رواية بنات المنشاوي الجزء الثاني – الفصل السابع والعشرون
بنات المنشاوي ج٢ الفصل السابع والعشرون
بقلم خلود وائل 🌻
صباحا في غرفتهما استيقظت بهدوء وجلست كعادتها الصباحيه تتأمل ملامحه الرجوليه الساحرة بينما تمرر اصباعها في خصلات شعرة الفحميه ليبتسم بنعاس ويهتف ببحه خفيفه:صباحك هنا
آيه :صباحك جنه تشبه روحك ياسيفو
سيف :نمتي كويس امبارح
اومئت آيه برأسها ايجابا هاتفه: اها… وانت
سيف:معرفتش انام والله
آيه: ليه؟
سيف بأبتسامه:كنت بتفرج عليكي طول الليل وانتي نعسانه حاسس اني مش عاوز انام واسيبك لحظه
آيه:ربنا يديمك ليا ياعشقي
قبل سيف جبينها وامسك بيديها قائلا:الوقت معاكي بيعدي هوا وبنسي اني ورايا شغل والتزمات وكدة
ضحكت بنعومه :هنرجع ولا ايه؟
سيف: النهاردة انشاء الله نروح اخر النهار علشان الشغل متعطل بسببي وكمان سامر مسافر والدنيا مكركبه جامد هاخدلي يومين طحن عما اخلص كل المواعيد ال أجلتها علشان خاطر افضي نفسي للقمر بتاعي
آيه:معلش بقي بس بصراحه مش عيزاك ترجع نفسي الاجازة دي تطول بتاع سنه كمان
سيف بقهقهه:حرام عليكي وناكل منين
آيه:مليش دعوة انا مبسوطه اوي وبصراحه خايفه نرجع تحصل حاجه تانيه واتعب او ازعل منك
سيف:متخافيش وانا جمبك ياقطتي
آيه:وجودك هو ال مطمني اصلا
ابتسم لها سيف وجذبها لأحضانه بينما استكانت هي لبرهه ثم هتفت:يلا بقي ننزل انا جعانه موت وكمان مامتي هتعمل محشي النهاردة يلا
سيف:ملاحظ اني عمال اكل محشي ومسبك وبقالي اسبوع مروحتش الچيم وفورمتي هتبوظ
آيه:يابني انت قمر في كل حالاتك وبعدين حد يقول لأكل صفيه لا
سيف:بصراحه الأكل من ايديها يهبل
آيه :طب طبيخي انا ولا طبيخ صفصف
سيف وهو يغمض نصف عينه ممازحا:بصراحه كدة يعني طنط صفيه أكلها حكايه
لكزته آيه بصدرة :نعم وانا!!
سيف:أنتي العشق ياعشقي
امسكت آيه الوسادة وألقتها بوجهه ممازحه قائله:طب ابقي خليها تطبخلك لما نروح بقي هه
سيف:تعالي يا مجنونه انتي مفيش ذيك حد
_________________
بالأسفل في بهو القصر
زياد بدندنه:الليه عيييييد اااه واللليللللاااااه عيد تيراراراااا واللليللله عييييييد
رنا علي مقربه منه:الواد هيتهبل ياعيني
ورد بهمس:ياا حرام دة مش مصدق نفسه
رنا:جوزك جننه ياحبيبي
ورد ضاحكه:معلش بقي كان بيشوف معزت نؤة عندة
رنا: والله حرام عليه بجد زياد بيحبها وطيب والله بس عاصم زودها حبتين
ورد:يلا بقي الليله عيد 😂😂
دعاء وهي تتجه نحوهم:صباح الخير يا چماعه
جميعهم:صباح النور
دعاء:مبارك ياعريس
زياد بفرحه:الله يبارك فيكي يادعاء عقبال ريان يارب
دعاء:تسلم …
زياد بدندنه:الليله عيييد ااه
عاصم وهو يدلف لمجلسهم:عيد مين يارايق
زياد بتوتر:عيد ميلاد جرحي انا
عاصم:وانت ايه ال جرحك ياكبدي وخلاك تحتفل بيه
زياد:الزمن عارفه
عاصم:طب متبقاش تروحله تاني
زياد:من عنيا ياابو النسب
عاصم بزمجرة:متقوليش ياابو الزفت تاني
زياد:انا قلت ياابو النسب مش ياابو الزفت باين سمعك تقل ياصوما
عاصم :انت واخد عليا كدة ليه اسمي بشمهندس عاصم
زياد:شيل الألقاب ياابو منال دة كلها كام ساعه ونبقي نسايب
زياد :متقلش نسايب
زياد وهو يهز كتفيه بحيرة:طب اققول ايه… امممم لقيتها كلها كمان كام ساعه وهبقي واحد اتجوز اختك المزة
نظر له عاصم بحدة اسكتته وجعلته يبتلع باقي الكلمات بتوتر شديد ليدلف سيف اليهم ممسكا بيد آيه
سيف:السلام عليكم
جميعهم:وعليكم السلام ورحمه الله وبركاته
سيف:متجمعين عند النبي ياجماعه
عاصم:يارب ياسيف الواحد والله محتاج عمرة تريح اعصابه
سيف:طب ايه رأيك نطلع كلنا
دعاء:طب والله فكرة زينه
سيف:خلاص اشطا نطلع كلنا عمرة رمضان الجاي
تهللت أسارير الجميع وهمست آيه بأذن سيف :وارجع متحجبه من العمرة أيه رأيك
نظر لها سيف بفرحه لا تسعه وضغط بقوة علي يديها من شدة الفرحه وتمني لو يحملها ويدور بها معبرا عن فرحته الشديدة بقررارها
آيه:هلوووو روحت فين
سيف:بجد ياأيوو هتتحجبي بجد
آيه:ايوة بجد ياقلب أيوو
سيف:لو كنا لوحدنا كنت عرفتك انا فرحان بيكي الوقتي قد ايه
آيه:ربنا يديم سعادتنا دي ياكياني
سيف بعشق:يارب
زياد:عصافير الحب بتصوصو في ايه ع الصبح كدة
عاصم:وانت مال اهلك ياحشري
زياد:اهو نتعلم اي حاجه ياأبيه
انفجر جميعهم علي كلمه زياد الأخيرة ثم اتجهو لتناول الأفطار وبعد فترة انتهو وأمضو بضع ساعات يتبادلون الأحاديث المتنوعه لحين موعد الصلاه ليتجه كل منهم لغرفته أستعدادا للذهاب للجامع
في غرفه ورد***
عاصم:انا بحب اصلي في الجامع بتاع بلدكو دة قوي ياريري وبحب خطبه الشيخ عبادة اوي
ورد:الشيخ عبادة عمرة راجل طيب وصوته في القرآن حلو اوي
عاصم: بحب اسلوبه في شرح الدين مببقاش عايز الخطبه تنتهي والله
ورد:لا علشان خاطري متتأخرش المحشي هيبرد
عاصم:بقولك خطبه وصلاه الجمعه تقوليلي محشي دة انتي في التراوة خالص
ورد:بهزر معاك ياعصوم الله
عاصم:هزر براحتك ياقمر دة انا تحت امرك يالهوي دة انتي بس تؤمري وانا انفذ ياسلام
ورد بدلال:يسلملي زين الناس
عاصم:اعملي حسابك بعد كتب الكتاب هنرجع البيت علي طول
ورد بتفاجؤ:البيت!! بسرعه كدة
عاصم:انا مش هقعد هنا دقيقه واحدة واسيب الغتت دة يتحكم فيا ويقعد مع هناء لوحدهم
ورد بعقلانيه:ياحبيبي الله يحبك ويرضي عنك بالهداوة بقي خلاص دة هيبقي جوزها وحقه يقعد معاها براحته خلاص حججك خلصت بقت حلاله وكلمته تمشي عليها لازم توزن الأمور بقي مبقاش ينفع تحكمك فيه ونقاركو انتو الأتنين كل دقيقه دة
عاصم:ياورد انا مبطقش الواد دة ولو فارس زنقني ومحبتش ازعله انا مكنتش هجوزهولها
ورد:ياحبيبي انت مبيتلويش دراعك ولولا انك مبدئيا موافق مكنتش رضيت اني اجبهم هنا من الأساس
ابتسم عاصم وانتهزت ورد الفرصه مكمله:انت طيب ياعصوم وقلبك ابيض والأحسن من كل دة ان عقلك كبير ومتفهم وعارف ان زياد انسان محترم وبيحب هناء وهيحافظ عليها وانا عارفه كويس اوي ان عمايلك دى كلها كانت اختبار ليه صح؟
عاصم:بردو هنمشي يعني هنمشي
ورد:امممم الظاهر انك مش قادر تنسي انه علم عليك المرة إياها
عاصم:علم علي مين ياحبيبتي دة انا شلفطه ولولا انك اتدخلتي كنت خلصت عليه حصل
ورد:حصل ياروحي حصل
في غرفه آيه
سيف بتعجب:انا البس دى !انا عمري ملبستها ياأيوو
آيه:ولا مرة ولا حتي وانت صغير؟!
سيف:عمري والله
آيه:ابسط ياعم هتنول الشرف وتلبس عبايه اهوة ولا تزعل نفسك
سيف ضاحكا:انا مش متخيل هتبقي عليا عمله اذاي دي هتبقي مسخرة
آيه:قوم بس البسها هتبقي قمر بيها علشان انت ال بتدي الحاجه قيمه عليك مش العكس
سيف:كلام جميل وكل حاجه بس لا مش هلبسها مستحيل
آيه:بقي كدة عاوز النونو يزعل منك
سيف:مقدرش يابنت قلبي ازعلك انتي ولا النونو بس هبقي مسخرة اوي
آيه:والله هتبقي مز اووي طب بس جرب دي مقاسك بالظبط
سيف:جبتيها منين اصلا وامتي
آيه:كنت خليت دعاء تفصلك واحدة مع فارس وجهزتهالي من اخر مرة كنا فيها هنا ها هتحايل عليك كتير
سيف:يابنتي والله مش هينفع لا … لايمكن ابدا
بعد دقائق ….
آيه:ها افتح عيني بقي
سيف بضيق:يوووة قلتلك بلاش مبتسمعيش الكلام
آيه:افتح طيب
سيف:فتحي …
فتحت آيه زرقاوتيها ونظرت له بأنبهار فحقا كان فاتنا بها يخطف القلوب والانظار بهيئته الشامخه وعبائته الفخمه فظلت تنظر اليه بأعجاب شديد لبرهه
سيف:حلوة؟!
آيه :وة يبوووي أيه الحلاوة دى
سيف بضحكه رجوليه:اتكلمتي صعيدي … متقوليليش انها حلوة انا لبستها بس علشان خاطرك
آيه:تهبل تهوس تجنن انت اذاي قمر كدة يبني ايه دة دة انت صعيدي أصيل
سيف:حاسس اني اهبل سيكا
آيه بثقه:انت قمر قمرررر ومش هسيبك تنزل كدة انا ناقصه معكسات اققلع البتاعه دى
سيف وهو ينظر لنفسه في المرآة:يابنتي انا رايح اصلي اتقي الله
آيه:الحمد لله انك من نصيبي
سيف وهو يصفف شعرة بعنايه:احلي نصيب دة ولا ايه
آيه:تبا لتواضعك يبني والله
سيف:انا مز وقمر بأعترافك
آيه بأبتسامه:وقلبي شاهدلك بدة
في غرفه دعاء***
فارس:هصلي بأذن الله وأبعت ورا المأذون ياچي ومعاه كريم وأستاذ عبد الله
دعاء :كيف يومنا عاد
فارس وهو ينظر لها بحب:يومنا ملهوش ذي يادودي قصتنا كلياتها ملهاش أخت
دعاء:ربنا يبارك فيك ويخليك ليا ويديم عليا محبتنا لبعض قادر ياكريم
فارس :وميحرمني من دعواتك واصل
دعاء:أعيش واشوفك مالي دنياي بحسك وحبك ليا يافارس قلبي
فارس:بالأذن اني علشان اتأخرت يامهچتي تؤمريني بحاچه ؟
دعاء:الأمر لله وحدة تغيب وتطل عليا تنور عتمه القصر في غيابك ياروحي
ابتسم لها بهيام ودلف لخارج الغرفه واغلق الباب خلفه وهبط درجات السلم برفقه سيف دون ان يميزة ليهتف بحدة:وقف عندك .. مين انت
التفت له سيف قائلا:انا سيف يافارس !!
فارس:وة وة … ايه الخلجات الزينه دي ولا كأنك مولود اهنيه والله براوة عليها آيه
سيف:صممت تلبسني عبايه أصلي فيها
فارس:زين ماعملت طالعه حلوة چوي عليك مشاء الله
عاصم وهو يلحق بهم:متنادي علي سيف يافارس نمشي سوا
فارس: شوفه عينك ياعاصم سيف اهاه
عاصم:اهلا يابلدينا …. الاة دة سيف بجد
سيف:ايه ياجماعه شكلي غريب للدرجادي
عاصم:ماغريب الا الشيطان شكلك متغير بس مش اكتر بس والله حلوة اوي تصدق لازم اجيب واحدة ونلبس كلنا جلاليب هنبقي حلوين اوي
سيف:فكرة والله
فارس: امال العريس فين ياچي معانا
سيف:زياد راح الجامع من بدري من الفرحه عاوز الصلاة تخلص بسرعه
عاصم:فرحه البدايات عارفها انا دي فاكر يافارس
فارس وهو يزوغ بعينيه :ها .. ايوة خابرها زين
عاصم:سبحان الله الأول مكناش بنطيق بعض والوقتي بقينا سمنه علي عسل
سيف :انا شفت الحوار دة فين قبل كدة
فارس:عيعمل ال اتعمل معاه في زياد المسكين
سيف:انا قلت كدة والله يامفتري خف علي الواد ليطفش
عاصم:هو ال ذي دة بيطفش دة لزقه امريكاني
اتجهو سويا للمسجد وانتهت الصلاة بسلام ثم عادو مرة أخري للقصر وحضر المأذون بعد فترة وبداء عقد القرآن في اجواء عائليه مليئه بالفرحه والسرور بالاسفل يجلس كلا من زياد وعاصم يمسكان بيديهم اسفل المنديل الابيض واعلاهم يد المأذون يرددان خلفه مايلقيه علي مسامع كل منهم وحولهم سيف وفارس وكريم وعبد الله وحسان شهود وبالأعلي اجتمعت النساء بغرفه هناء بأنتظار الأنتهاء ليصعد اليهم عاصم وفارس وسيف يحملان دفتر الماذون لأخذ التوكيل منها ومن ثم هبطو للأسفل مرة أخري لأستكمال الإجرائات
“بارك الله لهما وبارك عليهما وجمع بينهما في خير”القاها المأذون ثم هناء الطرفين وبالاعلي ارتفعت أصوات الزغاريد بينما انتفض زياد من مجلسه مهللا:يحيا العدل يحيي العدل ظهر الحق يارجاله ظهر الحق وزهق الباطل ان الباطل كان زهوقا
سيف مقهقهها:براحه يابو الشباب اهدي شويه مش كدة
زياد:انا مش مصدق ياسيف أخيرا ياخبر ابيض هاتولي القسيمه أبروزها واحطها في وش ابو النسب
عاصم:يخويا اتهد واققعد روشتني
زياد:لاااا خلاص شبعت قعدة حرام عليك ياشيخ بص بقي يارياسه من هنا ورايح مفيش تحكمات انا التحكمات
فارس:الله يسامحك يا عاصم الواد اتچنن خلاص
زياد:اولا هاتلي تليفوني ثانيا هناء بقت مراتي يعني اكلمها واجي ازورها وكمان اخرج معاها براحتي اشطا
عاصم:اققعد في جمب ياحبيبي أحسنلك
نظر له زياد بغيظ هاتفا:بقي كدة طاايب
القي كلمته وارتقي درجات السلم سريعا متجهها نحو غرفه هناء حيث استقبله الجميع بحفاوة بينما تقف هي بزاويه بوجنتيها الحمراوتين بشدة ودقات قلبها تتسارع بشدة عندما اقترب منها وامسك بيديها قبلهما بنعومه ثم طبع قبله حانيه علي جبينها واحتضنها بشدة ورفعها عن الارض ودار بها مرة تلو الأخري وسط هتافات الجميع ليتوقف بها أخيرا هامسا:أخيرا بقيتي حلالي
عاصم من خلفه: اه يابن ال___
زياد:مراتي يسطا ومحدش له عندي حاجه ويلا من غير مطرود كله يطلع برة عاوز اققعد مع حلالي شويه
عاصم:زيااااد
زياد :بلا زياد بلا عماد بقولك مراتي وحلالي
عاصم:بس لسه في بيت ابوها اما يبقي يتقفل عليكو باب ابقي اعمل ال انت عايزة
زياد:انا بفهم في الاصول بردو بس يلا من غير مطرود وريني جمال خطوتك علشان هقولها كلمه سر وبعدين ابقي تعالي اققعد ذي العزول
هم عاصم بالأعتراض بينما قاطعته والدته:كفايه بقي ياعاصم سيبهم ياحبيبي يتهنو ببعض شويه دة لسه كاتب الكتاب ومن حقه ياحبيبي وبعدين مش هياكلها دى مراته وهيحطها جوة عنيه
شعر عاصم بالأحراج من حديث والدته وهتف:خمس دقايق بس فاهم
زياد ممازحا:يااااه علي الكرم
ورد:ربنا يهنيكو ياولاد الف مبروك هههه يلا ياعاصم …يلاا بقي
دلف الجميع للخارج تاركين لهم مساحه شخصيه
زياد بفرحه:مبروووك مبروك يانؤة انا مش مصدق نفسي اخيرا بعد كل التعب دة بقيتي مراتي
هناء بخجل: الله يبارك فيك يازياد
زياد:لا مش وقت احراج خالص صحصحي معايا كدة الله يخليكي اخوكي زمانه واقف ماسك الساعه
هناء :معاك اهوة
زياد:يابختي انك معايا والله دة انا كنت بدأت افقد الامل
هناء:انا كنت متأكدة انك مش هتتخلي عني وهتحارب لحد ماتوصلي
زياد:انتي مكسبي بعد التعب كله ياهناء ربنا يفرحنا ويتمملنا علي خير
هناء بكسوف:يارب
زياد:اخيرا قاعدين مع بعض براحتنا من غير سرقه ولا وشوشه
هناء :تخيل
زياد:انا فعلا مش متخيل …. اليومين ال فاتو كنا بنتكلم والقصر كله نايم زي روميو وچولييت وانا واقفلك تحت البلكونه وصوت الغفر مونسنا
هناء:اه فعلا مهو ناس نايمه ذي الملايكه وناس صوتها صحي الملايكه
زياد مقهقها:هانت ياروحي كلها كام شهر ونبقي في بيتنا نتكلم براحتنا من غير ماحد يكون ليه عندنا حاجه
هناء:انشاء الله
زياد :هناء
هناء:ايوة
زياد بهيام :بحبك
هناء بخجل:احم… وانا
زياد وهو يقترب منها:وانتي ايه؟
هناء:انا… انا….
هم زياد بالاقتراب أكثر بنيه تقبيلها ليقطع لحظتهما فتح الباب ودخول عاصم هاتفا: الخمس دقايق خلصو يلا علشان هنتغدي ونمشي
زياد بتوتر:حاضر
هناء بخجل:جيت اهوة
عاصم:يلا قدامي انت وهي
امسك زياد بيد هناء بتملك وهبط برفقتها السلم وخلفهم عاصم يشتعل غيظا ثم اتجهو للجلوس علي المائدة ليسحب زياد لها كرسيا ويجلس بجوارها بينما يجز عاصم علي اسنانه
حسان:ربنا يديم لمتنا في الفرح يارب
جميعهم: يارب
صفيه:اكدة يابنات تاچو تملو عليا البيت وتفرحوني ومرة واحدة اكدة تمشو وتهملوني لحالي
ورد:ربنا يبارك في دعاء وفارس يما
آيه:احنا بقالنا كتير معاكي يما مشبعتيش مننا ولا ايه
عاصم:فين الكتير دة هننهب دة انتو لسه جايين اول امبارح
سيف:وانت هنا من امتي
عاصم:بقالنا اسبوعين اهوة
سيف:زيارة ولاا
عاصم غامزا:ولا …. اتغدي ها اتغدي
سيف :ماشي ياشبح
عاصم :الأشباح لبعضيها
ورد:انتو بتقولو أيه؟
عاصم:لا متاخديش في بالك انتي ياريري
سيف:طب والله ماشبح الا الواد ال قاعد في الركن البعيد الهادي وبيأكل أختك بأيده
عاصم :ابن ال **
سيف:بطل جنان بقي هتيجي تكلمه هيقولك مراتي وشكلك هيبقي وحش اوي
عاصم:هيزلني كل شويه خلاص بقي معاه حصانه الملزق دة
سيف:الواد طيب وابن حلال صلح الدنيا معاه بلاش جو القط والفار دة
عاصم:اممممم
سيف: كل ياشبح كل ورانا سفر
عاصم ضاحكا:مخلاص بقي يعني انت ال جاي زيارة ماشكلك جايبها تصالحها انت كمان
سيف:يسطا عيب عليك
عاصم:لا ياشيخ
مضي الوقت بسعادة وعاد كل منهم لمنزله لأستكمال حياته بينما اذداد قلق آيه وتوترها بشدة من القادم المجهول
الفصل التالي: اضغط هنا
يتبع.. (رواية بنات المنشاوي الجزء الثاني) اضغط على اسم الرواية لتجد الفهرس كاملاً بجميع الفصول.