رواية بنات المنشاوي الجزء الثالث الفصل السادس والعشرون 26 – بقلم خلود وائل

بقلم خلود وائل 🌻

بقصر المنشاوي صباحا اتجه كل من ريان وزين لإحضار عروسه وقضاء يوم عائلي برفقتها وحضرت الفتاتان بسعادة ومرت الساعات الأولى من اليوم بسلاسه إلي حين ان صعدت الفتيات لمشاهدة غرفهم المستقبليه وقضو بعض الوقت ومن ثم همو بالنزول لتسقط فضه بقوة من علي الدرج وتصيح ابرار بلهفه : فضااااه

هرول الجميع ناحيتها وهم زين بحملها من علي الارض بعدما استقرت عليها امام السلم واجلسها بهدوء علي الاريكه بينما تصنعت هي البكاء المرير والجميع يشعرون بالقلق والتوتر لأجلها

دعاء : انتي زينه يابتي طمنيني عليكي الله يوفقك

فارس : بسرعه حد يشيع للحكيم ياچي يتطمن عليها

زين : وة عتبكي ليه اكدة عاد رچلك صابها حاچه

صفيه : اطمني علي البت يادعاء شكلها معيطمنشي

اقتربت دعاء من فضه واحتضنتها محاوله تهدئتها

ابرار : بسرعه حد يچيبلها كوبايه عصير ولا حاچه مسكرة

فضه بصراخ : اه يا واكله ناسك عتقتلي القتيل وتفوتي بچنازته عاد

تناقلت انظار الجميع بحيرة بينهم ثم استقرت علي ابرار التي هتفت بدهشه : عتكلميني أني !

فضه ببكاء : ايوة هكلمك انتي يرضيكي ياخالتي دعاء انها تمسكني فوق تضربني وتهددني وتاچي عند السلم وتخليني نازله قدامها وتزقني عشان تكسر رقبتي

ابرار بصدمه شديده : أني !!!!

فضه : ايوة انتي حتي اسألي البت ال هناك دى كانت واقفه وشايفه كل حاچه

فارس : صوح الحديت دة ياثنيه

ثنيه : ايوة صوح يابيه أني شفتها بعيوني التنين دول

ابرار : والله كدابه أني مچيتش يمها واصل دى كانت نازله چاري وفچأه وقعت لحالها والله دة ال حوصل

فضه : ومين ال كان عيضربني فوق ولا أني حتي هرمي حالي من علي السلم

ابرار : مهو دة ال حوصل انتي عتكدبي ليه

فضه ببكاء : الحقني يازين رچلي عتوچعني چوي

أنس : أني بعت اچيب الحكيم ودلوك ياچي

زين بضيق : ليه اكدة ياابرار عملتلك ايه عشان تعملي فيها اكدة

ابرار ببكاء : وة صدقتها يازين ! أني تصدق اني اعمل اكدة انت خابر اخلاقي كيف

زين : وهي عتكدب عشان ايه يعني

فارس : طول بالك ياولدي الدنيا متنحلش اكدة…. چوليلي ياثنيه انتي شفتي ايه

ثنيه : أني كنت فوق ياسعادت البيه بنضف الطرقه وفجأه سمعت صوت حد عيبكي اتقدمت كام خطوة لقيت الست ابرار عتضرب الست فضه وتشدها من شعرها ولما هي طلعت تچري منيها قام زقتها من علي السلم

ابرار بشهقه : وة ياويلك من ربنا عتچوليله ايه عتشهدي شهادة زور عاد

ريان : طولي بالك ياابرار

ابرار : عطول بالي علي ايه اكتر من اكدة الحلوة بسلامتها متفچه مع البت دى وباينه چوي وانتو شكلكم عتصدقوها وتكدبوني

ريان : محدش قال اننا مصدقينها عاد

فضه : وة يعني اني عكدب ولا ايه شوف اخوك يازين

دعاء : اسكتي يافضه لما الرچاله تتحدت الحريم تسكت عاد

أنس: ياچماعه استهدوا بالله

جميعهم : لا إله إلا الله

فارس : روحي انتي ياثنيه شوفي حالك وانت ياأنس روح استعچل الحكيم

ابرار بصدق : والله مالمستها ياعمي ولا چيت چارها

فارس : مش وقته الحديت دة ياابرار

ابرار بأعين دامعه وخاطر مكسور : امال وقته ميتي ياعمي

ريان : خلاص يا ابرار عاد

دعاء : هدي حالك يابتي

ابرار بنبرة اقرب للصراخ : انتو كلياتكم مصدقينها طب أني هعمل اكدة ليه والله مچيت ناحيتها واصل وعموما نحمد ربنا انو لسانا علي البر

ريان وقد اتسعت حدقتي عيناه بصدمه : وة عتچولي ايه ياابرار

ابرار  بأنهزاميه وهي تخلع دبلتها من يديها وتضعها علي طاوله امامها : عچول ان الچوازة دى معتناسبنيش ياولد الحلال دور علي واحدة تانيه تشبه خطيبه اخوك عشان تعرفو تعيشو بسلام عن اذنكم

القت حديثها بقهرة ثم خطت بكبرياء مغادرة القصر بعبائتها المنزليه وهرول خلفها ريان سريعا ولحقت به دعاء

ريان وهو يستوقفها بحدة : تعالي اهنيه راحه فين

ابرار : باعد عن طريقي فاهم

ريان : لاه مفاهمش وانتي ال لازمن تفهمي أني عحبك وانتي من قسمتي ونصيبي والجنان ال عملتيه دة مش هسمحلك بيه عاد

ابرار : دى حياتي وأني حرة فيها ومش هسمحلك لا انت ولا غيرك تحكم واحدة كيف فضه فيا وبعمري مهتحمل اتهام باطل ابدا انتو ناس محترمين علي عيني وراسي بس كرامتي واخلاقي لاه

دعاء وهي تلهث : يابتي الله يرضي عنيكي بالهداوة عاد دى مشكله وعتروح لحالها

ابرار : لاه معتروحش واصل بت اللاوندي ناويه الشر من  الأول واني بسكت بمزاجي واجول متقصدش لكن اكتر من اكدة لاه

ريان : بطلي عناد امال وتعالي اعتذري منيها وخلي الليله تفوت عشان خاطري

ابرار بأنكسار داخلي ابت إظهارة : وة يعني انت مصدقها !

ريان : لاياعمري أني مصدقك انتي واكدب الدنيا بحالها عشانك لكن خاطر اخوي يهمني

ابرار : وخاطري يهم اهلي ياولد الناس والأحسن ليك وليا اننا منكونش من قسمه بعض وال يطاطي بالأول حق عليه كسر رقبته

دعاء : يابتي اعقلي امال وعديها المرة دى لچل خاطر زين

ابرار : لو هاودتك ياخالتي يبقي بثبت علي حالي اني فعلا عملت اكدة

دعاء برجاء : لأجل الورد ينسقي العليق يانضري

ابرار : لاه والف لاه ونچوم السما اققربلها وال ميشتري خاطري بكيلوهات يحرم عليه رضاي بجرام

ريان بأعين مشتعله : ال عتتحايل عليكي دى تبقي امي و مقامها أعلي من وقفتها قصادك اهنيه وانتي ممحترماش حد واصل وراكبه دماغك وطالما دة يريحك يابت الناس اتفضلي السكه ال تعچبك فوتي فيها

شعرت ابرار بصدمه كبيرة وكأنما سوط قد هوي عليها ينفض جسدها ممزقا اياه فرمقته بحزن شديد وهمت مغادرة القصر

دعاء : ايه ال عملته دة ياولدي بسرعه روح وراها ميصحش اكدة

ريان بحدة : اسكتي انتي يما دى بجحت فيكي وردت طلبك ومحايلتك عليها

دعاء : ميهمش ياحبيبي بس الله يوفقك الحقها بسرعه عيب تعاود دارهم اكدة

ريان بأنكسار : هي ال اختارت يما

عاد كلاهما للداخل وساد الصمت بينما ارتقي ريان لغرفته ودقائق وجاء الطبيب وقام بفحص فضه وكانت علي مايرام فقط التواء بسيط في كاحلها وامضت بضع ساعات إلي ان استطاعت الاتكاء عليها حتي عادت لمنزلها اما عن المسكينه ابرار فوصلت لمنزلها وما ان فتحت لها الخادمه البوابه حتي هرولت سريعا لغرفتها ثم ارتمت علي السرير تبكي بحرقه ودقائق ثم انضمت لها والدتها عندما علمت بعودتها

نعمه بلهفه : خبر ايه يابتي عاودتي ليه دلوك ..ثم اكملت وهي تضع يدها علي صدرها بحسرة : يامري عتبكي ليه وچايه بچلبيتك اكدة

لم تجبها ابرار وظلت تبكي بقهرة

نعمه وهي تسحبها لأحضانها : مالك بس يانضري مين مزعلك اكدة

ابرار :😭😭😭😭😭😭

نعمه بقلق : ريان عملك حاچه

ابرار ببكاء مرير : معوزاهوش يما معوزاش اتچوزة

نعمه : وة ايه الحديت دة بالله عليكي يابتي ارحميني أني قلبي وقع من مطرحه انطقي چولي ايه ال چرالك هناك

ابرار بشهقات متلاحقه : محصلش حاچه يما بس الخطوبه دي اتفضت

نعمه بصدمه : ياوقعه روبه … بالله عليكي تچولي في ايه حد داسلك علي طرف طب چرالك ايه دة انتي كتي راحه وردة مفتحه والدنيا مسيعاكيش واصل

ارتفعت طرقات الباب ⚡⚡⚡

نعمه : مين

الطارق من خلف الباب : أني زهرة ياخالتي

نعمه : فوتي يازهرة

دلفت زهرة بلهفه وبلحظات كانت تجلس برفقتهم علي السرير

زهرة بقلق : مالها ابرار ياخالتي

نعمه : وة كيف عرفتي انها اهنيه

زهرة : لمحتها راچعه واني ببلكونتي وطوالي استأذنت ابوي وچيت ايه ال حوصل وراچعه بحالتها دى كيف

نعمه بحسرة علي بكاء ابنتها : والله ماني خابرة يابتي

زهرة : مالك بس ياحبيبتي

ارتمت ابرار بأحضانها وظلت تبكي مردفه : أني عحبه يازهرة بس هو وچعني وداس علي قلبي واختارهم علي

زهرة بعدم فهم : هما مين دول ياخيتي

نعمه : يابتي انطقي وريحينا دمنا نشف

اعتدلت ابرار قليلا وجففت دموعها المنهمرة ثم روت لهم بتلعثم ماجري

زهرة بحدة : أني كنت متأكدة ان البت دى صفرة من الأول

نعمه بصياح : صدقتيني ياقلب امك شفتي الحديت ال قلتهولك قبل سابق

زهرة : ياما نفسي اچيبها من شعرها دي بجحه جوي بالاول قطعت فستانك ودلوك عتتبلي عليكي وكمان وقعت بينك وبين ريان لاة دى العيله كلياتها

نعمه : ال واكله ناسها دى لازمن تتربي من اول وجديد

ابرار ببكاء : خلاص يما خلصت وال كان  كان

نعمه : كان ايه دة انتي اتچننتي يابت انتي ولا چري لمخك حاچه انتي عتسيبي حقك اكدة يروح وانتي قاعدة كيف الخايبه تولولي

ابرار : عوزاني اعمل ايه يما أني خلاص قلعت دبلته

نعمه : عشان طول عمرك خايبه هتچيبيها من برة يعني متچولي حاچه يازهرة

زهرة : زهرة عتفكر دلوك ياخالتي لازمن البت دى تقول حقي برقبتي

ابرار : قلتلكم خلاص ريحو حالكم

زهرة : انتي عاوزة تچننيني عاد يابت انتي

نعمه : يابتي الامور متنحلش اكدة بقي تسيبي ريان ال فضلتي تدعي لربنا سنين انه يچعله من نصيبك و البت الواعرة دى تبقي ست القصر هناك

ابرار : يما دة صدقها وكذبني

نعمه : يابتي افهمي الحديت وبلاش تتسرعي اكدة دة مهما كان الكبير ويهمه خاطر اخوة حتي لو علي حسابك انتي

ابرار بضيق : ايه ال عتچوليه دة يما

زهرة : في ايه يابت انتي معوزاش تفهمي الحديت ليه مقولنالك كل حاچه هتنحل بس بت المركوب دى لازمن تعرف مقامها وتحط في حسابها ان ال يدوسلك علي طرف بتنقطع رچله

ابرار بابتسامه مرة : خلاص راح ريان وممعاودش تاني

نعمه : اصبري يابتي هيعاود اني متوكدة الست دعاء واعيه وبت اصول والواچب معيفوتهاش واصل وابوة بردك هيكون اول واحد چاي يطلب الصلح

ابرار وهي ترتمي بأحضان والدتها : ااااه يما كسرت فرحتي

نعمه وهي تربت علي كتفها : منها لله البعيدة ذي معكننت علي العيلتين اول ايام الشهر الكريم

____________________________________

بمنزل فضه

وزة : سلامتك من العين والحسد ياست البنته

فضه : الوقعه كانت واعرة چوي

وزة : مش كان براحه علي نفسك ياست فضه اديكي اتعورتي عشان ال متنسمي دى

فضه بابتسامه عريضه: كله يهون عشان منظرها النهاردة دة

وزة : البت ثنيه طالبه الحلاوة

فضه : وماله حليلها بوقها يابت ياوزة تستاهل لولاها مكانش حد صدقني النهاردة

وزة : انتي تستاهلي كل خير ياست البنته ودلوك ايه ال عيحصل بچي

فضه : دلوك نستني ونتفرچو وهما بيقطعو بعضهم وبعديها ياچي دور سي ريان ال مفكر حاله مفيش منه

وزة : ناويه علي ايه معاه.

فضه : ناويه اخليه يبكي علي الساعه ال هملني فيها

_____________________________________

بغرفه صفيه كانت تجلس برفقه دعاء التي يبدو عليها علامات الحزن والضيق ثم دلف لمجلسهم فارس

صفيه : تعالي ياولدي

فارس : قاغدين اهنيه ليه

صفيه : ومين له نفس يقعد تحت ياولدي من ساعه ال حوصل

فارس : متكبريش الحكايه يما

دعاء : الحكايه كبيرة لحالها ولا مغمض عينك ومناويش تشوف

فارس : عوزاني اعمل ايه عاد

دعاء : وة انت عتسألني

فارس وهو ينظر لوالدته: اعمل ايه يما دبريني انتي

صفيه : روح راضي ابرار ياولدي البنيه راحت من اهنيه مكسور بخاطرها ولا روح اطمن علي ولادك ال كل واحد منيهم قاعد بچنب لحاله

فارس : وهو كان حد طلب من بت سعد انها تهمل القصر اكدة ولا ناسيه انها رمت الدبله لولدي

دعاء : وكنت رايدها تعمل ايه عاد

فارس : وة هي اي مشكله توحصل تقوم الواحدة تهرب بالسهوله دي

صفيه : ياولدي محدش فينا نطق ولا دافع عنيها والله اعلم چايز تطلع مظلومه

فارس : كيف يما مظلومه وال حصل قدامنا دة

صفيه : انت شفتها عتزوقها من علي السلم

فارس : لاه

صفيه : يبقي لازمن تحط احتمال انها مظلومه ومتنساش ان ابوها لساه هيعاتبك ومن حقه عليك انه يعملك قاعدة عرب لچل مرواحه بته كيف ماراحت لدارة بحالتها دى

دعاء : چوم يافارس خد ريان روحلها

فارس : مش دلوك استني لما ولدك اعصابه تبرد

صفيه :الطبطبه ال تاچي بعد الدموع متنشف ممنهاش عازة ياولدي

اومئ فارس براسه ثم غادر متجها لغرفه ابنه زين ثم دلف بعدما سمح له بالدخول وجلس برفقته

فارس : بتءكر مرة من سنين طويله رچعتلي من المدرسه انت واخوك مبهدلين وراسك ملفوفه وكانت عتنزف وقتيها خفت عليكم چوي وقلتلك في ايه يازين فأنت قلتلي يبوي كان في واد چايب خواته وچاي يضرب ريان اخوي فأني وقفت قدام أخوي ادافع عنيه واتصابت مطرحه فساعتها أني قلتلك ليه عملت اكدة يازين فأنت چولتلي علشان عحب اخوي يابوي وافديه بروحي ولا يوم حاچه تفرجنا عن بعضينا واصل

زين : وليه اتذكرت الحديت دة دلوك يبوي ؟

فارس : عشان النهاردة خفت عليكم نفس الخوف تاني لما وقفت بوش اخوك لأجل خطيبتك وكمان زعلت خطيله اخوك وحرچتها قدامنا

زين : ممكن اكون اتسرعت شوي يبوي بس بردك فضه ليها علي حق

فارس : صوح لكن اخوك ابقالك منيها وأني لو عشتلكم النهاردة مهعيشلكمش بكرة

زين وهو يقبل يد والدة : ربنا يديك طوله العمر يبوي

زين : چوم يلا چيب اخوك وخلينا نروح نطايب خاطر ابرار ولحين ماالحقيقه تبان معاوزكش تزعل فضه فاهم

زين : فاهم يبوي

________________________________________

انتهي اليوم الدراسي وعاد ثلاثتهم من الجامعه وجلسو ببهو الفيلا يستريحون قليلا

حمزة : لسه كام ساعه علي المغرب

هايا : لسه ساعه علي العصر ياحمزة اجمد كدة

حمزة : الحو نااار وشرار

نغم : هناخد اجر اصبر بقي انا هقوم اغير وانزل قوام علي المطبخ

حمزة : كمان انتي ال هتطبخي طب مش دايق الأكل

نغم : ليه بقي ان شاء الله

حمزة : اصل انا مش لاقي معدتي في كيس شيبسي

نغم : وبتبقي لاقيها وانت عمال بتسف الحلويات ال بعملها ولا المحشي والبشاميل

حمزة : لا دى فلتات كدة ببقي جعات وبجبر بخاطرك علشان متزعليش بس لكن في الحقيقه انتي طبيخك لا ينداق ولا يتشرب

هايا : جماعه استنو الوقتي استراحه وكملو الخناقه بعد الفطار علشان مفرهدة ومش قادرة احجز بجد انا طالعه انام وصحوني علي المدفع

نغم : استني نصلي العصر اول

هايا وهي تنهض : ماشي هطلع اغير واتوضي ابقي حصليني مش عايزة اصحي من النوم علي صوت خناقكو سوا

انضمت آيه بسعادة لهم هاتفه: حمد لله على السلامه يا ولاد عاملين ايه النهاردة في الصيام

حمزة : بفرفر ياأيوش

نغم : عيل نايتي

حمزة بتحذير : بت لمي نفسك لجيبك من قفاكي اعلقك في السقف مكان النجفه

نغم بكبرياء : ولا تقدر تعمل معايا حاجه انا هنا في حمايه الحكومه

حمزة : دة لما يكون موجود لكن الوقتي هو برة فخافي علي نفسك ياحلوة

آيه: بااس انتو الاتنين واحترمو نفسكو بقي علشان جيلنا بكرة ضيوف

هتفت هايا بسعادة بالغه : اوعي يكون ال في بالي يامامي

آيه بابتسامه: هو ال في بالك ياحبيبه مامي

نغم : طب الاخوة المستمعون ميعرفوش ال بالك وبالها ممكن اعرف انا والأخ دة

حمزة : مين جيلنا بكرة ياماما

آيه : عمتك ليان ياحبيبي انت نسيت انها بتنزل اجازة كل رمضان

حمزة : اااه تصدقي نسيت والله اما الواد مالك وحشني بشكل

نغم : مين مالك دة

هايا وهي تمسك بيد نغم وتسحبها برفقتها للأعلي: تعالي بس كدة وأنا هعرفك كل حاجه

بداخل الغرفه كانت تجلس هايا بعدما بدلت ملابسها سريعا والفرحه تلمع بمقلتيها فهتفت نغم وهي تحوم حولها : سبحان مغير الاحوال من شويه كنتي عاوزة تنامي ومش قادرة تحجزي مابيني وبين حمزة وفجأه كدة طلعت في نفوخك نروح بيوتي صالون ونعمل تنضيف بشرة وحبه اشتغالات

هايا : الله الحق عليا بفرفشك معايا

نغم وهي تضيق عينها: هايا يابنت خالتي مبروم علي مبروم ميلفش

هايا بتوتر: تقصدي ايه

نغم وهي تجلس امامها : اققصد انك من ساعه ماسمعتي ان عمتك جايه بكرة وانتي مش علي بعضك وشايفه عنيكي مظقطته والفرهدة راحت وبقيتي فريش خالص

هايا : لا دة علشان غيرت وقاعدة في التكييف

نغم : بقي كدة

هايا : بطلي رخامه بقي ويلا نصلي وننزل بسرعه

نعم بعناد : لا معلش روحي انتي انا عاوزة اريح شويه وبعد العشا عندي جلسه ليزر لجرح رجلي منتي عارفه

هايا بتذمر : علشان خاطري بقي متبقيش رخمه

نغم : انا ال رخمه بردو

هايا : يلا بقي ياغيمو ياقمر

نغم بأبتسامه : لا طالما قولتي ياغيمو يبقي امري لله

هايا وهي تقذف لها قبله في الهواء : حبيبتي

نغم وهي تتجه نحو خزانه الملابس : الا صحيح هو مالك ابن عمتك دة عندة كام سنه

هايا : ٢٥ واربع شهور

ابتسمت نغم بمكر ثم اردفت : مشاء الله عريس اهوة وعلي كدة متجوز

هايا : لا مش مرتبط اصلا

نغم بقصد استفزازها : امممم حقه ميرتبطش واحد عايش في المانيا والبنات حواليه كدة كدة قمرات هيرتبط ليه

عبثت ملامح هايا ثم اردفت : علي فكرة مالك محترم وچنتل خالص وملهوش في الكلام دة دة تربيه اونكل طارق

نغم وهي تلقي بالملابس التي انتقتها من الخزانه علي السرير : وهو يعني اونكلك طارق دة ماشي معاه طول اليوم دة انتي علي نياتك اوي

هايا بعبوس : تصدقي انك رخمه

نغم : ناس كتير قالولي كدة بس انا مصدقتش طبعا دة انا كيوته خالص واتاكل أكل

قهقهت هايا وهمت نغم بتبديل ملابسها واتجهو سويا لأحدي صالونات التجميل اما بثرايا السلانتي فكانت تجلس ابرار بحزن شاردة الذهن حتي هتفت زهرة

زهرة بمرح : حداكو طبيخ ايه النهاردة

ابرار : هه مخبراش .. هتفطري معاي ؟

زهرة : طبعا امال اسيبك تعمل اضراب عن الوكل مني خبراكي زين اول ماتزعل تقاطعي الوكل والشرب

ابرار : ريان كسر بخاطري يازهرة كنت مفكراة عيحبني صوح

زهرة : يابت الحلال الواد دايب فيكي دوب يكش بس الحربايه ال وقعت الدنيا في بعضيها دى هي ال عملت الشرخ دة مابينكم

ابرار بأستفسار : لو انتي مطرحي كنتي عملتي ايه

زهرة بأهتمام : لاااه كنت عملت كتير چوي

ابرار : كيف يعني

زهرة : مشكلتك انك طيبه زيادة عن اللزوم ودة غلط ياحبيبتي خصوصي لماتكون سلفتك حربايه كيف فضه دي

ابرار : يعلم ربنا أني افترضت حسن الظن فيها لكن هي مصممه تخرب عليا

زهرة : أنتي تمسكي في ريان وتتبتي بأيدك وسنانك فاهمه والبت دى توريها نابك الأزرق وتسمعي حديتي ال عچولك عليه فاهمه

ابرار : ماشي

_________________________________

طرق زين باب غرفه ريان ثم دلف للداخل فلم يجدة فهبط للأسفل ليخبر والدة بأن اخيه قد غادر القصر

فارس : وينه اخوك

زين : ملقيتهوشي فوق يبوي

فارس : روح الغيط ياولدي عتلاقيه قاعد حدا فدادين الترعه

اومئ زين برأسه مردفا : حاضر يبوي هو بيقعد هناك لما بيكون زعلان .. بالأذن

اتجه زين للمكان الذي اعتاد ريان الجلوس به كلما شعر بالضيق

زين وهو يجلس بجوار اخيه علي الارض تحت احدي الأشجار المثمرة : كنت خابر اني هلاقيك اهنيه

ريان : الله يرضي عنيك هملني لحالي دلوك وبلاه حديت ملهوشي عازة

زين : أني خابر أني حددت ابرار بطريقه عفشه وحقك تزعل مني بس يخوي أني___

ريان مقاطعا : ولا انت ولا اني قلتلك فوتني لحالي

زين : لاه مهفوتكشي عاد انت اخوي الكبير وزعلك انت وحبيبتك يزعلني

ريان بغصه: خلاص مبقتش حبيبتي

زين : أني هخلي فضه تصالحها واكيد ال حوصل دة سؤ تفاهم ولازمن يروح لحاله

ريان : متزعلش خطيبتك ومتشغلش بالك بيا اني وابرار خلاص خلصت حكايتنا من قبل ماتبتدي

زين : وة عشق السنين عتتخلي عنيه بالسهوله دى

ريان : مش هي ال اختارت

زين : وانت معتصدق .. ياخوي ال شفته بعنيك ليها مش بس حب لاه دة عشق وكبر مع السنين يخوي وتبچي غلطه عمرك لو فرط فيها مع اول غلطه

ريان : وانت شايف الصوح ايه

زين : الصوح انك تروح تخبط بابها مرة واتنين وعشرة وتعرفها الحب ال عتحبهولها قد ايه ودة حقها عليك يخوي

ريان : لاه يازين مبقاش ينفع هي باعتني ومحترمتش وجود ابوي وامي وعاندت قصادي

زين : لو طلعت مظلومه يخوي يبقي حقها تعمل اكتر من اكدة

ريان : ولو حديتك صوح يبقي فضه موقفها ايه

زين وهو ينظر امامه : يعدلها ربنا… اما دلوك قوم بينا نعاود عشان لازمن تروح تراضي ابرار دة حتي النهاردة اول يوم رمضان ياراچل

ريان : وفضه ال عاودت دارهم مكسور بخاطرها عتعمل معاها ايه

زين : أني اتفچت معاها أني هفطر معاهم بدارهم يوم خصوصي ليهم عما تكون الدنيا هديت اكدة

ريان : ربنا يسعدك ياحبيبي

عاد الأثنان لمنزلهما وعلي الجانب الأخر بالقاهرة انتهت الفتيات من جولتهم الحافله وعادو للمنزل قرب موعد الافطار وحانت اللحظات المنتظرة وانطلق مدفع الافطار وأرتفع صوت الأذان بصوت الشيخ محمد رفعت ووقف الجميع استعداداً للصلاه ويأمهم سيف وبعدما انتهو جلسو جميعا علي مائدة الطعام

حمزة وهو يعقد حاجبيه: أيه دة !!!

آيه : سمك ياحبيبي

حمزة بضيق : منا واخد باله انه سمك بس انتو ناسيين ان النهاردة اول يوم رمضان وكمان انا مبحبش السمك اصلا

سيف : نغم ال طبخت ياحمزة يبقي اكيد هيعجبك

حمزة وهو ينظر لنغم بشرز: انتي لو قاصدة تحرقي دمي مش هتطبخي سمك اول يوم صيام

نغم : طب دوق الأول

حمزة: ماقلنا مبحبوش انتي سمعك تقل

يونس : انا بقول انك تدوق اول وبعدين تتكلم .. ثم التفت ناحيه نغم مكملا حديثه : تسلم ايدك بجد السمك طعم اووي

هايا : السمك جميل ياغيمو

نغم بسعادة : بالف هنا وعافيه يارب علي قلبكو

آيه : محدش كان بيعرف يعمل سمك صينيه بالصلصه حلو ومظبوط كدة غير امي صفيه ربنا يديها الصحه والعافيه

نغم : منا تلميذتها ياخالتو

حمزة بتمتمه وهو يحرك مقلتيه بملل : تلميذتها ياخالتو ني ني ني

سيف : افطر ياحمزة وبكل برطمه

حمزة وهو يرمقها بغيظ : منك لله

نغم : بتقول حاجه يااخ

حمزة : بقول أمري لله

____________________________________

دعوة حلوة من قلبكو لبنوتي الصغننه علشان اخدت التطعيم وحرفيا ربنا يتولاني 😂😂🏃🏻‍♀️😍