رواية بنات المنشاوي الجزء الثاني – الفصل الثامن والثلاثون
بنات المنشاوي ج٢ الفصل الثامن والثلاثون
بقلم خلود وائل 🌻
مضي شهر بأكمله وسيف يغرق نفسه بعمله حتي لايشعر بغيابها ومدي اشتياقه لها اما هي فتمضي ايامها بفتور شديد بقصر المنشاوي لتعطي نفسها فرصه للتفكير بموضوع زواجها من حسين الذي يلح عليها كلما اتيحت له الفرصه وبأحدي الايام كانت تجلس بالحديقه برفقه فارس الذي يداعب ابنه ريان علي قدمه
فارس: الواد دة هيچنني طول الوقت عيبكي ورايدني اتمشي بيه معيرتاحش واصل واني قاعد مرتاح الله يكون بعون امه
آيه:ريان دة حته من الجنه ربنا يباركلكو فيه
فارس بمحبه:يارب
آيه:اليوم مبيرضاش يعدي غير وانا بلعب معاه غير كدة بيكون يوم طويل ورخم
فارس:ولحد ميتي هتدنك قاعدة ومتربعه اكدة
آيه:طب اعمل ايه مهو انا فاضيه موراييش اي حاجه اعملها
فارس:وة ومالك دة هتدنك مهملاه اكتير اكدة
آيه:ربنا يبارك فيك يافارس انت مش مخليني انا ولا اخواتي شايليين هم حاجه
فارس:ولو بردك لازمن تعرفي ورثك وعز ابوكي وتباشريه بنفسك واهي فرصه يومك يضيع وتشغلي حالك فيه
آيه:بس انا معرفش اي حاجه انا هبوظلك الدنيا
فارس:لاة متحمليش هم معاكي دعاء هتفهمك كل حاچه واني چارك متقلقيش ولا عچباكي قعدتك كيف قرد قطع طول اليوم دى
آيه:فارس
فارس: اعملك ايه يعني مبعرفش ازين الحديت
آيه:ماشي ياسيدي … طب هتمسكني ايه في الشغل
فارس:اول حاچه لازمن تعرفي ورثك قد ايه وبيروح فين وياچي كيف وبعدين تشوفي حالك شطرة في ايه يعني مثلا دعاء كيف اللبلب في الحسابات انتي هتچربي الحسابات وملفات صفقات الشركات وحسابات المخازن والشونه الكبيرة او المزرعه بكل مشتملاتها و الخير كتير الحمد لله وبعديها تچوليلي لقيتي حالك شاطرة في ايه واني هساعدك
آيه:ايه ياعم حيلك حيلك انت مش شايف بطني دى ولا ايه دة انا اسبوع كمان وهبداء الشهر السادس شوفلي حاجه انفع اعملها في البيت هنا
فارس:يبقي مراچعه الملفات والعقودات زينه چوي
آيه:عقودات عقودات اهي اي حاجه بقي وابقي خلي دعاء تراجع ورايا الله يخليك علشان مبهدلش الدنيا
فارس بنظرة ذات مغزي:الا چوليلي ياآيه اني لو بعتك مشوار هعتمد عليكي وتطولي رقبتي ولا عيله وعترچعي تعيطي
آيه بثقه:عيب عليك يافارس أختك تشرفك في اي حته
فارس:ربنا يخليكي يخيتي….. كنت بچول يعني حدانا عقد لازمن يتچدد وبفكر ابعتك انتي تچومي بالمهمه دى
آيه بحماس:موافقه طبعا بس انا معرفش هعمل ايه بالظبط
فارس:كيف كل مرة هبعت معاكي كريم هو عارف المطلوب واستاذ عبد الله المحامي عيخلصلك كل الأچراءات القانونيه انتي بس هتتفچي في كام نقطه هدلك عليهم قبل ماتسافري وتمضي مكاني واني هعملك توكيل من دلوك
آيه: تمام … شركه أيه دي بقي؟
فارس:شركه الحديدي جروب
آيه بصدمه:أيييه لا طبعا انت بتفكر اذاي يافارس
فارس:كيف الناس ياآيه وبعدين مالك كانك اتكهربتي
آيه بتأتأه:انا ..لااا.انااا انا.. ولا يهمني اصلا انا مبقتش افكر فيه وولا علي بالي
فارس:هو مين دة
آيه:ال انت بتقول عليه
فارس بمكر:بس انا مچبتش ثيرته عاد أنتي ال فكرتي فيه لحالك
آيه:يووووة يافارس انا مش راحه المشوار دة وخلص الكلام
فارس:كنت عارف انك چبانه اصلا وهتخافي تواچهيه
آيه:انا مش جبانه ومبخافش غير من ربنا وسبق وقلتلك اني بكرهه
فارس برزانه:ال معنفكرشي فيهم يابت عمي مبيكونش چواتنا حب او كرة ليهم لكن ال عنحس تچاههم حاچه اي كانت بيكونو شاغليين تفكيرنا
زفرت آيه بضيق ونظرت للفراغ بينما اكمل فارس:علي راحتك ياخيتي اني مش هضغط عليكي عاد ولساتني فاتح الباب وقت ماتحبي خبريني اني موچود
ظلت تنظر للفراغ وأمام عينيها تمضي ذكرياتها مع سيف الحلوة منها والمرة بينما حمل فارس صغيرة وتوجهه للداخل لتمر دقائق وتفيق آيه من شرودها علي صوت حسان
حسان:كيفك يابتي
أفاقت من شرودها ونظرت اليه لتجدة جالسا علي كرسيه المتحرك بملامح متعبه منكسرة تحمل ثنيات وجهه علامات الكبر لتهتف بضيق:كويسه اوي اتطمن واوعي تكون فاكر أنك هتشمت فيا
حسان:معاذ الله يبتي اني زعلان علي حزنك وصعبانه علي چوي انتي بردك من لحمي ودمي
آيه بسخريه: اشمعنا الوقتي الحنيه دبت فيك وعرفتك اني بنت اخوك ومن لحمك ودمك
حسان بندم:أني غلط في حقك عمر بحاله كنت قاسي عليكي انتي واخواتك وبدعي ربنا يطول بعمري علشان تسامحيني يابتي أنتي اكتر واحدة فيهم عانت بسببي أني أسف
ضحكت آيه ساخرة :تصدق صعبت عليا وانا معروف اني هبله وهصدقك ولا لا استني انت عاوز تفهمني انك لما اتشليت فوقت وحسيت بغلطك
حسان بحزن:أني چيت عليكم كتير وسخرت كل نعمه ربنا ادهالي عشان اظلمكم وأعذبكم لكن ربنا سبحانه وتعالي رايد يفوچني ويحاسبني علي عمايلي كلياتها وقعدتي دي ولا حاچه قصاد قهرة قلبي علي ابني الكبير ال راح مني في عز شبابه علشان قتل أخته نوارة العيله وحته من قلبي قدام عيني ولا ابني التاني ال محبوس ويعالم هشوفه تاني قبل مااموت ولالاة
آيه:الظلم ظلمات ياحسان
حسان بأعين تلمع بالدموع:عنديكي حق يابتي
آيه بحدة خفيفه:متقوليش يابنتي انا مش بنتك أنت عمرك مهتكون مكان ابويا وعمرك مهتعرف تكون حنين أنت أسؤ أب في الدنيا كلها
حسان:سامحيني يابتي سامحيني ربنا كبير وبيسامح
آيه:انا عمري مشفت منك حاجه واحدة حلوة تشفعلك عندي أنت ظالم جبار
حسان:ربنا فوچني قبل فوات الاوان وندمان يابتي والله ندمان
آيه بدموع تلمع بزرقاوتيها:بعد أيه بعد ماطفشتنا من بيت ابويا وخليتنا ندور علي الحنان بعيد عنك وانت اققرب واحد لينا بعد ماخليتني انا واخواتي ننام كل ليله معيطين بعد ماكنا بندور فيك علي الأمان وملقيناهوش الفلوس عمتك وخلتك مش شايف غير نفسك مفكرتش فينا ثانيه واحدة انت لو كنت اخدتنا في حضنك وحسستنا بالحنيه والأمان كنا سلمناك روحنا واحنا مبسوطين كنا اتجوزنا ولادك واحنا مرضيين لكن لا مشيت ورا طمعك وجشعك واحنا ال دفعنا التمن وانا بالذات بدفعه غالي اوووي
حسان بدموع:أني عرفت غلطي وراچعلك اهه يابتي تعالي في حضني اني ابوكي وانتي بتي الغاليه كيف مرام الله يرحمها سامحيني ياآيه الله يرضي عنيكي يابتي معايزش اموت وذنبك في رقبتي
آيه:بعد كل ال عملته وراجع بالبساطه دي عايزني اسامحك
حسان:ربنا قادر يغير حال بعد حال وحاله لم يتغيير
آيه بأندفاع:انت أخر واحد يتكلم عن ربنا فاهم
حسان:ربنا كبير يابتي واني توبت اليه وهو قبل توبتي مبقاش غيرك انتي تسامحيني أني عارف انك موچوعه مني ومن چوزك __
آيه مقاطعه:متجبش ثيرته علي لسانك
حسان:اني زعلان علشانك چوي وربنا وحدة عالم .. ثم أكمل بتأثر:لما الغاليه الله يرحمها أهل چوزها زعلوها بمرة أني خدتها في حضني ورفعت راسها قدامهم وچبت بمناخيرهم الأرض وخليتهم يزحفو حدايا طالبين رضاها ورچعتها حداهم مچبورة الخاطر وانتي دلوك عتفكريني بيها وبحالها
آيه ببكاء:بس انا ملقتش اب يقفلي ويكون سند وضهر ليا كنت لوحدي وطمع فيا واتمادي وخد راحته علي الأخر كنت فين سنين طويله وانا بدور فيك علي الحنان وملقيتهوش
حسان وهو يقترب منها ويمسد علي كتفها وهي تبكي:حقك عليا يابت الغوالي أني محقوقلك والله اطلبي كيف ماتريدي واني هنفذ بس سامحيني
آيه:😭😭😭😭
حسان:حقك علي حقك عليا ياغاليه
انهارت باكيه بشدة بينما حاوطها بذراعيه لتستكين بداخل أحضانه وتشعر بالحنان الابوي الذي لم تعرفه طوال حياتها وكانت لكلماته الحانيه الأثر الاكبر في تهدئتها وأطمئنانها ….
__________________________________
علي الهاتف بين ورد ودعاء***
دعاء:ايوة والله كيف مابقولك اكدة اني شفته عيحضنها وهي عتبكي وشكلهم اتصالحو
ورد:يوم الهنا والمنا ربنا يهديها يارب يمكن ترتاح وتطلع الحزن ال شيلاه جواها سنين
دعاء:أني فرحانه چوي ياورد
ورد:وانا والله انا بجد مش مصدقه كان نفسي تسامحه اوي
دعاء:ربنا شاء ونحمدة ونشكر فضله
ورد:عقبال سيف يارب
دعاء:يارب بس كيف يادعاء وهي مطيقاش حد ينطق اسمه قدامها
ورد:مفيش حاجه بعيدة علي ربنا
دعاء:ربنا قادر على كل شيء
ورد:مفيش جديد عنهم فارس مقالكيش اي حاجه
دعاء:فارس ناوي يخليها تعاود مصر وتستلم شغلنا حدا سيف
ورد:بجد طب دي فرصه حلوة اوي
دعاء:أني خايفه من رچعتها چوي ياورد
ورد بأستغراب:ليه
دعاء:أختك عتخطط تتچوز وتكيد سيف
ورد بشهقه:يانهار …… ايه ال بتقوليه دة يادعاء
دعاء:والله هي ال چالت وخبرتني واني زعقت فيها ودنتها تبكي حبه چد لحد ماقفلت علي الموضوع
ورد:بالسرعه دى قدرت تنسي سيف
دعاء:ومين قالك انها ياحبيبتي نسته دى كل ليله لازمن تتفرچ علي صورة بتلفونها وتنام علي صوت تسچيلاته في رسايلهم واني بعمل حالي موخداش بالي وبنيم ريان
ورد بتأثر:ياحبيبه قلبي صعبان عليا اوي والله بتتألم لوحدها ومش راضيه تتكلم وعمرها مهتقدر تنساه
دعاء:ايوة سيف قاعد چوة قلبها ومتربع
__________________________________
حسان:بصي يابتي اني خابر انك موچوعه وخابر ليه بس ال هچولهولك بحكمه راچل عاش اكتر من٦٠ سنه علي الدنيا أنك غلطانه في حق چوزك چوي
نظرت له آيه بضيق بينما أكمل:ايوة صوح الحديت مستغربه ليه الراچل منينا له يتچوز اربعه مش بس وحدة ودة كلام ربنا مش كلامي وحتي لو كانت عملته دي في الحرام فواچبك ناحيته انك توعييه وتخليه يكفر عن ذنبه ويفوق ويرجع لربنا وتغمضي عينك مرة واتنين وبعديها يبچي تتطلقي بعد ماتكوني عملتي بأصلك معاه
آيه بأختناق:وكرامتي؟!
حسان :كرامه ايه ال عتتحدتي عنيها دى وانتي قلعتي خلچاتك قدامه دة چوزك يابه
آيه بخجل:مستحيل ارجعله
حسان:دة رأيك لحالك أني بس بنصحك و____
ارتفع صوت رنين هاتفها لتمسك به وتجيب المتصل وهي تبتعد عن مجلس حسان
حسين:الووو وحشتيني اوي
آيه: نعم!!
حسين:احم اققصد يعني انك بقالك فترة كبيرة مشفتكيش وحاسس ان حاجه كبيرة نقصاني
آيه:طيب
حسين بغيظ: طيب ايه بس مش ناويه بقي تريحي قلبي
آيه:قلتلك سيبني افكر براحتي ياحسين
حسين:بقالك شهر بحاله بتفكيري ياآيه وانا زهقت
آيه:طب لو وافقت انا ليا شرط
حسين بفرحه:اؤمري
آيه:يبقي جواز علي ورق
حسين:نعم!! هو ايه دة ال علي ورق ياآيه
آيه بجديه:انا سبق وقلتلك اني هعمل كدة علشان اغيظ سيف واعرفه انه مش فارق معايا وانت ال طلبت تساعدني وانا مش فارضه نفسي عليك
حسين بتروي:ااه اه طبعا انا هساعدك علشان غاليه عندي والأيام هتثبتلك دة وياريت بقي تعرفيني رأيك النهائي علشان بجد انا بنتظرك علي نار
آيه: موافقه
حسين:وانا هخليكي اسعد واحدة بالدنيا كلها … بصي انا مش هينفع استني اكتر من كدة لازم نعمل خطوبه بأسرع وقت وكتب الكتاب بعد ماعدتك تخلص
آيه :ماشي
حسين:هترجعي امتي
آيه بتردد:ممكن بكرة
حسين: تمام اوي خطوبتنا بكرة
آيه بضيق:لا طبعا استني لما اعرف اخواتي واعمل حسابي
حسين علي مضدد:ماشي
__________________________________
طرقت آيه باب غرفه مكتب فارس ودلفت بعد ان سمح لها بالدخول لتخطو بضع خطوات متوترة وتتوقف أمام مكتبه الخشبي الفخم
فارس:عايزة حاچه ياآيه؟
آيه:اه
فارس بأهتمام:چولي
آيه بتوتر:عوزاك تفهمني المفروض اعمل ايه بكرة في اجتماع تجديد العقد
جاهد فارس لأخفاء ابتسامته وهتف:زين جوي اققعدي افهمك
في اليوم التالي بوقت متأخر من الصباح كانت آيه برفقه كريم واستاذ عبد الله في مقر شركه الحديدي وتحديدا بغرفه الأجتماعات تدلف اليها بخطوات واثقه حاولت جاهدة لتخفي توترها وتفادي جميع النظرات الموجهه اليها وتحديدا نظرات الصقر الذي يجلس علي الجهه الاخري من الطاوله ويرمقها بنظرات حاره جاهد لتفادي أشتياقه لها واللعنه لقد أصبحت تشبه سيدات الاعمال بحلتها الرماديه ذات الچيبه التي تصل للركبه والبليزر الملحق بها وأسفله قميص حريري ذو لون أسود يتناسق بشدة مع حذائها الاسود اللامع ذو الكعب العالي وخصلات شعرها التي قصتها لتصل لنهايه عنقها كأول مرة ألتقاها بها جعلته يتذكر تلك الأيام ويغوص بداخلها ليفيق من شرودة الذي طال لبرهه علي صوت باهر
باهر: بشمهندس .. حضرتك معانا؟
سيف بحمحمه رجوليه:احم .. ايوة معاك اتفضل
باهر:فارس بيه موكل آيه هانم بنت عمه بكل المعاملات الورقيه مابينا
سيف بعمليه:تمام
باهر:عند حضرتك اي تعديل
سيف :لا
عبد الله:آيه هانم كان عندها تعديل علي البند التاني من العقد
سامر:احب اسمعه ياأستاذ عبدالله
عبد الله:آيه هانم حابه تعدل نسبه الكميه ال حضرتكو بتاخدوها وتعلي سعر الفواكهه
سامر:افندم؟! حضرتك هتتعامل بأسعار غير ال في السوق
عبد الله:آيه هانم___
سيف مقاطعا بجديه: أظن الهانم ليها لسان تتكلم بيه
آيه :احفظ لسانك ياحضرت
سيف بحزم:مش حته عيله ذيك لسه داخله المجال امبارح بليل ال هتعرفني اتكلم اذاي دة شغل مش لون روچ بتختاريه
آيه :دى بضاعتي انا والسوق عرض وطلب ولو مش عاجبك اشرب من البحر
تعجب الجميع من فظاظه آيه في الرد وبرود سيف ليكمل هو بعمليه:وال عرفك ان السوق عرض وطلب معرفكيش اني مش مجبور علي عرضك وببساطه مش هجدد العقد بتاعك
آيه بغيظ:مع ألف سلامه
كريم بمحاوله تهدئه الوضع الذي اصبح كارثيا:صلو علي النبي يچماعه الحديت مش اكدة امال
سامر:البيزنس مش لوي دراع ياآيه براحه الكلام اخد وعطا
عبدالله هامسا: اهدي اكدة بدل ماتخربي بيتك احنا علينا شروط چزائيه ولساه العقد القديم ساري يعني مسكتنا بيدة واحنا مش قد زعل فارس بيه
شعرت آيه بمدي فداحه تسرعها وعنادها لتهمس:طب اتصرف انت يااستاذ عبدالله
عبد الله:حاضر
سيف:التعديل دة مرفوض ياأستاذ كريم ومش هقبله بأي شكل دة خراب مستعجل
عبدالله:ياسيف بيه احنا طول عمرنا بنتناقش بالهداوة وبلاه التعديل ال عيزعلنا من بعضنا دة
سامر:عين العقل ياأستاذ عبدالله
كريم:نسمو بالله ونمضي العقودات خلينا نعتمد العقد الجديد
عبدالله:ولا ايه رايك ياسيف بيه
سيف وهو يوجهه حديثه لعبد الله متجاهلا وجودها: ال تشوفه ياأستاذ عبدالله مفيش بعدة كلام
شعرت آيه بالغيظ الشديد منه ومن فرضه سيطرته وهيبته كامله عليهم جميعا وبداخلها تلعن تواجدها بهذا المكان الذي تشعر فيه بضئالتها امامه بينما هو متمرس بعمله ويحادث الجميع بثقه ويعلم تمام ماذا يفعل .. ظلت تسترق النظرات اليه فقد اشتاقته كثيرا ولكن بداخلها تنفي بقوة وكبرياء
كريم:امال صالح بيه محضرش الأچتماع النهاردة ليه؟
سامر:تعبان شويه
عبدالله: ماله الف سلامه عليه
سيف: تسلم ياأستاذ عبدالله بس هو بقاله كام يوم مرتاح شويه في البيت واول مايتحسن هيرجع تاني
آيه بحرج:هي الأزمه جتله تاني ياسامر بيه؟
سامر: الحمدلله أدعيله يامدام آيه
شعرت بالحزن لما سمعت عن صالح فهي تعتبرة أبيها وتعتز بمكانته ومن ثم امسكت بقلمها ووقعت علي الاوراق المطلوبه وبعد قليل انتهي الاجتماع وهم الجميع بالرحيل ليستوقفها صوته مناديا
سيف بجديه:مدام آيه
التفتت لتنظر له بكبرياء قائله:افندم
سيف وهو لازال يجلس بغرور علي مقعدة:لو سمحتي عاوزك في كلمتين
شعرت بالتوتر والأرتباك خاصه وان ملامح وجهه لا تنذر بخير قادم
_________
بعتذر ان البارت صغير بس هعوضكو انشاء الله ♥️
الفصل التالي: اضغط هنا
يتبع.. (رواية بنات المنشاوي الجزء الثاني) اضغط على اسم الرواية لتجد الفهرس كاملاً بجميع الفصول.