رواية بين قبضتهم وقلبه الفصل السادس والثلاثون 36 والأخير – بقلم رقو الجوهر

ـ لـرقو الجوهر .

..

احبك بكد حنان الله

يــــ عيني وماي البعيني

هواك وغيره مَامرغوب لو مر بروازيني

هذاك انتَ مثل دمـي الك حَصة بشراييني

..

ضليت بمكاني كاعد ودموعي تصب نوب شفت صورتها انتهيت فتحت بصماتها وكعدت اسمع بصوتها وضحكتها

ديهم : وينج ياتعب گلبي وين انتِ انچوه گلبي عليچ شلون تخوفيني عليچ ها تعرفيني اخاف عليچ من الهوى اليوم جنت اگلچ لا تخليني ليش عفتيني جُماره .

الشارع فارغ احجي وابچي اتأمل بصورتها واحاجيها

ديهم : ارجعي ياقوتَ ارجعيلي يا لچمات گلبي انتِ بابا لا تخوفيني عليچ ابوس ايدچ انا اتخبل بدونچ شلون غاح ارجع للبيت وانام واكمل يومي طبيعي حتى مالحگت اعايدج ولجج وشنو يسوه العيد من دونچ ما ينحسب عيد وانتِ مو يمي بابا ارجععييي الله يخليچ وين ادوورچ والله ضااايع ياا بويه ضااايع وبس انتِ التلميني .

اتمددت ع الرصيف ابچي واشوف بصورتها

ديهم : ضيعت شمعتي الجانت تضويلي دنياي ضليت بلا ضوى بلياها يممهه وين الگاها يا هروش گلبي .

ـ ياقوتَ ـ

بعد ساعات والسيارة ماتوقفت هذا الحقير مستمر بالسياقه عطشت ريگي ناشف

وما ماكله من الفطور ضربت الكشن برجليه اريد سم ماي وكف السيارة باوعلي وخر اللاصق عن حلگي .

ياقوت : الحقيييررر وووين مااااخذنيي يممههه عوووفني دَيهم ينتظرني يتخبل اذا ما يلگااااني افتتتححح الباااب اريد ارررجعع

عـز الدين : هههههههه تحلمين ترجعين بعد .

تفلت بوجهه ضربني راشدي ثولني

عـز الدين : تردين سم ماي؟

ياقوت : كلشي ما اريد منك رررجعنيي اررريد دَيههمم ارريدهههه

عـز الدين : طبج مرض وانسي هالحقير بعد لا تذكرين اسمه .

باقوت : شتررريد منييي والله بس يعرف دَيهم شسويت بيه و خطفتني مايخلي راسك مركب على جسمك

عـز الدين : هذا الماي تشوفي؟

فتح باب السيارة وصبه بالگاع يريد يخلص البطل كتله

ياقوت : اررريد طيني مااي راااح اموت عفيه اريد ماي .

خله البطل على شفايفي شربني شويّ بسرعه وخر البطل عني

ياقوت : ماشبعت حرام عليك اريد بعد

شمر البطل سد عيوني بالشريط واني اصيح واسب واغلط عليه وهو ولا همه مشغل اغاني ويدندن .

بعد مدة وگفت السيارة نزل اسمع خطواته فتح الباب وجرني من ايدي

ياقوت : وووين ماااخذني العااار السااافل ابن ال****

عـز الدين : هههههههه وتفشر تربية دَيهم بعد

شالني على اكتافه واني ارافس

ياقوت : عوووفنييي يمممهه اررريد بيتنههه اريد اررجع رجععنيي وين ماااخذني شراااح تسووون بيههه .

اسمعه يفتح بقفل الباب فتحه ودخلني جوه ماحسيت بس شمرني بالگاع عضامي كلها تأذيني سد الباب وراح شواي وسمعت خطواته قريبة مني صرت ارجف خايفه لا يأذيني .

شمر شي صوته طرگع بالكاع سحب الشريط من عيوني المكان اضلم كلشي ما اسولف بس صوت انفاسه كلش قويه

ياقوت : ووين وووين جايبني شنو هذا ليش ضلمةةة ااخاااف يممهه والله اخااف

شغل الضوه حبااااب عليك الله شغله

كمت ابچي رفعني وحطني ع الكرسي ربط ايدي ورجليه واني بس ابچي واتوسله يرجعني

حط صحن على رجليه وكال

عـز الدين : اكلي

ياقوت : بيش اكلي بأذاناتي وانتَ مربطني حرام عليك فك ايدي جوعانه وشغل الضوه والله اخاف

شغل اللايت وخلاه بوجهي عصرت عيوني كلشي ما اشوف بس البياض من الضوه راح شغل الضوه واجه بس ضوه كلش خافت مو قوي سحب كرسي ثاني وكعد كبالي ومضوي باللايت بوجهي انعميت

ياقوت : سم بكلبك شتريد مني متخاف الله انتَ شلون تخطف بنيه مافكرت وراي اهل يضل بالهم عليّ ؟

ميجاوبني سحب الشال من راسي ونثر شعري بأيده يتلمسه

ياقوت : شتسوي حقييييرر وخررر ايدك لا اكسررها الك ابن ال***

ابعد ضوه اللايت عن وجهي ونزع الگبع من راسه ونزع القناع

شفت وجهه وصفنت عزا هذه شكد حلو يمه انووب يشبه رجلي .

وسع عيونه يباعولي اكلني بنضراته صافن حتى ما يرمش لمس شفايفي بأصابعه وبلع ريگه بصوت كلش واضح درت وجهي عنه وصحت

ياقوت : وخررر ايدكك حيواااان شدسوييي اني بنيه متزوجه حرااام عليك

مسك فكي وقرب مني كلش صارت عيونه بعيوني

ياقوت : حيوااان سافل ماعندك شرف عرضك صكط ان شاء الله تشوفها بعرضك .

ابتسم بوجهي بحب وهوّ ذايب تفلت بوجهه دار وجهه عني مغمض عيونه مسح وجهه ورجع ابتسملي كرص خدي بخفة بأصابعه وبعدها شمهن غمض عيونه اخترعت مو طبيعي هذا كام من يمي طلع شواي ورجع جايب جنطته وغراضه كلها خلاهن بنفس الغرفة الي اني بيها

نزع ملابسه يبدل كدامي غمضت عيوني

ياقوت : الچلب شكوو تبدل كدامي متستحي انتَ عيب عليك

اسمعه يضحك كمل وگال

عـز الدين : وهسه تكدرين تباوعين

باوعتله دفع الصحن برجله صار كبالي اجه شاله من الكاع كعد ع الكرسي سوه لگمه يريد يوكلني اول ماخلاها بحلكي عضيته من اصبعه

عـز الدين : اخخخ بنت ال هههههههه .

يضحك ومفرفش كلش عادي

ياقوت : براسك حض لا تستگوي على مره طلع مراجلك على رجال

باس اصبعه مكان العضه مالتي يباوعلي يبتسم كال

عـز الدين : كيفج ما اوكلج بعد تره بس يكتلج الجوع تموتين ومحد يجيبلج شي

ياقوت : ما اريد سم زقنبوت اريدك ترجعني رررجعني دَيهم ينتظرني والله يموتك اذا عرف

عـز الدين : كلش متباهيه بي ؟

ياقوت : ينشد بي الظهر حيل رجال

اشرف منك ومن امثالك ضحك

بعالي صوته مو مهتم لكلامي

ياقوت : شكد بلا كرامه ؟ لو الكرامه تنباع جان اشتريتلك شويه !

ما اهتملي يفتر عليّ ويلعب بخصلات شعري كمت ابچي

ياقوت : اريد دَيهم عفيهه والله خايفه الله يخليك لا تأذيني هوّ ميقبل احد يلمسني غيره عوف شعري

اصابعه لمست ركبتي قشعر جسمي تمنيت اكدر اكتل روحي ولا يلمسني بهاي اللحضه راح يدور بالجنطه جاب مقص واجه مسك خصلات شعري وصار يگصه خصله خلصه

ياقوت : يممههه شتسوييي لا لتگص شعررريي حقيييرررر عووفني عوف شعري عوووفه

مستمر يگص بشعري بدون رحمه ولا رفله جفن فات المقص من يم اذني وجرحها شاغت روحي ضليت الوب من الوجع وابچي واشاهگ واشوف شعري يوگع بحضني وبالگاع خصل خصل على ايده القذره صوت المقص وهوً يبتر شعري قشعر جسمي بحياتي ما كاصه شعري هيج هذا يگص بأنتقام كمل وشمر المگص سوه شعري الي يم اذاني كلش قصير

ياقوت : ايدك الكسر حييواااان شسويت بشعري ليش كصيته

عـز الدين : سمعت الشفيه يحبه

ياقوت : واذا يحبه وانتَ شعليييك ها وشعندك وياه لييش تكرها وانتَ منوو

عـز الدين : انا عزرائيل الي راح ياخذ روح دَيهومي حبيب گلبج

ياقوت : تخسى تمد ايدك عليه نذل

عـز الدين : لا ما امد ايدي انتِ موجوده ك

ياقوت : شتحجي شتمضرط انتتتت شو تمسلت بسوااالفك كلشي مجاي افهم منك

عـز الدين : لا تفهمين احسن ويلا انطمري ونفسچ ما اريد اسمعه اريد انام

فرش بالكاع واتمدد خله الهتفون بأذانه واني اصيح ما يسمعني يباوع بالتلفون ويضحك

ضليت مربطة ساعات طويله والجوع كتلني وهوّ نام انطمر احجي واغلط واسبه لابس السماعات ورايح بغير عالم منطيني ضهره

هسه شصار بـ دَيهم اذا دورني ومالگاني والله هوّ جان ماوده اروح جان حاس راح يصير شي گلبه ناغزه ويأذي

ـ ديَهم ـ

فزيت ساعة 3 ونص بالليل نايم ع الرصيف الجوامع تكبر وتقرأ لصلاة العيد

يا عيد اليمر وهيه مو يمي

مثل سلاية فراگها ونابت بگلبي !.

كمت ادورها مثل المسودن حتى بيوت العالم دگيتها وسألت عليها دكيت باب بيت طلعتلي بنيه شوفتها صورتها وكتلها

ـ عمو ما شفتي هاي البنيه ما لمحتيها مرت من هنا ؟

ركزت بالصورة وكالت

ـ لا ماشفتها

البيت الثاني هم دكيت الباب طلعلي رجال شويه كبير بالعمر

ـ حجي هاي البنيه ما شفتها مرت من هنا او شفت احد اخذها

ـ لا والله ابني ماشفتها

ـ اتذكر عموو لازم شفت شي او سمعت شي مايصير هيج والله مايصير

كعدت باب بيتو وصرت ابچي نزل يمي بالگاع طبطب على اكتافي وكال

ـ كول ياالله ابني شتصير منك هاي البنيه ؟

ـ مرتي عموو مرررتي كول بربك كووول شتريد انا حاضر والله فلوس بيت سيارة سفر اي شي المهم الگاها

ـ والله العظيم ما شفتها كوم يا ابني ارجع لبيتكم وباجر بلغ الشرطة يدوروها وان شاء الله يلگوها

ـ شلون ارجع للبيت بدونها شلون انام شلون اكمل حياتي مما ماكدر اووفف يمممهه وينچ ياقوتَ وووينچ ضاعت عمو ضااااعت انا حاس ما اشوفها بعد

صار يبچي وياي كال

ـ انا زوجتي اتوفت قبل 5 سنوات ولحد الان ما اكدر على فراگها يوميه احلم بيها فـ حاس بيك يا ابني توكل على الله وكوم ارجع لبيتكم لو تبقى يمي لمن تصير زين وتروح ؟

ـ لا عمو ما اريد ابقى يم احد ارريدهااا لازم الگاها وين تغيح لو تنشگ الگاع وتبلعها هم لازم انبشها واطلعها والله ما تضيع مني هيه وعدتني تبقى يمي والله وعدتني عمووو اخخخخ يمممههه گلبي گلبيي يوجعني عليها خاف بيها شي خاف احد خطفها وديأذيها يممهه مرتي لااا محد محد يمد ايدوو عليها والله ابتر الايد الي تلمسها

كمت على حيلي كوه اوكف وضليت ادور وادور وماكو اي اثر الها الناس بدت تغيح ع الجوامع لصلاة العيد وتلفوني مشتعل بالاتصالات ما اجاوب احد شجاوب شگول اگول مالگيتها ؟ يمه سوده بوجهي وين ادورها وين گلبت الدنيا ومالگيتها غحت لمكانها من جاوبتني ع الاتصال بي اريد اي شي حتى لو اثر من رجلها كلشي ماكو بس الهدوء يحتل المكان والهوى كلش عالي والشوارع فارغه كعدت بالگاع ابچي

احس بروحي جاي انهار

ضيعت شمعتي بعز النهار

مُنير يتصل جاوبتو كال

ـ خويه دَيهم سمعت ياقوتَ ضايعه صدككك؟؟؟ ـ متت وانا ادورها مُنير ليلي انگلب ليلين على فراگها

ـ وين انتَ گلي حتى اجي اخذك

ـ يم ال*** شارع الثاني

ـ ثواني واكون يمك

شواي واجه

ـ كوم دَيهم كوم خويه اخذك وياي للبيت تريح

ـ وين تاخذني مُنير شلون ارجع بدونها !

احجي ويه مُنير والايربود بأذني اسمع بصوتها

ـ ليش مابلغت الشرطة ؟

ـ مايصير ابلغ الا بعد 24 ساعة من اختفائها وهيه يلا صارلها 6 ساعات من اختفت

ـ ياخوي 6 ساعات وهيج صاير بحالك

ـ انا الما يهزني جبل هزني فراگها

ـ كوم دَيهم كوم تصبح الدنيا ويصير كل خير

ـ يا خير وهيّ مو يمي

ـ تهون ياخوي تهون يصير الصبح وندورها انا وياك سوه

ـ يصبرني الما يدري بوجع گلبي ويگول تهون

ـ سمي بالرحمن دَيهم كوم ياخوي نروح للبيت كومني ساعدني وصلني للسيارة صعدني واخذني للشاليه مالتو

ـ جبتك هنا حتى ترتاح لا ترجع يم اهلك عاد يكعدون يحققون ويسئلون ارتاح وبعدين ارجعلهم

هو يحجي وانا ساكت ما اجاوبو بالي مو يمه

نزلني من السيارة فارش فراش بره خلاني بالفراش وغاح سوه اثنين چاي واجه وانا دموعي تنزل بسكته الف سؤال براسي وين هسه هيه وشنو حالتها وشلون وضعها دا تتأذه ! فجأة گلبي فزز كام يرجف كتلو

ديهم : مُنير ااخخ يمهه

لازم گلبي كال

مُنير : شبيك دَيهم اكو شي يوجعك ؟

ديهم : گلبي يتراجف عليها متأذيه والله متأذيههه مُنيررر.

كمت اريد اغيح مسكني

مُنير : وين تروح ياخوي الساعة 5 الفجر

ديهم : ما اضل والله لازمم ادورها مُنير لازم الكاها

بالگوه منعني كعدت بس ابچي اول مره هيج اضعف فراگها علني عل بعد مدة باوعت لـ مُنير نايم طلعت صورتها الطگيتها الها بالالعاب بيه حسره عليها مثل طفل دفنو امه وما يدلونه بگبرها غفيت وانا اتأمل صورتها والايربود بأذني اسمع سوالفها اول ماغطست بنومي اجتني بالحلم تضحك فرحانه وتفتر عليّ مثل الملاك كالت

ياقوت : دَيهووم الحگني

غاحت تركض تريدني الحگها طرت لحگتها اريد امسكها وفجأة اختفت وكأنو اتبخرت ضاعت بين الضباب ضليت اصيح واصيح عليها ماكو حتى صوتها اختفى شواي واجت تمشي وعيونها تصب اريد اتقرب منها رجليه مربطه ماكدر تبچي وتباوعلي من بعيد وفجأة ايد تطلع من الضباب تصم حلگها وتسحبها وسعت عيونها مصدومه تستنجد بيه اخذتها الايد وانا بقيت بمكاني عاجز كدام عيني اخذوها كل شواي ينتهي حلم ويبدي حلم ثاني ما ودي اكعد ميت لـ شوفتها حتى لو بحلم انا قابل المهم يهدئ گلبي وتطفى نيرانو ..

ـ ياقوت ـ

طول الليل مانمت صوتي اختفى من الصياح وهذا السافل اليمي ولا مهتم رايح بسابع نومه طر الفجر واني على هاي الحالة انام وارجع افز ابچي ما ادري اني وين وهذا منو وشرايد مني الشمس ضوت من الشباك بالغرفه وصارت بوجهي كعد راح شواي واجه جايب اكل كعد يريد يوكلني تفلت بوجهه

ياقوت : ما اريد سممم فك ايدي اريد اررجع لبيتنه

عـز الدين : اكلي ترا شواي تموتين من الجوع ياقوت : اي هوّ اريد امموووتتت اموت ولا اضل تحت رحمة واحد خنيث مثلك

صفن بيه شويه وحك حاجبه وكال

عـز الدين : صدك شلون نسيت ما عايدتجج

كل عام وانتِ تحت رحمتي .

كمت ابچي واتوسله

ياقوت : الله يخليك خليني اروح لبيتنه بس گلي شتريد مني ها والله اخابر دَيهم ينطيك شتريد اي شي تريده فلوس اي شي على بالك

ابتسم وكال

عـز الدين : اريدچ الچ

ياقوت : شتسوي بيه اني شسويت والله حرام عليك هسه اهلي يتخبلون اذا عرفو انخطفت وابوي خاف يصير بي شي حرام عليك والله وامي مره جبيره بالعمر ومريضه اذا سمعت انخطفت تموت بكاعها والله و دَيهم هسه….

عـز الدين : كاااافي گتلج لا تجيبين طاريه على لسانج انسييي

ياقوت : اريد دَيهم بس هوّ حنين وياي ررجعني الله يخليك والله اخاف هنا والمكان ضلمه دَيهم ميخليني وحدي ابد

عـز الدين : لعد شلون خلاج تيهين بنص السوگ هاااا خبصتيني دَيهم وما دَيهم انعل ساسج انتِ و دَيهم .

ضرب الصحن بالحايط وطشر الاكل تعبت من النقاش وياه ضليت بس ابجي هوّ كام انطاني ضهره يدخن

ياقوت : رررجعنيي لبيتنه شتريد مني حرام عليك متخاف الله انتَ اني شسويت حتى تخطفني

عـز الدين : لا اله الا الله الف مره گتلج رجعه لبيتكم ماكو منا وهيج حاولي تتأقلمين وتعيشين هنا صيري حبابه واسمعي الكلام حتى ايديج ورجليج احررهن اخليج تعيشين وانتِ مرتاحه بس اذا لسانج يضل يسب ويغلط ويصيح راح تبقين مربوطه مثل الچلب والله ما ارحمچ

ياقوت : هسه احنا وين ؟

عـز الدين : اسئلة زايده ما اريد من اليوم صار هذا مكانج تاكلين تشربين تنامين كله هنا جريتي عدل وياي خيراً الله خير ماجريتي عدل وياي مجبور استخدم القوه

ياقوت : القوه؟؟ يعني تضربني ولكك اضررربني حط طلقة براسي وريحني من هذا العذاب الجاي اعيشه

قرب مني ودنگ لمستواي رفع فكي بأيده صرنه عين بعين

عـز الدين : حرامات هذا الورد يموت

تفلت بوجهه دار وجهه عني ومسحه بأيده سكت شويه ورجع مسك فكي بقوه وشفايفه كلش قريبه من شفايفي

عـز الدين : تدرين اذا كررتي هذا التصرف شنو اسوي بيج ؟ اندمچ ع اليوم اللي انولدتي بي

دفعني وكام راح هم شواي واجه شد عيوني بالشريط

ياقوت : وووين ماااخذني حيوااان ابن ال *** رررجعن….

سد حلكي بلاصق شالني على اكتافه اسمعه يقفل بالباب شمرني بالسيارة وسد الباب بقوة اتعورت رجلي صحت من الوجع رجع فتح الباب بسرعة وگال

عـز الدين : اذيتج ؟؟ شلون شلووون والله ما ادري اسف اثبتي خل اشدها الج

ادفر بي كال

عـز الدين : اثبتي بس اشدها الج توجعج؟ كووولي تأذيج اعقمها الج؟

شدها الي بشي ما اعرف بس احسها مشدوده سد الباب واندار صعد شغل السيارة ومشينه ضلينه نمشي ساعات طويله وانا كل الطريق ابجي وافكر بـ دَيهم شصار بي هسه من دورني وما لگاني يارب ساعدني ما الي غيرك

ـ ديهم ـ

دورت تكريت كلها ومالكيتها ماخليت بيوت محلات مساجد قريات انهار جبال حتى بثقب الابرة دورتها مر 24 ساعة على اختفائها رجعت للبيت اهلي قايمه قيامتهم اول مادخلت البيت كلها صارت تسألني

ـ.مالگيتها ؟ وين غاحت يعني ؟ انشگت الگاع وبلعتها !

غـيدان : دزيت ناس يدوروها وصيتهم ما يخلون مكاااان ما ينبشوها ومعارفنه هواي لا تقلقون نلگاها وهيه معروفه مرت منو وبنت منو ماتضيع بسهولة الا اذا…

ديهم : الا اذا شنووووو شتريد تگووول انا اصلاً اعرف تفكيركم قبل لا اجي هنااا

غيــدان : اذا شردت ويه احد مستحيل نلگاها

ـ شردت شنووو؟؟ انتَ تعرف نفسك شدتحجي يبه هاااي مرتي انا حافظها ماتعرف لهاي السوالف كلشي ماتندل هيه ليش ضاااعت تعرررفون لييش؟؟

محد بيهم يرد كتلهم

ـ ضاعت لأن بحياتها ماطلعت مكان وحدها هيه مو من ذني البنات الطايشات الما يعرفن يتصرفن يبه مررتي عاقله وتفتهم

ـ ميخالف ابني عقل البنيه بكعب رجلها

بلال : وين انطي وجهي العالم غاح تاكلنه اكل بالكلام المو زين

ـ لا والله؟ هههههه ومرتك ماتشوفها لو معمي على عيونك ؟ ام السحورة هجامة البيوت ترا هم خزت وجهك وقبلها وقبلها تذكر لو انا بمكانك استحي اباوع بوجه احد

ريهام: خوويه وين غاحت ياقوتَ خاف اخذوها يبيعوهااا

تبچي وتحجي كتلها

ـ رهومه حبيبتي انا عندي احساس قوي غاح الكاها بيوم من الايام ابد لا تفقدن الامل

ريام ورغد يبچن كالت امي

ـ يااا يمه ليش خليتها تغيح جان غحت وياها الدنيا مو امان وهيه بعدها صغيرة وحلوه عيون الناس عليها الغلط منك يا يمه

ـ انا من ايدي كل الصار جنت مو مرتاح بروحتها بس انا اصريت عليها تغيح اخخ اخخخ

غيدان: احنا العلينه اندورها يومين اذا ما لگيناها نبلغ اهلها انو شردت

ديهم : شو انتم متعرفون تحجون عقول عدكم زربا

بلال : اسكت

ديهم : سمعوني انتم كلكم وحق من انزل السماوات والارض وشرف سيدنا محمد الاسمعو همساً يجيب اسمها بالموزين او حتى بالزين احفرلوو گبرو بأيدي وادفنو وهوّ عايش اسوي طشاركم ماله والي فااااهمين ؟

ابوي طلع يهز بأيده

ديهم : صار معلووم ؟

هزو روسهم بـ اي

ـ يلا ماعدنه مسرحية مرتي و ضايعه انا ادورها لحد يدخل ما اريد احد يجي ويساعدني بشي هوّ انتم كلكم كواويد من جوه ليجوه لحد يسوي نفسو شريف ويكعد يسفط حجي براسي

صعدت للغرفة اول مادخلت شميت عطرها تارس الغرفة قفلت الباب وكعدت بالكاع ابچي گلبي ما يطاوعني اكعد ع الجربايه

وهيه مو يمي بكل زاوية بالغرفة الها مكان والها ضحكة والها ذكرى والها سالفه حتى عطرها طابع بالغرفه وبفراشي وبملابسي وبعقلي وبكلشي بيه .

صورها المعلگه بالحياطين چن معلگه بگلبي ماتطلع من راسي عايشه بيه وين ماغحت ملامحها مرسومه بعقلي كمت سبحت وبدلت وطلعت للمركز قدمت بلاغ يدوروها اخذو صورتها وبلشو بالتحقيق قضيتها صارت على كل لسان اي احد يشوفني بالمركز يسألني عليها

اجت طفلة صغيره متسولة كالت

ـ عمو عمو ماما تكول انتَ الي مضيع مرتك

ـ اي عمو انا

ـ عمو ممكن تنطيني الف وادعيلك تلگاها

ـ بس تدعيلي من گلبج

صارت تدعي انطيتها وكتلها

ـ عمو هاي مرتي

شوفتها صورتها ركزت بيها تحفظ شكلها كتلها

ـ اذا شفتيها بس گليلي انا يوميه اجي هنا

ـ ان شاء الله عمو

غاحت شواي واجت نوب كالت

ـ ان شاء الله تلگه مرتك عمو اخوي جان جوعان واشتريتله بالفلوس الي نطيتهن الي وهسه شبع ونام مرتاح الله يفرحك ياعمو

ضلت تحوس يمي وتلعب ذكرتني بيها مثل برائتها رجعت للبيت لكيت عمامي وخوالي كلهم يمنه لان عيد هما كل عيد ينجمعون كالن بنات عمي

ـ دَيهم ياقوتَ وين شو ماكو

باوعت لـ ريهام اشرتلي بمعنى لا تكول

ديهم : اخذتها لأهلها من الصبح تعرفن عيد والخوات يلتمن

ـ خطيه كل المزوجات هيج مو بس هيه خليها تتفضه شكو كل نهارك حابسها

اجت بنت خالتي بأتجاهي توا اريد اطلع كالت

ـ شلونك دَيهم شخبارك كتلها هلا بخير

ـ مو مبين عليك بخير! ليش وجهك مخطوف لونو

ـ امس مانمت عدل

ـ كل عام وانتَ بخير من العايدين ان شاء الله

ـ شكراً

ـ هههههههه لحد هسه ماغيرت طبعك متعايد احد ايابه يديهم ماتغيرت اثاري وانا حسبالي اتغيرت طلعت بس بالشكل متغير الاطباع نفسها

ـ هوّ انا ابوي ما اعايدو تردين اعايدج انتِ والله مالي خلك

عفتهم وطلعت اتصل عليّ ابوي

ـ دَيهم وينك؟

ـ يم مُنير ليش؟

ـ تعال حتى نغيح نعايد اللاكباريه بالديوان

ـ يبه الله يخليك تعرف مالي خلك هل سوالف ليش تضوجني

ـ استغفر الله العظيم واتوب اليه ولك انتَ ليش رافع خشمك ع الاوادم من دون اخوانك يعني شراح يصير لو غحت لخاطري وعايدتهم

ـ يبه انا ما احب اصير لوگي واتلوگ الهم مو فد شي مهم هما

ضل يقنعني ما اقتنعت كتلو

ـ يبه ميية مررره كتلك ما اغيح

سد الخط بوجهي يسوي فضل بعد احسن كاعدين انا و مُنير بكافيه والمكان ازدحام من كمية الناس الي موجوده واحنا نسولف فجأة لمحت ياقوتَ بينهم

ـ مُنير هااااي ياقوتَ مو؟؟

ـ شنو شبيك دَيهم اكعد لا تفضحنه

ـ اي اي هيه ياقوتَ مُنير والله هيههه

ركضت ملهوف ادفع بالناس حتى اشوفها هيه لو لا مسكتها من كتفها ودرت وجهها عليّ مو هيه وحده ثانية هبطت رجليه ماتن كالت

ـ البنيه عفواً منو انتَ ؟

ـ اسف خيتي جداً اسف

عفتها ورجعت يم مُنير

مُنير : ها بس فضحتنه!! دَيهم شجاك اصحى صرت تتخيلها بكل الوجوه استغفر ربك يا اخي ديهم : استغغر الله العضيم واتوب اليه

ـ انتَ السبع هيج تتبهذل

ـ فراگها رَجف رجال جان الموت ميهابو

ـ لا حول ولا قوة الا بالله يول حالتك تصعب على الكافر كافي والله فطرت گلبي

ـ مُنير شكم ساعة تَعدت وگلبي ناطر ولك انا مثل غرگان اريد اي شي اتمسك بي اريد بس طرف خيط حتى اكدر اوصل الها

ـ تلكاها ياخوي ان شاء الله تلگاها الكل كاعد يدور حتى ابوي وعمامي كلهم تهون تهون ياخوي

فتحت المحفظه اشوف صورتها وكلت

ـ تهون بس من اشوف العيون

صرت اتأمل بصورتها وعيوني مابطلت بچيها انهاريت وبالگوه سكتني مُنير

گيتر شعرها بأيدي شميتو مُنير يباوعلي مصدوم

ـ خويه منا العالم عيب رجال شكبرك شكدك تبچي على بنيه

ـ انجب مُنير حسك ما اسمعو

احس غصة بلعومي كاعد وادورها بكل الوجوه الي تمر كون افز ويطلع خبر فگدج حلم

شيوخ السلف ترگصلج مو بس نسوان ديرتنه

ـ ياقوت ـ

بعد مدة وگف السياره ونزل راح اختفى صوته شواي ورجع وخر الكيس عن راسي و شال الشريط من حلكي جايب اكل يريد يوكلني

ياقوت : ماريد زقنبوت من ايدك القذره وصخ ابن وصخ

عـز الدين :ههههههههه

وكلني اللگمة غصب ما بلعتها تفلتها بالسيارة

ياقوت : لو تگطعني ما اتسمم اررريد امووتتت خلييينيي شكو توكلني

كلش قريب مني صوت انفاسه ينسمع صافن بيه سحب كلينس ومسح شفايفي يريد يحجي رن تلفونه ابتعد مني وجاوب

عـز الدين : هلا بالوالد اي وصلت ماضل شي وصلت مسافة الطريق انتَ وين؟ تمام حجي تمام ماكو مشكله انتظرك انتَ شوكت ترجع اها خوش يلا في امان الله.

رجع الشريط على حلكي كتله

ـ عفيه الله يخليك لا تلبسني الكيس والله اختنگ واخاف من الضلمه

ـ مو توا انتِ تكولين اريد اموت خليني اموت يقلد صوتي وحركاتي كتله

ـ لا والله لا اني جذابه اخاف حباااب لا تغطي عيوني دتأذني من الضلمه

سحبني من شعري وخله عيني بعينه وهمس

ـ يأذنج ؟

بلعت ريگي و هزيتله راسي بـ اي مركز بشفايفي ويحجي گال

ـ عيونچ حلوه اتطيح الطير الطاير من السمه

بس ارجف قرب شفايفه يريد يبوسني غمضت عيوني عصرتهن بقوة يارب ما يسويها يارب رجعني لمكاني وعاف شعري نزل وصعد يسوق كمل طريقه .

ياقوت : ررجعنييي لبيتنه حقييرررر

طلع المسدس وسحب بي وجهه عليّ وهو يسوق

عـز الدين : طلقة براسج وينتهي كلشي اكعدي هاديه احسنلج

بعد مدة واني نايمه حسيت بأيده تسحبني فتحت عيوني لگيته بوجهي اخترعت

ـ شبيك شكو هيج تباوع خرعتني

جرني من ايدي ونزلني من السيارة المكان غريب بيت واحد على طرف النهر ماكو اي بشر غيرنه طلع المفاتيح من جيبه وفتح الباب ودخلني جوه

ـ وين اني ؟

ـ اشش اگطعي الكلام

رجع خابر على ابو وفهمت انو جاي بالطريق شواي واندگ الباب راح يفتحه دخل رجال جبير عز الدين باسه من راسه عرفت هذا والده باوعلي من باب الغرفة وابتسم بطرف شفته ورجع محاها اجه بأتجاهي گال

ـ اوگفي

ـ منو انتوا شتريدون مني عفيه عموو الله يخليك رجعني لبيتنه هسه دَيه….

ماكملت كلامي ضربني بسطاله على بطني شمرني كمت اكح واتقيئ ماي لأن كلشي ما ماكله وبطني صارت تأذيني من قوة الضربه ابنه واگف وراه يباوع مسكت بطني اعصرها من الوجع اجه يمي ورفعني من ملابسي الجكاره بحلگه اخذها وطفاها بشفتي صحت بعالي صوتي روحي شايغه من الوجع اجه عز الدين ومسك ابوه من كتفه وكال

عـز الدين : عوفها يبه انا اعرف شلون اتصرف وياها لا تعب نفسك انتَ

شاهين : وينه دَيهم خل يجي يخلصج من ايدي يلا وينه وينه

فرفحت من الچويه دموعي تصب اريد احجي ماكدر وفجأه اذكرت الدوره غايبه اسبوع يمكن جنت حامل لا يمه جان صدك والنذل ضربني كمت ارجف واحس وجهي سخن رفع ايده يريد يضربني ومسكها عز الدين وكاله

عـز الدين : يبه كتلك خلاص يتاج راسي انتَ انا اشوف شغلي وياها

ياقوت : الله يخليك عووفني عموو انا حامل يمكن حااامل

عز الدين وسع عيونه بصدمة من كلامي شاهين نزل ايده ورفع حاجبه وكال

شاهين : يول عز الدين اذا هيج الصيده صارت صيدتين

شمرني بالكاع من طولي وكعت عافني وطلع نزل عز الدين يمي كال

عـز الدين : خلاص مسحيها بوجهي الوالد عصبي وما يتفاهم انا مو زين مني خلصتج من ايده

راح مدري شيدور بالجنطه راح سد الباب ورجع يدور وخابص روحه

عـز الدين : كافي لا تبچين هسه تصيرين احسن اريد اجاوبه ماكدر احس وجع بطني فضييع بسـلا حامل واذاني هذا الحقير وجع بطني زاد كمت اعييط بعلو صوتي هذا تخبل حاير شيسوي

عـز الدين : شبيج ليش تعيطين شبيها بطنج؟

ياقوت : توووجعنيي راااح اموووتت يمممههه ولكك تووجعنييي سوي شي لا تضل تباوع عليّ هيج

عـز الدين : شسوي ولج شسووي شعرفني شبيج انتِ

ياقوت : الله لا يوفقك ولا يوفق ابوووك حاااامل وقتلتووو طفل مماااا اله ذنب .

سندني على كتفه وارتجيت ع الحايط واني مستمره اعيط واسب بي من وجع بطني

ياقوت : والله اذا طلعت حااامل وسويتولي شي دَيهم يدفنكم واحد وره الثاني

ميجاوبني ركض جاب ماي واجه واني وجهي سابح بالعرگ غسل وجهي ماسكه بطني واعيط نوب هذا الجلب ماسك ايدي ويحجي

عـز الدين : لتخافين ابوي مايجي بعد بس انا راح ابقى يمج تردين شي تاكلين؟

ياقوت : ااااخخخ ولك هيه مال اكل خررااا بيك وبأبووووك حسبي الله ونعم الوكيل

احس شي حار ينزل بين رجليه

اخترعت يمه هسه شسوي شلون افهم هذا المطي

ياقوت : اطلععع براااا

عـز الدين : شنووو ليش شكوو

ياقوت : دا اكلك اطلععع برااا

عـز الدين : يلا عاااد ما اشتغل عندج

دفعني وكام من يمي كتله

ياقوت : حباااب اطلع بيه شي ما اكدر اكوله

عـز الدين : شتحجين انتِ شنو الشي الماتكدرين تكولي ؟

ياقوت : يعني شي خاص بالبنات ماكدر اكوله

صفن شويه يستوعب كلامي وسع عيونه بصدمة ورجع لطبيعته كال

عـز الدين : هاي جنطتي شتحتاجين اخذي منها

طلع وعافني ركضت لجنطته فتحتها ادور وصله قماش اي شي واني ادور بالغراض لگيت القراصه مالتي الجابها الي دَيهم الحقير مطلعها من شعري وضامها بالجنطة

اخذت وصله قماش اجيت اخليها لگيت شي نازل مني حجمه كلش صغير وبطني مستمره تأذيني حسيت انو جنت حامل وصار عندي اجهاظ ضليت ابچي ماسكتت اخذت القراصة وكعدت اتذكره من خلاها بشعري وكال شفتها بالسوگ واتخيلتها عليچ خليتها بشعري وجع بطني مستمر مثل السجاجين التنغرز بيها وتلويني حيل كلش قوي اتمددت بالكاع عاصرتها واصيح وابچي من وجعها اجه

بس شافني اجاني يركض شالني من الكاع ضربته بصدره

ياقوت : اني شكم مره كتلك لا تلمسنييي ماتفهم انتتتت دَيهم ميقبللل نزززلنييي حيواااان

خلاني ع الفراش جابلي مخده خلاها جوه راسي وطلع شريط حبوب من جيبه وانطاني وحده

ياقوت : ما اريد شنو هذا السم تريد تموتني لو شنووو

عـز الدين : انچبي واخذيه هذا منوم يخليج ترتاحين

ياقوت : وليش المنوم؟؟ تنومني حتى تسوي بيه بكيفك وخرررررر

مسكني من فكي ودفعني ع الحايط صار وجهه بوجهي

عـز الدين : لو اريد اخذ شي منج اكدر اخذه وانتِ صاحيه محد يكدر يمنعني لا انتِ ولا دَيهم فـ اخذي احسن لج .

ابتعد مني وانطاني الحبوب اخذتهن وشربني ماي شواي ونمت.

………..

مر 20يـوم على اختفائها والشرطة تبحث وانا ابحث ومعارفي كلها تبحث عليها ما الها اي اثر ولا مرت من يم اي سيطرة او نقطة اوقاعدة ماضل شي يصبرني غير صورها وبصماتها وعطر ملابسها حتى بمكانها صرت اغفى وبكل صلاة ادعي تمرني حتى لو بحلم انعزلت عن الناس صرت واحد ثاني طول اليوم بالغرفة اكلي كلش قليل امي تضغط عليّ وتخليني اكل كم لكمه لحيتي وشواربي ثخنن وشعري صار طويل صرت انا والمتسول واحد ما اهتم بنفسي حتى نسيت شلون شكلي اصلاً لأن حتى بالمرايه ما اباوع

نايم واندگ باب غرفتي صحت

ديهم : منو؟

اريهام : اني ريهام

ديهم : تعالي

دخلت شافتني حاضن ملابسها ونايم كالت

ريهام : ماتتعشه خويه طبختلك بأيدي اليوم سويتلك ريزو وياه مقبلات و سويت دجاج مشوي ادري تحبوو ودزيتلك ببسي ويه سالم متاكل حبيبي

ديهم : ما اريد مو مشتهي

ريهام : ايمتى تضل تنطرها ؟

ديهم : حتى يمل المناطر

ريهام : سوده عليّ ياخوي

اباوع بصورتها وحاضن ملابسها وابچي كتلها

ـ عايش بس جسد روحي ماتت من ضيعتها

كامت تبچي وياي كالت

ـ اسم الله عليك ياخوي هاي من غير شماته العالم شسوت بينه كالو شردت وشردت مثل مرت عمر

ـ سهله بعيني بعدين اطلعها بيهم وحده وحده

ـ هسه تتعشه

ـ مو مشتهي

ـ اخلي سبأ تجيبلك الاكل هنا ؟

ـ كلشي ما اريد اطلعي وسدي الباب وراج

غاحت وسدت الباب

سمعت صوت ياقوتَ تصيح بأسمي فز گلبي وكعدت على حيلي سحبت الهتفون من اذاني وركزت اكثر احاول اتأكد سمعت صوت ضحكتها بالصاله نزلت اركض مثل المسودن واصيح

ديهم : ياااقوتَ بووويه رررجعتييي وينجج بابا تعاااالي

اهلي كاعدين يتعشون باوعولي مستغربين واحد صافن ع الثاني

ديهم : ياااقوتَ وووين سمعت صووتهاااا هستووني

سالم : اهدئ دَيهم وتعال اكعد

ديهم : شسوووي اكعععدد يااااقوتَ ووين سمعت صوتها تضحك هنااا

صرت ادور بالبيت واصيح

ديهم : ياااقوتَ بابا وووينجج خلاص لا تسوين وياي هل حركااات ابووس ايدچ اطلعي والله مشتاقلج گلبي طاگ عليچ

لحگوني اهلي اباوع لـ امي تبچي و البنات يبجن

ديهم : شكوو تبچن ياااقوتَ هنا صح؟ انا سمعت صوتها مستحيل اخربط بصوتها

بس يبچن ما يردن

ديهم : وووين غااااااحت والله ياااايممه سمعت صوتهااا الله يخليج كوليلها خل تطلع ادري بيها خاتله تريد تخوفني عليهااا ولججج يمممهههه كليلهاااا عليج الله خليها تطلع كليلهاااا گلبي خلصاااان علييهااا

كمت اضرب على صدري وابچي اخذني سالم وكعدني ع الكرسي وانا ابچي واحجي

ديهم : والله سمعت صوتههااا تضحك ماتصدكووني انتممم انا ادرري عبالكم جاي اتخيل بسس والله سمعتهااا وهيههه تضحك ضحكتها رن بأذني والله سمعتهااا ياااا يمه

ام بلال : مو كااافي يايمه مو كااافي شبقى بعمرك بهل 20 يوم حتى شيب طلع بلحيتك كااافي يااا يمه البنيه غاحت ما ترجع بعد فص ملح وذاب كلها ايست من رجعتها وانا اول وحده فقدت الامل

بلال : لا انتَ شخطت رسمي كمت تتخيلها ولك هاي عود انتَ رجال شكبرك شكدك وشواربك تارسه وجهك بنيه تسوي بيك كل هذا

ديهم : خليت الرجوله الك تحتاجها اكثر مني جرب تكون رجال ولو مره وحده انا افعالي تشهدلي .

تعاركنه انا وياه وبالكوه سكتونه

بلال : يلا بيك حض ضل دورها وين تلكاها وووين ضل ابجي ونوح ودگ والطم تحمل نتيجة افعالك

ديهم : انا اتونس على الصعبات وشرط اضحك الهن

بلال : شكو دزيتها ويه البنات للسوگ من تدري بيها ماتندل كلشي

ديهم : اشش لا تدخل شوكت ما اجيت وشكيت لك الحال الك حق تلومني

سالم : كااافي شباب عييب وحق الله عيب عليكم انتو اخوه اليشوفكم يگول اعداء مو طالعين من نفس البطن

ديهم : اشش اكرمنه بسكوتك لا تسوي نفسك المستشرف براسي وانتَ مست***حالك حال اخوك بالشكل تحجي شي وبالضهر شي ثاني يمي تواسيني وراي تحجي ويه ولد عمك على مرتي ولكم انتمم حسبالكم الحجي ما يوصلني النمله اذا تعبر من جوه الباب اعرفها عبرت سالم : عاذرك ياخوي انتَ مو بوعيك وتحجي شيش بيش

ـ اشش ما يعبرن عليّ ذني ضاهركم گطن وكلوبكم سوده

عفتهم وطلعت اتصلت بـ مُنير

ـ وينك

ـ موجود بالبيت

ـ تكدر تمر تاخذني؟

ـ اي ثواني اكون يمك

ـ بسرعه مالي خلگ اسوق ومو طايق ابقى بالبيت واشوف شكولتهم القذره

شويه واجه اخذني وغحنه للشاليه مالتهم قررت ابقى هناك لأن الكعده ويه اهلي صارت تجيب لي المرض محد بيهم يحس بيه

بعد فتره اخذت ملابسي وملابسها وغراضي انا وياها واستقريت بالشاليه يم مُنير

يوميه تجيني بالحلم اشوفها واحجي وياها وحتى احياناً بالواقع اشوفها ونكعد نسولف ماحجيت لأحد عن هذا الشي لأن الجواب معروف غاح يكولون هذا مريض وصار يتخيل اشياء ما موجوده بس هيه موجوده انا حاس بوجودها يمي حتى عطرها معلگ براسي

الدنيا ليل متمددين برا والايربود بأذني اسمع صوتها مُنير يحجي وياي وانا ما اسمعو سحب الايربود من اذني وكال

ـ مطي جاي احجي وياك

ـ شتريد مُنير شتريد ماتعرف تسكت شويه ترا سطرتني

ـ احمم تسمع بصوتها

خزرته وكتلو

ـ اكل خرا ادبسز

ـ لا مو هيج بس لا لاصدك دتسمع بصوتها

ـ مُنيررر

ـ هههه شبيك عصبي ماتتحمل لو غيري هيه يعني ماتعصب هيج

ـ مُنيررر تاكل نعل لو اكوم ادوس بطنك

ـ هههههههه خلاص سكتت والنبي بس صدك امس اباوعلك تبوس بصورتها

ـ وانتِ شلوون عرفت صورتها هاا شفتهاا مو شفتهااا

ـ هههههه

ـ مُنيررر احجي كل عقلي والله ترا گلبي يأذيني والله مو زين كول بربك خوما شفتها والله ادفنك مُنيررررر

ـ هههههههه لا والله ماشفتها بس شفتك تبوس بالتلفون وعيونك طفت وغفيت والتلفون ضامه على صدرك اثاري شصاير بحالك المگرود

ـ انتَ مراقبني شنوو عيب عليك ترا

رجعت الايربود بأذني وهو ضل يحجي لبستوو

رجع سحب الايربود من اذني وكال

ـ دَيهم بشررفك هيج مسويه بحالك يعني تحجي كل عقلك انتَ بعظمتك جنت محد يكدر يلگالك نقطة ضعف تالي ما تالي بنية تصير نقطة ضعفك

ـ احبها مُنيرر ماتفهم حبيتها وخلاص اتورطت بحبها واحلى ورطه چانت مُنيرر انا مريض بحبها وادعي الله لا يشفيني

ضل صافن عليّ رجعت لبست الايربود وغمضت عيوني اتأمل صوتها شواي وسحب الايربود من اذني

ـ لا اله الا الله شتريد مُنيررر شتررريد غاح اكوم اشمرك من السطح

ـ مابيك حيل ترفع جفن بسببها وتريد تشمرني من السطح لاااا ما تخووف دَيهم السبع غااح انتهى

ـ والله ؟؟ هيج تشوف تدري اذا گمت شسوي ؟ اطلع ضيم گلبي كلو بيك انطمر مُنيررر خليني متهني عفيه

طفيت التلفون اريد انام كال

ـ وصوتها ماتسمعه؟ انتَ تستخدمه مهدئ قبل النوم وهيج شي يعني

ـ مُنيررررررر

ـ اححم هههههههههه خلاص سكتت

ضلينه نسولف هوّ هم يحب وحده ومسطور الولد

لمحت خيالها من بين الاشجار فزيت وگفت على حيلي مُنير هبط

ـ شبيك دَيهم شنو شفت؟؟

ـ اششش ياقوتَ هنا

ـ دَيهم

ـ اششش مُنير اشش بس تسمع صوتك تغيح ماتبقى هيه تخاف جايه تشوفني والله اجتتت مُنيررر

غحت امشي دورتها بين الاشجار سمعت ضحكتها من مكان ثاني دورتها ولگيتها بين الاشجار كاعدة ولابسه ابيض تشبه الملاك بس شفتها دمعت وصارت غصة بگلبي كعدت بالگاع كبالها صرت احجي وياها كتلها

ـ طولتي ياقوتَ ههواااي طولتي جنت منتظرج امس نمت وما اجيتي حتى بأحلامي بطلتي تجين شنو زعلانه مني يحيلي انتِ؟؟

ساكته متجاوب

ـ ياقوتَ بابا انطيني ايدچ اخذج ونرجع لبيتنه متت ومالگيتچ لا تصدكين عايش بدونچ عايش بس جسد روحي ماتت بدونچ انطيني ايدچ بابا

اتقرب عليها وهيه ترجع ليوره

ـ ياقوتَ تخافين مني وليدي؟ انا دَيهم يبعد امهاتي سودني فراگج عقل ماخله براسي گلبت الغربيه كلها ومالگيتج وين غحتي اخذتي وياچ كلشي حلو عافيتي ، حيلي ، ضحكتي ، خلكي، عقلي ، فكري ، غيحي ، گلبي عمري كلو اخذتي وياچ من غحتي تعاااي بسچ فراگ تعااي انهدم حيلي عليچ والله

مُنير : دَيههمم شتسوي؟؟؟ انتَ بخيرر ويااامن تحجي دَيهم

ديهم : اششش ياقوتَ هناا مُنيررر ياقوتَ رجعتليي انا اعرف متعيفني

رجعت باوعت الها مالگيتها اختفت اجه يمي مُنير وكال

ـ كافي ياخوي ارحم حالك عقلك جاي يتخيل اشياء مو موجوده

ـ لا لا لاااا مُنيررر توا جانت هنااا والله شفتهااا اناااا شفتها بهاااي عيني مستحيل ما اتخيييل انااا حسيت بوجودها وهسه حااس هيَ بعدهاااا هناااا بووويه يااااقوتَ تسمعيني تعاااالي لا تغيحين الله يخليج تمرمرت ومالگيتج

كمت ابچي و مُنير ماسكني يبچي وياي دفعتو وكتلو

ـ ليش اجيييت انتَ ترا شافتك وخافت وغاااحت كتلك عيفيني ادورها بنفسي والله مُنيرررررر جانت هناااا حتى حتى مسكت ايدهاا جنت احجي وياها بس متجااااوبني مُنيرررررر ولكككك متجاااوووب اخخخخ مُنيرررررر گلبي مشلوع من مكانوو اررريدهاااا مُنيرررررر وووين الگااااهاااا وين ماخليت بيت يعتب عليّ دورتها حتى جوه جفن عيني ومالگيتها هاي الجانت عايشه جوه غيحي اختفت فجأه ولكككك مُنيرررر

اضرب بصدري واصيح بعالي صوتي

ديهم : والله شفتهااا مُنيرررر ما تصدكني ادري بيك انتَ مثل اهلي حسبالك اتخبلت بس انا واعي وبعقلي شفتهااا والله وشفت شعرها الحلوو الطويل وعيونها الاحبهااا شفت تفاصيلها ولهسه صورتها وااااضحه بعقليييي هاااايم بيهااا انا مُنيرررر ولكم ماتحسون بيه انتممم اخخخ ينار گلبي محد يطفيها بس هيّ هيّ اطفي نار گلبي .

حاضني ويبچي وياي

ـ كافي ياا خووي كاافي والله حرام عليك تسوي بروحك هيج

ـ فراگها يااا بووويه فراگها شعمل بيه شلني وبهذلني ماعشت بدونها ميت انا مر على فراگها 30 يوم كضن من عمري 30 سنه شيصبرني اذا مارجعت مُنيررر ولكك شيصبررر گلبي اخخخخ يااا رمش عيني وين الگاچ وووين منو الخذاچ وچوه گلبي بيچ اووففف يااا چويات گلبي وينچ

اذكرت عمي شاهين هددني بعرسي من اخذتها اي هوّ محد غيروو اخذهااا

ـ مُنيررررر تلفووونيي

ـ شتسوي بتلفونك

ـ جيييب تلفوووني بسرررعة

اريد اكوم ما اكدر مات حيلي غاح جابو واجه خابرت معارفي يدبرولي رقموو من جوه الكاع لو ينبشون الارض نبش المهم يلگون رقموو كالو يومين ونرجعلك خبر ضليت كاعد شواي يلا رجعت لوضعي الطبيعي كمت اتمددت بفراشي

ـ اسويلك شي تاكله؟

ـ اريد انام مشتاگلها

شلون ؟

ـ بلكي تمرني بحلم

ـ استغفر ربك ياخوي انتَ جبير وعاقل وفاهم هاي كلها تـ….

ـ لا تكول خرا تخيلات لا تصير مثل اهلي تاكل خرا

ـ اعصابك هدي هدي ماكلنه شي يابه

ـ اي انجب واكرمني بسكوتك احسن احس مخنوگ

كمت اتوضيت وصليت ركعتين وكعدت ع السجاده

ديهم : يارب اشوفها حتى لو بالحلم يارب بس طفي نار البيه راضي بشوفتها لو طيف راضي لو المح خيالها .

دعيت هواي اشوفها بحلمي اجيت انام اول ماغطست بنومي حلمت بيها وانا بالحلم گلبي فز عليها مثل اول مره شافها بيها اكتفيت بيها حلم اتمنيت ما اصحى من نومي

ـ ياقوت ـ

وحدي بالغرفة وعز الدين مختفي ما يجي ابد والجريذيه والفار يلعب بالغرفة كل شوي افز ماكدر انام اخاف منهن الثلاجه متروسه اكل وملابس اشترالي حاولت بكل الطرق اكسر قفل الباب بس كلش جبير ماكدرتله والشباك صغير عبالك عايشه بزنزانه .

صار الصبح سمعت قفل الباب ينفتح

دخل عز الدين اجه بأتجاهي ثنه ع ركبة رجله وصار وجهه بوجهي

ياقوت : وين جنت؟ ليش عايفني هنا وحدي اريد اطلع طلعني الله يخليك رجعني لبيتنه هو ابوك شمدري رجعني وگوله انهزمت

يتلمس خدي بأصابعه غمضت عيوني اتوترت ياقوت : شنو فلمك انتَ؟ ليش هيج تتصرف وياي ونضراتك الغريبه شنو تاليها حرام التسوي انا بنيه متزوجه

عـز الدين : شيصير لو اعرفچ قبل لا ياخذج ذاك العار

ياقوت : ماكو غيرك عار لا تتجاوز عليه

عـز الدين : تحبي ؟

ياقوت : اتنفسه مو بس احبه اموت بالتراب اليمشي عليه

عـز الدين : لعد ليش ما اجه وخلصچ مني ؟

ياقوت : اني انقهر عليك والله تدري ليش؟

عـز الدين : هممم

ياقوت : انقهر عليك لأن غبي انتَ لعبت ويه واحد ما يلعب بالنار بس هوّ النار بحد ذاتها اذا لمست شراره منه

شرارته راح تلتهم كلشي بيك حتى اثر ما يبقالك

عـز الدين : عوفينه من شرارته تره مشتاگلج

ياقوت : واحد سافل وحقير شترجه منك

عـز الدين : تعرفين انا منو ؟

ياقوت : فد قندره متهمني وما اريد اعرف

عـز الدين : عود ليش الحلوين يصيرون مغرورين ؟

خله اصابعه على شفايفي اكلني بنضراته ضربته راشدي جرني من ايدي وربطني ع الكرسي دنگ يمي وگال

ـ مره ثانيه تعلمي شلون تحترميني احسن ما ادفنج

ـ ديلا دشوف شتسوي مگدورك عليّ لأن بنيه

ـ كلش وكحة انتِ ماتنجرعين شنو شاف بيچ وحبچ العار ابن غيدان

ـ تاج راسك ابن غيدان تــااجج رااسك

مسك خصلات شعري وگال

ـ شعرچ طولان

اخذ القراصه من شعري شمرها بالگاع وداس عليها بسطاله وكسرها

ـ الحقيييرررر عووفهاااا هاااي من دَيهم جااابهاا اليي حرام عليكم التسووو والله بس هاي الذكره بقت الي من عنده شلون هيج تسوون بيه شسويت اني اخذتوني ودمرتوو حياتي وبهذلتوني هسه الناس حجو بسمعتي بسببكم الله لا يهنيكم ضااالمين

ـ تردين تعرفين ليش اخذناج؟

هسه احجيلج كلشي حتى تبطلين تسألين اسئله مالها داعي لان تعبت من اسئلتج وفضولج الزايد .

كعد ع الكرسي كبالي مركز بيه ويحجي

عـز الدين : قبل 8 سنوات تقريباً جان عدنه شاحنه مليانه بالمخدرات بعناها و ردنه نعبرها من العراق للأردن ابن غيدان جان يمنه اجه سياحه يتونس اخذناه ويانه من رحنه نبيعها وحضر كل الاتفاقية وحتى توقيع العقود والملفات كلشي بالتفصيل جان كدامه اجينه نريد نبيع الشاحنه طب ولگينه الشرطه كدامنه تنتظرنه عل حدود العراق منو المبلغهم ؟

ابن غيدان العار مسوي تسجيل صوت النه من الاول للأخير من الاجتماع للأتفاق لتوقيع العقد لحد ما رحنه للحدود نريد نبيعها هو يسجل كلشي سويناه ولبس ابوي بتهمة المخدرات وانسجن 6 سنوات جان محكوم اعدام بس هيهات اخلي ابن غيدان يكون سبب موته ابوي اذا يموت يموت بشرف ميموت على ايد واحد عار مثله

وهاي القصة من اولها لأخرها ابن غيدان تدخل بأمور ماتعنيه هوَ خان ثقتنه ومن سألته ليش هيج سويت يكلي فاسدين تقتلون ارواح الناس عل بطيئ بهذا السم وانا ما اكدر اشوف الباطل كدام عيني واسكت طيب هوّ شله غرض احنا نريد نصير فاسدين ونقتل ارواح الناس

ياقوت : لهذا السبب اخذتوني حتى تحرگون گلبه؟

عـز الدين : عفيهه طلعتي ذكية تفهمين حرگ كلبي على ابوي 6 سنوات بالسجن عذبوه انواع العذاب ما يجرعه لا غيدان ولا ابنه وها شسمه نسيت بعد هاي الحادثه دَيهم صوبني بصدري بـ٣ طلقات وصلت للموت جان وياي ابني عمره سنه وشهرين اجت رصاصه بي وقتلته

ياقوت : منو قتله؟

عـز الدين : زوجج المتباهيه بي

ياقوت : رجلي ما يقتل احد من كيفه اكيد انت دست له على طرف

ـ ع العموم هاي القصه كلها و ناااار گلبي شاعله عليه من يومها دم ابني ميروح هدر لو اعرف اخذ روحج بأيدي ما اسلمچ اله

ـ خلصت ؟

ـ جؤ انتِ شلونج شلون وضعج ؟

ـ جنت بخير قبل لا اشوف خلقك

ـ سوالفج حلوه

ـ اكل خرا

ـ اسويلج شي تاكلين؟

ـ ما اريد منك شي بس عوفني بحالي

ـ لعد تحضري راح نمشي من هنانه

ـ وين ماخذني مو كااافي من خطفتني وانت طاير بيه يوميه مكان

كتف ايديه ورجليه وسد حلكي باللاصق وشد عيوني بالشريط طلعني سحل ماقبلت اطلع شالني وحطني بالسياره شمر الجنطه فوكاي والغراض مالته وشغل السيارة

ضلينه نمشي ونمشي حسيت بجوع

ياقوت : جوعاااانه اريد سم زقنبوت

وكف السياره اجه صعد يمي فتح عيوني وحلكي طلع جبنه وخبزه من الجنطه

ياقوت : ما اكل هيج شي اني

عـز الدين : اي تدللين هسه اخذج لمطعم خمس نجوم وانزلج قائمة الاكل كلها واكلج تفضلي وتخيري انستي .

صار يوكلني اكلته من الجوع كال

ـ اكلي وانجبي

اكل وابجي مسح دموعي وكال

ـ كافي بچي مامليتي شكد تبچين

ـ الله يخليك فك ايدي والله توجعني

صافن بوجهي فتح ايدي حررها كال

ـ اكعدي عاقله اي طفره زايده منج اندمچ والله

ـ لا والله كلشي ماسوي راح اكعد واسكت

ـ راح اغطي عيونج لا توخريها

هزيت له راسي بـ اي كال

ـ بس اشوفج موخرتها ارجع اربطج زين مني انا انطيتج مجال

خله الشريط على عيوني ونزل صعد كدام وشغل السيارة ومشى بعد ساعات وكف السيارة فك رجليه ونزلني ماسكني من ايدي فتح قفل الباب ودخلنه جوه فتح عيوني البيت يخبل من جماله شنو هاااي كلش حلو سد الباب وقفله اجه بأتجاهي مثبت نضراته عليّ صار يمي واني ارجع ليوره ضل يتقدم واني ارجع انضربت بالحايط منزل عيونه يباوع بعيوني بلع ريگه وگال

عـز الدين : عجبج البيت ؟

ياقوت : هو شنو اليعجبني؟ كلشي ما اريد بس رجعني

عـز الدين : تحلمين

ياقوت : ابتعد عني

عـز الدين : واذا ما ابتعدت ! شنو تسوين ؟ تضربين تصيحين تعيطين تسبين لو شنو ؟

اريد احجي كال

عـز الدين : انتِ مشهوره بالتفلات تتفلين بوجهي هذا اقوة شي عندج

نزلت عيوني منه وكتله

ياقوت : حرام عليك هيج تباوع اني….

عـز الدين : افتهمت انتِ بنيه متزوجه بس ماكدر اضبط نفسي يمج شسوي گليلي

ياقوت : ايععع ابتععدددد اريد اروح انطمر

عـز الدين : لو تدرين شضاملچ هذا الگلب

ياقوت : ما اريد ادري

عـز الدين : اذا احجي اصير ما اسوى بعينج

ياقوت : هه وهسه شايف نفسك تسوه بعيني؟ نعال مگطع ومشمور بالزباله انتَ حتى برجلي ماخليك

عـز الدين : كثر الله خيرچ ماقصرتي

ياقوت : ولو بس ابتعد اريد انطمر

ابتعد واني رحت امشي

عـز الدين : تلكين غرفة على ايدج اليسرى هيّ هاي نامي بيها

رحت لكيت الغرفة مفروشه ونضيفه وبيها تبريد قفلت الباب وسبحت لبست ملابسي بالحمام هذا يخوف مو امان ولفيت شعري بالمنشفه وطلعت لگيته بالغرفة

ياقوت : وسممم شبيك كاعد هنااا

عـز الدين : انتظرج تكملين

ياقوت : شكد متستحي انتَ الف مره كتلك اني بنيه متزوجه ميصير هيج تتصرف وياي

عـز الدين : مشطي شعرج وتعاي نحجي

ياقوت : شكد تلح انتَ وبعدين دَيهم ميقبل احد يشوف شعري يلا اطلع برا

عـز الدين : ومنو النثر شعرچ بأيده وگصه؟ شنو نسيتي؟

ياقوت : انتَ فاسد ودايح متخاف الله عبالك بنات الناس لعبة بأيدك تشوف كلشي بيهن شوكت متريد وشنو اليعجبك تسوي بيهن انت متزوج لازم ماعندك بنات حوبتي وخطيتي ترجعلك بناتك

عـز الدين : منفصل عن زوجتي كتلج جان عندي طفل واحد واجت رصاصه بي تصوب ومات

ياقوت : اكيد مسوي شي بحياتك والله جازاك واخذ ابنك وحرمك منه

ـ لهل درجة ما اسوى بعينج؟

ـ وشتترجه مني اقدسك لو شنوو ترا انت خطفتني ودمرت حياتي وهسه طاير وراي ومشتاكلج ومدري شضاملج تمسلت بسوالفك رجائاً خليك بعيد عني انتحر اذا تلمسني

راح طالع من الغرفة وكف وگال

ـ شنو اسمچ ؟

ـ شعليك بأسمي ؟

ـ اريد اسويلچ سحر حتى تحبيني بالله هو هذا هم سؤال اي غير حتى من اصيحج اعرف شنو اكول

ـ اسمي زربا ياقوتَ

ـ اسم على مُسمى

غمز لي وطلع ركضت قفلت الباب

ـ حتى لو تقفلي عندي نسخة ثانيه لا تفكرين تشردين ماكو احد غيرنه بهذا المكان

مشطت شعري حسيت نفسي جوعانه طلعت ادور شي اكله لكيته نايم بالصاله وهوّ كاعد رحت للمطبخ مالگيت شي

ياقوت : هييي انتَ

ما صحه كتله

ياقوت : عز الدينن

فزز فرك عيونه وگال

عـز الـدين : شگلتي ؟

ياقوت : عز الدين

ابتسم وگال

ـ اُمرينـ اريد جوعانه

ـ شتحبين اطلب لج

ـ اريد بيتزا وببسي وو صوص وياه

ـ بعيني

يحجي ويتبوسم واني عبالك بيت الخلفني ولا جن مخطوفه كاعدة اتشرط المهم امل ويصير بيه حيل كعدت بالصاله انتظر بعد مدة طلع جاب العشه واجه خلاه كدامي وفتح الكارتونه

ـ اكلي واذا ماشبعتي كليلي اطلبلج بعد

ـ لا هاهيه ماريد

اكلت اكل مال مخابيل لأن كلش جوعانه وهو كاعد كبالي بس يباوع دا اريد افتح قوطيه الببسي كال

ـ جيبيها افتحها الج

ـ لا اني اكدر

اخذها من ايدي وايده لمست ايدي متقصد فتحها ومدها الي ينتظرني اخذها

ـ خليها بالگاع

ـ شبيج ترجفين؟ ماراح اكلج اخذيها

ـ حطها بالكاع

خلاها بالگاع يضحك اخذتها وكمت اشرب اذكرت دَيهم شلون يوكلني كمت ابچي ذبيت البيتزا من ايدي انسدت نفسي

ـ شبيج ليش تبچين شنو يأذيج بويه ؟

ـ گلبي گلبي

ـ اووفف شبي

ـ يأذيني

عض شفايفه وگال

ـ مسودن اليأذي گلبج ماعنده عقل

ـ اريد دَيهم الله عليك اخذني عليه

ـ تزرفين گلبي من تكولين اسمه

ـ احبه والله احبههه بس هوّ حنين وياي چان يوكلني من اجوع ويغنيلي ويمشطلي ويضفرلي وينومني على صدره ويطلعني يونسني ويجيبلي هداية ويكلي كلام حلو ومن احد يبچيني او يأذيني يجرم بي ميقبل على زعلي اررريد دَيهم كووم وديني اله

عز الدين : اووييي دَيهم تعاللها ياقوتك زعلانه تريدك

دفعت الاكل كال

ـ اكلي بعد

ـ ما اريد مالي نفس

ـ اكلت البيتزا كلها وتكول ما الي نفس بس انا بقيت تعالي اكليني

ـ اريد دَيهم كوم اخذنيي عليه

وخر الاكل على صفحه وكعد يمي ع القنفه صار يتقرب مني اريد اكوم مسكني من ايدي رجعني لمكاني

ـ عوف ايدي متستحي انتَ اني….

ـ انتِ بنيه متزوجه والله فهمت

ـ اريد حبيبي دَيهم ارررريده عفيه رجعني اله

سحب الشال من راسي ومسكني من شعري وسحبني صارت انفاسه بوجهي شفايفه شويه ويطخن بشفايفي مركز بعيوني وهمس

ـ شيصير لو تگولين عز الدين بدل هذا العار دَيهم ماتخسرين شي

ـ تاج راسك وراس الخلفووك لا تغلط

خشمه طخ بخدي يشمه اتوترتتت يريد يشم ركبتي ضربته بصدره ابتعد مني عيونه خدرانه يحاول يصحصح عاف شعري ورحت اركض للغرفة

ـ ياقوتَ اوكفي

لحگني قفلت باب الغرفه عليّ دگ الباب وگال

ـ ياقوتَ افتحي الباب برضاتج احسن ما افتحه غصب عنج

ـ شترريد عفيه لا تلمسني دَيهم ميقبل والله يموتني ويموتك وياي

ـ ما اسويلج شي والله ما المسج تنكسر ايدي اذا سويتها

ـ انتَ ليش تحجي مثل ديهم لاتحجي مثله ماري روووح عفيه رووح

ـ افتحي الباب اريد احاجيج

ـ مماااا عفيه اخااااف والله

ـ ياقوتَ عندي نسخة من مفتاح الغرفة راح افتحه بس من افتحه يصير غير كلام وياج

ـ شنوو شتسوييي يعني تهددني لو شنوو ما اخاااف اني مو مرتاحتلك حركاتك مو طبيعيه تشم بخدي وتباوع لشفايفي وتلمس بخدودي وتمسد بشعري حرااام عز الدين حرام علينه اني بنيه مزوجه ميصير

ضرب الباب بقوة وكال

ـ لااااا تكوووولين مزوجه لا تعييييديهاااا ياااقوتَ ما افهم مزوجه ما مزوجه گلبي اشتعل بس شافچ مو بأيدي والله افهميني

ـ روح الله يخليك لا تضغط عليّ ماريد اشوفك ولا تجي تكعد يمي بعد يصير الشيطان ثالثنه وتسوي شي غلط وتخليني اكره نفسي ازود ما اني كارهتها

اختفى صوته رحت اتمددت بالفراش ضليت ابچي لما غفيت بعد مدة حسيت احد يمسح على شعري التفتت شفت عز الدين كاعد يمي كمزت خايفه وسحبت البطانيه غطيت نفسي

ـ شبيج ماراح اكلج

ـ اكتل روحي بس تلمسني

تنهد طلع جكارته ورثها وانطاني ضهره يحجي وياي گال

ـ اعترفلج بشي؟

ـ شنو

ـ اخذتي گلبي

مسكتني الرجفه جسمي كله يرجف خايفه منه

ـ بكل مكان بروحي الچ مكان ماتطلعين من راسي التحقت وكل فتره الالتحاق عيونچ مرسومه بعقلي كل جزء بيج حافظه حتى اضفر رجلج هاويج انا من الجدم للراس

ـ اطلععع برااا

ـ ياقوتَ اسمعيني خليني اكمل

ـ اطلععع برااا حيواااان شنو هذا الكلام وهاي عود اني مرت ابن عمك شلون هيج تحجي وياي اني انحسب اختك

ـ اخر مره اسمعج تكوليها هاي مال اختك ياقوتَ انا حاسبج شي ثاني

ـ نعاال شنوو شي ثاااني حبيبتك خطيبتك لوو نعال بحلككك اطلععع براااا

ـ احبچ

ضليت اباوعله كل عقله يحجي هذه

ـ اي اي احبچ ليش تسوين نفسج مصدومه انتِ تعرفين شكو بكلبي اصلاً

ـ خرررب گلبك ما يهمني اعرف شكو بالقندره كلبك اطلللععع برااا

راح معصب لعبتت نفسييي منه

ـ ديهم ـ

يوميه اشوفها واحجي وياها ومن اكلهم يكلولي تتخيل صرت كل يوم ارجع للمكان الضاعت بي وابقى لليل تعبت طك كلبي عليها شمعتيي حياتي ضلمة بدونها نهد حيلي .

اليوم صار 4 اشهر على اختفائها و رقم عمي ما حصلتو واهل ياقوتَ عرفو بالموضوع ويدورون عليها وياي صح عشت بدونها بس ميت امشي بدون روح عايش على صوتها وصورها

ومسجاتنه القديمه كل ما اشتاگلها اغفى تجيني بالحلم اشوفها اطفي شراره گلبي عليها واصحى ما الگاها ضليت معلعل مثل اليتيم اليدور گبور اهلو وما يندلها

كاعدين انا و مُنيرر بالشاليه كتلو

ـ مُنير

ـ ها

ـ وجعا غاح انام انا

ـ احم اححمم حنيت الها

ـ انجب مُنيررر

ـ لا صدك اشتاگيت الها؟

ـ ميت شوگ مو بس مشتاگلها

ـ تمرك بالحلم؟

ـ لو ماتمرني بالحلم تلگاني ميت من زمان

ـ عايش ع الحلم يعني؟

ـ عايش على كلشي يخصها كلشي من ريحتها يخليني اعيش وعندي امل بيوم الگاها

غطست بنومي اجتني بالحلم تبچي وتكول

ـ دَيهم ديأذوني يضربوني حييل وجعوني الحگني دَيهم راح اموت بين ايديهم

فزيت مخترع وصحت

ديهم : ياااااقوتَ

فز مُنير على صوتي مخروع

مُنير : شكوو دَيهم خرعتني

ديهم : يااااقوتَ ياقوتَ مووو زيينههه مُنيررر اجتني بالحلم تكول ساعدني الحكني ديأذوهااا مُنيررررر انا مريتي واعرفها ماتستحمل وجع حيل حساسه مُنيررررر

مُنير : سمي بالرحمن ياخوي هذا حلم حلممم طرت للغرفة اخذت جنطتي و محفظتي

مُنير : وين رااايح بهل ليل

ديهم : ثاااانيه ما ابقى يااااقوتَ مووو زينه مُنيرررر حلمت بيها تبچي اخخخخ دموعها چون گلبي يااا يمممههه

طلعت اركض مثل المسودن اخذت السيارة ومشيت ضليت ادورها ليل بنهار عفت شغلي وحياتي وكلشي بأديه لازم الكاها لو جانت جوه سابع ارض انبشها واطلعهااا دورتها بصلاح الدين كلها فريتها بيت بيت ودورتها بالرمادي وبالموصل وبالانبار وبديالى وبالشمال صارت الناس كلها تعرف قصتي انا الي مضيع مرتي

بعد مرور شهر صار الها 5 اشهر مختفيه

وانا امشي بالشارع واسئل الناس عليها

لمحت مرت ابن عمي السابقة تشتري من ابو البسطيه طرت وكفت يمها عود اشتري

ـ انا شايفتك ؟؟ ياااا دَيههممم

ـ هلا ام نرجس شلونج

ـ شهل صدفه شلوونك اخبارك شلون الاهل عمه ماجده شلونها وعمو غيدان

ـ كلنا بخير الحمدلله

ـ سمعت بيك اتزوجت شلونها مريتك

ـ كلش زينه الحمد لله اكول سؤال خيتي ام نرجس

ـ اي خويه اسئل

ـ انفصلتي انتِ وعز الدين لو بعدكم؟

ـ انفصلنه صار 3 سنوات الله لا يرده ماشفت وياه يوم حلو

ـ وعمو شاهين وين هسه؟

ـ مستقر بالأردن بس عز الدين و عبد الرحمن موجودين بأربيل

ـ ماعندج رقم عمو شاهين

ـ شتسوي بي؟

ـ محتاجو بشغله ضروري

دَيهم انا اعرف بعداوتكم كلي شتسوي بي وانطيه الك بعيني

ـ اريد نتصالح كافي بس عاد عداوه ملينه

ـ انتَ دَيهم الحقود المتكبر هيج تكول ؟

ـ الله يمكن الله هداني هسه انطيني رقمو بشرفج والله محتاجو بموضوع

انطتني الرقم اتصلت عليه جاوبني

ديهم : يااااقوتَ وووين؟؟؟

شوف ابن ال*** المره الماضيه كسرت رجلك وخليتلك وحده المره الجايه اكسرلك رجليك الاثنين وحق من انزل القران اذا تنمس شعره منها انبش الاردن عليك وافرغ شاجور براسك وادخل بيك سجن

شاهين : هههههههه شوف هاي الصوره تضحكك

دزلي صورة فتحتها انخمشش كلبي

صورة ياقوتَ وگاصين شعرهاااا

ـ جاي تقهرني بيها ؟ انتَ مديت ايدك القذره عليها بعد عجل اخذ مني كلام ارجال اذا مادخلت بيك سجن اطلع مو ابن العقيد غيدان

ـ وصلتني اخبارك يكولون ماتنام ليل بنهار ادور عليها

ـ احجيي ووووين مررررتي عندك شي تعال واجهني ونتفااااوض انا وياااك هيّ ما الها ذنب

ـ ههههههه لا للأسف ماعندي كلام وياك وعلى طاري مرتك انساها يكون احسن

ـ ااايدككك اكسرررهاااا لا تلمسهاااا لاااا تأذيهااا ما الها ذنب بشييي حسابك وياااي عيييفهااا

سد الخط بوجهي رجعت اتصل ما يجاوب

احساسي ما يخيب ياقوتَ جاي تتأذه گلبي ينغزني عليها كل ثانيه اتصلت عليّ ريهام

ـ ها خويا وين انتَ

ـ رايح الأربيل

ـ يماااا شتسوي بأربيل؟

ـ ادور على مرتي شسوي يعني

ـ دَيهم مر 5 اشهر على اختفائها والتحقيق بقضيتها انسد والكل فقد الامل من رجعتها يا اخي انسى وعيش حياتك

ـ ممماااا انسى ريهااام ما اكدر اطلعها من راااسي افهموووا

تريد تحجي كتلها

ـ وقبل لا تحجين ليلى بنت خالتي مثل اختي كااافي تقنعون بيه اتزوجها

انا منطي وعد لـ ياقوتَ متصير على ذمتي بنيه غيرها دام اشتم الهوى

ـ يا خوووي الله يعلم شنو حالها هسه يمكن ماتت من زمان يمكن باعو اعضائها وتاجرو بيها يمكن اخذوها لل….

ـ تصمين حلكج وتاكلين نعل لا تجيبين طاريها وتكولين ملهى وما ملهى مرررتي شررريفه اشرف منجن برابيك تعبتوني كلماحجيت وكلتو هيييج

سديت الخط بوجهها وهذا شاهين النذل حضرني غحت للشرطة انطيتهم الرقم حددو موقعو طلع عايش بالاردن مايكدرون يوصلون الوو لان خارج العراق عندي احساس قوي يكول ياقوتَ هنا مو بعيده ضليت ادورها ليل بنهار وياهو الاشوفو اشوفو صورتها واسألو ماشفتها يگلي لا

اتصل بلال كال

بلال : دَيهم امي مريضه

ديهم : شبيهااا خيررر

بلال : فجأة اغمى عليها السكر مالتها معلگ

ـ وهسه شلون

ـ تبچي تريد تشوفك تعال بسرعة

صعدت سيارتي ورجعت لتكريت صار الليل يلا وصلت اخذت عنوان المستشفى ورقم الغرفة من بلال صعدت ع الطابق الثاني غرفتها مقابيلي صارت دخلت لكيتها تلوب بستها وكعدت يمه ساكته ماتكدر تحجي بس تلوب اجت ريماس ورغد وليلى بنت خالتي سلمت عليّ وهاي طلعت وعفتهن رن تلفوني عمر ابن عمي يتصل

ـ ها ضلعي وين

ـ بتكريت

ـ بعدك تدورها ؟

ـ وما اجزع طول مابيه نفس اضل ادورها

ـ تذكر شكتلك قبل لا تخطبها؟

ـ اذكررر بس مرتي ما شردت مرتي مخطوووفههه تعرف شنو مخطوفه

ـ منو خاطفها

ـ عمك شاهين اكو غيرو يعني امس جنت احجي وياه ودزلي صورتها چاويها بوجهها وكااص شعرها

ـ وشنو يستفاد اذا يسوي هيج؟

ـ انت غبي لو تستغبي؟ تعرفو كلش زين يكرهني لأن بلغت على شاحنه الممنوعات مالتوو ومن تعاركنه انا و عز الدين وصوبتو بصدرو كام يريد يرميني وگعت الطلقة بأبنو وقتلتو ويكلولي انتَ القتلتوو انا لو اقتل طفل ادفن نفسي وانا عايش احسنلي .

ـ عمر والله ما اعرف

ـ انتَ حالك حالهم هم ماتصدكني من اكلك

ما شردت هيّ مخطووفههه مرتي واعرفها ماعدها هيج سوالف

ضوجني وسديت الخط بوجهو اجه سالم حضني

سالم : شلونك

ديهم : شلوني؟ ضايع الوطن ماضايع بگدي

سالم : اسم الله عليك ياخوي كافي اتخطى وانساها البنيه غاحت

ديهم : شينسيني الليل نَعس وانا اسولف بيها وي روحي

سالم : الدنيا ماتوكف على احد الحياة تمشي

ـ هيّ توگف الدنيا عليها عمري كلو وگف عليها هيّ غيييررر سلوم والله غيييررر محد ياخذ مكانتها بگلبي اموت وما انساها

ـ عجل تضل هيج؟

ـ الاخذها گدر يحرگ كلبي بيها شنو ذنبي مانام الا على صورتها !

ـ عجل انا شكول ابوي مايقبل يخطبلي حبيبتي

ـ تدري شنو الفشله؟

ـ شنو

ـ الفشله من اخلص الجكاره وگلبي بعدو يحترگ عليها اخخخ سلوم اخخخ محد يفهمني مثلها كلشي طفه بغيحي من يوم فراگها

ـ بالك على كلبك لا تمرض محد يفيدك غير صحتك

ـ ليش انا ضل عندي گلب ؟

كعدت بالكاع اعصر بأديه واحس بيه ضايع اجه بالي شعر

– من غيبتچ واناا ضَايع وماكو عنوان أعتنيله .

ـ سلوم لو حرب اخوضها بلايه سلاح وارجع منتصر

بس فراگها اسلحة الدنيا كلها وارد مهزوم انا صعيف بحبهااا وارعن

ـ دكووم نغيح ناكل

ـ انتَ وين وانا وين غييح عمي غيييح .

استمرت حياتي هيج ادورها وما الكاها حتى خيط الامل انگطع من شاهين لأن عايش بالخارج صرت صعب اوصلو حتى الموقع مالتو ما يضهر بجهاز الموقع ضليت اصلي وادعي الگاها ماتقربت للشرب او الكبسله ابداً لأن هيّ جانت تخاف عليّ وماتقبل اتگرب الهن ماكسرت كلامها ابد ضليت وفي بوعدي الها

ـ ياقوت ـ

كضيت الاشهر ويه هذا المصگوع كوه خايفه منه كل ما اشوفه اطفر للغرفة اقفل الباب على نفسي

كاعده اتفرج تلفزيون ومندمجه ما احس بس بأيده رفع شعري ولفه كمزت من مكاني

ياقوت : شتسوي؟؟ مييية مره كتلك لا تلمسني

عـز الدين : مشتاگلج ما مليتي وانتِ تعصبين مني؟

ياقوت : ايدك اكسرها اذا تلمسني خوووش

فتت من يمه رايحه للغرفة مسكني من ايدي

ـ اوكفي من احاجيج لا تمشين وتخليني انبح مثل الچلب

ـ والله زين من عرفت نفسك چلب يلا لا تضل تنبح وتصيح لا دوخني

جرني من ايدي ولزگني بجسمه منزل عيونه لعيوني يحجي وياي

ـ لا تعانديني

ـ وخرررر ايدك الكسر لا تجرني هيج بعد

دفعته ما يندفع قيد ايديه ورا ضهري قرب شفايفه على شفايفي واني دافعه نفسي وره وعاصره عيوني يريد يطبع بوسه بخدي كفخته راشدي خطيه شبع راشديات مني

ـ اخرر مره تسووويهااا حقييررر

اليوم الثاني كعدني من الصبح وكال

ـ اتحضري رايحين

ـ وين رايحين راح ترجعني لبيتنه؟؟

ـ انسي بيتكم انتِ باقيه هنا وياريت ادزيله طلب طلاك واطلكي وريحي راسج ناسيج هوّ انسيه مثل ما نساج

ـ مينساني هسه يدورني اني اعرفه والله

ـ نص ساعة ونمشي

ـ ما اريد اروح لأي مكان اريد ارجع لبيتنه اريد دَيهم

ـ انسي كلشي وبلشي حياة جديده اهلج و زوجج نسوج شنو معمي على عيونج متشوفين حقيقتهم

ـ اكرهك

ـ انا اسمعها احبك

ـ شتريد مني بس عوفني حابسني بين اربع حياطين اني بشر والله مو حيوان

صافن بس يباوعلي كتله

ـ لا تباوعلي هيج دا احجي كل عقلي اريدك ترجعني

مسكت ايده وكتله

ياقوت : ابوس ايدك رجعني الله يخليك هوّ ابوك شمدري من يسألك گُله شردت مني كاسره قفل الباب بايگته طالعه من الشباك اي شي بس ساعدني والله العظيم ما انسى فضلك اذا خليتني ارجع

عـز الدين : وانا شلون!

ياقوت : شنوو

عـز الدين ; شلون الچ گلب تعوفيني مو حاسه بمشاعري تجاهج لو واحد غيري جان سوه كلشي وياج وغصب هم

وخرت ايدي منه اتوترت كال

ـ ليش خايفه مني؟ ها ع الرغم انا ما اذيتج احبچ ياقوتَ انا حبيتچ ماجنت اتوقع يجي يوم واحب بنيه كرهت كل النسوان بسبب مرتي السابقه بس من شفتج كلشي تغير وهاي مشاعر ما اكدر اتحكم بيها ولا اكدر اسيطر عليها اعذريني مو بأيدي

ماحجيت كلشي طفرا للغرفه وضليت ابچي شواي اجه

ـ روحتنه اتأجلت لباجر نامي ارتاحي باجر من الفجر لازم نمشي

غطيت راسي باللحاف ابچي ضل واكف

ـ اترجاج لا تبچين دموعج متهون عليّ

ما جاوبته عافني وراح صار الليل هوّ طالع

كاعده اكل بالمطبخ وناثره شعري چفت بالبيت كمزت بسرعه لبست شالي اجه يمي يباوعلي

شبيك لا تباوع هيج!

ـ شواي يجون جماعتي كملي اكل وروحي للغرفه لا تطلعين

ـ تمام

ـ صوتج ماريده ينسمع

ـ وانتَ شعليك؟ صوتي مو صوتك احجي شوكت ما اريد ويه منو اريد لا تدخل بيه

ـ السانج اكصه الج اذا يحجي ويه ياهو الجان

دفعت الصحن وكمت غسلت وطبيت للغرفه شواي واجو جماعته

اسمع بس اصوات ضحكهم وسوالفهم كاعده ضايجه ماكو شي اسوي لكيت باب من الكنتور مقفول حاولت افتحه ما ينفتح فتحته بماشة شعري لكيته متروس ملابس يمكن مالات زوجته قفلت الباب وكمت البس بيهن جربت منهن كلش حلوات واحد منهن لفت انتباهي اسود وبينصل من جوه وبي شذر ناعم والردان طوال وعريضه يشبه الموديل الفكتوري لبسته هايي شنووو يخبل هذا واني اتأملني بالمرايه شفت صرصور ع الحايط صحت ورجعت سديت حلكي اذكرت هنا جماعته ومنا الصرصور ماكدر ابقى بالغرفه اخاف يمممهه طلعت امشي على اطراف اصابع رجليه اريد اروح للغرفة الثانيه المقابيل غرفتي باوعت ماكو كاعدين بالجهة الثانيه من الصاله هففف الحمد لله دخلت بالغرفة الثانيه وبسرعه سديت الباب التفتت شفت صاحبه دا يبدل شافني وفزينه اثنينه

اريد اصيح اجاني ركض وصم حلگي

ـ اششش اجيت اريد اساعدج صار هواي انتظر حتى اشوفج واخذج ارجعج لبيتكم

ـ منو دزك تساعدني؟ دَيهم لو ابوي لو منوو ؟؟

ـ مو مهم منو دزني المهم اجيت اريد اساعدج

ـ يلا طلعني الله يخليك صار هواي هنا و هسه دَيهم تسودن عليّ

ـ اساعدج بس كلشي واله مقابل

ـ شنو المقابل شتريد فلوس دَيهم ينطيك والله شتريد اي شي يجي على بالك

ـ لا مو فلوس

شو هذا نضراته مو راحه اريد اصيح صم حلكي بأيده ودفن راسه برگبتي اضرب بي ما يبتعد ولا يتوجع مامهتم خنگني گطع انفاسي وهو دافن راسه بركبتي

ضل 5 دقايق خنگني من ركبتي اريد النفس حسره اريد ابعده ما اكدر كلش قوي توا يريد يبوس شفتي ضربته دفره بطنه اتوجع تحركت ايده من ركبتي وعضيت ايده اريد اصيح رجع صم حلكي طگ الباب قفل وجرني شمرني

ع القنفه

ياقوت : عز الد…

ما كملتها وضربني راشدي حيلي مات ما اكدر حتى اصيح بس ابچي وارجف من الخوف اريد النفس حسره تقرب مني ببطئ ومركز بيه باوعت ع المزهريه مو بعيده صايره وراه قريبه من ايدي صار وجهه بوجهي كلش قريب مني توا يريد يبوسني سحبت المزهريه وضربته براسه صاح متوجع وراسه صار يصب دم مثل النافوره طلعت اركض واصيح

ياقوت : عـز الدييين

لكيت روحي يم جماعته

شافني واخترع وكف على حيله

عـز الدين : شبيج ياقوتَ

ختلت وراه و كتله

ياقوت : مماادري هذا شسمه صاااحبك يتحرش بيه ميستحي عفيه والله هو تماده وياي وو… وشسمه .

عـز الدين : شنووو

ياقوت : ضربته براسه ودمه دا يصب بالغرفه اخذني من ايدي وراح للغرفه يشوفه

عـز الدين : هاي شمسويه!!

ياقوت : والله هوّ هوّ اتماده وياي يتحرش بيه والله ما ما مو قصدي اضربه عز الدين

الله يخليك خلصني من هاي الورطه

صاحبه فاقد بالكاع ودمه يصب ضل حاير شيسوي باوعلي وكال

ـ شنو هذا اللابسته؟؟ شلون تطلعين هيج كدام جماعتي لغررررفتج

ـ مو اني هذا

ـ كلت لغرررفتج يااااقوتَ

رحت اركض طبيت وقفلت الباب اسمعه يحجي على صاحبه ويسب بي اجو جماعته شالو الضربته واخذوه وهو يكللهم

ـ خليه يصحى وخابروني عندي كلام وياه هيج تالي الصحبه ادخله بيتي وياكل بزادي و يتحرش بحرم البيت والله وسفه اثاري صدك ماكو صاحب

ضل يصيح ويحجي معصب شواي واختفت اصواتهم واني بس اكل بأضافري متوتره وارجف كل شويه اتخيل هذا الحقير شلون جان يتحرش بيه كرهت روحي اتبهذلت هيج صار بحالي صرت اليسوه والما يسوه يشتهيني عگب ماجنت كبال عين الذيب يحرسني منهم

بعد مدة سمعته يفتح بقفل الباب اتغطيت باللحاف خايفه دخل وكال

ـ ياقوتَ

ما جاوبته كال

ـ ست الهانم جاي احجي وياج

كشفت وجهي وكتله

ـ ها عـز الدين شتررريد

ـ خوما اذاج؟ سوالج شي كليلي حتى اجرم بي

ـ لا ماخليته هوّ من راد يتقربلي هفيته بالمزهريه

ـ 5 خياطات مخيطين راسه شمبقيه بي للولد فرمتي حتى عقله

ـ وشتريد اسوي مثلاً اشوفه يتحرش بيه واسكت!!

ـ لا لتسكتين اريدج هيج دوم قويه

ـ هسه عوفني اريد انام

ـ ما جاوبتيني خوما تأذيتي؟

ـ كتلك لا ماخليته يسويلي شي

ـ احجيلي شسوه

حجيتله كلشي كال

ـ وباسج؟

ـ لاااا اطم روحي من صدك اذا سواها دام اشتم الهوى لغير دَيهم ما اصير هوّ ميقبل احد يلمسني وهذا الحقير لمسني يعني خلفت بوعدي مو؟؟

ضليت ابجي واحجي

ـ بس والله مو بأيدي كلشي جاي اعيشه صار غصب عني

كعد يمي يهدي بيه

ـ تفتين گلبي فت من تگليلي دَيهم شوكت تنسي مو بسچ كافي

ـ انسى روحي انسى اهلي وناسي وما انساه واضل انتظره راح يجي ويخلصني منكم انتوو الحقراء الانذال

ـ هنياله احسده ع الاقل عنده احد ينتظره انا من اغيب وارد ما الگه احد منتظرني حتى البنيه الحبيتها مو حاسه بيه

ـ روح اريد انام

يريد يطلع كتله

ـ لا لتروح نام هنا اخاف وحدي

ـ ابدل ملابسي واجيب فراش واجيج ما اطول

راح شواي واجه

طفه الضوه ونام ع القنفه يباوعلي انطيته ضهري وغطيت حتى راسي

من الفجر كعدني واخذني لبيت كلش جبير دخلني جوه اهل البيت استقبلوني احسن استقبال بعدين عرفت ذوله اهله امه واخته ومرت ابوه واخوه الصغير وهوّ اكبر واحد بيهم جهزولي غرفة بالطابق الثاني مفروشه ومأثثه كامله

اندگ الباب

ـ منوو

ـ اني اريج

ـ تعالي

اجت كعدت يمي جنت ابجي كالت

ـ مشتاقه لأهلج؟

ـ هئ مشتاگه لـ دَيهم اررريده اريج يوميه اشوفه بالحلم يبجي وضايع يدورني اشوفه بس ماكدر اروحله وهواي يعاتبني ويكلي ليش عفتيني اني روحه من الدنيا اريج كالت سوده عليّ ياحبيبتي انتِ لو بيدي ارجعج بس والله مو بيدي اني وامي ما بأيدنه شي وين اني هسه؟

ـ اكلج بس لا تكولين لحد لأن عز الدين يصخم عيشتي

ـ والله ماكول كولي

ـ انتِ هسه بسليمانيه

ـ شكد تبعد عن تكريت

ـ حوالي 12 ساعة

ـ ساعديني اررريج ابوس ايدج انطيني بس تلفون اريد اخابر والله العظيم ما انسالج هل معروف

ـ ماكدر ياقوتَ عز الدين مراقب كل اجهزتنه منكدر حتى نتنفس بدون علمه

ضليت ابچي وهيه تهدي بيه نامت يمي الليلة انتظرتها تغفى وسحبت التلفون منها بهدوء حافظه رقم دَيهم خليته واتصلت بي بسرعة جاوبني حجيت بخفوت حتى لا تسمعني

ياقوت : حبيبي دَيههممم

ديهم : يااااقوتَ امييي ووووين انتِ؟؟ كوليليييي وووين متت بدوونچ بابا كوولي وين انتِ هسه اجي اخذج

ياقوت : اني بسليمانيه بيت اهل عز الدين تعااال بسرعه انتظرررك يروحي لا تتأخر عليّ

ديهم : منين لجج التلفووون يممههه بنيتي شلون حصلتي انتبهيي لحد يشوفج

ياقوت : هذا تلفونه اخته اريج

ديهم : بسرررعه سدي الخط ورجعي لمكانووو لحد يحس بيچ ياااا بووويه لتخااافين بابا انا جايج ما اخليج

سديت الخط ورجعت التلفون لـ مكانه

ـ ديهم ـ

سمعت صوتها ومشى الدم بعروگي رجع طگ غصن الامل بيه ركضت صعدت السيارة وطلعت للمركز حتى امي عفتها ةكلش مريضه انطيتهم الرقم يتعقبون الموقع ع الاتصال طلع الرقم متعطل وماله وجود اصلاً

ـ توا خابرتني بهذا الرقم وكالت انا بسليمانيه

ـ للأسف هذا الرقم متعطل من الشركة وحتى اي معلومات ماتظهر عدنه

تعاركت وياهم مُنير جان وياي وفاككنه بالكوه طلعني برا المركز

ـ كاااافي دَيهم لا تتخبللل

كمت تتخيلها تتصل بيييك ترا حتى انا سودنتني ويااااك اصحى وارضه بالامر الواااقع البنيه رااااحت انساها

ـ انسى روحي وما انساها

ـ كلت راح اموت بدونها وهاي انتَ بعدك عايش ما متت كااافي دراما اعققللل

ـ متت هواي بس بدونها بس گبر ما طبيت مُنيرررر جاي اكلك خابرتني وسمعت صوتها كلتلي الحگنييي اني بسليمانيه

ـ والله ماتوصل مكان

ـ عييفنييي مُنيرررر اريد اغيح ادورها اليوم انبش السليمانيه عليها نبش اطلعها من جوه الگاع

ـ ماكووو البنيه راااحت هسه الله يعلم وين مدفونه يمكن حتى ما اندفنت تاجرو بأعضائها وباعوهن

ـ ما ماتت موجوده دام اتنفس وعايش يعني هيّ عايشه انا اموت اذا يصير الها شي مُنيرررر وخررر عنييي اريد اتوكل

ـ اروح وياك عجل

ـ امشي

صعدنه وانطلقنه لسليمانيه ضليت ادور وادور حتى ع الجبال والشلالات والحقول والمزارع والبساتين دورت ومالكيتها

اتصل بالرقم الخابرتني منوو مغلق عرفت مسكوها وكشفوها خابرتني شواي واجتني رسالة من رقم مهجول

ـ حبيبي دَيهم الحگنيي اخذوني على جبال حمرين

ـ مُنيرررر اخذوهااااا لجبال حمرين شيسوون بيهاا هناااك هاااا المكان مسكون بالأرواح خايف لا يأذوها مُنيرررر

فريت السيارة وتوجهت لجبال حمرين

ـ وووين ماخذنه جبال حمرين مسكونه خوما متبرين من انفسنه

ـ مُنيرررر لازم الگااااهااا لو اعرف نفسي ما ارجع عايش البيت بعد ما ارجعلو الا وهيّ وياي كااافي بس كرهت كلشي بدونها كوه عايش مُنيررر بس محد بيكم يحس بيه

اسوق ودموعي تصب ضل يتوسل نرجع تالي سكت لأن اني ماقبلت استمريت متوجه لجبال حمرين

ـ ياقوت ـ

بعد ما سديت الاتصال ورجعت التلفون لمكانه ونمت فزيت على عياط اريج عز الدين يكتل بيها طلعت اركض عليهم بس اتفرج من بعيد

عـز الدين : يولي هيييج تسوين بأخوووج تساعديها من ورا ضهررري حسبااالج ماراح اعرررف ولججج اخخخ مو صوجج صوجي انا الخليت تلفون بأيدج

هيّ بس تبچي ماتت جوه ايده من الكتل عافها وگللها

عـز الدين : جامعة ماكو بعد انسيها تنطمرين بالبيت وتنجبين .

امه و اخوه ساكتين مخلوسين منه

ـ هااا يممههه هيج تعلمين بنتج تطعن بضهرررري بالله لو ما مترقب جهازها جان هسه العار ابن غيدان هنا و الله يعلم شصاير بينه هسه واحد ذابح الثاني

يريد يرجع يضربها ركضت وكفت بوجهه وكتله

ـ عوفها هيّ مالها علاقه اني خليتها لمن تنام اخذت التلفون واتصلت

ـ ابتععديي ياقوتَ احسن ما تجيج صونده تلعب على ضهرج

ـ اضربني الي هيّ ما الها ذنب والله طلبت منها وماقبلت تنطيني التلفون اني الاتصلت وغلات دَيهم

عيونه حمر من العصبيه توتر وصار ياكل بشفته ذب الصونده بالكاع وطلع برا حضنت اريج خطيه شمسوي بيها اعتذرت منها وبستها وكتلها تسامحني خطيه شكد حبابه ابد ما زعلت مني ولا عبالك هذا اخوها العصبي الما يتفاهم عز الدين شدد المراقبه اكثر من قبل بحيث حتى كاميرات خله بداخل البيت وبغرف النوم كتم على انفاسنه كلش .

ـ ديهم ـ

بعد يومين دخلنه جبال حمرين اصوات غريبه السمعناها وشفنه اشياء فضيعه ماتنوصف دورت ليل بنهار وما لگيتها صار الليل صعدنه السيارة ومشينه واحنا نمشي بجبال حمرين والمكان ضلمه هندس لمحت ياقوتَ

تمشي ع طرف الرصيف شحطت بريك بكل قوتي مُنير نايم فز من نومو

ـ ها خير شكوو خرعتني

ـ اشش مُنير لگيت ياقوتَ

ـ انا اتعودت عليك وعلى تخيلاتك هاي

نزلت من السيارة اشرتلي بأيدها الحگها وتبتسم ابتسامه خفيفه لحگتها و مُنيررر بقى يالسيارة

ـ ياقوتَ حبيبي تعالي وين غايحه انتِ مو خابرتيني وگتيلي تعال حبيبي دَيهم انا انتظرك

مستمره تمشي ومنطيتني ضهرها وانا امشي وراها واحجي

ـ اوكفي ياقوتَ بابا جاي احجي وياج ليش ماتردين شلون تخليني وتمشين

اتبخرت واختفت بالضلمه صحت بعالي صوتي

ـ لااااااا حبيبي ياااااقوتَ وووين غحتييي اوكفييي تعااي بابا تعاااييي لا تسوين وياي هيج وتخوفيني عليج ادري انتِ هناااا تعااالي

اجه مُنير يركض

ـ دَيهم امشي نرجع ياقوتَ ماكو هاي كلها خرابيط عقلك يتخيلها

ـ وين ارجع مُنيررر ووووين شسوي ارجع اتخيلها بكل كتر بالغرفة اسمع ضحكاتها ترن بأذني صوت خطواتها ميطلع من راسي انتمم عبالكم اتخبلت لا والله لاااا كلشي مابيه بس هيّ موجوده مُنيررررر هسه حاااس بيها هنا كلش قريبه وووينججج يااااقوتَ ابوي انتِ تعاااالي يول تعالي اووففف ياااا يمهه تعبتتت يا مُنيررر اريدها ولك ارريدهااااا

ـ حرام عليك يا خوي جاي تدمر روحك بهل تصرفات كوم اخذك ونروح منا جبال حمرين مسكونه اكيد تخيلتها هنا بسبب الارواح

ـ وين ما اغيح ما تطلع من راسي يول مُنير صواب روحي هاي المره اضن چتال ما اخطي منها

ـ اخذني رجعني ع السيارة

ـ الراح مني مو بشر عادي الراح مني وطن

ضليت سنين اجاهد واتعب حتى احصله تالي ما تالي يغيح من ايدي برمشة عين ولكك مالحگت حتى ارمش ولگيتها ماكو مو يمي مُنيرررر برد كلشي بدونها بس شراره گلبي باقيه مشتعله عليها ماطفت يفز فزه طفل گلبي من يسمع بطاريها گلي انا شنو ذنبي عايش على احلامها

ضل ساكت صعدني بالسياره وهوّ كام يسوق وانا بس ابچي وصافن ع الطريق خليت الايربود بأذني وشغلت اغنية محمد عبدالجبار ( واعدتني )

ضليت اتأمل بصورها ودموعي تصب

هواي حاولت انساها بس ماكدرت احساسي يكول غاح الگاها متعيفيني واعدتني هيّ من قبل

واحنا راجعين من جبال حمرين رمونه بأسلحة واجت فشگه بأيدي وفقدت الوعي

حسيت بـ مُنير يكعد بيه اسمعو بس ماكدر اجاوبو ولا اكدر افتح عيوني

بعد مدة كعدت لكيت نفسي بالمستشفى و

مُنير يمي وايدي توجعني كلش

ـ كوم اخذني للبيت

ـ اصبر حالتك مو تمام تصير زين وبعدين اطلعك

ـ خوما عرفو اهلي؟

ـ لا ماخابرتهم

ـ  عفيه زين تسوي

ـ الحمد لله على سلامتك

ـ شصار مُنير منو ذولي الرموونه؟

ـ ما اعرف بس انا كتلك جبال حمرين ماتنطب بالليل وعاندت وانا مدري شجاني وبقيت وياك يومين بيها

ـ جبان شكو خايف

ـ يمعود ردنه نتخبل اشكال الاصوات سمعنه ومخلوقات غريبه شفنه مو زين مني ما اتخبلت

ـ عمي احنا سباع الموت ما نهابو

ـ انتَ ضل احجيلي اشعار وصفط امثال بكيفك

ـ اااخخخ

ـ شبيك

ـ ايدي توجعني مُنير

ـ الي يسمعك يكول اول مره تتصوب

لو ذيج الوحده هنا جان كمزت مثل الحصان كلشي مابيك

ـ مُنيرررر هم رجعت تمسلت بسوالفك

ـ والله قابل جذب شني لو جُمارتك يمك يااا بويه لو مزرف تزرف بالفشگ تگعد عدل كدامها

ـ شو صاير متعرف تسولف انتَ ؟ جُمارتك شنو منينلك هاي السالفه

ـ هاي الجُماره الچاويه گلبك منو ميعرف بيها ولك دَيهم

ـ  لا اله الا الله

شكو تعصب قابل حجيي جذب شنو

ـ انلصم مُنيررر

ـ اااا اكول احمم تريد تلفونك تشوف صورتها ؟

ـ مُنيرر والله ايدي توجعني مالي خلگ قشمرتك

ـ اش شوف صورتها حتى تطيب اسرع يعني كتلو بس اكوم اخلي طشارك ماله والي

ضل يضحك وناصب عليّ ضوجني كلش

ـ  خابروني من المركز سامعين خبر عنها فزيت كعدت لحيلي وكتلو

ـ شكالوولك ؟؟ مُنيررررر احجييي شنو عررفوو عنهااا لگوها مُنيررر مووو اي اكيد لكوها انا اكوم اغيح الهم اشوفها

ـ شبيك انطيني مجال اسولف والله اتشاقه وياك محد خابر

رجعت هبطت كتلو

ـ  دنجب وكوم اذلف لبيتكم

ـ واعوفك هيج

ـ عيفني معليك مُنيررر سوالفك صايره

ثكيله ع المعده .

اتحسنت ايدي وبعد يومين طلعت من المستشفى ورجعت ادورها بكل مكان واتأكدت من المسج الاجاني هذا شاهين مو ياقوتَ

دازو الي وهوّ دز چلابو حتى يصوبوني رجعت

لـ بيت اهلي كعدت فتره يمهم واحياناً اغيح لبيتنه انا و ياقوتَ انام بي لأن هدوء وحدي هم وتجيني يوميه بالليل اشوفها واكعد اسولف وياها هذا الشي المصبرني وما متت لهسه من اكللهم يكلولي تخيلات بس والله مو تخيلات يوميه اشوفها واحجي وياها وتكعد يمي وضحكتها هيه نفسها وعيونها وحتى جره لسانها من تكول دَيهم وتجروو باللفظ هيّ ياقوتَ نفسها بس محد يصدكني حسبالهم اتخبلت

طلعنه طلعه عائلية بالكوه قنعوني اغيح وياهم ولخاطر امي غحت لأن مقهوره عليّ وما قبلت تاكل الا اطلع ويه سالم وبلال والبنات واحنا طالعين بالطريق انا صافن ع الشارع و بلال يسوق و سالم مشغل اغاني ومتونسين والبنات يدندنن ويه الاغنيه

مخلي الايربود بأذني وفاتح المحفظه اشوف بصورتها ما حسيت الا ودموعي تصب

ديهم : يَشمعة ليلي وضواها

وين الگه بعد شمعة مثلج اهواها

اتلمس خدها بأصابعي بالصوره طلسم راسمچ بروحي احبچ وافتهم معناچ وغيري يشوفچ مخربط

وانا اتأمل صورتها اذكرت بيت شعر صرت اردد بي بكلبي وابجي

ديهم : ماتجين ؟ مَحضر

ضلوع لشبكتچ مو ايدين .

غحنه لمطعم طلبو عشه واتعشوا انا ماتعشيت بس هيج غحت وياهم لخاطر امي حتى لا تزعل رجعنه للبيت

امي بالصالة كاعده تلوب رجليها توجعها كعدت يمها دلكت رجليها كالت

ـ وليدي دَيهم

ـ ها يمه

ـ اريد اطمن عليك قبل ما اموت

ـ اسم الله عليج حجيه لا تكولين هيج

ـ انا مريضه يا يمه وحيل ماضل بيه والموت حق على كل انسان اريد اشوف اطفالكم قبل لا اموت بلال مو راضي يتزوج على مرتو و سالم يريد هاي البنيه ومعاند وانتَ حالتك حاله انتَ بصوب واخوانك كلهم بالصوب الثاني انتَ الحنين يا يمه احن كل اخوانك

ليل بنهار افكر بيك خوما تضل هيج تناطر شي غاح وانتهى اصلاً

ـ يمه ماكدر مو بأيدي الله يخليج افهميني كلشي بيه ينتظرها وعندي امل انو ترجع يمهه تعبت عليها سنين والله انذر عيوني لشوفتها

ـ  يمه اذا تحبني وعزيزه وغاليه عليك فكر بالموضوع اللي كتلك عليه

ـ يمه والله العظيم ليلى مثل اختي

ـ لا يا يمه لا تكول هيج ليلى بنت خالتك مثل الورده اسم الله عليها شحلاتها وما ناقصها شي اريد اموت وانا مرتاحه يا وليدي واريد اشوف جهالك يا يمه

ـ بس يمه…

ـ لا تبسبس يا يمه فكر بالموضوع واذا تحبني وتريدني ارضه عليك وافق لخاطري انا امك ادره بمصلحتك

ريام : شوف حياتك ياخوي العمر يركض

ما ينتظر احد والبنيه غاحت مثل ملح وذاب ما الها اثر شلون تنتظر شي ماالو وجود اصلاً

ـ شلون ما الها وجود؟ عايشه بروحي هيّ تنزل وتصعد ويه انفاسي اشهگها ويه كل شهگه هوى يوميه اشوفها بأحلامي وحتى بواقعي تجي وتكعد يمي ونسولف حتى لو تكولون هذا اتسودن ميخالف ميهمني المهم عايش على طيفها اشتم عطرها بكل مكان وملامحها الدافيه البريئة ماتطلع من راسي هسه وانا احجي وياكم اتخيلها كاعده بينكم

رغد : يمممههه هذا الشبح مالتها مو!!

ديهم : هذا هوسي ومرضي وخبالي بيها

امي : ترا اموت ومو راضيه عليك اذا تضل هيج تسوي بحالك يا يمه فكر بالموضوع فكر لا تشد على نفسك وتقسى وياها ارحم حالك يوليدي

ـ ان شاء الله يمه

بست راسها وصعدت لغرفتي بدلت ملابسي واتمددت دا اريد انام اول ماغفيت اجاني صوتها تصيح بأسمي فتحت عيوني باوعت للباب شفتها واگفه وتضحك لابسه فستان ابيض طويل وشعرها منثور وابتسامتها تخبل كعدت لحيلي اجت يمي اخذتني من ايدي وكعدتني بالكاع وكعدت بصفي وانا بس صافن بيه واضحك ويه نفسي

ـ طولتي يَشرارة گلبي صار يومين ما اجيتيني

بس تبتسم ماتحجي

ـ سولفي مشتاگ لصوتج

بعدك منتظرني ؟

ـ وباقي انتظرج لو عمري يگضي ويرد

ـ دَيهم اني مو زينه

ـ شبيج يَشرارة گلبي

ـ تعال وخلصني من ايديهم محد حنين وياي مثلك ما يجون بعدال ضلك

اريد احتضن خدها بكفوف ايدي واختفت ضل بس صوتها يتردد بغرفتي اسمع صوت خطواتها طلعت من الغرفة تركض لحگتها الحگ صوتها وخطواتها لكيت نفسي بالصالة وهيّ ماكو ما الها اي اثر صحت بأسمها بعالي صوتي اهلي اجو مخترعين

ـ شبيك دَيهم شكو تصيح

ـ ياقوتَ هنا والله هنا توا شفتها ووو وجانت كاعده يمي ولزمت ايدي

بلال : كااافي عاااد ترا ملينه ياقوتَ و ياقوتَ وينهاااا بابا اصحححى البنيه غاااحت

صارلها 5 اشهر مختفيه الله يعلم بيا مقبره نايمه هسه

ديهم : اششش لا تحجي لحد يحجي هيّ موجوده هنا والله العظيم شفتهااا بعيني هااااي ليش محد بيكم يصدكني اخخخخ يااا يمه والله ما اتخيل

غحت يم امي وكتلها

ديهم: يممههه والله والله شفتها اجتني يوميه تجيني واشوفها يمكن خايفه منكم ماتريد تطلع كدامكم اصعدو لغرفكم ونامو اششش لا تحجون هسه تجي يمي بس خايفه هيّ والله متعيفني هيّ وعدتني ترجع

سالم: كااافي دَيهم شهل خبال هذا كل عقلك تحجي البنيه غاااحت افهم يا بشرررر

ديهم : لا سلوم والله مو خبال جاي اكلكم دتجيني مو بس بالحلم بالحقيقه

ـ استغفر الله العظيم واتوب اليه

امي بس تبچي وخواتي مصدومات مني

ابوي مسافر ماموجود كال بلال

ـ اصعد لغرفتك ونام دَيهم وباجر لكل حادثً حديث

ـ معليكم بيه غيحو نامو انا باقي هنا اريد ياقوتَ تجي وارجعها يمي ماكدر انام اذا ما ترجعلي واشوفها

واحد يباوع للثاني مصدومين كال بلال

ـ اصحى دَيهم مرتك لو شردت لو تاجرو بأعضائها لا تفكر ترجعلك اصلاً

ـ شو انتَ متعرف تسولف

ـ هاي الحقيقيه ولازم تتقبلها

ـ امشي من وجهي لا اهفك بنعال ذو الذيول

الـ تسعه اگطعوو على راسك تگطع

ـ اكل خرا لا تغلط

تعاركنه انا وياه بالكوه فكونه

امي : يمه يعني صدك شفتها؟

ديهم : والله يا يمه متفارك عيني هسه اتخيلها بنصكم

خيالها كل شوي يمر وانا احجي ويه امي اتخيلها وراها تباوعلي وتبتسم بس حتى لو احجي محد يصدكني .

عدت الليلة بصعوبه كل شوي افز الكاها يمي وترجع تختفي لو احس بأيديها تتلمس بوجهي وبشعري كل ما افز اگلب البيت ادور عليها وما الكاها

اليوم الثاني صادف يوم جمعة

سبحت ولبست الدشداشة والسبحه بأيدي وغحت لصلاة الجمعه خلصت صلاة

غحت كعدت يم الشيخ

ديهم : شيخنه جاي احلم بمرتي مفقوده

قبل 5 اشهر ودوم تجيني بالحلم تكلي ساعدني وانتظرني غاح ارجع شنو معنى هاي الاحلام ؟

ـ خير يا ابني كل خير ان شاء الله بس انت هم قلل تفكير بيها لأن واضح كلش متعلق بيها ومن شفت هيج لحيتك وشعرك ومشيب وانتَ شاب عرفتك طايح على راسك بفراگها

ديهم : ماطلعت من راسي من يوم انفقدت وهسه وانا كاعد يمك اتخيلها كاعده وتباوعلي

ـ وينها تشوفها هسه؟

ديهم : اي هاي بصفي تباوعلي وتبتسم

خله ايدو على راسي يقرأ عليّ شواي وگال

ـ الله يعين گلبك على الهم والضيم والقهر الي انتَ بي الله يصبرك يا ابني

ـ يكلولي تخيلات وانتَ اتخبلت

ـ اليحب من گلبه هوَ والخبل سوه ما الومك يا ابني الله يلهمك الصبر عيش حياتك عيشها ولا تنتظر مادام تجيك بالحلم وتكلك انتظرني يعني لا تنتظرها الحلم دائماً يصير بالعكس

ـ وانتَ هم مثلهم شيخنه

ـ انتبه لنفسك ابني وطلعها من راسك اذا بقيت هيج غاح توكع بهواي مصايب

ـ شلون اخاف من المصيبه وانا بيها وانا اصلاً متعود عليها

ـ قال تعالى: ﴿وَبَشِّرِ الصَّابِرِينَ الَّذِينَ إِذَا أَصَابَتْهُمْ مُّصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ﴾

ـ انا لله وانا اليه راجعون

ـ المصيبة ليست في فقد الأحبة فقط

بل في فقد الصبر عند وقوعها لا تفقد الصبر يا ابني صح الله اخذ منك شي بس ضاملك شي احسن منه مرات المصيبه خير النه بس مانحس بقدرها

ـ وشيقنع گلبي ؟  قال ﷺ: “إن العين لتدمع، وإن القلب ليحزن، ولا نقول إلا ما يرضي ربنا، وإنا بفراقك يا إبراهيم لمحزونون حين فقد ابنه . النبي محمد صلّ الله عليه وسلم حزن على فراق ابراهيم واعلن حداد حزنو فـ منو احنا حتى نگدر نواجه الفراك والحزن النبي ﷺ ماگدر يجرع الفراگ فـ لا تلوموني .

الشيخ : عليه افضل الصلاة والسلام صح كلامك بس قال المتنبي : أنعم الله بالنسيان إن لم يكن للذكرى من سبيل . ماكو شي يوصلك الها حتى تضل تتذكرها جاي اشوف بعينك امل برجعتها الدنيا تمشي يا ابني ماتوكف على احد توكل واستعين باالله الله يصبر گلبك وينعم عليك بالنسيان

عفتو رجعت للبيت

كاعدين نتغده كالت امي

ـ  اكول دَيهم

ديهم : كولي يمه

ـ طلبت ايد ليلى بنت خالتك الك

ديهم : شنوووو شوو تتصرفون من راسكم انتمم ـ اسمعني يا يمه لازم تتزوج وتشوف حياتك هيج يلا تكدر تنساها لازم حرمه تشغلك وتلتهي بيها وبحياتكم واذا الله كتب وصار عدكم اطفال بعد ولا تجي على بالك

ديهم : وسفه يا يمه وانا الجنت اكول انتِ تختلفين عنهم وتحبين ياقوتَ وعندج امل برجعتها طلعتي مثلهم فاقده الامل من رجعتها طلعت مرتي سهله بعينج وتنسي بسرعه

صعدت لغرفتي وهيّ ضلت تصيح وتبچي

بعد مرور اسبوع فجأة امي وضعها صار مو زين من كد التفكير والقلق بيه انا قالقها اخذناها للمستشفى اول ما دخلنه الغرفه مسكتني من ايدي

ـ ما اسامحك ولا ارضى عليك اذا ماتسوي الطلبتو منك يا يمه

ـ حجيه كومي بالسلامه ويصير خير

دخلوها للطوارئ بعد مده يلا استقرت حالتها اهلي رجعو للبيت بقين انا يمها دخلت عليها اشوفها لگيتها كاعده

ديهم : ها حجيه شلونج

ـ مو زينه

ديهم : افاا ليش حبيبه گلبي

ـ اسمع مني يا يمه بس هل مره والله ماتخسر

انا رايده مصلحتك وضعي مو زين خاف اموت وما شفت ضناكم

ديهم : يمه ذولاك سالم وبلال كليلهم خل يزوجون ويخلفولج 15 واحد لو مگدورج بس عليّ

ـ لأن انت الحنين بينهم وگلبك طيب وتحب الناس كلها ع الفطره اريد اطمن عليك قبل ما اموت

ديهم : اسم الله عليج يا يمه مايصيبج شر

ان شاء الله

ـ توعدني

ـ لا ماكدر اوعدج حجيه

ـ ةالله اموت نفسي اذا ماتقبل

ـ شهل حجي يمه صدك تحجين

ـ والله العظيم اموت نفسي واخلص من هاي العيشه عود ارتاح انتَ اخلص مني

ـ ما اسوه من دونج حجيه جعل يومي قبل يومج

ضلت تبچي وتتوسل اوافق على موضوع ليلى ضليت انا وياها متعارك ورافض الفكره نهائياً انقهرت وضعها صار مو زين وصلت للموت بسببي لأن عاندتها

اليوم الثاني رجعت صحت كالتلهم

ـ اريد اشوف دَيهم

طبيت شفتها وضعها كلش مو تمام

ـ غاح اموت وانا مو راضيه عليك

ـ امريني يا تاج راسي انتِ اهم شي رضاج

ـ اتزوج ليلى

ـ صار بعيني يا امي

ـ يلا امشي اعقدو

ـ تصيرين زينه ويصير كل خير

ـ والله دَيهم يعني وافقت هاهيه؟

ـ وراسج يمه كلمتج ماتنكسر اهم شي رضاج عليّ شتسوه الدنيا وانتِ مو راضيه

فرحت كلش بعد فتره صارت زينه ورجعت للبيت عدت الايام وامي ساكته ماجابت طاري الموضوع

طالع ويه جماعتي خابرني سالم

سالم : المسودن وين انتَ؟

ديهم : يم جماعتي شكو؟

سالم : تعال للبيت بسرعه امي مو زينه

ديهم : صدككك؟؟ شبيهاا امي

سالم : تعال بسرعه

رجعت للبيت طاير كلش خايف لا اخسرها وينكسر ضهري بيها فوك كسران ضهري

بـ ياقوتَ وصلت البيت لكيت ليلى وخالتي يمنه وامي كاعده يمهن كلشي مابيها و سالم واكف يضحك

ديهم : سااالمم هو هذا شقه هيح تشاقه وياي سالم : ههههههه معليه والله امي كالتلي هيج كول

ماجدة : امي تعال وليدي تعال يمي

مشيت واخوزر بسالم كعدت يم امي

ماجدة : يمه هاي ليلى كدامك البنيه موافقه بس تريد تتأكد من موافقتك

حسيت نفسي بأختبار صعب بين رضى امي ووعدي لـ ياقوتَ بدون وعي گتلها

ديهم : موافق

ماجدة : امي يعني نكول الف مبروك؟

ديهم : تكدرين تكولين يمه

رگعنها بهلهوله وصارن وحده تبوس بالثانيه فرحانات انسحبت من يمهم طلعت مخنوگ جبل وكاعد على گلبي شجاك دَيهم شلون كلت موافق شلون طاوعك گلبك تنسى جُمارتك بهاي السهولة صعدت السيارة وطلعت كلش ضايج كل الطريق ابچي وضايع ماكو درب اعتنيله جنت ارتمي بحضنها لو الدنيا تعبتني هسه وين اغيح وين انطي وجهي ضايع ومحد يدليني وين انا

بعد مرور فترة امي خطبت لي ليلى رسمي بقو ابوها واخوها لازم نتقدم الها احنا الزلم ونطلبها والحبايب متفقات امي وخالتي ماعدهن اي اعتراض اجه اليوم الي نطلبها من ابوها غحنه انا و ابوي وسالم وبلال حتى نطلبها ونعقد عقد شيخ كعدنه يمهم الزلم يسولفون ويضحكون وانا مصدوم من نفسي شنو جاي اسوي بروحي .

كاعد على كتر فتحت محفظتي اشوف صورتها عيوني دمعت يا امي وينچ ؟ هيج تخليني وحدي اتبهذلت بدونج يول ما اجت بالريش فراگج بالعضم دگ اووفف يَشرارة گلبو لـ دَيهم انتِ

اتفقوا ع المهر كال الشيخ

ـ بسم الله وعلى بركة الله نبدأ بعقد قران دَيهم  غيدان على ليلى محمد

غاح اخوها صاحها وگفت يم الباب وصاحني الشيخ وگفت يم الباب اذكرت من عقدت

انا و ياقوتَ احس گلبي مات بين  ضلوعي گوه رجليه شالتني وما طحت ايديه يرجفن والدمعه بعيني كوه لازمها گاللها

ـ ليلى بنت محمد هل تقبلين الزواج من دَيهم ابن غيدان؟

ليلى : نعم اقبل

كررتها ثلاث مرات اجه دوري كال

ـ دَيهم ابن غيدان هل تقبل الزواج من ليلى بنت محمد ؟

ماتطلع من لساني الكلمه والله ثكيله على گلبي شلون اقبل بغيرها شلون وحده غيرها تنام بفراشها وتاخذ كلشي الها

الشيخ : ابني تسمعني ؟

ديهم : نعم شيخنه

ـ دَيهم ابن غيدان هل تقبل الزواج من ليلى بنت محمد

اخذني السكوت شفت ياقوتَ واگفه كبالي والدمعة بعينها انهاريت بالبچي

ياقوت : هنت عليك يا عرج عيني ؟ تنساني وانا الحبيبه

سالم يمي يگلي

ـ شبيك دَيهم متجاوب الشيخ؟

الشيخ : ابني اكرر عليك السؤال؟

ديهم : لا  مالو داعي ما اقبل

عفتهم ومشيت سمعت بس صوت ليلى انهارت بالبچي وابوي وسالم وبلال يصيحون عليّ يحاولون يرجعوني واسمع ابوي وابوها تعاركو بيناتهم صعدت سيارتي وطلعت لبيتنه

انا و ياقوتَ طول الطريق ابجي وفاتح محفظتي ومخليها كبالي اتأملها .

خليت اغنيه محمد عبدالجبار ( شگول عليك ) بكلشي احب اذكرها حتى الاغاني جنت ما احبها خلتني مسودن احب كلشي يذكرني بيها وصلت بيتنه فتحت الباب اول مادخلت ريحتها ضربت براسي فتحت كنتورها وطلعت ملابسها اشم بيهن وابچي ماتن رجليه

ديهم :

اتعنى المچان الي كعدته وياك

ما الگاك بس رايد اثر منك

بلچن چلمه ضلت ما نگلها الريح

الكاها وتجاوب بالنشد عنك

لو ادور عطر منك بقى ع الكاع

احط نفسي عليه افييش اشمنك

اجدامي من النشد دوخن راس الكاع

يدورن اثر منك بي يتبعنك

بويه عگدة براس فكري

گلي احلها شلون؟

أيس لو اضل للموت انطرنك؟

كعدت حاضن ثيابها وابچي فراگها مثل نار ومشتعله بيه لا هيّ الحارگتني ومسويتني رماد ولا هيّ الطافيه ومريحتني حاضن ثيابها ومتمدد بالگاع ودموعي تصب

ديهم : شفت شلون ضيعتها من ايدك

هاي الجانت تقدس تفاصيلك

ضيعيتچ ورقه مابين الدفاتر

لحضة وبساعات باجر ضيعيتچ

فرو بدولاب داير ضيعيتچ

نفس بالالف الجكاير ضيعيتچ

ومن سألتيني حبيبي اني وين

بس فتحت عيوني بعيوني لگيتچ

ـ ياقوت ـ

قنعت اريج تشتريلي تلفون وبصعوبة قبلت جانت راجعه من الجامعه اباوع عليها من شباك غرفتي جايه متوتره عرفتها جايبه التلفون صاحلها عز الدين وانخطف لونها يارب ما يكشفها ياااارب هذا عار ابن عار عنده حض يلكفها وهيّ طايره اباوعلهم سولف وياها شويه وعافها اجتني

اريج : الحكيييي ياقوتَ هاج التلفون

طلعته من صدرها وشمرته عليّ

اريج :  لا تورطيني بعد وها خاف يلگفج

مو تكولين اني جبته الج معليههه لا شفت ولا سمعت

ركضت بستها موتتها من البوس

اريج : حبيبتي ياقوتَ مامصدكه راح تروحين وتعوفيني

صارت تبجي حضنتها وبجيت وياها راحت تسبح وترتاح قفلت باب الغرفه فتحت التلفون حتى شريحة مشتريتلي بعد روحي والله طلعت احسن من اخوها خليت رقم دَيهم واتصلت بي بسرعه جاوبني

ياقوت : دَيههممم انا ياقوتَ حبيبي

كمت ابچي كال

ديهم : ها يحيلي هلا يبعد ابوي وامي انتِ وووين الگااااج كليلي هااا ابوي لا تبچين يبعد حيلي لا تبچين بس كليلي وينج شصار بحالي بلياچ كووولي وينچ يااا بووويه

ياقوت : حبيبي اني بسليمانيه بيت اهل عز الدين تعال بسرعه واخذني اخته اريج كالت اساعدج تطلعين منا

ديهم : جاايج بوويه جايج وهذه تلفون منو؟ بسلا تلفون اختوو

ياقوت : لا هذا اخته جابته الي بدون محد يدري لأن هو مراقب كل اجهزه البيت

ديهم : خوما ديأذوج ياقوتَ بابا احجيي گولي خوما اذووج؟؟

ياقوت :  بعدين احجيلك كلشي دَيهم تعال بسررعه مشتاگلك يحيلي گلبي خلص  تعبت دَيهم محد رحمني

ديهم : اجيييت يحيلي اجييت بس ضمي التلفون ولا تخلين احد يحس بيچ

سديت الخط وضميت التلفون بصدري اندگ الباب فزيت مخترعه يمه بسلا سمعوني

ـ منو؟

ـ انا عز الدين

حاولت ما ابين له متوتره فتحت الباب

ـ  ها شتررريد ؟

ـ هههههههه اريدچ مشتاگلج اشتاگيت

لهل عيون الحلوه

ـ مم ما ادري ااا شسمه نسيت شنو اريد اگول

انثولت مدري شجاني

ـ تطلعين؟ نطلع انا وياج نتعشه بمكان ومنها نسولف ونغير جو

سكتت ما جاوبته كال

ـ ها شگلتي ؟

حسيتها فرصه حتى اشرد منه

ـ موافقه بس ابدل واجي

ـ تمام انتظرج لا طولين

نوب هذا فرحان كل عقله والله يا الله بدلت وضميت التلفون بصدري اخذت ميكب من اريج خليت شويه حتى ينسطر بيه وميدري بنفسه واشرد طلعت شافني ضل صافن بيه والجگاره بأيده خلصت وهوّ صافن

ـ جكارتك

ـ شبيها

ـ راح تچويك

ـ خلها المهم چويه گلبي طابت

ـ نمشي؟

ـ ها اي يلا

امه كاعده بالصاله صافنه علينه كاللها

ـ يلا يمه احنا طالعين لا يضل بالج عود اخابرج

ـ تمام وليدي لا تتأخرون

صعدت بالسيارة وهذا فرحان مصدك نفسه اخذني لمطعم

ـ ما اثق بيج هسه تصيحين وتكليلهم خاطفني

ـ لا خلاص تعبت من المحاولات قررت اعيش واكمل حياتي هنا

ـ هاي ياقوتَ نفسها لو متبدله؟

ـ ياقوتَ نفسها ماتغيرت بس تفكيرها تغير خلاص طويت صفحة دَيهم واهل دَيهم اصلاً هسه هوّ نساني والله يعلم يمكن حتى تزوج وعاش حياته محد يموت بدون احد

ـ بس انا اموت من دونچ

اتوترت حرت شجاوبه

عـز الدين : لتكولين شي فكري ياقوتَ تكدرين تطلبين الطلاك منا وكلشي ينتهي وتبقين وياي نكمل حياتنه سوه من لكيتج عشت جنت ميت بدونج ويومي عادي نفس الروتين بس من عرفتج كلشي تغير صرت اشتاگلج وافتقدج وانجن اذا يمر يومي وما اشوفج كبالي انا رايدچ الي ياقوتَ

هوّ يسولف واني احاول ادفع كلاص العصير على ملابسي حتى اكوم اروح للحمام دفعته وكع على ملابسي ودمرهن

ـ ياقوتَ انتبهي شسويتي

ـ  يااااا عززززه شسويت بروحي اني ومنا العالم يممه شكد عيب

كمت رايحه للحمام

ـ اجي وياج

ـ عز الدين رايحه للحمام شلون تجي وياي متستحي

كام يضحك

ـ اغسل واجي

دخلت الحمام لكيت بنيه شويه اكبر مني

ـ ابوس ايدج ساعديني اني مخطوفه شخص خاطفني ويهدد بيه وهسه هوّ وياي هنا ماكدر احجي ولا اسوي شي

اكو مجموعة بنات واكفات على صفحة اجن يمي وسألني

ـ من وين انتِ؟

ـ من تكريت وهسه كاعد برا هو ينتظرني بصعوبه كدرت اجي للحمامات مراقبني بنات الله يوفقجن ساعدني

وحده منهن لابسه خمار وعبايه كالت طبي انزعي ملابسج والبسي ملابسي

حجت ويه صديقتها كالتلها

ـ وانتِ طلعيها منا واخذيها تمام

ـ تمام

دخلت للحمام وهيه دخلت للحمام الثاني

نزعت ملابسي واخذت ملابسها لبستهن وانطيتها ملابسي  كلشي ميبين مني حتى وجهي تغطه

اتفقن يطلعني من الحمامات وياخذوني لبيتهم هنه مجموعه بنات عايشات بشقة طلعني مريت من يم عز الدين يارب مايكشفني يااارب عبرته وما حس على شي اخذتني لشقتهن شواي واجن البنات الباقيات اتشكرت منهن هواي الله يفرحهن يارب كلش لطيفات وياي انطوني من ملابسهن ومن اكلهن و خلولي رصيد بالشريحة مالتي وينومني بنصهن ويضحكن وياي ويسولفن يشاركني كلشي اخذت ارقامهن وحجيتلهن قصتي من الاول للأخير تعاطفن وياي اكثر من قبل كضيت وياهن اجمل ايام حياتي و دَيهم بقيت اتواصل وياه مره مغلق ومره يجاوبني

اليوم الثاني ساعة 4 ونص العصر دَيهم اتصل بيه

ديخم : ياقوتَ امي دزيلي العنوان

دزيتله العنوان واني گلبي يدگ طبول مفرفح ممصدكه راح اشوفه شواي واتصل

ديهم : انا مقابيل شقق كلش عاليه

ياقوت : خليك بمكانك

ودعت البنات بچيت وبچن وياي ونزلت اركض بس اريد اوصله وصلت الطابق الارضي وجان اشوفه يتلفت يمنى ويسرى روحه ملهوفه والحزن واضح عليه كلش متغير

دموعي نزلت لحالها وصحت

ياقوت : دَيههووومم حبيييبيي الارررعن

ركضت رايحتله بس سمع صوتي التفتلي وعيونه انهارت بدمعها اجاني يركض رجليه متشيله كل شويه يوگع ويرد يگوم صار يمي حضني وگع بالگاع حضنته بكل قوتي

بهاي اللحضة امتلكت العالم بأكمله رجعتلي روحي عشت من جديد حاضني ويبچي والعالم تباوع علينه مصدومين يشد حضنه بكل قوته حسيت ضلوعي انطبگت وعضامي طگت يبچي ويشاهگ مو مصدك

ياقوت :  وين جنت يااا امي هواي طولت عليّ انتظرتك حد ماخلص صبري رموشي من القهر شابن وانتَ ماجيت

ديهم : اووففف يَشمعتي اووففف لگيتج من بعد دعوى شكبرها يول نشف دمعي وما لگيتج وووين غحتي ووين جنتي هسه عشت جنت ميت بدونج بس جسد يمهم .

حاضني يبچي ويحجي

ديهم : شلون تغيحين وتخليني شلوون طاااوعچ گلبج كامو يصيحوني المسودن من وراااج

ياقوت : نسيتني

ديهم : شنسه منچ

طلسم وبروحي دگيتچ

باوعت بوجهه وكتله

ديهم : كافي بچي يروحي

صار يبوس كل جزء بوجهي وباس ايديني واني هم بسته بوجهه والناس حوالينه تباوع

ياقوت : مو كافي تبچي؟

ديهم : نذرت عيوني لشوفتج مو بس دمعها انا اعظم انسان بالدنيا اليوم لأن رجعت لگيتج من اول وجديد  مامصدك ياقوتَ خاف حلم! انتَ حيل مست****تجيني بس بالاحلام والله خايف افز ويطلع حلم

ياقوت : مو حلم حقيقه يعمري

مسحت دموعه عيونه صارن حمر مسح دموعي وحضني

ديهم : رجليه ماتن ماتشيلني من فرحتي ااخخخ يا چويات كلبي انتِ

حاضني ويبوس براسي وايديه ترجف

ديهم : جنت ضايع وهسه التگيت من لگيتج والدنيا بدونج ضلمه لو شعلت شموع الدنيا كُلها ضلت بنفسي شكثر شوفةة عيونچ اووففف يبعد عيوني انتِ يعيني وهدبها يطوايف هلي انتِ

بس ابچي واناشغ احس ماكو كلام يوصف شعوري بهل لحضه ضل حاضني ويبچي شواي

ـ يلا بابا كومي يبعد حيلي انتِ

اخذني من ايدي ضامني جوه ايده ويمشي ويسولف وياي

ـ مشتاگلج يول طاگ كلبي عليچ يول هديتي حيلي من غحتي

صعدني بالسيارة ومشينه وهوّ ماسكت بس يحجي وفرحان واني اتأمله هوّ وسوالفه وصلنه بيت اهله كلهم انصدمو بشوفتي محد بيهم جان متوقع ارجع اخذني للغرفة ضامني لصدره ويسولف وياي

ـ حبيبي خما اذوج او ضربوج كولي يحيلي شسوو وياج خوما احد لمسچ؟

ردت احجيله عن عز الدين وصاحبه بس ترددت  لا هسه يتسودن ويكوم يدور عليهم وينبشهم ويتعاركون ويموت واحد منهم ويدخل سجن

ياقوت : لا حبيبي محد اذاني

ديهم : خومااا احد لمسچ؟؟

ياقوت :  لاا حبيبي كتلك محد لمسني

راح قفل الباب واجه كال

ـ شو اشوف جسمج

شافه كله مابي اي علامات ضرب سحبني لصدره ضامني ويحجي

ـ الحرموني منچ حالف احرمهم النفس بس اريد يصفه بالي اول واطمن عليچ

رجع ضمني كسر ضلوعي بس يحضن ما يشبع

ياقوت : شو باوعي اريد اشوف وجهج مشتاگلو باوعتله ابعد شعري عن وجهي واحتضنه بكفوف ايديه صار يتأملني

ديهم : احبچ يَشرارة گلبي هااايم بيچ انا

ياقوت : واني هم

ديهم : انتِ هم شنو؟

ياقوت : احبك عاشگتك انا

ديهم : ما مصدگ ياقوتَ واخيراً صرتي كدام عيني وحضنتچ وطفيت نار الشوگ الي بكلبي؟ ما نمت متهني من غيبتج لليوم تجيني بخيالي بصحوي وبنومي حتى خطواتج اسمعها

يم الباب وصوتج الحلو هذا ينادي بأسمي يصيحوني المسودن بسببج

ياقوت : اموت بهذا المسودن انا

ديهم : يَعروگ گلبي انتِ

ياقوت : يا دفو روحي انتَ

ديهم : شمشتاگلج گلبي يأذيني من كميةة الاحاسيس والمشاعر مو عارف اعبر عن هاي اللحضة حسيت روحي انخلقت من جديد انكتب لي عمر من لگيتج هواي حاولو يخلوني انساچ وما نسيتچ عطرچ معلگ براسي و صورتج ما فارگت عيني وصوتج ما فارگ اذني اسمعچ تهمسين حتى وانا نايم عشت على ذكرياتج ياقوتَ انا ميت ومن لگيتج عشت اووففف يحيلي انتِ

باسني بشفتي وباس ايديه

ديهم : ما مصدگ خاف حلم مو حقيقه وبس اتخيلج انتِ مو موجوده .

حجالي كلشي صار بغيابي وعرفت الخوش والمو خوش اتغيرت وصرت وحده ثانيه صرت ادافع عن نفسي واطالب بحقي وما ارضه احد يستغلني ويقلل من قيمتي تغيرت 180 درجة دَيهم علمني هواي شغلات خلاني اصير وحده ثانيه علمني ما اثق بأحد غيره وابتعد عن البشر وما اثق بـ ياهو اليجي علمني ما اسوي اغلاط وارضي ربي قبل لا ارضي نفسي وارضيه وشخصيتي كلش اتغيرت مو انا الطيبة الحنونه الي على نياتي صرت افهم البشر بس اباوعله وبخصوص الاطفال رجعنه نتعالج بس ماكو اي نتيجة بقت يم رب العالمين بعد و دَيهم ضل يدور على عمه شاهين ولگاه وكتله كتله من هاي الزينه كسر رجليه الاثنين ماعاد يكدر يمشي ولا يوكف على حيله

انسجن دَيهم انسجن 3 اشهر بتهمة التعدي على شاهين بالضرب وطلع بكفاله دفعنه فلوس وخلص من الموضوع كله ورجعنه عشنه مثل قبل و حياتنه كلش حلوه احلى من قبل بألف مره صح واجهنه مشاكل هواي وعانينه وتعبنه بس بالأخير الله عوضنه عن صبرنه وصح الاطفال شي مهم بالحياة بس انا و دَيهم ابد ما حسينه بهذا الشي چنه مكتفين بعضنه حييل ماكدر شي يفرگنه .

……….

طلعنه من الدكتورة راجعين للبيت  كلش ضايجه لأن بنفسي طفل من عنده يشبه ملامحه وسوالفه وحركاته ضاله بنفسي

ديهم : شبي ابني زعلان؟

ياقوت : اريد…

ديهم : لا ابوي انتِ لا تكملين خوما نعترض على حكم الله الله كاتبلنه مو هسه ننرزق بأطفال وانا راضي يبعد حيلي ليش كل هذا الزعل

ياقوت : انتَ تحب الاطفال بس تدري خايفه

ديهم : من شنو خايفه؟

ياقوت : خاف يصير عدنه طفل وتكعد تبوس بي وتحضنه كدامي يمماااا غير اموت من الغيره

ديهم : انتِ محد ياخذ مكانچ لو تجيبيلي 10 اطفال هم تبقين مدلله گلبي

ياقوت : هسه هيج تكول بس بعدين جؤ كلشي يتغير

ديهم : عيدي شگلتي؟؟

ياقوت : شنووو

ديهم : جؤ

ياقوت :جؤ

ديهم : هههههههههه حلوه هاي منين تعلمتيها بربوگ

ياقوت : منك رَيس

ديهم : يَروح الرَيس انتِ صدك ياقوتَ

ياقوت : ها حبيبي

ديهم : تحبيني

ياقوت : جؤ

ديهم : هههههههه لا حلوه بحلگج جؤ

دكولي بربج تحبينيي

ياقوت : كتلك جؤ

ديهم : ياقوتَ هسه ادعمها للسيارة كولي احبك كووولييي يلا جُماره

ياقوت : ادعمها

ديهم : هوّ انا اعرف حضي ما اموت لأن عار بس انتِ تتأذين واضل ادگ والطم عليچ

ياقوت : بفاتحتي دگوم ادور وحده حلوه تخطبها

ديهم : هسه دكوولي بشرررفج تحبيني

باوعت له صفح ضايجه احب اعانده

ديهم :  دحبيني ترا احنه بوطن خربان

ضايع صدگة من چذبة .

سحبني لصدره يسوق ويبوس براسي

ديهم : دباوعيلي اشوف عيونچ

باوعتله و كتله

ياقوت : تحبهن؟

ديهم : يول عيونچ رجفن رجال جان الموت ميهابو وتكليلي تحبهن اخخ يجُماااره اخخخ

شعملتي بيه

ياقوت : تحبني دَيهم كوول تحبني ؟

ديهم : اموت بأسمج وين اكو واحد ميحب

شمعتو ؟ احبچ يبه احبچ متسودن بيچ انا وهااايم بهل عيون الحلوه السابيه گلبي

ياقوت : ديهووم

ديهم : يبعد ديهووم انتِ اُمريني يماي عيني ورمشها ونضرها

ـ الارعن مالتي انتَ ليش هلكد احبك ؟

ـ حبيني استاهل تحبيني جُماره

ضليت صافنه بي اتأمل سوالفه وهوّ خبل يسولف ويضحك ويسوي حركات غريبه يضحكني

ـ اووففف لتباوعيلي هيج

ـ لييش

ـ اذووب انا نقطة ضعفي هالعيون

ـ يروحن لك فففدوه

ـ تف الف اسم الله عليهن شحبهن انا

ـ الارعن

ـ عيون الارعن انتَ

ـ استعجل دا اريد اشوف عمو قبل ليروح للمستشفى

ـ صدك انا شلون نسيت ابوي منتظرنه ولجج بربوگ ساحله گلبي بسوالفچ مخليتني ما اندل الشمال من الجنوب ساطرتني سطر

رن تلفوني خابرتني شيلاء تبجي

ـ شبيج شيلاء يروحي ليش تبچين

ـ الحگيلي ياقوتَ تعاي اخذيني من بيت عيالي

ـ ليش حبيبتي شصاير

ـ اهله ياقوتَ اهله ما ينجرعون وامه حاطه دوبها ودوبي

ـ هسه اخابر اشهب يمرج ياخذج

ـ بسررعه ياقوتَ مالكيت غيرج اتصل بي لأن اني وامي متعاركين ومنحجي

ـ لا تبجين حبيبتي انتِ خل اخابر اشهب وارجع اخابرج

خابرت اشهب وراح جابها لأهلي ضلت يمهم زعلانه وناويه تطلگ من رجلها متريده لان هيّ من البدايه ما حبته اصلاً .

وصلنه بيت عيالي  عمو بوضع مو زين يگوم ويرجع يوگع وگلبه تعبان يادوب يتنفس مخنوگ

ياقوت : شلونك عمو شلون صحتك وعافيتك؟ يكح ويحجي كال

غـيدان : هلا بنيتي انا بخير لتخافون عليّ

دَيهم : يبه مبين تعبان اريد اغيح وياك للمستشفى

غيـدان : لا وليدي شكو تغيح وياي اخوك بلال غاح يغيح انتَ خليك يم مرتك شلون تعيفها وحدها وبيتكم وحدكم لو ويانه مرتك ساكنه عادي بس ماكدر لا لاتجي وياي يا يابه

حاول يقنعه يروح وياه ماقبل اباوع لعمو كوه يحجي كلش تعبان كمت ابچي

ياقوت : راح اشتاگلك عمو يعني معقوله راح تبقى بغداد 10 واني شلون راح اصبر ما اسمع سوالفك؟

غـيدان : هههههه يكضن بنيتي يكضن العشرة ايام وارجع ونشبع سوالف وضحك عمج سبع خضت حروب وقاومت حرب التسعينات وحرب صدام حسين والاحتلال و اشتغلت بالنفط 20 سنه وما صار عليّ شي ما معقوله عملية ما اكدر اقاومها ههههههه .

ضحكته كلش حلوه وجهه يجنن

ضلينه نسولف اني وياه و دَيهم ونضحك

دَيهم اباوعله متوتر ومو على بعضه ما وده عمو يسوي العمليه اول مره اشوفه يضحك هيج ويا ابوو ضلو يسولفون ساعات طويله ودعناه ورجعنه لبيتنه بالليل اجينه نريد انام ورجلي ما يكعد راحه بس يحوس

ديهم : اميرتي

ياقوت : همم

ديهم : شكد قاسيه منطيتني ضهرج ولا مهتمه دكولي هذا المگرود مشتهي ومستحي

ياقوت : شمشتهي حبيبي؟ اكوم اسويلك اكل؟

ديهم : يول بربوك انتِ غبيه لو تستغبين؟

ياقوت : تكدر تكول استغبي

ديهم : لا بررربج ياقوتَ دباوعيلي

ياقوت : ولك شكو شتريد مرتاحه بنومتي هيج

ديهم : وانا؟

ياقوت : نام يروحي نام

ديهم : ما ارتاااح ياقوتَ كل عقلج ما اعرف انام الا وعيونچ گبالي يلا بابا عليچ العباس انداري

انداريت كال

ديهم : دشوف الجمال وتلومني اذا اتسودن عليها ودي اضمججج بگلبي ولج بربوك

صار يكرص ويبوس موتني نومني بحضنه ورث جكارته اشتهيتها خلصها وغفى انسحبت من يمه واخذت من الباكيت طلعت جكاره ورثتها كاعده يمي واشرب بيها عايشه اللحضه هيج وجان تطفر الجمره ع اللحاف المتغطي بي هوّ واعيط بعلوو صوتي

ياقوت : ولكك دَيهوووممم احترررركنه

فز مخترع شاف اللحاف معطب واني هبطت راح جاب ماي واجه طفى اللحاف واني كاعده بالگاع بزاويه حيلي مات من الهبطه طفاه وشافني ارجف من الخوف

ـ بابا ياقوتَ لتسوين هل حركات بعد يحيلي اخاف عليچ تتأذين والله جيبي ايدج

انطيته ايدي

ـ كومي ابوي انتِ شكو ترجفين يا امي خلاص النار وطفيتها

ـ واللحاف حركته

ـ فداج يمااي عيني انتِ جوه رجليج باجر اجيبلج عشره مثلو لتخافين يحيلي انا يمچ خلاص

كوه حاصره البچيه كتله

ـ ردت احرگك لو محترك جان شسويت بروحي

ـ اشش حبيبي لاتحجين هيج هاي انا كدامچ مابيه شي امي انتِ بس هبطت خفت عليچ تنچوين شو طيني ايديج

كعدني ع الجربايه يشوف ايدي خوما مچويه باسهن وكال

ـ ابوسهن انا افداااهن والله اسم الله عليچ من كل شر يبعد طوايف هلي

دغدغني فحطني ضحك و نومني بحضنه وغطاني وهوّ يسولف وياي لحد ماغفيت .

حسيت الصبح يبوس بيه فتحت عيوني شفته ابتسمت ورجعت غمضت

ياقوت : ديهوم عفيه خليني نايمه

يبوس برگبتي كال

ديهم : مشتاگلج شيصبر گلبي منا لما تگعدين

ياقوت : بس شويه بشرفك

ديهم : يلا جُماره كااافي نوم بسچ عاااد والله مشتاگلج الليل مانمتو من خوفي عليچ وهسه گاعد من الصبح احوس انتظرچ تكعدين كل شويه اتخيلج تحجين وياي

ياقوت :  هممم

ديهم : غاح اموتج يلا عاااد كوومي اغيح اسوي ريوك واجي اذا مالگيتج كاعده يا ويلج

ياقوت : شكددد مكروووه دَيههممم

كمت اسبح واني بالحمام صاح علية

ديهم : يلا جُماره ميت جوع حتى نتريك سوه

ياقوت :اصبر خمس دقايق واطلع

كملت دا اريد البس ملابسي مالگيتهن بالحمام استغربت وين راحن معقوله نسيتهن بالغرفة؟ اول ماطلعت من الحمام جرني من ايدي وصفطني ويه الحايط وايديه حاوطت جسمي

ياقوت : يمماااا گلبي الارعن خرعتني

ديهم : يعيون الارعن انتِ

ياقوت : انتَ اخذت ملابسي

ديهم : حارمتني منچ وتردين اسكتلج؟ لا والله ماحزرتي اي انا اخذتهن حتى تطلعين كدامي هيج

ياقوت : مسربت سربوووت

ديهم : مسربت عليچ انا

هوّ يحجي عيونه خدرن مركز بشفايفي ويعض بشفايفه احتضن خدي بكفوف ايديه شفته طخت بشفتي غمض عيونه ذايب وهمس

ديهم : هايم بيچ انا

اخذ شفايفي يبوسها دفو انفاسه ذوبني ابتعد شويه يتأمل عيوني ودفن راسه برگبتي يشمها اخذ نفس طويل ورجع يبوسها

طلعنة نفتـر بشـوارع تكريت

مشغلين غنية ديهم يغني وياها ونضحك

ديهم :: من ينتهي الحب والعشق من قلبي يوكف مايدك

هنا اعتقد حبنا انكسر وانتهى المشوار وانتهى المشوار انا اعترف حبك الي ماليني من شوقة ملي

نارك مثل جنة هلي ويامحله هالنار ويامحله هالنار

يالماكو مثلك بالبشر ياأقوى حب مر بالعمر

يالماكو مثلك بالبشر ياأقوى حب مر بالعمر

اختارك وكلبي كفو ويازين مااختار يازين مااختار

ياقوت :: ماعندي شك بالدم صرت تتمشى بي وتحكمت

وبكل جزء من الكلب عايفلك اثار

حبي الك مابي حجم ماراح اكلك كم وكم ماينوصف

كد النجم صدكني اكثر لو دنيا ينطوني وسما

حبك ابدا ماسلمه لو دنيا ينطوني وسما

حبك ابد ماسلمة ..♥

عمو سوه العمليه وبعد 3 ايام وضع عمو صار للأسوء وفقدنه الامل منه و دَيهم جان مو مرتاح وحاس ابو ماراح يرجع فـ اخذ فلوس والهوية مالته ولحگه لبغداد وفعلاً بعد ماوصل دَيهم بيوم باليوم الثاني عمو توفه وانطاكم عمره ادعوله بالرحمة والمغفرة جان كلش عزيز على گلبي و الخبر جان على دَيهم اكبر صدمة وع الاغلب صدمنه كلنه وبفاتحة عمو تصالحنه اني و ريماس و شيرين ماكو شي يسوى نبقى منحجي ويا بعض العمر خلصان چم يوم ونموت جمعته ريهام وصالحتنه وانتهت العداوه الي بيناتنه وشيلاء اطلگت من زوجها وقررت تعيش حياتها وحدها وشايله فكره الزواج من راسها و عشنه بسلام واتهنينه بأيامنه البقت وان شاء الله نتهنى باللأيام الجايه واحب اوجهه كلام لكل شخص قرأ قصتي شكراً من گلبي لأن جنتو وياي بحزني وبتعاستي وبفرحي وبضحكتي وبضياعي شاركتوني كلشي صار ويايه و شكراً ع كلامكم الايجابيي وحتى السلبي وادعي لكل بنية ما تمر باللي انا مريت بي وعشته اتمنى لكل وحده بيكم سعاده ابديه وطمئنينه ترافقكم و ادعي من گلبي كل شخص بيكم ينال الي يريده والي باله اذا جنتو تحبون شخص ان شاء الله يكون من نصيبكم لأن الحب شعور حلو ما ينوصف اذا جان ويا الشخص الصح راح تحبون الدنيا وتحبون انفسكم لا تحرمون انفسكم من حقها حبوا وعيشوا وجربوا كلشي تحلمون بي والاهم حاربوا لأجل الاشياء الي تحبوها سواء عمل او دراسه او حب  لا تفكرون بالقادم عيشوا اللحضة بلحضتها

و لا تنسوني من الدعاء بالذرية الصالحه .

::

وبعد كل ما مرّوا به من فراق وألم ودموع، اجتمع قلباهما أخيراً تحت سقف واحد. لم يعد للسحر سلطان، ولا للقيود أثر، فقد انتصر الحب على كل شيء.

مدّت يدها نحوه، فأمسك بها وكأنّه يعاهدها أن لا يتركها بعد اليوم. ابتسمت عيونها وهي ترى ملامحه التي اشتاقت لها، فذابت كل الجروح القديمة.

هكذا، بدأت حكايتهما من جديد… لا كضحية وخاطف، بل كروحَين قد كُتِب لهما أن يعيشا العمر معاً،

تـــم اغــلاق الكـتـاب

انـتهـت الحـكـاية

لــــكـــن

قـلبهم ظـل ينبـض بـالأمـل

القـلعة لـم تُهـدم

بـل صـارت بيـتهم الـدافـئ

مكـان لـكل أحـلامهـم الجـمـيلة

مسك الختام 2025/9/22 ..

اقرأ ايضًأ روايات عراقية من هنا