رواية بنات المنشاوي الجزء الثالث – الفصل الثلاثون
بارت ٣٠
بقلم خلود وائل 🌻
احتضنت آيه ابنتها حتي غفت كلاهما بالنوم بينما تسللت نغم وغادرت الغرفه ثم اتجهت نحو غرفه حمزة وطرقت الباب فلم يجيب وظلت هكذا حتي شعرت بالقلق واخيرا فتحت الباب ودلفت تاركه اياه مفتوح خلفها ثم توقفت امام سرير حمزة وتأملته برفق مردفه : ملاك برئ دة ولا انا موهوم
حمزة بأرهاق شديد : مخدوع تقصدي
نغم بتفاجئ : بسم الله الرحمن الرحيم انت صاحي!!
حمزة بوهن : ناديلي امي
نغم بلهفه : مالك ياحمزة انت كويس
حمزة وهو يتصبب عرق : لا انا حاسس اني بردان اوي ومش قادر اتكلم بالله عليكي متزهقيني
اقتربت منه قليلا ثم دنت بجذعها نحوه ووضعت كف يدها علي جبهته ثم هتفت بقلق : انت سخن اوي اذاي مندهتش لحد
غادرت الغرفه سريعا وهبطت للأسفل متجهه نحو المطبخ وعادت وهي تحمل وعاء ملئ بالماء ومكعبات الثلج وتجهت لجوارة وبدأت بأعطائه ادويته المسكنه والخافضه للحرارة بجوار الكمادات التي ظلت تعدها له حتي هدات حرارته وغفي في ثبات عميق فدثرته جيدا ثم اتجهت نحو اريكه بالقرب من الباب وجلست عليها وهي تتأمله بحب وبعد فترة غفت هي الأخري بالنوم حتي افاقت بعد عدة ساعات علي صوت يوقظها
آيه : نغم … نغم
نغم بتثائب : ايوة ياخالتو
آيه : بتعملي هنا ايه ياحبيبتي ؟
نغم وهي تنظر حولها وتتذكر الساعات الماضيه : جيت بليل قلت اتطمن علي حمزة لقيته سخن مولع فعملتله كمدات واديته الدوا بتاعه
آيه بلهفه : طب مصحتنيش ليه يابنتي
نغم : مرضيتش .. قولت اسيبك مع هايا هي عامله ايه الوقتي
آيه : كويسه الحمد لله روحيلها انتي وانا هنا مع حمزة
نغم بأبتسامه : حاضر ياخالتو بعد اذنك
غادرت الغرفه ثم اتجهت لغرفتها فوجدت هايا تستعد لصلاه الفجر فجلست علي احدي المقاعد
هايا : كنتي فين !
نغم : عند حمزة
هايا بدهشه : نعم !!
نغم : كنت بطمن عليه المهم انتي كويسه الوقتي
هايا : الحمد لله احسن .. حمزة كويس
نغم : اه ذي القرد هناك اهوة
هايا : عمرك مهتتغيري يلا بينا ننزل للسحور
نغم : الفجر لسه مأذنش
هايا : لسه حوالي عشر دقايق يلا بقي
نغم : يارب يكون لسه تحت مربي فراوله لأحسن الطفص اخوكي مخلصها اول بأول
هايا : انتي حسبي الله ونعم الوكيل انزلي قدامي
نغم بمرح : طب يسطا متزقش كدة الله ولا عشان هو طرقعلك هتنفضيني
هايا وهي تغادر الغرفه برفقتها : هو مين دة ؟
نغم : امممم الحليوة ال منزلش بقاله كام سنه ووشك اتقلب لما جيتي وملقيتهوش
هايا بتوتر: لا عادي وشي متقلبش ولا حاجه
نغم وهي تغلق نصف عينيها: يابت !
هايا ببرود : ياولا
نغم : طب امشي امشي
أشرقت شمس الصباح وكان يوم الجمعه واستيقظ الجميع بوقت متأخر وبالحديقه كانت تجلس نغم تقراء احدي الكتب بأنسجام وبرفقتها هايا تعبث بهاتفها ثم انضمت لهم ليان وآيه وهم يمرحون كعادتهم
ليان : طب والله كانت ايام جميله ياريت ترجع
آيه : حرام عليكي ياشيخه دة اخوكي كان ملففني حوالين نفسي
ليان بقهقهه : وانتي كنتي بتسكتيله يايويو بردو
آيه وهي تستريح علي المقعد : هيييه ايام بقي كنا شباب
ليان : دة علي اساس ان سنانك وقعت
هايا : بتتكلمو في ايه يا عمتو
ليان : بفتكر ايامي انا ومامتك لما كنا زمايل في الجامعه وبباكي كان دكتور علينا
نغم : الله طب متحكولنا ياطنط
ليان : ربك حليم ستار يابنتي دة الجامعه كانت بتشهدلهم بهدوئهم وعقلهم و صوتهم ال مكانش حد بيسمعه
هايا : حساكي بتتريقي سيكا ياعمتو
نغم بثقه : طبعا بتتريق دى ماما مأكدالي ان خالتو آيه كانت بلوة مشكله وهي صغيرة ذي حالاتي كدة
قهقهو جميعا ثم اردفت آيه : بقي كدة بس اما اشوفها امك دى
نغم : لا دة انتي لازم يبقالك معاها قعدة علشان ريان كتب كتابه ومقالتلكيش
آيه بتفاجئ : دة بجد
هايا : بس يا شر انتي
نغم : ايوة بجد بس انا فاعل خير ها
ليان : اشعال ذاتي انتي
نغم : ياجماعه دعوني لا اتحدث عن نفسي
آيه : طب الفرح امتي طيب وليه الاستعجال دة
نغم : الفرح بعد العيد أنس هو ال كلمني وحكالي بس ليه الحكايه جت بسرعه كدة محدش يعرف تحبي تيجي معايا الاجازة الجايه
آيه : لا خليها مرة واحدة للفرح بقي
هايا : وحشني جو البلد اوي
ليان : جو مصر كلها جميل نفسي مالك ربنا يهديه ويتجوز من هنا علشان ينزل مصر مينساش اصله بعد مانموت
آيه : بعد الشر عليكي ياحبيبتي مالك كدة النهاردة
ليان بضيق : مخنوقه والله ياآيه ابني مجنني
آيه : دة مالك دة سكرة مجننك ليه بس حرام عليكي هتبقي انتي وطارق
ليان بتنهيدة : ياريت والله يبقي احنا ال جايين عليه
انصتت هايا باهتمام للحديث بينما تتابعها نغم بضحكات مكتومه
ليان : بيحب ياستي
ارتعد فؤاد هايا قليلا لتلك الجمله المميته بالنسبه لها ورمشت بأهدابها عدة مرات لتتأكد من انها ليست بأحدي كوابيسها المعتادة
آيه : طب وفين المشكله ميحب براحته ياستي دى حاجه تفرحك
ليان : تفرحني لما يختار صح لكن دة بيحب واحدة المانيه وكمان مسيحيه ولبسها محزق وملزق وبتعاملني كأني مرات ابوها لا ومن بجاحتها بتقولي انتي ماما دلوعه اوي اذاي يبقي مالك عندة ٢٥ سنه ولسه متمسكه بيه يعيش معاكي يعني كمان لو حصلت المعجزة واتجوزها هتاخدة مني واتحرم من ابني الوحيد العمر كله
آيه : طيش شباب ياليان مرحله وهتعدي صدقيني
ليان بحزن : لا مش مرحله وهتعدي ياآيه دة انفعل علي بباه لما رفض خطوبته من البت دى وعند علينا ومرضييش ينزل معانا الاجازة
كانت هايا جالسه تراقب الحديث بقلب ينفطر من البكاء بينما نغم تتابع تبدل قسمات وجهها
آيه : طب حاولتي تكلميه طيب تفهميه ان الخطوة دى غلط وهيندم بعدين علي اختيارة دة
ليان : كلمته كتير مرة احايله ومرة ازعل منه بس مصمم علي ال في راسه انا بحب ايلدا ياماما وهتجوزها
نغم بهمس لهايا : اوبا اسمها ايلدا امال شكلها عامل اذاي
اغتاظت هايا بشدة ثم استأذنت متجهه لغرفتها وبعد دقائق تبعتها نغم
نغم وهي تدلف للغرفه : ياحلاوته وهو زعلان يالالالي كنت فكراة تقلان يالالالي بس طلع هيمان يالالالي
هايا بحدة وهي تخفي دموعها : نغم لو سمحتي سبيني لوحدي
نغم وهي تجلس بقربها وتربت علي ظهرها : وانتي امتي سبتيني لوحدي
نظرت هايا امامها وخيوط الدموع تنساب من زرقاوتيها بينما اردفت نغم ممازحه : الا صحيح انتي ويونس عينيكو زرقه ذي خالتو وعمي انما حمزة طالع سادة كدة لمين خدتو الچينات انتي واخوكي ومسبتوش حاجه للغلبان حتي كنتو تسيبو حاجه لولادنا ينفع كدة
هايا : _______
نغم : الا صحيح ياهيوو خالتو آيه طلعت عنيها زرقه لجدي طايع الله يرحمه طب بباكي طلع لمين بقي
هايا وهي تجفف دموعها : لواحدة كدة
نغم : فالته يعني اهااا
هايا : لا مش فالته ولا حاجه تيته نورة كانت عنيها خضرة
نغم : طب الحمد لله طمنتيني علي مستقبل عيالي
هايا : انتي خلاص اتطمنتي انك هتتجوزيه
نغم بمداعبه : هتجوزة يختي ان شاء الله يعني هيروح مني فين حمزة لنغم ونغم لحمزة
هايا : ربع الثقه ال عندك وانا كنت جبته من قفاه ذي مبتعملي في حمزة
نغم : بس بقي علشان الحجات دي بتتحسد ……. بتحبيه من امتي
هايا بخجل : من زمان اوي
نغم : ومالك يختي مكسوفه ليه كدة دة انا نغم بنت خالتك فوقي يحجا دة احنا دفنينه سوا
هايا : بحبه من وانا في تانيه اعدادي فكرت دة حب مراهقه وتفاهه بس المشكله انه طلع حب بجد هو عمرة ماأخد باله مني او يمكن حتي ميعرفش بوجودي بس انا .. انا..
احتضنتها نغم وهي تهتف : انا وانتي في مركب واحدة اطمني انا فهماكي وحاسه بيكي
هايا وهي تبتعد عنها وتمسح دموعها بيدها وبالأخري تلكزها بغيظ : علشان متزهقنيش بقي كل شويه اصلك مش حاسه بيا اصلك محبتيش من طرف واحد اديني متنيله ذيك اهوة بس علي الأققل انتي حمزة شايفك وبيتكلم معاكي انما انا مالك يمكن ميكونش فاكر اصلا انه خاله سيف عندة بنت
نغم بمزاح : والله احنا غلابه اي بالله
هايا بضحكه ناعمه : كل البنات غلابه الا انتي مفتريه
نغم : مفتريه مفتريه هتجوز اخوكي يعني هتجوزة
بالأسفل رن هاتف الأرضي فأجابته آيه : ألوو….اذيك يافرح عامله ايه ياحبيبتي….. بجد . ……امتي دة حصل طب مسافه الطريق ونكون عندك
اغلقت الهاتف بتوتر وهتفت للجالسين : سارة بتولد وحالتها صعبه
ليان بلهفه : سلامتها حبيبه قلبي هي في مستشفي ايه
آيه : في مركز الدكتور ال بتتابع معاه وولادتها متعسرة
سيف : هنقف نتكلم بسرعه اجهزو وخلينا نوصلهم
يونس : انا هطلع العربيه يابابا
ليان : خليكي هنا انتي ياآيه علشان حمزة
آيه : البنات هنا معاه انا هاجي علشان نتطمن علي سارة ونقف جمب فرح
بعد دقائق انطلقو جميعا نحو المركز الطبي وانضمو لباقي العائله
سيف : سارة وضعها ايه ياتيم
تيم بقلق بالغ غلي زوجته : تعبانه ياعمي ادعيلها
يونس : هتولد وتقوم بألف سلامه اتطمن ياتيم واجمد كدة
سامر : الدكتور خرج ياجماعه
هرول الجمبع نحو الطبيب فهتف هو سريعا : بشمهندس تيم احنا حاولنا نواد المدام طبيعي لكن للأسف وضع الجنين مش مناسب خالص وكمان عضلات الحوض بتاعه الأم متسمحش بالولادة الطبيعيه
تيم بأنفعال علي اثر صرخات زوجته من الداخل : وانت جاي تقولي كدة الوقتي امال كنت بتتابع ايه بقالك ٩ شهور
الطبيب : وانا كنت هتوقع وضعيه الجنين وقت الميلادة ازاي يابشمهندس ؟!
سامر : خلاص ياتيم .. ولدها قيصري يادكتور
الطبيب : لازم قبل ماالقيصريه تعمل تحاليل ضروريه
تيم : انت هتسيبها تصرخ كدة لحد ماتعملها تحاليل متولدها اول وبعدين اعمل ال انت عايزة
الطبيب : يافندم مينفعش دى مخاطرة خصوصا انها اول ميلادة ليها وكمان حضرتك جاي فجأه ومنزلني من بيتي يوم اجازتي ومعملنلش اي فحوصات سابقه وانا مستحيل اخاطر بحياتها هي والجنين دول ارواح مسئوله مني
فرح : يابني شوف طلبات الدكتور بسرعه الميه زمانها نشفت علي البيبي دى عندها طلق من بدري
الطبيب : والدة حضرتك كلامها صح
تيم وهو يصك اسنانه : اخلص عاوز تحاليل ايه واذاي
الطبيب : عاوز تحليل دم شامل وفصيله والتوافق التصالبي بين فصيله الأم والجنين
سامر : طب اعملها يلا يادكتور حضرتك مستني ايه
الطبيب : حضرتك تاخدها وتوديها معمل يعملها التحاليل دى و بعديها تمضيلي قرار بالولادة القيصريه
كور تيم قبضته ثم سددها ناحيه وجه الطبيب بغيظ ولكن استوقفه سيف سريعا مردفا بحدة : تيم !! اتجننت ولا ايه
تيم : دة هو ال اتجنن انا مراتي عندها طلق من بدري وبقالنا ساعه بنستناه واخرتها عاوزني اخدها بحالتها دى والف بيها علي المعامل يوم جمعه واكيد مفيش معمل واحد فاتح !! أنهي ارواح مسؤل عنها انت !! انت مستهتر وانا هقفلك مركزك دة كله
طارق : يجماعه مفيش وقت للكلام دة لازم نتصرف الوقت مش في صفنا خالص
سيف : آيه
آيه بأنتباه : ايوة
سيف : كلمي هناء واستأذنيها لو بنتها دكتورة فيروز ممكن تفتح المعمل مخصوص النهاردة والشباب هيروحولها بالعينه وتعملها التحاليل المطلوبه كلها
آيه ببريق أمل : اكيد ينفع انا هكلمها بسرعه
امسكت آيه بهاتفها وابتعدت عنهم قليلا بينما شعر يونس بفرحه عارمه ولكنه حاول قد المستطاع التغاضي عنها وتجنب تلك الفيروز قدر المستطاع
سامر : مين ال انت بتقول عليهم دول ياسيف
سيف : دول جماعه قرايبنا بنتهم دكتورة عندها معمل تحاليل كبير يارب تقدر تساعدنا
يونس : يابني اهدي ….اعصابك ….كدة غلط
تيم بأختناق : اهدي اذاي يايونس ابقي شايف سارة بتتألم كدة واهدي
يونس : هتبقي بخير بس انتي لازم تجمد شويه خليك قوي جمبها مش ضعيف تخوفها بزيادة
___________________________________
كانت تقف فيروز بشرفه منزلهم تتلو بعض الأيات القرآنيه بصوت عذب حتي قاطعها والدها وهو يهتف بسعادة
زياد : الله الله ايه الجمال دة بس
فيروز بأبتسامه : انت ال قلبك جميل يابابا
زياد : ربنا يباركلي فيكي يا حبيبتي …. عمتك رنا عزمانا بكرة نفطر عندها
فيروز ببرود : ماشي كل سنه وهي طيبه
زياد : بصي ياحبيبتي انا عارف انك لسه زعلانه مني علشان اديت كلمه ليوسف من غير ماارجعلك بس صدقيني انا بعمل ال فيه مصلحتك مهو العمر بيفوت لحظه من غير مانحس بيه وانا نفسي أملي عيني منك وانتي بفستان فرحك
فيروز : ربنا يديك طوله العمر يبابا بس انا مش مستعجله لسه قدامي حجات كتير اووي معشتهاش
زياد : ذي ايه
فيروز : ذي ثقه بنفسي لسه بدور عليها ذي نجاح كبير لسه محققتوش ذي صحوبيات ومعارف لسه مدخلتش وسطها بسبب اني مش اجتماعيه و خوافه ذي ضحك كتير اوي من القلب نفسي اضحكه وبالي مش مشغول ذي راحه نفسيه نفسي اجربها كل لحظه في يومي قبل مااغمض عيني وانام معيطه ذي كل يوم حجات كتيرة اوي يابابا معشتهاش يمكن بأختصار شديد نفسي اجرب اعيش حياه طبيعيه ذيي ذي اي واحدة في سني مع حد فاهمني و مش مخليني متصنعه عكس ال جوايا حد يقبلني بتعبي وعكننتي قبل صحتي وفرحتي يابابا انا نفسي افرح من قلبي
زياد بحزن : وكل دة ملقيتهوش مع يوسف يابنتي
فيروز بأبتسامه جانبيه ساخره اخفتها سريعا : للأسف يابابا لحد دلوقتي ملقتش اي حاجه من دى بس عادي بكرة نتجوز وناخد علي بعض ويمكن لما اخف ابقي كويسه لأن اساسا العيب مني انا
زياد : لا ياحبيبتي انتي ذي الفل بس ______
هناء مقاطعه حديثهم : فيروز …. فيروز..
فيروز : ايوة ياماما
هناء وهي تدلف للشرفه : طنطك آيه كلمتني الوقتي وطالبه منك خدمه ضروري
فيروز : عنيا طبعا ياماما
هناء : عندهم واحدة قريبتهم بتولد ومحتاجه تحاليل ضروري الدكتور موقفها عليها
زياد : طب بسرعه يابنتي البسي عما اطلع العربيه واوصلك
فيروز : لا يابابا انا هاخد تاكسي الحو حار عليك وهتتذنب جمبي
زياد : بس يابنتي _____
فيروز : مبسش علشان خاطري انت صايم وهبطان خليك وانا مش هتأخر بأذن الله
بدلت فيروز ملابسها وغادرت متجهه للمعمل وبداخلها تحمد الله انها فرتةمن هذا الحديث الءي كان حتما سينتهي بأنهيارها وبعد فترة وصلت للمعمل الخاص بها وظلت تنتظر أن يأتي اليها احد
_______________________________
بالمستشفي
سامر : الممرضه سحبت العينه مين هيوديها
تيم : روح انت يايونس انا مش هسيب سارة مش هقدر
يونس : لا ياعم سارة ايه سارة اخدت دوا وبقت كويسه روح انت
سيف بعتاب : انتو هتقفو تتعازمو علي بعض ذي العيال الصغيرة خلاص خليكو واروح انا
يونس : العفو يابابا انا بس كان قصدي _____
سيف : روح يايونس ومتتأخرش تيم مش هينفع يسيب مراته وانت كمان عارف طريق المعمل يلا متتأخرش
امسك يونس بعينه الدماء وغادر المركز وبداخله صراع لا يستطيع حله يود بشدة ان يذهب اليها ويراها فقد اشتاق رؤيه توترها وانفعالاتها الغير مببرة وبالجهه الأخري لا يريد رؤيتها ويود الابتعاد عنها منذ ان علم بأمر خطبتها ولكن الظروف تسوقه اليها فكيف سيكون اللقاء 🤷🏻♀️🙈 توقف بسيارته اسفل البنايه ثم صعد للأعلي ودلف لمكتب استقبال المعمل فألقي السلام بعدما وجدها جالسه مستغرقه بالتفكير ولم تنتبه لوجودة
يونس : السلام عليكم ورحمه الله وبركاته
فيروز : هه … اهلا استاذ يونس .. وعليكم السلام ورحمه الله وبركاته
يونس ببلاهه : يونس بس هفضل اققولك كل مرة
فيروز بابتسامه: معلش بس الصيام مأثر شويه
يونس : ولا يهمك كل عام وانتي بخير
فيروز بابتسامه : وانت بخير … اذيك واذي الجماعه كلهم
يونس : كلهم بخير بيسلمو عليكي
فيروز : الله يسلمهم .. فين العينه ؟
يونس : عينه ايه
فيروز : ال هعملها التحليل
يونس وهو يشعر بمدي غبائه : اه .. اتفضلي اهي
تناولتها منه فيروز ثم استأذنت ودلفت للداخل ثم غابت لفترة وعادت لتجدة يقف بأحدي الزوايا يشاهد لوحه مزخرفه موضوعه علي الحائط
فيروز : واقف عندك ليه كدة
يونس : لا ابدا مستنيكي تخلصي
فيروز : عشر دقايق والنتيجه تطلع وهطبعهالك واطمن بأذن الله خير
يونس : يارب
فيروز : علي فكرة دى تحاليل روتينيه خالص مفيش منها اي خوف
يونس : بجد .. طب ليه الدكتور المتخلف دة طلبها ومقعد سارة وهي تعبانه ومش راضي يولدها
فيروز : حقه طبعا افرض الانيميا قليليه تموت منه في البنج ولا فصيلتها o- والبيبي موجب الاحتياط واجب طبعا
يونس : ربنا يستر
فيروز : بأذن الله خير عقبالك
يونس بتعجب : عقبالي أولد ؟!
ضحكت فيروز رغما عنها ثم اردفت : لا اكيد مش تولد يعني انا اققصد تتجوز وبعدين مراتك هي ال تولد وانت تفرح وتيجي تحللها هنا عندي ولا مش عايز تبقي زبوني
يونس : انا اصلا ليا تحليل مجاني ولا نسيتيه
فيروز : طب احنا فيها تحب اعملك تحليل شامل
يونس: لا سبيها بظروفها … الا صحيح عامله ايه الوقتي لسه انهزاميه ذي ماانتي ولا في تغيير
فيروز بابتسامه باهته : في حجات لازم بتحصل وتاخد مجراها الطبيعي حتي لو مش بمزاجنا ودى مش انهزاميه مننا
يونس :عندك حق دى قله عقل
فيروز : 🤨 اذاي !
يونس : انا ايه ال يجبرني اعمل حاجه غصب غني فيها قله راحه ليا بذمتك دة كلام ناس متعلمين ودكاترة ذيك
فيروز : طب والروابط الاسريه نظامها ايه معاك في راحتك ال فوق اي حاجه دي
يونس : عمرها مهتبفي روابط لو مكانش خاطري وراحتي اهم حاجه عندهم يعني مثلا ماما ممكن يجي عليها يوم وتكون مرتاحه وانا متضايق وشايل الهم
فيروز : لا طبعا بس هتفكر في مصلحتك ال انت مش هتكون واخد بالك منها
يونس : هتنبهني او هتشاركني رأيها لكن مش هتفرض عليا أمر واقع فهمتي
فيروز بحسرة علي نفسها : اه فهمت
يونس بغصه تؤلمه : فرحك امتي بقي
فيروز بحزن : كمان شهرين كدة
يونس : ومالك زعلانه كأنك مش طالعه مصيف السنه دى
فيروز : لا عادي
يونس : مش عارف ليه بس ملاحظ ان ملامحك مبتبقاش مريحه لما بتيجي ثيرة خطوبتك
فيروز بتلقائيه : نفس ملامحك بردو لما بتيجي ثيرة خطيبتك
رمقها يونس بدهشه بينما اردفت : انا هدخل اشوف التحليل زمانه خلص بعد اذنك
دلفت فيروز للغرفه واغلقت الباب خلفها تلوم نفسها علي تسرعها وقولها فيما لاحظت عليه بالفعل اما هو فشعر بالحيرة والضيق لم يصبح فضولي معها لهذة الدرجه ولم يهتم لأمرها أصبحت بخير ام لا ……. ظلت بالداخل لفترة ثم عادت وبيدها ظرف بداخله التحاليل قامت بوضعه امامه بأدب مردفه بعمليه : فصيلتها سالب ومحتاجه ابرة Rh
يونس : هقول للدكتور
فيروز : ربنا معاها ممكن تخلي هايا تطمني عليها
يونس بجمود : ان شاء الله
غادر المكان وهو يشعر بالضياع لا يعلم كيف يصف حاله وهي لا تختلف عنه كثيرا كلاهما يشعران بالانجذاب لبعضهما ولكن يرفضان اتباع تلك الاهواء والمضي بحياتهم الروتينيه
____________________________
هايا بسعادة غامرة : ولدت ولدت ياجماعه
حمزة : بجد جابت ايه
هايا : بنوته قمر
نغم : خليهم يسموها نغم
حمزة: مكفايا انتي علينا يختي هيبقو اتنين في العيله
هايا : سموها فيروز
حمزة : حلو فيروز الواحد يقولها يافهيتا
نغم : فلاح وشوهت الأسم
حمزة : حوشي يختي وانتي ال اسمك حلو اوي انا عارف عمي فارس كان بيفكر في ايه وهو بيسميكي
نغم بثقه : كان نفسه في نجمه من السما فربنا بعتله القمر بحاله ياعنيا
هايا : ايوة خشي عليه وافرشيله الملايه حسبي الله ونعم الوكيل فيكي
نغم : بس انت الوقتي ياحج سيد كلامك بيعمل مشاكل
حمزة : الله هو ال يقول كلمه حق في البلد دى كدة
نغم : تصدق انا غلطانه ياريتني سبتك سخن ومش قادر تتكلم ولا لسانك ال عايز قطعه دة
حمزة : ما بلاش انا ياغيمو زعلي وحش
نغم : هات أخرك ياكبير
حمزة : طاايب انتي ال طلبتي من عنيا الاتنين
الفصل التالي: اضغط هنا
يتبع.. (رواية بنات المنشاوي الجزء الثالث) اضغط على اسم الرواية لتجد الفهرس كاملاً بجميع الفصول.