتني بعيد عنها انصدمت منين الها هلقوة وصارت تضرب بنفسها
ع الجربايه وجسمها يلتوي اسمع صوت عضامها وكأنُ تتكسر ارتفعت من الجربايه ودموعها تصب ملخت نفسها تملح ماتريد تسمع الايات القرانية
الشيخ : اخرجي من جسدها يا روح
هذا جسد طاهر لا يحق لكِ أن تسكنيه إن كنتِ ظالمة فأنتِ مقيَّدة وإن كنتِ مظلومة فارحلي إلى رحمة الله باسم الله الذي لا يُهزم جنده اخرجي ولا تعودي
من كمل كلامو ياقوتَ گطعت الشالات الربطتها بيهن وتحررت غاحت متوجهه تزحف بالكاع زحف رايحه ع الشيخ وهو يقرأ وتضحك بصوت عالي ركضت مسكتها ورجعتها ع الجربايه مقيدها بحضني صارت تعيط بعالي صوتها
ياقوت : عوووفنيييي اريد اسد حلگ هذا الحقير الخسيس ال***
صارت تكول كلمات غير لائقة وصوتها مو نفسو متبدل بصوت شخص ثاني
وجسمها مليان جروح وجهها كلوو مشگگ بأضافرها ضهرت انيابها بشكل مخيف
اضافرها طولت وشعرها تحول للون الاسود الداكن باوعت بعيوني عيونها سوده وحجت بصوت يدوي
ياقوت : عوفني اخذ روحه حتى يبطل يقرأ بهذا ال ****
ديهم : لا حبيبي ياقوتَ خليه يقرأ حتى تتعافين ياقوت : اني مو يااااقوتَ
قشعر جسمي من قوة الصرخة وصداها والشيخ مستمر يقرأ وهيه تحجي كلمات مو مفهومه تحاول تخلي يغلط وانا متمسك بيها
رجعت ربطتها ع الجربايه اربط بيها ودموعي تصب بعمري ماتوقعت اشوفها هيج يصير بيها رجع الشيخ يقرأ
ـ اخرجي إلى حيث أمرك الله لا سلطان لكِ على عباد الرحمن .
ياقوت : ههههههههه انت واياتك وقرآنك ماتخوفوني
ضلت تصرخ وتصرخ وتتلوه بجسمها واني دموعي تصب من بشاعة المنظر گلبي تگطع وانا اشوفها تتعذب الشيخ تعرق ويتلاهث وتعب من كثر المحاولات وهيه ولا همها تضحك بعالي صوتها يعذبها بس صوت القران وتستغل جسم ياقوتَ وتعذبو كدامي حتى اخلي الشيخ يسكت اخر شي وگع بالكاع وتعب من كد المحاولات سد القران و ياقوتَ ع الجربايه متمدده صافنه بيه والدمع تارس عيونها
سوده عليّ جسمها تعذب والسحر رافض يطلع من جسمها كال الشيخ
ـ لا تقرب منها احتمال تأذيك
ـ لو اموت بين ايديها ما اكدر امنع نفسي ما اگرب الها
ـ ميخالف لازم تصبر باجر هم راح اجي نعيد جلسة القرائة للمره الثانيه عسى ولعلى وبفضل الله تطلع من جسمها
غاح الشيخ وبقيت انا وياها
تباوعلي وتبجي وكأنو تعاتبني كعدت يمها بالگاع وهيه ع الجربايه صرت قريب كلش من وجهها دموعها تصب وعيونها محاوطها السواد وخدودها مشوهه من التعذيب التسوي بنفسها احتضنت خدها بكف ايدي التمست جروح خدها عمت عيني شصاير بحالج صرت ابجي وياها مسحت دموعها وهيه بس صافنه بيه حتى ماترمش
ـ دمرو عيونچ الاحبهن دمروهن ياقوتَ بابا جاوبتني بصوتها الطبيعي وكالت
ـ يروحها انتَ
ـ شوهو ملامح ياقوتَ دمروو ملامحج الهايم بيها انا
بس تبچي بلعت ريگها وبصعوبة نطقت
ـ جسمي يأذيني
ـ ريت بيه ولا بيج ابوي انتِ شمعتي انتِ شسوو بيج ياهو الطاوعو گلبو يأذيج بهاي الطريقة قربت بستها بخدها كالت
ـ حررني جسمي يأذيني
فتحت ايديها ورجليها بقت بمكانها ماتحركت رمشت بصعوبة وابتسمت بوجهي جبت الها ماي شربتها واتقيئتهن بسرعة گالت
ـ لـ… لا
تريد تنطق بشي ماتكدر كتلها لا شنو يحيلي؟
ـ لا تخليني …. انام للمرة الرابعه ينام وياي واحد يخوف ويضربني بوحشية
ـ يمههه غاحت مرتي ضاعت من ايدي قاومتي لو لا؟
ضلت ساكته صحت بيها
ـ قاووومتي لو لا؟؟ احجي ياقوتَ
ـ لا
ـ لا لاتكوليها ياقوتَ بابا انتِ لازم تقاومين لخاااطري انا اعرف لخاطري كلشي تسوين ابوس ايدج قاااومي
ـ مم ماكدر
ـ امبلا يا عيني وهدبها انتِ تكدرين يبعد هلي والله تكدرين ياقوتَ اتخبل اذا احد يشاركني بيج وانتِ تعرفيني ياقوتَ تعرفيني اتخبللل حتى عقل مايضل براسي
ابچي واحجي وياها
ـ اخخخ لو الزم الساقطة المسويتوو خليها هسه خليها متهنيه بس خل يصفى بالي انا اعرف شلون اتصرف وهسه انتَ الجن عفت نسوان امة محمد كلها اجيت على مرتي اخخخ گلبي يمهه الا مررتي والله اموووت اموت ولحم يشاركني بيچ ياقوتَ هوو وينه هذا الجن خل يجي يتلبس بيه ويعيفج بس خله يعيفج انا راضي لو اتعذب عمري كلوو والله راضي
كعدت يمها ابچي و هيه تبچي وياي
ديهم : احبچ والله احبچ
ياقوت : شتحب مني هوَ ضل بيه شي ينحب روح واتلبست بيه واحد ينام ويايه بالحلم ماضل بيه شي ينحب
ديهم : حتـلو مهما يصير ابقى احبچ لو انا بمكانج تبطلين تحبيني؟
ياقوت : احبك لو تتلبس بيك عشر ارواح مو بس روح وحده
ديهم : خلاص عجل انا احبچ بكل احوالج احبچ لو يشتلونچ كزازه بوريدي اتحملي يحيلي ما اخليج هيج والله انا ادري بمرتي سباعيه وتكدر تكدرين ياقوتَ تكدرين مو بابا ؟
هزت راسها بـ اي بستها براسها كمت مشطت الها شعرها وضفرتوو اباوع لجسمها ضعفااانه كلش منتهيه كوه ماسك دمعتي ما اريدها تشوف دموعي وتنقهر
اريد اغيح اودي المشط مسكتني من ايدي وگالت
ـ نام يمي
ـ مشتاگتلي بابا ؟
ـ شوگ الطفله لحضن ابوها
كعدت يمها ع الجربايه نايمه على بطنها مررت ايدي من جوه ثوبها افرك بضهرها براحة
ـ يأذيج وليدي ؟
ـ ييي
كملت ودخلت وياها بالفراش گالت
ـ لا تقرب حيل مني وجهي يخوف
دفعتني بخفة وغطت وجهه بأيديها
ـ شو دوخري ايدچ
ابعدت ايديها وصرت ابوس بكل انحاء وجهها
اباوعلهاا شويه وتبچي كتلها
ـ احبچ بكل حالاتچ ابداً لا تخفين هذا الجمال عني انتِ احلى بنيه بعيني مهما كان وضعج
ـ تعبت من كلشي دَيهم تعبنه هواي بحياتنه اني وياك ماشفنه راحة واني هم ماقصرت تعبتك وياي هوااي
ـ اوعدچ بعد هذا التعب اعوضج عن كلشي عشتي وانا بس اشوفن ضحكتج انسى كل تعبي
متمددين بالفراش ونحجي وعين بعين صايرين كتلها
ـ تذكرين الاثر الي ع الدرج؟
ـ اي
ـ انچوه گلبي من شفتو بصف اثر رجلج ما اريد حتى بالاثر يشاركني بيچ احد غيري انا مريض بحبچ ياقوتَ
ـ لتكول مريض
ـ مريض بحبچ والله لا يشفيني اريد ابقى مريض شحلاتوو المرض لو چان انتِ
مسحت دموعها وكتلها
ـ يروحي بسچ بچي دموعچ چون گلبي
ـ الف اسم الله على گلبك يروح ياقوتَ انتَ
ـ انا اتغيرت ياقوتَ حسيت بقيمتج من اتمرضتي حسيت بنفسي شكد جنت غبي وشلون مرات اضربج بسبب غيرتي اكتشفت انا شكد نذل بس تتعافين وترجعيلي كلشي غاح يتغير ياقوتَ حتى انا اتغيرت لخاطرج هاي ايدي اكسرها اذا بعد تنمد عليج
احجي وهيه تباوعلي صافنه .
قربت منها وكتلها
ـ لا اي قوة بالعالم تگدر تبعدني عنچ
شفايفي طخن بشفايفها غمضت عيونها ذايبه حجيت بهمس
ـ انا ما اعيش من غيرچ انا احبچ هايم بتفاصيلج اخذت شفايفها ابوسهن احس بشفايفها ناشفة وملمسهن متقشر يحيلي مو ذيج شفايفها المرتويه الناعمة دفعتني تبعدني عنها وگالت
ـ شلون تگدر تحب بنيه كل هذا بيها ؟
ـ لا تمنعيني من حبچ گلبي هاويچ گلبي عاشگج مو بأيدي انا حبيتج وانتِ مثل الملاك واضل احبچ بأسوء حالاتج ماكو شي يتغير استقريتي بهذا الگلب وانتهى ياقوتَ الله يخليج لا تمنعيني قربت منها واخذت شفايفها ابوسهن
دفعتني بكل قوتها وصرخت بيه بصوت مرعب وجهها كلو اتشگگ وملامح تغيرت خرعتني ضلت تصرخ وتكول
ـ لا تقترررب ترا الجاي دورك
مستمره تصرخ والروح تعذبها كدام عيني ترفعها وترجع تضربها بالكاع بكل قوتها كسرت جسمها تكسر ركضت مسكتها احاول امنعها تأذيها
ـ لا كافي ياقوتَ امي انتِ اسمعيني لا تسوين بنفسج هيج يا بويه انتِ قويه مايسيطر عليج كائن ضعيف مثل هذا
هدئت بين ايديه وشعرها منكوش واسنانها برزت بشكل مخيف باوعت بعيوني عيونها البؤبؤ اسود صارت تبچي وتتوسلني اعيفها بصوت شخص ثاني وتكلي
ـ عوفني هذا الجسد الي صار ملكي ماكو اي وجود لزوجتك ياقوتَ روحها بين ايدي صارت انا اعذبها اذا تمنعني اضرب نفسي
بچيت وانا شايف شخص ثاني بجسمها يحاجيني وين غاحت ام سوالف حلوه اخخ ياربي تريد تعضني من ايدي قيدتها بقوة وضلت تصرخ وتتلوه بجسمها
ـ يبعد امهاتي شصار بيج خربوو جسمج وتفاصيلو الاحبها اخخ يااا يممهه اخخ يبعد حيلي انتِ
مستمره تصرخ تحاول الروح تأذي جسمها بأي طريقو
ـ لا يا نار كلبي يمهه يبعد البيت واهلو لا تضعفين ياقوته تسمعيني انا دَيهم عافيتج انا الي ماتعيشين من دوني
ضميتها لصدري تطلع منها اصوات غريبة تبچي وتضحك ضميتها لصدري بكل قوتي راسها صار يم صدري تبچي دموعها بللت ملابسي تضرب بصدري تحاول تخليني اعيفها ضليت ابچي واشاهگ عليها .
…….
اليوم الثاني ـ الساعة 9 ليلاً .
الغرفة هدوء ياقوتَ متمدده بفراشها ومفتحه عيونها على وسعهن وانا نايم يمها كل شوي اباوعلها خايف لا تنام ما اريدها تنام يجيها بالحلم
الجو عواصف رعديه وبرق تارس السما والدنيا تمطر مطفي اضويه الغرفة ومشغل بس الشموع كل شوي اغفى واكعد اشوفها خاف نايمه او مأذيه نفسها وهيه جماد
ونايم ع الجربايه ماتحرك ساكن ولا حتى ترمش بس صوت انفاسها ينسمع يتلاهث وكلش عالي والشيخ ساعات ويجي وكال لا تحجي وياها ابد لحد ما هو يجي وهو يتصرف مسكت ايدها وهمست الها
ـ انا يمچ يرموش عيني لا تخافين
باوعت لي وگالت
ـ اخاف من منو ؟ بس ابعدو عني اياتكم وانا اعيش بسلام .
تجاهلت كلامها لأن مو هيه التحجي روح ثانيه تحاجيني شواي وغطست بنومي بالغلط وماعاد احس بشي من التعب
حسيت بأيدين تخنگني فتحت عيوني شفتها فوكاي واسنانها تصب دم احاول ابعد ايدها عن ركبتي اختنگت
ـ بسم الله أُعيذكِ بكلمات الله التامة من كل شيطان وهامة ومن كل عين لامة
بس سمعتني ارددها وخرت عني وسدت اذانها صارت تضرب بجسمها تحاول تستفزني بيها حتى اسكت استمريت اردد
ـ بسم الله أُعيذكِ بكلمات الله التامة من كل شيطان وهامة ومن كل عين لامة
اخذتها لحضني وضميتها وصرت اقرأ على راسها اية الكرسي وهيه تصرخ بوجهي تعابيرها تغيرت وصارت تستهزء بالقران وتضحك بعالي صوتها اقرأ وابچي وايدي ترجف مصدوم من التشوفو عيني مريتي هيج يصير بيها يااا يمه عمت عيني رن تلفوني وسكتت وهيه هدئت خلصت طاقتها وفقدت بين ايديه وصوت شخير يطلع من حنجرتها جاوبت الشيخ كال
ـ انا اجيت
غحت فتحت له الباب اجينه انا وياه للغرفة لگيتها مشگگه كل ملابسها وجسمها طالع ومتمدده بالگاع وتضحك ونابته اضافرها بصدرها والدم يجري عرفتو يحاول يمارس وياها الشيخ بس شافها دار وجهو عل حايط ركضت بسرعة طلعت ملابس الها ولبستها ماتقبل البسها
ياقوت : عوووفني ماتكدر تمنعنيي هذا الجسد ملكي انا اتحكم بي
تحجي بصوت خشن يدوي بالبيت كلو لبستها اجباري عنها تريد تشگ الثوب
مسكتها وضميتها على صدري
ـ التفت شيخنه
التفت وكال
ـ لاااا عوفهاااا ابتعد عنهااا يمكن اتأذيك
ـ خلها تأذيني انا قابل والله اتحمل بس اريدو يطلع من جسمها تعبها اخخخ گلبي
احتضنت وجهها وصرت احجي وياها
ـ تعبووج ينضر عيني ؟ تعبوج يتعبي انتِ يمههه مرتي رااحت من ايدي ولكك شيخخ سوي اي شي مررتي راح تموووت راح اخسرهااااا
ابچي واحجي وهيه عيونها متحوله سود وجهها شاحب وكلو مشگگ وشعرها الحلو الطويل كلو ادمر ولونو اليشبه خيوط الشمس تحول لسواد داكن مخيف
دموعها تصب حجت بصوت ياقوتَ وكالت
ـ جاي اتعذب دَيهم كلشي بيه يأذيني
فز گلبي بس سمعت صوتها حضنتها وصرت ابوس بيها وابچي وياها
ديهم : ميخالف بابا ميخالف يبعد رموش عيني اتحملي راح اخلصج من اللي انتِ بي بس اسمعي كلامي يا نار گلبي
الشيخ واكف يباوع النه صحت وكتلو
ـ شمنتظرررر انتَ وين صااافن يلا شوووف شغلك .
الشيخ يرجف وجبهتو تصب ماي فتح الكتاب وكعد مقابيلنه ياقوتَ بس شافته
هزت راسها بـ لا ودموعها ترست عيونها باوعتلي وكالت
ـ والله اخذ روحه لا تخلي يقرأ
باوعلي الشيخ اشرتله بلش اتمسكت بيها اكثر وبدأ الشيخ يتلوى آيات الرقية بصوت خاشع وانا و ياقوتَ كاعدين بالكاع وهو گبالنه جسمها صار يرجف باوعت للشيخ وكأنُ شافت شي ياخذ روحها فتحت عيونها على وسعهن وشفايفها تتراجف برزت انيابها واضافرها وصرخت بالشيخ تريدو يسكت مسكتها وشديتها بحضني اقوة الشيخ صوتو صار عالي
ـ اخرجي من جسدها يا روح هذا جسد طاهر لا يحق لكِ أن تسكنيه إن كنتِ ظالمة فأنتِ مقيَّدة وإن كنتِ مظلومة فارحلي إلى رحمة الله باسم الله الذي لا يُهزم جنده اخرجي ولا تعودي
صرخت بعالي صوتها بس صوتها جان يختلف متبدل بصوت رجولي خشن قشعر بدني بس سمعتو
الشيخ : اخرجي إلى حيث أمرك الله لا سلطان لكِ على عباد الرحمن
ياقوت : مااااا اطلع من جسمهااا صارت ملكي كلشي بيها ملكي
تصرخ بصوت رجولي هزت البيت هز كرر الشيخ كلامو
الشيخ : أقسمتُ عليك بالله العظيم أن تخرجي من هذا الجسد اخررجي
صرخت بي طفت كل الشموع الغرفة صارت ضلمة حتى الشيخ مايشوف الكتابات وصارت تضحك بعالي صوتها شغلت فلاش التلفون وشمرت التلفون للشيخ حتى يضوي بي باوعتلي بنضرة مليانه حقد وگالت
ـ تساعده حتى ياخذ روحي ؟
حجت بصوت ياقوتَ وكالت
ـ هذا حبك اليه دَيهم
تباوعلي بعيون بريئة الشيخ يقرأ ويكول
ـاخرجي من جسدها يا روح هذا جسد طاهر لا يحق لكِ أن تسكنيه إن كنتِ ظالمة فأنتِ مقيَّدة وإن كنتِ مظلومة فارحلي إلى رحمة الله. باسم الله الذي لا يُهزم جنده اخرجي ولا تعودي
تباوع بعيوني وكأنُ تعرف نقطة ضعفي عيونها
ياقوت : خليه يسكت الله يخليك دَيهم خليه يسكت صوته راح يموتني لا يردد هيج كلام
ضعفت كدام عيونها اريد اكلو للشيخ يسكت وصرخ بعلو صوتو
ـ ااامررررك بأسم الله وقرأنه ان تخرجي من جسد هذا المسكينه
باوعت للشيخ وتبدل صوتها بصوت خشن يقشعر البدن وهيه تصيح كالت
ياقوت : ماكو فايدة من اياتكم وقرآنكم انا سكنتها وما اطلع منها الا اخذ روحها وياي
الشيخ يلهث وانفاسه ضعيفة تعب من كثر القراية ثبتت نضراتها بأتجاهه شديت ذراعي عليها احتضنتها اقوة ودموعي تصب كلتلها
ديهم : اتحملي ياقوتَ انتِ قويه يحيلي انا يمچ بويه لا تخليه يسيطر عليچ
ربجي وكوه احجي ياربي تعبت قويني يا الله
الشيخ مستمر يقرا القران بعالي صوته
ـ اخرجي من جسدها يا روح هذا جسد طاهر لا يحق لكِ أن تسكنيه إن كنتِ ظالمة فأنتِ مقيَّدة وإن كنتِ مظلومة فارحلي إلى رحمة الله باسم الله الذي لا يُهزم جنده اخرجي ولا تعودي
تشيل بروحها وتضرب بالكاع تحاول تخليني احرر واني شادها لحضني وضام راسها لصدري عدها قوة مو طبيعية ترفع رجليها وتضرب نفسها بالكاع تحاول تأذي نفسها حتى اعيفها بيها قوة ثانيه تحركها شلون ماتريد هاي مو تصرفات ياقوتَ مريتي حيل حنينه ماتأذي نفسها يا يمه يبعد غيحي انتِ ارتفع صوت الشيخ اكثر يقرأ الرقيه وانا ضامها لصدري ابوس براسها واكول
ديهم : بسم الله الرحمن الرحيم اعوذ بالله من الشيطان الرجيم
صرت اقرأ المعوذات وهيه تضرب بنفسها وتصيح
ياقوت : اشششش كااااااافيييي دتعذبووني اششش
صارت تتلاهث ودموعي تصب وجهها تورم واضافرها شكگت وجهها دمرتوو فد مره صار صوت الشيخ يعلى اكثر وهو يكرر اية الكرسي وهيه صارت تحجي بطلاسم مو مفهومه تحاول تخلي الشيخ يخربط بالقراءة صميت حلگها بأيدي وسندت جبيني على جبينها وهمس
ـ باوعي بعيوني بابا
درت وجهها لوجهي صرنه عين بعين
ـ ياقوتَ اريدچ قويه بس هل مره لخاطر حبنه لخاطري ينار گلبي
دموعها سالت وهيه مركزه بيه صرت ابجي وياها ابعدت ايدي عن حلكها وجسمها هدئ واتجمدت بين ايديه سكتت من العذاب الصار بيها رجعت
شهگت شهگة طويلة مثل الروح تنسحب من جسمها وانهارت بين ايديه مات حيلها ضلت بس دمعتها على خدها سكت الشيخ شويه ورجع
الشيخ : طلعت من جسمها !
ديهم : ياقوتَ امي انتِ تسمعيني
غمضت عيونها براحة رجعت فتحتهن
وباوعتلي انرسمت ابتسامة على شفايفها غريبة وهمست
ياقوت : مو بسهولة اطلع من جسمها هيه صارت مسكني .
باوعت للشيخ الشيخ انتهى بمكانو اختنگ وصار يكح گال
ـ بعد ماكدر اكمل طاقتي خلصت .
يريد يطلع كتلو
ـ انطيني الكتاب
ـ شتسوي بي ؟
ـ انطينيي الكتااااااب
اخذتو منو وفتحتوو على اخر صفحة جان يقرأ بيها مقيدها والكتاب على صفحة اباوعلو وصرت اقرأ واردد كلام الشيخ الجان يگولو الشيخ اختنگ وعافني
ياقوت : اشش اشششش لا تكمللل دتأذيني دَيهم دتأذي گلبي
تجاهلتها وصرت اردد
ـ أعوذ بالله من الشيطان الرجيم بسم الله الرحمن الرحيم الله لا إله إلا هو الحي القيوم
صرخت بعالي صوتها وصارت تضرب براسها بالكاع جبهتها كامت تصب دم شفتها هيج ماكدرت اكمل وقفت قرايه وضميتها لصدري ابوس بيها
ديهم : كافي يعذاب گلبي كااافي يطوااايف هلي والله سكتت ما اقرأ بعد بس لا تأذين نفسج ماعت بين ايديه وضلت بس انفاسها تتلاهث ودموعها تصب سديت الكتاب كالت
ـ ااابعده اطلعه من الغررفة لا تخلي هنااااا
ـ صار ينار گلبي والله صار اهدي بابا اهدي اشش امسح على راسها احاول اهديها غفت بين ايدي اول مره تغفى صار ٦ ايام هيه مو نايمه هل مره خليتها تنام لأن كلبي اذاني عليها كلش ما اتحملت اشوفها تتعذب هيج غحت اتوضيت وصليت ركعتين واجيت اقرأ قران يمه بصوت خافت اخاف تسمعني وتفز خلصت الليلة بصعوبة كل شواي تفز خايفة نوب الگاها كاعده تحجي ويه نفسها تعبت حيل تعبتتت
اليوم التالي ..
صار الليل الغرفة رغم الاضويه التارسه المكان حيل تخنگ ومزعجه واصوات تتهامس وناس تضحك بكل زاويه بالغرفة هيه كاعده ومتربعه ع الجربايه كل ماكل شي تتقيئو بطلت انطيها شي تاكلو لان بدون فائدة كعدت كبالي ومسكت ايدها وگتلها
ديهم : تسمعيني اميرتي ؟
هزت راسها بـ اي كتلها
ـ احجي جُماره متلهف لصوتج الدافي
ـ شحجي يدَيهم شحجي معيشتك برعب اني شلون الك نفس تبقى وياي بغرفة وحده وتنام وياي واني مسكونه بروح
ـ لو تسگنج 10 ارواح احبچ بيهن كلهن تصدكين ما اخاف وماكو شي يهز شعره مني وانا يمچ انا خوفي اخسرج دام اكون يمچ لو اعيش وياج بجهنم انا قابل ك
ـ متخاف مني؟
تحجي وصافنه بالحايط ودموعها تنزل
ـ ماكو شي يخوفني وانا بگربج انا عايش لأجل عيني تشبع شوف منج
نشفت دموعها تركت ايدي واتمددت بكل هدوء ضلت تباوع ع السگف وجسمها بااارد واطرافها متجمدة طلعت برا خابرت شيخ ثاني وحجيتلو الوضع كال
ـ ثواني واكون يمك
دزيتلو لوكيشن اتصلت ام ياقوتَ جاوبتها
ابابيل : شلونك يمه شلونها ياقوتَ شو اتصل عليها ماترد!
ـ هلا خاله والله ياقوتَ نايمه هسه وانا بالشغل من ارجع اخليها تحاجيج
ابابيل : ماشي وليدي من ترجع للبيت خابرني
ـ ان شاء الله عمه سلميلي ع الاهل كلهم
سديت الخط .
شواي واجه الشيخ دخلنه الغرفة ياقوتَ كاعده على حيلها وتباوع للحايط وتحجي ويه نفسها
حجيت للشيخ كلشي من الاول للاخير فهم وضعها كعد قريب منها وانا مسكتها من اكتفاها احاول الحگ بيها قبل لا تنهار مسكت ايدها بستها وهمست بأذنها
ـ يلا ياتعبي انتِ اريدج قوية بويه
ساكته ومثبته عيونها ع الحايط صار الشيخ يقرأ القرآن و ياقوتَ مو مهتمه الو صدمتنه ولا تأثرت بتلاوتو ارتفع صوت الشيخ وهو يقرأ باوعتلو وكالت
ياقوت : اشش كااااافي اشش حراااام عليكمم عذبتوونييي
سدت اذانها وتصرخ وخرت ايديها اريدها تسمع للقرآن سكت الشيخ شويه ورجع خاطب الروح وگال
ـ بالله العظيم خالق السماوات والأرض آمركِ بالطاعة أخضعي لأمر الله واخرجي من هذا الجسد فإنكِ لا تملكين سلطانًا عليه
صارت تصرخ وتضرب براسها مسكتها بقوه منعتها تأذي نفسها ملخت نفسها تملخ يمه عمت عيني شكد اتعذبت كالت بصوت مبحوح وخشن
ياقوت : ماااا اطيع والله ماااا اطييييع
ما اعووفهااا ما اترك جسمها هيه ملجئي.
تضرب بنفسها وتصيح الشيخ كال بعلو صوتو
ـ إن لم تطيعي فأنتِ من الجن الكافرين ولَكِ عذاب الله في الدنيا والآخرة أطيعي أو احترقي بنار كلماته
بعد محاولات هواي وهو يطلب الطاعة منها صرخت بعالي صوتها هزت الغرفة هز وكالت بصوت تعبان
ياقوت : ااااه اطيعك والله كلشي تريده اسوي بس كااافي تقرأ اترجاك
سكت الشيخ واشرلي اتركها وابتعد عنها
ـ شيخ تأذي نفسها
ـ اتركها ابني صارت تحت طاعتي هسه ماتكدر تأذي نفسها لازم نعرف شنو اسم الجان حتى نكدر نخاطبة .
جسمها يرتعش وشفايفها ترجف وتتلفت يمين ويسار وفاتحه عيونها على وسعهن ابتعدت عنها مسافة
مد الشيخ ايدو وخلاها على راسها وهيه ترجف صارت تبچي ماتحملت اشوفها هيج ركضت حضنتها ودفعت ايد الشيخ عنها كال
الشيخ : لا حول ولاقوة الا بالله يا ابني مو كتلك خليك بعيد عنها
ديهم : ماكدر والله مو بأيدي ما اتحمل اشوفها تبچي وما اسكتها
رجعت احجي وياها
ديهم : كااافي ياقوتَ بابا انا يمچ ما يأذيج هو يحاول يخلصج من اللي انتِ بي اتحملي بويه اتحملي
بستها براسها وصرت ابجي وياها الشيخ مد ايدو وخلاها على راسها وهيه فاتحه عيونها على وسعهن خايفه منو باوع بعيونها وكال بصوت قوي
الشيخ : يا روحٌ غريبة اسمعي قولي أقسمتُ عليكِ بالذي خلقكِ وخلقني ما اسمك ولماذا اخترتِ هذا الجسد
جاوبتو بصوت خشن وغريب وكالت
ياقوت : انا ليثام ابن جبران ما اختاريتها بنفسي هما اختاروني وامروني حتى اسكنها
الشيخ : منو اُمرك تسكنها
ما جاوبتو ضرب بأيدو ع الارض و كرر السؤال
الشيخ : منو اُمرك تسكن جسم هاي البريئة اسألك بأيآت الله وقرآنهُ مَن آمرك
ياقوت : آمرني وارسلني مولاي مُهنام لبث روحي بجسمها وخلاني احبها واسكنها
صارت تحجي وتبجي وتكول
ياقوت : يعني مو بأيدي انا مبعوث والله همّ وكلوني
الشيخ : ومنو مُهنام ؟ ومنو انتَ ؟ ولأي اصل ترجع اصولك ؟ وكم طفل عندك وشتريد منها هاي البريئة
ياقوت : مولاي مُهنام حاكم الشمس والقمر ارسلني الها حتى اسكنها واعذبها واوصلها للموت واصولي فارسي وعندي ٤ اطفال
الشيخ : شنو سر النجمة الخماسيه الي تطلب منها تكتبها على بطنها
سكتت شويه تباوعلي ودموعها تصب تريد تحجي سكتها الشيخ وكال
ـ جااااوب امررررك بأسم الله تتكلم وتكول الحقيقة
حجت ودموعها تصب وجسمها يرجف وكالت
ـ النجمة الخماسيه الي خلتني ادخل جسمها من ختمتها للمرة الثالثه انا احتليتها وسكنت بيها
حاضنها بكل قوتي عندي الوضع عادي ولا خايف سكت الشيخ طلع ورقه وقلم وكتب بالورقه كمل ورجع يحاجيها كاللها
ـ اسماء اطفالك *** و *** و ***
وسعت عيونها مصدومه وكالتلو
ـ شلون عرفت ؟ جسمها ضعف وصار الشيخ ياخذ كلشي منها بدون ماترفض او تصرخ سيطر عليها بشكل كامل كاللها
ـ قُل جاء الحق وزهق الباطل إن الباطل كان زهوقاً امرك ان تخرجي من جسدها
صرخت بعالي صوتها ملختني تملخ تحاول تفلت من ايدي وصوت انفاسها يتسارع تتلوى بين ايديه وكالت
ـ ما اخرررج لو حرگتني بنيران اياتك وقرانك باقيه الا انفذ وصية اللي ارسلوني وكلوني عليها
گلبي صار يدك مثل الطبول خفت عليها عجل هذا الجن شكد عنيد ايست يطلع منها دموعي ترست خدي وخيبة الامل تسكني كال الشيخ
ـ انتَ ابن *** من اصل *** انطق بالحق وگول ليش امروك تأذيها
صارت تبجي استنزفت كل طاقتها استسلمت وكالت
ياقوت : اجن نسوان اثنين الى مولاي مُهنام جايبات من شعرها ومن ملابسها
ديهم : شنوو اسمائهن منو هنه كووولي ياقوتَ احجيي
الشيخ : لا تقاطع حديثنه ولا تحجي وياها بصفتها مرتك هذا شخص ثاني متلبسها ركز يا ابني
ديهم : احجييي شنو اسم النسواان الثنتين الجابو من شعرها ومن ملابسها
ساكته بس تبچي وتباوعلي الشيخ غمض وصار يهمس ويقرأ على راسها
ديهم : شيييخ اريد اعرف منو ال…
الشيخ : اشش لا تقاطعني جاي احاول اقرأ افكاره وذكرياته واعرف استغله واخليه يعترف كمل فتح عيونو وباوع بوجهها وگال
ـ روح اطفالك بين ايدي احرگهم بأياتي وقرآن رب العالمين اذا ما تجاوبني وتطيعني وتلبي لي كلشي اطلبه منك
هزت راسها بـ اي ودموعها تصب وايديها ترجف الشيخ تعب وجبينو يصب ماي ويتلاهث بس انا اصريت عليه يكمل
ـ شنو اسم النسوان الي اجن وجابن شعرها وملابسها ؟
ارتجفت شفايفها وهيه تحاول تنطق متردده ماتكول صرخ بيها الشيخ وكال
ـ جااااوب على سؤالي والا ما يبقى اثر لا الك ولا لأطفالك
ـ لا اجاوب راح اجاوب اسمائهن كانت
ريماس و شيرين .
انصدمت بس عرفت شيرين هم مشاركة بالجريمة
الشيخ : لا حول ولا قوة الا بالله ابني دَيهم تعرف منو ذني ؟
اتجمد الدم بعروگي شجاوبو اكلو اختي ومرت اخوي سحرو مرتي ررريت الله لا يوفقهن ساقطات
ـ دَيهم؟
ـ ها شيخنه
ـ تعرفهن لو لا؟
ـ اي اعرفهن
لا حول ولا قوة الا بالله العلي العظيم
دنگ يمسح عرگ جبينو تنهد ورجع يحاجيها
ـ النجمة الخماسيه وراها سر ثاني اريد اعرفه ؟ ما جاوبتو صرخ بيها وكال
ـ إن لم تطيعي فأنتِ من الجن الكافرين ولَكِ عذاب الله في الدنيا والآخرة أطيعي أو احترقي بنار كلماته
صارت تبجي بصوت عالي وتتلوى بجسمها كوه مسيطر عليها قوتها فضيعه صارت تتلاهث شهگت بعالي صوتها وانگلبت عيونها بيض واتجمد جسمها صرت اضرب بيها راشديات واكللها
ـ ياقوتَ حبيبي تسمعيني؟؟ يحيلي لاااا اتحملييي لخاطري يمههه مرررتي ولككك راااح تموووت الله يلعن سحورتهن ويلعنهن يااارب يا مُعين ساعدني
ضليت احجي وياها فتحت عيونها ببطئ باوعتلي وشهگت روحها رادت تطلع من جسمها وارتخت بين ايديه فقدت وعيها ركضت جبت ماي رشيتو بوجهها شهگت وكعدت على حيلها رجع الشيخ يحاجيها
ـ شنو سر النجمة الخماسيه ؟
ـ تعطيل ارحام امروني اعطل رحمها حتى لا تحبل
ـ وليش تمارس وياها وقت نومها؟
ـ هيّ هاي الطريقة الوحيدة حتى ماتحبل بعد ويتلف رحمها
ـ وبعد شنو سويت الها ؟ بشنو امروك ؟ وبشنو اذيتها ؟
ـ هذا كل الاعرفه ما اذيتها بشي ثاني
صرخ بيها الشيخ وكاللها
ـ يا روحٌ غريبة اسمعي قولي أقسمتُ عليكِ بالذي خلقكِ وخلقني بماذا اذيتيها ؟
سدت اذانها تصرخ وعيونها تحولن بيض وشهگت تباوع فوك للسما
ماسك ايدها عصرتها بقوة متمسكه بيه وگالت
ـ دمرت حياتهم كلها انا مو بأيدي هما امروني اقسم بـ مولاي مُهنام هم امروني
ـ دمرت حياة منو ؟
سكتت ما تجاوب خله ايدو على راسها وكال
بعالي صوتو
ـ بالله العظيم خالق السماوات والأرض آمركِ بالطاعة أخضعي لأمر الله
لوت جسمها تحاول تكسر فقراتها وضلوعها شديتها بقوه ثبتتها
ديهم : لاا ياقوتَ حبيبي لا تأذين نفسج يحيلي ياااا يمههه مرررتي خسرتها والله
الشيخ : ابني ردد وياي وخليك مثبتها لا تخليها تفلت من ايدك
مسك ايدي وغمض عيونو وصار يردد
ـ بالله الذي لا إله إلا هو أطيعي واخرجي من هذا الجسد الطاهرة
صرت اردد وياه وياقوتَ تضرب بصدري وتشيل بنفسها وتضرب بالكاع يمه مرتي اتخبلت سدت اذانها ماتريد تسمعنه صرنه نقرأ بصوت عالي
ـ بالله العظيم خالق السماوات والأرض آمركِ بالطاعة أخضعي لأمر الله واخرجي من هذا الجسد فإنكِ لا تملكين سلطانًا عليه أطيعي اخرجي باسم الله لن يبقى لك مأوى هنا
مسكت قميصي بقوه تباوع بعيوني وحجت بصوت ياقوتَ وكالت
ـ كاافي دَيهم كاااافي روحي جاي تتعذب ترضاها حبيبتك شمعتك يصير بيها هيج
انشل لساني وتوقفت اردد ورا الشيخ عيونها نقطة ضعفي من اشوفهن ينتهي كلشي انسى حتى اسمي بس شافتني سكتت فرحت وانرسمت الضحكة على وجهها ابتسمت وياها صرخ بيه الشيخ فززني وگال
ـ لا يا ابني استمر ردد وياي جاي تستغلك بمرتك المسكينه هاي مو هيه لا تخليها تخدعك قوي نفسك لا تضعف كدامها
دارت وجهي لوجهها وكالت
ـ لا لا يجذب والله يجذب حبيبي اني ياقوتَ شمعتك اني جُمارتك مو انتَ تگول اخاف عليج من الهوى شلون تقبل يأذوني
صارت تبجي وتتوسل وانا حاير بينها وبين كلام الشيخ كال الشيخ
ـ دَيهم ابني جاي تقرأ ذكريات مرتك وتطبق كلشي بعقلها جاي تحاول تخليك تسكت يا ابني استمر ردد وراي انتَ مو تريد مرتك تتعافى؟ ردد يا ابني ردد
رجعت مسكت ايد الشيخ ورددت وراه
ـ أعوذ بالله من الشيطان الرجيم
بسم الله الرحمن الرحيم
الله لا إله إلا هو الحي القيوم .
رجعت تضربني وغرزت اضافرها بصدري اباوع بعيونها ودموعي تصب واردد ما احس بالوجع خرمشت وجهي بأضافرها وهيه تكول
ياقوت : لااا لا تردد وراه دَيهم حبيبيي اني ياااقوته اني شمعتك يروحي
احس غصة بلاعيمي من كلامها اول مره تحاجيني هيج من وقت طويل اشتاگيت الها اشتاگيت لسوالفها الحلوه لنضرتها البريئة دست على گلبي وبقيت اردد ورا الشيخ
قرينه سورة الفاتحة واية الكرسي والمعوذات وهيه تملخ بنفسها دمت نفسها دمايه وجرحت صدري وجهي بأضافرها
بعد ساعة من القراءة وعذابها وصراخها مستمر ارتجف جسمها والتوى ضهرها وباوعت للسماء واتجمددت صارت مثل الخشبة يابسه بأيدي شهگت شهگه قويه ودمارات عيونها وجهها طگن لونهم ازرگ الشيخ يردد وحدو انا مركز بيها وگلبي يدگ طبول
ديهم : حبيبي ياقوتَ!! رجعتيلي؟ يا امي گولي رجعتيلي؟
ساكته متجمدة بين ايديه وعيونها مفتوحات على وسعهن وعاصره ايدي بقوة وشاهگه شويه وروحها تطلع مات حيلها جريتها لحضني اضربها راشديات بخفة احاول اصحيها ماصحت رشيت بوجهها ماي هم ماصحت وانگطعت انفاسها
ـ ولكككك ماااتتتت مرررتييي تدري اذاا صار بيهاا شي شسويلك وحق الاسمو الله ادفنك قبلهااا
الشيخ : اهدأ ابني هسه تصحى
جريتها وخليتها على رجليه وكتلها
ـ ياقوتَ شمعتي اصحييي ابوس ايدج لا لا تموتين لا تعيفيني يااقوتَ
صرت ابچي ودموعي توگع على خدها رجعت تتنفس ببطئ فتحت عيونها بصعوبة وشفايفها يرجفن طرررت من الفرحة ضميتها لصدري
ـ يمممةةة شمعتي رجعتي تتنفسين والله رجعتيييي تتنفسين الف الحمد والشكر الك يااارب اخخخ گلبي يممهه شسويتي بيه وما گعدتي والله هديتي حيلي بابا خوفتيني عليج الله يخليج لا تهبطيني بعد
احجي وهيه كوه تتنفس وجسمها ميت حيلو
باوعت بعيونها وگتلها
ديهم : وياي ياقوتَ؟ تسمعيني مو بابا
؟ كوه تحجي همست بخفوت
ياقوت : اي حبيبي اسمعك
مم فرحتي حضنتها مره ثانيه ونسيت الشيخ
ـ رجعتيلي شمعتي والله رجعتي يمهه متت وما رجعتي اخخ ينار گلبي انتِ
ـ د … دَيهم
ـ اهلو انتِ رموش عيونو غيحو انتِ
ـ خلصتني منه ؟ جان يعذبني يگطع بروحي تگطع من جوه
ـ خلصتج بابا كلشي انتهى انتِ هسه بخير لا تبچين يچويات گلبي انتِ
مسحت دموعها وضميتها اشم عطرها متلهف لكلشي بيها احس جانت بعيدة هواي عني وهسه رجعتلي كال الشيخ
ـ احم اححمم الحمد لله وبفضل الله واياته وقرانه الكريم گدرنه نخلصها من الي هيه بي مره ثانيه انتبهو تاكلون شي من احد او تخلون ملابسكم او شعركم مكشوف كدام اي بشر الحذر واجب
استحيت من الشيخ حاضنها كدامو كتلو
ـ مشكور شيخنه تعبتك وياي هواي والله هذا معروفك ما انساه ابداً امرني باللي تريدو اي شي يخطر على بالك .
ـ اتواصل وياك ع التلفون ونتفاهم هسه ارتاحو وبعدين الله كريم
اتشكرت منو هوااي وصلتو للباب قفلت البيت علينه لكيت تلفوني سالم وبلال و ريهام متصلين واهل ياقوتَ مشتعل التلفون شعل من الاتصالات قفلتو غحت يمها شلتها من الگاع ماتكدر تمشي خليتها ع الجربايه نضفت الغرفة وفرشت الها بالگاع لأن الجربايه كسرتها تكسير شلتها وخليتها بالگاع غطيتها
ديهم : تاكل اميرتي ؟
ياقوت : ميته جوع
ديهم : نسبح اول وبعدين ناكل تمام بابا ؟
ياقوت : تمام
تريد تگوم ماتكدر شلتها واخذتها للحمام نزعتها ملابسها اثار الجروح على جسمها ملتهبة فتحت الماي الدافي وصار الماي يصب فوگانه
بس الماي لمس جسمها كالت
ـ اااه لا دَيهم سد الماي يأذيني
ـ الجروح توجعج شمعتي ؟ خلاص ولا يهمج هسه اعقمهن الج
طلعتها من جوه الدُش ولفيتها بالبرنص ولفيت شعرها بالمنشفة خليتها كدام الدفايه وركضت طاير فرحان بيها جبت التعقيم ولاصق الجروح رجعت لكيتها غافية سوده عليّ تعبانه يحيلي كعدت كبالها اتأملها شلون نايمه اول مره من وقت طويل تنام وهيج مرتاحه وملامحها تشبه الملاك
قربت منها بستها بخدها احاول اكعدها اتحركت بأنزعاج فتحت عيونها وگالت
ياقوت : دَيهوم انتَ هنا
اشرتلها على گلبها وكلتلها
ديهم : جؤ دَيهوم هنا
بتسمت وگالت
ياقوت : هئ ديهوم هوّ روحي نفسها
وخرت البرنص عن صدرها مليان جروح خليت التعقيم على جروحها اتوجعت مسكت ايدي وعصرت عيونها
ـ وجعتج بابا ؟ اسف يحيلي اتحملي حتى اطيبين
ـ بوسهن
ـ شأبوس بربوك
ـ بوس جروحي ويطيبن
وخرت ايدي واجت كعدت على رجليه ايديها حاوطت رگبتي وگالت
ـ مشتاقتلك دَيهوم
ـ رجفات ايدو انتِ تعويضو بعد الصبر انتِ بست جروحها جرح جرح خليت اللاصق عليهن بقن جروح خدودها عقمتهن وخليت الهن لاصق اصوات بطنها طلعت جوعانه ضحكت وغطت شفايفها بأيديها
ـ دَيهوم جوعانه
ـ تأمر ام عيون حلوة شعندي غير البلوه السابيه گلبي
دورت التلفون وطلبت دلفري وراسلت اهلي واهلها طمنتهم اصلاً هما مايدرون بشي
جبتلها ملابس نزعتها البرنص لبستها ملابسها ونشفت شعرها مشطتو وضفرتو وهيه ساكته
ـ شمعتي
ـ يروحها حبيبي
ـ ليش ساكته اميرتي ؟ لسانج الطويل وينو مشتاگلو لهفان لهفاااان عليه
ابتسمت وگالت
ـ جوعانه بس اكل اسطرك بسوالفي
ـ اليوم ما اريدج تسكتين ابقي احجي اريد بس اسمع صوتج وانتِ تحجين يول عَندليبي انتَ بس ساكته انا صاير وراها حضنتها من ورا بستها بخدها وگتلها
ـ اشغلج التلفزيون؟ نتابع شي تحبي؟
ـ هئ
ـ تلعبين قطارات ؟
ـ ااييي اريد امانه ارريد العب
انطيتها التلفون اول مابلشت تلعب اتصل المندوب اخذتها منها جاوبتو
ياقوت : حبيبي ماراح يخلوني العب كل شوي واحد يتصل
ديهم : حسوي وضع طيران بويه حتى لحد يزعجج امي انتِ
سويتو وضع طيران وانطيتو الها كامت تلعب انا اريد اشغل فكرها ماريد تفكر بشي من الحوادث الصارت جبت الاكل واجيت هيه تلعب وانا اوكل بيها كملنه اكل
ابعدت الدفايه عنها لا تچويها ولبستها جواريبها وخليتها بالفراش وغطيتها وهيه تلعب فرحانه كعدت اباوع وياها انتظرها تمل وتطفي ماكو مندمجه ماتنطي مجال كتلها
ـ جُمارة
ـ همم
ـ جؤ مو همم گولي روحها انت دَيهمي
ـ ما
ـ. كولي ياقوته كولي
ـ هئ
مديت ايدي من جوه ملابسها احرك اصابعي على بطنها كالت
ـ هئ راح تخسرني وادفنك
ـ الا اخسرچ
ـ هئ دَيهم هئ لا تخسرني
اندارت انطتني ضهرها اتقربت منها لزكت جسمي بجسمها دفنت راسي برگبتها اخذت منها نفس طويل ذبت ذبت همست بأذنها
ـ متلهف عليچ يا نار گلبي
ولا يمها تلعب بستها بركبتها وبخدها كالت
ـ اه لا تبوس
ـ مستلمتني اااه و اااه شلون تردين اضبط نفسي كدامج ياااقوته
خسرت باوعت لي خازرتني وگالت
ـ ليش خسرتني ؟
ـ حبيبي صدك تحجين؟؟ مشتاگلج ماتحسين مشتاااااگلج كوه ماسك نفسي ترا شويه واكلج وانتِ ولا مهتمه
ـ خلصت؟ اني مو مشتاقتلك يلا انچب ونام
ـ كولي تشاقيين ياقوته كولي بابا كووليي
ـ لا دَيهمي ما اشااااقةة
ـ لا يعني صدك تحجين شمعتي ؟ امانة گولي جذب گووولي
ساكته منطيتني ضهرها
ـ يااااقوتَ !!
التفتت باوعتلي
ـ يروحهاااا امي روحها انتَ
ـ اااحلفي مو مشتاگتلي!! احلفيي جُماره احلفييي
ـ قابل اضحك عليك حبيبي ؟
ـ يمه مرتي صدك اتخبلت شخطت فرد نوب زعلت منها وهيه تضحك كمزت فوكاي باوعت بوجهي وگالت
ـ دَيههوومم كااافي لا تزعل حباب اشاقة والله
ـ جؤ ولي كسرتي گلبي
باستني بخدي وكالت
ـ وهسه دَيهمي تصلح مو؟
ـ جؤ مو هنا
باستني بشفتي وگالت
ـ ها دَيهوم ؟
ـ يبعد چويات گلبي انتِ
ـ الارعن
ـ عيون الارعن
رفعت حاجبها وگالت
ـ شو متغير دَيهوم
ـ افا ليش
ـ ماتحبني صاير ماااتحبني
ـ لج بنت الكواد خلص گلبي عليچ وما تعافيتي وتگليلي ماتحبني لك ابني اموت بيك انا متمددين اثنين وانا نايم على ضهري وهيه منتچيه بأيديها على صدري تباوع بعيوني وتسولف ماسكتت وانا اتأملها مثل المسودن حتى عيوني نست گبالها شلون ترمش اخر شي تعبت خلت راسها على صدري وتلعب بأصابعها
ياقوت : الارعن
ديهم : يفداك الارعن لك ابني
ياقوت : اتنفسك اني
ديهم : عاشگج انا
ياقوت : ميته بيك اني
ديهم : هيمان بيج انا
ياقوت : روحي انتَ
ديهم : عيوني وهدبها انتِ
ياقوت : دنيتي كُلها انتَ
ديهم : جويات گلبي انتِ
ـ علاجي انتَ
ـ ضمادي انتِ
بَلسم جروحي انتَ
ـ ادماني ومرضي انتِ
ـ صدُك على طاري الادمان خوما بعدك تاخذ حبوب؟
ـ ما گطعتو وانتِ مريضه هو المصبرني عل غيابج
ـ وهسه؟
ـ هسه رجعتيلي وبرجعتج رجع كلشي حلو لعمري انتِ نعمتي العظيمة دوم ادعي ربي ما يحرمني من هالنعمة ماتدرين شكثر اتعذبت وانا اشوفج تصارعين المرض تمنيتو بيه ولا بيج وحتى عيني ماضاكت النوم ولا تهنت وانتِ مريضه اغفى دقيقة وافز مرعوب وعيني ادورچ اشوفچ يلا يهدئ گلبي ويستقر نبضو .
ضلينه نحجي لحدما غفت سحبت الغطة غطيتها بستها بعيونها وهمست
ـ لكك شسويت بيه ابني سودنتني عليك والله سووودنتني
مانمت ضليت افكر بالبرابيك الثنين شلون لازم اتصرف وياهن نايمه بحضني وانا دمي يغلي عليهن اخخخ والله لأشوفهن نجوم الليل بعز النهار يطلع الصبح ولكل حادثاً حديث
فزيت الصبح لگيتها نايمه على ايدي جسمي يأذيني من التعب انسحبت من يمها بهدوء ماريدها تگعد خليها تشبع نوم
رن تلفوني تحركت منزعجه بسرعة سويتو ميوت غحت للصالة جاوبتو
ـ ها سالم
ـ وين انتَ امي تلوب ضل بالها عليك انت ومرتك
ـ احنا بيتنه سالم يومين ونرجع نعيش يمكم
ـ خير ان شاء الله خوما متعارك انتَ ومرتك؟
ـ لا ماكو شي بس حبينه نكون وحدنه اكول سالم
ـ ها خوي
ـ كول لأختك ومرت اخوك الساقطة دَيهم راجع بعد يومين خل يشوفن مكان يختلن بي قبل لا اجي
ـ ليش شكو
ـ بس ارجع تعرفون شصاير
سديتو وبس التفتت لگيت ياقوتَ وراي تتسمع عليّ
ـ من ايمتى واگفه هنا شمعتي
ـ من جنت بطاري ريماس ومرت اخوك الساقطة مسكت راسها بستو وكتلها
ـ يلا ابوي انتِ امشي اسبحي حتى نتريك
يروحي لا تغير الموضوع شصاير بينكم ؟
موضوع كلش طويل ما اريد اقلق راسج الحلو
ـ هئ گول شبيك انت وياهن؟
ـ يولن حبيبي برابيك ذني يفدنچ والله يفدددنچ .
اخذتها ودخلنه للغرفة
ـ راح اروح اسبح
ـ اسبحي يحيلي وانا وراج اسبح على ما اسوي الريوك
اخذت المنشفة تريد تدخل الحمام كتلها
ـ ياقوتي
ـ روحها حبيبي
اجي اسبح وياج ومن نطلع نسوي ريوك سوا
ـ دَيهم عوف هاي الدروب وانجب اسبح اني وانت وراي
ـ والله اريد اسبح شبيج
ـ اي اكمل وانت وراي اسبح
دخلت للحمام بعد 5 دقايق وكفت يم باب الحمام وكتلها
ـ مريتي
ـ ها دَيهم ها خليني اسبح عفيه
ـ حبيبي مو زين افتحي الباب
ـ اللوتي اعرف سوالفك خليني اسبح لا اطيح حضك
صرت اكح عود اختنگت
ديهم : يااقوت ماعاد اكدر
فتحت الباب بسرعة وكالت
ياقوت : شبيك يروحي ليش ت….
حضنتها دخلتها الحمام ودخلت وياها قفلت الباب
ـ الساقط هاي سوالف تسويها
نزعت التيشيرت مالتي وسحبتها من خصرها لزكت بجسمي بست ركبتها وهمست بأذنها
ـ تخافين عليّ ؟
ـ شلون ما اخاف دَيهوم غير انتَ روحي واهلها ضليت اشم بركبتها وهيه تدفع بصدري وتكمز تريدني اعيفها
ـ افييش بويه مشتاگلج ماتحسين بيه انتِ
ـ دَيهم ا…
اخذت شفايفها ابوسهن مانطيتها فرصة تحجي تدفع بيه تريدني اعيفها .
طلعنه بدلنه سوينه ريوك اتريكنه صار الليل وطلعنه اتعشينه بالمطعم احاول قدر الامكان اخليها ترجع لطبيعتها
عدة يومين وحالتها اتحسنت بس جروحها بعدها ما طابت ومرات تجيها كوابيس وهيه نايمه
سالم ضل يتصل وامي تحجي وياي وتلح عليّ ارجع خايفه عبالها بينه شي لمينه اغراضنه ورجعنه لبيت اهلي بالطريق هيه ساكته كتلها
ديهم : جُمارتي
ياقوت : عيونها حبيبي
ديهم : لش ساكته امي
ياقوت : حلمت
ديهم : شحلمت ابني
ـ حياية وعرابيد تارسه غرفتنه والتفن عليّ وخنگني
ـ اسم الله عليج بويه خرابيط لا تخافين
بس اريد اوصل بيت اهلي متحلف بالبرابيك وصلنه سفطت السيارة ونزلت فتحت الباب
لـ ياقوتَ نزلتها مسكت ايدها لمحت شيرين تباوع علينا من الطابق الثاني .
ـ ياقوت ـ
دخلنه بيت اهله اجن خواته وامه باسوني وفرحو بيه وهواي
ـ وين جنتو وليش طلعتو من البيت
ـ تريد تعرفون ليش ؟ صيحولي البربوك ريماس وانا اخليكم تعرفون
ريهام : شمسويه ريماس الله يخليك دَيهم عيف المشاكل لا سالم ولا بلال بالبيت اذا كتلتها تموت بين ايديك ومحد يخلصها
ـ مييية مرة گايل بزونه ام سبع ارواح هااي رررياااام
فزت ريام على وكالت
ـ ها خويه
ـ امشي صيحيها وتعاي
راحت تصيحها كاللها
ـ اذا ماتجيبيها وياج اكتلج وياها وحق الله ريهام : شكو خويا فهمنه الله يخليك مانريد فضايح خاف تموتها والناس تكول ليش وعلى شنو قتل اختوو اترجاك يا خووويا تعيفها طيب گلي شمسويه وانا احاسبها
ديهم : اششش ولا حرف اگطعووو النفس لحد يدخل لو اموتها اليوم
نزلت ريماس وكالت
ريماس : خير
ديهم : تعالي
ريماس : احجي شعندك ما اجي
ديهم : جاي اگلج تعالي
وكفت يمه ضربها راشدي خربط تعابير وجهها مسك شعرها بقوه كامت تعيط
ام بلال : شمسويه اختك يا يمه بالهداوه اكعدو تفاههو لا تفضحنه
طلع الخنجر من خاصرته وحطه بطنها وشد شعرها بقوة هز راسها وگاللها
ديهم : انتِ ومنو سحرتوو ياقوتَ ؟
ريماس : مما ماااا سحررر شـ شنوو شددد دتحجي دد دَيهم
حط الخنجر اكثر بطنها وصرخ بوجههاا
ديهم : سؤااااليي واااااضح مرررتي شسويتيلهااااا ومنوو جااان وياااج بالجرريمه
ريهام تبجي وريام ورغد يبجن بسكته بدون صوت مخلوسات من دَيهم امه وكعت بالكاع شلتها وكعدتها ع القنفة واني بس اتفرج ما دافعت عنها
ديهم : تجاوبيني لو احط الخنجر بطنج ؟
ريماس : حطوو بطني ما اعترف بشي انا ما سويتو موتني وخلصني من هل عيشة هااااي سكت شواي وابتسم بوجهها بخبث شمر الخنجر بالگاع واخذها سحل من شعرها وخواته وراه يعيطن ويبچن
ـ عيفهااا دَيهم ياخوووي عيفها عليك الله لا تموتها وتبتلي بدمهاا
ـ لا تورط حالك يا خووي تدخل سجن على شي ما يسوه
لحكتهم بس اباوع اخذها ع المطبخ وشغل نار الطباخ وطلع خاشوگه خلاها ع النار صارت حمرة .
ريماس : لا لا دَيهم لتسويها انا اختك شنو نسيت لتسوووويهاااااا يمممههه الحگيليييي ولججج ريههااااام خلصينييي غاخ يچوووييني يمممهههه سااااالم وينككك سااالم يمه خوويااا
دَيهم : حتى غيدان ما يخلصج من ايدي اليوم صافطها ع الكانتور وماسكها من شعرها بقوة ريام راحت تركض وتبچي لغرفتها ماتريد تشوفه شلون يچويها امه تلوب بالصالة وتتوسله يعوفها خطيه متكدر توكف على رجليها من تنقهر عدها سكر و سوفان بالعضام سبأ واكفه تبچي الخاشوكة صارت تلهب من النار حمت كلش شالها من النار وقربها على وجهها
ديهم : وهسه تحجين منو الجان وياج من سحرتوها لمرتي لو اشوف شغلي ؟
ريماس : والله ممماا مااا ماسويت شييي والله مما ما سحرتهااا ماعرف على شنوو تحجي دَيهم الله يخليك عوفني لا تأذيني
ديهم : وتنكرين هم ؟ تعرفيني شكد اكره الشخص الجذاب والمنافق انا زين مني انطيتج فرصة تبررين موقفج انا من عادتي ما اسمع تبريرات الجذاب امحي من الوجود
تريد تحجي حط الخاشوكه على طرف حلكها صارت نص على خدها ونص على حلكها عصرت عيوني من بشاعة المنظر ياالله هذا شكد مجرم وكلبه قوي ميخاف شاغت روحها
ريماس : يممممةةةةة ساااالمممم يممممةةة
ريهام ماسكه ايده وتتوسل تريد ترفع الخاشوكه عن حلكها وهو ضاغط عليها بكل قوته وعاض شفته شويه ويگطعها من العصبيه تحول عليها دمارات گصته طگت رفع الخاشوكه لحمها لازگ بالخاشوگه اتخربطت وكعت بالگاع ريهام يمها بالكاع تبجي
ـ ريماس تسمعيني ولج ررريمااااس
دَيهم رجع الخاشوكه ع النار و رجع رفعها من الگاع فتح ماي السنگ ورش بوجهها ويعيط عليها
ـ اكعععديييي بربووووك ام السحوورة انعل ابووووج لابووو شيرين لابووو الخلف شيرررين بناااات ال **** خرررب ابوي الما عرف يربيجن وخرب بلال الما عرف يختاااار جابلنه وين ماكو وحده سحارة بنت سحارة لجج اكعععديييي بعد ما بردت گلبي بيييج اكععععديييي
عرفت هنه المسويات السحر من طريقة كلامه ضربها راشدي بكل قوته كعدت شهكت من قوه الراشدي اجت شيرين ترجف
ـ شكو ياقوتَ شصاير ؟
ـ متعرفين شصاير ؟
ـ ها لا ليش دَيهم يكتل بريماس
ـ حسبي الله ونعم الوكيل عليجن ان شاء الله ماشوفن يوم حلو بحياتجن
كامت ترجف من شافته شلون يكتل بيها ويعذبها راحت لغرفتها تركض
ديهم : اكعدي حطي عينج بعيني بعدو حسابي ماخلص وياج
الخاشوكه صارت حمره دم رفع ريماس من شعرها تشلع بأيديه كله وكع اباوعله شويه وينجلط من العصبيه دمارات وجهه طگت اتحول عليها كل عقله امه اجت كوه تمشي تتوسل بي
ـ شسويت بأختك يا يمه ولكك بس فهمنه شمسويه هيه وشيرين بس اسمعني جاي احاجيك
ـ وخررري يمممهه لا تدخلين اريد اربيها هاي المحد عرف يربيها ر
يماس تريد تحجي متكدر مصدومه منه شسوه بيها وحلكها وارم ومنظر الچويه يخررع عبالك جاي اشوف فلم رعب رفع الخاشوكه من النار وجابها على حلكها بالجهة الثانيه من خدها اجه بلال يصيح مسك دَيهم
بلال : وخرررر عنهههاااا المجنووون شمسوووي بيها يا الله مووو هيج الناااس تتفاهم شنو من بشر انتَ شلون الك گلب تعذب بهل طريقة دَيهم : اخخخ ولككك وخرررر وخررر عني ماتدري هاي البربوگ شمسويه هيه ومرتك
ال *** بيك خير غيح حاسبهاااا علمهااا لا تهجم بيوت العااالم
يحاول يسحب دَيهم من اكتافه ما يكدرله
بلال : ولككك شمسويات شعاملاااات بس گلي احجي وياي انا اتصرف وياهن عيييفهااا للبنيه دَيهم : اخخخخ ولكككك وخرررر والله لو اشرب من دمهاا مماااا يبرررد گلبي
بلال ماسك ايد دَيهم ميريده يچويها ماكدرله وچواها بحلكها مره ثانيه صااحت روحها طلعت اتخربطت وكعت بالكاع رجع رفع دَيهم وكال
ـ كووومي بربوك ساقطة ماااا تموووتين وحق الاسمووو الله ما اخليج اكعععدي لازم تحجين وتكليلي بعد شسويتن بـ مرتي
بلال ضرب دَيهم بوكس على وجهه وكاله
ـ وخررر عنهااا والا والله ادفنك
باوعله دَيهم عيونه جمر من العصبيه وانفاسه تتلاهث وعرگانه جبهته مسك بلال وهم ضربه بوكس تعاركوو ماكدرنه نفكم اتصلت بسالم وكتله
ـ ساااالم الحگ دَيهم وبلال تعاركو
ـ شنووو؟؟؟ ليش شبيهم شكو تعاركو
ـ تعال بسرعة سالم معندي وقت اشرحلك
ـ هسه اجيت ثوااااني مو بعيد انا
رجعت احاول افاككهم بلال دفعني و دَيهم دفع ريهام مانكدرلهم ضخمين وطوال واحد يضرب بالثاني و ريماس فاقده بالكاع وحلكها يصب دم دَيهم دفع بلال ع الطاوله وسحب السجينه ونام فوكاه خلاها على ركبته وكال
ـ تطلعععع منااااا ولا تدخل بيةةة اختيي وارررريد اررربيهاااا تدري اذا ادخلت انوب شسوي بيك هاي السجينه تلگاها مغروزه
بـ لوزتك
خنگ بلال وكام يكح يريد النفس حسره اني ماسكته احاول ابعده
ياقوت : دَيهم راح تموته لأخووك دَيهم عفيهه وخرررر عنه جاااي احجي وياااك حبيبي الله يخليك لااااا راااح يموووت
احجي ويا وهو فاقد من العصبيه ولا يمه اجه سالم ودفع دَيهم ابعده عن بلال
سالم : شبيييكممم شهل اكلان الخراااا شكوو متكاااونين مو عييييب كل واحد شاربو بطولو واحد خانگ الثاني
دَيهم يتلاهث تجاهل كلام بلال ورجع لريماس شالها من الگاع يكعد بيها ما تكعد
طلع يكح كوه يتنفس نوب سالم مسك دَيهم
ـ ولككك هاي شمسوييي بيهااا لييش هييج هذا اجراااام وين عايشين احنا بسجن
ديهم : اصحييي جذااابه ام السحووره ولج اخخخ انا اخووج هيج تسوين بيةةة خليتن لا ليلي ليل ولا نهاري نهار
اخذها سحل من شعرها للغرفة و سالم يضرب بي ويدفعه يريده يعوفها وهو ولا يتوجع ولا مهتم مسكها سالم وكال
ـ وين تريد بيهااا هو انتَ خليت شي بيها صاااحي عيفهااا البنت ماااتت هاهيه انتهتتت دفعه دَيهم واخذها غصب شمرها بالغرفة ودخل وياها سد الباب وقفله سالم يريد يدخل وياهم ماكدر دَيهم ما خلاه ضلينه ورا الباب نصيح عليه يعوفهاا وميقبل
ريماس كامت تعيط تريده يعوفها وتستنجد بسالم وبلال سالم يحاول يكسر الباب بعد مدة كسره ودخل عليهم دَيهم رابطها وبيدة كيبل الشاخنه يضرب بيها جسمها مليان علامات من الضرب ركض سالم فكها وحررها هيه ترجف وتباوع لديهم
دَيهم : وهسه تحجين لو لا ؟
ياقوت : احجي والله العظيم احجيي بس عيفني ففدوه
صااح بعلو صوته
ـ صيحووولي بلال العار
راحت ريهام تبجي صاحته واجت
دَيهم : يلا احجي كدام اخوانج ذوله الاثنين
ريماس من الخوف صارت تحجي كلشي بدون توقف من الاول للأخير واعترفت حتى على مرت بلال و مسويات هواي سحوره لا واحد ولا اثنين مسويات لي بالحليب وماخذات من شعري ومن ملابسي وحتى تراب حاطاتلي بالغرفة ودايسه عليه انصدمنه كلنا من كلامها بلال فقد اعصابه مانطق ولا حرف صعد يركض لمرته شواي واجانه صوت عياطها يكتل بيها ويصيح عليها ريهام صاحت بريماس
ـ ولجج شلووون تسوين هييجج متخاافين الله انتتتتِ ماكلتي حرااام اذيتي البنيه ودمرررتي حياتهااا شسوتلج هيه ولجج
هاي فوك ما ورطتيها بخطاب النذل رجعتي تأذيهااا بسحورتج ولج بعمري ماتوقعتج هيج حقوده وقذررة .
تفلت عليها و رغد كالتلها
رغد : والله حرااام عليج عجل لو ما مرت اخوج جان شسويتي بيها يا ضااالمه الله لا يسامحج كا ريهام : صلاة بعد لا تصلييين وصياااام لا تصوومين شكوو تعبدين الله شكووو وانتِ تشتغلين بالسحوره .
صرت ارجف من كلام ريماس صار المكان كله
ما يحسسني بالامان دَيهم كاعد بالكاع ايديه ترجف وساكت يحاول يرجع لطبيعته وريهام مستمره تسب بيها وتغلط
ريهام : قال الله تعالى في قرآنهُ الكريم ﴿وَلَقَدْ عَلِمُوا لَمَنِ اشْتَرَاهُ مَا لَهُ فِي الْآخِرَةِ مِنْ خَلَاقٍ﴾ تعرفين شنو يعني؟؟؟ يعني ما الج نصيب بالجنه اذا اتقربتي للسحر والشعوذه حتى ريحة الجنه تحرررم عليچ اخخ يممه گلبي ذني بناتج يمه غاح يجلطني الله لا يوفقهن يااارب اخذني وخلصني والله شحلات الموت ارتاااح بالگبررر واخلص من ريماااس وطلايبها
ريماس بس تبجي باوعتلي ريهام وتبجي اجت يمي مسكت ايدي وكالت
ريهام : ياقوتَ حبيبتي امسحيها بوجهي يبعد عمري والله العظيم خجلانه منج
ـ يروحي انتِ لا تتأسفين انتِ مالج ذنب بالصار
ـ والله العظيم مصدومه ياقوتَ خواتي ماعدهن هيج سوالف ما يمشن بدرب السحوره هاي مرت بلال علمتهن هاهيه خواتي داحن وطلعن من الطريق يول دَيهم من اليوم انا شايله ايدي من خواتك اعمل بيهن التريدوو والتشوفو صح حتى انت سالم اكتل واضرب وربيهن لا ترحموهن الضاهر دلالنه الهن خربهن وفسدهن ع الاخير..
سالم : منا وهيج دراسة ماكو طلعات ماكو فلوس ماكو صديقات ما صديقات ماكو تنطمرن كلجن بهذا البيت وتسكتن
ام دَيهم تلوب بالكاع وتضرب على رجليها اجه يمها دَيهم يهدي بيها بالكوه سكتها ريماس راحت تركض و تبچي دخلت بالحمام وقفلت الباب عليها سبأ جابت اغراضنه صعدتهن
ع الغرفة وعياط شيرين مستمر بلال موتها كتل اخذني دَيهم وصعدنه للغرفة مچوي بأيده كتله
ياقوت : تأذيك ؟
ديهم : جؤ
ياقوت : حبيبي كوم اسبح
ديهم : مالي خلگ ياقوتَ
ياقوت : ليش يروحي هاي ريماس واعترفت ليش ضايج
ـ دمروو حياتنه يحيلي مسويات النه سحر تعطيل ارحام تعرفين شنو يعني
ـ شنو
ـ يعني صعب يصير عدنه طفل
ـ كول ياالله حبيبي الشيخ فك السحر وانتهى وهو گالك يصير عدكم ان شاء الله
ـ صح بس خايف ياقوتَ خايف انحرم من ضناي وانا اريدو منج من ريحتج
ـ الله كريم حبيبي نشوف شيخ مضبوط ونتعالج كلشي واله حل لا تقهر نفسك يا امي انتَ
كام يسبح طلع وعقمتله الچويه وخليت الها لاصق هو يمشط واني كعدت ع القنفة كمل واجه اتمدد ع القنفة وخله راسه على رجليه صرت امرر اصابعي بخصلات شعره حاضني من بطني وعيونه بدت تغفى تعب من العصبيه اعصابه انهارت
ـ نام يروحي انتَ
ـ خليج يمي لا تتحركين من اگعد وما الگاج اتخبل
ـ يمك يرموش عيوني ما اتحرك والله
غفى واني امسد بشعره غفيت
بعد مدة فزيت من احلام مزعجة وكوابيس باوعت مالكيته مو موجود
جسمي يأذيني لأن نايمه واني كاعده اتمددت لگيت تلفونه مخلي يمي فتحته شفت الساعة بـ3 العصر ضليت العب مدري شضغطت وانمسحت الصور كلها يممههه عزه بعيني هاي شلون يرجعن
حاولت ارجعهن مارجعن يمه والله اليوم يكتلني كتله من هاي الزينه رجعت التلفون لمكانه اجه شايل صينية اكل
ديهم : يلا ابوي انتِ تعالي اكلي
خلاها ع الطاوله
ياقوت : ما دَيهوم جسمي يأذيني انتَ وكلني
ديهم : تدلل ابني شعندي غيرك
صار يوكلني واني على بالي الصور المسحتهن سويت نفسي مو مرتبكه حتى لا يحس بشي كملنه اكل كعدني بحضنه اخذ تلفونه فتحه
ياقوت : لا لا تفتحه
مستغرب كال
ديهم : ليش
ياقوت : ها لا بس احسن
ديهم : اقوتَ
ـ بخوف ها كال شمسوي ابني
ـ ماسويت
ـ عجل ليش خايفه
ـ هو شسمه
ـ شسمه؟؟
ـ الصور وهذا
ـ الصور وهذا منو؟؟ شتحجين؟
ـ مو هذا شسمه
ـ لا اله الا الله
ـ خلاص راح احجي والله بس اوعدني ماتعصب؟
ـ اوعدج يُبه كولي
ـ كول والله ما اعصب
ـ والله بس كولي شنوو
ـ حذفت الصور كلها وو…
ـ وما يرجعن؟
ـ لااا ههههه يرجعن بس هذا شسمه
صاح بعصبيه وكال
ـ ياااقوتَ
ـ ها
ارجف مدري شبيه شمر التلفون عل قنفة و سند جبينه على جبيني مركز بشفايفي وگال
ـ لا تسوين هيج
ـ ها
خله اصابعه على شفايفي يمنعني اكلهن و كال
ـ جؤ لا تاكلين بشفايفج
ـ لا ما اكلهن
همس
ـ اششش مو من حقج تاكليهن
ـ حبيبي والصور…
ـ كلت اششش اخر مره اشوفج تاكلين شفايفج تسارعت انفاسنه واني ذبت
ـ ليش؟
ـ اغـار لا تتعبثين بأشيائي مره ثانيه انتِ كُلج ملكي الي وحدي حتى هاي انفاسج الي كلشي بيج الي
احتضن خدي بكفوف ايديه يحجي وشفايفه يطخن بشفايفي
ـ ليش يرجفن
ـ منو
ـ شفايفج ليش يرجفن
ـ مم مادري
ـ ما اقاومج وانتِ بهذا المنظر ما اضمن نفسي هسه اكلچ
زادت رجفتي عبالك اول مره يقرب مني
ـ خل اروح اخذ الصينيه
ـ اشش ابقي شويه … مشتاگلج
معت بين ايديه لزكني بجسمه اكثر واخذ شفايفي يبوسها نزل يبوس بركبتي حسيته ترك اثر اتوجعت مسكته من شعره ودافنه راسه بركبتي ما ودي يبتعد احس گلبي مفرفح عليه حرك شحمه اذني بلسانه وجرها بأسنانه وباسها انفاسه دافيه اخترقت اذني وهمس .
ديهم : لهفان عليچ يـَ نار گلبي
غمضت عيوني ذايبه اخذني لغير عالم رجع يلتهم شفايفي ويبوسهن بقوه صرت اتفاعل وياه توقف شويه وگال
ديهم : بربوگتي صايره تعرفين تبوسين
ضحكت وكتله
ياقوت : انتَ هيج تبوس وسويت مثلك ماعرف
ديهم : لا مو هيج ابوس بوستي حاره تچوي
ـ لعد وبوستي ؟
ـ فاهيه *** ماتبرده
كفخته على حلكه اريد اكوم منه يضحك سحبني ورجعني لحضنه
ـ ياقوتي
ـ ما ولي
ـ طنگورتي
ـ انجب منين تجيب هاي السوالف
ـ اميرتي ملاكي تعب گلبي انتِ
ـ بدت اللواگه
ـ اشش انجبي والله مشتاگلج
دفن راسه بركبتي يبوسها ويشمها رجع ذوبني شالني وخلاني عالجربايه يبوس بشفايفي ويمرر اصابعه بخصلات شعري اخذني من الدنيا كلها ..
عدت الايام وعشنه مرتاحين
اكتشت ريماس تخلي حبوب منوم بالتانكي مال البيت وتخلي لـ دَيهم حبوب كبسله بالاكل حتى تخليه يرجع يدمن و طبعاً اني كشفتها محد غيري حس عليها وكلت لـ دَيهم وتعالج ورجع لطبيعته وبطل غيرته الزايده واتغير هواي لا يصيح ولا يضرب تغير 180 درجه
رحنه على هواي شيوخ وساده وحتى ابوي شاف حالتي وجوابهم جان السحر مفكوك ومنتهي وما مأثر ابداً علينه وراجعت بخصوص الاطفال وتحاليلنه جانت جداً سليمه وبعض الشيوخ گالو عليكم عين وحسد كلش قوي ولهذا السبب ما صار عدكم طفل بسرعة ولازم نصبر وقت اطول ونتعالج بآيات القران الكريم واحنا
نصلي ونصوم ونقرأ قرآن كلش ملتزمين بس رغم هذا كله الله ماكتبلي اكون ام لحد هسه وماعرف السبب شنو من السحر لوو من العيون والحسد كل شيخ يحجي شكل صرنه نتحسر على شوفة الطفل احس نقص جبير بحياتي كل وحده بينه تتمنى تكون ام الامومة شعور حلو ما ينوصف رغم ما عايشته بس اتخيله ماكو شي بالدنيا احلى منه .
………..
رمضان بليلة العيد اتفقن البنات يروحن ويا السايق للسوك يشترن ملابس
ـ ياقوتَ تروحين ويانه هم منها نغير وهم منا نشتري ملابس
ـ حبيباتي انتو اذا دَيهم وافق اروح وياجن واذا كال نو يعني نو
ريهام : بوسه منا وحضنه منا يذوب اخوي ويقتنع
ياقوت : هههههههه راح اجرب كل الطرق
ريام : احمم كل الطرق
رغد : ههههههههه ياقوتَ بالله اي طريقة تضبط اكثر علميني حتى من اتزوج ما اهفوو بالنعال واحنا نتناقش ع الاقل استخدم الطريقة مالتج كالتلهن ريهام
ـ يلا انجبن عيب هاي سوالف متزوجين شلجن غرض بيها
صعدت لغرفتي جبت تلفوني واتصلت بـ دَيهم
ياقوت : حبيب روحي
ديهم : عافيتو انتِ
ياقوت : مُمكن طلب صغيرووني
ديهم : الغالي يرخصلك وليدي
ـ اريد اروح ويه البنات للسوگ بعد الفطور
ـ شتسوين تغيحين؟
ـ اشتري ملابس**** لـ غيدان غير اريد اشتري ملابس اليه
ـ انجبي منو علمچ على هل سوالف بربوگ
ـ امانه هسه اروح لو لا
ـ جؤ ماتغيحين
ـ حبيبييي
ـ كلت لا
ـ حباااااب فففدوووه ولا مره طلعت ويه البنات كله وياك اريد اجرب ونسة البنات شلونها
ـ يُبه شلونها كلها غيبة ونميمه وحجي ع العالم
ـ ارووح مو ؟
ـ اجي بالليل ونتفاهم
ـ يعني اعتبرك موافق؟
ـ بابا لا تثوليني كتلج اجي بليل ونتفاهم يحيلي .
صار الليل واجتمعنه كلنا على سفرة الفطور حتى عمو غيدان موجود لأن اخر يوم من ايام رمضان هما هيج عاداتهم اخر يوم يكون مختلف ومميز يعني يودعون رمضان وهيج شي اجو الولد سالم وبلال و دَيهم والبنات كلهن وشيرين مرت بلال وام دَيهم انجمعنه ننتظر الافطار شواي واذن الجامع فطرنه وصلينه ورجعنه ناكل واحنا كاعدين سالم بس يلعب بالخاشوكه كالت ام دَيهم
ـ وليدي سالم ليش ماتاكل شنو ما الك نفس؟
ـ ما اشتهي يمه
بلال: ليش سالم خوما مريض اوديك للطبيب؟ صاح بعلو صوته فززنه وكال
سالم : جاي اكلكم مابيه شي لا تسوون انفسكم خايفين عليّ لو تخافون وصدك جان قنعتو ابوي يخطبلي حبيبتيييي بس كلكم جذابين كلكم ماتريدوها
غيدان : ولكك شو هيج ماتحترم انتَ تصيح على امك واخوك الجبير وكدامي هم والله اذا ما جريت عدل يا سالم اطردك برا البيت اخليك تنام بالشوارع
سالم : اطردني يُبه انا قابل بس اخطبلي الاء البنيه غاح تغيح من ايدي يابه جايتها مشايه وابوها خاف يجبرها
ـ خل ينطيها الله يسعدها ويهنيها مليون مره كتلك هاي البنيه مو من مستوانه ما اخذها الك لو تشنق نفسك هم
باوعلي دَيهم وگال
ـ اكلي حبيبي ماعلينه احنا
ريهام : اعقل سااالم كاااافي عاااد كضيت رمضان كلو كل مانحط السم نريد نتسمم تغثنه حتى ابوي من وراك ما يتهنى بالفطور ولككك شلاعبه بعقلك هاي التافهه الدايحه حتى تزعل ابوي علمودها
ـ اسكتيي انتِ كل البلاوي من راسج حاطه ابوي وتحركين بي علينه دمرتي حياتنه اذا انتِ مو ناويه تتزوجين احنا نريد شكو تدخلين بينه خطيتي وخطية الاء بركبتج كون ما تتعداج حسبي الله ونعم الوكيل عليج
عمو رزله وبهذله كدامنه زعل وراح لغرفته وعمو كام من الفطور ضايج ويكح وضعه الصحي مو تمام لحكته ريهام انطته العلاج وبقت يمه تخاف لا يتخربط لأن هو عنده انسداد بالشرايين و عنده الرئتين تعبانات والتنفس مالته ضعيف .
خلصنه فطور ورحنه شفنه عمو واطمنه عليه الحمد لله صحته زينه وكاعد مابي شي سويتله چاي وكعدت سولفت وياه شواي وضحكنه كال
ـ تدرين بنيتي
ـ ها عمو
ـ شيرين صارلها 8 سنوات بيتي لهذا اليوم ما قدمت لي ستكان جاي ابد مو زينه وياي حتى ماتكعد يمي وتسولف وتضحك مثلج
ـ ليش عمو شنو السبب
ـ هيه هيج طبعها ماتحبنه كلنا لأن تتكاون هيه والبنات تصدكين بنيتي حتى بناتي مو مثلج زينات عليّ ولا وحده منهن تجي وتكعد يمي وتكول يابه شبيك شنو اليوجعك بيهن بس ريهام صدك تخاف عليّ وانتِ من بعد رهومه الله يسعدج ويفرح كلبج بنيتي ويرزقج على كد نيتج ويا بختي والله بنت السادة صارت چنتي وين ما اغيح الناس تسولف بشهامة ابوج وكرمو وكلامو واصلو كلها تكول شهم ما خابت الخلفتوو تنحط ع الراس والله
ـ شكراً عمو هذا من طيب اصلك
ـ اتحضري بنتي اتحضري باجر نغيح نعايد ابوج انا وياج مشتاگلو من زمان ماسمعت سوالفو
ـ ان شاء الله عمو لعد مادام هيج اني رايحه ارتبلك ملابسك لصلاة العيد وبعدها نروح لأهلي
ـ عفيه بنيتي السباعيه عفيه الله ينطيج حتى يرضيج
بسته براسه كال
ـ الله يرضه عليج بنيتي
رحت غسلت له ملابسه ونشفتهن وشريتهن
ع المعلق اكو عامله بس هوّ يحب احنا نغسلهن اله بأنفسنه يكول العامله ما تنضفهن صعدت للغرفة ادور على طرزان مالكيته رن تلفوني
ـ بربوگتي
ـ ها يبعدي
ـ انزلي انا بالحديقة
نزلت جايبلي بوكيه ورد واكثر ايس كريم احبه
و كِندر طرت من الفرررحة
ـ كلهن الي
ـ اي حبيبي هههههه كلهن الج عجل المن انا شكم ياقوتَ عندي هيه وحده وسابيتني سبايه اشم بالورد كتله
ـ حبيبي هذا ورد طبيعي
ـ الورد للورد بابا
حضنته اكمز من الفرحة كتله
ـ ماعرف شلون اعبر عن فرحتي بس حبيييتهههن كلش حبيتهن
ـ وانا ماتحبيني؟
ـ هئ احب بس الورد
عكد حواجبه بضوجه و كال
ـ ها ياقوتَ ها غاح اشمرو ترا
ـ والله شبيك احب بس الورد
شالهن يريد يشمرهن كل عقله
ياقوت : اشاقه يل خبل يل ارعن
ديهم: كولي تحبيني كوولي
ياقوت : روحي انتَ حياتي انتَ شلون ما احبك يبعد هلي
رجع لوضعه الطبيعي وحط الورد ع المرجوحه وكال
ـ حبيني مره ثانيه
ـ دَيهوم والله احبك ياا بشررر احبككك
ـ لا مو هيج
ـ احببببككك
ـ جؤ اريدها بحروره
ـ اححببكك
ـ جؤ مو هيج
ـ لعد شلون؟
مسكني من راسي واخذ شفتي يبوسها ذبت انفاسه دافيه ابتعد انفاسه تتسارع
ـ هيج حبيني
ضليت ذايبه اباوع له اريده يرجع مره ثانيه يبوسني كرصني من خصري وكال
ـ ها ابني شو هيج اثكل
احاول اصحصح رجع كرصني بأردافي مره ثانيه
ـ اوووييي لا تكرُص
ـ اوويي لا تقروص اووييي اخخ منك يلساني اصعدي للغرفة احسن
ـ ها ليش للغرفة
ـ تحجين صدك حبيبي طول النهار مسويه عليّ حصار لأن رمضان والاووويات مالتج تهيج بيه بعد ما اتحمل هسه اغتصبج بنص الحديقه اصعععدييي
ـ يعني مابيها مجال؟ منا ساعة
ـ جؤ ولا ثانية
واحنا نسولف اجت ريهام
ريهام : شلونهم حلويني
ـ هلا رهومه زينين
ريهام : دَيهم خوياا
ديهم : ها رهومه
ريهام : خلي ياقوتَ تغيح ويه البنات للسوگ خطيه بنفسها تغيح وانا اوصي السايق ينتبه عليهن
سكت دَيهم ما جاوبها اشرلي الحگه للغرفة راح ورحت امشي وراه دخلنه الغرفة ساكتين احسه متردد ميريدني اروح وياهن طلع قراصه من جيبه على شكل فراشة وگال
ـ تعالي بابا
وكفت كباله خلاها بشعري وگال
ـ شفتها بالسوگ واتخيلتها عليچ
ـ ياعمري ربي لا يحرمني منك
ـ واكو اغراض بعد بالسيارة هسه اكول
لـ السايق ينزلهن اشتريتهن الج
ـ شنو الاغراض ؟
ـ جؤ ميصير اكول شوفيهن بنفسج
يثبت القراصة بشعري ويتأملني ويحجي
ـ نطلع حبيبي افرچ اونسج؟
ـ والله ياريت احس بملل مو طبيعي
ـ البسي والحگيني ع السياره ما اوصيك بالستر وليدي
ـ بعيني يروحي
لبست كيلوت شوي عريض راهي ومستور ويا قميص هم مستور خليت شوي ميكب ولفيت حجابي ونزلت كالن البنات
ـ ماتغيحين وياااانه؟؟
ـ ما اطول هسه فره سريعة ونرجع وهم منها بالطريق اقنعه
ـ يلا ننتظرج ترا مانغيح الا وانتِ ويانه
طلعت لكيته ينتظرني .
صعدت يمه يسولف ويضحك ما اعترض لا على مكياجي ولا على لبسي حتى حمره خليت ما حجه شي
ياقوت : حبيبي بيك شي؟
ديهم : لا جُماره شبيه يعني
ـ وهاي حمرررتي!!
شحلاتهااا اوووفف مال ***
ـ يعني متغار ؟
ـ اغار عليچ من نفسي بس انتِ طالعه وياي محد غاح يشوفج غيري وانا وعدتج اتغير علمودج وهاي انا اتغيرت هواي مو انا القديم
ـ تغير بكلشي بس لا تبطل تحبني ولا تبطل تغار شو حنيت لغيرتك
دمعت عيوني كال
ـ كل عقلج يُبه تبچين ولج والله ودي افرمت وجهج هسه على هذا التلويص المسويتو بوجهج نار ومشتعله بيه بس ماريد ازعلج
ـ امسح الحمره؟؟
مسحيها بويه بعدين ما اضبط نفسي وكدام الناس اكوم اصيح عليج بسبب غيرتي امسحيها يرموش عيني انتِ
اللهه احس من يغار عليّ احسن الحياة تصير حلوه مسحتها شويه كتله
ـ هسه هاهيه؟
ـ جؤ بعد باقيه هنا شويه
مسحها الي وگال
ـ لا تچوين گلبي بسوالفج هاي تسوين هيج حتى اغار عليچ يُبه والله اغار لا تخبليني وتخليني اركض مصلخ بنص الشارع .
ضليت اضحك على سوالفه
شغلنه اغنيه محمد عبدالجبار
( لو صحيح انتَ تحبني )
و هوّ يبوس بأيدي ما شال عيونه عني
ياقوت : انتبه ع الشارع حبيبي
ديهم : يولي مشتاگلج
ياقوت : لا تباوعلي هيج
ديهم : ما اكدر امنع نفسي ما اقاومج كل هذا گربج مني واحس كلش بعيده
نضراته غريبه بيهن خوف وامان مو طبيعي اخذني للألعاب نزلني خلاني بالمرجوحه مرجحني وصورني بتلفونه هواي صور
ياقوت : دَيهوم كافي صور
ديهم : اريدهن حتى بالشغل يصبرني على فراگج .
كعدنه نسولف والناس حوالينه تفتر والاطفال تلعب وهو ماسك ايدي ويباوع بعيوني ويحجي عن تفاصيل يومه وشسوه ماسوه واني هم كذالك حجيت له كلشي كال
ـ كومي اخذج
ـ وين كال امشي بدون اسئلة
صعدني بسيارة واخذني لنفس المكان الي رحنه عليه من چان خاطبني
ياقوت : غمضي حبيبي
ديهم : ليش ديهوم
سحب شريط من جيب السيارة الخلفي ونزل اندار فتحلي الباب شد عيوني بالشريط
ـ يول بسـلا ناوي تشمرني من فوك الجبل
ـ ههههههه و اشمر نفسي وراج
تقرب من اذني وهمس
ديهم : لأن ما اكدر اعيش بلياچ صار كلشي اسود بعيني
مسكني من ايدي واني امشي وياه وكلي ثقة بي مراح يأذيني
ـ حبيبييي كافي تعبت
ـ باقي شويه ونوصل اميرتي
ـ يلاااا اخاف من الظلمه
ـ لا تخافين من شي وانا يمچ امشي وياي مغمضه وبعمرج ماتضيعين .
المكان هدوء بس صوت انفاسنه تنسمع
وگف وسحب الشريط وابعده عن عيوني لكيت نفسي فوگ الجبل منظر ولا بالخيال يجنن من جماله المدينه كلها تبين ومليانه اضويه
فجأه طارت هواي بالونات ومصابيح على شكل قلوب نورت الدنيا كلها صرت اضحك بعلو صوتي من جمال المنظر فرفحت على جمال المكان باوعت له يتأملني حضنته
رفعني من الكاع فرني ورجع خلاني بالكاع باسني بخدي وگال
ديهم : ماتوقعت هيج غاح تكون فرحتج
ياقوت : يجننن يجنن دَيهوومم هههههه تصدك بنفسي اشوف هيج منظر من فوك الجبال
ديهم : بعد ورانه هواي شغلات
ياقوت : شنو
ديهم : اريد اخذج لبيت الله نزور سوه وبعدها اخذج للأمام علي عليه السلام نحقق احلامج سوه
ـ يروحها لـ ياقوتَ انتَ راح ابچي ترا
ـ اشش لا تبچين انا اجيت بيج هنا حتى اشوف ضحكتج لا تكلبيها مناحه
مسح دموعي قبل لا نزلن كعدنه على طرف الجبل واحنا نتأمل المدينه ونورها هو صافن يباوعلي
ـ شبيك
ـ بيه انتِ ميت بحبچ
سندت راسي على كتفه حاوطني بأيده ويبوس براسي وماسك ايدي بقوة
ـ حبيبي
ـ انفاسو انتِ
ـ تحبني ؟
ـ اشهگج ويا كل جرة نفس اموت اذا ما اشوفچ كبالي
باوعت بوجهه طاحت دمعه على خده يمه رجلي
ـ لا يروحي لا يحيلي ليش تبجي
مسحت دموعه كال
ـ خايف اخسرچ خايف اضيعچ و يضيع كل تعبي
ـ وين اضيع يروحي انتَ شو هيج تحجي
ـ ما ادري گلبي يأذيني حاير وين اضمچ ياقوتَ حاااير لو اضمچ جوه ضلوعي هم ابقى خايف اخسرچ ابوس ايدچ خليج يمي انا ما اسوى من دونچ صح اذيتج وصارت هواي مشاكل بيناتنه بس انا اتغيرت اتغيرت لخاطرچ والچ صرت شخص ثاني علمودچ صح جنت عصبي واغار وما انجرع بس كدامچ اصير ارعن بچاني
ـ يممه فديت الارعن مالتي لا تبچي امي دموعك تچوي روحي
باس ايدي شفايفه ترجف وكال
ـ اسم الله عليج عيني وهدبها انتِ
مسح دموعه وسحبني ضمني لصدره شابگني بقوة حسيت بضلوعي شويه ويكسرهن وصوت دگات گلبه سريعه كال
ـ انتِ التعويض لكل خساراتي انتِ بيتي وملجئي واهلي وناسي انتِ اعزاز گلبي انا عاشگج ياقوتَ عاااشگج اموت اذا اخسرچ
استغربت هذا شبي اليوم
ياقوت :شبيك يروحي ليش هيج تحجي اليوم لا تخوفني صاير شي ؟ كول
ديهم : جؤ مو صاير شي بس گلبي طاگ عليج اليوم
احتضن وجهي بكفوف ايديه وصار يبوس كل جزء بوجهي يحجي ويتأمل تفاصيلي
ديهم : اموت بأسمج انا اموت بهل ملامح الحلوه الله لا يحرمني من وجودج اول مره شفتج بيها فز گلبي عليچ ولحد هسه باقي يفز كل ما يلمح تفاصيلج كل ما يسمع صوتج يفز ويرجع يعيش من جديد انا ماجنت عايش انا عشت من لگيتج عشت من عيني لمحت خيالج جنت متجبر وقاسي محد تكدر تاخذ گلبي بسهولة بس انتِ گلبتي حياتي فوك تحت صرت اركض وراج وادور رضاج انا الارعن ياقوتَ الاررررعن كدااام عيوونچ
يحجي واني اتأمل سوالفه حجينه هواي وضحكنه وبچينه ليلة من اجمل الليالي العشناها باوعت للساعة بـ9 رجعنه للبيت بالطريق شغل اغنية ( بحبك وبغار ) نزعت شالي ونثرت شعري ونغني ويه الاغنية هو مو حافظها بس اني يتأملني ويضحك اول مره هيج يضحك اغني ويه الاغنية واسويله حركات وهو اختنگ من الضحك اجه بارت الاغنية غنينه اني وياه سوا ونصيح بعالي صوتنه
:
منين جبتي منين هل جمال
مش معقول
ع غفلة عين
قلبي مال على طول
سهرتِ عيوني وذابو عيوني
من مسؤول ؟ مين ميييين
اني اصيح وياه من يكول ميييين وعيونه تلمع وهو يباوعلي
ـ بحبك وبغار يا ويلي من الغيره
شعلتي النار من نضرة صغيره
لو عقلي طار لا مش قصة كبيره
صرت اتمايل واغني وهوة يتفاعل وياي ويردد بالاغنية خلصت الاغنية تعبت توا اريد البس الشال كال
ـ لا تلبسي تعالي يمي
رحت يمه خليت راسي على صدره ضمني بأيده شَم شعري
ديهم : اووفف شمشتاگلج مشتاگ لعطرچ يول .
يبوس براسي ويسولف ويمسد على شعري
ياقوت : شغل اغنية ثانيه
ديهم : شني جُماره اليوم عدنه حفله
ياقوت : حبااااب ففدوه بس هاي
ديهم : صار يماي عيني
شغل اغنية ( بعشق روحك ) ما كعدت بس احوس اني صرت ابوس كل جزء بوجهه
ـ بالهداوه ابني ما اتحمل هسه ادعمها من ورا بوساتك
ـ تولي ادعمها ماكدر اقاومك وانتَ كبالي
ـ ااه هيج صار الحجي بالطلاگ الا اوگف هنانه سفط السيارة و رجع الكشن وره كعدت على رجليه الجام مضلله مانبين والمكان الاحنه بي ماكو بشر بي كلش قليلين صرنه عين بعين همس
ديهم : اموت من غيرچ انا
ياقوت : ما اسوه من دونك انا
اخذ شفايفي يبوسها انفاسنه امتزجت صرت اتنفس بأنفاسه وهو يتنفس بأنفاسي نزل على ركبتي يبوسها ذبت احسه يترگ اثار شفته عليها وصل صدري انفاسه حاره تلفح بجسمي شعور الامان كله بأنفاسه ..
رجعنه للبيت
ساعه 9 ونص والبنات يتعايطن بالصالة ينتظرني اروح وياهن يتوسلن بـ دَيهم يخليني اروح وياهن خزرهن وباوعلي خازرني عدل شواربه وكال
ديهم : يلا ماكو روحه اصعدي للغرفة
غمز للبنات عود ناصب عليّ ضحكن البنات كالن
ـ يلا اتحضري ياقوتَ وتعالي بسررعه ننتظرج صعد طايره من الفرحة اول مره يقبل اروح ويه احد غيره لحگني للغرفة جنت ابدل حتى اروح ويه البنات ايديه ترجف ومتوتر والجكاره بشفايفه يجرها بحسره وعاگد حواجبه مدري شبي مسكته من ايديه وكتله
ـ ليش هاي الرجفة يا امي ؟
ـ مما ماعرف ياقوتَ احس مخنوگ گوه اجر النفس
ـ لأن اريد اروح ويه البنات؟ عادي ما اروح ممح لا تضوج
ـ لا يبعد هلي والله مو هذا السبب روحي وياهن اتونسي وغيري جو بس انا ماعرف شبيه
يحجي وشفايفه ترجف ونضراته متشتته
ياقوت : خلاص ما اروح ابقى يمك
احتضن وجهي بأيديه وكال
ديهم : وداعت عيونچ الاحبها مو لأن غاح تغيحين وياهن انا مدري شبيه يمكن من الصيام تعبان
ياقوت : متأكد؟
ديهم : و راسچ الحلو
هذا باسه وكال
ديهم : يمه اغديلوو فففدوه الله لا يحرمني منچ ياقوتَ بويه
يحجي وبعيونه شي غريب مو مفهوم
ديهم : يلا بابا كومي بدلي يراحتي انتِ حتى تلحكين تغيحين ويه البنات
بدلت ورجعتله
ـ متأكد انتَ بخير ؟
ـ بخير شمعتي بخير لا يضل بالج يلا بابا اتونسي وكفت على اطراف رجليه احاول اوصله دنگ بسته بشفته
ـ بالك ع نفسك على ما ارجع
ـ شيلي السايلنت من تلفونج حتى لو گلبي نغزني اتصل اطمن عليچ
ـ صار يروح روحي انتَ
فتحته دا اسوي عام
اخذه مني و خله مراقبه الموقع
ـ ليش تراقبني حبيبي وين رايحه اني؟
ـ گلبي ناغزني حبيبي ما متعود اخليج تطلعين ويه غيري اترجاج والله مو مرتاح
ـ خلاص ما اروح دَيهم انتِ متريد اروح اصلاً كعد يتوسل بيه قنعني اروح. بعد مدة كتله
ـ يلا رايحه حبيبي ممح چااو
مسكني من ايدي گال
ـ اوگفي اريد اشوف وجهج زين ماشبعت منوو البنات يصيحن عليً مشتعله الدنيا سحبني من ايدي وسفطني ويه الحايط مدنگ يتأمل تفاصيلي وشفايفه ترجف
ـ حبي…
ـ اشش مو بأيدي گلبي ما يتحمل فراگچ
ـ البنات حبيبي ماتن وهنه يصيحن
ـ خليهن ممكن تبقين شويه اريد احفظ تفاصيلج بعقلي ماريد تطلعين من راسي تعبيني راضي بالتعب لو جان منج
نزل باس شفايفي وايديه وشفايفه ترجف
دگات گلبه مثل الطبول يربي هذا شبي
ـ يعني شلون ابطل ما اروح
ـ ماكدر اضبط نفسي وانتِ كبالي ارعن كدام عيونچ
باسني بعيوني وابتعد مني
ـ روحي بس بالج ع نفسج بويه
اريد امشي رجع مسك ايدي
ـ دَيهوم اليوم ماراح اروح والله
سحب الشال يشم شعري اخذ نفس طويل
ـ بس اشتهيت عطرچ هسه تكدرين تغيحين حضنته وايدي حاوطت ركبته وهو هم حضني ضلينه ٥ دقايق اندگ الباب وفزينه اثنينه
ريام : يلا ياااقوتَ مو وكت الرومنسيه هسه ولج السوگ غاح يعزل
ضحكنه اثنينه باس ايدي وشمها
ديهم : يلا بويه حافظج الرحمن
طلعت ورحنه اني والبنات للسوگ
ايام عيد ازدحام وهوسه والدنيا مگلوبه
البنات اشترن وبيهن ما اشترن ماكو شي يعجبهن واني هم مالكيت شي يعجبني اخذت بس هيلز ربانزل الشفاف واخذت شال اسود مطرز الماس ضلينه نفتر وندور ضاعت رغد ولگيناها يم العسكوري تموت ع العساكر المفجوعه نضحك ونسولف ومندمجين سمعت تلفوني يرن دَيهم يتصل جاوبته
ياقوت : ها يروحي
ما اسمعه من الهوسه كتله
ـ حبيبي ما اسمعك المكان ازدحام
يحجي وما افهم كلشي من كلامن وشبكة الشريحة ضعيفة انقطع الاتصال دزلي مسج
ديهم : ياقوتَ بابا ارجعي للبيت الوقت تأخر گلبي يلعب خايف عليچ
خليت التلفون بالجنطه وباوعت ريهام و رغد وريام ماكو ضيعتهن ياااا يمهه صرت ادور عليهن وابچي اني ما متعوده اطلع وحدي اخاف والله شفت عسكري حاجيته
ياقوت : عع عموو ماشفت ثلاث بنات لابسات عبايات مرن من هنا انا ضايعه عمو الله يخليك دورو عليهن ما اعرف احد هنا
ابچي واحجي صفن بيه شويه وكال
ـ اهدي عمو اهدي انتِ بأيادي امينه لا تخافين حجه ويا هذا البصفه شويه وصاحو انذار بالجهاز طفل رضيع مخطوف عافني العسكري وصارو يدورون ع الطفل ضليت واكفه بنص السوگ وحدي وعيون الشباب كلها عليّ نضراتهم اكلتني اكل
طلعت ع الشارع العام ادور ع السايق مالتنه اريد اعبر ع السايد الثاني طبگت سيارة سوده وعاليه وطويله بوجهي نزل واحد لابس لبس اسود ولابس قناع اسود بوجهه شفته واخترعت منه توا اريد اشرد مسكني بأيده من خصري شالني عبالك شايل لعابة وشمرني بالسيارة
بلمح البصر لكيت روحي بسيارتهم والغراض وتلفوني وجنطتي وكعن بالكاع يااا يمهه التلفون بالجنطه هسه شلون اتصل بـ دَيهم صعد وسد الباب واشر للسايق بأيده يمشي
ياقوت : منووو انتتت وين ماخذني نزلنيييي حراااام عليك اني بنيه مزوجه شتريدووون منييي
گلبي يدگ مثل الطبول من الخوف اسمع دگاته بمعدتي جسمي كله يتراجف
السياره بيها 5 زلم واحد منهم انطاه شريط لاصق اسود وكيس راس اسود عرفتهم يريد يلبسون
ياقوت : عوووفووونييي يمممهه منوو انتووو ماسويت شييي يممه د دد دَيهم ينتظرنييي خلوووني اروح لبيتنه
جاب اللاصق يريد يسد حلكي كمت اضرب بي وادافر وابچي
حصرني بزاوية السيارة ونام فوكي شعرض اكتافه خله اللاصق على حلگي ولبسني الكيس الاسود اضرب بي بأيدي بصدره وهو ولا همه مسك ايدي الاثنين بأيد وحده من ايديه وربطهن بخيط نايلون كل ما اتحرك الخيط يشد من كيفه على ايدي اكثر وربط رجليه هم صرت واون ودموعي مانشفت والسيارة تمشي وتمشي ما وگفت تعبت من البچي و راسي صار يأذيني دخت فقدت وعيي من كد البچي
بعد مده حسيت عليهم يحجون بيناتهم ويضحكون وهذا الكاعد بصفي صوته خشن مبحوح رجولي بشكل مو طبيعي يكول لصاحبه
ـ ابوي راح يفرح بهيج مفاجأة هههههه
ضحك صاحبه وكال
ـ العم شاهين ينتظرها من زمان فرصة ماتتعوض
ـ ابن غيدان شلون راح تكون ردة فعله
ـ هههههههههه بنفسي اشوف شكله هسه
ع العموم هذا اليلعب ويانه لازم يتحمل لعبنه وياه .
حاولت احجي وياهم ماكدر سادين حلكي بالشريط الاصق
ـ نشوف دَيهم شيسوي لخاطر هذا الغزال الصدته هههههههه
ـ يول انتَ اخذت روحه
ـ سمعنه هواي حجي يكولون هيه روحه من الدنيا
ـ قصة حبهم تكريت كلها تحجي بيها يفقد عقله بس يدري اخذناها
ـ هوَ انا اريده يفقد عقله اريده يضيع وهو بيته والله لأطفي نار انتقامي بيك يا ابن غيدان
ما اطلع عـز الدين ابن شاهين.
يمه ذوله شيحجون اخترعت كلبي صار بطني من الخوف رجع البصفي يحجي كال
ـ يحلم اخليه يلمح اضفرها بعد والله لأضوگه المر الضوگ ابوي منه انا ابن شاهين يلعب وياي ؟ هههههههه هيهات مستحيل اعديها اله
ـ صدك شباب خاف هاي مو مرته واحنا فرحانين من كيفنه
ـ هههههه لكك غبي ما سمعتها شكالت كالت دَيهم ينتظرني ههههههه انعل ابوج لابوو دَيهم قلد صوتي وكال
ـ دَيهههمممم ينتظورنييي اووييي عووفوووني جماعته يضحكون رن تلفونه جاوب وكام يحجي
ـ هلا بالوالد شلونك يتاج راسي … اي ههههههه ابو عـز الدين جبت لك صيده يااا بويه من الدرجة الاولى …. لا هههههههه
جبتلك مرت ابن اخوك العار افااا ياب انا تربيتك انا درعك الثابت وسندك وتچوتك لا لا محد حس اطمئن … اي هسه جايين لـ*** بعد 13 ساعة اكون يمك يلا مع السلامة
سد الخط وصار هدووء محد بيهم يحجي واني ماشوف بس السواد واذني تتسمع لحديثهم رجعت ابجي مره ثانيه واون احاول احجي ما اكدر
ـ جؤ جؤ اكره البنية من تبچي هواي انقرف منها ـ هو انتَ ياهي الما تكرها
تكره كل بنية على وجه الارض ههههههه
ـ يا اخي عندي عقده نفسية منهن تدرون لو ما ابوي يريدها عايشه شكد متمني احط طلقة براسها واشمرها بالنهر بس الوالد اله رائي ثاني
بجيت لما تعبت وهما ما سكتو يضحكون ويسولفون دوخوني يااارب ما الي غيرك مُعين اعِني
حسيت وجهي وجسمي كله سخن من البچي فقدت وعيي للمرة الثانيه بعد مدة سمعتهم يحجون
ـ قائد احنا نازلين هنا
ـ حافظوا على اسلحتكم
ـ تمام قائد نشوفك بالالتحاق
ـ مودعين بالله
ـ مع السلامة
اصوات رجليهم نزلو من السيارة صار المكان هدوء احس صوت انفاس شخص كلش قريبه مني سحب الكيس من راسي باوع بوجهي هو لابس لثام حتى عيونه متبين ماشفت شكله ضل صافن شواي واني مبتعده حاصره روحي بزاويه خايفه منه شد عيوني بشريط اسود وراح صعد مكان السايق وبس اني وياه بالسيارة والمكان بصحراء قاحله ماكو ولا كائن حي صرت ادافر واعيط واصيح صوتي مكتوم ماكدر شغل السيارة ومشه واني كل الطريق اون ماسكتت هوّ مشغل اغاني ومتونس ويدندن وريحة الجكاير ترست السيارة خنگني بريحتها
ـ ديهم ـ
الاحداث من طرف طرزان
اتصل بياقوت تلفونها يرن وماتجاوب فتحت الموقع اتأكد منها هيه شفت موقعها بسوگ الديره گلبي ناغزني مدري ليش يارب ما ضاعت يارب هيه ثوله اخخخ رن تلفوني بس شفت اسم ريام اتجمدت اصابعي جاوبتها
ـ دَيههممم ضيعنه ياااقوتَ بالسوگ والشرطة جاي ادور عليها
شنووووو ؟؟؟ تحجين صدكك وين راااااحت وووييين
ـ لگو جنطتها وتلفونها وغراضها بالشارع العام بس هيه مالگوهااا دَيهم مرررتك مااااكو عبالك انشگت الكاع وبلعتها
طلعت اركض رجليه كوه تشيلني ودموعي تارسه عيوني ماعرف هل مره حاس صدك ضيعتها اهلي شافوني هيج كامو يصيحون ويسالون وين رايح هيج شبيك شصاير صعدت السيارة وسقت سرعة بس اريد اوصل وصلت ونزلت بنص السوگ گلبت السوگ عليها گلب مالگيتها ماخليت محل ومول واسواق مادورت بيها حتى بفتحة الابرة دورتها شفت حجيه مبسطه بملابس باله وكعت يمها بالكاع اتلاهث ودموعي تصب
ياقوت : يممههه مما م ماااشفتي بنيه حلوه وصغيرة لابسه عباية وشال ازرق ممااا شفتي يممههه كووولي احجيي ابوس ايدج گووولي شفتهااا ولججج يممههه كوووولييي
وهزت راسها بـ لا كتلها
ـ يعني مما ما ماشفتيهااا ما مرت من كدااامج خاف احد اخذها خطفهااا احجي يمممههه كوولييي شفتيهاااا
كمت اعيط واضرب على صدري والناس تباوع الحجيه رفعت ايديها تدعي انو الگاها اخر شي عرفت هيه خرسه ماتكدر تحجي كمت من يمها حيلي ميت ورجليه خيوط اضرب بهذا واضرب بذاك اميل يمنه ويسرى وكعت الف مره وانا ادورها كل شوي حيلي يموت اوكع بالكاع والناس تشيلني واعيط بعالي صوتي
ديهم : ولكممم مرررتي يممههه راااحت وين الگااااها بعد وووويننن
اتصلت بريام بيها كالت
ـ انا مقابيلك خويااا
باوعت شفتها تبچي هيه و رغد وشايله جنطه ياقوتَ وتلفونها اجن بأتجاهي
ـ شلون تخلنهاا اتضيييع شلووون عميااان خومااا عميااان اماااانه ماكدرتن تحافظن عليههاااا اخخخ ولككممم وينهااا وين ادورهااا وووين گلبت الدنيا عليها ماكو محد شااافها حتى اثر ماكوووو الها ولجج ررريااااام حتى اثرررهااا اختفى
مسكتها من ملابسها وكمت انفض بيها كتلها
ديهم : احجييي لاااا لا احجييي اعترررفي متفقة ويه ريمااااس وبعتنها لأحد كوولي اعترفي كووولييي
ـ والله العظيم مالي علاقة واحنا نمشي هيه جانت ويانه فجأه اختفت گلبنه السوگ وما لگيناها
اخذهن السايق للبيت وضليت ادور عليها بالسوگ
ساعة 12 بليل الناس كامت تعزل وانا ادور عليها مثل المسودن قميصي مشگگ وعرگي يصب ابو بسطيه كتلو
ـ عمو ماشفت بنيه مرت من هنا
شوفتو صورتها كال
ـ لا والله ماشفتها
لكيت شاب يبيع ماي
ـ من رخصتك يابه هاي البنيه ماشفتها
ركز بالصوره وكال
ـ لا ماشفت
وين اغيييح وين وشسوي بنفسي ارجع للبيت لا لا ما ارجع والله ما ارجع اذا ما الگاها شسوي ارجع للبيت شلووون اناااام شلون عيوني يغمض جفنهااا وهيه مو يمي
ضليت ادور وادور ماكو فص ملح وذاب ما الها وجود الناس عزلت محلاتها وكلمن غاح لبيتو كعدت بالشارع ضايع وماكو طريق يدليني ماكو بيت يحتويني حاير وين اغييح اجت حرمه كالت
ـ الله يرضه عليك يا يابه الله ينولك اللي بالك ابني مريض وماعندي فلوس لعمليته واذا ماسويتله العمليه احتمال يموت
فتحت محفظتي دا اريد انطيها فلوس شفت صوره ياقوتَ بالمحفظه كمت ابچي ودموعي تصب ع الصوره كالت الحرمه
ـ ان شاء الله تكون من نصيبك يااا يممه
انطيتها فلوس وكتلها
ديهم : حجيه انتِ مبينه من اهل الله ادعيلي الگه مريتي
اخذت الفلوس فرحانه وغاحت وهيه تمشي وتدعي .
يتبع …
الفصل التالي: اضغط هنا
يتبع.. (رواية بين قبضتهم وقلبه) اضغط على اسم الرواية لتجد الفهرس كاملاً بجميع الفصول.