رواية بنات المنشاوي الجزء الثالث – الفصل التاسع والعشرون
بارت ٢٩
بقلم خلود وائل 🌻
نغم وهي تعتدل برعب وتزحف تجاه حمزة : حمزا … حمزة … لا ابوس ايدك متسبنيش حمزاااه 😭😭😭😭😭😭 لاء فوق عشان خاطري والله مهزعلك تاني … طب مش هتيجي معايا في اي حته … حمزاااة عشان خاطر ربنا متغمضش عينك 😭😭😭😭 حمزة متسبنيش ملييش غيرك فووق بقي
ظلت تحرك جسدة بضربات خفيفه وواهنه منها ولكنه اغمض عينيه ولم يعد يشعر بها
نغم بصراخ حاد : حمزاااااا لاااااااا لاااااااااا
ظلت تصرخ حتي دلف الشرطي ومن معه علي اثر صرخاتها
الضابط : انتي الحاله المتبلغ عنها
نغم بصراخ وهي تلتفت ناحيه الضابط : حمزة.. ألحق حمزة بيضيع
نظر الشرطي ناحيه حمزة فوجدة غائبا عن الوعي والدماء تحيط به فأمسك بالاسيلكي يهاتف الاسعاف
نغم بصراخ : حمزاااه فوق ياحمزاااة بالله عليك فووق
الشرطي : طولي بالك يابنتي الاسعاف هتوصل كمان نص ساعه
نغم وهي تنهض بحسرة : نص ساعه !! يكون دمه اتصفي لا انا مش هستني
الشرطي وهو يعترض طريقها : استني هنا راحه فين انتي هتيجي معانا
نغم : ابعد عني انا هاخدة واروح اققرب مستشفي وتقدر تيجي معانا لكن انا مش هستني لحظه واحدة ياأما اموت جمبه احسنلي
حمل رجال الشرطه حمزة واجلسوة بسيارته وبرفقته اثنين من العساكر وانطلق نغم بالسيارة وبغضون دقائق كانت بمستشفي قريبه من مكان الحادث وسريعا دلف حمزه لغرفه العمليات برفقه الاطباء وانهارت نغم وسقطت ارضا وتم احتجازها بأحدي الغرف حتي افاقت بعد فترة وهبطت من السرير تبحث عنه كالمجنونه
نغم للممرضه : حمزة فين بالله عليكي عاوزة اشوفه
الممرضه : قصدك الشاب ال جه معاكي
نغم بلهفه : ايوة هو كويس صح اوعي تخبي عليا
الممرضه : ايوة كويس وخرج من اوضه العمليات وحاليا هو في العنايه المركزه
نغم بقهرة : وانا فين كل دة
الممرضه : انتي كنتي فاقدة الوعي بس حمد لله على سلامتك ياريت تتفضلي معايا برة حضرة الظابط مستنيكي يحقق معاكي وتلفوناتكو مبطلتش رن وانا رديت عليهم وبلغتهم ال حصل وزمانهم علي وصول
بكت نغم بقوة ثم اردفت برجاء : لو سمحتي عاوزة اشوفه بالله عليكي قلبي هيموت لو مطمنتش عليه
الممرضه : مش هينفع
نغم برجاء ودموع حارقه : وحيات اغلي حاجه عندك ابص عليه بس اطمن انه بخير بالله عليكي
شعرت الممرضه بالحزن تجاه نغم وتوسلاتها الشديدة واخيرا اخذتها لغرفه حمزة وسمحت لها برؤيته لثواني فدلفت نغم لغرفه حمزا بلهفه واقتربت منه وبكت بقوة اكبر عندما رأت محاطا بكل تلك الأسلاك المتصله بالأجهزة الطبيه وقناع الاكسچين يغطي وجهه فأقتربت منه وانحنت نحوة وهي تهتف من بين شهقاتها : أنا اسفه حقك عليا والله مهزعلك تاني 😭😭😭سامحني انت اغلي من انك تتأذي بسببي والله ياحمزة انا بحبك 😭😭بحبك اوي ومن سنين طويله من واحنا عيال صغيرة بنجري ورا بعض حبك كبر جوايا وعشقك ذاد 😭😭😭سامحني مكانش قصدي توصل لكدة بسببي سامحني ياحبييي اوعدك مش هزعلك تاني ياريتني كنت انا فداك حقك عليا
ظلت تبكي بحرقه وتربت علي كتفه حتي تفاجئت بالممرضه تسحبها من معصمها مردفه : يابنتي حرام عليكي مش كدة انتي كدة بتأذيه يلا اطلعي برة معايا وكمان اهلك وصلو برة
نغم برجاء : خليني معاه لما يفوق الله يرضي عليكي
الممرضه : مينفعش يلا معايا
دلفت نغم للخارج لتجد العائله بأكملها فهرولت نحوها هايا تحتضنها بقوة مردفه : اهدي يانغم .. حمزة فين
نغم ببكاء : حمزة بيروح مني ياهايا حبيب عمري بيضيع
هايا ببكاء: اسكتي علشان خاطري مش وقته الوقتي
آيه ببكاء من خلفهم : ابني فين يانغم حمزا جراله ايه
نغم برجفه قويه تسري بجسدها : احنا كنا في البنزينه ونزلت اجيب حاجه نشربها فجأه لقيت اتنين بيقربو منين وكتفوني وكانو عاوزين…😭😭😭 كانو عاوزين..😭😭😭😭
ضمتها هايا وهي تهتف ببكاء : براحه يانغم براحه علشان خاطري
آيه بصراخ : انطقي كانو عاوزين أيه أبني فين
هرول سيف ناحيتهم وتبعه يونس محتضنا أمه
يونس : اهدي ياماما حمزة بخير الدكتور طمنا عليه
آيه ببكاء : عاوزة اشوفه عاوزة اخد ابني في حضني ياسيف
سيف : حمزة كويس ياآيه اهدي وبراحه شويه وشوفي نغم حالتها أيه قدامك
آيه : علشان خاطري وديني لحمزة متسبنيش محروق دمي كدة
نغم وهي تشير نحو غرفه حمزة ببكاء : حمزة في الأوضه دى ياخالتو
هرولت آيه سريعا نحو الغرفه التي اشارت اليها نغم وفتحت الباب ثم دلفت عنوة متجاهله حديث الممرضه وماان رأت حمزة حتي تعالت شهقاتها وبكت بقوة اكبر
آيه : حبيبي يابني ايه ال وصلك لكدة ياحته من روحي
سيف وهو يجذبها لأحضانه لتهدء قليلا كي لا يحدث لها ما يحمد عقباه وهو يهتف : اشششش ابننا هيبقي بخير اتطمني واهدي خالص انا جمبك وحمزة اققوي من كدة
آيه وهي ترتجف : حمزة بيضيع مننا ياسيف
سيف وهو يخفي ألمه وحزنه علي فلزة كبدة : حمزة هيبقي ذي الفل اهدي انتي علشان لما يفوق يلاقيكي جمبه
الممرضه بحدة : ايه ياجماعه ال بيحصل هنا دة دى عنايه مركزة يعني ممنوع اي حد يدخل نهائي اتفضلو برة لو سمحتو
دلف كلاهما للخارج واستقرو اخيرا بغرفه نغم عدا سيف الذي توقف امام غرفه حمزة خلف اللوح الزجاجي والدموع تنسدل من مقلتيه بألم ومن خلفه هتف يونس
يونس بهدوء : بابا …
التفت له سيف وهو يجفف دموعه : نعم
يونس : الظابط هيحقق مع نغم وكنا عاوزين حضرتك تكون موجود
سيف : جاي وراك علي طول
جفف سيف دموعه واتجه نحو الغرفه وتوقف بجوار نغم وربت علي كتفها بحنو مردفا : متخافيش يانغم احنا كلنا جمبك
الضابط لنغم : اسمك ثلاثي ايه ؟
تذكرت نغم يوم الحادثه ببلدتها وها هو نفس السيناريو يتكرر بدون وجود والديها بجوارها فأنسدلت دموعها الحارة علي خديها بصمت فأردف سيف : ممكن افهم ال حصل ياحضرة الظابط انا لحد دلوقتي مش فاهم ايه ال حصل لولادي ووصلهم لهنا !
الضابط : احنا جالنا بلاغ من الموظف الىفي كافتيريا البنزينه بيقول فيه انه شاف شابين بيعتدو علي زبونه في المحل ولو الشرطه اتأخرت في الوصول هو هيتدخل وبالفعل لما وصلنا المكان لقيناه مضروب ومرمي علي الأرض وابن حضرتك سايح في دمه وهي جمبه بتصرخ
انهي جملته وهو يشير ناحيه نغم ثم اكمل : لو سمحتي عايزين ننهي المحضر من ناحيتكم علشان نقدر نجيب العيال دى بأسرع وقت
آيه بمحاوله أتزان واستجماع شتاتها: معلش يانغم اسمعي كلام حضره الظابط ياحبيبتي خليهم يجيبو الكلاب ال عملو فيكي وفي حمزة كدة
نغم ببكاءمرير وشهقات متقطعه : حمزة كان ..كان بيفول العربيه. وانا… انا نزلت ودخلت الكافتيريا وو..و روحت اخر المحل اجيب كانز وكان في شابين واقفين واحد بيشرب سيجارة والتاني بيبصلي ولما جيت امشي قربو عليا و..و 😭😭😭😭
هايا وهي تربت علي كتفها : متعيطيش ياحبيبتي احنا هنا جمبك اتطمني انتي في امان خلاص
يونس : كملي يانغم متخافيش
نغم : 😭😭😭
يونس : حد من الكلاب دول لمسك .. انطقي حد فيهم عملك حاجه
نغم : لا لاوالله محد فيهم لمسني بس ..بس .. واحد فيهم ضربني وقطع هدومي وهو ..هو 😭😭😭 هو ال ضرب حمزة بالسكينه
سيف بجنون : شكله ايه الواد دة يانغم لو شفتيه تميزيه ؟ قولي يابنتي
نغم وهي تومئ ايجابا وسط دموعها : ايوة ياعمي عمري مهنسي شكله
الضابط : وبعد ماضيقوكي يانغم عملتي ايه
نغم : جيت امشي واحد منهم كتفني وكتم بوقي معرفتش اصرخ حاولت اهرب منه التاني مسكني من رجلي وشالوني وكانو داخلين بيا المخزن ال في اخر المحل وفضلت اقاوم واصرخ بصوت مكتوم لحد ماهددني بالسكينه ال كانت معاه معرفتش اعمل حاجه غير اني اعيط وجوايا بدعي ربنا انه يبعتلي معجزة تنجيني
سيف : وحمزة كان فين كل دة
نغم بتوتر : حمزة !!
يونس : ايوة يانغم كل دة وملاحظش انك اتأخرتي
لم ترد اخبارهم بأنها قد رأته يغادر المكان من خلف الزجاج وقد شعرت وقتها بمغادرة طوق النجاة معه فهتفت بهذيان : مش عارفه كان فين بس هو جه وفضل يدور عليا وهما مكتفيني ومستنينه يمشي ولما لقوة مصمم واحد منهم هددة انه يمشي فأنا استغليت الفرصه وضربت الرف ال قدامي برجلي راحت الحجات ال عليه وقعت قدامهم الناحيه التانيه وحمزة شافني وجالي بسرعه يخلصني منهم وساعتها 😭😭😭😭 ساعتها مسكوة وضربوة وواحد فضل ماسكه والتاني بقي يضربني ولولا سمعو صوت سارينه البوليس كان … كان 😭😭😭😭
كور سيف قبضته بقوة وكتم غضبه ثم اردف : العيال دى تجبوهم من تحت طقاطيق الأرض
الظابط : هنجيبهم يااستاذ متقلقش البنزينه فيها كاميرات وصورت كل الحادثه و زمان رجالتنا بيفرغوهم واكيد هنتعرف عليهم هما بس حظهم انهم كان معاهم موتسيكل وقبل مانوصلهم كانو هربو
سيف : حق ولادي وال حصلهم لازم يرجع ولو حضرتك مش هتعرف توصلهم انا هعرف اتصرف معاهم
الضابط : البلد مش سايبه يااستاذ وانت مش هتعلمني شغلي
يونس : خلاص يابابا حضرة الظابط هيجبهم لحد عندك اطمن
الظابط : بعد اذنكم عاوزين نكمل التحقيق قبل ماابنك التاني يفوق
ظل الظابط يسرد الاسئله علي نغم وهي تجيبه حتي افاق حمزة واستكمل معه التحقيق ثم غادر المستشفي وتم نقل حمزة لغرفه عاديه بعدما استقرت حالته وبرفقته الجميع
سيف وهو يقبل رأسه : سلامتك ياحبيبي الحمد لله انك بخير
آيه وهي تقبل كف يدة وتحتضنه بجنون : حبيبي انت كويس طمني حاسس بأيه
حمزة: انا بخير ياحبيبتي متقلقيش عليا
يونس بمحاوله تلطيف الجو: مخلاص بقي ياماما هتفضلي تحضني وتبوسي وانا وابويا بنغير خلي في شويه سنس كدة
آيه : ربنا ميوريني فيكو حاجه توجع قلبي ياحبيبي
هايا : سلامتك ياشبح
حمزة : الشبح اتدبح خلاص ياهيوو
هايا : بعد الشر عليك ايه ال بتقوله دة ياعم انت
اتجه بنظرة نحوها فوجدها تقف منكمشه ووجهها ممتلئ بالكدمات وفستانها ممزق قليلا وحجاب أخر غير خاصتها يغطي رأسها فشعر بالحزن لأجلها ثم أردف بنبرة ممازحه : تعالي تعالي مش هعملك حاجه هعرفك غلطك بس
ابتسمت قليلا ثم هتفت : حمد لله علي سلامتك
حمزة : راحت سلامتي والبركه فيكي ياختي
نغم وخيوط دموع تنسدل علي خديها : انا أسفه والله مكنش قصدي يحصل كل دة
سيف : قدر ربنا ولطف ياحبيبتي وبعدبن انتي ملكيش دخل في ال حصل وال عمله حمزة دة واجب عليه انتي اخته ياحبيبتي
كانت كلمات سيف الأخيرة كالخنجر الذي يطعن فؤادها دون هوادة او رحمه فأبتسمت بألم ثم اردفت : ربنا يخليكو ليا
اتجهت هايا نحوها ثم ضمتها قليلا بينما اردفت نغم : انا طالعه برة شويه وجايه
هايا : انا جايه معاكي
دلفت الفتاتان للخارج وجلست نغم بوهن علي احدي مقاعد الانتظار وبجوارها هايا تربت تمسد علي رأسها لتهدئها قليلا
نغم : حمزة بيروح مني ياهايا بيروح مني
هايا : حمزة بقي كويس ياحبيبتي متخافيش والحمد لله حالته مستقره
نغم وهي تهز رأسها بنفي باكيه : بيروح من نصيبي الكل شايفني اخته حتي هو محسش بيا ولو لمرة واحدة والنهاردة كان بيموت قدام عنيا وبسببي عمري مكنت هقدر اسامح نفسي لو حصله حاجه انا تعبت اوي ياهايا تعبت اني احبه لوحدي وفي السر
هايا : طب استهدي بالله ربنا بس يشفيه ونبقي نحل المواضيع دي بعدين
نغم : نفسي حبه يطلع برة قلبي يمكن ارتاح وابقي كويسه
هايا: وحمزة يبقي لغيرك اذاي بس الكلام دة
نغم : والله قلبي موجوع وانتي عمرك مهتفهميني علشان محبتيش من طرفك وال بتحبيه عايش ولا علي باله
هايا بضيق : بس اسكتي بقي اسكتي .. ثم اكملت لنفسها : علي الاقل انتي موجوعه وهو قدامك وشايفك وشيفاه خليني انا ساكته وال بحبه ميعرفش أني موجودة اصلا 💔
عاد الجميع للمنزل عدا آيه التي اصرت علي البقاء برفقه حمزة بدلا من ابيه ومضي الليل ببطئ شديد قضته نغم مستيقظه لم تذق طعم النوم وفي صباح اليوم التالي وقبل ان تذهب للجامعه اتجهت نحو المستشفي للأطمئنان علي حمزة
نغم وهايا : صباح الخير
آيه : صباح الفل تعالو ياحبايبي عامله ايه النهاردة يانغم
نغم : بخير الحمد لله حمزة اخبارة ايه
آيه : حمزة طول الليل عمال يخطرف ويزعق ويندة عليكي
نغم بتعجب ممزوج بالسعادة : انا !
آيه : ايوة ياحبيبي بيحلم انه لسه في الخناقه
هايا : هو هيصحي امتي عايزين نطمن عليه قبل منتأخر
آيه : مش عارفه ياهايا بباكي ويونس كانو هنا من شويه وبردو مصحاش
نغم : خلاص مش مشكله هنعدي عليه بعد مانخلص كليه
آيه: لا تروحو البيت علي طول انتو ناسيين عمتك ليان ولا ايه واصلا ممكن الدكتور يكتبله خروج النهاردة
نغم بفرحه : بجد يعني هنروح نلاقيكو في البيت
آيه: يارب يانغم ادعيله ياحبيبتي
هايا بسعادة غامرة : يارب يااحلي مامي يلا بينا بقي يارخمه هنتأخر
نغم : يلا
اتجهت الفتاتان نحو الجامعه ومضي نصف اليوم وعاد يونس من المطار برفقه عمته ليان وزوجها دكتور طارق للڤيلا بينما في الجامعه انتهت هايا من يومها الدراسي وظلت تنتظر نغم بالكافتيريا
ريم : انا عاوزة اروح هتفضلي متزنبه كدة عما الرخمه قريبتك دي تيجي
ريتال : حرام عليكي دة نغم دي سكرة والله
ريم : بلا سكرة بلا محمرة دة سئيله اوي
هايا : بس ياريم دى طيبه والله واصلا كانت ناويه تيجي معايا عندك اخر الاسبوع وتصالحك
ريم : لا ياشيخه وهي ام لسان طويل دة بتعرف تعتذر ولا تصالح دى كل اما تشوفني تحرق دمي ذي ميكون حد موصيها عليا
داليا : منتي ال بتستفزيها وبتكلميها بطريقه مش لطيفه
ريم :بقولكو ايه فضوها سيرة البت دى اصل بتنرفزني
نغم وهي تنضم لهم وتسحب كرسيا: طالما ثيرتها بتنرفزك يبقي مفيش غيري
ريم : الحمد لله انك عارفه نفسك
نغم : أشهر من النار علي العلم والكل عارفني والاعداء محبوس دمهم مني يبقي حقك تتنرفزي
ريم : يعني انا من الاعداء شفتي ياست هايا بنت خالتك
نغم بأستفزاز : مالها بنت خالتها ياكبودي مش ستك وست عيلتك
ريم وهي تصفع الطاوله : لاااه انني زودتيها اوي
نغم وهي تهز حاجبيها ببرود جعلت ريم تستشيط غضبا : مابراحه علي اعصابك ياسكلانص للبلوزة الحلوة بتاعتك دى تشيط من السخونيه فسكوز دة ياببلاوي
قهقهت جميع الفتيات بينما صاحت ريم : انتو بتضحكو علي ايه انتو عارفين البلوزه دى بكام ولا منين
ريتال : بشبه عليها منين دي ياريري
ريم بتفاخر : من شي ان وب ٥٠٠ جنيه
داليا : من شي ان وب ٥٠٠ جنيه مرة واحدة !
ريم : ايوة طبعا هما ال بيلبسو من شي ان احسن مني في ايه
داليا : مقولناش حاجه بس في اسعار معقوله وكمان في فترات عروض بنستناها انتي كدة جبتيها غاليه قوي
ريم : مفيش حاجه تغلي عليا انا جبت كل حاجه نفسي فيها ومش علي قد البلوزة دى انا جبت كل حاجه عجبتني وايخاحه نفسي فيها هجبها واهو محدش يبقي احسن من حد
القت جملتها الأخيرة وهي ترمق نغم بشرز
نغم : يلا ياهايا علشان منتأخرش
هايا : يلا … سلام يابنات
غادرت الفتاتان ثم اردفت نغم بضيق : هايا انتي لازم تقطعي مع البت دى
هايا : ليه بس انتي زعلتي منها
نغم : انا زعلانه منها علي طول بس بجد البت دي عندها حقد طبقي رهيب وبالذات من ناحيتك
هايا : لا بتهيقلك دى طيبه وغلبانه بس اسلوبها دبش حبتين
نغم : عموما انتي حرة انا بس بنصحك علشان بجد ابتديت اخاف منها
هايا : هنطلع علي البيت ولا المستشفي ؟
نغم : انا احساسي بيقولي ان حمزة رجع البيت
هايا : ياني عليكي وعلي احساسك
نغم : اسكتي خالص وبينا علي البيت
اخرجت هايا مرآتها الصغيرة من الحقيبه وظلت تهندم من هيئتها وحجابها بينما نغم متعجبه مما تفعل
نغم : احنا مروحين مش رايحين الجامعه !
هايا : عادي يابنتي الجو حر وصيام بقي فالواحد مش عارف المنظر العام بقي عامل ايه
نغم بشك : اها قولتيلي …. الا صحيح مكملتليش هي عمتك دي بتنزل اجازة طويله و ايه النظام
هايا: عمتو ليان اجازتها محدودة بحكم شغل اونكل طارق يعني مثلا بقالها كام سنه بتنزل اسبوعين بس وبتحاول انهم يكونو في رمضان علي قد ماتقدر وبتقعد اسبوع عندنا واسبوع عند عمي سامر
نغم : امممم وابنها معاهم طبعا
هايا : مالك بقاله حوالي خمس سنين منزلش مصر انا اخر مرة شفته كانت لما تيته نورة اتوفت ومن يومها منزلش اجازات خالص عمتو بتنزل هو لا
نغم : اشمعنا
هايا وهي تهز كتفيها: معرفش بس عمتو قالت انه نازل السنه دى
نغم : امممممم
هايا : هو ايه ال امممممم
نغم : لا متاخديش في بالك
توقفت السيارة بداخل الفيلا وهبطت الفتاتان ثم اتجهو للداخل فوجدو العائله باكملها مجتمعه عدا حمزة
ليان وهي تنهض من مكانها وتتجه نحو هايا بسعادة : حبيبه عمتو وقلب عمتو
هايا : عمتو لينو وحشتيني
ليان : قلبي ايه الجمال والطعامه دى صحيح بنت الوز عوامه
يونس : لا جديدة دى ياعمتو
ليان : بس ياولد دى هايا دي سكرة العيله
ليان وهي تنظر ناحيه نغم بأبتسامه : انتي نغم صح
نغم بخجل : ايوة انا
ليان وهي تتجه نحوها وتحتضنها هي الأخري : حبيبتي الف سلامه عليكي سمعت ال حصلك امباح انتي وحمزة عامله ايه الوقتي
نغم : الحمد لله بخير
ليان : تعالو اققعدو يابنات في كلام كتير قاااد كدهو عاوزة اتكلم معاكو فيه يكفي سنه بحالها
هايا : وانا كلي آذان صاغيه ياعمتو … الا هو مالك فين ؟
ليان : مالك كان ناوي ينزل معانا بس مكتبه استلم حمله دعايا كبيرة فمقدرش ينزل خالص وبيعتذر منكو ياحبايبي
سيف : كان نفسي اشوفه الواد دة وحشني بشكل
طارق : ليك عليا هنزلهولك اجازة مخصوص بس انت استحمله ومترجعهوش تاني بسرعه
سيف : يأنس وينور دة بيته
طارق : طب اثبت علي كلامك دة بقي
سيف : ايه يابني مالك مش طايق الواد ليه كدة
طارق : يابني دة مشاء الله شعله نشاط مبيعرفش يقعد ساكت طول اليوم شغل وخروج وكلام في التليفون واكل صحي وچيم وحوارات وتيجي تكلمه يريح شويه يقولك انا مش عايز روتين المصريين
تبدلت قسمات وجه هايا للحزن والتيه عندما تفاجئت بعدم عودة مالك برفقتهم وظلت شاردة الذهن طوال الجلسه
سيف : بقينا روتينيين ماشي يامالك بس اما اشوفك دة انت هتشوف وش تاني من الروتيني ال علمك تلعب بوكسينج
طارق : ايوا بقي نفسي اشوف لقاء الجبابرة دة
ليان : طارق ! دة ابنك ياحبيبي
آيه : شكله مبسوط منه علي الآخر يالينو
ليان : ربنا يحفظه هو ال مالي علينا حياتنا
نغم : ربنا يخليهولك ياطنط .. الا هو حمزة فوق ياخالتو ولا لسه مجاش ؟
آيه : فوق ياحبيبتي نايم من شويه
نغم بسعادة : طب انا هطلع اغير وانزل بعد اذنك ياطنط
ليان : اتفضلي ياحبيبتي….. مشاء الله قمورة اوي طالعه لمامتها
آيه : طب وخالتها يابكاشه انتي
ليان : انت حاله خاصه ياقمر انت
صعدت نغم للاعلي متجهه لغرفه حمزة ثم طرقت الباب عدة مرات دون اجابه فقامت بفتح الباب ودلفت للداخل بحذر لتتوقف امامه وهو يغط في ثبات عميق
نغم وهي تتأمل ملامحه : ربنا يشفيك وترجع ترخم عليا تاني وتزهقني برخامتك كل شويه ونسهر علي السطح كل ليله ذي مااتعودنا وتسمعني نكتك البايخه وتنفذلي الاربع طلبات بتوعك ال لسه دين عليك ليا وتسرق مني ساندوتشاتي وتاكلها وانا بذاكر وانزل اعمل غيرها وبردو تاكلها تاني بس النرة الجايه هعملهالك ببطاطس
حمزة بنعاس : بانيه شلا تنستري
نغم بشهقه : انت صاحي
حمزة وهو يفتح نصف عينيه : هو حد يعرف ينام ويرتاح وانتي موجودة
نغم : بردو لسانك طويل حتي وانت متخيط غرز
حمزة : منك لله دمرتي فورمتي وعضلاتي
نغم : انت هتصيع ياعم انت عضلات ايه وفورمه مين هو انت بتبطل أكل
حمزة: انا مش فايقلك بس اوعدك اما افوق هجيبك من قفاكي
نغم وهي تعقد ذراعيها : حد غيرك يتكلم انت ال لازم تتجاب من قفاك اذاي يااستاذ تسيبني وتمشي في البنزينه وايه ال رجعك تاني ها
حمزة وهو ينظر لها بتعجب : امشي فين يامهبوشه انتي انا خلصت تفويل العربيه وطلعت من مكاني وركنت في جمب تاني علشان العربيه ال ورايا تفول همشي اذاي واسيبك مش فاهم !
نغم : يعني انت فعلا مكنتش هتسيبني
ابتسم حمزة مردفا : علي فكرة انتي غبيه اوي يانغم حد قالك قبل كدة
نغم : لا
حمزة : الحمد لله نولت الشرف اني اكون اول واحد امشي اطلعي برة
نغم : بقي كدة طااايب ابقي وريني مين هيعملك ايس كوفي بالكراميل ياحمزة
حمزة ساخرا : الكافيهات علي قفا مين يشيل تكونيش فاكرة ان حياتي مش هتمشيرمن غير مج السهرة بتاعك
نغم وهي تغادر الغرفه : يخسارة دموعي ال نزلتها عليك
حمزة ساخرا : حمزاااا متسبنيش ياحمزاااة
نغم وهي تصفع الباب : حيووان وعمرك مهتحس
حمزة لنفسه بعدما غادرت : ايه التركيبه دى ياربي البت دى حيرتني معاها مبقتش فاهمها بجد امبارح كانت هتموت نفسها عشاني والوقتي كنت هدمع من كلامها وساعه مفوقت رجعت لجننانها تاني دوختني بنت الأيه
حل المساء واستغرق الجميع في النوم لتستيقظ نغم علي صرخات هايا المتتاليه
نغم : بسم الله الرحمن الرحيم هايا ..هايا… فوقي يابنتي الله يهديكي… ياربي … اصحي انتي بتحلمي ياحبيبتي اصحي
استيقظت هايا وحبات العرق تملء جبينها وتغزو وجهها وجسدها وهي ترتجف بقوة لتحتضنها نغم وتهدء من روعها قليلا
نغم : الموضوع دة زاد معاكي اوي ياهايا مش معقول كل ليله تصحي مفزوعه كدة
هايا : 😭😭
نغم : بس خلاص عشان خاطري
امسكت نغم بهاتفها ثم هاتفت آيه واخبرتها بما حدث وبعد ان اغلقت الخط ماهي الا دقائق حتي دلفت آيه للغرفه واحتضنت هايا وظلت تتلو عليها آيات من القرآن الكريم
آيه : مالك ياحبيبتي كل يوم يحصلك كدة
هايا : بحلم بكوابيس ياماما
نغم : متحكيش ابوس ايدك علشان متتحققش
اخرجت آيه مصحف صغير بحجم عقلتي الاصبع من جيب منامتها واعطته لهايا
آيه : لم كنت حامل في حمزة اخوكي كان بيحصلي كدة فجدتك نورة الله يرحمها عطيتني المصحف دة وطلبت مني اشيله معايا في صدري علي طول والحمد لله دايما كان ربنا بيحفظني فخليه معاكي اوعي تسبيه وحافظي علي وضؤك ياحبيبتي واذكار النوم
هايا : بحافظ يامامي بس الكوابيس دى مش عايزة تسيبني
نغم : ياستي اسمعي كلام خالتو اذا كان حمزة البلوة المشكله ارتاحت وهي حامل فيه مش هترتاحي انتي وبعدين دة قرآن
احتضنت آيه ابنتها حتي غفت كلاهما بالنوم بينما تسللت نغم وغادرت الغرفه
__________________________
نغم رايحه فين 😅🙏🏻الڤوت ياقمر ❤️ التفاعل مش عاجبني بالله 🏃🏻♀️في امان الله وحفظه ياقمرات
الفصل التالي: اضغط هنا
يتبع.. (رواية بنات المنشاوي الجزء الثالث) اضغط على اسم الرواية لتجد الفهرس كاملاً بجميع الفصول.