رواية تراث النهروان – الفصل الثامن والثلاثون
هزيت راسي واشرتله على الميز
– عزوز ماما تلفوني على الميز هناك جيبة.
باوع على الميز وعض شفته يهز راسة عود يفكر
– هذا الميذ بعيد جدًا انا لا اثتطيع الصعود كَـي اجلب هذا التلفون.
رفعته تك حاجب وضحكت
– ماما عوف سوالف الكارتون واصعد على هذا الكرسي
وجيبة تكدر يله ماما.
– اناا لا اثتطيععع الثعوددد.
– ولك ماما اريد اخاابر بابا تُــراث جيبة!
– انااا لا اثتطيعععع اناا لا اثتطيععع.
كام يصيح وحاط ايده على راسة ويفتر بالغرفه
– مااماا لا تشلع كلبي تستطيع جيبة يلة.
– اناا لا اثتطيعع ياا اميي.
– ولك عزيززز.
عافني وطلع يركض وحاط ايده على راسة ويصيح
– انا لا اثتطيعععع الثعودددد.
– ااخخ منكك اذا ما سحبت التلفون منك يا عزيززز بعدد ماكوو تلفون ولا ماشااا ولاا سبونج بووبب افتهمتت!!!
– لاا اثتطيع ياا اميي.
– يمةةةة.
كمت اني على كيف كوة اكدر امشي الحرك موتني
والي مأذيني
اكثر شي هو مو غيره متعبني حيل وحارمني من كلشي
ماكدر اسوي كلشي اذا مو بمساعدة احد وياي، اخذت
التلفون ورجعت كعدت على الجرباية واتصلت على بــرهـوم
رن هواي ومارد، استغربت وخفت حيل اول مره اتصل
على بــرهـوم ومايرد من اول مكالمة
رجعت دكيت مره ثانية هم مارد، دكيت على تُــراث
جاوبني بسرعه
– الوو؟
جريت نفس براحه وهمست
– تُــراث.
– هاا حبيبتي؟
– تُــراث، بــرهـوم يمك؟
– بــرهـوم؟؟
– ايي يمك؟ اتصلت عليّ مرتين مارد عليّ قلقت عليّ كلش!
تُـــراث – لا تخافين حبيبي هذا يمي بس تلفونه بالسيارة ضال.
– متأكد تُــراث؟؟
– اي والله هذا يمي تحاجينه؟
– لا خلص هاهي، بس لا تتأخرون حبابين ماكدر اضل وحدي اكثر.
– هاي جايين احنه اصلا ما نتأخر.
– تمام ديروا بالكم من الطريق.
– ان شاء الله.
سديت الخط وجريت نفس براحه، اجه عزيز كالب وجهه
يريد التلفون، فتحته وانطيته اله كلبي ماينطيني من
اشوفة ضايج، لا يطلع بالشارع يلعب ويا جهال ولا عنده
احد يلعب ويا بالبيت جانت قمر من اكعدها يمه يطير من الفرح
بحيث يحسها شي تخصه لعبه او غرض واله هذا مايقبل
احد ياخذها منه من كد ما مخنوك من الوحده الي هو بيها
يتمسك باصغر شي يكون يمه
رغم ماعايفنه لا اني ولا ابو ولا تُــراث ما نخلي يحس هيج ابد
ويا بكلشي حتى مايصير مُعقد او يصيبة مرض التوحد
لهل سبب عايفينه على راحته بس باحترام ومراقبة بنفس الوقت
ضليت اباوعله وهو متمدد بصف روان يباوع بالتلفون
لحد ما سمعت الباب انفتح، مديت راسي شفتهم
دخلوا
من باب الهول ثنينهم يضحكون، ابتسمت وارتاحيت
دخلوا ثنينهم للغرفه، باوعت على بــرهـوم بلوم وهو ضحك واجه باس راسي
– اعتذر كلبي، بس تلفوني باقي بالسيارة وماشفت المكالمات.
– لا عادي اهمشي انتوا بخير.
باوعت على تُــراث الي بدون لا سلام ولا كلام راح بسرعه
باس روان وضل يبوس بيها ويباوعلها مبتسم باوعت
على بــرهـوم يباوعله مبتسم، رفع راسة باوعلنه
من شافنه
نباوع عليّ كام بسرعه
تُــراث – جبت اكل وياي من برة خليته بالهول تاكلون هسه لو للعشة؟
بـــراء – اني ما جوعانه بس اذا انتوا جوعانين اكلوا.
بــرهـوم – لا مانشتهي اكلنه بيت آدم.
بـــراء – احمم صدك على طاري آدم عـ..
بعدني اريد اكمل كلامي وصاحوا ثنينهم سوة
– شبيي آدددم؟؟؟
فتحت عيوني بسرعه وباوعت عليهم وهمه من حسوا
بروحهم سكتوا يتحمحمون
تُــراث – ئئحمم، ءءايي شبي آدم؟
بــرهـوم – نقصد يعني كملي كلامج شبي؟
بـــراء – سلاامتكم خليتوا بيها كملي!
عض شفته بــرهـوم وكال
– بالغلط حبيبي كملي انريد نعرف شبي.
– ماابي شي!
تُـــراث – لا صدك بـــراء شبي؟
– مابي شي بس ردت اكللكم سالفة على عزيزز.
– شبي عزيز؟
– سالته انتوا وين كال راحوا لبيت بابا آدم.
باوعوا تُـــراث و بــرهـوم واحد على الثاني وضحكوا
تُـــراث – ههههههه عزيز حتى من اخذته للاسواق يكله بابا اخذت جبث.
ضحكت وهم يضحكون على عزيز مايحب كلمة عموا او خالوا
كله بابا حتى اذا يشوف شخص غريب يكله بابا نادرًا ما يكول خالوا لو عمو لأي شخص
تُـــراث – صدك، شلال تسلم عليج وتتحمدلج بالسلامة.
عقدت حاجبي مستغربة
– الله يسلمها، بس شوكت حجيت وياها تلفوني دائمًا يمي؟
عض شفته وبـرهوم كاله
– حلها يله.
تُـــراث – مو من رحت هي انطتني رقمها كالت حاجيني منا.
– هاا شو ماكتلي لعد من اجيت؟
– سالفة ماتسوة عليمن اكلج هو رقم.
– هم صح، زين شتحجون ماتحجون؟
– ما نحجي شي اسلم عليها وهي تسلم عليّ وتسلم عليج
وهاي وبعدين نسده ما نحجي هواي.
هزيت راسي تمام وهو كال
– اخابرلج عليها هسه؟
– ليش؟
– حاجيها خطية سلمي عليها مو سلمت عليج.
– اي اني ادك عليها بعدين احاجيها.
– لا اني هسه اخابرلج عليها.
طلع تلفونه واتصل عليها فتح سبيكر رن التلفون رن
لحد ما ردت، ابتسم تُـــراث وباوع على التلفون وكال
– شلاالي؟
– منوو؟؟
اجانه صوت غريب باوعنه واحد على الثاني مستغربين وهو عقد حاجبة بسرعه وكال
– سيف؟
– اي اني سيف منو انتَ؟
تُـــراث – ها اني تُـــراث، شلا.. شسمه نــهروان وين؟ يمك؟
– روان بالمستشفى.
– شنوو؟؟؟؟؟
كالها وطفر بسرعه وكف حطيت ايدي على كلبي وبـرهوم
كام ويا بسرعه ولزمه من ايده
تُـــراث – شنوو يا مستشفى شبيهاا؟؟
– تخربطت.
– اكووا احدد يمكك انطينيي اي احد جبير يمك بسررعه!
– محد يمي كلهم ويا الدكتور بس اني برة.
– تعرف شسم المستشفى هاا؟؟ يا مستشفى هاي الانتوا بيها؟
– مستشفى الـ*****.
سد الخط بسرعه وراح بجهة الباب يريد يطلع لزمه
بــرهـوم بسرعه
– اووكف وينن رااايح!!
يجر بايده من بــرهـوم ويحجي بسرعه
– وخررر بــرهـوم لاازم اروحلهاا وخرر.
بـــراء – تُـــراااث لا تروح والله تصيرر مشكلله لا تروح عمهاا يتعاررك وياك شعددك راايح!!
دفع بــرهـوم حيل عنه وصاح
– واضلل كااعد هناا بالله شنو خايف من عمهاا؟؟
اروح اشووفها
ماكدر اضل كاعد هناا وساكت ماكدر ماعرف شبيهاا.
بــرهـوم – تُـــراث لاا تسوي مشكله بربك.
– ماكدر بــرهـوم غير اموت لو صارلها شي لازم اروحلها.
راد يروح رجع لزمه بــرهـوم
– اجيي وياك.!
– لاا بـــراء وحدها واني اتأخر خليك يمها.
طلع من الغرفه وبـرهوم يصيح ورا
– جااوب من اندددك عليككك.
باوعتله بحيرة وهزيت راسي
– والله خايفه عمها مبين ماطايق تُـــراث و تُـــراث يستفزهم
لا يروح يسوي شغله هناك ويتعاركون.
– مايصير شي لتخافين قابل يعوف بنت اخوا الي بالمستشفى
ويكعد يتعارك ويا.
حطيت ايدي على راسي بقلق خايفه على نــهروان
وعلى تُـــراث
ميته قهر عليها ماعرف شلون كدرت تتحمل كل هذا
يارب
يكومها بالسلامه ويعوضها على كلشي عاشته..
” غـيـد ”
واكفين كدام الدكتور والصدمه على وجهنه مانعرف شنو نسوي
شنو فشل كلوي وشلون!!
غمض عيونه بــارون روحه رايحه، لزمته من ايده وهو باوع للدكتور وكاله
– وشنو نكدر نسوي؟ دكتور شنو الحل!!
– راح نسويلها غسل كلة ونسويلها كل العلاج اللازم
بس انتَ روح وقع على الاوراق وكمل كل الأجرائات حتى نباشر بيها.
هز راسة بــارون واخذني رجعني يم سيف ومشى كوة
حاني ظهره، تنهدت وباوعت على سيف عيونه حمر من البجي
ومدنك حاط راسة على ايده وصافن على الكاع
كمت
من يمه، دخلت للحمامات غسلت وجهي وعدلت شالي وطلعت
امشي على كيف وادور بعيوني على بــارون بس ماشفته
وصلت للمكان الكاعد بي سيف شفته من بعيد يخابر
ويحجي بالتلفون شوية وسد الخط استغربت ويا منو
جان يسولف؟ رحتله وكعدت بصفه
– منو دك؟
رفع راسة باوعلي ومدلي التلفون
– هذا الرجال الاسمه تُـــراث.
– شيريدد؟؟ ولا تكلي كتله على نــهروان؟؟
– اي كتله.
– سييف!!!
عضيت شفتي وباوعتله بلوم
– كتله بيا مستشفى احنه مو؟
هز راسة بـ اي
غـيـد – ليش سيف ليشش!!
– شسووي غيد ماسمعتيي صوته جانن خايف عليها وماعرف شلون كتله اصلا لا تلوميني.
سكتت خايفه، هسه يجي لهنا ويشوفة بــارون ويتعاركون بنص المستشفى ياربي!
ضلت عيوني على الممر بـأي لحظة ممكن يجي
ضلينه
منتظرين بــارون لحد ما اجه وحجه ويا الدكتور
وباشروا
بغسل الكله، اخذت التلفون من سيف واتصلت على ماما
سولفت الها كلشي وهي كامت تبجي وتدعيلها
واني
من القلق حتى ما اتذكر شحجيت وياها سديت الخط منها
ورجعت التلفون لـ سيف
ضلينه اني وسيف كاعدين وبـارون يفتر من غرفه لغرفه
شوية ودك تلفون شمشون، اخذت التلفون منه شفته مكتوب ” تُـــراثي ” رفعت تك حاجب شهل تطورات شمشون، رجعت التلفون لسيف
– هاك جاوبة شوفة شيريد.
فتح خط وجاوبة، سمعت صوته يصيح ويجر نفس بسرعه
– هاا سيف وين انتوا بيا طابق؟؟
– لحظة هسه راح ننزل واندليك ما اعرف يا طابق.
– بسررعه اني بررة واكف.
سد الخط واشرلي
– روحي شوفي حبابة.
فتحت عيوني بسرعه وهزيت راسي بـ لا
– حتى بــارون يشمرني من الطابق الـ5، تورطني ويا غير يتخبل اذا عرف اني حاجيته
روح انتَ انزل من هذاك المصعد وكبل للباب الخارجي
وبعدين اصعد بي ودوس رقم ثلاثة وهاهي.
هز راسة وكام من يمي راح لـ تُـــراث
كمت وكفت باب المصعد انتظره، شوية وانفتح المصعد
رجعت ليورة بسرعه من طلع سيف ورا تُـــراث
باوعلي
تُـــراث بسرعه وتقرب صار كدامي رجعت ليورة اكثر وهو كال بخوف
– وينهااا بياا غرررفه بياا غرفه؟؟
عقدت حاجبي ورجعت ليورة، هذا صاحي؟
بلعت
ريكي ورجعت ليورة اكثر وسيف لزمه يحاجي
اعلمك سيف
خل نرجع اذا ما خليت بــارون يكتلك بسيطه جابلي
هذا
واجه، انوب خبص المستشفى خبص لا يخاف ولا يستحي
كدام الناس يتلفت على البوب ويصيح
– بسس كلولييي شبيهااا بياا غرررفةةة!
غـيـد – بس على كيفك اهدئ خوية مابيها شي والله
ماكدر ادليك بيا غرفه
لان دا يسوولها غسل كله ماتكدر تفوت الها.
– غسلل كلة؟؟
كالها بصدمه ورفع ايده حطها على راسه
– ليشش ليشش! شبيهاا؟؟
– صاير عدها فشل كلوي وشسمه وتعبانه كليتها يعني ويردون يسوولها غسل كلة.
عض شفته وكام يفتر ويفرك براسة حيل تلفت بالممر وكال
– زين بياا غرفه الدكتور وين؟؟ عمهاا وين؟؟
– ماعرف والله هسه يجون وشوفهم.
طلع جگارة ورثها سحب نفس طويل وزفرة كعد
على
الكرسي يدخن واني افرك بادية بخوف لا يشوفني بــارون
هنا يمه يطيح حظي وحظ سيف لان گاله
رجعت بعيد عنه واكفه وسيف يمي وهو يدخن ويهز برجله
فاتت ممرضة من كدامنه باوعتله واجت وكفت قريب عليّ
– من رخصتك عيني، بس ممنوع للتدخين هنا؟
باوعلها وهز راسة
– بس هاي وخلصت اصلا.
– تكدر تدخن اكثر اذا تريد، مكتبي بالطابق الجوة بي شباك؟
فتحت عيوني بدهشه من صلافتها شلون تحجي هيج هااي!
دنكت راسي بسرعه ميته خجل وكمت ابلعم من الخوف
وهو شمر الجگارة بالكاع وداس عليها وباوعلها بطرف عينه
– ماريد ادخن، اخذي راحتج.
ابتسمت بأنحراج وهزت راسها وراحت
باوعت على سيف وخزرته اشرلة بسيطه وهو ولا عبالك
كالب وجهه وعيونه مدمعات، ضليت افرك باديه خايفه
على شمشون وخايفه من بــارون خاف يجي ويشوفة
ويتعاركون بنص المستشفى غير نصير فرجه لامة محمد
رفع راسة باوعلي وكام بسرعه، باوعتله بخوف وهو رفع تك حاجب
– شبيج؟ ما اعض والله!
– هاا؟
– اكعدي هنا اكعدي، وحش كدامج تتراجفين؟
– هاا لا لا عليمن اتراجف شكو اتراجف.
كلتها وكعدت وجريت سيف بصفي، كل عقلة خايفه منه
مايدري خايفه لا تصير مصيبة منا
كعدت وعيني على الممر، شوية وشفت بــارون يمشي
من بعيد، بلعت ريكي وكمت، باوعلي واجه يمشي بجهتنه
تقرب علينه اكثر والتفت باوع على تُـــراث، عقد حاجبة وباوعله ورجع باوع علينه، قبل لا يوصل يمنه
راحله تُـــراث يمشي بسرعه صار كدامه وحجه بسرعه
– شلوون صاارت شلاال؟؟؟
باوعله بــارون بنظره عصبية وگزز على سنونه ونتر بهمس
– شعنددك هنا انتَ وليشش اجيتت!
– بــارون اسمعني مو وكتهاا ابد خوش بس طمني عليها واروح!
– مابيها شي روح توكل يلهه.
– ماا اتحررك خطوة اذا ماا تكليي!
لزمه بــارون من تشيرته خازره وحجه بعصبية
– كلما اشوفك اتذكرر حالة نــهروان بسبب منو لا تشوفني وجهك
اطلعع مناا بسررعه وخليني بمصيبتيي.
نتر تُـــراث ادين بــارون من عنده ورفع ايده يعدل تشيرته
– ماا اطللعع مناا اذاا ما اعررف شبيهاا شلاال خووش؟؟
فتحت عيوني بصدمه من صياحه العالم صاروا يباوعون عليهم
ركضت بسرعه وكفت كدام بــارون وهو باوعلي واحسه
يريد ينفجر من العصبية
– بــارون بس كول شصار على نــهروان شبيها؟؟
كلتها واشرت بعيوني على تُـــراث اريده يسمع شبيها
حتى يروح
بــارون – جاي يسوولها غسل كله ولحد هسه ما صحت فاقدة.
تُـــراث – يصيرر اتبرعع الهاا بكليتيي؟؟؟
كالها بخوف وعيونه صايرات حمرر واحسه من القهر يريد يبجي
وخرني بــارون من كدامه وباوعله عاقد حاجبة
هز راسة بـ لا وكال
– لو يصير ما جان انتظرك تحجي، ما نحناج منك شي.
لم شفايفه لداخل حلكه وقبض ايده بغضب والتفت
دفر الكرسي الكدامه حيل وطلع من يمنه
باوعت على بــارون وهو باوع علينه اني وسيف خازرنه ثنينه
– شمدرري هذااا واجه؟؟
سيف – دك وجاوبته وكتله عبالي مصطفى لو هُـمام ماعرفت صوته.
– حتىى اذاا مصطفى او هُـمام سيف ليش تكوول؟
– نسيت والله ما ادري.
كعد على الكرسي وحط راسة بين رجلية، كعدت بصفه وحطيت ايدي على جفته
– شبيها شمشون؟
– ماعرف غيد ماعرف، تحتاج غسل كلة وتعرفين اليسوي غسل شنو يعني؟
خلص هذا انتهت حياته، راح تضل تتخربط بين فتره وفتره
ولازم نرجع نجيبها لهنا وهم يسوولها غسل كلة.
حطيت ايدي على كلبي
– يمة اسم الله، وشلون هسه؟
– مادري شسوي، بس الاعرفه اذا صار شي لـ روان
اني خلص مستحيل اكدر اضل عايش
خسرتها مره ورجعتلي ماكدر اخسرها مره ثانية انتهي والله.
– لا تحجي هيج بــارون شجااك، اسم الله عليها تصير زينه والله لا تخاف عليها سباعية شمشون.
دنك راسة ساكت، لزمت اديه بين اديه امسد عليهن بهدوء
كعد سيف بصف بــارون صافن، اشرت لـ بــارون عليّ وحركتله حواجبي
تنهد ورجع روحه على الكرسي وجر سيف لحضنه
ارتاج
سيف على صدره مقهور وضايج، جريت حسره وحضنت
ادية لصدري وصافنه عليهم
مر وقت طويل لحد ما طلع الدكتور كام حاجاه بــارون كال
– الحمدلله حالتها زينه هسه ومستقره بس تحتاج للعلاج المستمر
وبنفس الوقت اكل صحي والاتزام اهم شي بكل هذني.
– شلونها هسه؟
– زينه، بس خليتها المُغذي حاليًا هي صاحيه بس تعبانه شوي
لا تدخلون هسه خليها ترتاح شوية يله تكدرون تشوفونها.
هز راسة بـ اي واشرلي اني وسيف وكال
– ضلوا هنا كاعدين هسه اجي.
هزيت راسي بـ اي وهو مشه ويا الدكتور نزلوا للطابق الجوة
ضلينه كاعدين اني وسيف، اخذت تلفون شمشون خابرت
على ماما طمنتها على نــهروان وسديته، سديت التلفون
وانطيته لـ سيف
بعدني كاعده وحسيت ظل صار فوگ راسي، رفعت
راسي
بسرعه وفزيت من شفته نفسة تُـــراث، كمت وكفت بسرعه وهو كال
– هاا شكال الدكتور شبيها؟؟
تلفتت بالممر ورجعت باوعتله
– لا تخاف زينه، الدكتور يكول حالتها زينه بس لازم تلتزم بالعلاج وبالاكل الصحي حتى تصير زينه.
– صحت هي لو بعدها فاقده؟؟
– لا صحت بس يكول لحد يطب هسه لان تعبانه خلوها ترتاح شوية يله.
هز راسة وكال
– وينها الغرفه البيها شلال؟
– شلال؟؟
عض شفته وعقد حاجبة ورجع كال
– نــهروان بيا غرفه موجوده؟؟
اشرتله على الغرفه
– هنا بهاي الغرفه.
التفت باوع عليها، شمر الجگارة من ايده وداس عليها
ومشه بسرعه بجهة الباب، فتحت عيوني بسرعه ومشيت ورا احجي بصوت ناصي
– خووية خووية تعاال بــارون ماايقبللل لااا تفوووت.
التفت باوعلي ورجع مشة للغرفه، فتح الباب وطب وسد الباب ورا
وكفت كدام الغرفه مصدومه، حطيت اصبعي بحلكي اكل باظفري وهمس
– يووو شفوتك انتَ!
رحت لسيف كاعد بمكانه وصافن كعدت بصفه وضربته بخفة على ايده
– كله من ورااك كله من ورااك.
– شعليةة اني؟
– لعد ابووية گاله؟ هسه يجي بــارون يشوفة بالغرفه
ويتعاركون كدام نــهروان.
دار وجهه ولا عبالك حجيت عليّ، درت وجهي افرك بادية
واشوف بــارون جاي بأتجاهي، بلعت ريكي وكمتله ابتسم احاول ما ابينله شي
– هاا شكالك الدكتور؟
– ماكال شي، كتب وصفة وانطاني ورقة كاتب بيها الشغلات الازم تاكلهن مثل العصاير وهاي السوالف.
– الحمدلله هاي ولا غيرها.
هز راسة ومد ايده وكال
– امشوا خل نروح شوفها شلون صارت.
لزم ايدي وراد يمشي فتحت عيوني بسرعه وجريت ايدي منه
التفت عليّ باوعلي مستغرب وكال
– شكو شبيج؟؟
حطيت ايدي على حلكي بسرعه وكمت افتر بمكاني
لزمني بسرعه يباوعلي بخوف
– شكووو غيددد شبيجج؟؟؟
ذبيت روحي بحضنه واكلب عيوني واهمس
– بــارون طلعنيي منا نفسي داتگلب احس اريد اتقيئ!
حضني من خصري ولازم ايدي، كعدني على الكرسي
وفتح بطل مي ويحجي بخوف وقلق
– شبيج غيدد خاف متسممه؟؟ شوو باوعلي، هاج اشربي شوية مي.
شربني مي واني اسوي روحي فاقده وبنفس الوقت خايفه عليّ
خطية شلون يغسلي وجهي ويباوعلي بخوف
– طلعني منا بــارون اختنكت من الريحة مال المستشفى
حباب طلعني برة.
– صاار يروحـي صار، كومي على كيفج كومي.
كومني لازمني من ايدي وسيف يباوعلي صفح ويسوي
بأيده علامة الـ اوكِ بمعنى خوش تمثلين، نزلنه من المصعد
طلعني للحديقة البره، كعدني على وحده من المسطبات
انطه فلوس لـ سيف وكاله
– سيف عمو، اركض جيب عصير من هذا المحل وتعال بسررعه حبيبي.
رفعلي تك حاجب وراح يجيب العصير
حضني بــارون لصدرة يعدل بالحجاب على راسي
– شجاج ياروحـي، بطنج توجعج؟
– لا حبيبي مابية شي، بس فوك اختنكت حيل واحس اريد اتقيئ.
– شجابج انتِ ما تكليلي لو ضاله بالبيت لو ادري بيج ما تتحملين المستشفى ما اجيبج.
– لا حبيبي مو ما اتحملها بس الطابق الفوك يخنك
وريحة المستشفى اكرها اختنكت منها.
هز راسة ورجعني لحضنه، ابتسمت وضليت حاطه راسي
على جتفة وصافنه على المصعد اليروح لفوك، كلما اشوف
احد ينزل عبالي هو، شوكت يطلع ما ادري وماعرف شكد
راح اضل مخلية بــارون هنا وامنعه يصعد..!
” نــهروان ”
بين الصاحية والفاقده اسمه صوت الدكتور يحاجيني واسمع اصوات ثانية صوت بنية، بس ماكدر افتح عيوني
احس كل جسمي مبنج وما احس بي، فتحت عيوني
على كيف شفت الغرفه فارغه رجعت غمضت عيوني بهدوء
سمعت صوت فتحت الباب ورجعت انسدت، ضليت مغمضه
ماريد افتح عيوني، حسيت باحد لزم ايدي، بس هاي الأيد
دافيه واعرف صاحبها، ضليت مغمضه عيوني خاف افتح
ويروح هذا الاحساس من عندي خاف يطلع حلم وماكو احد يمي!!
لحد ما سمعت صوته وهو يبوس ايدي ويهمس
– شلال، ياگـلبي انتِ.
فتحت عيوني على كيف، كلشي مغوش رجعت غمضت
وفتحت اكثر من مره لحد ما صارت عيونه بعيوني همست
– تُـــراث؟
ابتسم بقهر وهمس
– هاا ياروحـي.
نــهروان – شنو راح اموت؟
حط ايده على شفايفي بسرعه وخزرني عيونه حمر والشرايين البعيونه صايرات حمر
– اشش اسم الله، كلشي مابيج، عيارة نسوان هسه تكومين جنج حصان.
ابتسمت وهزيت راسي
– هسه خل اصير زينه واعلمك.
هز راسة مبتسم ورفع ايدي لوجه وباسها
– واني منتظر شوكت تعلميني.
جريت ايدي منه رجعتها على بطني ورجعت باوعتله
– تُـــراث.
– ها عيون تُـــراث؟
– احس رب العالمين دا يعاقبني.
عقد حاجبة بسرعه وهز راسة مافاهم كلامي
– شنو قصدج ليش يعاقبج؟
بلعت ريكي ورفعت ايدي المابيها كانونه امسح بيها عيني الي نزلت دمعه منها
عقد حاجبة مستغرب حالتي نزل ايدي من وجهي وكال
– ليش تبجين!!
بلعت ريكي وهمست بصوت يرجف ومستهضم
– من من جنت يمك مو انتَ انتَ تلزمني؟ اني چنت جنت
ما احاجيك اسكت و و مرات يعني اكيف من تلزمني يعني ما امنعك
وهو حرام ومرات هم تلزمني وتحضني واني ما ابعدك
يعني رب رب العالمين يعاقبني لان اسوي هيج وهو حرام.
عض شفته بقهر يهز راسة بـ لا ويباوعلي بنظره مقهور من نفسه
– لا لا شلال لا، الصوج مو منچ اني چنت الزمج ولحد الآن اني
وانتِ ما تقبلين وترفضين بس اني الچنت الزمج
هذا ماله شغل بعقاب رب العالمين، رب العالمين عادل لا تفكرين
كل هذا عقاب، هذا امتحان شلال رب العالمين يختبر صبرج وإيمانج، شوفني اني!
رغم كلشي سويته وكلشي صار بية، اعترفت هاي عداله إللهيه صح ساعدت هواي ناس من اتعاونت ويا المكافحه
بس بنفس الوقت بهاي ايدي چنت اجيب الجهال للعُثمان حتى ياخذ اعضائهم، العدل هو مثل ما اذيت ناس هواي وحرمت اباء وامهات من اطفالهم اني ضگت اللوعه وانحرمت من بنتي، نــهروان كل ساقً سَيُسقىْ بِيما سقا.
اباوعله وهو يحجي ومن وصل كلمة انحرمت من بنتي
اختنك صوته، غمضت عيوني مخنوگه وماعرف اجاوبة بعد، بلل شفته وجر حسره وكال
– اعترف هواي أذيتج، ومكانج هنا هو اكبر دليل، شلال
صدگيني لو جان اكوا غير حيل جان ساعدتج وما خليتهم
ياخذون الكله من عندج، بس صدگيني خيروني بين اصعب خيارين
رادوا يكتلون بنتي قمر لان منعتهم من عندج گتلهم هاي
تخصني البنية هاي الي!! بس همه جانوا رافضين
هددني
العُثمان تهديد غير مباشر، گال اذا ما اخذنه كليتها عود ناخذ كلية طفلة تكون اغلى وانشط، هنا اني
ما جنت
اعزج لدرجة افضلج على بنتي، وافقت، حضروج للعملية
وجانت الخطه ياخذون الرحم وقطعه من الكبد
رفضت رفض قاطع
لان اعرف راح تدمر حياتج هيج، خليتهم ياخذون الكلة بس.
كالها وتنهد ودنك راسة مايحط عينه بعيني، رفعت ايدي
ترجف بسبب الكانونه اريد الزم ايده، لزمتها وغمضت عيوني
– تُـــراث لا تجبرني اسوي هيج لا تخليني الزمك اني، ارفع راسك اريد احاجيك.
ضل مدنك راسة وحاط ايده على عيونه، شهكت اجر نفس واحاجي
– تُـــراث، بس باوعلي عفية ماكدر احجي هواي مابية حيل باوعليي.
وخر ايده حط عينه بعيني عيونه حمر ورموشة منگعات
ومتجمعات كلهن بسبب الدموع، عضيت شفتي الفوك اهز راسي بـ لا
– لا تسوي هيج كدامي تُـــراث، اني كل الفتره العشت بيها يمك
اشوفك السبع وبس، وراح تضل السبع دائمًا اختنگ من اشوفك مقهور ومسكور.
– محد كاسرني غيرج شلال، اريدج يمي اريددج بحضني.
نزلت عيني من عينه ابلع ريكي وهو مد ايده رفع راسي
– باوعيلي شو.
بلعت ريكي خجلانه من طريقة كلامه واتجنب احط عيني بعينه
– شلال، تعبت واني كل لمسه المسج بيها اشوف نظرات القهر بعيونج
تعبت رايدج يمي، رايدج بالحلال نــهروان.
احس كلبي يريد يطلع من مكانه من كد ما يدك سريع
بلعت ريكي ودنكت راسي اتنفس بسرعه، ابتسم تك وكال
– جهاز القلب راح يكشفج.
رفعت راسي بسرعه اباوع فوك راسي، شفت الجهاز مال ضغط
يقيس النبض، اباوعله الخطوط والارقام تتحرك بسرعه
مديت ايدي ردت اوخرهن من اصابيعي ما خلاني لزم ايدي يضحك
– عوفيهن شبيج.
اتلفت بالغرفه واحس وجهي مبوخ من الخجل
– شسمه اختنكت، وين بــارون شلون عايفك يمي؟؟
– ماعرف وينه، بس هاي صديقتج ساعدتني اطب
دلتني بالغرفه ومبينه هي لهته عني شوية.
استغربت ياصديقة هاي؟
– غيد؟؟
– اي، خوش بنية حبابة اول ما فتت تكلي اهدئ مابيها شيي اهدئ.
ضحكت وهزيت راسي
– اي غيد ونعم الاخت والصديقة، على فكره هي صديقتي
من الطفولة وهسه صارت خطيبة بــارون.
– اهاا، يعني ابو عيون الزرگ راح يتزوج هاي؟
– ايي، بعدين اسمه بــارون مو ابو عيون الزرگ.
– اي بــارون.
كالها ورفع تك حاجب
ابتسمت ودرت وجهي وهو راد يحجي انفتح الباب بسرعه
دخل سيف باوعلي بسرعه ابتسم راد يحجي وصارت عينه على تُـــراث
باوعله بسرعه وصار يأشر ويحجي
– اطللع بسررعه عموو راح يصعدد امشيي.
رفع حواجبة تُـــراث وتجتف
– خل يصعد هلا بي.
نــهروان – يعني بــارون مايدرري بيك يمي بالغرفه؟؟؟
رفع تك حاجب وهز راسة
– چـؤؤ.
– ياااا.
سيف – كووم بسرعه ترى عموو راح يصعد والله يتعارك وياك هناا.
– خل يتعارك.
نــهروان – لاا لاا تُـــراث كووم اطلع بسررعه حباب والله تصير
مشكله هنا واني ماكدر اكوم انجلط بمكاني حتى ما اتعبكم
لان بعدنه بالمستشفى.
– لا لا اسم الله عليچ شلالي.
– دكووم تُـــراث رووح بس اصير زينه ونرجع للبيت نحجي روح حبااب.
هز راسة وكام عدل ملابس ومشى وصل الباب غمزلي
ابتسمت ودرت وجهي منه فتح الباب وطلع، سد سيف
الباب ورا واجه يركض عليّ، ابتسمتله وهو دنك يبوس بية روحه رايحه ويريد يبجي
– خفت عليج والله.
– حبيبي مابية شي، للحمدلله صرت احسن.
ابتعد من انفتحت الباب، دخلوا بــارون ورا غيد تتلفت بالغرفه
من شافتها فارغه جرت نفس وباوعتلي مبتسمه
دخل بــارون
اجه لجهتي يمشي بسرعه وصل يمي دنك حضني حيل
ويبوس براسي وجر ايدي يبوس بيها
– اووف بنيتي رووان، يروحي ياضوة عيوني ياعمري انتِ.
ابتسمت ضامه روحي بحضنه
– بــارونتي، مابية شي والله احس روحي زينه لا تخاف.
– ان شاء الله دووم زينه بأذن الله واهل البيت تصيرين زينه.
ابتسمت وباوعت على غيد، باوع عليها هو ومدلها ايده وكال
– ردنه نجيج من زمان بس غيد تخربطت، اختنكت من
الطابق هذا ورادت تتقيئ نزلتها جوة شوية وصعدتها.
ابتسمتلها وهي غمزت تضحك، دنكت باستني
– الحمدلله على السلامتج حبيبتي.
– الله يسلمج، احسن اخت بالعالم.
ضحكت خجلانه وبــارون يباوعلنه مبتسم
صفن شوية والتفت باوعلي بنظرة لوم
– روان، تدرين الدكتور شكلي؟
– شكو شگال؟
– يكول جايين متأخرين، يعني معقولة ما حست بأي اعراض؟
– شنو من اعراض؟
– الفشل الكلوي، اله اعراضة، تحسيت بالتعب بالخمول
بألم بالطن بالخدر بالجسم، معقولة كل هذني ماحسيتي بيهن؟
روان ادري بيج كل هذني بس ما تگولين، تردين تموتيني انتِ؟؟
گولي اذا تدرين اسهل عليج المهمه والله!!
عضيت شفتي ودنكت راسي
– لا مو هيج، بس احس عادي يعني مو شغلات مهمه حتى اكولهن الك.!
– موو مهمه؟؟؟ رواان چنتيي اذا انكسرر اظفرج تجين تشكيلي
حتى اواسيج واحطلج ثوم حتى يرجع يطولل هسه بيج كلل هذذني وتكليليي مو مهمه؟؟؟؟
خبلينيييي بعددد فووك ماا انيي متخبلللل.
لزمت ايده اهدي واحجي
– بــارون بس اسمعني، مو هيج والله، شوف اني عشت
شغلات اصعب من هذني شعر راسي وكف من شفتهن
وانضربت و.. هواي شغلات صارت ماريد اتذكرهن
بسبب
هذني الشغلات القوية العشتهن، صرت اشوف كلشي تافه
ومو مهم، شفت شي اقوه منهن، اني مو نــهروان
القديمة بــارون.
سكت يباوعلي دنك راسة يعصر بايده ساكت، اجت غيد
رادت تكسر الصمت الي صار من بعد حديثنه كالت
– بــارون، ما گالك الدكتور شوكت نطلعها؟
هز راسة وهو مدنك
– كال بس تصحه وتستقر حالتها طلعوها.
كالت غيد بضحكه
– هاا عيني نطلعج؟ استقرت حالتج؟
ابتسمت وهزيت راسي
– اي اريد اطلع.
هز راسة وكام، طلع بــارون وسيف طلع ورا، كعدت غيد بمكان بــارون تضحك
– شحجيتوا؟
ابتسمت بخجل وباوعت على الباب ورجعت باوعتلها وهزيت راسي
– ماحجينه شي.
– امم امممم ما حجيتوا لعد ليش هيجي وجهج احمر والابتسامه شاگه الحلك هاا؟
ضحكت وضربتها على اديها
– انجبيي غيدد.
كام تضحك وتقلد عليّ تريد تعرف شحجينه واني ساكته ولا كلتلها
رجع بــارون هو والدكتور، والدكتور ضل يحجي وديري بالج
على نفسج وصحتج واهتمي باكلج وشربج واني بس اهز راسي
من كمل كلامه، كومني بــارون يعدل بحجابي نزلني
من السديه
سندني وطلعنه من الغرفه، نزلنه جوة وطلعنه من المستشفى
صعدنه بالسيارة مال صديق بـــارون، هو اجه اخذنه
سلم عليّ وتحمدلي بالسلامه، ابتسمت من كال
– اني راح اشتغل اسعاف خاص بس الج، شجاج خالي يوميه متخربطة شدي روحج شوية.
بـــارون – عمي فدوة الها كلشي بس خل تصير زينه.
ابتسمت وضليت ساكته، وصلنه للبيت نزلنه وساعدتني غيد
نزلنه وطبينه للبيت ضل بـــارون يحاجي صديقة بالباب
واحنه طبينه، كعدتني غيد على القنفة وكامت تساعدني
انزع الشال والصاية، نزعتهن الي وحطتهن بالغرفه ورجعت يمنه
طب بـــارون من برة كعد على القنفة بصفي وجرني باس راسي
– شتحسين حبيبتي؟
– الحمدلله احسن.
هز راسة وكام جاب العلاج وكام يطلع بي ويحط كدامي
يعلمني عليّ حتى من هو ماموجود اني اخذهن وحدي
– بس عندج ابر بالمغذي هذني يومية باليل وحده.
هزيت
راسي بـ اي وهو طلعهن على صفحه، طلع الابر الي لازم
اخذهن هسه بدون مغذي
– هذني تعشي وكملي واضربلچياهن.
كامت غيد تحمزت وكالت
– خوش رايحه اسوي العشه حتى تتعشون وتنطيها العلاج.
راحت للمطبخ تسوي الاكل وبـــارون راح وراها
ابتسمت وباوعت على سيف
– وين تلفوني سيف؟
– هذا.
طلعه من جيبة وانطانيا، اخذته من عنده صورت الكانونه
ونشرتها ستوري على الواتساب وكتبت جواها
– الحمدلله على كل حال.
انطيته لسيف يحطه على الشحن ومددت على القنفة
اجوا بـــارون وغيد شايلين الاكل حطت الصينيه بالكاع
وبـــارون شايل المي والكلاصات، ردت انزل يمهم
كالت غيد
– ضلي بمكانج اني اسويلج لفات لا تنزلين.
شمرتلها بوسة ورجعت لمكاني
كعدت هي مسوية كباب عروگ وطاطه حمس وزلاطه
كامت تسويلي لفات هي وبـــارون وتنطيني اكلت لحد ما شبعت
عافهم بـــارون ياكلون واجه يمي ضربني الابره بالكانونه
كمت اكمز احس العلاج يحرك جسمي متت منه بس مابينت
لـ بـــارون ادري بي راح ينقهر بالزايد، خلصت الابره
وانطاني
باقي العلاج، كتله اريد انام اخذت تلفوني ومشيت للغرفه
مددت بالغرفه على الجرباية وصدك غفيت من التعب وعلى اثر العلاج..
” مـريـم ”
من طلعت غيد وتأخرت عرفنه صاير شي وتأكدنه من اتصلنه عليها
شتتحمل بعد نـــهروان، حيل مقهورة عليها اني وماما
وفوك هذا كله من ماما خابرت امها وكالت الها تريدها تجيها
رجلها ما خلاها لان ابنه مريض مايريدها تجي لـ نـــهروان
ضجت وانقهرت عليها الدنيا تكفخ بيها منين ما تندار
لليل ضلينه منتظرين غيد، لحد ما اجت تعبانه تلگيناها
اني وماما، كعدت تسولف النه عليها شصار وياها وشطلع بيها
وماما تدعي الها وترجع ليورة، كلنه دعينه الها صراحه
ما تستاهل هيج يصير بيها
بعدنه كاعدين بالهول ودك تلفوني، عرفته مصطفى
فتحت خط سلم وكال
– اكلج شبيها شمشون؟ شو ناشرة ستوري مال كانونه
راسلتها ما ردت وهُـمام كلساع داگ عليّ يكلي راسل البنات شوفها شبيها.
– تخربطت خطية، وطلع عدها فشل كلوي وسوولها غسل كله
بس هسه احسن انطوها علاج وتكول غيد نايمة.
– خررب، منين اجتها هاي انوب؟
– اي خطيةة رايده غيد تضل يمها بس ماقبل بــارون
يكلها اني يمها لا تخافين عليها بس مبينه تعبانه مصطفى وجها دائمًا اصفر وضعفانه وعيونها طابات بنكره ومبينه ذيج وينها مريضة.
مصطفى – چـؤؤ شلون سالفه هاي، خاف عايزه هيّ يعني، هذا هُـمام بس اگله
يبجي هو من جهه خايف عليها ومنا يدري بيها هيج يجر موال يم راسي.
– لا تكله هيج، گله عدها فقر دم هبوط شي لا تخوفة ويروح لبيتهم انوب تگب بيه وبين بــارون.
– هي بس هاي العايزة حتى تكمل وياهم.
كمت امشي للغرفه واحجي ويا
– وين انتَ هسه؟
– طالع ليش؟
– هاا، وين طالع؟
– بيت عمي، جانوا يمنه وطلعت وصلتهم لبيتهم.
– اممم، بيت عمك مو هذولة العدهم بنية شگره سافره؟
– اي حبيبي، همه بس هذولة بيت عمي ما عندي عمام هواي اني.
– تمام حبيبي تمام الله وياك.
– هاا مرريم هااا سالمين؟
مـريـم – شنوو سالمين مصطفى انيي من حچيتلي السالفه لسه
اني گلبي ماا مرتااح ليش تعاند وياي؟
– يا حبيبي يا روحـي انتِ، گتلج السالفه قديمه حيل
ولو ما انتِ تصيرين احچيلج اني ما احچي ولا اگلج.
– شنوو قديمه يعني اعرف خطيبي ماخذ البنية الي جانت تحبه
ومن هي صغيره معترفتله وفوگاها هي سافره وشگره
وحلوة وتفتر گدامك تريد تقنعني ما حجت وياك ولا لفتت انتباهك؟؟
مصطفى – مريم، اني لو اريدها اخذها من زمان بس گلبي
ما رف لغيرج ولا حب غيرج يا عيوني انتِ، بعدين ياحلو
شهل غيره هاي؟ حتى غيرتك حلو؟ اروح فدووة.
عضيت شفتي خجلانه وهمست
– مصطفى مو هيج، بس يعني هي حلوة وتحبك الرجال شيريد اكثر من هيج؟
– خااب منيلهاا حلوة؟ ترى يمج صفرر هي لا تشوفين
شعراتها صفر يعني حلوة، اني كلشي يعجبني بالبنية موجود بيج ومكتفي بيج وهاهي
انتِ بعيني احلى بنية مرايم.
ابتسمت وغطيت وجهي خجلانه، اعرف مصطفى يحبني
ومستحيل يباوع لغيري لا بنت عمه ولا اي وحده
بس
احب من يحجي هيج، ضليت ساكته وهو كال
– رومه حبيبي.
– هاا؟
– تدرين ششتريت اليوم؟
– ششتريت؟
– اشتريت بطانية حمره.
غطيت وجهي اضحك وهو يضحك ويكلي
– والله اشتريتها، حتى مابيها كتابة احبك بس حمره
عجبتني
گلت اله اشتريها واضمها من نتزوج اني ومريم اغطيها بيها
وانيمها بحضني نسوي الما سووا جوجو وريحانه.
ضليت مغمضه عيوني وحاطه ايدي على وجهي خجلانه من كلامه بنهاية الجملة ضحكت
– جوجو وريحانه مؤدبين عيني.
– واحنه هم.
ضلينه نسولف ومندمجين هو كال
– لك خرب، رومه هذا هُـمام يدگ عليّ اشوفه وارجع اتصل عليج.
– تمام حبيبي، سلملي عليّ.
– الله يسلمج.
سد الخط وراح، ضميت وجهي بالمخده احس شي يكمز
بطني، من احجي ويا انسى نفسي وانسه كلشي وافرح
واعرف نفسي اختاريت الشخص الصح..
” نــهروان ”
نايمة، وفزيت على فتحة الباب كمت بسرعه شفته بــارون
فتح الباب ودخل مبتسم، شغل الضوة واجه يمشي بجهتي
– ها نـهري شلون صرتي؟
– الحمدلله احسن.
– وقت الأبره احطها الج وانتِ نامي ما تحسين بيها.
هزيت راسي وضليت مدده بمكاني، علك المغذي هو
وخبط
الابره وضربها بالمغذي وحطها بالكانونه، عضيت شفتي
بألم اباوعلها من باوعلي بــارون ابتسمتله وهزيت راسي
– ما توجع.
– الحمدلله، تمددي وارتاحي هسه تخلص هاي صغيره واذا نعستي نامي اني كاعد واشيلها الج.
هزيت راسي بـ اي وهو كام طلع
اخذت تلفوني ودخلت على الستوري شفته كلهم شايفيتها وكلمن دازله رساله شكل
عبود – خيرج شمشون شصاير؟
نسرين – ياا شبيج نونه؟
نـدى – هاا شكوو شبيج؟
مصطفى – روحي شمشون دگ ستوريات.
هُـمام – رواان شبيجج؟ شكوو شصاير؟؟ اجيج؟؟
وينچ؟ رددي رواان.. شصاير وياج؟
جـواد – مابيج غير العافية شمشون كولي غيرها عيني.
ابتسمت ورديت عليهم واحد واحد وعلى بنات من الشله هم رديت عليهم كلهم، دخلت على رسالة هُـمام اخر شي گتله
– لا تخاف مابية شي مجرد تعب شوية والحمدلله هسه احسن.
مارد، اعتقد نايم لان الوقت متأخر بالـ12 ونص
شفت رساله من تُـــراث كاتب بيها
– بية ولا بيج يابعد روحي شلالي، الأذية البيج توجع روحـي.
ابتسمت وضليت اعيد الرساله اكثر من مره، توني
بديت اكتب اريد ارد عليّ دز رساله
– عليمن صافنه ما تگليلي؟
فتحت عيوني اضحك وكتله
– خرعتني، هههههعع ماكدر اكتب مو ايدي بيها المغذي.
شافها وما رد، خرجت من الواتساب، اتصل انطيته رفض بسرعه
خاف يفوت بــارون ويشوفني احجي ويا بهيج وقت
ويزعل، صح مراح يسوي شي وياي بس ماريد ازعله مني
دز رساله كاتب
– ليش رفضتي؟
– بــارون كاعد، يريد يجي يشيل المغذي ماريده يضوج مني اذا عرف احاجيك بهيج وقت.
– يا وقت يعوده ترى بعد وكت؟
– بالـ12 ونص!!
– اي لعد؟ ترى مرات للصبح اضل كاعد وين العجبة بالموضوع؟
– احنه نام من وكت، بعدين شعندك للصبح كاعد عيني؟
– افكر.
– بيمن؟
– بيج، افكر شوكت اخلص واكدر اجيبج يمي، تعبت حيل
واريدج يمي اليوم قبل بـاجر والله.
ضليت اباوع عليها ما جاوبتها، دخل بــارون اجه شافه مخلص
شاله الي وسد الكانونه وكال
– جوعانه؟ تردين شي؟
– لا حبيبي، روح نام تعبت انتَ.
دنگ باس راسي حيل وحضن وجهي مبتسم بتعب
– فداج التعب كله ياروحـي انتِ.
ابتسمت وهو باس خدودي ثنينهم وابتعد
– يله نامي وارتاحي.
نزلت روحي على المخده وهو غطاني وطفه الضوه وطلع
مددت مغمضه عيوني وحاطه راسي على المخده اغفي
ضليت هيج لحد ما نمت، كعدت الصبح على صوت بــارون
– روان، حبيبتي صح النوم اگعدي يله حتى تاكلين وراج علاج.
كعدت افرك بعيوني واباوعله صافنه
– بعدني نعسانه بــارون حباب.
– كومي يله حبيبي يله عود الظهر تغدي ونامي.
كمت نزلت من الجرباية باوعت على الكانونه وكلت بضوجه
– اهوو بــارون الكانونه أوتت!!
جر ايدي يباوعلها عقد حاجبة بوجع
– ايي، شوف شلون صايرة زرگه خل اشيلها.
جر كلنس من الميز وشال الكانونه، حط الاكلنس عليها
لزمتها وكمت اغسل من الدم الطلع، كال
– خليها اكلي وبعدين اخذج اشدلج غيرها.
هزيت راسي وكعدت بالهول سيف نايم، گعدت يمه
– اكعدد سيف، خااب گـوم صاير تنبلل مال نووم شسالفه
اختك مريضة تعوفها وتضل نايم كووم ولك.
كعد يباوعلي بتك عين، شال راسه وحطه على رجلي
ابتسمت وكمت انثر بشعره واضحك
– يله كووم ولك كووم.
كام يفرك بعيونه وكام يغسل، راح بجهة المطبخ
واني
كمت ما اريد اضل كاعده عزلت الهول اصلا هو نظيف
نظفته غيد وراحت بس فراش سيف بالهول، لميته
ورجعت
اجه سيف كعد على القنفة مغسل وجهه ينگط مي
– شبيها ايدج؟
باوعت على ايدي الدم طالع منها شوية ويابس
– شلت الكانونه أوتت.
عقج وجهه بألم وكال
– توجعج؟
– لا زينه ما توجع.
اجه بــارون شايل صينية ومبتسم
– يله تعالوا اليوگ اليوم صحي علمود روااني.
ابتسمت فرحانه
ونزلت كعدت بالگاع، نزل الصينية حطها كدامي وكعدوا هو وسيف
باوعت على الصينية مبتسمه، حاط عصير برتقال وبيض سلگ
ومثرم طماطه وليمون على صفحه وعلى جهه مسوي
زلاطه مال خيار وحاط ماعون بي شرائح دجاج
نــهروان – هذا الدجاج هم صحي؟
– طبعًا، هذا شويته بدون دهون وقطعته الج بس اعصر عليّ ليمون ويصير يلوگ لهذا الحلگ.
ضحكت مكيفة بي وكعدت بصفه، عقد حاجبة سيف عود ضايج
– هاي شنو لعد اني من صخنت وتمرضت ما سويتلي هيج.
– خاب هاي رواني يابة تجيب روحك عليها.
– بسيطه اله اتمرض وشوفوا شسوي اذا ما اهتميتوا بية هيج.
ضحكت اعيب عليّ وبـارون يغور بي يسويلي لفات ويوكلني ويشربني عصير برتقال كل شوية
من كملت جاب علاگتي مال العلاج وانطاني علاجي كله
اخذتهن وضلت بس الابره لازم وحده بالكانونه والثانية باليل بالمغذي
كمت ويا لبست وطلعت اخذني للمضمد شدلي كانونه جديده
رجعنه للبيت نزلنه وطبينه للبيت لكينه سيف شايل الصينية وغاسل الماعين كلهن
خلانه صافنين اني وبـــارون، ومسوي روحه ثگيل حاط كتبه وكاعد يقره ولا رفع راسه
ضحكت وكعدت، جاب بــارون علاگه العلاج طلع الابره
سحبها وخبطها وشكلها بالكانونه وصار يدفع العلاج شوية شوية ويمسح على ايدي ويباوعلي
– ها توجعج؟
– لا لا كمل.
دنك يضرب بالابره وبس كملها وخرها وسد الكانونه ورفع ايدي باسها
ابتسمتله فرحانه بتصرفاته وهو شايل هم الدنيا كلها على چتافه
حاولت ابين اله مابية شي بس مو بيدي ولا بيده القهر
مبين علينه، للظهر واحنه كاعدين سيف يقره لان يداوم
واني هاي السنه الثانية راحت عليّ هيج بالخالي بلاش
واني كلشي ما مفتهمه منها
شوية وكام بــارون راح للشغل طلع وهو يوصي بية وبـ سيف
ضليت مدمدده بمكاني وتلفوني بايدي محد مراسل
غير الشله
رادين على الرساله يتحمدولي بالسلامه وضليت اسولف وياهم
استغربت شعجب تُـــراث لا راسل ولا سأل عليّ معقولة
ما مهتم؟ مايدري بية مريضة وتعبانه؟ ضليت ضايجه
واليوم كله انتظر منه رساله ابد ما راسل ولا دز شي
عفته واني هم غلست ما راسلته، لليل رجع بــارون من بره متأخر
مشتريلي علاگه حلويات، اخذتهن منه مبتسمه وانطه علاگه سيف، باوعلي وكال
– يله كومي حتى انطيج علاجج.
هزيت راسي وكمت ويا للغرفه، مددت على الجرباية
شدلي المغذي وانطاني العلاكه بصفي وكال
– هاج، باوعلي واكلي بس لا تكثرين حليوات وباوعي فلم شي هسه تلكينه مخلص ما تحسين بي.
هزيت راسي بـ اي وهو دنك باسني وطلع من الغرفه
ابتسمت وشغلت كارتون اباوع واكل حليوات وصدك ما حسيت بي من خلص
سديته وشلته من الكانونه ورجعت تمددت، طب بــارون
للغرفه شافني شايلته حاجاني وتطمن عليّ وطلع ابتسمت فرحانه بأهتمامه بية
ضليت شوية اباوع بالتلفون لحد ما غفيت
مرن كم يوم عاديات نفس الروتين وعلى اهتمام بــارون بية
تحسنت حالتي وصرت احسن بهواي الحمدلله
بس تُـــراث
مابين ابد لا راسل لا هو ولا بـــراء، انقهرت حيلل وضجت
لان طول هاي الفتره الي هو ناسيني بيها وانسي اني شبية وبشنو مريت
هُـمام يوميه يدز رساله يسأل عليّ ويراسلني ويسال شبية وشلون صرت وهو لابسني!!
واني لا راسلته ولا خابرت ابد المفروض منو اليسأل؟
مستحيل اراسله بعد، شمرت تلفوني على صفحه
وطلعت بالهول
صرت زينه وحركتي احسن من قبل، جنت امشي بخمول
هسه زين اكدر اتحرك وانظف واسوي اكل وردت ارجع
للكلية بـس ما ترهم بعد لان فاتتني هواي دروس
كاعده العصر بالهول وسيف يدرس كدامي عنده امتحان شهري
واني كاعده على القنفة وصافنه، دخل بــارون من بره
سلم وراح يسبح، شوية وطلع مبدل نشف شعره وكعد بصفي
باوعلي عاقد حاجبة عرف ضايجه من شي بس ما سألني
جرني لحضنه باسني وكال بضحكه
– نلعب بلي ماطول سيف مايلعب بي؟
باوعله سيف وجتف اديه ما راضي
– هاي شنو عمو، تلعبون كدامي تقهرون بية؟
ضحك بــارون يكله
– والله هذا الموجود ما تريد روح طب بالغرفه اقره.
ضحكت وكمنه نزلنه بالكاع وكعدنه كدام البلي
شغله ودخل على لعبة بوكسنگ وهو اعرفه يخسر بروحه علمودي
واني ام عقلين فرحانه واضحك الفطيرة لان دا افوز عليّ
اندگ الباب قوي طفرنه بسرعه وبـــارون گالي
– طفي البلي خل اشوف منو، سيف شيل كتبك بسرعه.
طفيت البيت بسرعه ورجعته بمكانه وسيف شال كتبه وركض طببهن للغرفه
طلع بــارون يلبس نعاله ويصيح
– اجيتت اجيتتت.
طلعت ورا ماده راسي من الباب مستغربة منو اجانه هسه؟
ضليت واكفه اباوع، فتح بــارون الباب وصفن يباوع مستغرب
اجاني فضول اعرف منو اجه! مديت راسي تقربت اكثر
وانصدمت من شفت تُـــراث واگف بالباب هو وبـــراء الي شايله بنتها واگفه وبـــرهــوم لازم عزيز من ايده
واگفين كلهم بالباب، باوعلهم بــارون مستغرب وكال
– تُـــراث؟؟
ابتسم تُـــراث يهز راسة بـ اي وكاله
– اجيناكم خطابة ابو عيون الزرگ.
يتبع..
الفصل التالي اضغط هنا
يتبع.. (رواية تراث النهروان) اضغط على اسم الرواية لتجد الفهرس كاملاً بجميع الفصول.