رواية المنتقبة الجميلة الفصل الثاني عشر 12 – بقلم رحاب عمار

البارت 12لـــــ«المنتقبه الجميله»

بقلم «رحاب عمار»

-أنا اللي هتجوز روميساء مش أنت

آدم ومايا بصو ليه بصدمه

مايا: ادهم

ادهم: آه ادهم ايه مستغربه ليه كده.. وبعدين بص علي آدم.. وانت زي منا قلت أنا اللي هتجوز روميساء عشان أنت متستهلش واحده زيهاا ابدا

آدم بغرور:

دا هي اللي متستهلش أنها تكون مراتي واسمها يتكتب علي اسمي

ادهم بعصبيه: طيب لما أنت مغرور اوي كده ليه عايز تتجوزها

آدم ببرود: هتجوزها فتره وبعدين هطلقها.. تكون اختك اتجوزت.

ادهم: وانت بتعمل كده ليه في بنات الناس تتجوزها وبعدين تطلقها وتخليها تحصل على لقب المطلقه

آدم: احسن ما تكون عانز.. وهي صلا تطول تبقا طلقتي.. مش كافيه إني هتجوزها وهي مشوها

ادهم بسخريه: مشوها آه لا فعلاً كتر خيرك والله..

وانت ايه بقا اللي مخليك واثق أنها مشوها كده.. شفتها قبل كده!!!

آدم بنفي: لا بس اللي يخلي بنت تلبس بطريقه دي.. اكيد عشان تداري عيب فيها..

ادهم: عارف مين المشوه.. أنت.. آدم بص ليه بغيظ وادهم كمل كلامه.. عارف ليه عشان أنت تفكيرك مشوه وقلبك أنت كل على بعضك مشوه بس مش شكلك لا ده جواك.. أنت لو شفت روميساء دي كيانك هيتهز كلو.. أنا اول مره شفتها فيها من فتره كبيره كانت بجيب مايا من الجامعه وشفتها بنت مختلفه عن البنات التانيه في طريقه لبسها وكل حاجه فيها تحسها أنها ملاك وسط الشيطين فعلاً أنت متسحقش واحده زيها ابدا.. وسابه وخرج

آدم كان هيموت من الغيظ وبص لي مايا بغضب

آدم: انتي قلتيلي روميساء دي منين!

مايا وفهمت أن آدم خلاص ناوي علي روميساء

مايا:من أسيوط.

آدم بخبث: خلاص ماشي انا مسافر اسيوط دلوقتي.

وسابها وخرج

♡♡♡♡♡♡…….

«عند اكرم»

اكرم كان بيراجع ملف القضيه من القواضي اللي بيمسكها

وحنين كانت قعده لوحدها وبتاكل الشكولاته.. خلصت وبعدين بصت حوليها بملل

حنين: اكيم يا اكيم

اكرم بص ليها ببتسامه: نعم يا ست البنات

حنين: يلاا نخرج برا

اكرم: مينفعش اخرج عشان عندي شغل شويه كده وهخرجك ماشي..

بعد شويه اكرم اخد الملف بتاع قضيه مهمه وراح لي مكتب اللواء بتاعه… واخد حنين معه

خبط واللواء آذن ليه انه يدخل

اكرم دخل وفي ايدو ملف القضيه وفي الايد التانيه حنين

اللواء بستغراب: طيب الايد اشمال وعرفين أنها فيها ملف.. أما الايد التانيه مين اللي فيها وبص لي حنين

اكرم بجدية: أول حاجه الملف بتاع القضيه اهو قدام حضرتك.. تاني حاجه انا لقيت البنت دي في الطريق تقريبا كده تايه من ولدتها ومحتاج مساعده حضرتك عشان ارجعها لي أهلها.

اللواء: حاضر أنا هشوف اذا كان في حد قدم بلاغ بختفا طفله او لا.. بس افرض ملهاش اهل هنعمل فيها ايه.. ايه رايك نوديها ملجأ اطفال.

اكرم: لا مش لازم أنا هتكفل بيها لغايه لما نلقي حد من عيلتهاا.

اللواء: طيب تمام بس اي حاجه تحصل ليها أنت اللي هتشيل المسوليه.

اكرم: تمام يا فندم وبعدين خرج واخد حنين معه لي البيت.

(حنين هتلعب دور كبير في حياه اكرم..بس ايه اللي هيحصل يا تري)

♡♡♡♡♡♡…

«عند مريم»

مريم بصت لي الشخص اللي واقف قدمها بصدمه

-ايه مش هتقليلي اتفضل ولا ايه!

مريم بغضب: لا عشان ده مش بيتك ويلا اتفضل حضرتك من هنا.

-ههههههه الله دا انتي كبرتي بقا وبقيتي تخربشي.

مريم بسخريه: آه بقيت بخربش والبركه فيك.

-طيب اوعي من وشي عشان ادخل.. وفين أمك المصونه سيباكي لوحدك في البيت ليه!..

مريم: ملكش دعوه بينا سبنا في حلنا بقا مش حضرتك اخترت طريق تاني بعيد عننا جي تاني ليه!.

-أنا جي اشوف بنتي ومراتي..

_بنتك ومراتك اللي رمتهم من أكتر من 10سنين ومبتسلش عليهم.

ده كان صوت ليلي اللي كانت لسه راجعه من برا

-اهلا بمراتي لسه زي ما انتي متغيرتيش

ليلي بجمود:عايز ايه يا محمد ايه اللي رجعك بعد السنين دي!..

ثواني بس (محمد بدر بيكون زوج..ليلي وابو مريم سابهم ومريم لسه عندها عشر سنين وراح عند مراته الاولي..لأن ليلي بتكون الزوجه التانيه مش الاولي ضحك عليها وكان مفهمها انه مش متجوز وليلي كانت بتحبه ووثقت فيه وبعد ما خلفت مريم اكتشفت أنه متجوز وعندو ولد اكبر من مريم بخمسه سنين..وبعدين ليلي جت تعتبه بكده راح هو سابها ومشي ومن اليوم ده وليلي متعرفش عنه حاجه….

وبعد عشر سنين راجع ليها من تاني…

محمد: زي ما قلت لي بنتك راجع بيتي ايه المشكله في كده مش فاهم يعني!..

ليلي بعصبيه: اطلع بره بيتي ده بيتي أنا مش بيت حد تاني.. وأنت ملكش حاجه فيه.

محمد: لا ليا ده بيتي ودي بنتي وانتي لسه مراتي

مريم ببرود: أنا مش بنتك ولا انت ابويا أنا بابا مات من زمان.

محمد بعصبيه وصوت عالي: انتي بنت مش محترمه وقليله ادب اظاهر ان ليلي معرفتش تربي كويس.. ولسه هيضربها بقلم.. حد مسك ايدو

-اوعاك تفكر تعملها..

محمد بص لي الشخص ده بصدمه وغضب.

♡♡♡♡♡♡♡♡……

«عندمصطفي في اسيوط»

يوسف: فاهمت هتعمل ايه.

مصطفى:آه فهمت…طيب هقوم انا بقا عشان الحق أجهز قبل ما أسافر..

يوسف:تمام وخلي بالك من نفسك عشان البنت دي مش ساهله ابدا.

مصطفى:لا متخفش هي لعبت كتير ادور عليا أنا بقا هوريها العب علي اصوله.

يوسف:طيب يلا اجهز وأنا هجهزلك كل حاجه.

هتيجي هتلقيني مظبتلك كل حاجه وانت عليك الباقي.

مصطفى حضن ابوه وبعدين سابه وراح يجهز نفسه عشان يسافر…

(شكل مايا هتتنفخ من يوسف ومصطفى)

♡♡♡♡♡♡♡………

«عند اكرم»

اكرم اخد حنين معه علي البيت..اول مدخل شاف أمه مستنيه في الصالون..

اكرم:السلام عليكم

امه وسمها”حسناء”:وعليكم السلام أنت اتخ…قطعت كلامها اول ماشافت حنين..

حسناءبستغراب:مين دي يا اكرم.

اكرم:دي حنين..(وقالها علي كل حاجه حصلت معه لغايه لما عرض علي اللواء انه يجبها تعيش معه)..وبس كده وهي هتقعد معنا فتره لحد لما يظهر حد من اهلها.

حسناءبعطف:ياحبيبتي يابنتي تلقاها أمها قالبه عليها ادنيا.. حسناء مدت ايدها لي حنين:تعالي عندي

حنين مشت عندها..وحسناء شالتها وحضنتها..وستغرابت الشابه اللي بنها وبين اكرم ابنها

حسناء:والقمر ده اسمو ايه!

حنين:اثمي انين وعندي دول وشاوت بيدها علي أنها عندها3سنين.

حسناء ضحكت علي طريقه كلامها وبستها:يا حبيبتي العمر كله ليكي..انتي من انهارده تقوليلي ياتيتا حسناء ماشي.

حنين:ماثي يا تيتا حثناء.

-تيتاا حسناء ليه هي بنت مين دي!

اكرم بص ليه:تعالي ياخويا اخرت ليه

محمد:سيبك مني أنا قولي مين دي…

حنين بطفوله:علي فكيه «علي فكره» أنا عندي اثم

محمد وهو بيكتم ضحكته عليها:أمم واسمك ايه بقا يعسل..

حنين بغيظ:متقولش عثل أنا اثمي انين

محمد وهو بيغيظ فيها:عسل عسل عسل عسل وطلع ليها لسانه..

حنين بغضب:اكيم يا اكيم

اكرم بضحك:نعم!

حنين:سكت ده وشاورت علي محمد

اكرم بجدية مصطنعه:بس يا زفت ملكش دعوه بيها

محمد:خلاص مش هكلمها تاني..احم أنا كنت عايز اقولكم علي حاجه.

حسناء:قول.

محمدبجدية:أنا خلاص قررت اكمل نص ديني..وهتجوز.

حسناء بفرحه:لولووووولي…مين بقا سعيده الحظ اللي ابني اخترها.

(محمد حكي كل حاجه يعرفها عن مريم..).بس ودلوقتي أنا مستني رد مريم عشان اروح اطلب ايدها..انتي هتحبيها اوي ياماماا ..عارفه أنا شفت بنات كتيره بس زي مريم عمري ماشفت بنت زيها..محترمه..جميله..فرفوشه..مجنونه شويه..حاجه كده ملهاش وصف الصراحه.

حسناء:علي خيرت الله..بس أنت شكلك بتحبها.

محمد بحراج:هااا..احم لا مش لدرجادي يعني أنابس شيفها..البنت المنسبه ليا.

حسناء ضحكت:عليا أنا برضو..علي العموم ربنا يسعدك ويجعلها من نصيبك يارب.

محمد:يارب.

♡♡♡♡♡♡…….

«في فيلاه آدم السيوفي»

ادهم خرج من عند ادم ومايا وهو مديق منهم

وبعدين راح عند عمته فريده…خبط كذا مره علي الباب بس هي مش بترد..ادهم قلق عليها..فتح الباب لقي فريده نايمه..اتنهد براحه ومشي عندها

ادهم:عمتو..يا عمتو..قومي بقا عايز اقولك علي حاجه حلوه..عمتو فريده..ادهم قلق جامد وبدا يهز فيها..

بس هي مش بتتحرك..ادهم شالها واخذها علي المستشفي..الدكاتره خدوها منه…وهو واقف براه هيموت من كتر القلق وبيدعي ربنا انه ميكونش حصل حاجه لفريده.

بعد شويه الدكتور خرج من عندها..ادهم جري علي الدكتور بلهفه

ادهم:طمني يا دكتور عمتو كويسه صح!

الدكتور بحزن:أنا اسف..

يتبع….