رواية بنات المنشاوي الجزء الثالث – الفصل الثالث والعشرون
بارت ٢٣
بقلم خلود وائل 🌻
حمزة : نعم يختي شارع المعز مين
نغم ببرود من المقعد الخلفي: المعز لدين الله الفاطمي في مصر القديمه سلامه السمع ياحموزة
حمزة بغيظ : بت اتمسي احسن والله انكد عليكي
هايا : اسكتوا بقي انتو الاتنين وانت ياحمزة هي ليها عندك خمس طلبات ومش من حقك تعترض طالما قبلت الرهان من اوله فخليك قد كلمتك وانتي يانغم بلاش وضعيه الهجوم ال وخداها علي طول دي واعملو حساب اننا في ايام مفترجه وداخل علينا صيام وبجد مش هتحمل عمايلكو دى تمام يلا ياحمزة ودينا مكان مهي عايزة
زفر حمزة بضيق وظل يتمتم غيظا طوال الطريق بينما الابتسامه البلهاء تعلو ثغرها حتي مر الكثير من الوقت واخيرا توقفت السيارة امام بدايه الشارع
حمزة : واحنا هندخل الشارع اذاي بالعربيه وسط الزحمه دى
نغم بتريقه : ندخل بالعربيه !! هو برستيچ معاليك ياطويل العمر ميسمحش انك تنزل وتمشي علي رجليك
حمزة : وهو انتو ناويين تعملو ايه هنا اصلا يستاهل المشي
نغم : لا من نحيه هنعمل فهنعمل كتير اركن انت بس ركنه حلوة كدة وانزل نتمشي انجچيه سوا سوا
قهقهت هايا بينما رمقها بضيق من مرآه السيارة وجاب المكان بناظريه حتي استقر بسيارته اخيرا بزاويه مناسبه لها وهبطو سويا ودلفو لداخل الشارع العريق الممتلئ بالاضواء والتراث المصري العتيق وزينه رمضان التي تحيط جميع الاركان اما عن الفوانيس فكانت لا تحصي ولا تعد بأحجامها واشكالها المتنوعه والوانها المبهرجه التي تسر الناظرين
حمزة وهو يمضي برفقتهم : ها جايين هنا ليه
هايا : اصبر بقي ياميزو دى السهرة لسه بتبتدي
حمزة : ادي اخرة ال يمشي ورا الحريم
نغم : ارتقي شويه بالفاظك ياحج
حمزة: انتي تسكتي خالص لحد مانرجع تاني فاهمه
نغم بأستفزاز : لا انا نغم مش فاهمه وبطل هري بقي صدعتني
اغمض عينيه وهو يتمتم : اللهم طولك ياروح
نغم بفرحه طفوليه : هييي تعالي ياهايا بسرعه
هايا باعجاب : واوو المنظر توحفااااه تعالي صورنا ياحمزة بسرعه
اتجهت الفتاتان نحو محل كبير مختص ببيع الفوانيس وكانت واجهته قطعه فنيه ممتلئه بفوانيس رمضان الذهبيه المطعمه بالزجاج الملون المضئ وامامه الكثير ممن يلتقطون الصور التذكاريه بسعادة ففعلت الفتاتان مثلهما وانضم لهم حمزة علي مضض وبعد قليل شاركهم اجواء المرح وشاركهم الاحاديث العامه واستمع لنكات نغم التي اعتبر بعضها سخيفه مثلها
هايا : الفانوس المظلع دة حلو اوي
نغم : بس ال شبه النجمه دة جميل
هايا : طب بصي ال بيتحط فيه شمعه دة صغنون وكيوت اوي
حمزة : مكنا روحنا ايكيا وجبنا فانوسين من هناك اسرع واشيك
نغم : ايكيا مين والناس نايمين انت اتهبلت يابني دى روحانيات رمضان وزينه رمضان انت ايش فهمك انت بص خليك ساكت احسن علشان كلامك بيعمل مشاكل
هايا : سيبك منه احنا ناخد الطويل دة نحطه في المدخل والنجمه في الجنينه عند الخيمه ال هنعملها وناخد كام واحد صغنن نوزعهم في اوض النوم والكيوت المولود دة هناخد منه كام واحد بردو نحط فيه شمع ونوزعهم عشوائي علي السلم ابه رأيك
نغم : تمام اوي وناخد بقي عشرين فرع نور و عشرين متر زينه بردو وحبه اطباق للياميش والمكسرات
حمزة بصياح : اييه حيلك انتي وهيا هتعملو مائدة رحمان في قاعه اللؤلؤة
هايا : استني بس ياحمزة
نغم : انا حاسه ان لسه ناقص حاجه
هايا : ايوة صح
حمزة : ناقص تاخدو الراجل الكبارة صاحب المحل تحطوة في الريسيبشن عندنا
نغم وهي تنظر نحو البائع : اممم طق لا لا ياعم شكله مش رمضاني كدة
حمزة بغيظ : تصدقي عندك حق شكله شعباني او ذو القعداوي
نغم : سكر
حمزة : غصب عن عيلتك كلها
نغم : ولا لم نفسك
حمزة : والا ايه انا عاوز اعرف هتعمليلي ايه بقي
نغم : مابلاش
هايا : ابوس ايديكو ارحموني انا ضغطي علي عليا منكو
تنهدت نغم واتجهت نحوها مردفه : مهو ال بيعصبني ياهيوو الله
هايا وهي تربت علي ظهرها : انا عارفه يااميرة ياطيبه
حمزة : اي حاسبي طرف جناحها خرق عيني
نغم : شوفتي
هايا : معليش ياقلبي يلا نحاسب الراجل علشان انا هيجيلي حموضه منكو انتو الاتنين منكو لله
قهقه حمزة ثم اتجه نحو البائع ودفع ثمن المشتروات ووضعها بالسيارة ثم عاد اليهم ليكملو مسيرتهم
____________________________________
كانت ابرار تهاتف ريان بسعادة ثم انهت المكالمه بعدما دلفت والدتها للغرفه وجلست برفقتها
نعمه : اباي عليه الواد دة واكل عقلك ليه اكدة كل مااطل عليكي الاقيكي عتتحدتي معاه عتچيبو حديت منين عاد
ابرار بأبتسامه : ريان طيب چوي يما وصراحه أني عحبه
نعمه : اهييه لحقتي يابت انتي دة انتو مخطوبين اديلكم چمعه
ابرار : خابرة يما أني من زمان عشقاه بس بيني وبين حالي ودايما كنت بدعي لربنا يكون من نصيبي
نعمه : ااه منيكي مطلعتيش سهله واصل
ابرار : الا چوليلي يما انتي ليه يعني كتي ممانعه الموضوع بأوله
نعمه بتنهيدة : ربك والحق كت خايفه چوي
ابرار وهي تعقد حاجبيها : خايفه !! من ايه عاد
نعمه : زمان ابوكي كان متچوز عمه ريان وكانت حلوة چوي تشبه لحماتك دعاء لاه مش بس تشبهلها دى حته منيها ولما شفتها اليوم اياه كاني كت واقفه قدام مرام الله يرحمها
ابرار : وة ودى تخوف في ايه عاد
نعمه : لا ياحبيبتي مش دى ال تخوف ال كان مخوفني ان ابوكي كان عيحب مرام لدرچه خلته رافض يتچوز بعديها كام سنه ولما اتچوزني كان بضغط من چدك هارون وستك فاطمه الله يرحمها
ابرار بدهشه : ايه ال عتچوليه دة يما دة ابوي معيحبش حد قدك واصل
نعمه بأبتسامه : ودة من فضل ربنا وكرمه يابتي زمان مكانش بيطيق يبص في خلقتي بس سبحان الهادي
ابرار : سلحان مقلب القلوب
نعمه : وعشان اكدة ياضي عيني أني خايفه عليكي او بمعني تاني غيرانه علي ابوكي
ابرار : وة ايه ال عتچوليه دة يما غيرانه علي ابوي من واحدة تشبه مرته القديمه ال ماتت اديلها كام سنه
نعمه : واغير عليه من ظي الشمس كمان يابتي دة حبيب العمر كله
ابتسمت ابرار هاتفه: وة يما بتمني اكون بحالتك دي بعد ماتعدى سنين العمر مع ريان
نعمه : العمر كله بهناوة يابت بطني وتتهنو وتنسعدو سوا يارب
ابرار : الحديت خدنا ونسيت اچولك عاد
نعمه بأهتمام : چولي ياحبيبتي
ابرار : ريان چالي يعني انه رايد يعزمني حداهم أني وفضه اول يوم برمضان
نعمه : وة مش يخبر ابوكي لأول
ابرار : مهو هيعمل اكدة طبعا بس حب يشورني لأول
ابتسمت نعمه : ربنا يهديهولك يابتي شكله راچل حنين تنسعدي يارب
ابرار : يارب
نعمه : وال متنسمي دى عتكون معاكي بردك .. خلي بالك منيها يابتي ربنا يسلم
ابرار : يماي دى شكلها غلبانه عاد
نعمه : والله محد غلبان غيرك أني رايحه اشوف اخوكي
_______________________________
بمنزل فضه كانت تجلس بغرور امام المرآه تمشط خصلات شعرها الطويله هاتفه : اباي عليكي وعلي حلاوتك يافضه
دلفت الخادمه بعدنا طرقت الباب ⚡
فضه : خبر ايه ياوزة چاية علي ملي وشك ليه اكدة
وزة : چيبالك خبر حلو وليا الحلاوة ياست البنته
فضه : چولي ياوش السعد
وزة : سي فارس بيه عازمك بقصر المنشاوي اول يوم رمضان انتي وال متنسمي
فضه بسعادة : صوح الحديت يابت ياوزة
وزة : صوح ياست فضه
فضه بأبتسامه ماكرة : ولا وچت لوحديها من غير مااخطتلها
وزة: تؤمريني بحاچه ياست البنته
فضه : ايوة .. انتي چولتيلي بت خالتك ال عتشتغل حداهم اسمها ايه ؟
وزة : سنيه
فضه : اهاا سنيه چولتيلي
______________________________________
حمزة وهو يسير خلفهم حاملا العديد من الاكياس التي ابتاعوها : حرام عليكو بقي انا تعبت انتو اشتريتوني
نغم : سبحان الله يااخي انا مش متخيله لو كنت انت ال كسبت كنت هتعمل فيا ايه
حمزة وهو يصك اسنانه : دة انا كنت هلففك حوالين نفسك
نغم : من حفر حفرة لأخيه 😂
هايا : غيمو مش دي الفوانيس ال بتدوري عليها ؟
نظرت نغم امامها واتسعت ابتسامتها عندما وجدت بائعا واقفا بعربه مليئه بفوانيس خشبيه صغيرة حجمها لا يتعدي قبضه اليد وربما أصغر فهرولت نحوة سريعا بينما اردف حمزة بتعب : فوانيس تاني انتو هتقاسمو الصين في لقمه عيشهم
نغم : كل سنه وانت طيب ياراجل ياطيب
البائع بوجه بشوش : وانتي طيبه يابنتي
نغم : بقولك انا هتفق معاك اتفاق تمام
البائع باهتمام : تمام
هايا: شوفلك كرسي واققعد علشان الموضوع مطول
حمزة : اشوف فيها يوم نغم بنت فارس ودعاء
هايا : اجمد ياحموزى
حمزة : حموزك مفاصله ساحت وراحت يختي منها لله ال ملففاني شارع المعز كعب داير من اوله لأخرى
هايا : انت زعلان وكأنك في شارع الهرم
حمزة : اووف بقي احنا في ايام مفترجه يابنتي وانا علي حافه الانحراف اتلمي
هايا : طب اسكت لأحسن تسمعك
نظر نحوهت حمزة واتيعت عيناه بشدة عندما وجد جمع من الاطفال مختلفي الاعمار ملتفين حولها وهي تقوم بتوزيع الفوانيس الصغيرة عليهم والبهجه تعم المكان
حمزة: ياخراب بيتك يا سيف ياحديدي بنت المنشاوي هتخلينا نشحت بسبب الفوانيس ايه ال المجنونه دى بتعمله ياهايا
هايا بقهقهه : سيبها يابني تفرح
حمزة : هي تفرح وانا ادفع دة يرضي مين بس ياربي
مضي الوقت واصبحت عربه البائع شبه فارغه
حمزة : يابنتي كفايه
البائع: سيلها تفرح العيال يااستاذ
حمزة: ياعم انا ال هدفع وجيبي اتعور اساسا
نغم : بس ياكئيب ياعدو الفرحه
هايا مردده بمرح : ياعدو الفرحه
حمزة : ياشماته ابله ظاظا فيا
البائع ممازحا: ابله ظاظا مين
حمزة : اسكوووت
قهقهو جميعا بينما همست نغم : يالهوي علي جماله وهو بيضحك مبيبقاش كدة علي طول ليه هاااا
هايا : فين غض البصر ياشيخه نغم
نغم : احم مش يلا بينا
اتجه ثلاثتهم نحو محلىاخر خاص ببيع السبح واصرت نغم علي الدخول بمفردها وغابت بالداخل قليلا
حمزة : لا صحيح انت ليه بتقولياها ياغيمو !
هايا بفرحه لأهتمامه : اشمعنا يعني؟
حمزة : يعني كلهم بيقوللها نغوم نونا نغمه كدة يعني انتي الوحيدة ال بتحسسيني انها مغيمه كدة
هايا : بص يا سيدي اونكل فارس كان ليه اخت اسمها مرام واتوفت من زمان جدا يمكن قبل ماحد فينا كلنا يتولد نغم ال كانت حكيالي عنها ولما نغم اتولدت سموها غرام حبا في اسم مرام بس تعبت جدا واتحجزت في الحضانه بتاع شهر كدة ولا حاجه وبعدين تيته صفيه خافت وحست ان الاسم هو السبب يعني معتقدات قديمه وكدة فسموها نغم شبه غرام بس نغم بتحب ايم غرام جدا عن اسمها الوقتي فأنا بحب اققولها غيمو فهمت
حمزة : كانو سموها غم بس وشالو اول حرف
هايا : انت مفتري جدا علي فكرة والله دي طيوبه اوي
حمزة : بقي انا ال مفتري وهي ال طيوبه انتي عندك حول
دلفت نغم لخارج المحل وبيدها حقيبه ثم نظرت لهم بأهتمام بترغو في ايه
حمزة بمزاح : السوسه ماشيه في البلد
نغم بعدم فهم : ايه !
حمزة : ناس كتير قالت بس الحمد لله لحقو الموضوع
نغم : انت بتقول ايه !
حمزة : انتي كويسه المهم تكوني بخير كل سنه وانتي طيبه
قهقهت هايا بينما مضت نغم وتبعها حمزة واخته
حمزة : امشي براحه ياجبارة انا شايل اكياس الدنيا
نغم : جوعت اوي تعالو ناكل حاجه
هايا : انا عاوزة ام علي
حمزة غامزا : طب مفيش اخت علي
نغم بتمتمه : هتفضل حيوان كدة كتير شكلك هتتعبني معاك
استقر ثلاثتهم في مطعم وتناولو كشري مصري وتبعه ارز بلبن
هايا : امم اما صحيح كان نفسي في الكشري اوي
نغم : عدي الجمايل ياستي
حمزة : يعني اكلتك سيمون فيميه انا والله ماعارف انتي بنت فارس المنشاوي اذاي دة انتي اخرك من حواري بولاق
نغم : اجدع ناس مالهم ياحبيبي
حمزة : علي راسي من فوق يختي حسبي الله ونعم الوكيل فيكي
هايا : يلا نروح بقي العشا قربت تأذن
حمزة : سلامت احساسك يابيبي الساعه داخله علي ١١
نغم بشهقه : الصلاه فاتتني قوم بسرعه نروح
حمزة : لا ياشيخه طب مش مروح غير لما يجيلي مزاجي هه
نغم : خليك براحتك هاخد تاكسي يلا ياهايا
هايا : يلا
حمزة بصدمه : بتبيعي اخوكي علشان طبق كشري
عادو جميعا للمنزل وادو فرضهم الفائت ثم انطلقت الفتاتان بجميع اركان المنزل يعلقون الزينه هنا وهناك ويضيئون الفوانيس ويضعون الصغير منها علي جانبي درجات السلم بعشوائية وشرائط الزينه الهرميه تملاء السقف بنظام وتناسق اما عن الطاولات فقد امتلئت باطباق مجسمه باشكال رمضانيه امتلئت بياميش رمضان وكذلك المقاعد امتلئت بمخدات مربعه باشكال خياميه 😍
سيف بأعجاب : مشاء الله دة رمضان بوجود نغم حاجه تانيه
يونس بفرحه : صراحه وجودها في البيت ضايف بهجه جامدة
آيه وهي تشاهد الزينه بسعادة : ربنا يسعدها بجد انا بحبها اوي البت دى
حمزة وهو مرتمي بتعب علي احدي الآرائك : منها لله بنت اختك دى المادة الخام للأفترا والله
يونس : دى ال هتربيك انا متأكد
سيف : قوم يلا ساعد البنات برة في الجنينه
حمزة بتمثيل الارهاق : أققوم اققوم مين هو انا عاد فيا حيل
يونس : يلا وبلاش غلبه دي الجنينه منظرها يفرح انا رايح اساعدهم
اتجه يونس نحو الفتيات وتبعه سيف وآيه بسعادة فتفاجئو جميعا مما أعدته نغم وهايا فقد برعو بحق في انشاء خيمه رمضانيه تحيطها خيوط النور الملونه الملقاه علي الارض بترتيب منمق و بعضهم معلق اعلاها والورود والزرع الأصطناعي موزع بعشوائيه حول الخيمه ومن داخلها العديد من المقاعد المدورة القطنيه وتتوسطها طاوله مرتفعه نسبيا
آيه بأعجاب شديد : وااو بجد ايه الجمال دة
هايا وهي ترتمي علي كرسي بتعب : عملنا جمدان بس ايه رايكو
سيف : تسلم ايديكو ياحبايبي كل سنه وانتو طيبين
نغم : وانت طيب ياعمي اعمل حسابك الخيمه دى هنسهر فيها طول الليل ونتسحر فيها
يونس : بجد في اجواء بهجه غير طبيعيه في البيت
نغم : لا داعي للتصفيق الحار دعونا نعمل في صمت
هايا : ياولد
حمزة وهو ينضم لهم : البتاعه دى مفيهاش اكل ولا اي حاجه تتشرب
نغم : همه علي بطنه طب والله لوريك لسالي اربع طلبات
سيف : بالهداوة يانغم
نغم بمكر : عنيا ياعمي
مضت بضع ساعات والجميع مستغرقون بالنوم عدا حمزة الذي ظل يتململ بفراشه ويتذكر افعالها التي تتناقض مع شخصيتها التي عرفها لسنوات او بمعني اخر لم يتعرف مكنوناتها واكتفي بهيئتها المشاكسه فها هو يتذكر وفائها لصديقتها وكل ماتفعله من اجلها ويتذكر ايضا الامكان التي تنتقيها بعنايه لتمضي بها اوقات فراغها دائما ماتكون اماكن عامه متواضعه ليست بتلك النوعيه التي اعتاد عليها برفقه أصدقائه وهوايتها التي تبهره كل مرة واخرها عندنا كانت تتزلج بوسط الطريق ببراعة وجنون فأبتسم لااراديا وهو يتذكرها مرة اخري منذ بضع ساعات والاطفال حولها وهي تهديهم الفوانيس الصغيرة وترسم الابتسامه علي وجوههم
حمزة : خربتي بيتي حرام عليكي
نغم : بناخد ثواب ادخال الفرحه علي قلب طفل مسلم انت يهودي ياجدع
قهقهه لدي تذكرة اسلوبها المرح ثم نفض الغطاء عنه وغادر الغرفه متجها للاسفل واعد لنفسه كوب من مشروبه المفضل وهو السحلب ثم صعد للسطح وهو مكانه المفضل الذي اعتاد الجلوس به كلما جافاه النوم منذ ان كان بالمرحله الثانويه وما ان وصل لباب السطح حتي تفاجئ بأنه مفتوح فشعر بالريبه ودلف بخطوات هادئه يتفح المكان بعينيه فلم يجد احد ثم اكمل ببضع خطوات حتي تبادرت لمسامعه كلمات اغنيه رومانسيه هادئه ولكنها خاليه من الألحان فقط الكلمات وصوت أحدهم يدندن برفقتها ثم اكمل خطواته متواريا خلف حائط المدخل وهو يشاهد ظل احدهم يتحرك بسرعه ومضي بضع خطوات اخري واخري حتي اصبحت الرؤيه واضحه امامه .. زاويه من زوايا السطح مليئه بخيوط النور و المعلقين بنظام وطاوله صغيرة تتوسط كرسيين وعليها طبق به ساندويتش وكوب من العصير فبدا له المنظر العام مريح للعين وللنفسيه اما عن ذاك اللص المدندن فلم يكن سوي تلك الفتاه التي اصبحت كتله من المفاجئات بالنسبه له في الفترة الأخيرة هاهي ترتدي منامه فضفاضه من الستان بلون فيروزي وخمار سوري صغير بلون اسود يغطي شعرها وبقدميها حذاء خاص براقصات الباليه تقف علي اطراف اصابعها بحرفيه شديدة و تتحرك بنظام واتقان بحركات مدروسه تنبع من شغف وموهبه .. ظل يرمش باهدابه عدة مرات غير مصدق لما يراه هل تلك التي تلعب الباليه امامه هي نفسها من نعتها بساكنه الحواري منذ ساعات قليله لا والله ولو اقسم الجميع ليست هي فمن امامه فراشه لا تشعر الارض بحركاتها وتسعد الرياح لسماع صوت دندنتها … ظل يتأملها ويتأمل ماتفعل حتي نسي انه مختبئ حتي لا تراه إلي ان بدأت في الدوران علي قدم واحدة والاخري تضمها لجسدها بأرتفاع نسبي عن الاخري .. دورة تتبعها الأخري حتي شعر بالقلق عليها وظن انها ستفقد توازنها فصاح بشدة قلقا : نغاااام
توقفت بحرفيه وهي تلهث بتوتر شديد فلم تستوعب بعد ماحدث واخيرا وقعت بناظريها عليه يقف علي مسافه بعيدة منها مرتديا منامته السوداء ويحمل بيدة مج ثم هتفت بتوتر شديد غير مدركه لما يحدث : ح__ حح__ حمزة
________________________________
حبايبي الحلوين ❤️❤️اضحي مبارك ياجميلاتي ♥️ عندي ليكو حق عرب وهو بارت اتأخرت فيه وان شاء الله متعوضه 🔥🧡 فجأوني بقي بتوقعاتكو للجاي علشان بارتين كمان وهيبتدي النكد 🙏🏻🙈 أن أن أن 🎉😅 الڤوت قبل ماتمشي ياقمر مش هياخد من وقتك فيستوثانيه 🙈😻😻دمتم في رعايه الله وحفظه
تكملة بارت ٢٣
بقلم خلود وائل 🌻
نغم بتوتر شديد : ح_ ح_ حمزاااة
اقترب حمزة بضع خطوات بحيرة وارتباك نحوها ثم توقف علي مقربه منها مردفا بدهشه : ايه ال مطلعك هنا في نص الليل وايه ال كنتي بتعمليه دة انتي هبله
نغمه بحدة : انت ال بتعمل ايه هنا وايه اصلا ال يخليك تستخبي ذي الحراميه وتتفرج عليا وكمان جاي تزعقلي
حمزة بدهشة من موقفها الهجومي : انتي جرا لمخك حاجه حراميه ايه ال استخبي ذيهم واتفرج عليكي و اه بزعقلك واطلع عينك كمان مش المفروض انك نايمه من ساعتين فاتو
نغم ببرائه لا تتلائم مع الموقف وهي تهز كتفيها : مجاليش نوم
اقترب بضع خطوات اخري مردفا باعتياديه : مجالكيش نوم تقومي تطلعي تتنططي علي السطح مش خايفه يلبسك عفريت
نغم : ربك الحفيظ انا مصليه ومحصنه نفسي بالاذكار خاف انت علي نفسك
حمزة وهو يمرر اصابعه في خصلات شعره الغير مهندمه : ال هناك دي ساندويتشات
نغم : بعينك لو دوقتهم انا عرفاك طفس
حمزة: يعني هشرب مج السحلب من غير ساندويتش تعالي بس ربنا يهديكي دة انا واقع من الجوع
انهي جملته وهو يسحب كرسي ويجلس بعدنا وضع الكوب الخاص به علي الطاوله وامسك بساندويتش وبداء بتناوله
نغم بتذمر : يابني دة أكلي انا بلاش طفاسه وبعدين انا مسمحتلكش تقعد اصلا قوم اتفضل وريني جمال خطوتك
حمزة : ايه رأيك ناخد هدنه ساعتين بس عما أكل واشرب السحلب بمزاج وافهم منك كميه المفاجأت ال بتفاجئيني بيها الفترة الأخيرة ولعلمك اصلا دة مكاني انا ال طول عمري بسهر فيه من وانا في ثانويه عامه
نغم وهي تجلس علي كرسيها : اممم الكرسي الكحيان ال هناك دة بتاعك انت
حمزة وهو ينظر ناحيه كرسي بأحدي الأركان : اه بتاعي انتي ايش فهمك بقي الكرسي بتاعي ال معاه زكريات ياما ليا ترميه كدة
نغم : ياشيخ اتلهي دة كان مليان تراب
حمزة بأعجاب وهو ينظر حوله : حلو الديكور دة عملتيه امتي شكلك كدة واخدة علي المكان
نغم وهي تمسك بكوبها وترتشف منه قليلا : من اول ماجيت وانا طلعت عاينت المكان هنا وطلعت الكرسيين والطرابيزة وظبط القعدة والكرسي بتاعك حطيتهولك هناك ذي منتا شايف ولو حبيت تطلع يبقي في الركن البعيد الهادي بتاعك بعيد عني فاهم
حمزة : قلب قاسي وجرح احساسي دة انا اخوكي بردو
احترقت من الداخل بسبب كلمته الأخيرة ثم اردفت بنبرة يشوبها الأختناق : لا مش اخويا انت ابن خالتي وانا أحل ليك
حمزة : ماشي ياستي بس انا معتبرك اختي الحنينه ال هتسيبني اققعد هنا في مكانها وهتعفو عني في باقي الطلبات ال لسه
نغم : دة بعينك
حمزة : كفايه بقي يانغم والله انتي مرمطي ال جابوني
نغم : انا لسه عملت حاجه
حمزة : ماشي …. وانتي بقي مبتخافيش تقعدي هنا لوحدك
نغم : لا خالص لما بكون قلقانه ومش جايلي نوم بطلع هنا واوقات كتير بقعد اذاكر هنا بردو بصراحه المكان هادي ومريح وفكرة أني لوحدي ومحدش شايفني غير ربنا طب دة انا مرة صليت قيام الليل هنا وفضلت اقراء قرآن وحقيقي كانت ليله من احلي ليالي عمري
حمزة بأبتسامه : بقيتي شيخه ذي محمد ولا ايه
نغم وهي تعقد حاجبيها : ايه علاقه العبد بربه بالمشيخه علي فكرة انا مش ملتزمه ذى منتا فاكر بس بجاهد مع نفسي أني اققرب من ربنا وانول رضاه وببعد عن اي فتنه ولو بسيطه
حمزة : وعلشان كدة كنتي بترقصي باليه صح
نغم بثقه:الباليه مش حرام دة فن وانا مكنتش برقص قدام حد او حتي علي معازف لو اخدت بالك دى كلمات بس وانا بتحرك معاها بأيقاع من دماغي يعني في عالم تاني لوحدي
حمزة : بس بصراحه بترقصي حلو
نغم بحدة والخجل يكسو وجنتيها : انت بني آدم مش متربي
حمزة : يابت اتهدي بقي مش كان فن الوقتي وبعدين انا مقصدش المعني القذر الىفي دماغك قصدي يعني انك محترفه ومتمكنه من الحركه انا فكرتك هتدوخي وتقعي وعلشان كدة ندهت عليكي
نغم بفرحه داخليه: خفت عليا ؟
حمزة : اكيد ياغبيه شكلك وسرعتك كانو يقلقو اصلا
نغم بأبتسامه عريضه : لا متقلقش انا خبرة
حمزة بفضول : بس انا بجد نفسي افهم انتي اذاي كدة
نغم بأستغراب : كدة ال هو ايه مش فاهمه
حمزة : يعني انتي حياتك محدودة بحكم انك بنت صعيديه لا بتخرجي ولا بتروحي اماكن عامه قصدي يعني مفيش في حياتك اختلاط بس اجتماعيه وكل الناس بتحبك وشاطرة في دراستك وبتلعبي سكيتز وعندك وفاء فظيع لصحبتك المتوفيه
نغم : الله يرحمها
حمزة مكملا بأعجاب : وفوق كل دة عندك نشاط وحيويه يهدو جبل وبترقصي باليه انا بجد مش مصدق ولا مستوعب
نغم : انا ليه حاسه بنبرة اهانه في كلامك
حمزة : والله انتي جبله ومبتحسي اصلا بقي انا قاعد امدح فيكي من الصبح ودى حاجه عمرها محصلت ولا عمري كنت اتخيلها اصلا وجايه تقوليلي حاسه بأهانه يشيخه عنك ماحسيتي
نغم : لم لسانك الطويل ياحمزة لقطعهولك
حمزة : ولن ملميتهوش
نغم : مابلاش
حمزة بغرور: ياجبل مايهزك ريح
نغم : ريح يأنبك
حمزة : اللهم طولك ياروح انا عارف والله ان في حاجه غلط من ساعه ماطلعت اهو انتي كدة نغم ال اعرفها
هدات قليلا ثم نظرت امامها متذكرة نصائح هايا ثم هتفت بنبرة ناعمه : زمان وانا عيله صغيرة تقريبا وانا عندي حوالي خمس سنين كنت بتفرج دايما علي كرتون البطله فيه باليرينا وكانت عاوزة تقدم في مدرسه للباليه و قصه طويله كدة فأنا اتعلقت بيه جدا وبقيت اققلدها وافضل اققع كل شويه وشبط جامد في أني اتلم باليه فبابا ربنا يخليهولي قلب البلد علي مدرسه باليه ملقاش فضل يدور في المركز كله والمحافظه تقريبا لحد مالقي مدربه بتعلم الاطفال الباليه وخلاها تجيلي البيت مخصوص كل يوم ومرضييش يوديني معهد وفضلت اتعلم باليه لحد مابقي عندي ١٢ وقتها بابا شاف أني كبرت علي لعب العيال دة وانا اتحرجت اطلب منه أني اكمل بس فضل عندي شغف جامد ناحيه الباليه وبقيت اتعلم حركات جديدة من اليوتيوب واتمرن مع نفسي في القصر والسطح كان انسب مكان ليا وهو مكان تعليمي لكل هواياتي
حمزة : هواياتك !!
نغم : اها انا مليانه هوايات يابني والأسكيتز بردو اتعلمته واتمرنت عليه علي السطح وابتسام الله يرحمها هي ال كانت بتشاركني الهوايه دي واتعلمناها سوا
حمزة : بجد انا معجب اوي بعلاقتكو سوا
نغم : لو كنت شفتنا مع بعض كنت هتفتكرنا اخوات مش اصحاب انا عمري متوجعت في حياتي ذي مااتوجعت علي فراقها
حمزة : هو فعلا الحادثه ال حصلتلك كانت بسببها
نغم : لا طبعا دة قدر ربنا وهي ملهاش اي ذنب انا ال اتعديت علي حرمه المقابر مش اكتر
حمزة: ليه حاسس ان فيكي حجات كتير معرفهاش
نغم بفرحه : اذاي
حمزة : يعني حاسك شيخه كدة مع انك بتشاكلي طوب الأرض
نغم : طب لم نفسك لتاني مرة ياحمزة
حمزة : انا جيت جمبك بت انتي مهبوشه
نغم بتنهيدة : انما للصبر حدود
تناول الاثنان الساندويتشات وظلو يتبادلون اطراف الحديث بمرح حتي صدع صوت آذان الفجر
حمزة وقد اتسعت عينيه دهشه : ياخبر ابيض الفجر !!!
نغم : الله اعظم والعزة والدوام لله انا مش مصدقه والله
حمزة : اذاي محستش بالوقت دة كله معاكي
نغم : لا وكمان منعستش
حمزة : يلا بينا ننزل بسرعه علشان الصلاه وكل النايمين زمانهم صحو
نغم : يلا
هبط كلاهما للأسفل ثم اتجهو لغرفهم بينما هرولت نغم للسرير مسرعه توقظ هايا
نغم : هايا هايا هايااااا
هايا بفزع : ايه ايه في ايه
نغم بسعادة عارمه : قومي احكيلك ال حصل
هايا بقلق : ايه حد حصله حاجه
نغم : قلبي قلبي ياهايا ال حصله
هايا بقلق عليها : ماله قلبك اطلبلك دكتور
نغم وهي ترتمي بجوارها : قلبي صابه العشق ياهايا وكول الليل سهران دايب في هواه
هايا بغيظ : منك لله انتي و قلبك وهواة حسبي الله ونعم الوكيل فيكو
نغم : براحه ياختي قومي وفوقي كدة احكيلك ال حصل
هايا : اسفوخس عليكي مش عاوزة اعرف اوعي من قدامي اققوم اصلي اوعي
نغم : ياهايوو استني بس اققولك
هايا وهي تهبط من السرير : كلمه كمان هضربك بالشبشب
__________________________________________
اشرقت شمس الصباح ومضي اليوم بسلاسه ثم انقضي وعادت الفتيات من الجامعه برفقه حمزة وبعد قليل عاد يونس من عمله ثم بدل ملابسه سريعا وغادر الفيلا بسيارته برفقه اخيه اما عن آيه وسيف فقد ارتدو ملابسهم استعدادا للخروج سويا لتستوقفهم هايا : رايحيين علي فين وسايبين هايا
سيف : مقدرش اسيب حبيبه قلب بابي لوحدها معاكي نغم لحد مانرجع واخواتك مش هيتأخرو
هايا : انا ونغم بنجهز الجنينه برا عما يونس يجي
آيه : منال تعبانه شويه هنروح نتطمن عليها ونشوف خالتك ونيجي بأذن الله
هايا : يعني هتروحو لمنال وكمان لخالتو لا دة انا لازم اجي بقي مليش دعوة
سيف : لا ياحبيبتي احنا هنتقابل عند منال
هايا : خلاص برائه المرة دى سلمولي علي منوله وعلي النونات بتوعها
آيه : يوصل ياقلبي
_____________________________
في شقه منال كانت تجلي هناء شاردة بأحدي الغرف برفقه ورد
ورد : ايه ياهناء مالك يابنتي من ساعه ماجيتو وانتي مبلمه كدة زياد مزعلك ولا ايه
هناء : ياريت الدنيا كلها ذي زياد وحنيته ياورد
ورد : طب امال في ايه
هناء : فيروز
ورد بقلق : مالها
هناء : مطلعه عيني ودايما حابسه نفسها في اوضتها وان خرجت يبقي للشغل وبس وحتي جلساتها مع الدكتورة بتاعتها بطلت تروحها وكل يوم حالتها بتسؤ عن اليوم ال قبلها
ورد بحزن : ليه بس كدة مكانت اتحسنت وبقت كويسه
هناء : اول امبارح نزلنا مع يوسف نختار عفش شقتهم وكان يوم ما يعلم بيه الا ربنا
ورد بقلق : حصل ايه
هناء : طول الخروجه مادة بوزها مترين ومبتتكلمش وكل مايوسف يقف معاها علي جنب تسيبه وتيجي تقف وسطنا يسألها رأيك ايه تقوله ال تشوفه ال يعجبك هاته مفيش حتي ابتسامه علي وشها ذي متكون نازله غصب عنها وزي متكون ليه مهي فعلا نازله غصب عنها
ورد وهي تربت علي كتفها : طولي بالك ياهناء وحدي الله كدة
هناء بدموع : لا اله إلا الله .. انا. تعبت ياورد نفسي افرح بيها واشوفها سعيدة ومرتاحه نفسي اموت وانا متطمنه عليها
ورد : بعد الشر عنك اهدي ياهناء ايه ال بتقوليه دة
هناء : انا عارفه انها مبتحبوش بس لو تديه فرصه وتفتحله قلبها هتحبه والله هتحبه وتريح نفسها وتريحنا معاها
ورد : بلاش تضغطي عليها اكتر من كدة ياهناء انتي عارفه انها مش مرتاحه معاه يبقي شيل دة من دة يرتاح دة عن دة
هناء : يوسف بيحبها ياورد وفوق كدة هو محترم وبيصلي وهيتقي ربنا فيها وهبقي متطمنه عليها معاه واهو ابن عمتها وعارف تعبها وهيفضل جمبها
ورد : غلط تفكيرك دة كله غلط
هناء : غلط علشان بفكر بعقلي حطي نفسك مكاني هفضل ماشيه وراها لحد مايبقي عندها كام سنه فيروز مبقتش صغيرة ياورد دى عندها ٢٧ سنه
ورد : وكان فين عقلك وانتي مموته نفسك علشان عاصم يجوزك زياد ولا الحب الوقتي بقي مش مهم
هناء : الظروف تختلف ياورد
ورد : الظروف هي هي متغيرتش بس انتي ال بتضحي براحه بنتك علشان يفضل زياد ورنا كويسين مع بعض ياحبيبتي افهمي دى بنتك ومش هتتحملي تشوفيها مش مرتاحه وكلنا عارفين ان فيروز مبتحبش يوسف وانتي عارفه كويس انه عصبي ومعندوش اي طاقه للتحمل وفيروز عمرها مهتتحسن وهو مش عارف يحتويها يا هناء الاحتواء مش بس كلمه حلوة وطبطبه الاحتواء حنيه وصبر وطوله بال وابتسامه حلوة تطمن و كلام كتير اوي يشجع ويرفع المعنويات وانا مش هفهمك الكلام دة وبصراحه بنتك قالتلي بالنص كدة انها عمرها مشافت من يوسف غير سخريه واستهزاء
هناء : دة راجل وطبيعي ميكونش ليه خلق لدلعها دة
ورد : انتي عايزة تجننيني يابنتي ان مكانش يستحملها مين هيستحملها طب وافق يتجوزها ليه اصلا وهو عارف بتعبها يابنتي ال يرضي بوضع هو عارف اوله يبقي عيل لما يخلع من اخره
هناء بتنهيدة : ال يهمني مصلحتها ياورد
ورد : دي حياتها هي لو بجد عاوزة مصلحتها يبقي سانديها في اي اختيار تختارة حتي لو علي حساب خسارتك لحد تاني صدقيني الخواطر لما بتنكسر بيكون صعب اوي تتجبر تاني
هناء بأبتسامه : حاضر…. ادعيلها ربنا يهديها
طرقت منال الباب ثم دلفت
منال : ياايها القوم نرجو الغاء اجتماع القمه علشان خالتو آيه وزوجها القمر سيف برة
ورد : عيب يابنتي لو عز سمعك هتبقي حركه وحشه
منال : عزوز دة بقي قمر القمرات
ورد : شفتي الاختيار الصح عامل اذاي
هناء : الله اكبر يختي صلي على النبي هتحسدي البت
ورد بقهقهه : عليه افضل الصلاه والسلام
اتجهو سويا لمقابله سيف وآيه ثم جلسو يتسامرون
منال : علشان خاطري يابابا قوله يمكن يسمع كلامك
عز : لا يعني لا قولا واحدة يامنوله
عاصم : يابنتي عز عنده حق شغل ايه ال تنزليه ببطنك دى
عز : لا وكمان عاوزة تصوم ياعمي ينفع كدة
زياد : لا طبعا مينفعش يامنال ربنا من عليكي بتؤام ياحبيبي يبقي لازم ترتاحي في البيت شويه وكنان معاكي رخصه تفطري رمضان
منال : علي فكرة بقي شغلي برة اسهل بكتير من شغلي في البيت من تنظيف وطبيخ
عز : ياشيخة اققعدي دة انا من يوم مااتجوزتك وانتي عندك هبوط حاد ونايمه علي الكنبه ال هناك دي وانا ال بشتغل
منال : بقي كدة طب والله لخلي الاطفال ال في الحضانه يجرو وراك ياعز
عز مشاكسا : مش كفايه المس بتاعتهم ملففاني حوالين نفسي
قهقهه الجميع علي مرحهم المعتاد ثم اردفت آيه : امال فيروز مجتش معاكي ليه ياهناء
هناء : فيروز ياستي معتزله العالم بال فيه ومعتكفه في البيت
عز : الله مش الاعتكاف دة في العشرة الأواخر ولا فيروز بتاخد الثواب من بدري
منال : لا دمك خفيف تصدق
عز وهو يهندم ياقه قميصه : كلهم بيقولولي كدة
عاصم : لا وواثق من نفسه الواد
منال : شفت يابابا ولا هامه وجودك
عز : الله الله ليه بس كدة دة انت علي راسي ياابو النسب
عاصم : يابني متقوليش ياابو النسب دى تاني
ورد : ذنب ناس بتخلصه ناس
زياد بقهقهه : اه والله ياام محمد
قهقه الجميع قليلا ثم اردف سيف : متكلم محمد يروح للشباب الڤيلا يساعدهم النهاردة بيعملو كراتين رمضان
آيه : بعد اذنك ياابو فيروز لو ينفع تكلم فيروز ومحمد يعدي عليها وتروح معاه واهي تغير جو مع نغم وهايا
انهت حديثها وهي تنظر لهناء فهتفت براحه : ياريت هي ترضي
زياد : انا هكلمها واكيد هترضي هي بتعز البنات جامد
ورد بهمس لهناء : شطورة كدة خليها تفك عن نفسها
آيه بهمس: هي عامله ايه الوقتي
ورد : احسن الحمد لله
آيه : اتصالحت مع خطيبها
هناء : اه ربنا يهديهم
آيه : يارب
___________________________
عارفه والله ان البارت قصير وكمان بتأخر في التنزيل وليكم عندي بارت زيادة 💙🏃🏻♀️بس انتظروني هعوضكو بكرة بأذن الله ♥️ واسفه بجد اني بتأخر اليومين دول في الرد عليكو متزعلوش مني ياقمرات 💓💓😘ڤوت وكومنت بقي العوض جاي متقلقوش 🙈🔥😂😂😂😂😂
الفصل التالي: اضغط هنا
يتبع.. (رواية بنات المنشاوي الجزء الثالث) اضغط على اسم الرواية لتجد الفهرس كاملاً بجميع الفصول.