رواية بين قبضتهم وقلبه – الفصل الحادي والثلاثون
31
▬࣪▭𝅼▬࣪▭𝅼▬࣪▭𝅼▬࣪▭𝅼▬࣪▭.
❂رقــــــو ـ الجـــوهر ❂
بـين قبضتهُم وقلبة
قناة تلي :
💙 .
..
من شفتك غصن
حسبالي بيتي تصير
وين ادريگ
تالي تصير گتالي .
..
ـ ديهم ـ
اجت اختو وهبطت من شافت اخوها مربط وانا يمو وكع المسواگ من ايدها غحت يمها وسحبت شالها من شعرها ومسكتها من ايدها اخوها يرافس ويتوسلني ما اسويلها شي هيه صارت ترجف وتبچي دفعتها كبالو وكعت بالكاع تباوع بوجه اخوها وتبچي
ـ خطاب هذا منوووو
باوعتلي وكالت
ـ ليش هيج مسوي بأخويه
ضربتها على حلكها ومسكتها من شعرها
رفعت راسها فوك صارت گبال اخوها كتلو
ـ خطوبي هنه كلمتين تگلي شعندك ويا مرتي وشلون كدرت توصلها بالتفصيل الملل والا ماتعرف شنو اسوي بـ اختك حتى السافل الكافر مايسوي سوايتي اذا صرت حيوان .
وخرت الوصله عن حلكو واختو تبچي بسكوت كاتمه شهگتها
ديهم : يلا احجي
صار يحجي وكوه افهم عليهَ صار عندو لدغه من جرحت لسانو ههههههه
خطاب : والله احجيلك كلشي بس عييفف اختي ما الها ذنب هيه شعليها
ديهم : تحجي واعيفهااا
ضل ساكت ميقبل يجاوبني جريتها من شعرها بقوة عاطت مثبت نضراتي عليه وقربت من رگبتها احاول استفزو حتى يحجي
خطاب : خلاص خلاص والله العظيم احجيلك كلشي اي شي تريد تعرفو يمي كلشي اعرف بس عييييف اختي
دفعتها على صفحة وكعدت اتربعت كبالو وكتلو
ـ احجي يلا
ـ اول مره شفت مرتك اخذناها للصالون انا وسالم بيوم عرسكم بعدين بليلة العرس ريماس دزتلي صورها بالبدلة و مصورتها الي وهيه تركص حتى بدون ما اطلب منها وبعدين ضلت تكلي مرت دَيهم حلوه وحلوه وتجنن من جمالها صارت تزرع افكار براسي حتى احبها وجانت يم مرتك وكالت شوف شحدز لك دزتلي صورها نايمه بملابس لونهم احمر موروني بعدين كالت يوميه اروحلها واخوي تارك اثار هوااااي بركبتها من كد هوسوو بيها بعدين كالت بس هيه مو راحة ودوم متعبتوو لـ دَيهم وتسوي مشاكل وما تسمع كلمتو واكو مشاكل بينهم و اخوي جاي يخونها وهيه كل يوم لاگفتوو وكالت خواتها مثلها كلهن خفيفات ويوميه ويه رجل حتى خواتها المزوجات يوميه يلكفوهن ويا واحد يعني مو راحة ومن هل سوالف وكالت اهلها يضربوها ويأذوها جانو وهسه دَيهم مثلهم هم يضربها ويأذيها وهيه ماتريد تعيش وياه تريد تنفصل وكالت تكول ياقوتَ من شفتو ويا سالم اول مره فز گلبي عليه واتندمت يوم قبلت بـ دَيهم وحتى كالت ع اساس انتَ مره لاگف مرتك تخونك وضلت ريماس تزرع بعقلي فكرة انو مرتك مو مرتاحه وياك وانا صدكتها وكل ضني مرتك هيج حياتها ثقيت بكلام ريماس .
تنهدت بغضب احاول اضبط اعصابي كتلو
ـ و ريماس شكد صارلك تتواصل وياها؟
ـ صار سنتين وحبيتها وانفصلنه لأن ما اتفقنا بكلشي بس بقت مجرد صديقة وياي وذاااك تلفوني هسه افتحو الك شوف مسجات ريماس الي اصلاً هيه ترسلي رسائل وتخابرني وحتى رقم مرتك هيه اللي انطتو الي اصلاً مرتك ما اخذت رقمي ولا الها نفس تتواصل وياي سبب كلو من اختك
ـ وشكو تفتر عل بيت تخوف بيها؟
ـ كتلك هيه ريماس قنعتنني اسوي بيها كل هذا
جبت تلفونو وكتلو
ـ افتحو
فتحو اخذتو ادور نبشتو نبش طلعت كل مسجات ريماس وياه وصور ياقوتَ وهيه نايمه فار دمي بالله هسه هذا شسوي وياه لو ويه اختي الدايحه الماعرف شكو بعقلها وترسلو صور مرتي كسرت تلفونو وشمرتو الوو شلعت اضافرو من مكانها عياطو ما ينوصف راحة نفسيه طلعت وعيفتهم راجع لبيتنه
……..
اليوم الثاني ياقوتَ يم اهلي وانا وحدي بالبيت اجتني افكار شيطانيه تخلصني من وسواس الغيره الـ انا بي غحت لـ بيت اهلي اول مادخلت شفت رغد
ـ رررغد
ـ هااا خويا
ـ بسرعة اريد هوية ابوي الاستنساخ و رخصة السياقة وهويتو مال العقيدد
ـ ليش
ـ سوي الكتلج عليه وانتِ ساكته
غاحت جابتهن واجت
ـ ياقوتَ وينها؟
ـ يم امي
ـ صيحيها
ـ مو امي ما….
ـ اكلج صيحيهاااا
غاحت تصيحها رجعت كالت
ـ امي متقبل تنطيها
ـ شني هيه بكيف امج
دفعتها وغحت لـ غرفة امي
ديهم : كوووومي الخاتون
امي : عيفهااا وامشي ولي البنيه ميته من الخوف تره من اتوازه يـَ دَيهم بعد اضفرها ماخليك تشوفو
ياقوتَ منزله راسها متباوعلي صحت بيها وكتلها
ديهم : باوعيلي جاي احجي وياج
باوعتلي خزرتها دمعت عيونها گتلها
ديهم : كومي نرجع لـ بيتنه
امي : استغفر الله العظيم يول انت ماتجوز ماتفهم جاي اكلك ما اخليها تغيح .
اشرت لـ ياقوتَ بمعنى گومي وضليت خازرها
ياقوت : خاله راح اروح ويه دَيهم
امي : بنيتي لتخافين منو اذا حابه تبقين والله ماخلي يمس شعره منج
ياقوت ; لا خاله راح اروح وياه لبيتنه هم تعبتج وياي خاله حبيبتي
حضنت امي وتبچي نوب امي تبچي وياها يالله شكد تحبها اثاريني مو بس انا الاحبها لبست عباتها وشالها وهيه بس تبچي مخترعه مني كالت امي
ـ يا ويلك اذا سمعت مزعلها يول دَيهمان
ـ صار يمه
ـ والله ما ارضى عليك لا بالدنيا ولا بالاخرة اذا زعلتها امشو يمه امشو لبيتكم وانتبه لمرتك انتَ المجنون ولا تضل تصيح عليها وتغلط والله اجيبها يمي واحرمك شوفتها
ـ ان شاء الله يمه
ـ انطيها علاجها وخليها تنام تره ما نامت ولا عينها ضاكت النوم من خبالاتك
ـ صار يمه صار
تحجي وانا انتظرها تخلص حتى اطفر واخذها ياقوتَ غاحت كدامي ع السيارة كالت امي
ـ اضبط اعصابك البنيه تتراجف منك وانتَ يا يمه ما تنجرع مدري منو ما يجرعك خرعتها للبنيه حسبي الله على بليسك من رجال .
عيفتها وغحت للسيارة صعدت اباوع لـ ياقوتَ ساكته وايديها ترجف حتى صوت انفاسها يتراجف خليها هو انا اريد اربيها حتى ما تبقى ثولة وتثق بـ ياهو اليجي اريد اقوي گلبها اريدها نچره محد يكدرلها لأن هيه فقيرة وحبابه ماتعيش بين الناس المنافقة مستحيل الا بصلافتها وصلنه بيتنا واحنا ما حجينه ولا حرف نزلت تمشي وراي
توا تريد تنزع عبايتها كتلها
ـ ضلي لابسته
ا ساكته ما جاوبتني اتصلت بـ سالم كتلو
ـ وين انتَ؟
ـ يم ريماس بالمستشفى
ـ يا الله ماتت!
ـ صاير عدها خفقان بالقلب من الخوف وعدها الزائده الدوديه ملتهبه لازم يشيلوها بعمليه
ـ اريد كواد يسويلها عملية خلها تموت موتت الچلاب انا التنزل راسي نعال ماتسوى عندي
ـ استهدي بالرحمن دَيهم هيه صح ريماس غلطت بس الغلط هم من مرتك
ـ اكل خرااا يلاااا وبعدكم ادافعون الها لعد شگد عارات انتم ولكم اختكم تحجي ويا خرراااا رجال وحاجيه كل اسرار البيت الوو
سالم : ديلاا عاااد لا تبالغ وانجب لا تغلط
ـ انا ادري مرتي هم غلطانه بس شلون اقبلها على نفسي اختي تراسل صاحبي وعلى علاقة بي فهمنيييي شلوووون
ضربت الباب بقووة وياقوتَ اخترعت شويه وتموت من الخوف كال سالم
ـ انا احاسب ريماس وانت عليك بمرتك حاسبها لا تدخل بينه انت ازوجت وعزلت بيت وحدك
ـ بلغها بلغها وكُللها دَيهم يكول لسانها اذا ما كصيتو اطلع معتب
ـ كافي دَيهم والله غيحي طافره
ـ انتَ شكد عار بعد كل السوتو اختك واكف يمها بالمستشفى تنتظرها تتعافى الله لا يعافيها وقسماً بذات الله ابداً ماتخلص من غضبي بس خل يصفة بالي اراويها دَيهم شنو يعمل بحالها توا يريد يحجي سديت الخط بوجهوو.
ديهم : لمي ملابسج
ـ ليش
ديهم : لميهن وانتِ ساكته
ـ توديني لأهلي؟
ديهم : ههههههه تحلمين
ـ لعد وين
ديهم : اخذج ونغيح منا
احجي وياها والم بملابسي كالت
ـ وين نروح
ديهم : لمكان مابي اي كائن حي
ـ امشي وديني لأهلي
تجاهلتها وغحت الم هدومها كالت
ـ دا اكلك وديني لأهلي اني وياك مشاكلنه متخلص ومراح نرتاح بحياتنه
ـ انتِ بس سمعي كلامي وحياتنه هيه تتعدل
ـ اذيتني هواي دَيهم باوع لـ عيني مزوركها تقربت يمها وكتلها
ـ تخونيني وتردين اكون حنون وياج لا وما حزرتي .
ـ ما اريد اروح وياك انت ناوي تاخذني بعيد عن اهلنه حتى تسوي بيه بكيفك
ـ يول نسيتي انا منو؟
ـ ومنو بالله
ـ زوجج واسوي بيج الاريدو
ـ بس بالاسم زوجي
ـ شنو ولچ عيدي شگلتي؟
ـ بس بالاسمم زوجيي ماتلمس شعره مني
ـ تتحديني ؟
ـ شوفها شلون متريد ما الي نفس بيك حتى وجهك صرت ما اطيقه ولو تضربني وتخلي دمي يصب واوصل للموت تبقى زوجي بس بالاسم ماتعنيليي .
مسكتها من زندها وكتلها
ـ ولج شهل صلافه فوگ شينج گوات عينج!!
ـ وخررر ايدك لا تلمسني
ـ هم انتِ الغلطانه وهم لسانج طويل ماتجوزين انتِ!!
ـ هد ايدي وجعتني عمى اليعميك ان شاء الله
ـ ياقوت ـ
دفعني بكل ماعنده قوة وكعت بالكاع رجع رفعني من شعري وشمرني ع الجرباية
ياقوت : شبيك دَيهم شجراك
اجاني مثل الوحش وهجم عليّ يريد ينام وياي غصب دموعي عشرة عشرة دفن راسه بركبتي يبوسها ويعضها بدون رحمة
ياقوت : وخررر دَيهم لااااا لتقرب ما اطيقك الله يخليك عوفنيييي والله مو اجباري نفسي متريدك
ديهم : اشش لا تبچين
قيد ايديه حتى ما امنعه ونام فوكي يلتهم بشفايفي واني دموعي تصب ابجي بصوت عالي مسكني من فك حلكي وهمس
ديهم : كلت لا تبچين
رجع ياكل بشفايفي وصوت انفاسه تتلاهث نزعني العباية والشال وشگ دشداشتي واني لابستها اني بس اتهمهم من البچي ماكدر انطق بشي احاول امنعه اضرب بأكتافه وبصدره وارافس دموعي بعيني
ياقوت : الله يخليك دَيهم عوفنيييي هذا يعتبر اغتصاب لأن اجباري عنـ …
ضربني على حلگي وكال
ديهم : اشش حسچ ما اسمعو
شاغت روحي ضربني حيل
ياقوت : دَيهم
ديهم : اوفف يا محلا اسمي بلسانج
رجع انهار عليّ بقسوته ومُصمم ينام وياي غصب واني ابچي واضرب بصدره علمود يعوفني
ياقوت : عوفني فدوه
ديهم : اششش ناررري ماتطفى الا بهاي الطريقة
ياقوت : عوفني شنو **** جوه ايدك
ضربني راشدي وكال بصياح
ديهم باابا انتِ الي رضيتي او مارضيتي
صرت ابچي بزياده واحس مابقى بيه حيل وماكدرت اقاومه قرب شفايفه يم اذني وهمس بخبث
ـ رجعتي لحضني جُماره
شگگ ملابسي كلها واني مخترعه منه ع الي جاي يسوي ما مستعوبه هيج تحول فجأة استجمعت قواي وتفلت بوجهه مسح وجهه وكال
ـ ها تفلتي عليّ! بسيطة
مسك راسي بعصبيه وصار ياكل بشفايفي گطعهن تگطع واني بس اتهمهم احاول احجي وياه حتى يعوفني
ـ فدوه لا تسوي بيه شي دَيهم فففدوه عليك بروح ابووك عووفنيي
استنجدت ومافاد كلامي وياه و صرت استنجد برب العالمين وهوه صافن عليّ
ياقوت : ربّي إنّي مسني الضر وأنت أرحم الراحمين.
ربّي إنّي مسني الضر وأنت أرحم الراحمين.
ديهم : استشرفتي عليّ ياقوتَ!! اليوم اراويچ الشرف على اصولو اعلمچ الاريدو اخذو لو بالغصب هم اليوم اخلي صياحج يوصل سابع جار
يحجي وياي وطبگ ايدي ربطهن بالشال راح يجيب كيبل الشاحنه ركضت للباب اريد اطلع رجع جرني ورجعني ع الجربايه ربط رجليه بكيبل الشاحنه وصار يسوي بيه اليريده بدون حتى ما يرحمني واني ابجي بچي واصييح
ـ عليمن تبجين هاااااا عليمن ياقوتَ كليلي ليش تبچين لأن اتگربت لج غصب والله ما اصم حلگج اريد اسمع عياطچ وصرخاتچ واستلذ واستمتع بعقابي الج اررريد يشفى غليلي .
بس ابچي ماكدر اجاوبه من كمية الوجع الي بجسمي .
ـ من يوم خنتيني واناااا مو ناااايم والله ما مااانايم
ـ حح حرام عليك والله
ـ لج ياقوتَ خبلتيني والله وعذبتيني ومخبل بسوالفج من زمااان ولج خليتيني اشك بنفسي من غيرتي عليچ ياقووت انا احبچ احبج ياقوتَ والله مجنوون بيج ومهووس بشي اسموو ياقوتَ مهووس بكلشي بيج بس ما اكدر اسامحج والله ما اكدر
اكل جسمي اكل بشفايفه وفرغ كل شهوته بيه وقبل ليعوفني عيوني بدت تطفى وفقدت الوعي واني اون .
فتحت عيوني ببطئ شفت وجهه يباوعلي بس مغوش استوعبت هو يمي غمضت عيوني بهدوء ورجعت فتحتهن على وسعهن لكيته فاتح رجليه وايديه
ـ وخر عني فدوه
اخذ ايدي بأيده وگال
ـ حلقتي وينها شو ماكو بأصبعج
ـ بب بالجرارة بس….
ـ اششش لا تقاطعيني
راح جاب الحلقه واجه مسك اصبعي ولبسني الحلقه بكل قوته
ـ مم ما…
ـ اشش
احس الحلقة حاصره اصبعي وحازته حسيت بنفسي عطشانه گتله
ـ اريد ماي
ضرب راسه وكال
ـ اششش لا تسمعيني صوتججج انقرف منوو ومنچ
راح يحضر بجنطته
طلع ملابس من الكنتور شمرهن بوجهي وكال
ديهم : كافي بچي كومي اسبحي
ضليت ساكته اخذني للحمام واني اصيح
ياقوت : وخر عني حيووااان سافل
فتح الدُش وگفنه اثنينه جواه اني ابچي وارجف سحبني وخرني من جوه الدُش ولفني بالمنشفة الموجوده بالحمام شالني واخذني للصوبه لبسني ملابسي وغطاني باللحاف يدفيني راح يدور بملابسي جاب جواريبي لبسهن الي ولمس خدي بارد تأفأف وگام من يمي جابلي حبوب المنوم وماي وياهن دفعت ايده وكتله
ياقوت : ما اريد سم
ديهم : ماعندي احد مايريد
خلاها بحلكي غصب كال
ديهم : اشربي الماي
ـ ما
دموعي تارسة عيوني صرخ بيه بعصبيه وكال
ـ دا اكلج اشرربي
من الخرعة شربت الماي وشرگت بي
ـ اي عفية صيري حبابه
لف شعري بالمنشفة وراح كمت اغفي نمت واني منتچيه ع الجربايه كاعده كعود
فزيت على ايده يسحب المنشفة من شعري لفه وخلالي الكيتر
ـ جيبي ايدج
ـ ما عوفني
ـ جيبي ايدج اكلج
انطيته ايدي واني ارجف خايفه منه اخذني وطلعنه لا ملابس اخذنه ولا اي شي بس الهويات والمستمسكات وعقد زواجنه صعدني بالسيارة واني بس اعيط وابچي بعالي صوتي بيت عمه يباوعون علينه مصدومين دَيهم بسرعة صعد يمي وشغل السيارة ومشينه الطريق 4 ساعات واحنا نمشي
ـ ديهم ـ
طلعت بيها لأربيل باوعت الها نايمه وشكلها مثل الطفلة خدودها كبار وحمره وخشمها صغيرون ومحمر وشعرها يلعب بي الهوى ويلامس خدها سفطت السيارة ونزلت اشتريت الها من مطعم رجعت للسيارة وهي بعدها نايمه ابعدت خصلات شعرها عن خدودها ولامست خدها بأطراف اصابعي احاول اكعدها رايحة بسابع نومه مسحت على راسها حست وفتحت عيونها ببطئ وگالت
ـ وين ماخذني؟
ـ قربنه نوصل مو جوعانه؟ اكو سندويجات والعصير التحبيه بالشكولاته وگهوه مثلجه وبيتزا هم و زيتون وجبن و صمون و سمچ معلب وتوست بالجبن لو تردين انزل اجيبلج شي ثاني ؟
ـ كلشي ما اريد من ايدك القذرررة
ـ اللهم طولج ياروح
سكتت شويه وبطنها صارت تطلع اصوات من الجوع
ياقوت : اريد كنتاكي
ديهم : ادري تحبينوو واشتريتو الج
انداريت سحبت العلاكه وانطيتها الاكل صارت تاكل بخبال جوعانه
ـ طيب ؟
همم
ـ عوافي
سحبت كلينس تمسح شفايفها شمرتو من الجام واسمع بس صوت انفاسها تتلاهث
ع الاكل متت ضحك عليها بداخلي كتلها
ـ كلشي من ايدك القذرة ما اريد ومن شفتي الكنتاكي هجمتي عليه هجوم العمالقة
ضحكت بخفة فتحت شعرها لمت خصلاتو الزاعجتها ورجعت خلت القراصه حتى تاكل براحتها
اريد ببسي
ـ اشتريتلج
طلعتو من العلاكه فتحت الها القوطيه وصارت تشرب نوب انا صافن بيها مدري شجرالي ولك دَيهم انتَ على اساس كرهتها شلون هيج؟
ـ ماغاح تنطيني من الكنتاكي!
ـ بس شويه
وكلتني بأيدها كملت اكل ومشينه نكمل طريقنه لأربيل صار الليل وهيّ غافيه ع الكشن
والهوى يلعب بشعرها وجعني گلبي من شفت الهوى يحارشها صعدت الجامه متعمد ما اريد حتى الهوى يلمسها هيه تخصني وحدي فزت مرعوبه
ـ شبيج اكو شي؟
ـ ليش صعدت الجامه
ـ الهوى يلفح بوجهج
ـ نزله اريد اشم هوى احس مختنگه
فتحت الجامه وهيّ دارت وجها عني تباوع للطريق وبالها شارد مدري وين
شغلت اغنية محمد عبدالجبار اثبتلي ما تتخلى عني
اباوع لأيدها قريبة مني مسكتها وفزت مخترعه
ياقوت : ما اكلچ ترا !
ياقوت : اشمر روحي من الجامة بس تلمسني
ديهم : افا هيج مكروهه انا
ياقوت : وين ماخذني والله حرام عليك مو كافي السويته بيه ما برد گلبك كافي تره انتقمت مني و زيادة خليني ارجع لأهلي واكمل حياتي هناك مانرهم بعد اني وياك مثل الماي من يتبده ما ينلم
ديهم : استغغر الله العظيم
ياقوت : رجعني الله يخليك والتريده يصير وكلشي انحله بالتفاهم
ديهم : ما اكدر ارجعج انا متعمد اشرد بيج واغيح لمكان مابي احد حتى ابطل غيرتي عليچ وما اذيج بعد اغااار عليچ حتى من نفسي افههميي
ياقوت : رررجعنييييي
فززتني العوبه دست بريگ شحطت السيارة بنص الشارع صفيت السيارة على جهة ومسكتها من شعرها قوي
ـ اراويج الله بعينج اذا ماسكتي وسديتي حلگج واستعدلتي وياي تعرفيني كلش زين من افقد عقلي والحيونه تصعد عندي اخليج تتمنين الموت
ـ وخررر ايدك سافل ملخت شعري بأيدك ودمرته
بستها براسها استفزها و دفعتها ع الكشن وكملت طريقي ضلت بس تبجي ماسكتت
ـ كااااافي تبچين لا انعل ساسج
كتمت بجيتها وضلت تشاهگ
شواي وباوعت الها غافية ودموعها على خدها باقيه مسحتهن بأيدي وضليت اسب بنفسي ليش هيج سويت بيها ورعبتها وصلنه للمكان منطقة ريفية بأربيل لگيت صاحبي ينتظرني گتلو
ـ المشتمل جاهز؟
ـ اي جاهز ومأثث كامل الاقامة ببلاش بس بالمقابل تحرس المزارع والبساتين
ـ مشكور الحبيب
ـ محتاج شي امانه؟
ـ سلامتك ابو الجود
غاح وانا غحت فتحت جنطة السيارة نزلت غراضي الجبتهن ضروريات احتاجهن و هيّ حَست على صوت حركتي ونزلت من السيارة دخلنه للمشتمل يخبل مأثث كامل والاضويه مالتوو شي ولا اروع حتى تدفئة وصوبه موجود بي
ياقوت ; وين احنا؟
ديهم : أربيل
دمعت عيونها وگالت
ياقوت : رجعني لـ سامره يم اهلي اريد اهلي
ديهم : لا دوخيني
ياقوت : رجعنيييي
ديهم : ما مليتي رجعني ورجعني بابا ما ارجعج انسيهم لأهلج
زعلت وبرطمت يربي تصرفات طفلة حتى الحركات نزعت ملابسي كدامها غطت عيونها وكالت
ياقوت : شكد متستحي شكو تنزع كدامي
ديهم : غير مرتي قابل نازع بالشارع
عافتني ادردم رايحة للغرفه لبست بس البرموده شويه ولحكتها لكيتها غافية يا بويه شبساع تنام هاي سحبت اللحاف من فوكاها بهدوء و نزعتها ملابسها براحة وفتحت شعرها وطفيت الضوه ودخلت وياها باللحاف حضنتها ونمنه سوا اووفف وحضنها شكد دافي يذوبني
عصرت عيوني بأنزعاج من صوت التلفون يرن فتحت عيوني باوعت لـ ملاكي خاتل بحضني بست راسها وشميت عطرها اوف مهما تسوي بيه واقسى عليها ارجع اضعف واصير ارعن كدامها كمت من الفراش بهدوء ماريدها تكعد نومتها تخبل اخذت كلبي جاوبت عالتلفون
ديهم : ها سلوم
سالم : وين انتَ؟ عمامي يكولون البارحة ماخذ ياقوتَ وطالع وين غحتو؟
ديهم : مالك شغل بيه
سالم : امي اتخبلت ضل بالها عليكم
ديهم : سلملي عل والده وكللها انا وياقوتَ بخير سالم : تكول لا يتهور ويأذيها ويخوفها منو تكول والله لأملخ راسوو اذا صار عليها شي
ديهم : يبا خلها تعتبرني ماخذها شهر عسل اسمع صوت امي وهيه تكول
ـ اي خوش شهر عسل لا والله شهر بصل هذا انا اعرف سوالفك دَيهم تره امك انا حافظتك عدل
ـ ها يمه شلونج
ـ اخذتها تريد تعيشها بعيد عن الاوادم غاح تتوحش البنيه ح يصير بيها توحد بسبب غيرتك وخبالك لا والله هذا استهتار مو غيرة
ـ يمه شلون صحتج
ـ متصير زينه صحتي الا تجر عدل وتعامل مرتك معامله حَسنه والله اذا صار ع البنت شي اتجنن عليك دَيهم
ـ حاضر يمه بوسط عيني اضمها تأمرين امر كملت الاتصال وسديتو باوعتلها نايمه وتحاول تبعد شعرها عن وجها مضوجها ابعدت خصلاتها عن وجها وكعدت اتأملها
صوت انفاسها دافي وناعم خليت اصبعي يم خشمها اتهجس انفاسها يدغدغن بأصبعي گزگزت عليها بستها بشفتها سبحت ولبست ملابسي ونزلت للسوك جبت ريوك واجيت وهيّ بعدهي نايمه سويت ريوگ وكالعادة سويتلها بيض العيون التحبوو وياه خضورات و كلاص عصير برتقال وسويت اليه حنية بالدهن وكلاص چاي وزيتون اسود هيه تحب الزيتون وجبن شيدر هم تحبو اخذت الصينيه يمها لكيتها بعدهي نايمه
خليت الصينيه ع الطاولة وكعدت يمها العب بخصلات شعرها بستها بشامة رگبتها حست عليّ تحركت بأنزعاج فتحت عيونها ببطئ ورجعت غمضت رجعت فتحت عيونه على وسعهن وكالت
ـ شتسوي يمي وخررر لا تلمسني شكوو تراقبني حتى واني نايمه ماخلصت منكك
ـ انتظرچ تكعدين حتى نتريك البارحة ما اكلتي شي
ـ سم بگلبك ما اريد ولك كلشي ما اريد منك ما تفهم انتَ
ـ كومي نتريك
ـ ما اريد سم زقنبوت مادام ايدك مسويته
ـ كومي اكلي
عاندتني وضلت ساكته
ـ تكومين لو شلون؟
ما انطت اي ردة فعل تتعمد تتجاهلني تقربت منها كلش صرنا عين بعين وهيّ ترجف خايفه لا اذيها مسكتها من ايدها وجريتها بكل قوتي من الجربايه
ديهم : من اكلج هذا الشي تسوينوو يعني تسوينووو لا اكسررر راااسج والخلقچ
كعدت يم الصينيه ودمعتها نزلت
ديهم : حسابي وياج ماخلص حيوااانه لا تضنين نسيت السويتي بيه
صارت تشاهگ كتلها
ـ اكلي وانتِ ساكته
صمت حلگها بأيدها تكتم الشهگه
ـ ما اسمع حسچ
كعدت اكل وياها هيه بس صافنه ماتاكل
حسيت على نفسي شكد انا قاسي وياها سويت الها لگمه بايدي وكلتها صارت تاكل من ايدي والدمعه بخدها اوف اوفف يعني شلون اضل انا وياها طول العمر متكافشين من الروس والله تعبت اكلت الما شبعت كتلها
ـ حبيبي اشربي العصير
ـ ما اريد
ـ لخاطري
ـ ما افتهمتك مره تضربني ومره تگلي حبيبي وما حبيبي اني مو حبيبتك ولا مرتك
ـ اي مثل متكولين بس اشربي العصير
ـ دام انت سويته والله ما اضوكه
عيفتها وكمت ادور على هتفوني بالجنطه لمحتها اخذت العصير تشربوو بدون توقف دمرت نفسها والله تعاند هل مفجوعه
ديهم : ملاكي
ياقوت : ها
ديهم : تطلعين وياي
ياقوت : لا
ديهم : اخذج تشترين كلشي تحبي ونتغده برا ونجيب عشه ويانه نتعشه هنانه سوه
ياقوت : شكد تلح كتلك ما اروح لا تخليني اكرهك بزايد بسبب ملحتك هاي
ديهم : صوجي انا الگويت عينچ يول انا لو مو گواد جان گصيت لسانج من زمااان بس سهله اخذت السويج وانا طالع
ـ انا جاي اجمع بسوالفج الطايح حضها ناوي احاسبج عليها كلها ادبسز
تسوگت وجبت كلشي نحتاجو فتحت الباب وشميت ريحة عطر طيب الله هاي شمسويه مرتبه البيت ومنضفتو وراشه معطر ومرتبه الملابس وكاعدة بالصاله تشاهد التفزيون
ـ شلونها وليدي
ما جاوبت طيزتني اخذت الاكل للمطبخ
و رجعت يمها
ديهم : شنو اشتريت لـ اميرتي اليوم؟ احزري شنو اشتريت
باوعتلي وگلبت عيونها بضوجه طلعت فستان من العلاگه وكتلها
ديهم : ها جُمارتي عجبج
وخرته وكالت
ياقوت : ماطلبت منك تجيبلي شي مشكور كثر الله خيرك والله يريحني من شرك
ـ علكيفج اكلتيني بگشوري شسويت انا
ـ كلشي ما اريد منك ومعليك بيه خوش
كعدت يمها اتفرج وياها بالتلفزيون شواي وحسيت راسها صار على كتفي باوعتلها غافيه شلتها ببطئ واخذتها للغرفة نومتها بالفراش نزعت ملابسي دخلت وياها بالفراش اتغطينه وحضنتها عود اريد انام ماكدرت عطرها شگ خشمي وانا من اشمها اذوب مدري شيصير بحالي ضليت اشم بيها وابوس بعيونها براحة كل ماتتحرك اعيفها ومن تغطس بنومها ارجع ابوسها ماخليت جزء بيها ما بستوو
غفيت وانا اطبع بوساتي بشفتها
فزيت الصبح من حسيت بيها مو يمي باوعت صدك ماكو وينهااا بسـلا شردت اتخبلت عيوني صارت براسي غحت اركض عبالك خبل للصالة سمعت صوت خرخشة جايه من المطبخ غحت للمطبخ امشي ببطئ باوعت وشفتها جاي ادور على مفتاح البيت
ديهم : شتسوين
فزت مخترعة وكالت
ياقوت : دا اريد اكل المفتاح بالجبنه
خلت ايدها على حلگها تضم جفصتها حصرتني الضحكة بس ما اريد اضحك بوجهه خليها خايفة مني احسن
ديهم : كومي نامي
ياقوت : مو جايني نوم
ديهم : انطيج تلفوني تلعبين قطارات
تاكل بشفايفها كالت
ياقوت : هااا
ديهم : ماتلعبين حبيبي انتِ تحبين هاي اللعبة ياقوت : بلي اريد
مديت الها ايدي خلت ايدها بأيدي رفعتها من الكاع توا تريد ادنگ تشيل الهوسه المسويتها كتلها
ـ عيفي كلشي بابا انا ارتبهن
ـ لا مو …
ـ خلاص حبيبي كتلج انا ارتبهن امشي بويه اخذتها لفراشها ما انطيتها التلفون اريدها هيه تطلبو مني تباوعلي والخوف بعيونها وتاكل بشفايفها ركزت بشفايفها زرگ وارمات اذكرت السويتو بيها اختنگت من افعالي القذرة الدمعة صارت بطرف عيني درت وجهي عنها مسحت دمعتي طلعت جكارتي ورثتها وهيه مستمره تاكل بشفايفها طلعن دم شويه
ديهم : لا حبيبي لا تاكلين بشفايفج جرحتيهن كافي
ياقوت : والله طلع دم؟؟
خلت ايدها على شفايفها ورجعت باوعت لأيدها شافت الدم وگالت
ياقوت : كل الصار والديصير بيه بسببك كرهت حتى حياتي من وراك
ديهم : يا صباح الله خير الناس تصبح بكلام حلو وانا اصبح بغثاتج
ياقوت : اكررررهك
ـ سهلة غاح اوكلج خوش ريوگ من الصبح
جبت الحزام ما اريد اذيها بس اخوفها شافت الحزام بأيدي كالت بتوسل وعيونها غركت بدمعها
ـ عليك الله عوفني والله جسمي يأذيني ارحمني شفت عيونها وضعفت انا جبان كدام عيونها
ما اتجرأ حتى المس شعره منها شمرت الحزام وطلعت كتلها
ـ كومي سويلنه ريوگ
ـ اسويلك سم
ـ سويلي حنية بالدهن من ايدچ الحنينه وبيض عيون حلو مثل عيونچ وكوب چاي طيب مثل سوالفچ .
كعدت اتفرج تلفزيون
شو هاي لا سوت ريوك ولا شفتها ماكو مختفيه دخلت الغرفة اشوفها لكيتها ماسكه تلفوني بس شافتني اخترعت وگع التلفون من ايدها اتقدمت عليها وهيه ترجع ليوره وايديها ترجف
ـ شتسوين ولج؟
شلت التلفون من الكاع لگيتها دازه مسج لأبوها وكاتبه
ـ بابا تعال اخذني اني بأربيل دَيهم ديضربني يوميه راح اموت بابا الحگلي والله تعبت.
عيوني صارن بنص راسي اتخبلت عليها اتقربت يمها وكتلها
ـ تشتكيني يم ابووج!
ـ حيوااان الله لا يوفقك لو بس تموت واخلص منك اني ارتاح
ضلت تسب وتغلط وانا كوه ماسك اعصابي وفقدتهن من كالت
ـ والله لأطلگ منك لو عمري يوم واحد واروح ازوج غيرك واعيش حياتي اني شورطني ويه المريضين الزلم الطيبه تارسه الديره اجيب تاج راسك
التفتت عليها ومن شافت نضراتي انخلست مني اخذتها من ايدها وشمرتها ع الجربايه وهيه تعيط وتغلط ماسكتت ربطتها وقيدت حركتها ونمت وياها غصب عنها وهيه منهارة بالبجي
ـ ليش دمرتيني انا شسويتلج ياقوتَ هذا تالي حبي الچ هيج تجازيني يماي عيني تجيبين طاري غيري على لسانج وانا موجود لا والله اكطعو الج
واني ماخذ شفايفها بشفايفي عضيت لسانها بقووة وجعتها وصاحت من الالم كتمت حلكها بكف ايدي وعيني صارت بعينها كتلها
ـ ليش يا كسرتي ؟
هيج تجازين تعبي و رباتي تالي ما تالي تخونيني ويه صاحبي وتحرگين دمي اخخخ يا ياقوتَ لو تشوفين گلبي صاير عطااب من سوايتج احمدي ربج انا لهسه ما خلصت عليج
كملت واخذت الاريدو منها توا اريد اعيفها شو هاي ماعت بين ايديه فقدت الوعي فزيت مخترع وحسيت على نفسي خفت عليها جبت ماي ورشيت عليها شهگت وصارت تگح عيفتها وطبيت للحمام سبحت وطلعت برا اسمعها تبچي وانا طالع وكفت برا اشم هوى واسأل نفسي ليش هيج فجأة ياقوتَ صارت ماتطيقني رغم حبي الكبير الها وماقصرت وياها بشي واذكرت كلامها من تكلي اعيفك ازوج غيرك عصرت ايدي بقوة واحس گلبي وجعني صرت اضرب على صدري والجكارة بأيدي احاول اخفف من وجعي اجه بالي سؤال
ياقوتَ ليش لهسه ما حبلت ؟ اذا حبلت بعد متكدر تعيفني مجبوره تبقى يمي من يصير عدنه طفل مستحيل تتخلى عني اي دَيهم هاي الطريقة الوحيده وماكو غيرها بس هيه تخلصني من وسواسي وخوفي لا اخسرها
رجعت يمها للغرفة والمكان هدوء بس صوت شهگاتها تنسمع كعدت يمها بالكاع ورثت جكارتي وهيّ خايفة مني ترجف عبالها راجع اذيها وانام وياها غصب فكيت ايدها ورجليها وكعدت قريب منها يعني شلون بيه بغيرتي بخبالي بهوسي بيها كلهن ذني صارن بيه من عرفتها اغار عليها حتى من الهوى انا لو بيدي احرمها الكلام اخاف شفايفها تنهده بأسم غيري تنهدت بحسرة وگتلها
ديهم : اسف بويه والله اسف
ياقوت : اطلع برا دَيهم
ديهم : لا تبطلين ابداً تكولين اسمي شحلاتو بلسانج
ياقوت : عوفني وروح اتزوج وعيش حياتك اكو غيري بنات هواي واحلى بعد
ديهم : انا گايلج قبل حبچ يشبه الموت صعب ينعاد مرتين
ـ موت الياخذك
ـ ماحبيت احد بهاي الطريقة ولا احب بحياتي كلها الگلب يمچ وقفل بيبانو ولا يمكن اتجرأ افكر ولو تفكير بغيرج تصدكين حتى البنات اشوفهن زلم يمج هلگد ما حلوه بعيني
…….
تقرب مني يمسح على راسي بحنية ولا كأنو هو نفسه الجان يسوي وياي غصب مثل الوحش جاب مشط واجه كعد يمشط بشعري كمل ودفن راسه بركبتي من وره يبوسها ويهمس
ـ احبج والله احبج لا تلوميني من اقسى عليج هاي قساوة عقلي المهووس بيج مو قساوتي انا ارعن گبال عيونچ
هو يحجي واني دموعي نشفن هلكد مابجيت تعبت
ـ اسف والله اسسففف اوف اووفف ليش گلبج ما يحبني جُماره شنو البدر مني يبعد امهاتي
شاربه لامس رگبتني وخرت رگبتي منه نفسي متريده ابتعد مني وصار يمسد بشعري ويرتب بي
فتح تلفونه شغل اغنية و صار يضفر بشعري ويدندن وي الاغنية
ديهم :
انا حنيت انا انذليت
ارجعلي اتوسل حبيبي بيك
انا مشتاگ يكفي فراگ
كلشي بيه يسألني حبيبي عليك
يضفر بشعري ويدندن
من غبت عني واني صدگني
مراية مكسورة
وجرح يعكس جرح
من ضعت مني
گلبي تعبني
مااا احس إني على قيد الفرح
كمل الضفيرة وضمني من وره دافن راسه بركبتي وكال
ديهم : تعال لحضني دفيني
وعوض عمري وسنيني
اموت من الحزن بعدك
اذا ما جييت
انا حنيت انا انذليت
ارجعلي اتوسل حبيبي بيك
ماحسيت بس بدموعه بللت رگبتي وصدري صار يشاهگ من البجي وهو ضامني بچيت وياه ومسحت دموعي بسرعة لا يشوفني ما اريده يفكر سامحته على عمايله السوده
دفعته بخفة و كمت من يمه اتمددت بالصالة ع القنفة غفيت ورحت بسابع نومه وهو بقى بالغرفه ما ادري عنه
………
فصخت الشريحة وكسرتها حتى لا يوصلون النه وياخذوها مني لأن هسه يدورون علينا انا اعرف اهلها بالحقارة والخباثة محد يلحكهم بس يريد يحرگون گلبي بيها نمت مقابيل القنفة النايمه عليها العوبة حتى لا يضل بالي عليها كل ما افز اشوفها كبالي بسرعة نمت من التعب حسيت الصبح والبيت هدوء باوعت للقنفة ماكو ماشفتها فزيت مخترع وطلعت اركض للصالة وصرت امشي ببطئ لا تحس من شفتها متحولة ونايمه ع القنفة الثانيه ركزت بصدرها وركبتها وشفايفها جسمها كلو احمر وعليها اثار مثل النيل داكنه ومناطق الدم طالع منها اذكرت ليلة امس شسويت بيها تنكسر ايدي كون على هل دگه ضليت صافن بيها واسب بنفسي يااا بويه الله لا يضوكني العافيه على السويتو انا ولكك ادري شنو مجرم خوما مجرم هاي تحبها وهيج سويت بيها استغغر الله العظيم صرت يمها اريد المس شعرها وفزت مخترعة حتى قبل لا اطخها وسعت عيونها وكالت
ـ شتريد مني! عوفني بحالي
ـ ليش متحولة ع القنفة هاي انتِ مو جنتي يم ذيج المقابيل باب الغرفة
ـ ما اريد اشوف وجهك اني من انام حتى ارتاح منك مو انوب بنومي ومگابلني فك ياخة عني يا اخي
ـ انا مو اخوج
ـ وشنو فرقك عنه؟ هم جان يضربني ويأذيني ما انطاني حتى الحق ادافع عن نفسي وانتَ مثله
ـ انا اهلچ
ـ هههههههه اي والله اثنينكم نفس الصنف تبرزون عضلاتكم ع النسوان
عصرت ايدي ع القنفة احاول امسك نفسي وما اذيها
ـ دروح رووح دخيل الله شكد اكررهك
سحبتها من شعرها وكفتها كدامي
ـ تذكرين اخر مره شلون عضيت لسانج؟
ـ تنكسر ايدك الحقيررر شعري كله شلعته
ـ صح ما گطعتو الج بالمره المضت بس بالمره الجايه تلكيني ماكلوو بأسناني
ضلت تسب وتغلط وتحجي عليّ عيفتها وطلعت لأن من ابقى ماعرف شنو اسوي بيها سمعتها تكول
ـ والله لأكص شعري هو انتَ شبقيت بي حاطه وتهلس بي تشلع بأيدك كله
رجعت الها وكتلها
ـ لو انتِ گدها سباعيه وبنت ابوج طخي شعرچ وشوفي شنو اعمل بحالج
عيفتها وطلعت
ياقوت : وهذا الله الفوكاااي الا اكصةةةة
وحق محمد لأگصةةةة عنااااد بيك ديلااااا .
بعد مده رجعت لكيتها نايمه و جسمها مزورگ اكثر والاثار وارمه اتسحبت من يمها ببطئ غحت للحمام سبحت وطلعت شربت گهوه وغحت اشوفها وگفت من بعيد اباوع الها نايمه ع القنفة اخاف اتقرب الها اخاف المسها اخاف احط ايدي عليها وارجع اذيها صرت اخاف عليها من عصبيتي ومن خبالاتي بس كدامها اصير ارعن ومو راكز بنضرة منها تمحي كل حقد كلبي عليها ضليت اباوع الها من بعيد وهيه نايمه وادعي على نفسي ايدي الكسر شمسوي بيها شمصخم انا فجأة اتحركت وكالت
ـ اه
ـ ها يحيلي شبيج!
ـ ااه
اتقرب منها خليت ايدي على خدها نار وشابه بخدها يچوي وعيونها تفتحهن بصعوبه لكك ياالله هاي مريضه شسويت بيها انا ركضت للحمام فتحت ماي بارد بالبانيو وخليت ثلج وياه رجعت الها نزعتها ملابسها وهيه بس تون شلتها وكعدتها بالبانيو شهگت من برودة الماي صارت ترجف
ـ بب بردانههه
غحت ادور منشفة هسه المنشفه وين هو انا اثول ما اندل كلشي لكيتها طلعتها من البانيو لفيتها بالمنشفة واخذتها للفراش غطيتها باللحاف دورت السشوار نشفت شعرها ولفيتو وغطيتها زين ادور بالملابس لگيت تشيرت مالتي شگيتو وسويت الها كمادات فتحت عيوني براحة ورجعت غمضت وهيه بس تون من الحرارة نوب الكمادات مافادت ركضت اخذت سويج السيارة و البيت غحت جبت الها علاج وشوربه بالخضار علمود تدفى رجعت للبيت سويت الها الشوربه وكعدتها بحضني وصرت اوكلها شوربه دافية انطيتها علاج وشربتها ماي وغطيتها زين وخليت الصوبه قريبة منها لمست رجليها قطعة ثلج دورت جواربيها ماكو مسكتهن بأيدي ودفيتهن
ع الصوبه رجليها ابد ما تدفى مخبلتني هاي العوبه ضليت كاعد يمها خاف تحتاجني رن تلفوني اخوي سالم يتصل جاوبتو
ـ وينك دَيهم اهل ياقوتَ اجونه يريدون بنتهم
ـ شيسوون بيها
ـ شنو شيسوون بيها غير بنتهم ابوها يكول وحق الله اذا ما رجعها لا يلوم الا حالو
ـ اوكِ
ـ دَيههممم لا تجنني ابوها لـ ياقوتَ واصلتوو رسالة منهااا تريدوو يجي ياخذهااا البنيه ماتريدك مو كووه
ـ اشش لا تضل تمسلت البنيه مرتي ولو يموتون ما ارجعها
ـ لا ياخوووي جاي تكرها بيك اكثر مو هيج الحب هذا هوس ومرض
ـ اي انا مهووس ومريض انتم شلكم غررض رجال ومرتو ننجاز
ـ والله ابوها يكول اذا ما يردها…
ـ اكل خرا انتَ وياه يلاااا بعد لا تتصل اذا تغثني بهيج سوالف طايح حضها يُبا شيريد يسوي خله يسوي انا ماااا خايف مرتي وما انطيها
سديت الخط بوجهو
رجعت مسكت ايدها اتأملها شكد صغيرونه واصابعها ناعمات بستها وبقيت ماسكها وغفيت وانا كاعد بعد
………
كعدت لكيته نايم وهو كاعد كعدته وكتله ياقوت : دَيهم … طرزان هيي جنتل مان
فز وكال
ديهم : ها حبيبي ها ابوي انتِ محتاجه شي يوجعج شي
ياقوت : لا بس ليش نايم هيج؟
ديهم : ما ادري غفيت وانا اتأملج يوجعج شي حبيبي ؟
ياقوت : جسمي يأذيني وبطني تمغصني
ـ اسم الله عليج يحيلي بيه ولا بيج
صفنت بي هذا شو بسرعة يتبدل نوب حنون ونوب مچلوب
جوعانه بنياتي؟ ناكل سوه
ـ ما اريد منك شي مو جوعانه
ـ لا حبيبي حتـلو بس خاشوگه وحده علمود العلاج ميصير تاخذي وانتِ جوعانه حتى تصيرين زينه ولسانج يطول اكثر ويصير بيچ حيل تعاركين
بس اخوزر بي ما جاوبته راح جاب الشوربه واجه
ـ اهوو هم شوربه
ـ حتى تصيرين زينه العوبه انتِ مريضه ميصير تاكلين شي غير الشوربه اكلي يلا ابوي انتِ باوعتله هسه مال اشمره من الشباك واخلص منه
صار يوكلني وانطاني ماي شربت ههوااي شربت لان حيل عطشانه جاب كلاص وخله بي ابرة خافظ حرارة وكال
ـ اشربيها حبيبي يلا
شربتها كال
ـ ارجعي نامي حبيبي
ـ مممليت من النوم ما اريد طلعني افتر
ـ حبيبي ما اكدر اطلعج هسه انتِ مريضه من تصيرين زينه بعيني اخذج وين متردين
ـ طلعنيييي
ـ نكعد نتفرج تلفزيون واشغلج التحبي شنو رائيج
ـ مااا ارريد
ـ اشغل لج ماشا والدب ، فيلم الاجنبي المفضل عندج ، لو تردين شي كوميدي
شو هذا قنعني كتله
ـ هاا
اباوع له يضحك ربط التلفون مالته عل تلفزيون وفتح تطبيق شبكتي شغل فيلم اجنبي كوميدي ويضحك كال
ـ غاح ابقى هنا خاف تحتاجين شي
ـ هئ ما احتاجك
ـ تشربين شي؟
مطيزته اني كال
ـ ح اسويلج عصير بالموز والبرتقال انتِ تحبي هم طيزته كال
ـ اخليلج فوكاه حليب؟ لو شنو تحبين
ـ اي اريد
راح للمطبخ سوالي العصير واجه صرت اشرب وهو واكف فوك راسي مثل الحارس الشخصي دوخني دكعد
ـ طرزان ـ
حسيت بنفسي جوعان وهاي العوبه هم ما اكلت وقفت الفيلم وحجزت اكل من المطعم ربع ساعة واتصل ابو الدلفري كالت بنتره
ـ ليش كل شويه توگف الفيلم
ـ اسف يبعد حيلي اخر مره ماتنعاد وهسه اسوي طيران حتى محد يزعجج
جبت الاكل ورجعت يمها
ـ يلا اكلي
كالت بعصبيه
ـ ما اريد
دفعت الاكل
ـ ياربي صبرني شنو اسويلج بعد حتى تبطلين تنترين بوجهي
ـ كتلك ما اريد خليني اموت من الجوع احسن
ـ هاهيه يحيلي براحتج بس لا تعصبين
كعدت يمها اكل وهيه مندمجه بالفيلم تضحك بعالي صوتها شواي واخذت لكمه وكلتها اكلتها وهيه تضحك ماتدري بنفسها زين اكلت ام راس اليابس ضلت تاكل من ايدي وهيه تتفرج لما شبعت
ـ خلصي عصيرج
ـ ما اريد شبعت
كعدت يمها اتفرج وياها باوعت الها كامت عيونها تطفى وترجع تفتحهن نعست
ديهم : تنامين حبيبي؟
ياقوت : اي نعست
غحت طفيت الضوه وجبت الها غطه غطيتها ونامت على رجليه ضليت امسد بشعرها والعب بخصلاتو دقايق ونامت تشبه الملاك وهيه نايمه گزگزت اوفف شلون اكض نفسي ما ابوسها ولا اعضها خليت المخده جوه راسها وغحت عدلت فراش الجربايه واجيت شلتها وخليتها بفراشها طلعت برا اشم هوى شويه خابرني بلال يريدوني ارجعها اهلها يريدوها خصمتها وياهم وكتلهم ما ارجعها ينسوها احسن رجعت لكيتها نايمه ورثت جكارة وضليت يمها رايحه بسابع نومه كعدت يمها العب بشعرها وماحسيت على نفسي الا وانا نايم
فزيت الفجر جسمي متشنج من النوم الغلط وهي بعدهي نايمه دخلت وياها بالفراش حضنتها ختلت بحضني شكد بريئة من تنام ماتعاند ضحكت عليها ونمت تأخرنه الصبح بالكعده انا كعدت ساعه 12 وهي نايمه
غحت سبحت ولبست هدومي وطلعت كعدت يمها اتحرش بيها احاول اكعدها عصرت خشمها بخفة وبستها بخدها تحركت بالفراش فتحت عيونها بصعوبة
ديهم : صباحك عسل مثلك يحيلي
ـ وين اني
ديهم : بگلب دَيهم يلا كومي اسبحي حتى يغيح منج المرض ولسانج يطول علينه
صاحت بيه فززتني
ـ حيواااان شعليييك بيه!!
ديهم : وسم شجاج انگرصتي
ـ شووووكت ترجعني لأهلي ما اررريد ابقى يمك ـ اهووو بدت رحمة الله
ـ ررررجعني لأهلي ما اتحمل اشوفك كدامي راح اموت متحس بيه
ـ من تصيرين زينه ارجعج
ـ اطلع برا جذاااب تقشمرني وتقنع بيه عبالك ما اعرف سوالفك انتَ مو ناوي ترجعني تريد تموتني على ايديك
ـ تعرفين احبچ وما اكدر ارجعج لا تلحين بأسئلتج المالها داعي هاي
صارت تدعي وتغلط عليّ وتضرب بيه
ديهم : انا طالع من ابقى هنا ح ارتكب بيج جريمه.
اخذت سويج السيارة وطلعت وطول الطريق ابجي واتذكر كلامها اليه وكرهها حتى بدون سبب وليش صارت ماتتقبل گربي منها ولا تخليني حتى المسها اصدقائي هواي بأربيل رحتلهم صعد وياي واحد منهم بالسيارة طلعنه نديح ما رجعنه لليل كتلو
ـ تيمور ماعندك شكم حبايه كبسله
ـ عندي بس انتَ تعالجت من زمان مو؟
انطيني بس هل مره ما تضر
انطاني واخذت وحده وضميت الباقي بجيبي مريت السوگ اخذت الها البلورة الثلجيه التحبها وگلاده هيه تحب الگلايد رجعت للبيت لكيتها سابحه ومبدله ولابسه القميص مالتي ومنضفه الغرفه
ديهم : ملاكي كاعد ومتنشط اليوم وسابح ومبدل
بس شافتني غطت رجليها لأن القميص يغطيها بحدود اردافها
ـ صحة وعافيه
ـ امك حافيه
غاحت للغرفة مسكتها من ايدها
ديهم : لحضة شوفي شنو جبتلج
دفعت ايدي وكالت
ـ وخررر ما اريد شي منك
لحكتها للغرفة
ديهم : ماتلوگ الا على رگبتج انتِ تحليها لبستها الها
جرتها گطعتها وشمرتها
طلعت الها البلوره وكتلها
ديهم : ادري بيها بـ…
ما كملت كلامي دفعت البلورة بكل قوتها وانكسرت واطشر مايها وكالت
ياقوت : انتَ شكد تلح جاي اكلك ما اريد شي منك
صرت عصبي وما حسيت الا و كافخها راشدي ودموعها على خدها
ديهم : اغيح انا ما ابقى يمج اذا بقيت ماعرف شنو اسوي
تخوصرت وكالت
ياقوت : شتسوي بالله ؟
ديهم : نزلي ايدچ لا اكسرها ما اريد اذيج
ضلت تحجي وتغلط وانا كوه متحمل بدلت ملابسي وطلعت وبنص الطلعه مفاتيح البيت بأيدي شفت ناقص مفتاح واحد منهن ماكو عيوني صارن براسي عرفتها هيه ماخذه واحد منهن رجعت للبيت طايرر الله ستر وما سويت حادث بس اريد اوصل البيت وصلت ولكيت باب البيت مفتوح نبشت البيت نبش ومالگيتها ردت اتخبل طلعت برا وكمت اصيح بأسمها اجاني صوتها من وره البيت تضحك وتكول
ياقوت : دَيهووم
ركضت مثل المخبل لگيتها صاعده على درج الملحق الخارجي وكلش عالي الدرج وهيه واكفه براسو من الاخير و رجليها على حافه الدرج حركه غلط منها توكع ويتفلش راسها هبطت ورجليه ماتن
ديهم : ياقوتَ بويه انتبهي
تضحك بهستيريه ومو طبيعيه وعيونها مايعات و حجيها تملص مدري شلونو
ياقون : ااا شسمهه ههههههه خذيت ال ال…. شسمهه
ـ المفتاح حبيبي المفتاح
ـ ااييي و فتحت الدرج
وكع الباب بمفتاح الحديقة ياربي هاي شبيها كتلها
ـ انزلي يا امي انزلي ونتفاهم
تحجي وعيونها تغمض وتفتح وما تسيطر على جسمها يتمايل
ـ لاااا اريد اموت ووو هذا وووو
ـ وتخلصين مني حبيبي ادري بس انتبهي لا توكعين يا بويه
ـ اا اكرهك وو اااه
رادت توكع كتلها
ـ لا بويه يااقوتَ انتبهي
توا اريد الحگها ورجعت مسكت الدرج وكالت ياقوت : هههههههه خاايف لا اوكع
يربي هاي تشبگ وتملص بسوالفها
ـ حبيبي ابوس ايدچ انزلي
ـ بس تتقدم خطوه وحده اشمر روحي
ـ لا لا خلاص اوكِ ما اتقدم لا وغلاتج بس انزلي لا توكعين يا بويه
گلبي صار بطني من الخوف
ـ انتَ شسويت بييهه
ـ مهما سويت احبچ يحيلي
تقدمت ببطئ وهيه تسولف صرت جواها وهيه تسولف وياي من فوك كالت
ـ جسمي يأذيني من من شسمهه … اووووه نسيت
ـ من ايدي يأذيج من ايدي لأن اذيتج
ـ ايييي هيه هاي خرب ايدك
ـ حبيبي
ـ وجعه اني مو حبيبك مدري شسمه
ـ اميرتي انتِ ملاكي انتِ دنيتي كلها انتِ عيفي العناد وانزلي بابا والله حيلي مات
ـ م م ما انزل هااا نسيت اكولك ههههههه
ـ شنو يا امي كولي اسمعج كولي
احجي وياها وعيني عل حافة شويه وتوكع ماسك گلبي
ـ لگيت شسمهه بالشسمه مالتك ووو … اكلته . استوعبت كلامها ماخذه من حبوب الكبسله انا شكد اثول شلون نسيتهن بالجيب
ـ. شنو اكلتي بابا حبيبي
ـ الله شكد طيييب خلصته كله عندك بعد منه سوده بوجهي على هل دكه ماخذتو كلوو فرطت ايدها من السلالم وعاطت كلبي وكع بالكاع رجعت مسكتهن وكالت
ـ هههههههههه
عرفتها تلعب على اعصابي
ـ ياقوتَ بويه ثبتي ايدج وغاح اصعد اخذج وننزل سوا تمام
تحجي ومغمضه عيونها كالت
ـ والله امشر يحي قبل لا شسمهه
عود قصدها اشمر روحي قبل لا توصلني كتلها
ـ لااا لا خلاص ما اقرب والله ما اقرب انتِ انزلي يلا بويه يلا يا امي لا توگفين گلبي
رفعت ايديها وعافت السلم وكالت
ياقوت : هلگد اكرهك…
ماكملت كلامها وكعت عايطه ركضت تلاحگتها وكعت بين ايديه مغمضه عيونها ومخترعه وكلبها يدگ مثل الطبول فتحت عيونها شافتني والخوف بعيونها مسكت قميصي بأيدها ضمت نفسها بحضني ترجف خايفه بلعت ريگي ناشف من الخرعه تنهدت وگتلها
ديهم : هديتي حيلي يابويه لا تسوين هيج بعد تتأذين يا امي
شلتها واخذتها للبيت خليتها بفراشها وهيّ مو راضية تترك قميصي ماسكتو بقوة
ياقوت : ابقى يمي اخاف وحدي
انطيتها ماي شربت كعدت يمها ختلت بحضني ونامت وحتى وهيّ نايمه ما تركت قميصي شادتو بقوة وكأنو تكول لا تتخلى عني فزت مخترعة كتلها
ـ انا يمچ يحيلي لا تخافين
ـ اريد ماي
ـ يبعد الماي هذا الماي
شربتها مو بوعيها كالت
ـ اريد اسبح اخذني للحمام
ـ جؤ خليج هيج تبقين خاتله بحضني احسن
ـ كووم دَيهوم
تحجي ومغمضه عيونها
ـ شحلاتج وانتِ خدرانه العب بيج بكيفي
ـ بس خليني اصحصح
ـ اي شتسوين
ـ اسكر راسك
ـ ههههههههه صدك والله
ـ يوووووهه قه قصدي ا.. اك.. اكس.. أكسـر راسك
فحطت ضحك عليها خلت اصبعها على شفايفها وعيونها مايعات وكالت
ـ اششش لا يجينه البُعبُع
ـ انتِ شايفه البُعبُع
ـ اي يشبهك يخووف وخشمه طويل وعنده شوراب طوال مثلك وحواجبه هيج صايرات تسوي حركه بحاجبها كتلها
ـ ههههههههه شلون صايرات شلون
ـ مثل حواجبك
ـ هههههه صدك والله
ـ وعنده عضلات مثلك ومتوحش بخخخخ طلعت اسنانها وهيه تسوي الحركات اختنكت من الضحك
ـ لا اليوم من صدك مرتي شخطت
مددتها وغطيتها كمت اريد اسويلها گهوه تخليها تصحصح مسكت ايدي وحجت هيه مغمضه
ياقوت : بُعبُع
ديهم : عيون بُعبُچ
ياقوت : ضل يمي
ديهم : يمچ جُماره انا يمچ وين ما غحت
ياقوت : دَيهوم البُعبُع والله لافشل اسنانك بس اكعد
ديهم : بس اصحي اخليج تفلشين اسناني وانا الممنون هم
بستها براسها وغحت للمطبخ اسويها كهوة وهيه تهلوس وتصيح عليّ وانا ميت ضحك بالمطبخ رجعت يمها وهيه مغمضه وتحجي
ياقوت : دَيهوم الكواد هيج تسوي بيه ولك
ديهم : شسويت حبيبي
ـ تنام وياي غصب ووو شسمهه جمسي يأذيني
ـ اسف حبيبي حتى ما يكدرون ياخذوج مني
ـ هممم اريد ابول
وديتها للصحيات ورجعتها لـ فراشها اريدها تشرب الكهوه متقبل رن تلفوني بلال يتصل وخرت الكهوة عنها خفت تبديها وتچوي نفسها اخذت التلفون وجاوبت بلال
ـ ها بلال
ـ مو ناوي ترجعها
ـ ولا افكر حتى
ـ ابوها يريدهاا لا تكفررني
ـ خوما انطيتو رقمي الجديد هذا؟
ـ لا بس جاي يدورون على اي شي يوصلهم الها ابوها جن جنانوو ويوميه يجي علينه هادود يسب ويغلط وتكاون هو وابوي وابوي مريض خايف يصير بي شي
ـ كلشي ما يصير لا تخاف
ـ ادا صار شي بأبوي اريدو منك محد غيرك غاح يموتوو
ـ فضني شنو التريدوو؟
ـ اخر انذار الك اذا ماترجع البنيه لأهلها وتطلگها مثل الخوش ادمي غاح انطي رقمك لأبوها وهو يتصرف وياك
ادعبل يلااا
سديت الخط و كسرت الشريحة هذا سالم ما اثق بي هو انطه الرقم لـ بلال احسن شي ما اتواصل ويا اي احد بيهم هو انا اخذتها و شردت من غيرتي عليها شلون يريدوني ارجع لا ونوب ياخذوها مني لا والله اموت وما انطيها
صفنت افكر ومحتار ياقوتَ ليش لهسه ما حبلت لو بس تحبل اكدر ارجع ومحد يگدر ياخذها بعد اصلاً حتى هيه تصير مجبوره تبقى ماتعيفني ضليت ادخن وافكر شلون احل هذا الموضوع اخر شي قررت اخذها لـ دكتوره رجعت يمها للغرفة لكيتها چافيه الگهوه ومدمره ملابسها والكاع بس شافتني صارت تاكل بشفايفها خافت لا ارزلها كتلها
ـ تعاي بابا
ـ ها
ـ تعاي ابدلج ملابسج
ـ والكاع دمرتها!
ـ فداج حبيبي ولا يهمج انا انضفها تعالي
اخذتها من ايدها تمشي السيراميك ابيض والكهوه برجليها تطبع بي اثار قدمها نوب رجليها صغنونات واثر رجلها يخبل مثل قدم طفلة گزگزت اخخخ اخذتها ع الحمام ترست البانيو ماي طبت بي سبحت وكملت لفيتها بالمنشفة واخذتها للفراش كعدت كبالها مسكت ايدها وكتلها
ـ شنو تلبسين
ـ ها
ـ من ملابسي؟ تحبيهن انتِ
ـ الفستان
ـ الاشتريتو الج؟ صار حبيبي
غحت ادورو الها كتلها
ـ تصدكين بس شفتو اتخيلتوو عليج
جبتو لبستو الها وكفت كدام المرايه وكالت
ـ يمةةةة يجننن
ـ اي شي تلبسين انتِ تحّلي ادري تحبين اللون الابيض والورد الناعم الاحمر واشتريتوو الج سكتت ما جاوبت بس تتأمل نفسها بالمرايه نشفت شعرها ومشطت الها وسويت الها ضفيرة احس تقبلتني يمها وبطلت تكول رجعني ورجعني الله يهديها يارب
ـ اريد اطلع
ـ ناكل وبعدين نطلع حبيبي شنو مشتهيه تاكلين؟
ياقوت : اريد لفة بالجبن والزعتر
ديهم : وبعد شنو يحيلي
ياقوت : وشوي زيتون اسود مشتهيته
ديهم : صار بويه
كمت سويتلها لفة بالجبن والزعتر وزيتون هيّ واكفه باب المطبخ تباوعلي
ديهم : تعاي اكلي حبيبي
اجت تاكل كتلها
ديهم : تشربين شي وياها
ياقوت : اريد عصير برتقال
طلعتو من الثلاجه وصبيت الها شربت كعدت اتأملها شلون تاكل اصلاً شبعت بدون ما اكلت
ياقوت : متاكل؟
ديهم : بس تاكلين انتِ انا اشبع
ضحكت بخفة ياالله انفتحت الكبسه الله يهديها يارب وهيه تاكل كذلتها تجي على عيونها تضوجها وخرتها حتى تاكل براحتها خلت اللفة على شفايفي وكالت
ـ تاكل؟
اكلت من ايدها لكمتين وخليت الباقي الها كملت وغاحت للغرفة تتفرج تلفزيون لحكتها ديهم : طلعين وياي؟
ياقوت : ها اي اطلع
كمزت من مكانها كتلها
ـ البسي شي بأكتافج الجو بارد هنا
شواي واجتني كالت
ـ بس شال معندي
ـ ميخالف حبيبي ماكو احد هنا بس انا وياج مسكتها من ايدها وطلعنه اخذتها للبساتين والمزارع هيه تحب هيج اجواء شافت الجبال مسافة عنه كالت
ـ عادي تاخذني هناك؟
ـ رب العادي حبيبي تأمريني انتِ
اخذتها وهيه كل الطريق ما سكتت مرينه من يم حقول حيوانات شافتهن وصارت تلعب وي الاغنام والابقار والبط والوز والدجاج وانا صافن على حركاتها ما معقولة شايلة برائة مو طبيعيه بس لسانها الطويل يخربها اجت طفلة صغيرونه بنت راعية الغنم وضلت تلعب وياها ويضحكن كل شويه تشيلها وتبوسها نار وچوت گلبي ودي اضمها بقفص بس انا اشوفها اموت اذا احد يشاركني بيها كتلها
ـ. كافي ياقوتَ يلا نرجع للبيت
ما سمعتني ومستمره تضحك وتلعب ويا الطفلة تخيلتها طفلتنه صرت اتمنى طفل منها من كثرر خبالي بيها
صارت تمطر ثلج وهيه بس تضحك وتكمز طايره فرحانه دعيت على نفسي لأن حابسها وحارمها تعيش حياتها انا ادري خانگها بس والله مو بأيدي احبها هايم بيها
. اليوم الثاني .
كاعده تتفرج ع التلفزيون مبينه ضايجه
ما تتناقش وانا حاجز الها موعد يم الدكتوره لازم اخذها هسه ضروري
ديهم : اميرتي
ياقوت : اولاً اني مو اميرتك احجي عدل ويايه وثانياً شتريد
ديهم : كومي بدلي اخذج
ياقوت : خير ان شاء الله وين
ديهم : للدكتوره تفحصج
ياقوت : شكو ليش
ديهم : اريد طفل
ياقوت : شنوووو اصلاً الله يحبني ما انطاني طفل منك احمد ربي واشكره
ديهم : كوومي وانتِ ساكته
ياقوت : هو اني بس ارجع لأهلي اول شي اسوي اطلب الطلاگ بدون لا تعر ولا تجر اريد اريح راسي واريحك بدون عرقله
ديهم : شنووووووو طلاگ شنو شتمسلتين منينلج هل لغوه الجايفه وين سامعتها وبعدين شنوو اريح راسك ما اريح راسك شدا تمضرطين انتِ
ياقوت : مثل ما سمعت طلاگ لازم نطلگ
ديهم : اكلج لا تلوصين بالحجي سولفي عدل لا اشك حلگج
ياقوت : والله العظيم بس ارجع دقيقه ما ابقى على ذمتك
ديهم : وليش تحجين بالخراااا الطلاگ بنت المطي كلشي دا اسوي حتى ارضيج وتتقبليني وتجين تاكلين خرا وتكليلي طلاگ وما طلاگ . وكفت بوجهي ونترت
ياقوت : مستحيل اسامحك على السويته بيه والضرب الاكلته منك وهاي من ما عدا الغيره والشك والمرض البراسك
عيوني صارن براسي كتلها
ـ شنو دنلعب بيت وزواج واطفال ومسوؤليه وعجل حبنا وينوو كلوو عندج هذا ما يسوى اكلي خرا وانچبي لا تلفضين كلمه طلاك على لسانج بعد
ـ اي هان عليّ حبنا مثل ما هان عليك وو احسن حل كلمن يروح بطريقه ويشوف حياته
ضربت راسي بقوة وكتلها
ـ يااااقوتَ لا تخليني افقد اعصابي كافي تاكلين خرا
ـ ولكك انتِ حتى النومه تاخذها مني غصب هذا يعتبر اغتصاب اغتصااااااب لأن اجباااري عني
ـ ولج اي اغتصاااب غير مرتي
شوفي لجج وشرف محمد وحق من انزل السماوات والارض اذا هل مره نمت وياج غصب عنج و شوي گلبي حَن عليچ ورحمتج المره الجايه احط طلقة براسج وميرف لي جفن جري عدل وياي احسن لج
ـ لو مو بس تحط طلقة براسي لو تخلي لحمي نثار ما اصير الك ولا نفسي تتقبلك بعد طلكنيييييي .
ضربتها على حكلها صارت تبجي
ديهم : انا مو لعبة بأيدج تمشيني على مزاجج يوم ترديني ويوم ماتردين والله يا ياقوتَ اذا ماجريتي عدل والاسمو الله اسوي بيكم انتِ والخلفوج مجزره وبيت حكومي السيد تلكينو رمااد اذا فكرتي تعيفيني وتروحيلوو ارتكب بيكم جريمة وادخل سجن لو اعرف انحكم اعدام وطز بحياتي وبالدنيا كلها
واحذرج خاف نرجع ولو انا مامفكر ارجع بس خاااف تصير كوه ونرجع احذررج لا تسوين الاعيب من راسج وتعانديني او تشردين
مناومنا انبشج واجيبج واذا حاولتي تشتكيني لأهلج صدكيني متعرفين شنو اعمل بيج اعقلي ولا تمضرطين من راسج اندمچ والسوااااچ
تفلت بوجهي وكالت
ياقوت : الله ياخذك شكد مريض ومهووس وتافه الله يااااااخذك
اول ما عاطت مسكتها من شعرها ورفعت راسها صرنه عين بعين
ديهم : جري عدل ياقوتَ انا مو قصدي اذيج
بس لسانج السليط هذا يجبرني امد ايدي عليچ لييش ياقوتَ ليش انا تعبت يلا اخذتج هيج تجازين تعبي
ياقوت : تنكسر ايدك العااار الجباان عوووفنيي ديهم : تمشين هسه تبدلين بدون اسئله زايده وان حبيتيني او كرهتيني طبج مرض اذا ما استعدلتي يا ياقوتَ وشرف امي خنجري تلكي مغروز بنص گلبج
دفعتها وكتلها
ديهم : لا ولي طايحة الحض.
غاحت تبجي للغرفة صحت عليها
ديهم : ثووووواني اذا ما اجيتي اجيجج للغرفه اطلعج سحل انتِ ماتجين الا بالعين الحمره ضليت انتضرها وايدي يرجفن من العصبيه اريد شي ابرد گلبي بي اخذت المزهريه وضربتها بالحايط اخترعت وعاطت عبالها اجيتها كتلها
ـ استعجلي
اجت لابسه عبايتها كتلها
ديهم : والخرااا الشال وووين؟
ياقوت : ماعندي
ديهم : امشي اشتريلج واحد ع الطريق
اخذتها وطلعنه اشتريت الها شال ولبسته وكفنه كدام اشارة المرور ننتظر الناس تعبر طبگت بصفنه سيارة من جهتها بيها شباب اثنين يتهامسون ويباوعون عليها وهيه صافنه ع الطريق وشعرها طالع من الشال يحرك بي الهوى وشارده حاولت اضبط اعصابي
اهدء دَيهم هسه نعبر وما يبقون كبالها استمرو بالتهامس باوعت الهم يباوعولها ويضحكون فار دمي وعيوني صارن براسي نزلت وضربت الباب حيل وفززتها وكفت يمهم وكتلهم
ـ وين تباوعون وعليمن تتهامسون؟
واحد منهم يعلج وكال
ـ وانتَ شدخلك
وضحك بعالي صوتوو جريتو من الجام واشبعوو كتل زوركت عيونو تزورك وخشمو طگ دم
و ياقوتَ تعيط وراي اجو المرور وابعدوني عنوو گتلوو
ـ اقتلع عيونك من مكانها اذا تجرأت وباوعت الها مره ثانيه
اخذوو صاحبوو ومشوو والمرور غرموني لأن وكفت بنص الشارع وضربتوو رجعت للسيارة والناس كلها ملتمه وتباوع مصدومه من السويتو و ك العادة تعاركت ويا ياقوتَ كالت
ياقوت : هذا مرض مو غيره هذا وسواس براسك ولازم تتعالج ولكك انتَ متجوز متتغير متحس على نفسك شدا تسوي بروحك
ديهم : اششش لا اجرم بيج غيحي واصله لخشمي .
وصلنه الدكتور وهيه كل الطريق تغلط وترزل بيه حجزت الها كشفية بأسمها وكعدنه ننتظر اجه سرانه و دخلنه ع الدكتوره
الدكتوره : شنو مرضج ماما
ـ دكتوره صارلنه 5 اشهر من ازوجنه ولهسه ما صار عدنه اطفال
ـ تمام عيني بس هل شي طبيعي اكو بيهم سنه او سنتين ما يصير عدهم اطفال كلش عادي
ـ لا دكتوره انا خايف بيها شي لا سامح الله تكدرين تفحصيها وتسوين الها وتسجلين الها علاج وتكليلي شنو بيها
ـ اي ماكو مشكله بس اطلع برا انتظر
ـ لا وجودي ضروري
ـ ميصير يا ابني هاي سوالف نسوان شلون تدخل وياها
طلعت وعيفتها يمها
فحصتها وسوت الها تحاليل شامله بعد مده دخلوني عليها كالت
ـ مرتك كلشي مابيها رحمها سليم ما شاء الله والمبيضات عدها نشطة وحالتها الصحية والجسدية كلها تمام بس انتَ راجع دكتور وشوف حالتك يمكن يكون السبب منك
ـ متأكده دكتوره؟
ـ متأكده وهاي تحاليلها كامله اتفضل
اخذتها من ايدها و فعلاً كلشي عدها سليم اباوع لـ ياقوتَ تاكل بأضافرها
ـ ياقوتَ كافي تاكلين بأضافرج تتمرضين يا امي كالت الدكتوره
ـ بالك عليها لأن عدها شوي ضغط ع الرحم لا تكثرون من العادة حاولو تخففون لسلامة صحتها
اخذتها و غحت اچيك نفسي حجزت موعد يم الدكتور ودخلت بسرعة وهيه وياي فحصني
و سويت تحاليل عامة
ديهم : ها دكتور بشرني ان شاء الله ماكو شي خطير .
يـتبع …
▭𝅼▬࣪▭𝅼▬࣪▭𝅼▬࣪▭𝅼▬࣪▭𝅼▬࣪▭
بارت8266كلمة اتمنى يعجبكم ❤️
تعالو بقناة التلي ندردش ()
الفصل التالي: اضغط هنا
يتبع.. (رواية بين قبضتهم وقلبه) اضغط على اسم الرواية لتجد الفهرس كاملاً بجميع الفصول.