رواية المنتقبة الجميلة الفصل الثالث عشر 13 – بقلم رحاب عمار

البارت 13لـــــ«المنتقبه الجميله»

بقلم «رحاب عمار»

محمد بص لي الشخص ده بصدمه وغضب

محمد: أنت ازي تتجرا وتعمل كده!..

-لا أنا هعمل اكتر من كده أنت لسه شفت حاجه!..

محمد بغضب وصوت عالي: والله عااال اوي يا مروان.. أنت نسيت اني ابوك ولا ايه!…

مروان بسخريه:هه بابا..فين الأب.ده اللي ساب مراته الاولي وراح اتجوز واحده تانيه وبعدين سابها هي وبنته اللي لسه ما كنتش تمت عشر سنين وراجع عند مراته الاولي..لما عرف انها بقا عندها فلوس..لا ومستكفتش بكل ده رايح تضرب ماما ودخلها في غيبوبه عشان مرضيتش تتنزل ليك عن وارثها..ونعما الأب فعلاً… بس  اظاهر  أن  حضرتك  متعرفش ابنك كويس.. وبعدين شاور لي العساكر اللي معه يقبضو عليه

مروان بجدية:خدوه علي البوكس.

محمد بترجي:هتحبس ابوك بعد مكبرك وعلمك وخالك ظابط..هو ده رد الجميل.

مروان بسخريه:جميل ايه اللي عملته..أنا محدش ليه عليا..جمايل الوحيده اللي ليها جميل عليا ماما..أنت ملكش حاجه عندي..وبعدين بص لي العساكر انتو مستنين ايه خدوه..وانا هحصلكم.

محمد:ماشي يا مروان والله لنتقم منكم كلكم…

ليلي بصت ليه ووقفت قدامه:استنا عندك..طلقني قبل ما تمشي..عشان أنا انضف من اني افضل علي ذمه واحد اناني ذيك..

محمد بسخريه:ههههههه يعني أنا اللي مايت عليكي اوي..انتي طالق بتلاته..اهو طلقتك يلا غوري من وشي.

وبعدين مشي مع العساكر.

مريم و. روميساء..وقفين ساكتين ومتبعين الحوار وحاسين انهم في حلم او بيسمعو مسلسل..

مريم بصت علي مروان اللي فتح ايديه ليها..وبعدين جريت عليه وحضنته..وفضلت تعيط..

مروان بحنان:خلاص بقا هو مشي واوعدك أنه مش هيقرب منك تاني ابدا لا انتي ولا ماما ليلي.

مريم ببكاء:كان نفسي يكون عندي اب كويس..بس يلا الحمدلله ربنا عوضني بيك أنت.

مروان بضحك:نعم اب مين.. دانا اكبر منك بخمس سنين بس.

مريم بغيظ:تصدق انك رخم..وأنا اللي بقول عليك سندي وضهري وبابا واخويا وكل حاجه..وأنت في الاخر متستهلش اي حاجه..وسابته ودخلت الاوضه بتاعتها.

مروان:خدي يا بت انتي زعلتي ولا ايه أنا كانت بهزر معاكي والله..ودخل وراها.

♡♡♡♡♡♡……..

«عند آدم»

آدم وصل عند بيت احمد الشافعي..ونزل من العربيه بتاعته..ورن الجرس بتاع البيت وانتظار شويه..ولقي احمد بيفتح ليه الباب..

احمد بستغراب:ايوه يا بني عايز مين!

آدم:احم..هو ده بيت إلاستاذ احمد الشافعي.

احمد:ايوه اتفضل أنا احمدالشافعي.

وفتح  ليه  الباب.. اتفضل  ادخل  .

آدم  دخل  .. واحمد  طلب من منال انها تعمل ليهم حاجه يشربوها.

احمدبجدية:خير ياابني..أنا ماشفتكش هنا قبل كده وباين عليك انك مش من اسيوط صح.

آدم:صح لاني دي اول مره اجي هنا..واجي مخصوص لحضرتك.

احمد:طيب انت جي ليا أنا مخصوص ليه.

آدم:بص حضرتك أنا مش بحب الف ودوران..أنا جي اطلب ايد الانسه روميساء بنت حضرتك.

احمد بستغراب:وانت تعرف روميساء من فين!.

آدم بتوتر:ها..اقصد أنا معرفهاش اوي أنا بس شفتها كذا مره وأنا بجيب اختي من الجامعه..وحبيت اني اطلب ايدها من حضرتك لاني مش هلقي بنت احسن منها تكون مراتي.

احمد:طيب أنت بتشتغل ايه..وليه جي لوحدك فين اهلك.

آدم:أنا عندي شركه بابا ودي بيدرها اخويا..وأنا عندي معرض لي السيرات…وبنسبه لي اهلي فأنا اهلي ميتين من زمان ومعنديش حد غير عمتو ودي كبيره مش هتقدر تيجي.. واختي عندها امتحانات وادهم مينفعش يسافر ويسبهم لوحدهم ده غير الشغل وكده.. فعشان  كده  جيت  لوحدي.

احمد  بتافهم: آه  تمام.. بس روميساء مش هنا عشان هي عايشه مع خالتها عشان الجامعه بتاعتها ف أنا هنزل القاهره اشوف رايها ايه وهرد عليك وانت ممكن تيجي تزرنا في القاهرة.

آدم: خلاص ماشي وأنا في انتظار حضرتك بس ياريت ما تطولش عليا عشان انا عندي سفر كمان شهر كده!.. وعايز اتجوز قبل ما اسافر.

احمد:تمام وربنا يقدم اللي فيه الخير.

آدم وقف:استاذن أنابقاعشان الحق ارجع القاهره.

احمد خرج مع آدم لحد برا وادم مشي وهو رجع تاني لقي منال مستنيه في الصالون.

منال: روميساء كبرت وبقا يجلها عرسان.. ويمكن كمان تتجوز الشخص ده.. وأنت لسه مصر أنها متعرفش حاجه اديني سبب مقنع لكده.

احمد: أنا اللي عايز مقولهاش علي حاجه تخص الماضي بتاعها وهي مش هتعرف… انتي بقا شغله نفسك ليه!..

منال بعصبيه: أنت ايه يا اخي حرام عليك أنت كده بتدمرها مش دي بنتك ليه بتعمل فيها كده!.. وعلي فكره انا اول ما هنزل القاهره هقولها كل حاجه كنا مخبينها عليها سواء بقا رضيت او لا.. مبقتش تفرق معايا عشان انا تعبت كل ما اشوفها بحس بذنب وكل ده أنت سببه.

احمد ببرود: طيب روحي قولي وعتبري نفسك طالق… وسابها ومشي.

♡♡♡♡♡♡……

«في المستشفي»

ادكتور بحزن: أنا اسف  بس المريضه دخلت في غيبوبه سكر.

ادهم اتصدم: غيبوبه سكر.. ازي وهي اصلا معندهاش المرض ده!..

ادكتور: لا هي عندها السكر من فتره كبيره بس اكيد هي متعرفش ده…وهي أن شاءلله هتفوق قريب.

ادهم:طيب ممكن اشوفها بس.

ادكتور:اسف مش هينفع حد يدخل يشوفها دلوقتي عشان هي محتاجه شويه راحه..بكره تقدر تشوفها..عن اذنك وسابه ومشي.

♡♡♡♡♡♡……….

«عند ريماس»

ريماس كان عندها نبطشيه وهي اتخرت عليها.

دخلت مكتب المدير.

ريماس بتوتر من المدير: السلام عليكم

المدير: وعليكم السلام.. اهلا يا ريماس اتفضلي.

ريماس قعدت: أنا اسفه والله بس كانت ماما تعبانه شويه عشان كده اخرت.

المدير:أمم مافيش مشكله بس انتي هتفضلي هنا يوم كامل يعني هتخدي نبطشيه اليل والصبح.

ريماس بصدمه:بس ده كتير حضرتك.

المدير:مافيش حاجه اسمها كتير اشغل شغل وحمدي ربنا اني مخصمتش ليكى من المرتب.

ريماس بغيظ:آه كتر خيرك..ممكن امشي عشان اشوف شغلي.

المدير:آه اتفضلي.

ريماس خرجت وهي مش طيقه نفسها.. وعماله تفكر هي هتعمل ايه.. ومش منتبها لي حاجه حوليها فخبتط في شخص

ريماس بغضب: أنت ايه اعمى مش تفتح بدل معمال تخبط في خلق الله.

ادهم: انا برضو اللي اعمى وكمل ببرود مش ذنبي إنك شبر ونص مش باينه من الارض كده!

ريماس: مين دي اللي شبر ونص يا طويل يا أهبل أنت.

ادهم بغيظ: لا ولسانك اطول منك كمان

ريماس:والله أنت شكلك عايز تتهزق.

ادهم:نعم مين بقااللي هايهزقني..انتي يا شبر ونص.

ريماس بغضب وصوت عالي:اصبر يارب عشان ماموتوش دلوقتي.

ادهم هو بيغيظ فيها:ومين بقا اللي هيموتني انتي.

ريماس لسه هترد عليه الدكتور ندااعليها

الدكتور: ‘ريماس اتخرتي ليه يلا عشان في حاله لازم تتبعيها عشان انا بمر علي المرضه.

ريماس:حاضر يادكتور.

الدكتور:بس اوعي تتحركي من جانبيها لحد لما تفوق.

ريماس:تمام.

ادكتور مشي وريماس بصت وراها ملقتش ادهم.

ريماس في نفسها:احسن عشان لو شفته تاني مش هرحمه.

ومشت عند الاوضه اللي فيها فريده.

اول مدخلت حست بشعور غريب اول مره يحصل معها كده بصت علي فريده اللي نايمه ومش حاسه بحاجه حوليها..ريماس:مش عارفه ليه قلبي وجعني علي شكلها وهي نايمه كده اظهار أنها تعبانه اوي

..وراحت قعدت علي الكرسي اللي جانبها وفضلت تبص علي فريده..بعد شويه لقت باب الأوضة بيتفتح براحه..لفت وبصت وراها.

ريماس بصدمه:أنت.

♡♡♡♡♡♡♡…….

«في بيت ليلي»

روميساء بعد ما مروان دخل عند مريم.. بصت علي ليلي لقتها واقفه ماكنها وملامحها جامده مش باين عليها اي تعبير.

روميساء بهدوء: خالتو انتي كويسه.

ليلي بجمود: آه كويسه.. ولسه هتمشي روميساء مسكت ايدها.

روميساء: لا انتي مش كويسه.. وحضانتها عيطي يا خالتو انتي زعلانه وحابسه جواكي زعلاك خرجي كل اللي في قلبك.

ليلي ابتدت تبكي: عارفه يا روميساء أنا مش زعلانه عليه ولا زعلانه عشان اتطلقت عشان انا كنت بعتبرو مايت ما لهش وجود.. بس انا زعلانه علي بنتي اللي مشفتش يوم حلو في حياتها زعلانه عليها اوي… أنا عرفها بتقعدتضحك وتهزر عشان تداري زعلاها.

روميساءبهدوء:لا مريم قويه وهي بس هتزعل يومين وبعدين هتبقاكويسه  عشان هي عندها ايمان بربنا وعرفه أن كل ده ابتلاء من ربنا ليها..وبعدين اديكي شايفه اهو كلنا بنحبها دا غير أن ربنا عوضها بمروان اخ واب ليها وهو بيحبها ومش هيسبها ابدا.

ليلي:المفروض هي دلوقتي تكون فرحانه عشان هيتقدم ليها انسان كويس بس بعد اللي حصل مستحيل ترضا أنها توفق عليه وكل ده بسبب ابوها.

روميساء بستغراب:مين اللي هيتقدم ليها.

ليلي:ادكتور محمد.

روميساء:طيب يلا نقولها هي هتفرح اوي.

ليلي بستغراب:وهي هتعرف من فين عشان تفرح.

روميساء بتوتر:هاا لا قصدي يعني أن اي بنت بتفرح لما يتقدم ليها عريس وكده.

ليلي:أمم خلاص ماشي أنا هقولها ويارب توفق عليه.

روميساء في نفسها:والله انتي طيبه يا خالتو دا بنتك هتموت من الفرحه اول متعرف بس ربنا يسترها ومتعملش اي حركه كده ولاكده عشان أنا عرفها مجنونه.

ليلي وروميساء دخلو عند مريم بس اتصدمو من مريم واللي عامله..

(ياترا مريم عامله ايه..)

ومصطفى ناوي يعمل ايه مع مايا.

واحمد مخبي ايه عن روميساء.

وادم فعلاً هيتجوز روميساء.

ومحمد هيكمل مع مريم ويتجوزها بعد ميعرف أن ابوها مجرم.