رواية بنات المنشاوي الجزء الثالث – الفصل السابع والخمسون
بارت ٥٧
بقلم خلود وائل 🌻
دلفت آيه للغرفه باكيه لتجد صفيه قد فارفت الحياه ودعاء و ابنتها يحتضنوها وهي ممسكه بالمصحف وروحها الطاهرة فاضت لربها الكريم وبعد ثواني معدودة عمت حاله من الفوضي في القصر وانتشر خبر وفاه صفيه لتمضي عدة ساعات ويخيم الليل ويعود الرجال برفقه فارس وريان للقصر وسريعا تلاشت سعادتهم عندما علمو بما حدث فلم يقوي فارس علي التمهل لحين سماع ماحدث وهرول للأعلي ودلف لغرفه والدته ثم ارتمي بأحضانها باكيا كالاطفال
فارس : ليه اكدة يما سبتيني لحالي بنص الطريق فوجي يما وحياتي عندك ردي علي أني ملييش غيرك في الدنيا دى ابوي وخواتي فارجوني لمين مهملاني ردي علي عشان خاطري
كان الجميع يشاهدون واعينهم تقطر دموعا حارقه واستدعو عدد لا بأس به من الأطباء كل منهم يؤكد وفاتها ولكن فارس لا يصدق ان والدته قد فارقت الحياة
سيف وهو يحتضنه : وحد الله يافارس كلنا هنموت
فارس بنحيب : فارقتني ياسيف هملتني لحالي
سيف بحزن : انت مش لوحدك كلنا جمبك
ظل فارس يبكي وهو بجوار والدته وأبي ان يفارقها مصرا علي دفنها بصلاه الفجر ومضي الليل بتثاقل شديد وحزن يلف القصر بأكمله ودموع لا تهداء ونعاس لم يؤتي اي فرد منهم عدا هايا التي كانت بوادي اخر لا تدري مايدور حولها غائبه عن الدنيا بمن فيها والمحاليل متصله بجسدها تمدة بأحتياجها من الغذاء والدواء وحين ارتفع أذآن الفجر أدي الجميع الصلاه الفريضه وتبعتها صلاه الجنازة ثم مضو بها نحو المقابر وتم دفنها وسط دعاء مكثف من جميع الحضور وكل يشهد لها بطيبه وسماحه القلب ولين التعامل .. وقف محمد يخطب بالناس خطبه صغيرة عن الموت وحلاوة لقاء العبد بربه قائلا
” انا لله وانا اليه راجعون كلنا عباد الله وبيوم من الايام اليه راحلون فالدنيا دار إلتواء لا استواء دار عمل والأخرة دار جزاء فمن لم يعمل هنا ندم هناك ومن علم حقيقه الدنيا لم يحزن لهم او غم ولم يفرح لهناء اذكركم واذكر نفسي برحمه الله تعالي فهو الغفور الرحيم واذكركم بالتقرب الي الله بفعل الخيرات والابتعاد عن المعاصي والمنكرات فقد روي عن الحبيب المصطفى صلى الله عليه وسلم انه كان بجنازة وجلس علي شفير القبر وبكي حتي ابتل الثري ثم قال : ياإخواني لمثل هذا فأعدو .
انهي محمد خطبته وتبعها بالدعاء وخلفه الجميع يؤمنون
اللهم أنر ظلمه قبرها ” آمين” وأنس وحشتها ” آمين” اللهم خفف لسانها واحسن سؤالها وثقل موازينها واجعلها من ورثه جنه النعيم واچمعنا بها في الفردوس الأعلى يا ارحم الراحمين ياالله
” آمين ”
ثم غادر الجميع وبقي المقربون جالسون قليلا يؤنسون فقيدتهم ساعه الحساب ثم غادرو وبالنهايه كل منا باقي مع عمله الذي إن صلح كان قبرة روضه من رياض الجنه واذا فسد كان قبرة حفرة من حفر النار اللهم عافنا واعف عنا
اتجه الجميع للقصر الذي امتلاء بالأهل والمقربون وحتي الأغراب الذين قدمو لتقديم التعازي وبالاعلي افاقت هايا من سباتها العميق واعتدلت في جلستها بوهن ونظر حولها فلم تجد احد وانما وجدت الكثير من الادويه وكانيولا بكف يدها وملابسها مبدله بأخري نظيفه فهمت بالنهوض ومضت بضع خطوات بوهن متجهه نحو المرحاض وتوضأت وصلت الصبح وهي جالسه علي احدي المقاعد ثم فتحت الباب تبحث عن اي احد وماان فتحت باب الغرفه حتي تطرق لمسامعها صوت القرآن الكريم فتقدمت بضع خطوات للأمام حتي توقفت بالقرب من السلم الرئيسي المؤدي لبهو القصر واختلست النظرات نحو اصوات البكاء فوجدت جمع غفير من النساء جميعهم يرتدون ملابس سوداء فجحظت عيناها بقوة مما تري وبدأت دموعها في النزول وهي تتذكر الليبه الماضيه ولا تدري كيف انتهت من ياتري راح ضحيه إنقاذها واين والدتها وافراد العائله ايعقل ان يكون احدهم هو فقيد هذا العذاء
عادت لغرفتها وهي تترنح ولا تري امامها وحينما دلفت للغرفه ارتمت علي احدي المقاعد وهي تتذكر رؤيتها لمالك قبل ان تفقد وعيها تري هل كانت هلاوس ام ماذا وحينما شعرت بأنها ستفقد الوعي مرة اخري نهضت لتطلب المساعدة وقبل ان تبلغ الباب سقطت ارضا مغشيا عليها
______________________________________
كان مالك يجلس برفقه الرجال وحينما اشتدت اشعه الشمس تذكر انه منذ وصوله للقاهرة لم يهاتف محبوبته فابتعد قليلا عن المكان المخصص للعزاء والذي يتوافد اليه الاقارب من الرجال ووضع يدة بجيبه يبحث عن هاتفه فلم يجدة وتذكر انه تركه بغرفه هايا حينما اتت الممرضه لتركيب المحلول لها مساءا قبل مغادرتها بعد وفاه صفيه
مالك : يوووة زمانها فاقت الوقتي اعمل ايه ولا ادخل اذاي
اتجه اليه حمزة مردفا : في حاجه يامالك
مالك : اه .. متعرفش تطلع فوق تجيبلي فوني علشان نسيته في اوضه اختك بليل
حمزة : لف من ورا هتلاقي باب صغير وجمبه افران كدة ادخل منه هتلاقي نفسك في المطبخ وامشي لقدام ولما تخرج هتبقي في الريسيبشن وبسرعه تطلع السلم وتدخل الاوضه اتطمن علي هايا فاقت ولا لسه وهات تلفونك وبعدين انزل ذي ماطلعت
مالك : طب ماتروح انت
حمزة وهو لا يريد رؤيه نغم : لا انسي انا صدعت من العييط بتاع الناس ال جوة
مالك : انت مش زعلان علي جدتك ولا ايه
حمزة : جدتي صفيه يتزعل عليها العمر كله بس انا بقالي يومين منمتش وضغط نفسي متواصل وعزا بالنهايه ذي ماانت شايف فبجد مش متحمل اي حاجه
مالك بتفهم : سلامتك ياميزو خلاص خليك وانا هدخل
فعل مالك مثلما اخبرة حمزة وبالفعل استطاع الوصول لمبتغاه دون ان ينتبه له الكثير من المتواجدين بالقرب من السلم حتي صعد للأعلي واتجه نحو الغرفه وماان دلف حتي رأي هايا ممدة علي الأرض ووجهها شاحب فأسرع نحوها وحاول افاقتها و تحسس نبضها فوجدة ضعيف فحملها بين يديه كالعصفورة الصغيرة و ضعها برفق علي السرير واتجه نحو مقتنيات نغم وامسك بزجاجه برفيوم ونثر القليل منها علي يدة ووضعه امام أنفها لتستنشقه وتفيق وبالفعل ابدت حركات ناعمه تعلن انها استعادت وعيها فنهض هو سريعا واتجه نحو طاوله مستديرة امام الأريكه يوجد عليها علب العصير وبضع قطع من البسكويت فحمل بعض منهم وعلبه عصير واتجه نحوها بعدما جلست بوهن
مالك : حمد لله على السلامه
عبثت بعينها بأصابعها ثم رمشت عدة مرات ببلاهه متناسيه التعب الذي تشعر به وهتفت : مالك ؟!
مالك : انتي عرفاني
هايا بفرحه : ايوة طبعا انت .. انت .. انت جيت هنا اذاي وبتعمل ايه
مالك وهو يناولها قطعه من البسكويت : هحكيلك كل حاجه بس مش دلوقتي
نظرت ليدة الممدودة بالبسكويت ثم رمشت مرة اخري بعدم تصديق : انا بحلم صح
مالك بابتسامه متعجبه : اشمعنا
هايا بأندفاع طفولي : انا في حلم اكيد بس ليه مصحتش منه أنا حلمت بيك اصلا امبارح قبل مايغمي عليا
مالك : مشاء الله انتي بتحلمي وانتي بوعيك قبل مايغمي عليكي
هايا وقد استشعرت انها لاترتدي حجابها ووضعت يدها سريعا علي راسها واعينها متسعه من هول الإحراج الذي تشعر به: طرحتي
نظرت يمينا ويسارا ليهتف هو : ملهاش لزمه كدة احلي
هايا بضيق : انت سخن ولا حاجه من فضلك هات طرحتي
مالك : طب اهدي طيب واشربي العصير دة وكلي البسكوت علشان متقعيش من طولك تاني وبالنسبه لطرحتك فأنا معرفش مكانها وحقيقي مفيش داعي تكتفي نفسك بيها علي الأققل دلوقتي علشان انتي حاليا مراتي
انهي جملته وهو يضع قطعه البسكويت بفمها المفتوح بقوة من الدهشه وعدم الاستيعاب
هايا : مراتك ؟! مراتك مين .. انا !
مالك وهو يضع الشاليمو بعلبه العصير : تقريبا
هايا بسعادة تكاد تجعلها تفقد وعيها مرة أخري: احلف وقول والله كدة
نظر لها بفتور ثم هتف : حاسك فرحانه !
هايا باستدراك لحالها : احم مش قصدي انا يعني لما أنس خلاني امضي علي قسيمه الجواز مكانتش صورتك موجودة ولا حتي بيناتك موجودة
مالك : علشان كنت لسه موصلتش هنا ولما جيت المأءون اخد بطاقتي وصوري ال كانت معايا وظبط كل حاجه
هايا : انت زعلان
مالك : من ايه بالظبط
هايا بقلق : يعني علشان اتجوزتني
مالك : بصي انتي حاليا تعبانه وطالعه من صدمه نفسيه صعبه والكلام مش كويس ليكي فخلينا نتكلم بوقت تاني تكوني بقيتي احسن تمام
هايا : تمام
مالك : شطورة يلا اشربي العصير
امسكت بالعلبه وارتشفت بضع قطرات ثم ابتسمت مردفه : عرفت منين اني بحب عصير الجوافه
مالك بلا مبالاه : عادي جه صدفه في ايدي
هايا: مش هتشرب معايا
مالك : لا انا هتكلم في التليفون
امسك بهاتفه واتجه نحو الشرفه القريبه من سريرها واجري اتصالا ب ايلدا وتطرق الحديث لمسامع هايا وكان باللغه الألمانيه التي اختارت هايا دراستها لأجله خصيصا بالمرحله الثانويه
مالك : كيف حالك حبيبتي
ايلدا : اوة مالك لقد اشتقت لك كثيرا كيف اوتيت من قوة انستك محبوبتك
مالك بضيق : حبيبتي وكيف لي ان انساكي
ايلدا : ماالأمر عزيزي تبدو مستاءا
مالك : كيف وبماذا اخبركي ايلدا في الحقيقه الأمور هنا معقدة قليلا
ايلدا : كيف ؟ هيا اخبرني
مالك: لا اشعر بالحاجه للحديث حاليا افضل اخباركي حبن انتهاء الامور
ايلدا : حسنا وانا بأنتظارك وقتما تشاء
مالك : كيف الحال مع ماركو( مساعد مالك )
ايلدا : ماركو منتبه للعمل ويحسن فعلا البارحه كنت برفقه يوستينا ومررنا عليه وكانت كل الأمور علي مايرام إذا اردت يمكنني تولي مهام عملك لحين تعود فبالنهايه نحن الاثنان واحد
مالك : واحد طبعا عزيزتي ولكن دعي الاعمال وشأنها كي لا يشعر ماركو بالضيق
ايلدا : وماذا إذا هل ستظل تحسب لشعورة بالضيق ألف حساب فليذهب للچ***
مالك : توقفي عن هذا ايلدا اخبرتكي سابقا ان ماركو ليس فقط مساعدي وانما صديقي
ايلدا : حسنا إذا اسرع بالعودة فأبتعادك عني لايطاق
مالك بأبتسامه : اتمني ان لا يطول الأمر فلقد اصبح معقدا بما يكفي
( لغه ألماني علي ماتفرج 😂😂🙈 )
اغلق الخط ودلف للداخل وجلس بجوارها مرة اخري مردفا : لسه مشربتيش العصير
هايا بفتور : مليش نفس
مالك : دة اكيد علشان انتي تعبانه بس لازم تتغذي كويس كفايه ادويه ولا ايه
هايا : ممكن اسال عن حاجه
مالك : اتفضلب
هايا وهي تبتلع غصه بحلقها : الناس ال تحت دول جايين ليه
مالك : انتي نزلتي؟
هايا بنفي : لا انا بس يادوب فتحت الباب علشان ملقتش حد معايا وبصيت تحت لقيت المنظر يخوف ورجعت بسرعه بس دوخت ومحستش بأي حاجه غير وانت جمبي الوقتي
مالك : جدتك صفيه اتوفت امبارح
هايا وهي تشعر بتجمد حواسها : انت بتتكلم جد
مالك : ايوة
هزت رأسها بأستنكار ثم شرعت في البكاء و تعالت شهقاتها واصبحت ترتجف بقوة اثارت التوتر بداخل مالك فأقترب منها قليلا ثم هتف
مالك : اهدي شويه الموت علينا حق
هايا بصراخ : انا السبب ماتت بسببي مستحملتش ال انا عملته في عمي فارس انا سبب موتها
احتضنها مالك محاولا تهدأتها ولكن تحولت للأسواء وظلت تصرخ وتبكي فالتفت مالك حوله مستنجدا بمساعدة احد فلم يجد
مالك : يابنتي دة قضاء ربنا وحدي الله انتي ملكيش ذنب
هايا : انا ال زعلتها انا عارفه
مالك : هي ماتت اصلا بعد انتي ماجيتي واحنا عرفناها ان عمك فارس دة هيطلع برائه
هايا وهي تنظر له بزرقاوتيها الممتلئه بالدموع : بجد
مالك وهو يبتعد عنها قليلا بعدما شعر بالارتباك من عيناها : ايوة بجد بطلي عييط بقي
ظلت دموعها تهبط بوتيرة اقل ثم ربت هو علي كتفها هاتفا : تحبي اساعدك في حاجه قبل ماتنزلي
هزت رأسها بنفي : لا ميرسي
نهض من جوارها وهم بالمغادرة لتستوقفه هاتفه : مالك
التفت مردفا : نعم
هايا من وسط دموعها : شكرا لوقفتك جمبي
مالك : الحمد لله انك بخير
ابتسم بتكليف مغادرا وما ان اغلق الباب ومضي بضع خطوات انتبه لفتاه عبرت من جواره ثم توقفت امام باب الغرفه وهمت بفتحه
مالك : استني هنا رايحه فين
نغم بملامح شاحبه واعين حمراء من كثرة البكاء : داخله چوة
مالك وهو يعود نحوها: جوة فين
نغم : هيكون چوة فين چوة اوضتي
مالك : لا دى اوضتي انا ومراتي
نغم بتنهيدة تعلن نفاذ صبرها : عچولك ايه يامخبل انت منقصاش منيك قله عقل قلتلك دى اوضتي اني روح شوفلك مطرح اترمي فيه انت ومرتك قال علي راي المثل البيت بيت ابونا ويچو الغرب يطردونا
مالك : بيت ايه وغرب مين متصطبحي يابت انتي وتحترمي نفسك
نغم وهي تعقد حاجبيها: بت ! بته تبتك ياقليل الحيا انت كيف تحددتني اكدة تطلع مين انت بسلامتك
مالك بغيظ من اسلوبها : والحلوة بنت السفير وانا مش واخد بالي
نغم : لاااه دة انت مش ناوي تلم لسانك الزفر دة
من الداخل انتبهت هايا للأصوات المرتفعه القادمه من الخارج فنهضت بتعب واتجهت نحو الباب وقامت بفتحه لتجد مالك ونغم يتشاجران
هايا : في ايه
نغم : هايا .. فوچتي ميتي
مالك : انتي ايه طلعك هنا
نغم : صوتكو عالي قوي بتتخانقو ليه
نغم : الواد دة بيقول ان دى اوضته هو ومراته ومش عاوزني ادخل
مالك : الله ماانتي بتعرفي تتكلمي عدل ذي خلقه ربنا اهوة و مين دة ال واد يابت انتي
همت نغم بالرد ولكن استوقفتها هايا : خلاص يانغم علشان خاطري هو ميقصدش بعدين هو كلامه صح
نغم : صح اذاي ياهايا انتى عاوزة تجننيني انتي كمان
هايا : دة مالك ابن عمتي رجع من المانيا امبارح واتجوزنا
رفعت نغم حاجبيها واتسعت عيناها بشدة وهي تنظر لهايا التي ارتسم شبح ابتسامه علي وجهها ثم عادت بنظرها ناحيه مالك مرة اخري
مالك : عرفتي بقي ياشاطرة اني مكدبتش
نغم : ودى بردو اوضتي انا ومش من حقك تمنعني من دخولها
مالك بعناد : لا من حقي طول ماانا ومراتي قاعدين فيها ودخولك هيبقي بأستأذان
زفرت نغم ثم نظرت لهايا ودلفت لداخل الغرفه تاركه مالك مغتاظا منها
هايا : معلش متزعلش منها هي طيبه ومش قصدها تنفعل عليك
نغم من الداخل : انتي ياهانم ياالي واقفه تبرريله انا مغلطش فيه ولو كتر كلام هزعله وزعلي وحش
مالك : واضح انها مش قاصدة انفعال
غادر عائدا للأسفل بينما دلفت هايا وجلست بجوار نغم هاتفه
هايا : البقاء لله
نغم بحزن شديد : الدوام لله وحدة
هايا : ايه ال حصل انا مش فاهمه اي حاجه
نغم : انا جيت من مصر لقيتك نايمه هنا والدكتور كان عندك وشويه و روحت لجدتي وهي تعبانه وماتت بين ايدينا
بكت نغم وتبعتها هايا وظلت كل منهم تواسي الاخري لفترة ليست بقصيرة
نغم : فهميني اذاي ابن عمتك دة موجود هنا لا وكمان متجوزك
هايا: هتصدقيني لو قولتك اني معرفش اصلا
نغم بنبرة يشوبها الحزن : امال مين ال يعرف
هايا : مش عارفه بس لما الحيوان ال خطفني دة جابني هنا عمل خناقه كبيرة مع بباكي واخواتك وروحنا القسم وهناك حبسهم كلهم بتهنه ان بباكي وريان اعتدو عليا
نغم : نعم يختي!!!!
هايا بخجل من نفسها : وانا شهدت عليهم
نغم وهي تهز راسها بأستنكار : شهدتي عليهم اذاي علي بابا انه فعلا عمل كدة وعلي اخواتي
هايا : والله غصب عني
نغم بأنفعال : غصب عنك اذاي
هايا ببكاء: هددني هو قالي لو منفذتيش كلامي وشهدتي عليهم هموت ابوكي واخواتك وهفرجك عليهم بيموتو قدامك وطلع صورهم وهما نازلين رايحين الشركه بنفس هدومهم في اليوم ال اخدني فيه من وسطكو وقالي انه عارف كل تحركاتنا وبأشارة منه يقتل اي حد من بعيد وولا يهمه حطي نفسك مكاني دة قدر يثبت انه اتجوزني تفتكري انه صعب عليه ينفذ كلامه
نغم بأنكسار : يعني انا من حقي الوقتي اشتمك واهينك براحتي واطردك كمان برة بيتي ذي مااخوكي عمل وعلى الأققل انا كدة صاحبه حق مش بخمن ولا بشك
هايا : تقصدي ايه ؟ مين ال شتمك وطردك من بيتنا يونس ؟؟!
نغم بابتسامه جانبيه ساخرة: لا… اخوكي ال كان فارشلي الارض ورد
هايا بذهول : حمزة !! ليه عمل كدة اكيد في حاجه غلط
نغم : هو شايف اني انا ال مضيتك علي عقد جوازك من عمي
هايا : اذاي تفكيرة وصله للنقطه دى انتي اخر واحدة تفكر تأذيني ليه فكر كدة شاف ايه يثبتله كدة
نغم : والله ابقي اسأليه
هايا : انا متأكدة ان في حاجه غلط حمزة بيحبك يانغم
نغم بصياح : كفايه بقي حمزة مبيحبنيش لو كان حبني كان ساب خطيبته اول ماحس بحبه ليا
هايا : انتي ال طلبتي منه يكمل
نغم : وهو في واحد عاقل يرضي بالهبل ال قلته
هايا : طب هدي نفسك وحقك عليا انا
نغم : لا حق ولا باطل خلاص انتهت وانا مسحته من حياتي كفايه لحد هنا نكد ووجع قلب وقله قيمه
هايا: انتي ال بتقولي كدة راحت فين إرادتك وتصميمك فين كلامك ال ياما قولتيهولي عن صبري لحد ماربنا يراضيني بمالك واهو فعلا اتحقق واتجوزته بين يوم وليله
نغم : اخوكي جرحني و كسر كرامتي ودى حاجه انا عمري مهنساها ولا هقدر اغفرها ليه
هايا : ومن عفا واصلح فأجرة علي الله
نغم : ياستي عفيت بس خلاص بقي ذيه ذي اخواتي بالظبط ومتستنيش مني اكتر من كدة
هايا : طب اهدي بس الأيام بتداوي كل حاجه صعبه
نغم بحزن:الأيام هتنسيني اننا اتخانقنا اصلا لكن الجمل الصعبه ال طلعت في النص هتفضل معلقه معايا
هايا : انتي قلبك ابيض وبتحبيه انا عارفه بس بتقولي كدة من زعلك منه مش اكتر
نغم : مش فارقه كتير المهم كملي اتجوزتي سي بارم ديله دة اذاي
ابتسمت هايا قليلا ثم هتفت : لما رجعت من القسم عمك حبسني في بيت بعيد عن هنا وحاول يعتدي عليا بس ربنا اكرمني بالمصحف الصغنن ال ماما ادتهولي فكراة
نغم : ايوة
هايا : حطيته في وشه وحلفت عليه ميقربلي وفعلا بعد عني
نغم : هو ال ذي دة بيخاف من ربنا
هايا : ربنا قادر علي كل شئ
نغم : وبعدين
هايا : فضلت اعيط كام ساعه وبعدين سمعت حد بينادي بأسمي براحه كدة فروحت ناحبه الصوت ولقيته أنس متشعلق في الشباك من برة وعطاني قسيمه جواز فاضيه فيها صورتي وبياناتي ومضيت وبصمت من غير مااعرف مين العريس اصلا وبعديها بكام ساعه سمعت صوت ضرب نار ولقيت عساكر داخلين الاوضه ال انا فيها وبيكسرو الباب واخدوني لبابا اول ماشفته اغمي عليا واخر حاجه لمحتها كانت مالك بس حسيت نفسي بحلم
نغم : ولما فوقتي
هايا : من شويه ولقيته جمبي وبيأكلني كمان … نغم انا عارفه ان دة لا وقته ولا مكانه بس انا فرحانه فهماني انا مش مصدقه اصلا ان ال انا فيه دة حقيقه
نغم بتفهم : فهماكي ياقلبي وفرحانه علشانك بجد ربنا يسعدك ياهايا انتي طيبه وتستاهلي كل خير
هايا : بس البت جلدة خطيبته دى كلمته وفضل يقولها حبيبتي ومش عارف ايه
نغم : يخربيت جنانك ايه جلدة دى
هايا : اسمها ايلدا بس انا بقول عليها جلدة
نغم : ولا تنابزو بالألقاب
هايا : انا متغاظه اوي خايفه يفضل مرتبط بيها وانا مجرد امر واقع في حياته
نغم : لا متخافيش هيحبك انا متأكدة يكش بس هو غتت ودمه واقف بس هيحبك
هايا : اتلمي
نغم : معرفتوش مين مضاكي علي قسيمه عمي
هايا : لا انا دماغي هتتفرتك طول ماانا محبوسه عندة ومبطلتش تفكير خالص
نغم : مش بتشكي في حد
هايا : انتي في دماغك حد معين
نغم : ريم
هايا: ريم مين؟
نغم : انتي تعرفي كام ريم
هايا : لا مستحيل ريم دى تؤامي وبتخاف عليا مستحيل تعمل حاجه ذي كدة انتي بتهزري اكيد اذاي فكرتي فيها كدة
نغم : فكري بعقلك شويه ياهايا البت دى اصلا مبتحبكيش ودة باين ذي الشمس بس انتي ال مش عاوزة تشوفي كدة وانا ياما حذرتك منها
هايا : حيلك حيلك براحه يابنتي دى غلبانه وبتحبتي وحتي لو كلامك صح هتعرف عمك منين
نغم : مش عارفه بس الموضوع فيه لغز كبير انا متأكدة انها هي ال ورا الملعوب دة مش انتي قولتي قبل كدة انها مضتك علي ورقه وبصمتك كمان في يةم وانتو بتتغدو سوا
هايا وهي تتذكر : ايوة بس دى حركه عاديه اصلا كانت بتحصل كتير علي النت كتريند وكدة
نغم : صدقيني هي ال عملت كدة
هايا : انا عارفه انك قصدك تساعديني بس انتي كدة بترميها بالباطل علشان اصلا انا مضيت علي ورقه في كشكول عادى مش قسيمه جواز وكمان هيكانت كاتبه اقرار بهزار وكدة
نغم : ياهايا دى مضتك وبصمتك يعني لا هزار ولا غيرة وممكن تكون القسيمه كانت ملزوقه في الورقه من غير ماتاخدي بالك وعموما انتي حرة انا وجب عليا انبهك ولو بجد بتحبيني وبتعتبريني اختك ابعدي عنها
شعرت هايا بالحيرة بينما ارتفعت طرقات الباب ⚡⚡⚡
نغم : ادخل يلي عتخبط
دلفت آيه ثم اتجهت نحو ابنتها واحتضنتها بقوة وظلت تقبل جبينها وكفي يديها وهي تبكي ثم جلست بجوارها وهي تمسد علي خصلات شعرها
آيه بحزن : عامله ايه الوقتي ياروحي
هايا : اتطمني يامامي انا كويسه الحمد لله
آيه : انا عرفت ال حصل من حمزة ومتزعليش يانغم حقك علينا كلنا انتي عارفه حمزة عبيط وميتزعلش منه بصراحه مش لاقيه حاجه اتحجج بيها بس نيابه عنه انا أسف ياحبيبه قلبي
نغم : حصل خير ياخالتو عادي احنا اهل ومفيش بينا زعل انا روحت علي خالتو ورد علي طول وبأءن الله هحول جامعه هنا تكون قريبه خلاص مبقاش ليه لازمه السفر والبهدله
آيه : لا لو عملتي كدة هزعل منك اوي انتي وجودك في البيت عامل جو تاني خالص وكلنا اتعودنا عليكي
نغم : معلش ياخالتو سبيني علي راحتي واوعدك هاجي ازوركم دايما
آيه : ولا كأني سمعت حاجه وجامعتك مش هتسبيها وتحولي
همت نغم بالرد واكن استوقفها طرقات الباب مرة اخري ⚡⚡⚡
هايا : أدخل
دلفت فيروز واغلقت الباب خلفها ثم اتجهت نحوهم واحتضنت الفتيات
فيروز : البقاء لله
الفتاتان: الدوام لله وحدة
هايا : جيتي امتي يافيروز ومع مين
فيروز وهي تجلس بجوار آيه : جيت من الصبح مع ماما وطنط ورد وبابا اول ماعرفنا
نغم : مشوفتكيش تحت
فيروز : انا شفتك بس استنيت تطلعي فوق علشان اعرف اكلمك الدنيا تحت زحمه قوي ربنا يصبركو يارب
نغم : اللهم آمين
آيه : انا هنزل تحت لو احتاجتي حاجه ابعتيلي ياهايا
هايا : حاضر يامامي
نغم : تعبتي نفسك وجيتي المشوار دة كله ليه
فيروز : ولا تعب ولا حاجه بعدين كان لازم اجي اتطمن عليكي بنفسي خصوصا اني برن عليكو وببعتلمو مسدجات من اول امبارح محدش فيكو بيرد وقلقت عليكو جدا
هايا: معلش اصل انا جيت هنا ونسيت تلفوني اصلا في البيت
نغم : وانا تلفوني صامت وممسكتهوش بقالي يومين زنقه اخر امتحان بقي
فيروز : حبيبتي ولا يهمك المهم انكو بخير
هايا : مشكورة لتعبك يافيروز
فيروز : يابنتي احنا اخوات مفيش بينا التكليف دة وبعدين انا هبات معاكو النهاردة ومش هسيبكو غير وانتو كويسين
نغم : تأنسي وتنوري ياحبيبتي
مضت ساعات النهار بتثاقل شديد وحل المساء وبينما كانت تجلس هايا بالغرفه ونغم وفيروز بالشرفه دلفت ليان للاطمئنان عليها
ليان : عامله ايه الوقتي ياهيوو
هايا : الحمد لله احسن ياعمتو
ليان : البنات فين وسيبينك لوحدك
هايا : نغم مخنوقه شويه وواقفه برا وفيروز معاها
ليان : كتر خير نغم بيقولو كانت متعلقه بجدتها اوي
هايا : ايوة فعلا وكمان الصدمه كبيرة عليها قوي خصوصا ان اعز صاحبه ليها اتوفت من حوالي سنه ولسه نغم منستهاش
ليان بتأثر: ياحبيبه قلبي ربنا يصبر قلبها يارب
هايا : يارب
ليان : بصي ياهايا انا عاوزة اققولك كلمتين
هايا بأهتمام : اتفضلي ياعمتو
ليان : انا عارفه انك ممكن تكوني زعلانه بسبب الموقف ال اتحطيتي فيه مع مالك ابني وانك اتجوزتيه غصب عنك بس انا اول ماعرفت المشكله مصدقت واصريت علي بباكي وصممنا انه يتجوزك وبباه اكتر مني كمان انتي ممكن تستغربي اني فرحانه بالوضع دة بس بجد انا فرحانه من كل قلبي وبتمني تسمعي كلامي وتعرفي تأثري عليه وتخليه يحبك وينسي البت ال بتلعب عليه وطمعانه فيه دى
هايا : خطيبته ؟
ليان : ايوة هي مبتحبهوش هي بتحب فلوسه وطمعانه فيه وبتلعب عليه وعمرها مهتكون زوجه صالحه لكن انتي ياحبيبه قلبي ال هتصونيه وتحبيه وتربي عياله التربيه السليمه
هايا : بس هو بيحبها ياعمتو وانا مفروضه عليه مش اكتر
ليان : شطارتك بقي تخليه يحبك وانا معاكي وهساعدك انتي متعرفيش انا فرحانه بيكي اذاي ياهايا ولولا الظروف ال احنا فيها كنت عملتلكو فرح مصر كلها تحلف بيه بس مش مشكله انا معاكو لحد مايتعلق بيكي ولو حكمت هنعمل الفرح في ألمانيا
هايا : 🤔🤔
_____________________________________
بالسجن كان يجلس فراج برفقه جلال
جلال : هما ال موتو امك نغم فضلت تقولها عمي فراج حبس ابويا واخويا وابويا هيتعدم وعمي سيف هيقتل عمي فراج لما الست طبت ساكته وماتت في ساعتها
فراج و حقد العالم بأكمله قد اجتمع بداخله : البت دى لازمن تموت وعلي يدي كيف ماموتت امي وقبليها لازمن تشوف المرار ألوان
جلال وعلي ثغرة ابتسامه انتصار : بس كدة من عنيا الاتنين
امسك العسكري بفراج واعادة للزنزانه وهو يبكي بصمت داخلي علي فراق والدته انا بالخرج فغادر جلال وهو يخطط كيف سيوقع بنغم وينفذ مبتغاه
_______________________________
دلف سيف لغرفته بعد يوم طويل فوجد آيه تقف بأنتظارة وماان رأته حتي ارتمت بين احضانه وهي تبكي بخفوت
سيف بتعب : اشش مالك ياحبييتي
آيه : انا خايفه اوي ياسيف اوي
أبعدها عنه قليلا وامسك وجهها بين كفي يدة وهو ينظر لها هاتفا : من ايه بس ياقلب سيف
آيه : من كل حاجه كل ال حصلي زمان شيفاه بيحصل لبنتي انا خايفه عليها وعليك وعلي يونس وحمزة خلينا نمشي من هنا ونسيب مصر كلها ونبعد عن المشاكل والخوف
سيف : لحد امتي سنه .. اتنين .. عشرة ؟ انا مش جبان علشان استخبي ياآيه ولو معرفتش احميكو منه يبقي مستاهلش يتقال عليا راجل
آيه : فراج بقي اسؤ من الأول ياسيف تفكيرة وصله لأنه ياخد بنتي من حضني وقدام عنيا انا مبقتش اعرف انام انا ناسيه كل ال انا فيه بخوفي علي عيالي
سيف : عيالنا اسمهم عيالنا وطول ماانا موجود انتي متخافيش وذي ماحميتك منه زمان قادر بأذن الله احميكو منه الوقتي وللأبد
انهي كلمته وهو يحتضنها محاولا تهدأتها كي لا تصاب بتلك النوبه مرة أخري
_________________________
رأيكم 🙈❤️🔥 الڤوت ياقمر ⭐ بارت طويل اهوة ذي ماوعدتكم 🌻💙 بليز نخلي النشر يوم ويوم علشان مش عارفه انتظم كل يوم 🥺بلييييز 💚🥰. دمتم في رعايه الله وحفظه ياجميلاتي
الفصل التالي: اضغط هنا
يتبع.. (رواية بنات المنشاوي الجزء الثالث) اضغط على اسم الرواية لتجد الفهرس كاملاً بجميع الفصول.