رواية بنات المنشاوي الجزء الثاني – الفصل التاسع والثلاثون
بنات المنشاوي ج٢ الفصل التاسع والثلاثون
بقلم خلود وائل 🌻
آيه:افندم
سيف:لو سمحتي عاوز حضرتك في كلمتين
دلف الجميع للخارج وهي تشعر بالتوتر الشديد وضربات قلبها المرتفعه ليبداء الارتباك بالتملك منها عندما وجدته ينهض من مجلسه ويتجهه نحوها ليتوقف بمحاذاتها لتعقد هي ذراعيها امام صدرها قائله بتصنع الجمود: نعم !
سيف بنظرة متفحصه:انعم الله عليكي
آيه:ياريت تقول ال عندك علشان امشي
سيف بحزم:الكعب دة ميتلبسش تاني
آيه :بصفتك مين انشاء الله تقولي البس ايه وملبسش
سيف:بصفتي أبو ابنك ال في بطنك وخايف عليه من الزفت دة
آيه:لا اطمن علي الاخر انا عارفه مصلحتي كويس
سيف:انتي ولا تهميني في حاجه لا انتي ولا مصلحتك انا بقولك متلبسيش البتاع دة علشان ابني ولما تولدي ابقي اعملي ال تعمليه
آيه بغيظ:مش انت ال تقولي اعمل ايه ومعملش ايه ودة ابني ذي ماهو ابنك واياك تفكر توجهلي اي امر تاني فاهم
نظر لها سيف بحدة أسكتتها ثم امسكت بحقيبتها بحزم والتفتت لتهم بالذهاب لتنزلق قدمها سريعا وتسقط أرضا ليمسكها هو بسرعه وتتلاقي أعينهم لبرهه امتلئت بكثير من المشاعر المختلطه أنهاها هو بأفلاتها من بين يديه لتهندم من هيئتها
سيف:ملهاش لزمه الحركات النص كم دى
آيه بغيظ:افندم !! انا اتزحلقت غصب عني حركات ايه ال بتقول عليها دى
سيف ساخرا:منا عارف انه اكيد غصب عنك
آيه :امال مفكرني قصداها أنت لو اخر راجل في الدنيا مش هتمني أشوف نفسي بين ايديه
سيف:____
آيه:واببقي تعالي خطوبتي يوم الأربع علشان تشوف الرجاله ال بجد
سيف بسخريه مريرة:ليه هتحضري من غير مكياج ولا ايه
آيه:لا هتجوز واحد ينسيني مرار خيانتك
سيف:معلش والله مش هبقي فاضي اصل كتب كتابي في نفس اليوم وعموما مبروك مقدما
شعرت آيه بالأختناق الشديد وغادرت المكان سريعا وهي تتمتم ببعض الكلمات المبهمه لتمسك بهاتفها لحظه صعودها السيارة ليجيبها المتصل سريعا
حسين:الوو ايوة يايويا
آيه:أعمل حسابك خطوبتنا يوم الأربع بليل
حسين :بجد … مبروك لينا ياحبيبه قلبي ربنا___
قاطعت كلماته بأغلاق الهاتف وألقائه بحقيبتها وهي تزفر انفاسها بضيق شديد اما بالأعلي فتوجهه هو لمكتبه وأمسك بهاتفه وأجري اتصالا هو الأخر
سيف:الوو انت فين يامحروس
محروس:باشا البشوات سيف باشا انا تحت امرك
سيف:اخلص يامحروس بقالك شهر منيمني
محروس:انا مبغبش أوانطه ياسيف باشا معادنا أخر الأسبوع انشاء الله واطمن مش هجيلك أيدي فاضيه
سيف:شكلك كبرت وخرفت
محروس:عيب عليك ياسيف بيه داانا جايبلك قرارة من يوم ماامه جابته علي الدنيا
سيف:وصلت ل أيه؟
محروس:محامي شمال وليه بدل البلوة ألف وعلاقات مشبوهه ومصايب ياما دة غير انه بتاع بنات وعندة شقه مفروشه في المهندسين خاصه بيه محدش يعرف عنها حاجه
سيف وهو يشدد من قبضته:أخر الأسبوع بدري اوي يامحروس
محروس:علي عيني ياباشا والله بس انا بخطتله من زمان فات الكتير يعني
سيف :ماشي اما اشوف اخرتها معاك
انهي الأتصال وضغط بغيظ علي جرس المكتب لتدلف روان مهروله
روان:حضرتك طلبتني ياسيف بيه
سيف بغضب مكتوم:عملتي أيه في المعاد ال طلبته منك
روان بتوتر:معاد .. معاد ايه ياسيف بيه
سيف بحدة وهو يصفع سطح مكتبه:متفوقي ياروان المعاد ال طلبت منك تحدديه مع __
روان مقاطعه بتوتر:ايوة ايوة ياسيف بيه تم ومعاد حضرتك تقابله في مكتبه بكرة الساعه واحدة
سيف بحزم:وكنتي ناويه تعرفيني امتي
روان وهي تبتلع لعابها:والله انا كنت هعرف حضرتك بس ___
سيف مقاطعا بحدة:مبسش روحي على مكتبك وابعتيلي بشمهندس باهر يلاااا
_________________________________
علي الهاتف 📱
حسين:وبعدين
لميس:ولا قبلين انا لحد دلوقتي مش مصدقه دة كلمني وقالي اجهز نفسي علي يوم الاربع
حسين بتعجب:غرييه دى .. مش معقول صدفه
لميس :هي ايه دي ال صدفه
حسين:آيه بردو كلمتني وقالتلي خطوبتنا يوم الاربع
لميس:وات ايڤر المهم اننا خلاص قربنا من هدفنا مبروك ياحس
حسين:الله يبارك فيكي … اققفلي كدة اما اعمل تلفون مهم
لميس:هتكلم الخدامه
حسين:لازم افهم الحكايه ايه بالظبط
لميس:اوك
_______________________________
مضي اليومين التاليين دون احداث تذكر لتشرق شمس يوم الأربعاء وفي طياتها الكثير من الاحداث ..
صباحا في مكتب سيف دلفت روان ثم توقفت امامه قائله: استاذ محروس برة طالب يقابل حضرتك
سيف بأهتمام: خليه يتفضل
روان: حاضر يا فندم
دلفت للخارج وسمحت لمحروس بالدخول (ال ناسي محروس دة الجندي المجهول دراع سيف اليمين في الطلعات الخطيرة وهو ال جاب الواد مدحت في الجزء الأول وعمل معاه الصح .. فاكرينه😂🔥)
محروس : باشا البشوات
سيف :اققعد
محروس:بغييب غيبتي وأرجع بشيلتي
سيف:انجز يابا جي تغني عليا كان المفروض الموضوع دة ينتهي من زمان وحضرتك مبلط في الخط
محروس:ياباشا حسين بيه دة مش سهل دة بيشك في نفسه كان محتاج تخطيط مفيهوش غلطه
سيف:وبعدين
وضع محروس الملفات التي يحملها أمام سيف علي مكتبه ليمسكها بأهتمام ويتفحصها لبرهه ثم يغلقها سريعا وينظر بدهشه لمحروس قائلا:يانهار ابيض ايه البلاوي دى
محروس بفخر:مش قلتلك ياباشا انا مبغبش أوانطه
سيف:ووصلت للملفات دى اذاي
محروس:لما حضرتك كلمتني وطلبت مني اجبلك قرارة انا راقبته وخليت الرجاله يمشو وراة ذي ضله وعرفنا عنه كل حاجه ورجالتي شافوة بيقابل رجال اعمال كبار من أياهم بس ممعناش حاجه تثبت وحضرتك طلبت حاجه توديه ورا الشمس فمكانش قدامي غير خزنه المكتب وعلشان اوصلها كنت محتاج وقت ودة ال أخرني عنك
سيف:انا قلتلك مش عاوز غشوميه في الموضوع
محروس:وكلامك اتنفذ بالحرف بص ياباشا انا اتبعته لقيت ان مدخله من السكرتيرة بتاعته وهي بسلامتها لازم كل يوم الصبح تشرب قهوة من كافيه معروف ويشاء ربنا ان بطنها توجعها وتعمل غسيل معدة
سيف ساخرا:سبحااانه
محروس ممازحا : ونعم بالله ياسيف بيه… دي صدفه من تدبير العبد لله وفي نفس ذات الصدفه بعتله واحدة من طرفي وقبلها واتوظفت عندة وخدت وقت عما اداها الأمان وانا بصراحه مكدبتش خبر اول ماقالتلي مكان البلاوي دى خليتها جابتهم وجيتلك بيهم طيارة
سيف وهو يحك ذقنه:المصايب هتنزل ترف علي دماغك ياحسين
محروس:لو تحب ياباشا انا ممكن اجيبه قدامك متكتف
سيف:متحرمش يامحروس لحد هنا وكتر الف خيرك وحلاوتك تروح الحسابات تستلمها
محروس بفرحه: ربنا يخليك لينا ياباشا
سيف:مع السلامه يا حوس
تمدد سيف في كرسيه بأرتياح بعدما دلف محروس للخارج وامسك بأحدي الملفات يتفحصها وتعلو ثغرة الابتسامه وهو يتمتم:وأخيرا جه وقت الحساب يا*** وحيات كل دمعه نزلت من عنيها وكل لحظه وجع بينا لهدفعك التمن غالي اووي يابن الجبالي
مرت فترة ثم دلف سامر بلهفه لمكتب سيف قائلا:أبوك جتله الازمه ولازم نلحقه بسرعه
سيف بلهفه:أيييه أمتي حصل الكلام دة انا لسه مكلمه من ساعه
سامر بقلق:فرح كلمتني الوقتي وقالتلي انه تعب فجأه ونقلوة المستشفي
سيف وهو يرتدي الچاكيت بقلق:بسرعه نروحله
____________________________________
مساءاً أرتدت لميس فستان قصير من اللون الفضي وأسدلت خصلات شعرها وتفننت في وضع مساحيق التجميل فبدت غايه في الجمال (ملناش دعوة بيها احنا قمرات رباني)وجلست تنتظر قدوم سيف لتمر ساعه تلو الأخري فتشعر بالملل وتمسك بخاتفها تتصل به مرة تلو الأخري ليجيبها أخيرا بعد عدة محاولات
سيف بضيق شديد:ايوا يالميس عايزة ايه نزله زن زن قرفتيني
لميس بتذمر:هو ايه ال عاوزة أيه انت ناسي ان النهاردة كتب كتابنا ولا ايه
سيف:كتب كتاب ايه وزفت ايه اياكي تتصلي بيا تاني فاهمه
لميس بجنون:نعم هو ايه دة بقي انشاء الله انت بتلعب عليا ولا ايه
سيف:انا عندي كفايتي ومش ناقص جنانك الساعه دي
لميس:يعني هتيجي أمتي
سيف بحدة:أنتي مبتفهميش قلتلك مش جاي ورني دماغك في الحيطه
لميس:انت فاكرني هسكت____
قاطع كلماتها أغلاق سيف الخط بوجهها لتكتسي ملامحها بالغضب الشديد وتمسك بالهاتف تتصل بحسين مرات عديدة بأت جميعها بالفشل فهو الأخر يجلس بحفل خطبته بسعادة دون ان ينتبه لهاتفه
في غرفه آيه****
ورد بحزن:علشان خاطري ياآيه راجعي نفسك ال بتعمليه دة غلط
آيه: وايه ال انتي شيفاه صح
ورد:ترجعي لجوزك ياحبيبتي ابو ابنك وتعيشي حياتك
آيه:جوزي .. جوزي ال خاني قدام عيني ومفكرش لحظه في ابني ال انتي بتتكلمي عنه
ورد:ربنا غفور رحيم ياآيه
آيه:مستحيل لازم ادوقه من نفس الكاس ال دوقني منها لازم يحس بالوجع وهو شايفني مع غيرة وعايشه حياتي بعدة
ورد:طب انسيه وعيشي لأبنك وبس او استني فترة تكوني قدرتي تحددي مشاعرك صح تسرعك دة أخرته وحشه اوي
آيه بحزن:هيحصل أيه يعني أكتر من ال حصل
ورد:فوقي ياآيه أنتي بتضيعي نفسك وبتخسري كل ال حواليكي عنادك دة مش هيأذي حد غيرك أنتي ال هتتحسري علي حياتك ال بتدمريها بالبطئ اول حاجه خسرتي سيف جوزك وابو ابنك والوقتي خسرتي فارس ودعاء ومرضييوش يحضرو النهاردة وقدام شويه هتخسريني انا وعاصم وهتلاقي نفسك بقيتي وحيدة
آيه:انا حرة أعمل ال انا عيزاة دى حياتي وانا بس ال اقرر اعمل ايه
ورد بأستسلام:أنتي حرة ياآيه أعملي ال انتي عوزاة
دلفت آيه لخارج الغرفه واتجهت نحو الصالون حيث يجلس عاصم وحسين وزياد وهناء وام عاصم ليقابلها حسين بأبتسامه ويمسك بيدها محاولا تقبيلها ليمنعه عاصم سريعا قائلا بغضب:علي مهلك ياحنين الأبله لسه مبقتش حلالك ولا نسيت كمان انها في شهور عدة وكمان حامل
حسين وهو بكز علي اسنانه:ماشي يابشمهندس بس دي خطوبه وعادي يعني
عاصم بجمود: مفيش حاجه اسمها عادي يعني الصح صح وكفايه أوي الغلط ال انتو بتعملوة
ورد:عاصم
عاصم:أديني سكت أهوة اما نشوف اخرتها
زياد هامسا لهناء:انا قلت من الأول ان محدش بيقدر علي مازنچر دة غير ورد شفتي سكت أذاي
هناء:ربنا يخليهاله هي ال اقنعته بجوازنا بعد عملتك
زياد متذمرا:عملتي انا بردو اسكتي أحسن مضمنش ال ممكن اعمله الوقتي
هناء:هتعمل ايه يعني
زياد غامزا:هعمل كتير بصراحه
عاصم:متيلا يااستاذ لبسها الدبله واتكل علي الله ورينا عرض كتافك
نظر لها حسين بسعادة وتنهد بفرحه فهو لا يصدق أنها وأخيرا أصبحت له بعد كل تخطيته وأفعاله المشينه هاهي تجلس أمامه كملاك برئ تكسو ملامحها الحزن والتوتر ليهتف قائلا بسعادة عارمه:وحش الكون سرحان في ايه كدة
آيه بأنزعاج من كلمته الأخيرة:نعم!! اسمي آيه آيه وبس
حسين:طب براحه ياآيه بس مالك قفشتي ليه كدة
عاصم بتأفأف:اللهم طولك ياروح قلنا أخلص ياحبيبي علشان بننام بدري
حسين :تقدر حضرتك تتفضل تروح تنام بدري وتسيبني قاعد مع خطيبتي براحتنا
عاصم :تقعد فين ياقلب مامتك
حسين:انا محترمك علشان خاطر آيه لكن هتقل أدبك هزعلك
زياد:صلو علي النبي يجماعه دي خطوبه مش خناقه
جميعهم:عليه افضل الصلاه والسلام
جلس حسين بجوارها وأمسك بدبلتها ووضعها بأصبعها بسعادة بالغة وحان دورها وأمسكت بدبلتها ثم نظرت لها بأعين تلمع من احتباس الدموع بداخلها ثم تذكرت
🎞️🎞️فلاش باك 🎞️🎞️
آيه:ممكن تفهمني احنا هنا ليه؟
اقترب منها سيف :الجناح دة محجوز علشانا النهاردة هنقضي فيه ليله من احلي ليالي العمر بس عاوزك تلبسيلي دة
آيه:هو ايه ؟!!
اشار سيف لفستان موضوع خلفها علي الأريكة بينما التفتت هي لتنظر وعينيها تتسع بشدة من المفاجئه والفرحه ⬇️⬇️⬇️
شهقت آيه بسعادة :دة… البس دة ثم التفتت لتنظر اليه قائله:سيف دة فستان فر___
قاطعت كلماتها رؤيه سيف جاثيا ارضا علي قدميه وممسكا بعلبه قطيفه مخمليه بداخلها خاتم ماسيا يشبه قليلا الذي ترتديه والذي قدمه لها بيوم زفافهم
آيه بفرحه تهز اوصالها:سيييف
سيف بعشق:تقبلي تكوني عشقي اللامنتهي وجنتي وراحتي من تعب الدنيا كلها
آيه:سيف انا مراتك ياحبيبي وقابله اكون كدة من زمان
سيف:كوني ليا عمر جميل مينتهيش ❤️
أفاقت من شرودها علي صوت حسين الأجش
حسين:آياااه … روحتي فين كدة
آيه:ها …لا مفيش انا اهوة
حسين:طب يلا لبسيني الدبله
نظرت ليدة الممدودة وبدأت أوصالها بالأرتعاش لتسقط الدبله من يديها أرضا وبداخلها يقين انها هي من تعمدت أسقاطها لينتبه الجميع لما حدث فيهبط حسين ويمسك بها ويناولها لها مرة أخري فتظل هي تنظر لها برهبه
حسين:آيه !! هتفضلي تبصيلها كتير
آيه بتوتر شديد حاولت ابداء عكسه:حسين انا….. انا…
حسين:انتي أيه؟
آيه :أنا أسفه
الفصل التالي: اضغط هنا
يتبع.. (رواية بنات المنشاوي الجزء الثاني) اضغط على اسم الرواية لتجد الفهرس كاملاً بجميع الفصول.