رواية بين قبضتهم وقلبه – الفصل الثاني والثلاثون
32
▭𝅼▬࣪▭𝅼▬࣪▭𝅼▬࣪▭.
❂رقــــــو ـ الجـــوهر ❂
بـين قبضتهُم وقلبة
قناة تلي :
💙 .
..
يا ضوى ما احب
لحظة بدونك
مِن الدِنيا اني
شحصَلت أمّي
وجمال عيونك .
..
ـ ديهم ـ
الدكتور : تحاليلك سليمة ابني والنسبة مالتك ٪70 يعني نسبة الحمل كلش ممتازه وجيدة ديهم : طيب دكتور ليش ماصار حمل لهسه واحنا اتزوجنه من 5 اشهر ؟
الدكتور : هذا شي طبيعي الاغلب سنه او سنة ونص ما يحدث حمل
ديهم : اخذت مرتي للدكتوره وكالت هم كلشي بيها تمام والحل شنو اريد طفل
الدكتور : سمي بالرحمن يا ابني منين اجيبلك طفل هو رب العالمين الرازق مو البشر احنا ما بدينه الا الدعاء .
رجعنه للبيت كتلها
ديهم : جوعانه؟
ياقوت : لا
ديهم : ناكل انا وياج واسويلج التحبينه شنو رائيج؟
ياقوت : كتلك مااا ارريد شكد تلح لعبت نفسي
ديهم : اسويلج شي تشربين؟
ياقوت : جاي اكلك ما اريد رررجعنييييي
لـ سامراء يم اهليييي
ديهم : حبيبي ياقوته
ياقوت : لا تكول حبيبي
ديهم : صار يبعد ابوي
اريد امسك ايدها سحبتها مني
ـ بس تلمسني اشمر روحي من الشباك والله
ـ افا ليش مو انا دَيهم انا الحُـر تذكرين من سميتيني هذا الاسم؟
ضلت ساكته والدمعة بطرف عينها كتلها
ـ تذكرين من حركتي بيت اهلج حتى ما يعرفوني انا الحارگ مزارعهم شكد جنتي تخافين عليّ بيوم وليلة اتبدلتي وصرتي وحده ثانيه ليش يحيلي لييش
صارت تبجي كتلها
ـ تذكرين اول ما ازوجنه وبليلة العرس الليل كلو ما نمتو من فرحتي بيچ
الدمعة بخدها ضحكت وكالت
ـ ونزلت عليّ الدوره من الخوف
ـ و انا اتخبلت بداخلي لأن انتظر هل لحضة ثانيه ثانيه بس ما بينت الج ماردت ازعلج
ـ ومن خالتك تكولك عمت عينك ماراح ادبرها
ـ ومن ركصنه وغنينه سوه
ـ وو من زفيتني من بيت اهلي وضليت كل الطريق تسكت بيه خايف لا ابجي
ـ طالعه تشگين شگ بالأبيض بيومها وضليت صافن بيچ صرت اغار عليچ من نفسي لأن هيج اباوعلج
تبچي وتحجي كالت
ـ ومن كعدتني الصبح واني نايمه تبوس بيه
ـ ما نمت الليل كلو خايف لا يطلع حلم وانتِ
مو يمي تصدكين بقيت شهر مامصدك كل شوي اباوع لـ حلقتي حتى اتاكد انتِ صرتي اليه
ـ دَيهم
ـ يـَ عيون دَيهم
ـ ليش صار بينه هيج
ـ هذا كلو اختبار من رب العالمين يريد يشوفنه نكدر نكمل ونقاوم كلشي صعب يمر علينا لو من اول مره نستسلم وانا مستحيل استسلم انا رايدج ياقوتَ انا افديج بغيحي مستعد احارب الدنيا علمودج مو بس الضروف
ـ احس وصلنه لنهاية الطريق ومنكدر نكمل قربت منها و مسكت ايدها وكتلها
ـ لا لا ياقوتَ ابداً لا تگولين هيج انا اكدر اكمل والله اذا انتِ ماتكدرين انا اخليج تكدرين بس انطيني فرصة ابوس ايدج انطيني فرصة اخليج ترجعين تحبيني من جديد تذكرين ياقوتَ تذكرين من كتيلي اوعدني اذا افترگنه ترجع تحبني من جديد
هزت راسها بـ اي كتلها
ـ وصار العكس انتِ بطلتي تحبيني وهسه لازم ترجعين تحبيني من جديد انتِ مزروعه بوسط گلبي جُماره صدكيني ما اكدر اعيفج ابوس ايدج ارحميني جاي اتوسل بيج
ـ ماكدر دَيهم والله ما اكدر احس اختنگ واني قريبة منك روحي تنقبض من تلمسني احس شي وكاتم على انفاسي
ـ وين چنه وين صرنه جنتي تختلين بحضني
لو الدنيا تزعلج وهسه هذا الحضن صرتي تختنگين منو
وهيه كاعده عل قنفه كعدت كبالها بالكاع خليت راسي بحضنها واحجي
ديهم : شنو الغيرچ يا بوويه انتِ انا عايف اهلي وحياتي ومستقبلي كلو وبس بيچ ملتهي بس انتِ ما عايفج ياقوتَ وكلشي سويتلج حتى ترضين وتتقبليني وما نفع اخخ شسوي لج بعد بس كليلي شسوي لج ماتلكين احد يحبج مثلي حتى اهلج اللي تريدين تغيحيلهن وتعيفيني ميحبوج مثلي لو بس تفهميني انا ارتاح حتى تعب مايضل بيه انا كل تعبي منچ
ياقوت : بس انتَ تضربني راشديات هواي
ديهم : اي والله اعترف انا غلطان وايدي تنمد عليج مرات بس مجبور والله العظيم مجبور اريدج تتقبليني تعبت انا والله هواي تعبان ومحد يحس بيه غيرج
رفعت راسي باوعت الها وكتلها
ديهم : اوعدچ اتغير علمودج
ياقوت : متتغير دَيهم انتَ مريض بالغيره والشك عندك وسواس براسك ومهووس
ـ مهووس بيج وهلشي غصب عني مو بأيدي وغلات عيونج الما الي غيرها
ـ مستحيل تتغير تبقى تضربني راشديات وتنام وياي غصب وتصيح وتغلط وتشك وتغار بخبال ماكو هيج حب دَيهم
ـ اتغير بس من ابطل احبج وللأسف ما ابطل منا لمن الله ياخذ غيحي و حتى انا بگبري ابقى احبج انتِ شعملتي بيه ياقوتَ ؟ حتى اهلي يكلولي ساحرتك هاي اكللهم خلها تزيد بسحورتها اريد اتخبل بيها
ـ دَيهم انتَ مريض ماكو هيج حب
فقدت اعصابي كمت من يمها بهدوء ما اريد اذيها اريد اطلع برا كالت
ياقوت : طلكني
بصفي رفوف وعليه مزهريات واشياء اثرية ضربتو وطشرتوو ورجعت كتلها
ديهم : تردين اطلگج موو
احجي واكسر بالغراض كتلها
ـ تردين تطلگين رب الحلووو لعد الكواااد الجان يسولف وياج قبل شويه شنو؟؟ مو جنت اكل خرا واكلج ما اكدر اعيفج والله بت الزفررره ماكدررر بدوونج لازم تفهمين وغصب
ماترد عليه وتبچي كتلها
ـ ليش ساااااكته خرررب مذهبج جااااوبي لا تخبليني وتخليني اكفررر بدينج هسةةة
ـ متشوف الله شديسوي بيك من كفرك
صرت ابجي واحجي وياها
ـ ياقوتَ ابوس ايدچ بعد لا تكولين طلكني تعرفيني ما اكدر بدونج هو انا شردت بيچ للشمال حتى محد يكدر ياخذج وانتِ جايه تكليلي طلكني وما طلكني
ماسكه راسها وتبجي كتلها
ـ لا تحرميني منج الله يخليج ياقوتَ والله اذا ابوج الكواااد اخذج مني اهجم بيتكم هجام والله احول ليلكم نهار ونهاركم ليل والله اسحلوو لأبوج واخلي مضحكه لأمة محمد ياقوتَ لا تكليلي طلكني الله يرضى عليج
ـ لا تجاوز على ابوي
ـ اذا صارت ورجعنه لا تكليلو اريد ارجع وياك ابقي يمي ياقوتَ ابقي
ساكته ماترد كتلها
ـ ها شكلتي احجي بردي گلبي
بس تبجي ماترد
ديهم : باعي قسماً بالله لو اگطعج ما انطيج الهم لو اعرف اشرد بيچ لأيران وانا خبل تعرفيني حتى اهلي بنعال ما اشتريهم يولون ولا اريدهم انا اريدچ الج ياقوتَ محد يكدر ياخذچ مني
ـ اطلع برا
ـ ياقوتَ
ـ دا اكلك اطلع برا
عيفتها وطلعت ما رجعت لليل لمن هدئت لأن من ابقى يمها اخاف اذيها
رجعت بالليل لكيتها تتفرج تلفزيون ولامه الهوسه والتكسير السويتو ومنضفة البيت بس شكلها معصبه ما تتفاهم شمرت المفتاح
ع القنفة وكعدت يمها
ـ شلون وليدي
ـ وانتَ شدخلك
اباوع بوجهه وهيه تباوع تلفزيون مطيزتني
ـ ما اكلتي شي؟
ـ لا
ـ ناكل سوه
ـ ما اريد
ـ نتعشه وبعدها نطلع واخذج تشترين التحبي وو…
ـ كتلك ما اريد لا تلح
رتبت خصلات شعرها ورا اذنها وخرت مني وكالت
ـ لا تسوي هل حركات ما احبها
ـ عجل شتحبين؟
ـ ما احب شي
ـ تحبين دَيهم
ـ اتخبلت اذا صدك
ـ صدك يعني ماتحبيني؟
ساكته مطيزتني كتلها
ـ السكوت علامة الرضى
ـ سكوتي مو لأن راضيه بس اكو فشاير هواي بكلبي ومالي خلگ اتعارك
ـ انا قابل فشري واغلطي وسبيني بس اسمع سوالفج
كرصتها من خدها كالت
ـ اوي عوفني لا تلمسني والله انتحر
صارت تمسح بخدها كتلها
ـ احبچ كالت حبتك حيه ام سبع روس
ليش قاسيه
ـ احسن
ـ تنامين اجيبلج غطه؟
ـ ما اريد منك شي
غحت للغرفة بدلت ملابسي وكفت بالباب اباوعلها هاي حيل تعاند غحت للقطاع مال الكهرباء طفيتوو صار البيت ضلمة هندس والمكان هدوء اشمر الابرة تنسمع
اجاني بس صوتها وهيّ تكول بصوت خايف
ـ د دَيهم وينك
طرت من الفرحة لأن كالت اسمي غحت امشي بعدني ما وصلتها اجت تركض وتتلفت خايفه انضربت بصدري باوعتلي وكالت
ـ وين رحت اا اخاف من الضلمه
مسكت ايدي وكالت
ـ ليش طفت الكهرباء ها
ـ مادري يمكن بيها عطل
عيفتها ومشيت اجت وراي وماسكه هدومي مرعوبه
ـ دَيهم وين رايح
ـ اريد انام
ـ واني شلون!
ـ شبيج انتِ
ـ خايفه حباب لتنام وتعوفني نومني يمك
ـ امشي ننام يلا
نمت واتغطيت وماصحت الها كالت
ـ ععادي انام وياك بالفراش
ـ جؤ مو عادي
اخاف عفيه
ـ يلا تعالي
دخلت وياي باللحاف وختلت بحضني خايفه حاوطتها بأيديه وهمست الها
انا يمچ لتخافين
ـ اخاف من الضلمه
ـ اشش دا اكلج انا يمچ نامي يحيلي
متمسكه بيه بكل قوتها دقايق وغفت ضليت اتأملها من تنام شكد هادئة ولا عبالك هيه هاي نفسها ام لسان الطويل انسحبت من يمها بهدوء وغحت رجعت القطاع وطفيت اضويه الغرفة حتى ماتزعجها اخذت تلفوني
مشتري شريحة جديده خليتها بالجهاز واتصلت على صاحبي مُنير
ـ مُنير
ـ هلا رَيس شلونك وين انتَ
ـ بالشمال اهلي شلون وضعهم
ـ مو زينين دا يدورون عليك و ابوك بالمستشفى حالتو تعبانه
ـ امي شلون عافيتها
ـ زينه بس تنقهر وتبجي تريدكم ترجعون انتَ
و ياقوتَ
ـ اكل خرا لا تكول اسمها
ـ اعصابك رَيس صاير ماتتفاهم
ـ ما اضن اكو رجعه بعد مُنير
ـ وشلون يعني تعيش حياتك بالغربه
ـ مستعد اتحمل كلشي لخاطرها احبها مُنير والله احبها
ـ تدري رَيس لهسه مصدوم شلون حبيتها انت صلف من ايام المتوسطة ماكو بنيه جابت راسك ـ ماعرف مُنير هيه غيرر والله العظيم غيررر
ـ وهيه تريد تبقى وياك بالشمال لو ناويه ترجع؟ ـ أصلاً ماتريدني وما متقبلتني حتى
ـ انتَ بعظمتك وغرورك جابت راسك ما معقولة ماتكدر تجيبك من الشمال
ـ مستحيل بكلشي تكدرلي الا بهاي لأن من ارجع ابوها ياخذها مني
ـ ليش ماترد وتحلها بالتفاهم وتقنعها ترجع وياك
ـ مُنير مستحيل تقتنع بس ارجعها بعد ما اشوفها انا اعرف
ـ حالتك صعبة الله يعينك
ـ الحمد لله يجي يوم وتهون
ـ صدك نسيت اكلك
ـ كول
ـ عمك سامع بيك انتَ بالشمال
ـ اي اعرف منو الگلوو
ـ منو
ـ بلال ماكو غيرو خرب شيب ابيوو
ـ دربالك حتى من تطلع للسوك اتلثم
ـ خله يدور عليّ لمن يجزع مايكدر يحصل مكاني
ـ ترا هوّ مايريدك الك
ـ اعرف بكلشي اعرف مُنير هوّ يدور على ياقوتَ يريد يچوي گلبي بيها
ـ لا تنسى عمك سواها قبل هل مره من سمع بيك تحب سارة راد يخطفها
ـ بس ياقوتَ تختلف ياقوتَ مو سارة ولا غيرها الايد التنمد عليها اقتلعها من جذورها
ـ شوكت تنتهي عداوتكم هاي ما جزعتو؟
ـ ماتنتهي الا بموت واحد من عدنه وهو لو يريد يذبحني جان عملها من زمان بس هوّ يريد يعذبني وانا عايش موتي مايفيدو بشي ويدري قبل ماعندي نقطة ضعف ومحد يگدرلي وهسه عرف ياقوتَ نقطة ضعفي وانچلب وصار يدور عليها
ـ والله مادري ياخوي الله يكون بعونك يلا اني رايح واي شي اسمع اتصل بيك
ـ تمام مُنير وانتبه لحد يحس عليك تتواصل وياي هم ما اريد اجيب لك الاذيه
ـ تمام خوويي مع السلامه
سديت الاتصال ورجعت لكيتها نايمه كعدت يمها اتأملها وخايف خايف اخسرها خايف احد يچوي گلبي بيها احسها بعيدة عني بُعد النجمه بالسماء رغم گربها مني اذا غاحت مني شلون يمكن اتخبل افقد عقلي والله هو انا افكر مجرد تفكير مدري شيصير بيه مو نوب صدك تبتعد عني و انحرم منها باوعت للساعة بـ4 الفجر دخلت وياها بالفراش حضنتها ونمت كعدت الصبح لگيتها كاعدة منضفة ومسويه ريوك
ياقوت : كوم نتسمم جوعانه
ديهم : يا محلا السم وياج هسه جاي بويه
تخوزر بيه شويه وتكتلني سبحت وبدلت واجيت لگيتها كاعده تباوع من الشباك ع الطبيعة
و عيونها مدمعه
ـ شبيج يحيلي انتِ
ـ اريد اهلي الله يخليك رجعني لأهلي ابوي هسه يدور عليّ والله يصير بي شي اذا ما لگاني
ـ صدك والله شيصير بي مثلاً يصعد عندو الضغط و السكر ويموت
ـ حرام عليك شلون حابسني هنا مثل الحيوان اني هم اريد اطلع واعيش حياتي واشوف الدنيا
ـ انا حياتج عيشيني وانا دنيتج شوفيني
والله انتَ مريض ومختل عقلياً
ـ مريض بيج بس ماتفهمين امشي وياي عدل وتقبليني بحياتج وشوفي شلون حياتنه غاح تتغير
ـ واذا نفسي متريدك شلون؟
ـ انا اريدچ انطيني فرصة ع الاقل حتى تحبيني من جديد
ـ ماكدر
ـ شبدلج مو چنتي حابتني ورايدتني لو من حجيتي ويا خطوبي هويتي وكلشي تغير
ـ راح تضل تعايرني طول عمري بهذا الحيوان واني مالي ذنب هيه اختك جابته وزرعت هيج افكار براسي
ـ ما اعايرج بس من دريت بيچ حاجيه وياه انتِ متخليني اتگرب لج وحتى قبل لا اكتشف بأسبوع انتِ متخليني المسج وبس تتهربين مني ـ مو صوج هذا الخرا اني نفسي ماتريدك
ـ وتدرين ليش انام وياج غصب ؟ اريد اچوي كلبج لأن كل ما اتخيل شلون ذاك الخراا ابن النغل سمع صوتج افقد اعصابي ومدري شيصير بيه
ـ مدام متكدر تنسى السويته اني طلكني وعوفني اروح لبيت اهلي
ـ احبچ بس اكرهج ما اعرف شنو هذا الشعور الغريب اريدچ بس ما اريدچ انتِ اذيتيني حيل ياقوتَ فضلتي عليّ وهوّ واحد نعال ما يسوه
ـ بيك حض روح حاسب اختك وعايرها اختك ال***الساقطه لا تجي تلومني بس انيّ
ـ سدي الموضوع جيبي السم الريوك خل نتسمم
غاحت ع الصينيه وضربتها بالگاع واتبده الريوگ كلوو وكامت تصيح
ـ لا تعايرني بهذا الكوااااد بعد الله ياخذك وياخذه انا شنو حصلت منك غير الاهانات والغلط والضرب
ـ ياقوتَ اهدي وتعاي نتفاهم
ـ ما اتفاهم ويا واحد نعال وزباله مثلك ومريض نفسي وبعقله قندررره
ـ ياااقوتَ
ـ اكل خرااا لا تكول اسمي اكرهه روحي من تكوله واكرهك اكرررررهككك
تكسر بالمطبخ وتصيح عيفتها وطلعت خليها ترتاح شويه
رجعت لگيتها ماسكه تلفوني ومخليتو على اذنها وتضحك بس شافتني نزلتوو وسكتت
ـ ويامن جنتي تحجين؟
ضلت ساكته كتلها
ـوياااااامن جنتي تاكلين خرااا احجييي
ـ دا احجي ويه الحب
ـ شنوووو يا حب يا خرا شتمسلتين انتِ قصدج امج لو اختج شيلاء؟؟
شو جيبي التلفون متقبل تنطي الي وكالت
ـ لا هذا حبيبي ساكن بصف اهلي كلش قريب عنهم جان دائماً يجي يشوفني ونكعد اني وياه بالبساتين ونسولف هو يحبني من جنت طفله يعني وكذا
ـ ها صدك والله؟
حسيت دمي صعد لراسي من العصبيه اخذت التلفون من ايدها بقوة شفت اخر مكالمة ماكو ما مخابره احد بس تريد تستفزني
ـ دا احجي ويا جنت وكتله بس نطلك اني وياك اتزوجه وهو ماعنده مشكله
مسكتها من ايدها وعصرتها
ـ شبيك شو وخر اوي وجعتني
ـ تلعبين بأعصابي؟ شنو ناويه تموتيني لو شنووووو؟ احجييي
ـ ولي سافل والله اموت عليه والا ازوجه لو عمري يوم بس .
عيوني صارن براسي ضربتها بقوه على حلكها كتلها
ـ هذا حلگج اشگووو اذا هيج تحجين مره ثانيه
ـ والله شبيك ما مصدكني دا احج….
ضربتها على حلكها مره ثانيه وكتلها
ـ اشش حرف زايد منا ولا منااا ادفنج بأرضج
ـ والله احب….
ـ اااخخخخخ ماتسكتين يعني ماتسكتين مسكتها من شعرها كامت تصيح
ـ ليش دا تلعبين بأعصابي وشجاب سيرة هذا الكوااااد هسه وشذكرج بي هااااا ولج احجييي احسن ما اجرم بيج ليييش جبتي طاريوووو على لساااانج اوف ولج ااوففف هاي لأن تعرفيني اغار تتعمدين تحرگين گلبي
دفعتها ع الكانتور انضربت بي توا تريد توكع رفعتها من ملابسها وهيه ترجف وتكول
ـ عووفني عليك الله والله ما اعيدها
ـ سدي حلكج وانلصمي لا اطيييح حضج طايحه الحض وهسه تكليلي هسهههه شجااااب هذا النغل ابن النغل على بااالج وشلون اذكررررتي شلوووون
عفتها وضربت الكانتور الوراها تفلش تفليش ضليت اضرب بي واصيح بوجها وهيه بس تبچي
ـ طلكني عليك الله
ـ اخخخ تردين اطلگج موو؟ اطلكج حتى تتزوجين هذا الكوااااد لا والاسموو الله ما تتهنين ياقوتَ والله ماتتهنين بحياتج اذا جبتي طاري واحد كدااامي
ـ والله ما اكول بعد والله ما احجي بس روح وعوفني الله يخليك
ـ يوم انج هيج تخافين انتبهي لا تحركين اعصابي تحتركين بناري ياقوتَ والله احركچ وانتِ عايشة .
عيفتها وطلعت ضلت تبچي وشعرها مهلس بأيدي هم طلعت
لليل رجعت لگيتها نايمه قربت يمها مسدت شعرها شفت شفتها مجروحه والله متندم
ع السويتو بيها بس هيه تستفزني ماتسكت دورت تعقيم وقطن ولاصق جروح عقمت جرحها فتحت عيونها ببطئ شافتني وكالت
ـ ااه
ـ اسم الله عليج ابوي انتِ
ـ يحرگني
ـ ميخالف يبعدي تحملي علمود يطيب
خليت اللاصق على شفتها ورجعت غمضت عيونها ونامت ركزت بصدرها بي اثار شفايفي والمكان وارم لمست صدرها بأيدي
ـ اااه لا يأذيني
ـ نامي حبيبي ارتاحي غاح اسويلج شي تاكلين ارتاحي يحيلي
طلعت برا مختنگ من افعالي وبس ابچي ليش ما اكدر اضبط اعصابي ليش جاي اذيها ايدي الكسر كون ضربت جامه قريبه يمي وكسرتها وصرت ابجي اكثر ايدي انجرحت كلها دم وادمرت ملابسي شواي ورجعت يمها لكيتها كاعده بس شافت الدم بأيدي خافت و صارت صفرة ولون شفايفها ابيض من الخوف
ـ لا تخافين بابا ياقوتَ حبيبي مستحيل اذيج بس انتِ اليوم استفزيتيني حيل بالكلام وفقدت اعصابي وكفختج راشدي عجل هوّ هذا منطق تكليلي دا احجي ويا حبيبي وغاح اطلك منك واتزوجو خلي نفسج بمكاني لو انا كايل هيج شيصير بحالج؟
تقربت منها اريد احضنها رجعت نفسها وره وبعدت عني
ـ حبيبي خايفه من الدم هسه اغسل وابدل ملابسي صار يا بويه بس اهدي لتخافين
غحت غسلت وبدلت ملابسي ورجعت دخلت وياها بالفراش حضنتها
ـ الله يخليج حبيبي لا تستفزيني بعد بهيج حجي والله اتخبل وماعرف شيصير بيه من تكولين طلكني وماطلكني وازوج غيرك ومدري شنو ماتحسين بنار گلبي انتِ
ـ الله ياخذني واخلص منك
ـ مستحيل اكو شي ياخذج مني والله ولو حاولو انحرهم واحد ورا الثاني والله ما اعيفج شيلي هل فكرة من راسج انتِ لـ دَيهم وانتهى
ـ انتَ وعدتني ما تأذيني بعد بس كل مره ترجع بوعدك
ـ كافي حبيبي سدي الموضوع نامي وارتاحي بعدين نحجي بس ترتاحين بردي گلبج بيه شتسوين بيه سوي سبي غلطي اضربي صيحي ما احجي وياج تمام
ـ بس الله ينطيني حيل شويه والله اموت روحي وما ابقى يمك
ـ ميخالف يحيلي جُماره التريدي يجرالج بس نامي ارتاحي
ـ اكرهك تلعب روحي منك حتى عطرك اكرها
ـ انا اموت بعطرج اتنفسج ما اعيش بدونج وين تلكين احد يحبج هيج والله ماتلكين
ما اريد تحبني بس عوفني بحالي
ـ لا اله الا الله ح نبقى نتناقش اليوم مانام شواي و باوعت عليها غفت
مشت الايام و ياقوتَ بدت تتحسن وانا غيرت معاملتي وياها وضبطت اعصابي وصرت اتقرب منها براحة وما عاد امد ايدي عليها ولا اذيها
و حتى ما اتقرب الها من ماتريدني مخليها براحتها وهيه صارت تتقبلني وتضحك وياي وتسولف ونسهر سوه وتقبل امسك ايدها وتحضرلي ملابسي من اسبح وتمشط لي شعري وتهتم بيه بس اهلها واهلي مستمرين يدورون علينا.
طالع ويا جماعتي واتأخرت بالرجعه دخلت والبيت هدووء
ديهم : جُماره گلبي مشتاگلج لا تسوين
هل حركات اطلعي يلا
فتحت باب الغرفة عرفتها خاتله تريدني ادورها هيه تحب هاي اللعبة
ديهم : جايبلج الاكل التحبينوو حبيبي اطلعي يلا هم متجاوب كتلها
ـ غاح ادورج بس من الگاج تبوسيني سمعت صوت ضحكتها طالع من الكنتور سويت نفسي ما اندلها
ـ وين شمعتي وينهاا اممم جووه الجربايه؟ لاااا غحت للحمام عود ادورها كتلها
ـ اهوو جماره تعبت وانا ادورج غحت اممم وين وين خاتله؟؟ يول دَيهم وينها
انطيتها على كد عقلها ودورت البيت كلوو ورجعت للغرفة وصوت ضحكتها فاضحها طالع من الكنتور مريت من يم الكنتور وكلت
ـ بعد هذا التعب كلوو والله ما ارضى بوسه بس خل الزمج اطلع ضيم ايام الحارمتني منج كلها بيج
فتحت الكنتور وكتلها
ـ هاي شنو شمعتي مضويه من الكنتور
غطت وجها بثنين ايديها وهيه تضحك
ديهم : تعالي يُبا تعالي
اخذتها من ايدها وطلعتها من الكنتور
ياقوت : شلون عرفت اني بالكنتور
ديهم : وهل يخفى القمر ؟ بويه ضحكتج ترن بأذني وين ما اغيح مو نوب يمي وما اسمعها
ياقوت : اممم
ديهم : جوعانه حبيبي
ياقوت : اي جنت انتظرك
ديهم : اليوم منو يطبخ
ياقوت : انتَ
ـ جؤ انتِ
ـ تعبانه
ـ افا ليش
ـ لا جذب مابيه شي
ـ يعني تدللين عليّ
ـ اممم
ـ بوسي واسويلج اكل
ـ دَيههممم
ـ عيون دَيهم
ـ يلا جوعانه
ـ شنو اتفقنه ها؟ بس الگاج تبوسيني يلا بوسي يلا
ـ ترا بديت اضوج
ـ لا بويه هاهيه كلشي ولا ضوجين امشي نسوي شي ناكلو
اخذتها وغحنه للمطبخ وما سكتت بس تسولف سطرتني
تعشينه وكعدنه نتفرج تلفزيون هيه مندمجه انا طفيتو كالت
ـ ليش طفيته متشوفني دا اتفرج
ـ اشش يولي مشتاگلج
خليت الهتفون وحده بأذني وحده بأذنها وحطيت اغنية حسام الرسام ( اول حب ) ضميتها بحضني ومسكت ايدها وصرت اشوفها بصورنه اللي نطگها قبل بكل طلعه وهيه تتفرج وياي صرنه نضحك ونتذكر موقف كل صورة وليش اخذناها وفجأة عيونها دمعت بس سمعت هذا البارت من الاغنية
: حبك ويا الروح بجسمي
عـايش بيه وتـجري بدمـي
روح لأخـر شـي بالدنيـا
شـكد ماتـبعد جنـك يمـي
صارت تناشغ كتلها
ديهم : حبيبي شبيج انا ضوجتج اسف بويه
ح اطفي الاغنية
ضمتني بدون ماتنطق حرف واحد اول مره تحضني من وقت طويل ما مصدك ضميتها ودفنت راسي بركبتها اشمها عطرهاا هوَ نفسو ما يطلع من راسي لو سنين ما اشمها صرت امسد بشعرها واحجي وياها
ـ ليش تبچي ها؟ ابوي انتِ شبيج
ـ لتعوفني
انصدمت اكثر ياربي هاي شنو خاف متلبسها جني باوعت بعيونها وگتلها
ـ الله ياخذ غيحي اذا عفتج لج انتِ الهوى الاتنفسو اموت بدونج جُماره انتِ الشمعة الضويتي دنيتي وين اكو واحد يعيف شمعتوو
ـ اذيتك اني هواي…
ـ اشش حبيبي انسي كلشي
مسحت دموعها وكتلها
ـ محد يگدر يبعدچ عني لا ابوج ولا ابو ابوج ولا اي احد ع الكرة الارضية انتِ عايشه
هنا اشرتلها على صدري كتلها
ـ وانا وين عايش؟
ابتسمت اشرت على صدرها
ـ يبعد حيلي انتِ ياخذون غيحي ولا ياخذوج مني والله الله يخليج لا تبعدين عني اموت اذا ما اشوفج يوميه اصلاً ماتسوى عيوني اذا ما تشوفج
بس تبچي متحجي مسحت دموعها وبستها بخدها
ـ ااشش خلاص كافي بجي غاح ابجي وياج ترا ضميت راسها على صدري شواي ورفعت راسها همست
ـ احبچ
ضلت ساكته
ديهم : حبيني ترا استاهل تحبيني جُماره
ياقوت : اح ـبـ….
ديهم : اي اي كممملي
ـ خلاص دَيهم خليها بعدين
ـ غاح اسألج سؤال اذا جاوبتي غلط يعني تحبيني خلت اصبعها على حنچها تفكر
ـ اممم تمام
ديهم : 2+2 = شكد يساوي ؟
ياقوت : 2
ديهم : والعباس تحبيني
ياقوت : هئ
ديهم : سؤال ثاني
ياقوت : يلا
ديهم : البحر بي ماي لو عصير ؟
ياقوت : عصير
ديهم : ا عزه بعينك تحبني وماتريد تكول؟
وعزه بعيني احبك واستحي احجيلك .
ياقوت : ههههههه دَيهم كافي
ديهم : ايلافيو وابو فاضل
ـ ما ولي
تريد تكوم قيدتها بحضني ومحاوطها بايديه بستها بخدها غصب
ـ اوي لا تبوس
بستها انوب وكتلها
ـ عاندي اكثر عاندي احبج من تعاندين
ضلت تباوع بعيوني
لا تباوعيلي هيج
ـ ليش
ـ مو زين عليّ اسيح بالكاع
ضحكت وايديها حاوطت رگبتي اتمددت بحضني وتلعب بأصابعها على صدري
ـ تنومني
ـ بوسط عيني انومج وبجفنها اغطيج
تحبني؟
ـ صارت قديمه عاشگج
انا غطت وجهه تضحك بدلع كتلها
ـ اوفف جُماره ما اتحمل انا
ـ يااا ليش
ـ لا تدلعين هيج والله يصير خفقان بگلبي واموت
خلت اصبعها على شفايفي وكالت
ـ لتجيب طاري الموت على لسانك بعد
ـ يلهوويي تخافين عليّ؟
ـ هئ
ـ تلعبين بأعصابي! انا اعلمچ
دغدغتها الا اختنگت من الضحك رن تلفوني كتلها
ـ حبيبي جُماره طبي للغرفه نامي هسه اجيج بس اجاوب مُنير
ـ لا طول دَيهووم اخاف انام وحدي
ـ يعيون دَيهوم انتِ ما اطول شمعتي
طلعت جاوبتو برا كتلو
ـ ها مُنير
ـ رَيس عمك محصل مكانك واليوم على باجر يجيك بسرررعة اطلع من المكان الانت بي
ـ شدتحجي انتَ؟ محد يندل مكاني غيرك منو علموو؟
ـ والله العظيم ما ادري بس سمعت بلال وسالم يسولفون
ـ جذابين يحجون كدامك حتى توصلي الموضوع وارجع ذولي نغوله اعرفهم
ـ براحتك رَيس انا العليّ بلغتك
ـ مشكور مُنير ماقصرت
رجعت للغرفه
سمعت صوت ماي من الحمام عرفتها جاي تسبح بدلت ملابسي واتمددت بالفراش انتظرها تطلع طلعت من الحمام شافتني وتفاجئت كالت
ياقوت : بهل سرعة كملت اتصالك
ديهم : لا اريد احجي وياج
ـ احجي اسمعك
ـ تعاي امشط شعرج ونحجي
ـ لا اني امشطه احجي
كمت من الفراش مسكت ايدها بستها وكعدتها بحضني
ـ مره وحده بحياتج كوليلي حاضر ولا تعاندين ضلت ساكته وارتبكت سحبت الخاولي من شعرها وشميت شعرها اخذت نفس طويل بست رگبتها واحتضنت خدها بكف ايدي
ـ شهل خدود خدود الترفة ولج؟ عقل ماخلن براسي ضلت ساكته ومتباوع بعيوني
ـ باوعي بعيوني
ـ ها
ـ اموت بـ لون عيونچ
ـ شنو الموضوع الردت تحجي وياي بي
خليت ايدي على شفتها وكتلها
ـ اششش اسكتي اريد اتأمل وجهج زين مشتاگلوو
قربت وجهي منها بست شفتها وهيّ ابعدت وجها عني مسكت فكها وبستها بخفة بشفايفها باوعت بعيونها ما انطت اي ردة فعل رجعت بستها بوسة اطوول
ـ كافي دَيهم
ـ مو كافي … اريدج كلشي بيه يريدج اريد كل ذرة بيج تكون الي وحدي تدرين شكد عانيت حتى اوصل لهاي اللحضة شكد دعيت وصليت حتى اصحى الصبح والكاج نايمه بحضني واعترف اذيتج وكلشي سويتو وياج غلط بس انا قبل لا اعرفج بحياتي مافكرت اتغير بس تغيرت علمودج ومستعد اكون الشخص اللي تردي ركبيني على مزاجج
وخرت المنشفة عن صدرها وحطيت كف ايدي على صدرها وكتلها
ـ اريد هذا ينبض بس الي
ـ بس انتَ اذيتني هواي ضربتني واذيتني وتنام وياي غصب شلون تريد اتقبل شخص اذاني
ـ مستعد اعوضج عن كل الالم اللي شفتي مني وانسيج كلشي واوعدج مترجع هذيج الايام بس حني عليّ وحاولي تحبيني من تحبيني يتغير كلشي وغلاتج
ضلت ساكته كتلها
ـ انتِ ماغاح تعيفيني مو؟ حتى لو اجو اهلج يريد ياخذوج متخليني وتغيحين؟
ـ ما ادري
صرت العب بخصلات شعرها وامشطو بأصابعي مشيت اصابعي على رگبتها اتلمسها
ـ اريد البس ملابسي
شفتي لامست اذنها وهمست
ـ ابقي بعد شويه
ما تحملت بست اذنها وبست ركبتها صرت اطبع بوساتي بركبتها وبشفايفها
……..
صار الصبح حسيت من نومي هيه نايمه بحضني بدون ملابس مثل الملاك ضليت ابوس بيها حتى تصحى حست وفتحت عيونها وكالت
ـ عوفني نايمه بعدني نعسانه
ـ يلا حبيبي شهل نوم ابني كومي كافي نوم ترا ما اضمن نفسي يمكن اكلج وانتِ نايمه
ـ شويه حباب 10 دقايق
ـ ساعة 10 ح اكوم اسوي ريوك
واجيج نتريك سوه اموتج اذا لگيتج نايمه يلا بابا كومي يحيلي اسبحي بين ما اجهز الريوك
ـ شكد مكروه دَيهههمممم .
عفتها ورحت سويت الريوك كملت ورجعت لكيتها نايمه خليت الصينيه على صفحة وكشفتها ومسكتها من خصرها
ديهم : ولج البتره انا شكلت ها مو كتلج اجي الكاج كاعده
ياقوت : انطيني ملابسي
ديهم : لا تلبسين ميحتاج
ياقوت : لا حباب ميصير
كامت لبست واجت يمي كعدتها بحضني صرت اوكلها بأيدي ابوس بيها واسولف وهيّ تضحك ضحكتها عالم ثاني خدودها وعيونها وشفايفها واسنانها الناعمه ضليت بس صافن بيها عبالك بعمري ما شايفها
ديهم : انتِ ليش هلگد حلوه؟
خجلت ما جاوبتني مسكت وجهها بيدي وبوست خدودها.
عدت الايام والاشهر واحنا بالشمال وكلشي بخير وانا وياها مرتاحين
اجاني اتصال من مُنير
مُنير : دَيهم اطلع بسرررعةة عمك جاي عليك عارف مكانك
دزلي تسجيل صوت لـ بلال يكول اسم المكان
لـ عمي ركضت بسرعه الم ملابسنه
ياقوتَ : شبيك دَيهم وين رايحين
ـ البسي عباتج وشال احجيلج كلشي بالطريق
ـ بس فهمني دَيهم
ـ ابوي انت ابوسسس اديج لا تسألين هواي ماكو وقت استعجليييي
لمينه ملابسنه وطلعنا راجعين لـ صلاح الدين تكريت
ـ دَيهم وين رايحين
ـ راجعين لتكريت
ـ ليش
ـ شنو ماتردين ترجعين؟
ـ بلي اريد
ـ ونعيش بيتنه انا وياج نفس قبل
ـ لا
ـ شنو لا ولج
ـ اروح لأهلي
ـ كل عقلج ياقوتَ
ـ اي
ـ يول وايامنه وسهرنه وليالينه وسوالفنه وحبنه؟ كلهن ذني عادي عندج
ـ ها مدري
ـ شلون ماتدرين يا امي چا وانا وين اولي بدونج
ـ جوعانه
ـ صار يحيلي صار
سفطت السيارة واشتريت الها اكل كامت تاكل
ـ امشي لو لمن تكملين يلا؟
ـ امشي عادي
شغلت السيارة ومشيت اكلت وشبعت كتلها
ـ وهسه نرجع لموضوعنه
ـ يا موضوع
ـ جُماره لا تغشمين نفسج تعرفين قصدي يا موضوع
ـ ها
ـ وجعا اريدچ يمي لا تعيفيني حتـلو ابوج يجي ياخذج
ضلت ساكته
ـ اذا اجه ياخذج تغيحين وياه؟ ياقوتَ جاوبيني بكل صراحة ولا تخافين والله ما اعصب عليج ولا اذيج انا شكتلج انا اتغيرت علمودج ابداً لا تخافين مني كليلي
ـ ابقى وياك بس توعدني
ـ وعد يُبا وعد
ـ تبقى هيج وما تتغير وتخفف من غيرتك الزايده و…
ـ وعد والعباس ماتشوفين مني الا كل خير
ـ دَيهوم ترا ثقيت بيك
ـ يحيلي الله يقدرني وما اخيب ضنج
ـ امين
ـ يعني هسه ما تعيفيني؟
ـ كتلك اي دَيهم لا تلح
ـ يول انتِ مو ثقة والله اخاف تغدرين بيه بس وشرف محمد اذا سويتي سوالف تعبانه منا ولا منا احركج انتِ واهلج وانتو عايشين
ـ ها بلشت الاعصاب
ـ اوكِ خلاص .
بعد ساعات صار الليل دخلنه تكريت وانا كل الطريق اسئلها تبقين يمي ماتغيحين ويا اهلج لعبت نفسها وبعدني ما مصدك بيها خايف منها تغدر بيه
ـ ياقوت ـ
وصلنه بيت اهل ديهم الحمايه فتحو الباب ودخلنه جوه
ام بـلال : يا يمهه يبعد عيني وين جنتوو يمه تعاي ياقوتَ بنيتي تعاي شسوالج هذا المجنون خوما اذاج يا امي
ياقوت : لا خاله ما اذاني كلشي مابينه چنه نغير جو بالشمال
بلال : زين اجيتوو واذكرتوو اكو جلاب وراكم ينتظرون او جلاب تسأل عليكم ولكم عاد ع الاقل جان اتصلتوا امي گلبها راد يوگف عليكم سالم : ماتحجي دَيهم شكو ساكت وين جنتوو وين اكو مطي يطلع هيج طلعه ومايكول هو وين غايح
ريهام : انت صرت تسوي بكيفك دَيهم شفت ابوي تمرض وبالمستشفى كلت خل العب بيهم بكيفي محد يكدرلي بعد
دَيهم : لا انتم ولا ابوكم ولا ابو ابوكم يگدر يوكف بوجهي اذا ردت اسوي شي وثانياً انتم شكوووو شعليكم بينه عسى ما غايخين لأخر العالم لحد يدخل ولا تضلون تاكلون خرااا زايد ريهام : كل البلاوي من هاي الحيه الواكفه وراك هيه سبب المشاكل كلها والله اذا دره ابوي بعمايلك الا ينجلط ويموت واريدوو من هاي العوبه مرتككك
ديهم : سدي حلكج يلا عاااد لا تغلطين هاي مرتي وتحترميها مثل الخوش ادميه فاااهمه سمعوني زين انتم كلكم احنا رجعنا ما اريد اسئلة زايده ناقصه لا دوخوني و ياقوتَ احترامها من احترامي الما يحترمها خله يكول من هسه حتى اجرم بي لا نضل نمثل على بعض ماكو احد بيكم يحبها بس تحترموها مثل الچلاب رضيتوو او ما رضيتوو و قسماً بالله اللي اسمعو همساً يحجي عليها او جايب طاريها كدام احد لا يلوم الا حالو ياااااقوتَ خط احمرررر فاهمين!
محد رد كلها ساكته رجع صاح بيهم
ـ فاااااهمين! يلا كل واحد لغرفتوو ياكل خرا وينجب لا تصيرون زلم براسي وتكعدون تحاسبوني محد الو حق يحاسبني انا حُـر باللي اريدو اسوي حتى ابوكم بشيبتو وشواربو ما گدر يمشيني على مزاجو انتم تردون تسووها ؟ لا والله تخسون
ريهام : انا اغيح لدوامي اشرف لي
دَيهم :لا تغيحين ويا الجلب مالج بعدين تكعد الناس تمسلت بسوالفها عليجن
ياقوت : ديهوم يا جلب هذا؟
ـ السايق الخاص مالتها
ضحكت عبالي صدك عدها جلب كالت امه
ـ يا يمه ياقوتَ شلونج شلون صحتج شو ضعفانه يا امي
ـ حبيبتي خاله اني صرت بخير بس شفتج
ـ وليدي دَيهم شلونك انتَ يا يمه مافكرت بيه ماكلت عندي ام تخاف عليّ شلون تغيح وماترد كل هل فتره
ـ حقج عليّ يمه بس والله جنت مجبور
دنگ باس راسها وهيه مستمره تعاتبه وتبجي بچتني وياها كالت
ـ يمه ليش ما تعيشون ويانه البيت جبير وفارغ مابي احد ليش تكعدون بيت وحدكم وحشه عليكم
دَيهم : يمه انتِ تعرفين كلشي ما يحتاج اشرحلج.
ـ ابوك مريض يا يمه وبالمستشفى والبيت دايح مابي احد اخوك بلال طول الشهر بالدوام يجي شواي ويغيح واخوك سالم تعرف وضعو يحب هاي البنت وكل نهارو متعارك ويانه ومعاندنه وما يطب البيت الا وكت اللگمه ما يجيبو غير الليل يا يمه وخواتك ٤ بالبيت اخاف عليهن ع الاقل انتَ تنتبه ع البيت وعليهن انا ما اكدرلهن
ـ يمه انا اي شي من فلوس ابوي ما اريد ولا اريدو يصرف عليّ ولو بربع دينار انا احب اعيش بتعبي ماريد بشر يسوي عليّ فضل
ـ ميخالف يا يمه اكعدو هنا ويانه وعادي اشتغل واصرف على مرتك وعيشو بتعبك لا تاخذ شي من ابوك وبعدين خطيه مرتك تبقى وحدها وتضوج من انتَ بالشغل.
ضلت تقنع بي بعد محاولات هواي اخر شي اقتنع وكاللها
ـ هاهيه يمه مثل ماتردين بس انطينه وقت ننقل اغراضنه
ـ غيح جيبهن يمه وتعال وانتِ ياقوتَ تعاي يمي مشتاگتلج يبعد عيني
دَيهم راح يخوزر بيه وبأمه هذا شبي اخذتني لغرفتها كعدنه نسولف ماسكه ايدي وتحجي
ـ بنيتي شلون دَيهم وياج
ـ زين خاله
ـ خوما اذاج او ضربج
ـ لا خاله ابد والله حيل حباب وياي
ـ عفيه بنيتي عفيه الحرمه الزينه تتحمل زوجها بكل حالاتو واهم شي ماتفضح كلشي يصير بيناتهم الحرمه الزينه الاصيله ماتسولف مشاكلها لأن البيوت اسرار يا يمه هاي انا اتحملت عمج وامج هم اتحملت ابوج وانگضه العمر وغاح الحرمه الزينه تحافظ على بيتها وزوجها
ـ صار خاله حبيبتي
ـ وانا معاج ابد ما ارضه يغلط عليج او يمد ايدو ويضربج تدرين ليش ردتكم تكعدون ويانه
ـ ليش
ـ حتى تصيرين كبال عيني كل ما يسوي شي غلط وياج ارزلو ما ارضالو انا والله هوا صح عصبي بس انتِ يا يمه هم تعاندين لا تستفزينو خله يولي عيفيه سويلو كلشي يريدو وماعليج بشي انا معاج ما يكدر يحاجيج كلمه وحده سمعتي يا يمه
ـ مشكوره خاله الله لا يحرمني منج تصدكين امي ما وكفت وياي هيج الله ينطيج صحة وعافيه ياعمري خاله
حضنتها وصرت ابجي وهيه تمسد على راسي كالت
ـ عجل شلون يا يمه انا شعندي غيرج بنيتي يا ياقوته والله اغليج اكثر من بناتي ولا تفكرين ماكو احد سند الج تلگيني انا واكفه بوجهو اذا يزعلج
ـ يعني من يزاعلي اجي انام يمج هههههه
ـ اي تعالي يا يمه شوكت ماتحبين بيتي وغرفتي وگلبي مفتوحين الج
ـ يبعد روحي خاله شكد حنينه سوالفج
ضلينه نضحك ونسولف
جانت ريماس بالمدرسه طامسه بالسادس 5 سنوات و ريهام معلمه و ريام مطلقة وكاعده بالبيت لا شغله ولا عمله و رغد 24 ساعة يم بنت خالتها ومرت بلال يم اهلها البيت جان مابي احد بس ريام بغرفتها وماشفتها اول ما اجينا والولد سالم و بلال راحو لشغلهم
سالم يحب وحده من المنطقه واهله رافضين ياخذوها اله لأن مو من مستواهم الثقافي والمادي وهم اكو عداوه بيناتهم وما ناس تحب ناس اكو كرهانيه قديمه بيناتهم وحتى ابوهم غيدان كاتب وصية خاف يموت ما ياخذوها
لـ سالم ابداً و سالم ماعنده ذيج الشجاعة يخاف وما يكدر ياخذها غصب عن اهله يعني مو مثل دَيهم اليريده يسوي وغصب هم ومحد يكدر يحجي وياه و بلال صارله 6 سنوات متزوج وماعنده اطفال السبب من مرته وعيالي يفكرون يزوجو وحده ثانيه فوك مرته وهيه متقبل وهو يحبها ما ينطي گلبه يتزوج عليها وخوات دَيهم محد يتقدم الهن قسمتهن حيل متعطله يعني كلهن كبار بالعمر بس محد يتقدم الهن بيهن بس مريم متزوجه وعدها ولد واحد
ريهام عمرها 35 اكبر منهم كلهم
ومريم 33
وريام 30
و رغد 28
و ريماس البربوء 25
و بلال 34
وسالم 31
ومرت بلال 30
وزوجي طرزان 29 واني 19 .
نقلنه اغراضنه واستقرينه يمهم بالطابق الثاني واهلي اجو شافوني وشفتهم وقنعتهم دَيهم ما جان يأذيني
طالعين نغير جو واقتنع ابوي وخلاني ما اخذني وطبعاً ريماس ما احجي وياها ولا تحجي وياي وكل ما اشوفها اشمرلها حجايه لو هيه تشمرلي و دَيهم يكفشها من شعراتها ويتعاركون و هيه هم مريضه دَيهم صگطها من الخرعه صارت عدها زائدة دوديه ( مصران اعور ) لازم عملية يلا يروح وابو دَيهم بالمستشفى كل فتره نروح نشوفه
كاعده بالغرفة وحدي واتصفح بالتلفون اجت العامله سبأ
سبأ : ماما هذا گوب حليب من ماما ام بلال يكول خل يشربه كله
ياقوت : يبعد روحي سبأ مشكوره كولي لماما حاضر راح اشربه
راحت وشربت الحليب شواي سمعت صوت احد يناديني بأسمي كال
ـ ياقوتَ
وبعدها ضحكة بسخرية تكرر الصوت ٣ مرات سبأ بالطابق الثاني تنضف بغرفة سالم كتلها
ـ سبأ حبيبتي منو جاي يصيحني
ـ محد ماما البيت مافي احد بس ماما ام بلال ونامت
شسالفه يربي شمرت التلفون و سويت مساج لراسي كلت يمكن من قلة النوم دا اتخيل كمت قفلت الباب و طلعت ملابسي دا اريد اسبح خليتهن ع الجربايه دخلت للحمام وفتحت الدُش وكفت جواه سمعت صوت احد يفتح الباب كلت
ـ ها رَيس اجيت؟
اني ادري دَيهم عنده نسخة من المفتاح لأن احياناً اكون نايمه وهوَ يجي بس يفتحه علمود ما يكعدني ما جاوبني ماكو صوته صرت اسمع صوت سوالف وهمس خفيف بالغرفة كلت
ـ انجب دَيهم بطل هل حركات عود تخوفني بيها والله ما اخاف ديلا
صوت الهمس صار اعلى واصوات ناس تضحك خرطت العافيه سديت الدُش اختفت الاصوات فتحت باب الحمام وباوعت بالغرفة ماكو احد رجعت دخلت للحمام وكملت سبح اخذت المنشفة لفيتها على جسمي وطلعت دا اريد البس ملابسي مالكيتهن ع الجربايه واني توا طلعتهن اريد البسهن هبطت من الخوف فتحت الكنتور لكيت الملابس معلگه بالكنتور لعد اني مو توني طلعتهن يمه اسم الله الرحمن رحت اتأكد من الباب مقفول طلعت الملابس ولبستهن
لفيت شعري بالمنشفة انتظره ينشف حسيت بدوخة كلش قويه الدنيا تفتر بيه و وجع براسي فضيع حاولت امسك نفسي ما اطيح عيوني غوشت ودگات گلبي بطيئة رجليه نملن ماكدرت اسيطر وطحت من طولي بالكاع كلشي صار بعيني اسود
بعد مدة حسيت احد يضرب بيه راشديات بخفة يحاول يصحيني ويكول
ـ يااقوتَ بويه اكعديي ياقوتَ تسمعيني
فتحت عيوني بصعوبه شفته ورجعت غمضت اريد احجي ما اكدر صار يضرب بيه اقوه و يكول ديهم : فتحي عيونج بويه فتحيهن ياااقوتَ لا لا خليج ويايي لا لتغمضين
حسيته شالني من الكاع وهو يكول للعامله ديهم : كولي للسايق يحضر السيارة بسرررعة لا تتأخرين
يتـبع ….
▭𝅼▬࣪▭𝅼▬࣪▭𝅼▬࣪▭𝅼▬࣪▭𝅼▬࣪▭
شلونهن الحلوات امس منزلت بارت لان تعبانه وكل ماجي اريد اكتب بارت تلعب نفسي واعوفه
صدك بنات اكو بنات ديكولون القصه انحذف
حبايب اني. شوكت كلت انحذف اني كلشي انشر بلقناة وماكلت انو انحذف ولااا راح تنحذف
او شووفو بلبارتات البدايه جنت اكتب اسم ريهام رنيم بعدين نسيت اسم رنيم عبالي اسمها ريهام ف ضليت اكتب ريهام ف خاف مركزين ع اسم رنيم ف رنيم نفسها ريهام
الفصل التالي: اضغط هنا
يتبع.. (رواية بين قبضتهم وقلبه) اضغط على اسم الرواية لتجد الفهرس كاملاً بجميع الفصول.