رواية تراث النهروان – الفصل الحادي و الاربعون
التفتنه كلنه على هُــمام من وكع على ركبة كدام الباب
باوعله تُـــراث عاقد حاجبة وخازره بقوة، لزموا عبود
ومصطفى وهو باوعلي وحط ايده على كلبة
– ليش نــهروان ليشش؟
نــهروان – هُــمام بس اسمعني الله يخليك..
– شسمعععع ولجج شسمعع، ليشش هيجيي سوويتيي بيةةةة
ولجج ليشش!! شسويتللجج شبدررر منييي كليلييي بيمن اذيتج حتىى تأذينييي هيجج؟!!
شهكت اهز راسي بـ لا وهو صيح بصوت وضرب جهة كلبة
– حبيتججج ولج والله حبيتجج وماا رردت اذيتتج
اياااام وليااليي
انييي افتررر من مرركز لمكركزز ودموعيي بعيوونيي ادورر عليجج.
– هُــماااام اسمعنييي انييي موو اللك والله كلشي قسمةة ونصيبب واني موو قسمتكك.
مصطفى – كوووم هُــماااام كووم.
– وخروااا عووفنييي وخرووا.
بــارون – كووم هُــمام كاافي تسووي بروحك هيجج كووم.
عــبود – كووم خلل نروح مناااا.
هُــمام – ماا ارووح مناا اذاا ما اعررف شحببت بيي
شلكيتيي بي وماا لكيتيي عنددي!!
نــهروان حبيتتج ومااشفتتت غيررج فظلتج علىىى امييييي
ولجج تعاااركت وياهاا واشترريت البيت بس علمودددج
هيجج تجاازييننيييي!!
نــهروان – هُــمااام انيي ما استاهلك والله رووح عووفنيي كتلك الف مرره انيي موو الك انيي موو الككك.
شهگ بصوت يبجي ويصيح
– ليشش موو الييي ليشش، ليشش تحجين هيجج وتحرركين بكلبيي
ولجج نــهروان كلبييي يوجعنييي شسووويتييي بيةةةةة
شسووويتيييي بيةةةة
ولجج حررركتيييي كلبيييييي موتينيييي.
لطم على صدره يصيح ويبجي كعدو الولد كدامه يحاجونه
وهو يصيح، شهكت ابجي على صوته
– هُــمام الله يخليك لا تسووي هيج برووحك والله مااستاهلل تسوي هيج بروحك علموودي.
– نــهروان، حرركتيي كلبي طلعتيي روحي باايدج شسوويتي بيةة شسوويتيي بيةة
حبيتتج وتمنيتج اليي هيج تسووين بيةة؟!
وخرني تُـــراث من كدامه دفعني على بــارون وراح لجهتة
هزيت راسي بـ لا خايفه وصحت
– لاا لاا تُـــراث لااا.
جره من ملابسة كومه وهُــمام عيونه عليّ دموعه ينزلن من عيونه
ضربه تُـــراث بوكس حيل، حطيت ايدي على حلكي بسرعه
– تُـــراااث عوووفة تُـــراااث.
دفعوا الولد من عنده ويجرون بهُـمام من عنده بس هو تخبل
مصطفى – وخررر عننهه ووولك هددددده.
ضرب هُــمام ودفره على بطنه حيل ويجر بي يكومه ويرجع يضربة
بــرهــوم يجر بي ويصيح عليّ
– ولك عوووفة الولدد راح يموووت عووفة.
بس هو مايرد عليهم يضرب بي ويصيح وهُــمام يباوعلي واني مغطية وجهي وابجي
تُـــراث – ولك اموووتك على اييدددي اذاا لفيتتتت يم نــهروان بعددد والعباااس اموووتك.
نــهروان – تُـــراااث عووووفة.
دفره شمره بالكاع وجهه مدمه واجه بجهتي جرني من ايدي حيل
واني اباوع على هُــمام النايم بالكاع ويصيح
– شسويتيي بيةة نــهروان وجعتي كلبيي، الموت ارحمليي.
هدني تُـــراث وراحله متخبل
– لعددد خللل اموووتك واااخللصصصص.
لزمته اصيح
– لاااا عوووفة، اخذوووا مناااا اخذووووا.
جروا مصطفى وعبود كوموا ساندينه وبــارون بـرهـوم
دفعوا تُـــراث للبيت يصيحون عليّ، دفعني كدامه للبيت
طبيت امسح دموعي من طبينه، طلعن البنات كلهن من البيت بسرعه
دخلنه للبيت، كعدت على القنفة مغطية وجهي وابجي
دخلوا وراي كلهم باوعلي تُـــراث وصاح
– عليمن تبجينن انتِ!!
نــهروان – ليشش ضررربته هيجج ليششش!
– يستااااهللل الذذبح هذااا، ولجج كدااااامي ويصيحح احبهاا كدااامي
لااا تطلعينيي من دييينييي نــهرواااان.
بــرهــوم – كااافي امششي.
جره من ايده نكث ايده من بــرهــوم يجر نفس بعصبية
بــارون – كاافي لا تضل تصيح ساالفة وخلصتت وانسددت لاا تصيح عليهااا.
– لعدد شسوووي هاا شسووي؟؟ بالعقدد ماالتيي ويجيي زززلمة
يصيحح لمررتي احبج ويبجيي عليهاا شتريدد اسووي؟؟
– موو هيجج!!
– عودد من تشووفنيي شااد كروون لهذاك الووكت اكعدد اواااسيهم.
سكت بــارون ودار وجهه يستغفر، كامت بـــراء عدلت عباتها وشالت روان، طلع عزيز من الغرفه وكف بصف ابوا
باوعتله الدموع متجمعه بعيوني وهزيت راسي
نــهروان – ماجان لازم تضربة هيج.
– لجج اسكتييييييي اسكتيييييييي.
جره بــرهــوم يصيح وبــارون دفعه يصيح عليّ
– كااافيي اسكتتت شبيكككك تخبلتتتت.!
طلعوا من البيت وبـــراء دنكت باستني تهمس
– لا تخافين اني احاجي.
باوعتلها دموعي بعيني هزيت راسي بـ اي، طلعت بسرعه وراهم
وبــارون طلع وياهم، عفتهم وركضت للغرفه طبيت وسديت الباب وقفلتها
شمرت روحي على الجرباية اشهك، فرفحت روحي على هُــمام
كمت من الجرباية اشهك واطلع ملابس،اخذت تراك نوم و نزعت التاج شمرته على الميز، اخذتهن ورحت للحمام
دخلت شمرت الصاية والشال ونزعت الثوب شمرته بالكاع وكمت ادوس عليّ واشهك
– طلعع من عيينيييي العقدد طلع من عيينيي.
وكفت جوة الدوش اغسل وجهي من المكياج حيل وابجي
سبحت وطلعت من الحمام، تلكتني ماما جرتني حضنتني حيل
ضميت روحي بحضنها ابجي، مسحت على شعري تهدي بية وهمست
– كافي اسكتي، امشي روحي دكي على الرجال وحاجي
مايصير تسوون هيج باحلى يوم الكم!
ابتعدت من حضنها اهز راسي بـ لا
– ما احااجي، حجاايته وكتله عوفةة فوك كل هذا الصاير وياا يضرربة ويدمي هيج؟
عفتها ودخلت للغرفه، طبن البنات يمي يباوعلي مقهروات
غـيـد – لا تقهرين روحج شمشون، هسه كم يوم ويتعود وينسى والله.
– ماينسىى غيدد، والله ذبحني ماشفتي شلون يبجيي
الله ياخذنيي شلوون تعذب هيج من ورااي.
– اسم الله اسكتيي شجااج.
مسحت عيوني والتفتت على مريم
– دكي على مصطفى وانطينيا حبابة.
هزت راسها بسرعه وكامت، جابت تلفونها ودكت عليّ
مصطفى – الو؟
اخذته من عندها بسرعه
– هاا مصطفى!
جر حسره وكال
– ها نــهروان.
نــهروان – مصطفى، وين انتوا؟؟ هُــمام وين؟؟
– احنه بالمستشفى.
– شلون صار؟
– عليمن تسألين بالضبط؟ روحه لو جسمه؟
شهكت وكلت بصوت مخنوك
– مصطفى عفيةة.
– زين نــهروان، متأذي شوية بس زين هسه شوية ونطلع بس يضمدون جروحه.
نــهروان – مصطفى، ضلوا بمكانكم جايتكم.
سديت التلفون وشمرته على مريم، كمت بسرعه وهنه يصيحن وراي
غـيـد – نــهروان لاا تكبريهاا اكثررر.
– لاازم اروح غيدد امووت والله ماكدر اعيش وشخص مظلوم بسببي امووت.
مـريم – نهرواان والله اذا سمع تُـــراث تكب اكثرر نــهروان اكعدي واسكتي حبابة.
– ماااكدرر مرريم مااكدر.
جريت صاية لبستها فوك ملابسي وفوكاها شال طلعت من الغرفه
لكيت ماما
وخاله يعزلن بالبيت وبــارون كاعد على التخم وسيف يمه
نــهروان – بــارون.
التفت عليّ بسرعه، وباوعلي من فوك لجوة مستغرب
هز راسة بمعنى وين؟
مـامـا – نــهروان؟؟ وين رايحه ماما؟
باوعت على بــارون وكتله
– بــارون، خل نروح للمستشفى.
– شكوو منوو هناك؟
– هُــمام!!
غمض عيونه بقلة صبر وكام بسرعه
– رواان، سددي الموضوع لا تكبررينه اكثرر.
– بــارون، الله يخليك اخذني اله بدااعتي عليك الله
بس احاجي وافهمه
والله امووت ضميرري ما يسمحليي اضل كاعده وشخص
بسببي نايم بالمستشفى، والله ما نتأخر بس احاجي
وافهمه والله.
بــارون – نــهروان حررام علينه حراام، صرتي على ذمة رجاال
مايصير تسوين شي هو ماقابل بي وبدوون علمة.
– لاا اكلله انيي اكله والله، بس نرجع اسولفه كلشي
بس اذا اكله هسه ما يقبل
بس نرجع اسولفه كلشي، كوم بــارون اخذذني عليك الله.
تنهد وكام، طلعنه من البيت اجر تكسي صعدنه ورحنه للمستشفى
نزلنه هناك، قبل لا نطب طلعوا مناك، عبود وجواد ومصطفى
يمشون ويا ساندينه وهو كوة يمشي، شافونه عبود ومصطفى
رحنه بأتجاهم وصلنه يمهم، رفع راسه باوعلي عيونه حمر
وعينه جواها زراگ وخشمه حاطينه لاسق صغير
وشفته مشكوكه
وجواها زراك، روحي راحت من شفته
باوع وعيونه تفتر على ملامح وجهي، باوعت على الولد وكتلهم
– كعدوا بمكان خل يكعد.
مشوا كعد على المسطبة، باوعت على بــارون بتوسل وهمست
– اوكفوا على جهه حباب.
– روااان!!
– بداعتي بــارون بدااعتي ما اتأخرر.
غمض عيونه بقلة صبر، اشر للولد وكفوا على جهه
رحت وكفت كدام هُــمام، رفع راسة باوعلي وهمس
– ليش اجيتي؟
– هُــمام، عليك الله اسمعني والله ماكدر ارتاح واني اشوفك هيج.
– نــهروان، ماكدر اشوفج كدامي ولا اباوع بوجهج كلبي يوجعني
والله كلبي يوجعني، ما اكدر اتخيلج ويا رجال ثاني
واني الجنت اتمنى المس اصبع من اصابيعج
غيري يلزم ايدج وبالحلال، ماتحمل هيج والله.
شهكت ابجي ودنكت راسي
– هُــمام، والله مو بيدي والله العظيم مو بيدي تمنيت
والله جبرت نفسي وتمنيت لو اكدر ابادلك ربع حبك
بس مااكدر
لا تسوي بية هيج، ماكدر اشوفك تتعذب بسببي
يجي يوم وتنساني وتتعود والله.
شهكت يبجي ودنك راسة، حط ايده على وجهه ويجر نفس بشهكه
– ماااكدرر مااكددر، نــهروان اني حبيتج حيلل ماكدرر اتعودد وانسااج ماكدرر.
باوعت عليهم يباوعون بجهتنه كلهم، رجعت باوعتله وكعدت قريب عليّ على وهمست
– هُــمام، لا تبجي انتَ تستاهل احسن مني، اني بنية
مخطوفة، وهواي زلم لمسوني وتحرشوا بية ورادوا يعتدون عليّ
واخذوا كليتي، ما استاهلك تستاهل احسن مني!
رفع راسة باوعلي عيونه مليانه دموع هز راسة بـ لا وكال
– اني حبيت روحج، ماحبيتج كـ جسد لو علمود شي بيج.
نــهروان – هُــمام، تعذبني هيج والله انتَ مؤمن موو؟؟
هُــمام باوعلي شوو باوع عليّ؟؟
هز راسة بـ لا مدنك راسة وكال
– ماكدر احط عيني بعينج مااكدر، نــهروان صرتي على ذمة رجال
وعيني بعدها تدور الحب بعيونج ماكدرر احطها بعينج ماكدر.
دنكت امسح عيوني، رفعت راسي باوعتله وهمست
– زين، ضل لا تباوعلي بس اسمعني حباب.
– اسمعج.
– شوف، صح اني راح اتزوج، بس تبقى انتَ نفسك زميلي الجميل
راح تضل هُــمام صديقي واخوية الي يوكف وياي ويساعدني بكلشي
ما انساك والله.
ضم وجهه يبجي بصوت ويشهك، كام وكف يجر بتشيرته من يم صدره يشهك ويصيح
– ياااااررب الصبررررر، ياابوفااضل ماااكدرر والله.
اجوا الولد بجهتنه جره مصطفى حضنه وهو يشهك
حضنه
عبود من ظهره وجواد لازمه حاضنه وياهم، جرني بــارون ولزم ايدي عصرها بين اديه يهديني
وخر هُــمام من عدهم مسح عيونه ورفع ايده يدعي وكال بصوت
هُــمام – اجعل لي يا الله فيما احبُ نصيبًا
ولا تجعلني افني عمري في تمني الأشياء
التي لا انالها.
غمضت عيوني، جرني بــارون من ايدي ومشى باتجاه الشارع
التفتت اباوعله، حضنوا الولد واخذوا يمشون بغير اتجاه
اجر بــارون تكسي، صعدنه بالسيارة طول الطريق
حاطه
راسي على صدره وصافنه دموعي ناشفات على وجهي
وصلنه للبيت، نزلنه من السيارة بــارون حاسب ابو التكسي
واجه عليّ لزمني من ايدي وكال
– نفتر هنا شوية؟
هزيت راسي بـ اي، حضني لصدره ويمشي وياي على كيفه
بــارون – روان، لا تلومين نفسج ابد الي صار مو ذنبج
صدكيني كلشي صار قضاء وقدر، مايصيبك اله نصيبك
وهذا نصيب هُــمام مو بادينه الله يعوضة ان شاء الله
بمره تنسي الدنيا كلها.
هزيت راسي ساكته، رجعنه للبيت دخلنه لكيناهن كاعدات
بالهول ومنتظراتنه من دخلنه كامن كلهن بسرعه يباوعن علينه بقلق
اشرلهن بــارون، عفتهن وطبيت للغرفه سديت الباب وقفلتها
نزعت الصايه والشال شمرتهن وكعدت على الجرباية
طلعت تلفوني راسلت مصطفى
– شلون عرف؟
– ماندري، اجه فجأه يدور علينه من شافنه كال شكو هنا شصاير منو هذولة؟
شافه تُـــراث وكاله هو ماصدك كام يتعارك ويانه يريد يفوت للبيت
تُـــراث ضربه وبعدين طلعتي انتِ وصار الي صار.
قريتها وشمرت التلفون بصفي، حطيت اديه على راسي
وفركته بقوة، ياارب برد كلب هُــمام ولا تخلي يتعذب هيج
نزلت روحي على الجرباية ومددت صافنه بالسكف روحي ممروده وراسي صدع من البجي
اجاني صوت اشعار رساله على تلفوني، كعدت عدل جريته
شفتها رساله من بـــراء كاتبه
– نــهروان.
مسحت عيوني ما اشوف الاحرف لان عيوني مدمعات
كتبت الها
– ها بـــراء.
– نــهروان، اعرف حالتج مو مال اكلج هيج بس الله يخليج
اتصلي على تُـــراث شوفي وين بلكت يرد عليج.
عقدت حاجبي وطفرت بخوف، ناقصة بس انتَ وتكمل
– ليش شكو وين راح؟
– والله ما ادري، نزلنه من السيارة وشخطها وراح ومن مساع لسه ندك عليّ ومايرد.
– تمام، تمام هسه اشوفة.
طلعت تلفوني اتصلت عليّ بالنت، ماعنده رجعت اتصلت
على الخط، ماجاوب اتصلت مره ثانية اجاني صوته
– الوو؟
فتحت عيوني وكلت بلهفة
– الووو، تُـــراث.!
– شلال؟ شبيج؟ شبي صوتج؟
– ماابية شي، وين انتَ وينك؟
– موجود، بيج شي؟
– تُـــراث، تعال لهنا.
– خليني هنا ماكدر اجي هسه.
– الله يخليك لخاطري لا تعبني تُـــراث تعال للبيت اريد احاجيك تعال بداعتي.
سكت ورا شوية اجاني صوته
– تمام، مسافة الطريق يمج.
سديت الخط منه ودزيت رساله لـ بـــراء اطمنها بيها
طلعت بره لكيت البيت نظيف، وخاله والبنات رايحات
وماما كاعده بالهول هي وسيف وبــارون بغرفته
باوعت للساعه
صايرة بـ 8 بالليل، كعدت بالهول انتظره، سيف مدد
على رجل ماما
ويكلب بتلفونها وهي تمسد على شعره وتباوع ويا
” بــــراء ”
طلعنه من البيت، تُـــراث ينافخ وكوة يسوق لزمه بــرهــوم من ايده
– لا تتخبل وتخرب الدنياا تُـــراث.
نتر ايده من عنده وخلاها على الستيرن يسوق
بـــراء – تُـــراث، المفروض ما تصيح عليها هيج وتلومها.
شخط السيارة وكفها والتفت عليّ يصيح بعصبية
– لعدد شسووووي هاااا شسووووي؟؟؟
هاا لا المفرووض اجيب كلنس وامسح دموعهاا اكلها
لاا تبجين حبيبتيي هسه اطلكج وازوجج اله خطيةةة يبجييي عليج مووووووو؟؟؟؟؟
دفعه بــرهــوم من صدره وصاح بي
– رااح اضرربك وعليي، شبيك تخبلتتت؟؟؟
لا تضللل تخبط وتمشررر
محدد اله علااقة بالصااار لا بـــراء ولا حتىى نــهروان
الولدد جان يحبهاا واتفااجااء يعني شتريدد منه يسووي؟؟
ماشفت حاالته؟ وهيي عاافت الدنياا كلها وضلت متمسكه بيكك
لو تريدده جان وافقت من البداية وتسهلل الموضوع عليهاا هااي نــهروان تُـــراااث نــهروان.
دار وجهه من عنده وشخط السيارة بسرعه يمشي
وكف كدام البيت وضل بسيارته
بــرهــوم – انززل يله؟؟
– رووحوا عنددي شغل.
– شغليش هذاا هسه؟
– انززل بــرهــوم ماامتحمللل نفسيي تررى!
نزل وطبك الباب حيلل، افتر فتح الباب واخذ روان من عندي
التفتت عليّ وهمست
– مو تتأخر وتشغل بالنه عليك ارجع من وكت.
ضل ساكت مارد عليّ، فتحت الباب ونزلت نزل عزيز من السيارة
وطب ورا ابوا، شخط تُـــراث السيارة وراح
طبيت
طبيت وسديت الباب وراهم، نزعت عباتي وطبيت للغرفه
بــرهــوم، واكف يبدل اخذ ضل بس بالفالينه والشورت
اخذ ملابس وراح للحمام، بدلت ملابسي وعلكت ملابسهم
عزوز لابس قاط صغيروني وفرحان بي كلساع يوكف يمي يكلي
– هاا ماما شلون طالع بالعاط؟
– تخبل يروح ماما.
– راح اذوج اثلا.
– تزوج؟؟ تزوجمن بالله؟
– مو هثه، مو لديت العاط؟ من اكبر الده العروث.
– يعني اذا لكيت القاط حليت المشكله؟
– اي.
هزيت راسي اضحك على سوالفه، غيرت لـ روان ورضعتها
خليتها بفراشها تلعب وبدلت لعزيز البقة يصيح
– العاااط ماماا ضميي.
– ايي راح اضمه هو هلطوله منو ياخذ عاطك يعني؟؟
– ايي ميحالف ضمي العاط.
– ضميته ضميته.
راح للهول واخذ سيارته ويا الصغيره يلعب بيها
قلقت على تُـــراث
بس ادري لو اموت هسه ما يجاوب ولا يتصل عليّ بعد
طلع بــرهــوم من الحمام، باوعلي شافني افتر اباوع بخوف كال
– لا تخافين، ماعليّ شي.
– خاف يسوي شي بنفسة لو يرجع يتعارك ويا الولد؟
– لا لتخافين مايسوي هيج شغلات.
كعدت انتظره هواي وما اجه، سمعنه الأذان اذن كمنه
صلينه وتعشينه وتُــراث ماكو، دكيت عليّ اكثر من مره
بس مايرد عليّ لحيت على بــرهــوم يدك عليّ وهم مارد علينه
حطيت ايدي على كلبي بخوف، ماعندي غير حل واحد
طلبت من نــهروان تحاجي، ومثل ما توقعت رد عليها
نــهروان – لا تخافين هو زين، راح يجي يمنه بالبيت.
تطمنت وبرد كلبي شوية، كدرت اهدئ دخلت للغرفه
ضلينه كاعدين اني وبـرهوم باوعلي مستغرب وكال
– رد تُــراث؟؟
– لا، بس راسلت نـــهروان، رايحلها للبيت.
هز راسة ورفع حاجبة
– زين، حل يحط عقلة براسه ويعرف الصح من الغلط
اني من يمي انقهرت على الولد يريد البنية تسكت؟
عمي الله يعين كلبه
لو تشوفين شلون يلطم ويبجي كدامنه علموها.
حطيت ايدي على كلبي بقهر
– اووي، سوده عليّ خطيةة شنو ذنبة هذا.
– الله يبرد كلبة ويعوضة بالاحسن.
– امين.
مدد بــرهــوم على الجرباية وعزوز بحضنه نايم واني
كاعده يمهم واهز بكاروك روان حتى تنام بس ماترضى
شكلها راح تنتظر خالها ويا امها..
” نـــهروان ”
كاعده بالهول وصافنه عليهم، واندك الباب كام سيف بسرعه كتله
– اني كايمة، هذا تُــراث.
هز راسة وماما كومته وكالتله
– تعال هناك ماما.
طلعت فتحت الباب، صار كدامي تُــراث بعده بملابسة
الستره السوده والقميص الاسود والبنطرون طالع حلو
ابتسمت بتعب وهو دخل وسد الباب، باوعتله عيوني ذبلانه ومبتسه كوة
جر حسره باوعلي ونزل نظره على لبسي ورجع باوعلي
ابتسم وتقرب اكثر، جرني لحضنه حيل ودفن راسه
بركبتي
غمضت عيوني من حسيت بانفاسه الحراه على ركبتي
حرك راسة وشمني بقوة
رفعت اديه حضنت ركبته، عصرني بحضنه اكثر وايده تتحرك على ظهري بحنيه
ابتعد باوع لعيوني، رفع ايده حضن وجهي بثنين اديه
واصبعه الابهام يحركه تحت عيني، باسني بين عيوني
وابتعد يباوعلي، ميل راسة وهمس
– اعتذر خربت احلى يوم بالنسبة الج.
هزيت راسي بـ لا ورفعت اديه لزمت اديه قربتها لشفايفي
بستهن، غمض عيوني وبلع ريكة يباوعلي
– احلى يوم هو الاخلصه وياك وبس.
ابتسم مرتاح بكلامي، ورجعني لحضنه ضميت روحي لصدره
عصرني حيل ويبوس براسي، رفع وجهي اله وباس خدي حيل ورجعني لحضنه
ابتعدت اباوعله
نـــهروان – تعال نفوت جوة؟
هز راسة بـ لا وكال
– لازم ارجع، بـــراء هسه منتظرتني واصلا مارد على احد
تلكينها خايفه عليّ.
– اعرف، خابرتني وطمنتها لا تخاف.
باوعلي وعقد حاجبة، لزمته من ايده وهو ابتسم
– يعني متفقات؟
– هيجي شي، اصلا اني اريدك تجي تعال فوت محد هنا.
هز راسة ودنك نزع حذائه، فتت للبيت وهو دخل وراي
سد باب الهول واتلفت بالبيت مستغرب
– شنو نايمين؟
– بـــارون تعبان من الصبح لسه مانايم وعنده شغل فـ نام
وماما وسيف بالغرفه.
هز راسة ومشى، طفيت الاضوية خليت اضائه خفيفه
باوعلي ورفع حاجبة مستغرب، هسه الرجال عباله اريد اغتصبة
ضميت ضحكتي ورحت كعدت يمه باوعتله مستغربة
– شبيك؟
– حبيبي!
– ها؟
– حقج يروحي، اني مقصر وياج!
– شنوو؟؟
جر وجهي حيل يريد يبوسني حطيت ايدي على شفتي بسرعه
– هااا هاا.
تُــــراث – هاا؟
– شبيك داده؟
– شبية؟
– اريد اسولف وياك؟
– يعني ماتردين بوسة؟
– يابووسة تُــراث؟
– چـؤؤ.
كالها ودار وجهه يفتح بالدكمه الثانية مال القميص
حصرتي الضحكه على شكله، تحمحمت وباوعتله
– تُــراث اريد اكلك شي بس لا تعصب حباب.
– شكو؟
اندار عليّ باوعلي وهز راسة
– سولفي شصاير؟
نـــهروان – تُــراث، اني رحت للمستشفى.
– للمستشفى؟؟؟ ششكوو شلاال بيج شيي؟؟
صاايرر شي؟ تخربطتيي؟
هزيت راسي بـسرعه ولزمته اهدي
– لاا لا، رحت اشوف احد.
باوعلي مافاهم شي وهز راسه
– مافتهمت؟ تشوفين منو؟ منو عندج بالمستشفى؟؟؟
– تُــراث، شسمه، هـ اااحمم هُــمام بالمستشفى و..
فتح عيونه كل وسعهن خازرني، طفر بسرعه وكف واني وكفت ويا
خزرني حيل وتقرب عليّ اكثر وهمس
– وين وين؟؟
– تُــراث بس اسمعني خل اكملك.!
– رحتي تشوفينه؟؟
– تُــراث موو مثل ما فكرت اسمعنيي خليني اكملل كلامي!
عض شتفه حيل يصبر نفسة، كعد على التخم يهز رجله بسرعه طلع جگارة
ورثها ويسحب منها نفس بسرعه بسرعه
باوعلي وكال
– احجيي بسررعه شعندج رحتي تشوفين الشخص الي جان يبجي عليج
كداام العالم كلها ويصيح احبهاا سولفيليي شعنددج رحتتيي تشوفينه!!
باوعتله والتفتت اباوع باب غرفهم،همست بنتر
– لاا تصيحح لاا تصيحح صووتك داانتفاااهم ما نتعاارك اصبرررر!
سكت واشر بايده احجي، هزيت راسي وسولفتله الي صار
واختصرت اله هواي شغلات
– اعتذرت منه، وحجيت وصبرته وكتله اني من اول يوم شفتك لحد هسه اشوفك اخ
ودعيتله الله يصبره ويعوضةة بالاحسن مني.
– اييي؟؟؟ وبعدين؟؟ علمود هاي رحتي؟؟
– تُــراااث اني بنيةة عنددي ضميرر وانسانيه ماكدر اناام
واكوا شخص مهضوم بسببي ماكدررت اهدئ لحد ما اعتذرت منه وصبرته!
كام وكف يصيح ويغلط على هُــمام ضليت ساكته واباوعله
اريد اسكته بس اشوف حقة، يعني لو بمكانه وتجي بنية
تبجي عليّ بعقدنه اكتلهم هو وياها وعود خل يتزوجون بالجنه
صح الفكره توجع من تحبين شخص وبنفس الوقت شخص
ثاني يحبه ويتحسر عليّ ويبجي كدامج وخاصه اذا مثل هُــمام
يباوع على حلكي يريد بس اطلب منه شي حتى يسوي
ومامأذي لو نمله ما يستاهل يصير بي هيج ابد…
باوعت على تُــراث يريد ينفجر من العصبية كعد على التخم
ويفرك راسة بقوة روحه طالعه باوعلي وكال
– هذاا الاسمه هُــمام، اذا شفته مره ثاانية يم بيتكم
لوو بمسافة مترر واحد اذببحه وا..
توة راد يحلف وقطع كلامه من خليت شفايفه بين شفايفي
غمض عيونه يتنفس يقوة، حط ايده ورا راسي
والثانية لزمني بيها من خصرني قربني عليّ اكثر
واخذ شفايفي يبوس بيهن بلهفة يعبر بيها عن الشوگ والحب الضامهن بداخله
ابتعد وحط راسه يم راسي، يجر نفس بسرعه رفع عيونه لعيوني وهمس
– شسويتي بية ولج.
ابتسمت واني اباوعله شلون ذبل بايدي، جرني حيل كعدني بحضنه
ضحكت ومديت ايدي مشيتها على وجهه وهمست
– امم، شتكول لو كلما تصير عصبي وتصيح اسكتك هيج؟
عض شفتي يباوع لشفايفي وهمس
– ربي كون دوم تخليني عصبي كدامها.
عضيت شفتي اضحك كرصني من خصري صحت وضربته على صدره
– اووي، شبيكك ليش تكررص!
– لا تعضيهن.
– شننه؟
– هذني.
مد ايده يمشيها على شفايفي وهمس
– ذني مالاتي.
ابتسمت وحضنت ركبته ودنكت عليّ اهمس
– تُــراث.
عض شفته يباوعلي وهمس وهو يشدني لحضنه
– روح تُــراث شلالي.
– تُــراث.
– ياعمرة.
– تُــراث.
– اويلي الله.
كلبني على التخم يبوس بية ويدغدغني، ضحكت بصوت سد حلكي بسرعه وطفر من يمي
– اشتعلوا، راح تفضحينه.
ضحكت وكمت بسرعه من القنفة اعدل بقميصي
– لاا تسويلي هيج بعد بطني توجعني ماتحملل!
– لعد شلون ترديني اتحمل ومطلعه ذني كدامي.
كالها ومد ايده كرص زندي، دفعت ايده افرك بيهن
– اووي، شبيك شكد قاسي.
عض ايده يفتر بالهول وكال
– اسممع ابو سرحاان اسممع، تكلك قااسي اشتعلووا بگاز ونفط.
ضحكت وهو يغلط على ابو سرحان خطية طيح حظة بالغلط
جريته للباب وادفع بي
– يله رووح رووح، كافي باع بيش السااعه.
رجع روحه عليّ وكال
– بعد وكتت والله.
– لاا كافي، اني تعبانه اريد انام يله يله روح وباجر نحجي عودد.
– زين انام يمكم؟
– هههههه رووح تُــراااث.
دنك لبس حذائه ومشه وكف بالباب، طلعت ورا حتى اسد باب الشارع
جرني باسني بخدي حيل وطلع ابتسمت وسديت الباب وركضت
طبيت للغرفه لكيت ماما وسيف نايمين بالكاع سديت الباب
وشمرت روحي على الجرباية
اضحك واتلمس بشفايفي غطيت راسي مبتسمه وكلساع اضحك
لحد ما غفيت والابتسامه على وجهي
كعدت ثاني يوم الصبح بوقت متأخر لان جنت تعبانه
جريت تلفوني شفت الساعه، وضليت مدده اكلب بي
شفت هُـمام ناشر ستوري، دخلت عليّ ناشر صورة لعروس وعريس واكفين
واحد يباوع عليهم وعيونه مدمعات وحاط عليها اغنية “علي صابر”
– معقولة؟ هيجي تسوي بواحد حبك
مو هاي المنك مرجية، حبيتك اكثر من روحي
تروح لغيري ليش شبية؟؟
واصل وياك لهل حاله، شوف الطيبة شسوت بية
حبيت المايستاهلني، اسف حيل وحقي علية.
بلعت ريكي وطفرت بسرعه باوعت على الستوري
رغم الفكره تضحك
بس كلمات الاغنية توجع صدك!! انقهرت حيل حطيت ايدي على كلبي
حسيته يوجعني وخاصه الكلمات الاخيرة
” حبيت المايستاهلني، اسف حيل وحقي علية ”
ماريده يكرهني!
اريده يتعود وينساني ويلكه شخص يعوضة بس ماريده يكرهني
هُـمام شخص حيل اعزه واعتبره اخ الي ما انسه وكفاته وياي
كلبت على الستوري الثاني صورة لشخص واكف ويباوع على بنية واكفه بعيد بس مابينه ملامحها وتكملة الاغنية بس الكلمات مختلفة
– وراح اتعلم ابقى بدونك
– اجة وكت الفرگـه وتغييرك
– لو احتاجك احضن روحي
– سويت الصح كثر خيرك.
خرجت وانطيته حظر بسرعه وشمرت التلفون، اي هُـمام
حاول تنساني وتعود يجي يوم وتتعلم وتعرف اني خلص
مو نصيبك، فركت جهة كلبي من القهر حسيته يوجعني
كمت غسلت وجهي شفتهم كاعدين بالهول، وماما مبدله واكفه تعدل بغراضها
نــهروان – ماما؟؟
التفتت باوعتلي بسرعه، باوعت على بــارون ورجعت باوعتلي مبتسمه ومرتبكه
– وين رايحه ماما؟
– للبيت، طيبة اختج الصغير مريضة.
باوعتلها واختنك صوتي، عضيت شفتي وهزيت راسي بـ اي
باوعتلي مقهوره وتقربت حضنتني حيل
– لا تسوين هيج روان، والله تموتيني مجبورة ياماما والله لو بيدي اكابلج واكعد.
شهكت ضامه روحي بحضنها وابجي
– ماما ضلي يمي بعد شوية حبابة.
– ارجع اجيج والله اجي اشوفج مره ثانية قابل اعوفج ياحبيبتي.
– حبابة ماما ضلي يمي.
كام بــارون جرني من ايدي لحضنه باس راسي ورفعه
بايده يمسح بعيوني
– كافي روان شجاج، صغيرونه انتِ تبجين وراها؟
ضميت روحي بحضنه اشهك وهو كال ضايج
– كاافي روان مردتي عيوونج من البارحه لسه تبجين
هو هيج؟؟ شووفيهن شلون منفخاات كافي بجيي.
كعد وكعدني بصفه يمسح بعيوني وماما واكفه وتباوعلي مقهوره
بــارون – حتى علااجهاا ما اخذته صاارلها يومين لا علاج ولا اكل زين.
جابت ماما الريوك، اكلت واخذت العلاج يله سكت
اجه
عليها فـراس اخذها وراح، ضليت طول اليوم مقهوره وضايجه ومالي خلك نفسي حتى
” مـريـم ”
رجعنه من العقد مال نــهروان تعبانات ونعسانات
لدرجه
بس سبحنه وصلينه ونمنه، كعدنه ثاني يوم من وكت
شبعانات نوم، راسًا اتصلت على مصطفى
– الوو؟
– ها حبيبي.
– ها صوفي، شلون صار هُــمام؟
مصطفى – زين، ماقبل يروح لبيتهم رحنه لبيت عبود
ضلينه اليل كله كاعدين ويا ساعه يبجي وساعه يسكت ويجر حسرات
لحد ما بند من التعب ونام.
– اووف سوده علية، وتالي؟
– الله العالي، نضل ويا ما نعوفه لحد ما يتعود وينسى.
– تتوقع يكدر ينسى؟
– ان شاء الله، مثل ما حبها يكدر ينساها.
جريت حسره وهو كال
– وين انتِ؟
– بيتنه، البارحه رجعنه باليل.
– خوش، حظري نفسج العصر جاي عليكم.
– خير ان شاء الله؟
– اشوفج، مشتاقلج هواي.
ابتسمت ورفعت ايدي اعدل شعري الي نمت بدون ما امشطه
– ههههه ياحبيبي، اي تعال هلا بيك.
سد الخط، عفت التلفون وكمت بسرعه مشطت شعري
ورحت غسلت وطلعت لكيت ماما وغيد ياكلن بالهول
كعدت اكلت وياهن وغيد تحجي ويا ماما كملت
كمت
غسلت ودخلت للغرفه حظرت ملابس البسهن من يجي صوفي
طلعت تراك بيت نص ردن لون احمر وبجامه بيضة بيها قلوب حمر
لبستهن وفتحت شعري بس نعمته دخلت غيد باوعتلي مستغربة
سويت روحي اريد اصور، كالت
– هاا راح تدزيهن لـ مصطفى؟
ضحكت وفتحت عيوني عود مصدومه
– لاا، بس كلت ماطول حافة وطالعه حلوة اصور كم صورة.
هزت راسها ما مقتنعه، اخذت كم صورة وحطيت ميكب خفيف
مسكارة وحمره وزعتها على خدودي وحطيت شوية على شفايفي
كملت وكمت، اجاني اتصال، شفته اتصال بالكروب من عبود
جاوبت وفتحت سبيكر صعدوا كلهم حتى هُـمام وياهم سلموا كاله مصطفى
– هاا عبودد خوماكو شي؟
عـبود – لا سلامتكم، بس بعد كم يوم العرس مالتنه اني ونسرين.
باركنالهم كلنه فرحانين بيهم وهو يهلهل شوية وسكت من استوعب هُـمام ويانه
هُـمام – الف مبروك عبودي حبيبي شايف كل خير.
– بعد روحي يوم الالك ونفرح بيك.
جر حسره ونزل من الاتصال
اجانه صوت نــهروان تكول
– هاا نزل؟
ضحكوا كلهم وهي كالت
– والله ماكدرررت احجييي، الف مبروك نوسةة وعبودد شايفين كل خيرر ان شاء الله.
نسرين – ياعمرري نونه الله يبارك بيج.
مصطفى – رايح احاجي هُـمام.
نزل مصطفى ولحگوا عود وجواد ضلينه بس البنات نسولف
نــهروان – بـنااات.
– هااا؟
– هو عادي اكولها لو عيب؟
غـيـد – سالفة مخطوبين؟ اذا هيج كوليها بس ندى خل تنزل بعدها عزباء عيب تسمع.
نـدى – لاااا انييي عنديي رجلل والله خل اسمعع.
نــهروان – منيلج رجل ولج؟
– ضامته عنكم، دسولفي حبابة خل نسمع؟
نــهروان – احمم احممم.
مـريـم – ايي يالله.
– شسمه..
نـدى – يامسهلل سهلل عليهاا.
– البااارررررررحهه..
كالتها وجرتها جر گلنه مثلها
– اييييييي؟
– صاااررر شيييييي.
– ايييييي؟
نــهروان – خااف عيب؟؟
مـريـم – حصروج؟
غـيـد – مرريم حبيبتيي مو كلشي بالحصررات انتِ شعندج وياهن؟
– لعد صارلهاا ساعه تجر السالفة جرر.
ضحكت وكالت
– مو خاف تطلع عيب واني افضح روحي!
– ماكو عيب بيناتنه احجي.
نــهروان – البارحه باليل ورا ما خلصت الهوسة يعني وفرغ البيت اجه تُـــراث.
فتحت عيوني وباوعت على غيد ضحكت ونسرين كالت
– يمااا كيوووووت.
نـدى – نوووسة شفتهمتييي اصبررري خل نعررف شصاار ورانه!
نـسرين – نوونه سوتوا مثلنه انييي وعبودد؟
نـدى – ليشش يامصخمه شسويتواا انتِ وعبودد؟؟
متنه ضحك عليها وهي تكول
– بس نتغاازل والله، عوفوني شوفوا نونه شسوت.
– اي شمشون كمليي.
نــهروان – المهم بنات تعاركنه وراكم لان كتله رحت للمستسفى اسوف هُـمام.
غـيـد – شكددد..
– وبعدين صالحته بوسة.
– حلوووووين خرررب أنـه.
ضحكنه كلنه بصوت وكعدنه نصنف عليها وهي تضحك خجلانه وتكول
– لعدد شسووي عصب وكلهم نايمين خفت شلون اسكته جريته بوسة.
غـيـد – حلووة الطريقة، راح اعتمدها.
مـريـم – ليش انتوا هم تتعاركون انتِ وبـارون؟
– عودد بعين الحاسود صلي على نبيج حاطه عينج علينه.
نسرين – اووي والله كيووت انتوا، ولج نوونه تخبلوووون سوة تجننووون.
– يااروحي نوسة عيونج الحلوة.
غـيـد – لا جدد نهروان، بالعقد تموتون سوة حيل حلوين طالعين
لدرجه صورتكم اكثر من صورة.
– كووليي والله؟؟؟؟ ماصورت انيي دزيهم حبابة كلهمم.
– دزيتهننن من البااررحه.
– والله؟ ماشفتهم هسه اشوفهن.
نزلت شمشون من الاتصال، وضلينه بس احنه نسولف
شوية ونزلنه كلنه، للعصر اتصل مصطفى كال اني بالباب
ركضت عدلت حمرتي وشعري ورحت لماما اريد احاجيها بس مستحيه
جريت غيد وهمست بأذنها
– مصطفى بالباب حاجي ماما بسرعه.
هزت راسها وراحت، طلعت لمصطفى وهي راحت تحاجي ماما
فتحتله الباب وابتسمت
– اهلاا وسهلا.
ضحك ودخل للحديقة، سديت الباب وهو تقرب حضني
– هلا بيج حبيبي.
ابتعد وكال
– شهل جمال هذا كله؟
ابتسمت خجلانه وهو باس خدي مبتسم
اشرتله على البيت وكتله
– تفضل فوت.
– لا مومال افوت، اجيت اشوفج واروح.
– مصطفى شسالفة؟
– حبيبي ماترهم والله.
– قاابل غريب انتَ!!
– ميخالف يروحي.
مصطفى من يوم الخطبنه لسه ما يجي يشوفني ما يطب للبيت يستحي من ماما وخاصه ماعدنه رجال بالبيت
يدخل بالممر مال الهول ويضل واكف يسلم ويشوفني ويطلع وقليل يجي اصلا
باوعتله وهو ارتاج على الحايط يباوع عليّ ومبتسم
– رايحه اجيبلك مي.
ردت اروح جرني من ايدي بسرعه، حضني من خصري وقربني عليّ
– چؤؤ ماريد.
تحمحمت وحطيت ايدي فوك ايده انزلها من خصري ومبتسمه بأرتباك
– هههه مو شسمه خاف عطشان اجيبلك مي.
شد على خصري اكثر وسحبني اله يباوع على شفايفي ويرجع يباوع لعيوني وهمس
– لا تخافين، اعرف شلون اروي عطشي.
كالها وتقرب اخذ شفايفي بين شفايفه، فتحت عيوني ما مستوعبه
حسيت اختل توازني لزمني وقربني اله اكثر تعلگت بركبته
وهو يبوسني بطريقة طبق كلامه كم كال اروي عطشي
حسيت اطرافي نملن وعيوني ذبلن ماكدر افتح بعد
ضليت
مكمشه بقميصة حيل وجسمي يرجف كله من دفو شفايفه وحركتهن الخلتني كوة واكفه
ابتعد ونزل راسة لركبتي غمضت عيوني روحي رايحه
حرك راسة بركبتي وجر نفس وباسني بركبتي كزبر جسمي
ابتعدت من حضنه بسرعه، حطيت ايدي على ركبتي
باوعتله مغمض عيونه وضل واكف بمكانه، فتح عيونه
ذبلانات ضل يباوع عليّ بلعت ريكي ورجعت حضنته
تعلكت بركبته وهو حضني يحرك ايده على ظهري
ابتسمت وابتعدت عنه ضحك ومد ايده حرك اصبعه على شفايفي وهمس
– ليش جنتي حارمتني منهن ولج؟
ضليت ساكته خجلانه، ماكدر ارد عليّ ابتسم وباس خدي
نزلت اديه من ركبته وهو ضل يباوعلي مبتسم
رجعت ليورة وكتله
– يله روح لبيتكم.
ضحك وتقرب جرني من ايدي باسها وهمس
– خليني شوية.
– ماا، روح روح يله.
دفعته باتجاه الباب وهو يضحك ما يرضة يطلع اخذه الواهس
فتح الباب وطلع، ضليت واكفه بمكاني اباوع على الباب حسيت راح يرجع
واحساسي بمكانه فتح الباب باوعلي شمر بوسة بالهوه ضحكت وغطيت وجهي خجلانه
وهو ابتسم وسد الباب ورا
ضحكت وركضت على المراية الموجوده بالحديقة
باوعتله
الحمره نازله لجوة وداير مداير شفايفي صاير احمر
غسلت بسرعه
وطبيت للبيت باوعتلي غيد حابسه ضحكتها وماما بالمطبخ تخابر
ركضت للغرفه طبيت وسديت الباب كعدت على الجرباية
جريت تلفوني شغلت اغنية وحطيت هتفون باذني
وغطيت راسي مبتسمه والضحكه شاكه حلكي
واطلقت العنان لمخيلتي..
” بـــراء ”
كاعدين كلنه بالغرفه ننتظر تُـــراث يجي، طبعا عزوز بحضن ابوا
يباوع بتلفونه ويسولف لابو شنو يشوف عود هو متابعهم ويعرف
وروان كاعده وتلعب بالملاهي اخليها اله توخرها وتصرخ تبجي
ارجعها تسكت ترجع توخرها وتبجي خبلتني
لليل سمعنه هورن سيارة تُـــراث التفتت بسرعه باوعت على بــرهــوم
كعد وباوع على الساعه ورجع باوعلي
– اجه اخوج السايب.
– جاان يم نــهروان بررهوم.
– اي هم ساايب.
كعدنه عدل، باب الغرفه جان مفتوح هو من اجه كبل
دخل للغرفه، باوع علينه وكال
– شو كاعدين؟
بــرهــوم – شرفت حظرة العريس، منتظرينك والله.
باوعله عاقد حاجبة واجه شال روان من كدامي يبوس بيها
– اويلي فدوة اروحلج خالي.
باوعله بــرهــوم وكال يقلد عليّ
– فدوة اروحلج خااليي.
باوعله تُـــراث نزل روان وراحله يباوعله مخنزر عود عصبي
– شبيك ولك؟
بــرهــوم – وخرر ساايب سرسري.
– انجب!
بـــراء – شكو شبيكم؟
تُـــراث – شمدرريني هذاا رجلج اتخبل تالي اليل.
باوعله بــرهــوم وخزره ورفع اصبعه يهدد بي
– اسمع لك، اذا عدتها هاي مره ثانية مال تتعارك وتصيح على البنات حلگك اشكه.
دفعه تُـــراث من صدره كالب وجهه
– دوخر وخرر عود هو خوش ولد ويدافع للبنات
لا تدخل
هي التحبني تحبني بكل صفاتي الخايسة والزينه
وشلال تحبني هيج.
كالها وسكت ورجع خنك بــرهــوم خازره ويكله بتحذير
– شاايف اذا حجيت هيج كداامها شسوي بيك؟
اسبوع ما تشوف بـــراء.
وخره بــرهــوم ودفعه وضربة على ظهره
– ابن النعاال خنكتنيييي.
غلس على بــرهــوم ودنك باس روان وطلع من الغرفه
سد الباب ورا وراح ينام، باوعت على بــرهــوم صافنه
هسه تعاركوا وتصافوا واني ما افتهمت شصار
بــرهــوم
نومت روان ورجعت خليت عزيز بحضني انوم بي
من نام بله شلته لفراشه
هاي الفتره كله ينام بحضني واخلي روان بحضنه هواي
حتى ما يضوج وهو تعود عليها وتعلم من تبجي يجي يكلي
ومن يريد يشيلها يكلي ماما حطيها بحضيني واحطها بحضنه يلاعبها مكيف ويخاف عليها يكلي
– شيلييها لاح تنمتن.
واخذها من عنده تعود عليها وكام يحبها ويلاعبها هواي
فاد الحجي ويا، من صرت اخوفة وانبهة يتقرب عليها وهي محلله
بطل يتقربلها لان يعرف هيج يأذيها
من ناموا الجهال رجعت استوطنت بمكاني حضن بــرهــوم
شكد احس بمسؤوليات طول اليوم، انساهن كلهن من اصير بحضنه
احس روحي طفلة بحضن ابوها حنية بــرهــوم كفيلة
تنسيني كلشي وتخليني ارتاح واهدئ بس بحضنه
نمت بحضنه مرتاحه بعد يوم طويل ومتعب بدء بالفرح
وخلص بنهاية حزينه وتقهر، كعدنه ثاني يوم كوة
متكسرين
رغم لا ركصنه ولا سوينه شي بس قلة النوم والتفكير
والفره هم تعب وتدوخ، كعدنه اني وبرهوم وعزوز ناكل بالهول
وتُــراث لسه نايم ما كعد
ما كعدنا اصلا، بــرهــوم صله صلاة الفجر لان فاتته وراح وبدل وراح للغشل وضلينه اني وعزوز وروان
خليتها بمكانها وحللتها حتى تلعب وعزيز يمها يباوع عليها
رحت عزلت البيت ونظفته وعلى صوت الهوسة كعد تُـــراث
باوعلنه بتك عين وصاح
– شعندج من الصبح مهوسة انتِ وفروخج؟
ضحكت على شكله وتخوصرت
– لا والله عيني؟ شوف بيش الساعه افندي.
– واذاا بـ1 يعني؟
– حتى موعد الغدى عبرته موعد الصلاة عبرته؟
– چـؤؤ، هسهه هاي منين طلعتلي.
كالها وافتر يريد يرجع يطب للغرفه، جريته من ايده بسرعه
– عيني عريسنه، اكعد غسل واكل صير نشيط وراك مسؤوليات
راح تكضيها نوم من هسه؟
– لاحگ عليها خل اكمل نومتي.
راد يرجع جريته حيل ودفعته بأتجاه المغسله
– رووح غسلل وتوضى وصليي يله، حتى اسويلك اكلل طيب يلوكلك يله.
كلب وجهه وراح يغسل، حميتله الاكل، ورحت توضيت
حتى اصلي ويا ما صليت الظهر، باوعلي وكال
– هااا طلعتي ما مصليةة وتحجين عليّ.
– جنت اشتغل ما انتبهت للساعه.
– ما انتهيت للثااعه.
ضحكت وهو راح كدامي للهول
بلشنه نصلي ثنينه ومن خلصنه بجت روان بصوت تصرخ
ركضت للغرفه بسرعه شفتها مجلبة بشعرها وتصرخ
ضحكت
ومشيتلها طب تُـــراث يركض وراي صاح
– شكوو شبيهااا؟؟؟
– ههههههه تعال شوف تُـــراث.
اجه باوعلها ضحك ومد ايده فتح اديها من هدت شعرها يله سكتت
شالها يبوس بيها ويضحك
– خاالوو ياروحي انتِ.
شهكت تنشغ الشهكه مجلبة بصدرها، ضمها لصدره حيل وباس راسها
– يايابة يايابة، اسم الله عليج ياروحي اسم الله حبيبة خاالو يروحه.
اخذها ومشه للهول مشيت ورا وعزيز ركض ويانه
كعدت على التخم
وهو يفتر يلاعبها ويضحك بيها، رجعت تبجي انطانيها وكال
– هاج شوفي يمكن جوعانه.
شفتها صدك جوعانه، اخذتها منه رضعتها لحد ما شبعت
ضليت حاطتها بحضني ادكلها وهو باوعلها
جر طرف ازار الصلاة مالتي وحطه على راسها عود حجاب
ضحكت عليّ وهي صرخت متضايقة منه ماتريده
خزرها بسرعه وصاح
– ولججج.
فتحت عيونها روان تباوعله بخوف وهو ضحك وكال
– الزميي خل اصورها.
صورها بسرعه وهي على صدمتها متت من الضحك عليّ
ضحك بخبث واخذها من حضني يبوس بيها ويضحك
– لك البسك حجااب من هسه هاا البسك؟؟
يشمر بيها ويبوسها، ابتسمت ودعيت من كل كلبي
تجي بنية تعوضة على كلشي صار ويا
شوية ورجعها لحضني وكام بدل وطلع راح لـ بــرهـوم
ضلينه بس اني وجهال بالبيت، روان اليوم عدها طاقه
تصرخ وحدها وتتعارك ويا الكماط ما تريده وعزوز
يضحك ميت من الضحك عليها
جريته لحضني ابوس بي مگززة على سوالفة
– يمة وليداتيي يمةة اروحلكم فدوة.
ضميتهم لحضني ثنينهم ابوس بيهم، يمة الله يحفظكم الي
نزلت عزوز من حضني وحطيت روان بفراشها
– عزوز ماما، اني راح اروح اسبح، عينك على روان
بس تبجي دك الباب عليّ بسرعه خوش ماما؟
– خوس.
– ومثل ماكلت ممنوع تشيلها؟
– خوس.
– عفية وليدي.
عفته يمهم ودخلت للحمام سبحت على السريع وطلعت
لكيت روان بعدها كاعده وعزيز كاعد كدامها ويشربها ممه
فتحت عيوني ومشيت بسرعه عليها، اخذت الممه من عنده
اني ما سويتلها ممه! فتحت القبق بسرعه شميته
باوعت على عزيز
– ماما منو سوة ممه لروان؟
كام وكف برز روحه عود مسوي شي زين
– اني ثويتها ماما.
فتحت عيوني مصدومه
– يااا، شلوون سويتها منو علمك؟؟
– شبيش ماما؟ هو حطيت مي وهليب وهاهية.
– اي شلون سويتها منين المي؟
– منا.
اشر على التواليت، لطمت على صدري وصحت
– عززه بعيني، منين حطيته ولك؟
باوعلي بخوف من ردة فعلي عرف روحه مسوي مصيبة
– ماماا شبيش حطيت مي من البولي وبعدين حطيت
هليب من هذا بالخاشوده الذغيره.
– شكد حطيت!
رفع ايده يسوي ياشر ثلاثه وهو تارس الممه لراسها
حطيت ايدي على راسي مصدومه اباوع على روان
تلعب ولا مهتمه اصلا ولا يمها
شلتها بسرعه دكيت على ظهرها حاولت اخليها تتقيئ
بس وين بلعته وسكتت، غسلت الممه وعزيز يفتر وراي
– عززيز بعد لا تعيدهاا ابدد ماما المي صخ مايصير تشرب منه روان
بعدهاا صغيرونه ماتتحمل تتمرض!
– ماماا مو بشت.
– تعال كلي ماما روان بجت واني اسكتها، لا تعيدهاا بعدد عزيز ابدد لا تعيدها ماما تتمرض روان.
هز راسة ورجع للهول يكمز ويصيح
– لوان تتملص.
– انوب راح يملصها.
غسلت الممه وسويتها جديده ورجعتها همزين شاربه شوية منها مو هواي
حطيتلها الممه وهي رضعتها، ماشاء الله اهمشي شي يشبعها
مايهم مي وصخ نظيف حليب قليل هواي اهمشي تشبع
سمعت صوت هورن سيارة تُـــراث وراها سيارة بــرهـوم
شوية وطبوا ثنينهم للبيت، كمت تلكيتهم سلموا وكعدوا
جبتلهم مي ورجعت كعدت كال بــرهـوم
– شو وجها طبيعي ماحاجي وياها؟
باوعتله مستغربه وتُــراث صفك ايد بايد
– فلاا يعرف يصبرر.
بــــراء – عليمن يصبر هو شكو؟
ضحك بــرهـوم وكال
– اخوج خطرت باله فكره، اني عجبتني.
– شنو من فكره؟
تُـــراث – نشيل من هذا البيت.
باوعتله مستغربة وهزيت راسي
– شنو؟ وين نشيل؟
– نشيل منا، اريد نشتري بيت طابقين، سويت فوك وسويت جوة
الكم والنه اني وشلال.
– ليش؟؟
– شلون ليش بــــراء، يعني مايصير شلال تجي تعيش هنا ويانه
هم البيت صغير وهم ما ترهم يعني بــرهـوم غريب عليها
عود رجل حماتها خوما نعيش كلنه بيت واحد وصغير
نسوي طابقين ونفتح درج للبيت من جوة ومن بره ونسوي نفس التصميم.
ابتسمت وباوعت على بــرهـوم هز راسة بمعنى خوش فكره
– والله خوش فكره، بس انتَ لكيت هيج بيت؟
– اي، بس يرادله تعديلات، وراح ابيع البيت هذا وهذاك
ونكمل بنيان بيهن وشهر هيج يكمل.
– خير ان شاء الله، خوش فكره وين صاير خوما بعيد؟
– لا قريب على بيت بــارون.
– قريب؟؟
– ايي، ماريدها تبعد عنهم.
– احسن.
” نــهروان ”
كاعده بالغرفه واكلب بالكتب عود اقره بيهن بــارون
بس ماكدر
مالي واهس اقره شي واني شدارسة منهن حتى اقراهن
عفتهن وكمت جريت التلفون، اراسل ختيبي احسن
شنو الشهاده تروح وياي للكبر
اتصلت عليّ، رد بسرعه ضحكت من كال
– شووف منوو اتصللل.
– هههههه، ضايجه كلت اتصل عليك اضحك شوية.
– قريقوز كدامج ولج؟
– لا شبيك، بس انتَ روحك خضره تضحك سوالفك حلوة فرفوشية.
– والله شفتج الفرفوشية.
– تُـــراااث.
ضحك وكال
– ها عيوني؟
– شسمه، راح اروح العصر لبيت صديقتي غيد، لان عرس
صديقتنه بعدله كم يوم فـ راح اروح وياها نشتري ملابس ونرجع.
– اجي اني اخذج؟؟
– لا لا ماكو داعي، مو البنات يجن وياي وامهن.
– خوش، عندج فلوش؟
– اي عندي، بس دكيت عليك اخذ اذنك.
– حتى اذني ترديها؟؟
– ههههههههه خااب تُـــراث شبيكك!!
ضحك بصوت وكال
– اروح فدوة للياخذ اذن، خوش روحي وديري بالج على نفسج.
– تمام، بااي.
– روحي وياج.
ابتسمت وسديت الخط بسرعه، غطيت وجهي اضحك وكمت بسرعه
نزلت من الجرباية بدلت وطلعت ويا سيف وصلني لبيت
خاله ام غيد ورجع للبيت، طبيت للبيت سلمت عليهن
وكتلهن حتى نروح، لبسن وطلعن وياي، نزلنه يم المكان المطلوب
دخلنه اشترينه الملابس ما اخذنه فساتين اشترينه
بس ملابس زفة
لان عنده مال العقد جدد نلبسهن ونكشخ بيهن احسن
اشترينه وطلعنه، شلت العلاكه وباوعت على خاله
– خاله نوكف هنا، بس جيبي تكسي لهنا احسن.
– يله خوش.
توها راد تمشت وكفت سيارة كدامنه، باوعنه زين هاي
سيارة هُـمام!
نزل من السيارة باوع علينه وكال مسوي نفسة طبيعي
بس هو مبين شلون المريض!!
هُـمام – ها شعدكم هنا؟
غـيـد – نشتري ملابس للعرس مال نسرين وعبود.
هز راسة وباوع على العلاليك وكال
– مخلصين يعني؟
– اي.
– يله اوصلكم.
خـالة – لا يمه ميحتاج هاي ناخذ تكسي منا.
– لا شسالفة خاله اصعدوا اني موجود عليمن تكسي.
باوعت على البنات وباوعتله، رفع عيونه باوعلي وابتسم بهدوء
– يله روان اصعدي.
بلعت ريكي وهزيت راسي بـ اي، صعدت خاله بالصدر
وهو اخذ العلاليك وحطهن بالجنطه، صعدنه ثلاثتنه ورا وهو صعد وشغل السيارة
طول الطريق ساكتين محد من عدنه حجه كلمه، لمن وصلنه بيت خاله
نزلن هنه ردت انزل كال
– ضلي، انزلج يم بيتكم واطلع كبل.
هزيت راسي بـ اي وضليت بالسيارة نزل انطاهن غراضهن ورجع صعد حرك السيارة
باوعتله ردت احاجي بس ماترهم بعد، درت وجهي على
الجامه ما اباوعله، شوية وشفته فات بغير فرع باوعتله مستغربة
– هُـمام هذا مو الفرع مال بيتنه؟
باوعلي بالمراية ورجع يكمل سواقة، دك كلبي بخوف
فتحت عيوني من شفته سريع سياقته وصحت
– هُـمام وين ماااخذنييي!!!!
الفصل التالي اضغط هنا
يتبع.. (رواية تراث النهروان) اضغط على اسم الرواية لتجد الفهرس كاملاً بجميع الفصول.