رواية بنات المنشاوي الجزء الثاني – الفصل الثامن والعشرون
بنات المنشاوي ج٢ الفصل الثامن والعشرين
بقلم خلود وائل 🌻
توقفت سيارة عاصم امام منزله مساءاً وهبط منها الجميع وبدائو بأنزال حقائبهم بينما تفاجئ عاصم بتلك التي تقفز خلفه بمياعه
هايدي:بخ … اذيك
عاصم بدهشه:آنسه هايدي!!
هايدي: حمدالله على السلامه كنتو فين المدة دي كلها وحشتوني وانت بالذات ياعاصم
نظرت له ورد بشرز بينما هتف هو بجمود :متشوفيش وحش ياآنسه هايدي بعد اذنك
هايدي:هااي ورد هااي طنط اذيك يانؤة
هناء :اهلا هايدي
ام عاصم:ايه ال مصحيكي للوقتي يابنتي وكمان قاعدة في الشارع
هايدي :الوقت لسه مش متأخر ياطنط وبعدين الجو يهبل قلت اتفرج علي الليل ونجومه ثم أكملت وهي تنظر لعاصم :وقمرة
ورد بضيق:طب روحي ياشطرة كملي فرجه بعيد وبناقص سهوكتك دي علي المسا علشان احنا راجعين من السفر تعبانين
هايدي : ااااه طبعا … المكان كان وحش جدا من غيركم انتو اختفيتو مرة واحدة فين كدة
عاصم وهو يحتضن ورد :كنا بنغير جو عند أهل ورد مراتي حبيبتي وام بنتي هتتفضلي حضرتك تروحي وتسبينا ندخل بيتنا ولا هنفضل فاتحين تحقيق طول الليل
هايدي بكثوف:طب استأذن انا بقي واسيبكو ترتاحو تصبحو علي خير
هناء:وانتي من اهله
ورد :يباااي بت باردة
عاصم:ولا تشغلي بالك ياوردتي
ورد:ومين قالك اصلا انها في بالي
عاصم:ياجامد انت
ورد بتصنع الثقه:ايوة طبعا امال انت فاكر ايه
عاصم بهمس: احبك وانت محموق كدة
ورد:عاصم بقي احنا في الشارع
عاصم بجديه:مش يلا ياجماعه ندخل انا هموت وانام
ام عاصم:يلا يا ضنايا كتر خيرك سايق طول الطريق مريحتش ساعه
هناء:افتحي الباب ياريري علشان هنيم منال معايا النهاردة
عاصم:تصليح علاقات دة ولا ايه
هناء:اخص عليك ياظالمني بقي تظن فيا كدة دة انا عامله علي راحتك اكمنك ياحبيبي تعبت طول الطريق وعاوز ترتاح وتنام
عاصم:امممممم حب اخوي برئ يعني
هناء:ايوة والله
دلفو جميعا للمنزل وصعد عاصم وورد لشقتهم بينما دلفت هناء لغرفتها سريعا ووضعت منال بسريرها وامسكت بهاتفها تعبث به وتعلو الابتسامه وجهها
________________
علي الجانب الأخر توقفت سيارة سيف بداخل الفيلا وهبط منها يحملها بين يديه فقد غلبها النعاس كعادتها واتجه بها نحو غرفتهم ووضعها في السرير برفق ودثرها بالغطاء وبعد دقائق ابدل بها ملابسه وافرغ حقيبتهم بحرص وبحث بداخل ملابسه وتفحص الغرفه التي تحوي ملابسهم جميعها وفتش جميع أركان الغرفه عاد لسريرة واستلقي بجوارها يتنفس براحه ثم غفي في ثبات عميق ……. صباحا استيقظت من نومها فلم تجدة بقربها فأمسكت بهاتفها وقامت بفتحه بعدما اوصلته بالشاحن واتصلت به ليجيبها بعد فترة
سيف:أيوو قلبي
آيه: صباح الخير يا عشقي
سيف:صباح الفل عامله ايه النهاردة
آيه:الحمد لله … أنت اخبارك ايه
سيف:بقيت كويس لما سمعت صوتك
آيه:انت في الشغل؟
سيف:من بدري ياملاكي مرضتش اصحيكي قلت أسيبك نايمه براحتك
آيه: انا صحيت وملقتكش جمبي فقلقت عليك
سيف:انا بخير يايويتي اطمني بس هتأخر النهاردة شويه متبقيش تقلقي عليا
آيه بتوتر: ليه في أيه؟
سيف:متخافيش ياحبيبتي انا قلتلك ان عندي شغل كتير وسامر مسافر النهاردة
آيه بتوتر:ربنا يعينك ياحبيبي
سيف:أدعيلي ياعشقي
آيه:ربنا يوفقك ويحميك ويديمك ليا
سيف بصدق: بحبك يا آيه
آيه :وانت في دمي ياسيوفتي
أغلقت الخط بتوتر وعبثت بالهاتف سريعا وتصفحت موقع هاتف سيف فوجدته بالفعل في الشركه لتشعر بقليل من الأرتياح و تبدل ملابسها سريعا وتهبط للأسفل لأستكمال يومها بأعتياديه
___________________
ورد :ياانا ياالبت دي ياعاصم
عاصم:اعقلي ياحبيبه قلبي انتي اعققل من كدة
ورد:خلاص مبقاش فيا عقل كل شويه الاقيها بتكلمك وقاعدة في بيتي طول النهار واخرتها تقف معاك في الشارع وضحكتها جايبه اخر التجمع كله
عاصم:والله كنت بكلمها عادي لقتها ضحمت فجأة وانا استغربت سألتها ضحكت ليه كدة قالتلي اصل افتكرت حاجه تضحك
ورد بغيظ:بنت الجذمه كانت قاصدة تغيظني علشان شيفاني واقفه في البلكونه وببص عليكو
عاصم:ياورد والله لا هايدي ولا ألف واحدة زيها يعرفو يهزوني مفيش غيرك انتي ال قاعدة جوة قلبي ومربعه
ورد:قلتلك تبعد عنها يااما ننقل بيت تاني ملييش دعوة
عاصم:اوعدك هخلصلها شقتها ومش هكلمها تاني واصلا هي بالنسبالي ذي هناء وانتي عارفه دة كويس
ورد:قلتلك مش هتكمل شقتها يعني مش هتكملها ولو عندك استعداد تعاند وتزعلني انت حر براحتك ياعاصم
القت كلماتها وهمت بالرحيل من امامه ليستوقفها امساكه بها هاتفا :استني بس ياورد الله يهديكي
ورد بضيق:عايز ايه
عاصم:عاوزك مبسوطه ومتطمنه و تعقلي ذي ماكنتي بت مين دى ال ابصلها وانا معايا ستها
ورد:لو كملت شغلك معاها تبقي بتخسرني
عاصم:اخسر مين دة انا اخسر الدنيا كلها ولا اخسرك انتي غاليه قوووي عندي ومش بالساهل افرط فيكي لأنك صعبه الامتلاك وخسارتك تبقي اكبر هزيمه ليا في الدنيا ياوردة قلبي ومهجه روحي انتي يتحمد ربنا كل دقيقه علي وجودك اصلا في حياتي
انهي جملته وهو يطبع قبله حانيه علي جبينها ويندر لها بحنان صادق ينبع من فوادة الذي ينبض بعشقها بينما نظرت له بحب وهتفت بعقلانيه:يعني انا غاليه عندك ؟
عاصم:اوووي
ورد:انا هسيبك تكمل شغلك معاها بس تخلي اي واحدة زميلتك هي ال تتعامل معاها وانت تقطع معاها نهائي حتي صباح الخير ممنوعه تمام
عاصم :حاضر … حاجه تانيه
ورد بأبتسامه:بحبك
عاصم غامزا:منا عارف
ورد:انت مش محترم علي فكرة
عاصم:داخلين علي خمس سنين متجوزين وتقولي مش محترم علي فكرة امال فكراني هديلك درس احصا تعالي هنا اما اققولك
___________________
حل المساء ومضت الساعات وهي لا تزال بأنتظارة تتفحص هاتفها لتتأكد من مكان تواجده تارة وأخري تتصفح بعض الصور الخاصه بهم وتستعيد معها ذكرياتهم لحين سماعها صوت سيارته تتوقف بداخل الفيلا لتهرع سريعا نحو التراس تنظر اليه فتجدة يهبط من السيارة وتبدو عليه علامات التعب والارهاق ليدلف للداخل بينما عادت هي للغرفه مرة أخري تنتظر صعودة لتمضي دقائق ويفتح هو باب الغرفه ليتفاجئ ببلالين حمراء ملتصقه بالسقف يتدلي منها أشرطه الستان الملصق بنهايتها صور تذكاريه لهما سويا فيبتسم لاأراديا وهو يطالع الصور كل علي حدة ثم يمر من خلالهم ويكمل طريقه المزين بالورود المنثورة ويضع حقيبته علي مكتبه كعادته ويخلع چاكيت حلته ويلقيه بأهمال علي الأريكه وهو ينظر حوله في اركان الغرفه المليئه بالاجواء الرومانسيه وصوت الموسيقي الهادئه تعزف بأنسيابيه
سيف:آيووو…. عشقي
خطت نحوه تحتضنه من الخلف بسعادة وهي تهمس :قلبها
التفت لها وقبل جبينها هاتفا:ربنا يخليكي ليا يا راحه قلبي وسعادتي
آيه بأبتسامه:يارب
سيف:هو النهاردة يوم مميز وانا مش واخد بالي ولا ايه؟
آيه:لو كان مميز مكنتش هتنسي وكنت هتدخل وفي ايدك هديتي كمان
سيف بأستفسار: امال ايه ياقمري!
آيه بهدوء:عادي يعني انا قلت زمانك هترجع تعبان من الشغل فحبيت اغيرلك الجو وافرحك لو بحاجه بسيطه
تفهم سيف انها تحاول احتوائه والسيطرة على الصراع الذي يدور بداخلها وانهاء جميع الشكوك التي تدور بداخل تفكيرها حوله فأكمل بحنو: أحلي تغيير جو في الدنيا دة ولا ايه
آيه:تسمحلي بالرقصه دي
سيف:اسمح اوي
حاوط خصرها بيديه بينما تعلقت بعنقه بدلال وظلا يتمايلان بنعومه مع نغمات الموسيقى الهادئه وكلاهما ينظر بحب لأعين الآخر
سيف:اول مرة شفتك فيها حسيت اني مشدودلك أوي برغم اننا كنا بنتشاكل ساعتها ومكنتش طايقك قدامي بس من جوايا كنت فرحان اوي انك طلعتي اخت دعاء ومسكت في الفرصه بأيدي وسناني ومرفدهاش من الشغل علشان تكون فرصه أشوفك تاني
ابتسمت آيه بفرحه :كمل…
سيف بسعادة تلمع بمقلتيه:ولما شفتك علي البحر كنت مستغرب اوي ايه ال جابك هنا وكانت أحلي صدفه ولما لقيتك طالبه عندي في الجامعه كانت دي اققوي أشارة من ربنا انك مكتوبالي بقيتي حاجه أساسية في يومي لازم اشوفك او اسمع صوتك حتي لو بخناقه الجامعه كلها تتفرج فيها علينا
قهقهت آيه بشدة بينما اكمل هو:طول عمرك مدوخاني وراكي ومطلعه عيني
آيه:اعملك ايه بقي حظك كدة
سيف:أنتي الحظ نفسه يايويتي
آيه:كنت بحس أنك بتحبني وفي نفس اللحظه بحس أنك مش طايقني كنت محتارة جدا والاصعب اني كنت فكراك متجوز ومحسسه نفسي بالذنب
سيف بنظرة ذات مغزي:مش كل ال بتشوفه عنينا بيكون ديما حقيقه ياآيه
آيه بتوتر:بس صعب تكدب عنيك وتصدق كلام ولا ايه
سيف:لا طبعا انا اكدب عنيا عادي جدا لمجرد ان حد انا بثق فيه طلب اني اديله فرصه يثبت عكس ال شفته يعني مثلا انتي لما شفتيتي مع سيليا في الفندق في شرم الشيخ ايه ال جه في بالك؟
آيه :خلاص ياسيفو بقي كنت فاهمه غلط
سيف:دة ال عاوز اوصلهولك ياملاكي ان ديما ال بنشوفه مبيكونش كل الحقيقه او ممكن حتي تكون لحظه غلط في توقيت مظبوط كافي انه يقلب موازين الحياه كلها
آيه بنبرة مازحه:طب والمفروض ايه ال يحصل علشان الموازين دى تتظبط يابشمهندس
سيف:الثقه والفرصه التانيه وقله العناد فهماني
آيه بتفهم لما يرمي اليه:فهماك
سيف غامزا: والله احلي حاجه انك فهماني ياقمر انتي
آيه:امممم سيفو عيب كدة ال في دماغك مش هيحصل
سيف:ليه بقي انشاء الله
آيه وهي تضع يديها في خصرها:هقول للدكتورة وانت حر بقي
سيف وهو يحملها:ابقي وريني هتعرف تعملي ايه الدكتورة بتاعتك دي
آيه:سيييييف
سيف:عيونه وقلبه
مضي الليل براحه وهدوء واشرقت شمس اليوم التالي تحمل الكثير معها بينما تسللت أشعتها الذهبيه لزرقاوتي آيه لتوقظها من ثباتها فتتململ بضيق متمتمه بعض الكلمات الغير مفهومه وتفتح عيناها بنعاس بينما يقف هو أمام المرآه يهندم رابطه عنقه ويقهقه علي اثر كلماتها التي عهدها كل صباح
آيه بنعاس:صباح الخير
سيف:صباح الهنا ياجنتي
آيه:احنا امتي
سيف:الساعه ٧ ياروحي خليكي مرتاحه وانا خلاص نازل علي طول
آيه:هتتأخر ذي امبارح ؟
سيف:لا انشاء الله هاجي بدري علشان في حفله عاملها بدر بيه الكيلاني بمناسبه افتتاح فرع جديد لشركته ولازم احضر
آيه :هتاخدني معاك
سيف وهو يرتدي الچاكيت :مش هينفع ياروحي انتي متعرفيش حد هناك وبعدين عندنا سهرة هنسهرها سوا بعد الحفله لوحدنا
آيه: فين ها قولي علشان خاطري
سيف:دي مفاجئه وبحضر ليها انا وفرح بقالنا مدة لو قلتلك هتبقي مفاجئه اذاي
آيه وهي تعبث بخصلات شعرها:عندك حق انت صح
اقترب منها ومال عليها بجذعه وقبل جبينها وهو يشعر بغصه في قلبه لا يعلم سببها
سيف:عاوزة حاجه ياملاكي
آيه بنغزة بداخلها تؤلمها تجهل لما حلت بها:عوزاك منور دنيتي وعني متغيب
ابتسم لها واتجه نحو حقيبته وحملها ثم دلف للخارج بينما سقطت من مقلتيها دموع ناعمه مسحتها سريعا تتسائل لم تشعر بالضيق والأختناق الشديد لتستلقي علي سريرها علها تنعم ببعض الراحه ليقطع خلوتها طرقات الباب ⚡⚡
آيه: أدخل
دلفت الخادمه تحمل بين يديها قرطا فضيا هاتفه:فردة الحلق دي ياست هانم لقيتها شابكه في بدله سيف بيه قلت اكيد بتاعتك اتفضلي
امسكت آيه بالقرط بين يديها تنظر له بتعجب واستنكار
آيه:انهي بدله يادلال؟
دلال:البدله ال كان لابسها امبارح ياهانم
آيه:البدله ال كان لابسها امبارح لسه علي الكنبه اهي يادلال انتي هتجننيني
دلال:لا ياهانم حضرتك فاهمه غلط سيف بيه امبارح رجع من الشركه بعد العصر وغير هدومه بعد ماحضرتك وفرح هانم روحتو النادي
آيه:انتي متأكدة يادلال؟
دلال:ايوة طبعا ياهانم
نظرت لها آيه بضيق ثم اكملت:طب اتفضلي انتي
دلفت الخادمه للخارج بينما امسكت بهاتفها سريعا واتصلت به ليجيبها سريعا بقلق
سيف:الووو آيه انتي كويسه ؟
آيه بمحاوله الهدوء والثبات : أنا كويسه ياحبيبي اتطمن
سيف بلهفه:قلقت اوي لما لقيتك بتتصلي وانا لسه سايبك من شويه
آيه:انا كويسه والله مفيش حاجه
سيف:طب محتاجه حاجه ابعتهالك
آيه :لا ياسيف انا بس لسه واخدة بالي حالا انك راجع امبارح بليل ببدله تانيه غير ال خرجت بيها الصبح صح ولا انا بيتهيقلي
سيف:ياربي موتيني من القلق …ايوة ياجنتي انا رجعت وانتي في النادي وغيرت علشان القهوة وقعت مني علي هدومي بهدلت الدنيا فرجعت البيت غيرت ورجعت الشركه تاني بس انتي كنتي مطفيه النور ومسهراني علي ضي الشموع وحاجه اخر روقان فمأخدتيش بالك
آيه بأختناق:ماشي ياحبيبي خلي بالك من نفسك
سيف:انتي نفسي فخلي بالك عليها
آيه: حاضر… سلام
اغلقت الخط وظلت تنظر للقرط بشر ثم القته بسله المهملات سريعا وبدلت ملابسها وهبطت للأسفل ليمضي اليوم بأعتياديه ويحل المساء …
سيف بعدما انتهي من تصفيف خصلات شعرة:متناميش ها اجهزي واستنيني إنشاء الله مش هتأخر ياجنتي
آيه:حاضر
سيف:حسك متغيرة في حاجه ياروحي
آيه:لا ابدا دة البيبي بيتدلع
وضع يدة علي بطنها بحنو وابتسم قائلا:حقه يتدلع براحته بس براحه علي مامي يواد ياشقي انت
آيه بقلق:متتأخرش علشان خاطري
سيف:من عيوني ياعشقي
قبل وجنتيها وهبط للأسفل واستقل سيارته متجهها للفندق الذي يقام به الحفل
_________________
-كل حاجه تمام عارفه هتعملي ايه؟
-ايوة عارفه مش كل شويه هتققعد تزهقني
-مش عاوز غلطات نهائي فاهمه
-يوووة زهقتني والله
-يلا نتقابل كمان شويه انزلي وشوفي شغلك
هبطت من السيارة ودلفت للداخل بفستانها الأحمر اللامع الملتصق بجسدها كأنه جلد ثاني لها وخصلات شعرها المموجه تغطي ظهرها المكشوف ووجهها الممتلئ بمساحيق التجميل الموضوعه بحرفيه وعطرها النفاذ …
بدر:نورتني ياسيف بيه
سيف:منورة الدنيا بوجودك يابدر بيه مبروك الفرع الجديد عقبال ال بعدة يارب
بدر:يارب بس دة لسه عليه بدري اوي
سيف:انت شخص مجتهد يابدر وتستاهل كل خير
بدر:رأيك دة علي راسي من فوق ياسيف ومهما كبرت مش ناسي وقفه صالح بيه جمبي ربنا يبارك في عمرة
سيف:احنا أهل مش صحاب يابدر وللمرة التانيه من كل قلبي الف مبروك
بدر: الله يبارك فيك ياسيف شرفتني بحضورك
سيف:استأذنك انا بقي علشان عندي عشاء عمل ضروري ومش هقدر أتأخر عليه اكتر من كدة
سيف:ياراجل دة انت لسه جاي من شويه طب حتي خلص قهوتك
سيف : معلش الجيات كتير ومتعوضه انشاء الله بعد اذنك
بدر:اتفضل ياسيف نورتني
التفت سيف للجهه الاخري متجهها نحو الباب وهو يشعر بدوار خفيف ليصتدم بأحدي الحضور
لميس:اااي مش تحاسب ياأخ انت
سيف:لميس؟!!!
لميس بتصنع المفاجئه: سيف! بتعمل ايه هنا؟
سيف:انا صديق لبدر بيه من زمان أنتي ال بتعملي ايه هنا؟
لميس:انا صاحبه مرات بدر بيه يعني معرفه قديمه وكدة
بدأت الرؤيه تصبح ضبابيه وتملك منه الأرهاق فأكمل:معلش يا لميس انا مضطر أمشي فرصه سعيدة
لميس:انا أسعد .. طب خدني معاك في سكتك انا كنت ماشيه اصلا
سيف:اتفضلي
علي الجانب الآخر كانت تبحث بين ملابسها بعناية تنتقي الأفضل بينهم لتنتهي بأرتداء فستان ذو لون زهري يتناسق مع صفاء عينيها ثم جلست تصفف شعرها ليعلن هاتفها عن وصول رساله فتحتها بدافع الفضول بعد محاولات عديدة لعدم فتحها لتجد محتواها
“عارف انك ذي كل مرة مش هتصدقي بس دى فرصتك الوحيدة علشان تتأكدي من خيانته ليكي حبيب القلب سهران مع حبيبته في فندق **** وانتي ياحرام مستنياه ونايمه علي ودانك ..أوضه رقم 825 ”
الفصل التالي: اضغط هنا
يتبع.. (رواية بنات المنشاوي الجزء الثاني) اضغط على اسم الرواية لتجد الفهرس كاملاً بجميع الفصول.