رواية بنات المنشاوي الجزء الثالث – الفصل السادس والخمسون
بارت ٥٦
بقلم خلود وائل 🌻
حكيم : يلاة ياعريس نروح نچيب عروستك
نظر له مالك ببرود ثم مط شفتيه ونهض بفتور ومضي برفقه الجميع بينما اقترب منه والدة وهمس
طارق : فك وشك وقسما بالله لو اتعوجت ولا جرحت البنت بكلمه هتشوف مني وش تاني
مالك بضيق : ملهوش لزمه يابابا الفيلم الهندي ال انتو عاملينه دة
صك طارق اسنانه ثم هتف : لينا كلام تاني لما نرجع
انطلق الجميع بسيارتهم نحو منزل فراج وبرفقتهم حكيم وقوات الشرطه بعدما تقدم ببلاغ تزوير عقد زواج وخطف هايا ومضت دقائق تليها الاخري ومالك بعالم أخر ممسك بهاتفه ينظر لصورة ايلدا التي تضئ خلفيته وبداخله يتمني ان يغادرهم ويعود اليها يشعر بالاختناق والتقييد كونه تم الإيقاع به وتزويجه بفتاه لا يعلمها ولا يتذكر ملامحها او كيف تبدو تري ماذا يفعل معها احقا مايدور حوله صحيح ام هو تخطيط من ابويه وساعدة به خاله وعائلته ولكن ايعقل كل هذا ….
توقفت السيارات وهبط الجميع بهمه وحماس عدا مالك هبط بتكاسل وبرود و هو يوزع نظراته بالمكان فقد اعد صورة اخري بمخيلته بأنهم سيأخذوة لمكان مهجور ويجدها مقيدة وسط المجرمين ولكنه الآن بڤيلا صغيرة فاخرة يحيطها سور وامامها العديد من الحراس الذين يمنعون قوات الشرطه من الدخول حتي اخرج الضابط مسدسه واطلق عيارا ناريا بالهواء جعلهم يفسحون له الطريق اما بالداخل فكان يجلس فراج برفقه جلال يتحدثون بشأن خطوتهم القادمه
جلال : وبكدة يقع ابن الحديدي ويروح يونس عديله وياكلو عيش و حلاوة مع بعض في ابو زعبل
فراج بشر : وولدة الكبير
جلال : اااه تقصد يونس لا دة ارخم من ابوة وانا ناوي اخلص واجيب معاه من الاخر ونبكي ابوة عليه بدري بدري
فراج : والتاني ؟
جلال وهو يبتسم بشر مردفا : ماانت ال معطلني ياكبير ومش راضي تخليني اتصرف
فراج بأستفهام : كيف دة !
جلال : البت صاحبه المدام بتاعه حضرتك كانت معايا علي التلفون من يومين وبسألها علي اخبارهم والدنيا حواليهم أيه يوم ماروحنا جبنا بنت سيف ماهي ال عرفتني ان الدنيا أمان والبت ممعهاش رجاله في البيت و الكلام جاب بعضه وقالتلي ان ست الجمال الرباني بنت فارس دايبه في دباديب ابن المحروس الصغير والواد شكله عينه منها وانا كمان هموت عليها فبأيدي احرق قلب فارس ومراته وحمزة كمان عليها وينوبني من الجمال دة كله جانب بس انت منشف راسك و مطلع المنجايه دى برة الحسابات كلها
فراج : اهااا اكدة الحديت بجي نغم عشقاه
جلال : ياباشا البت ريم دى سهلت علينا كتير اوي وعاي رأي المثل الضربه ال بتوجع متجيش غير من القريبين
فراج : وعرفت منيها ايه تاني
جلال : لحد الوقتي مفيش جديد اكمن هايا هنا وهي مبتكلمهاش بس هنعرف يعني مفيش مستحيل
دوي صوت إطلاق النار في الارجاء ففزع جلال عاي عكس فراج
جلال : ايه دة كمان
فراج : خليك مطرحك دلوك نشوف اخرتها ايه اللعبه دى
لحظات ودلف سيف يتقدم الجميع بجوار الضابط وملامح وجهه لا تنذر بالخير
جلال وهو ينهض : انتو اءاي تيجو لحد هنا انا هوديكو في ستين ___
الضابط بحزم : لا ستين ولا سبعين فين فراج حسان المنشاوي
جلال : ليه
الظابط : معانا امر بالقبض عليه
جلال وهو ينظر نحو فراج بعدم استيعاب لما يحدث : بتهمه ايه سعادتك
الظابط : بتهمه تزوير عقد زواج و خطف مدام هايا سيف صالح الحديدي حرم مالك طارق الجبالي
جلال وهو يهز راسه بأستنكار : حرم مين لمؤاخذة
الظابط بحدة : اتطرشت ولا ايه هو فين سي فراج دة
فراج ببرود : أني فراج وال عتتحددت عنيها تبجي مرتي علي سنه الله ورسوله و من سنه فاتت كمان كيف عتجول انها متجوزة غيري دة انت ال عتزور دلوك
الضابط : انت متقدم فيك بلاغ وبالتحقيق والفحص تبين ان قسيمتك مزورة وكمان الشهود ووكيل الزوجه ناس محايدين مش من اهلها وتاريخ الجواز المزور بتاعك بعد تاريخ جوازها بسنه
فراج : كيف دة
الضابط : مدام هايا اتجوزت اول ماتمت السن القانوني .. اققبضو عليه
اتجه العساكر نحو فراج وهمو بالامساك به وسط صياح جلال
جلال : فين جوزها دة وفين القسيمه ال تثبت كلامك اكيد مزورة
سيف وهو ينقض علي جلال : بنتي فين
جلال وهو يختنق من قبضه سيف : معرفش
اتجه طارق سريعا ليحول بين سيف وجلال ولكن دون فائدة وتبعه سامر والشباب
فراج ببرود ساخر : رايح تتشطر على المحامي إياك
افلته سيف من بين براثنه ليسقط ارضا واتجه نحو فراج وسدد له لكمه بوجهه وهو مقيد بالكلبشات بينما بادله فراج اللكمات هو الاخر واطاح بالعسكري جوارة واصبح الاشتباك شرسا للغايه ولم ينتهي الا بتدخل الضابط
جلال : انا عاوز اثبت ال حصل دة في محضر رسمي
سامر : انت بتتنطط كدة بصفتك مين يلاا
جلال : انا محامي فراج بيه وواحد من الشهود علي عقد زواجه من حرمه
يونس : حرم مين حرمت عليك عيشتك انت واقع علي نفوخك وانت صغير
الظابط لجلال بأنفعال: مدام هايا فين
نظر جلال ناحيه فراج ثم اردف : ال انت بتعمله معانا دة غلط ياحضرة الظابط دول مزورين ورقهم وانا بأكدلك ان عقد جواز موكلي صحيح
الضابط وهو يخرج عقد الزواج من جيب حلته ويضعها امام اعين جلال : اتفضل دى قسيمه جوازهم ومثبوته من ٣سنين فاتو و اتعرضت علي الطب الشرعي واثبت صحتها وممطاله حضرتك في الفاضي الناس دول جايين وعاملين كل حاجه تثبت نسب المدام لزوجها الأصلي
جلال بشرز : وهو فين بسلامته
اشار الضابط ناحيه مالك هاتفا : اهوة
تقدم مالك ناحيه جلال ببرود فاق الحدود وتوقف امامه وهو يرمقه بأستهزاء فما لا تعرفونه عن مالك انه يمتلك كاريزما عاليه وهدوء مريب بالاضاف لمرتبه عاليه من البرود التي لا يضاهي بها احد
مالك بأستهزاء : الحلو بسلامته بيسأل عليا .. افندم
جلال بغيظ وجنون : اتجوزتها امتي وفين واذاي
مالك ببرود : اتجوزتها يوم عيد ميلادها ال ١٨ في بيتهم واذاي دى هبقي اققولك عليها لما تكبر
ابتسم حمزة رغما عنه فقد وجد من يماثله قليلا وهتف بحدة : اختي فين ياروح امك هنحايل فيك طول اليوم
الضابط للعساكر : فتشو المكان
انطلق العساكر بأنحاء المنزل يبحثون عنها وبعد لحظات هبط احدهم وبيدة هايا مردفا : تمام يافندم لقيناها
وقع سيف بنظرة علي ابنته وتمزق فؤادة لأجلها فوجهها ملئ بالكدمات ومنماتها السوداء التي تحمل طابعا كرتونيا اصبحت ممزقه تكشف عن القليل من كتفيها وقطعه باليه من حجابها تلملم خصلات شعرها المبعثرة بكل اتجاه وعيناها الحمراوتان تروي مامرت به .. اخفض محمد بصرة ارضا وتبعه تيم وزين وانس اما سيف فشعر بفقدان عقله وخلع قميصه سريعا واتجه نحو ابنته يحاوطها به ويحتضنها بقوة وهو يقبلها بكل اتجاه مطمانا اياها
هايا ببحه قويه تمكنت من احباله الصوتيه : بابي متسبنيش علشان خاطري
سيف وهو يخبئها بين اضلعه : هسيبك لمين ياحته من قلبي والله لدفعه التمن غالي ثم نظر لفراج بحدة الصقر المنقض علي فريسته هاتفا بتوعد : هخليك تندم علي اليوم ال عرفتني فيه ياكلب
فراج بضحكه ساخرة مرعبه : دة بعد مااحرق قلبك عليهم كلياتهم
الضابط : خدوة من هنا
كان سيف يحاول تخبئه ابنته باي طريقه فأتجه يونس نحوة وخلع قميصه هو الأخر ووضعه علي رأس اخته وقبل جبينها وهي تبكي وتبعه حمزة
يونس : بااس اهدي ياقلبي انتي بخير كلنا حواليكي
شعرت هايا بعدم قدرة قدماها علي حملها فامسكت بحمزة بقوة مردفه بوهن : متسبنيش
حمزة وهو يحتضنها : عمري مسيبك ياهايا انتي روحي
شعرت بأن الرؤيه تصبح ضبابيه قليلا فنظرت حولها لتقع بزرقاوتيها علي مالك وهو ينظر اليها بصدمه فظنت انها بأحدي احلامها وسقطت ارضا فاقدة الوعي
سيف : هااايااا
حملها يونس وعاونه حمزة واتجهو بها للخارج عائدين للقصر بينما اتجه سيف وزين ومحمد والاستاذحكيم للقسم لأستكمال الاجرائات واتمام حبس فراج وتحرير عاصم
**** توقفت السيارات امام القصر وهبط الجميع منها وحمل مالك هايا بين ذراعيه كطفله صغيرة نائمه ودلف بها للداخل وماان رأته آيه حتي هرولت نحوة صارخه : بنتي بنتي مالها عمل فيها ايه
حمزة : اطلبو دكتور بسرعه
ابرار : هكلم حسن ولد عمي يچي طوالي
دعاء بلهفه : طلعها لفوق يانضري ب أوضه نغم
مالك وهو يرتقي درجات السلم : فين اوضه اسمها ايه دى
آيه بدموع وهي تمضي خلفه : رابع اوضه علي اليمين
مضي نحو الغرفه وقام يونس بفتح الباب ودلف الجميع للداخل ووضعها مالك برفق علي السرير ومن الجهه الاخري جلست آيه واحتضنت ابنتها
آيه ببكاء: عمل فيكي ايه ياقلبي خدك من حضني يانور عيني سامحيني وقفت متكتفه معرفتش احميكي منه انا اسفه حقك عليا
دعاءوهي تربت علي كتف اختها : وحدي الله ياخيتي ونحمد ربنا انها بخير
ليان : اهدي ياآيه بنتك محتاجه تفوق وتلاقيكي جمبها
حمزة بأنفعال خوفا علي اخته: فين الدكتور
ابرار : مسافه السكه هيكون اهنيه
وزع مالك نظرة عليها وهي نائمه لا تبدو لها اي ملامح وهيئه جسدها وملابسها الممزقه تخفي الكثير مما رأته بالساعات الماضيه لايدري بما يشعر تحديدا فيبدو ان ظنونه ليست بمحلها وبالفعل هذة الفتاه ضحيه وتم الإيقاع بها وبهدوء ودون ان يشعر به احد غادر الغرفه وهبط للأسفل وبعد دقائق تبعته والدته
ليان : مالك قاعد هنا وسايب مراتك ليه بحالتها دى
مالك بأبتسامه ساخرة : مراتي !! انتي بجد صدقتي
ليان : ومصدقش ليه هو انت مش اتجوزتها ولا انا بيتهيقلي
مالك : ماما انا متجوزتش ولا زفت انا بس سترت عليها مش اكتر
ليان : سترت عليها !؟ ليه يابني حد كان قالك انها عامله عامله
مالك : مش عامله عامله بس منظرها قادر يفسر ال هي مرت بيه
ليان بانفعال : مالك حاسب علي كلامك هايا بنت اخويا اشرف من الشرف وحتي لو لاقدر الله حصلها حاجه فدة مش بأيدها وبردو مفيش حاجه هتتغير هي مراتك وملزمة انك تحميها وبعدين تعالي هنا اشمعنا الوقتي رجولتك نقحت عليك وعايز تبقي اول واحد في حياتها والحلوة ال انت عايز تتجوزها كانت تعرف كتير قبلك
مالك : ماما ايلدا متتقارنش بحد وبعدين دى مسلمه وعربيه وانا راجل شرقي في عقل يميز
ليان : والله انت ماعندك عقل ولا بتميز اصلا
القت كلماتها ثم غادرت عائدة للأعلي تاركه اياه يزفر بضيق
______________________
بوقت متأخر من الصباح وقرب الظهيرة انهت نغم امتحانها وودعت اصدقائها ثم عادت لمنزل خالتها ورد وجلست برفقتهم قليلا ثم همت بالمغادرة
ورد : خلي بالك من نفسك ياحبييتي وكلميني كل نص ساعه طمنيني عليكي كان نفسي محمد يبقي هنا يوصلك او حتي انا كنت اجي معاكي بس مش هعرف اسيب منال
نغم : خليكي جمبها وانا كبرت ياخالتو مبقتش عيله صغيرة وحاصر هكلمك كل نص ساعه متقلقيش بس انا لازم الحق امشي علشان اوصل قبل المغرب والضلمه وابقي طمنيني لو وصلتي لحاجه علشان بكلم ماما مبتردش عليا ولا حد من أخواتي
ورد : ربنا يسلم من عندة انا قلقانه اصلا
نغم : ربنا يستر يلا مع السلامه
ورد : في امان الله وحفظه ياحبيبتي
نغم : مع السلامه ياخالتو
غادرت نغم متجهه نحو موقف السيارات واستأجرت سيارة وحدها لتوفر عناء انتظار باقي الركاب علي نفسها ثم انطلقت بطريق عودتها وبداخلها تستعيد زكريات الليله الماضيه والاتهامات البشعه التي وجهها لها حمزة وظلت تفكر في هايا وكيف حالها الآن ومن هذا الرجل ايعقل ان يكون بالفعل عمها وكيف لم يذكرة احد من قبل ولم فعل هذا واختص هايا بفعلته والسؤال الأكبر هو كيف حصل علي توقيع هايا وبصمتها .. دقائق من الحيرة والصمت واخيرا .. مهلا ايعقل .. ياللهول… تذكرت يوم زفاف شقيقها ريان وماحدث بفستان فيروز ورفضها ارتداء فستان نغم وحديث هايا عن تلك الريم التي افتعلت حركه ضاحكه وحصلت علي توقيعها وبصمتها تحت مسمي المرح والترفيه
نغم : اه يابنت ال ****
__________________________________
وصل الطبيب حسن قريب ابرار برفقه اخيها ماجد للقصر وبعد لحظات كان بالاعلي يوقع الكشف الطبي علي هايا ثم دلف للخارج ليقف برفقه زوجها واخوانها
يونس : وضعها ايه يادكتور
حسن : اطمن عاد دة هبوط في الدورة الدموية اديلها فترة طويله قاطعه الوكل والشرب وعتعمل مچهود واعر وضغطها بالأرض ودة ال خلاها تقع من طولها ودة بأءن الله يتعالج بمحاليل وادويه مقويات وطبعا نظام غذائي متكامل وبالنسبه للجروح والكدمات ال ماليه جسمها فهنعمل كمادات وتدهن من المراهم والكريمات دى بالتبادل والف سلامه عليها
تناول حمزة الروشته وهم بالنزول برفقه الطبيب وماجد ليتلاقي علي مدخل القصر بنغم وخلفها احدي الخادمات تحمل حقيبتها
ماجد بأبتسامه : كيفك يا دكتورة الف حمدالله على السلامه
نغم بتكليف : الحمد لله
ماجد : البلد كلياتها نورت بوجودك
نغم : منوره بأهلها
اغتاظ حمزة و تآكلت بداخله نيران الغيرة ولكنه تصنع الجمود وهي لم توجه له اي من نظراتها وانما كان الاستياء يملء تقاسيم وجهها
ماجد : اعرفك بالدكتور حسن ولد عمي وهدان ولد عم ابوي
نغم باقتضاب وهي تهم بالمغادرة : اهلا وسهلا
ماجد : استني يانغم يعني كنت رايدك بكلمتين
نغم : معلش يااستاذ ماجد انا راجعه تعبانه خليها في وقت تاني البيت بيتك تأنس وتنور بأي وقت
ماجد بسعادة : ايوة صوح وعن قريب نشربو شاي مع عمي فارس
غادرت دون ان تولي حديثه اهتمام وانما انتبهت لحدة حمزة في تعامله معه
حمزة: مش يلا بالسلامه اوصلكو في سكتي ولا قاعد هنا يا ماجد
ماجد بأحراج : ها ايوة احنا معانا عربيتنا يلا ياحسن
لم توله اهتمام وانما اكملت الصعود للأعلي واتجهت لغرفتها وماان رأت هايا علي السرير حتي اسرعت نحوهت وهي تبكي
نغم : هايا .. هايا حبيبتي انتي سمعاني ردي عليا بالله عليكي.. ثم نظرت نحو خالتها مكمله : هايا مالها ياخالتو وجت هنا اذاي بالله عليكو طمنوني عليها انا قلبي هيقف
ليان : اتطمني يانغم هايا كويسه
نغم وهي تقبل كف يد هايا : طب مبتردش عليا ليه وايه ال عمل فيها كدة ووصلت هنا اذاي
قبل ان تجيبها والدتها دلفت احدي الخادمات وهتفت بتوتر: ست دعاء ست دعاء
دعاء بقلق : ايوة يا زينات في حاچه
الخادمه : ستي صفيه تعبانه چوي وچاتها الأزمه تاني والمرة دى واعرة چوي
دعاء بقلق : سلم يارب من عندك روحي واني چايه وراكي اهه
غادرت دعاء وتبعتها نغم متجهين نحو غرفه صفيه الممدة علي سريرها وقناع الأكسجين يغطي وجهها
الممرضه : لازم تتنقل مستشفي الوقتي حالا
دعاء بقلق علي صفيه : حددتي الاسعاف تاچي والصالح نعمله
امسكت الممرضه الهاتف وهاتفت الإسعاف بينما أشارت صفيه لدعاء بالجلوس قربها
صفيه : چولي لفارس ولدي ان قلبي راضي عنيه وچوليله يحن علي اخوة فراچ قلبه چامد لكن أصله طيب وبعد كل حاچه واعرة عملها هو ولدي يابتي
دعاء ببكاء : ليه عتچولي الحديت دة يما
صفيه بوهن : فرحانه يابتي أني ساعدتكم تهملو القصر زمان وتعيشو مبسوطين والحمد لله ان ربنا مد بعمري وأديت الأمانه ال امك استأمنتني عليها قبل ماتقابل رب كريم
نغم ببكاء : مالك ياستي فيكي ايه
صفيه : چيبيلي مصحفي يانغم
امسكت نغم مصحف جدتها من علي الطاوله القريبه من السرير و ناولته لها فأمسكت به صفيه واحتضنته وهي تقبله وتهتف : اشهد ان لا اله الا الله محمد رسول الله
بغرفه نغم ””
آيه : خليكي جمب هايا يا ليان انا هروح اشوف مامتي واجي
ليان : تحبي اجي معاكي
آيه بوداعه : لا خليكي جمب هايا وانا مش هتأخر ياحبييتي
اتجهت آيه نحو غرفه صفيه وماان اقتربت حتي توقفت لبرهه والصدمه تسري بجسدها من اثر صرخات دعاء ونغم
____________________________
تصبيرة ضغننه علي مااكتب بارت بليل بأذن الله وبعتذر جدا عن بارت امبارح كان عندي مشكله كدة وغصب عني معرفتش اكتب ❤️
الفصل التالي: اضغط هنا
يتبع.. (رواية بنات المنشاوي الجزء الثالث) اضغط على اسم الرواية لتجد الفهرس كاملاً بجميع الفصول.