رواية أحفاد الشيخ علي – الفصل الأول والأربعون
مو بيدي احبك والكلب يهواك
ولا بيدي أعوفك والضروف أقوه
انت ويا النفس ما اكدر انساك
وإذا انساك احس بروحي ما تسوه
أريدك تحجي اي كلمه اريد اسمع
الف موضوع منك اريد كلشي
و ممنوع اريد اصفن عليك أسبوع
________________§§§______________________________________________
نور::
كعدت على صوت ماما ايلين واحس بيها شيل البطانيه من فوكاي
ايلين::نور نور كومي بنيتي مبقه وكت
نور::بس شويه تعبانه
ايلين::يمه مو عمليتج مبقه وكت شنو ما نايمه بليل
نور::لا مكدرت انام
ايلين::ليش يمه؟
نور بقيت افكر وخايفه
ايلين::يمه سوده عليه
نور::تراث راح يجي للمستشفى؟
ايلين::مادري والله بس اكيد يجي
نور::ها
ايلين::يله يله كومي تا اجيبلج ريوك تتريكين ونطلع
نور::بيش ساعه؟
ايلين ::بل 7 ونص
نور::مو العمليه بل 9
ايلين::اي بس كال دكتور الساعه بل 9 ونص انتو بالمستشفى
نور ::ها
ايلين::اي يمه يله كومي
مدتلي ايدها وكمشتها وساعدتني اكوم لان مكدر اكوم اله احد يساعدني من وره ايدي من كومتني وهيه راحت شويه ورجعت وجايبه وياها صينيه ريوك الي حطتهن على فراشي كلاص حليب وجبنه وبيض
نور::ما مشتهيه
ايلين::يا يمه لازم تاكلين
نور::اوفف
ايلين ::سوده عليه يله تا ابدلج وتغسلين
نور::اي
كعدت الف لفه بيد وحده واكلها وبعدين اشرب حليب لان ايدي ثانيه مجبسه واني تفكيري تراث راح يجي اكيد راح يجي مستحيل يعوفني ميه بالميه يجي كملت اكل واني على تفكيري واجتي ماما ايلين شالت صينيه واني كمت وحد تمشيت بالغرفه لان كمت اكدر امشي وحدي وحاطه ايدي جوه ايدي ثانيه لان ثكيله من وره الجبس فتريت شويه بالغرفه والما وصلت الباب فتحته وطلعت للمطبخ فتت وشوف ماما ايلين تغسل المواعين
نور::يمه
وهيه من سمعت صوتي كبل اندارت عليه
ايلين::هلا يبعد امج هلا تعالي يمه تعالي عفيه ببنيتي عفيه الف الحمد الله تعاي يمه اغسلج وجهج تا اساعدج تبدلين
جيت عليها وكفت يمه السنك يمها وهيه فتحت مي بارد وحار الما صار دافي واخذت بيدها وغسلت وجهي سدت المي وراحت جيبلي خاولي شويه ورجعت مسحت وجهي واني امشي وهيه تمشي وراي الما وصلت الغرفه وطلعتلي ملابس وساعدتني انزع ملابسي والبس الملابس الي طلعتهن
ايلين::يمه هسه اكعد هنا الما يجي ابوج ونطلع
نور::تمام
كعدت اني على جربايه وهيه كربت صوبه عليه تا ما ابرد وطلعت من الغرفه وسدت الباب واني وخرت مخدتي واخذت مبايلي وفتحت انستا وشفت تراث ناشر ستوري داخلت للستوري وناشر شعر
لو صـابر انـت علي صـدكني اعوضـك عـمر
بس انـت هيجي رحـت مافكرت تنتضر
كتلك حياتي الــك وشيصـير مابـدلك
والجــرح بيـه بقه لو بيـك ماعفته جـائز
اكـون السببب وجـائز تكون انـت بـس
هيه رحلت عمـر وكلـشي انتهـى
بوكتـــه
مادري ليش حسيت مثل المسمار الي طب بكلبي وباوعت اندك الباب وفاتت عمه مروه وياها ابوي وضحكته تارسه وجهه عفت الجهاز وهوه اجه عليه
وليد::ها وليدي شونج اليوم مرتاحه؟
نور::خايفه
وليد::هاي اخر شي وترتاحتين ان شاء الله
نور::ان شاء الله
وليد::لا تخافين ما تحسين بشي ان شاء الله
نور::ان شاء الله
وليد::يله كومي اساعدج
مدلي ايده وكمشتها وكمت من كمت هد ايدي عمود امشي وحدي مشيت وهوه يمشي وراي وماما ايلين جابت حجاب الي وجرجف خفيف لفتني بيه حتى ما ابرد ولبستني الحجاب وطلعتنه فتحلي ابوي باب السياره وصعدت وحدي وهوه صعد وماما ايلين صعدت ليوره وشغل السياره وتجهنه للمستشفى ما طولنه وصلنه نزل ابوي وفتحلي باب السياره ونزلت ماما ايلين فتنه المستشفى واني خايفه وبالي تراث اشوفه ماكو احد بالمستشفى فارغه لان مستشفى صغيره بس للعمليات واهليه بس العامله موجود من فتنه هيه ستقبلتنه واخذتنه لغرفه نبقه بيها الما يجي دكتور فتنه اني وماما ايلين وابوي بقه بره ينتضر دكتور واني كعدت على جربايه ورفعت رجليه وتمددت ارتاح شويه لان تعبت
نور::تراث يجي
ايلين::مادري
نور::ما اعتقد يجي
ايلين::ان شاء الله يجي
وشويه وفات ابوي
وليد::دكتور اجه
وفاتت العامله ونطتني ملابس وطلعت هيه وابوي وساعدتني ماما ايلين البسهن واجت العامله اخذتني وكالت الابوي والماما ايلين يبقون هنا فتنه لغرفه العمليات وساعدتني اتمدد على الجربايه مالت العمليه واجه دكتور وياه كم ممرض
دكتور ::شونها المعنويات؟
نور::مو زينه
ضحك دكتور واني اباوع اله بخوف
دكتور::خايفه؟
نور::اي والله
دكتور::انتي تخوفينه كلنه وما تخافين
ضحكت عليه وهوه ضحك وحطلي البنج وكلشي وراها صار اسود
__________________
ساره::
حمزه ::ولج والله توبه توبه بعد ما اريد جهال ولا اخليج تدخلين مستشفى ولا تراجعين دكتوره ولج شني اني مخبل مجنون وربي توبه اخر مره خرا بجهال خليهم كلهم يحجون ما يهمني ولج ردتي تروحين من ايدي ولج غير اموت يولي اموت وراج والله اموت
هوه كاعد يمي ويبوس بيدي ويحضن بيه ويبوسني من راسي ويحجي واني اضحك عليه
ساره::رحت شفت ادم؟
حمزه::انعل ابو ادم لابو
ضحكت عليه وهوه ضحك ورد باسني من راسي
ساره::غير انته ابو
حمزه::اذا هيج جهال نعل عليهم يمه يمهه من وراه جان هسه اني ما شايفج بعد
ساره::غير ابنك
حمزه::خيولي
ساره::ههه شني خيولي
باسني من خدي وضحك
حمزه::اشاقه وياج قبل ما اجي عليج جنت يمه شفت وزين الحمد الله
ساره::شيخلصهن هل شهرين واشوفه ورتاح وشمه وبوسه واخذه بحضني طاكه روحي عليه وعلى شوفته
حمزه ::يخلصن وداعتج يخلصن
ساره::ان شاء الله
مروه::يا يمه عوفها خليها ترتاح وهذا كملت الها اكلها تا تاكل
كام حمزه من يمي وراح على عمه مروه وباسها من راسها وكمش اديها رفعهن لشفته وباسهن
حمزه::بشنو اجازيج؟
مروه::يمه شبيك وليدي شهل حجي
حمزه::لو امي عايشه مجانت سوت الي انتي سويتي كبرتيني وربيتيني وبعدج شايله همي ودارين مرتي لو انطيج عمري هم ما اوفي حقج
عمه مروه نترسن عيونها دموع على حجي حمزه
مروه::يمه شهل حجي ولك اني ابد ما افكر هيج انته ابني حالك حال تراث وايسر وايمن وسمره انته وسجاد ولدي اعتبركم واني امك شون ما اشيل همك وداري مرتك وساره حالها حال سمره
حضنها ورد وخر عنها ومسح دموعها وباس راسها وكام يضحك وهيه عيونها دمع وهوه يمسح عيونها ويضحك عليها ويتحارش بيها ويدغدغها وهيه ضربته على ايده وضحكت عليه
مروه::ما تبطل سوالفك
وهوه يضحك عليها وهيه تضحك عليه
حمزه::هههه شعندي غيرج تا ابطلها
مروه::ربي يحفضك يارب وتبقه طول عمرك مرتاح وتضحك
حمزه::يمه الحنينه يمهه
ورد باسها من راسها واجه عليه باسني من خدي وراسي وخر عني
حمزه::يالله اني طالع للشغل
ساره::دير بالك على روحك
حمزه::انتي روحي شون ما ادير بالي عليها
__________________
سديم::
يامن::اول ما يطلع ابن حمزه من المستشفى اني وياج نسوي خطوبه وراها كبل عرس عمي كافي صبرنه هواي معد اتحمل
سديم::لا ماريد خطوبه على شني هل هوسه كبل عرس كافي تعبنه والله
يامن ::اني هم كلت هيج بس كلت يجوز انتي تردين خطوبه وهل سوالف
سديم::لا ماريد
يامن::لعد هاهيه حبيبي مثل ما تردين وحنطيج فلوس الي هوه مهرج جهزين بيه
ضحكت اله وهوه ضحكلي
سديم::ههه وين اكو هيج عرس وعقد كلها صارت بالبوكه
يامن::ههه شنسوي غير العكارب ما تعوفنه بحالنه فا كمنه نسوي كلشي بالبوكه بس والله لسوي عرس ما صار ابد على هل كل سنين الي نتضرناها
سديم::ان شاء الله يارب اوففف
يامن::هههه شبيج
سديم::مادري بس فرحانه حيل ما توقعت هل يوم يجي واصير مرتك
يامن::اي والله جنه منتضري ونعدله يوم يوم
سديم::اي والله
يامن::سديم سؤال؟
سديم::جواب حبيبي
يامن::بنفسج ترجعين تدرسين؟
سكتت ما حجيت شي وصفنت مادري ليش وحسيت بحسره جان هسه اني كليه ورايحه الاختصاص الي يعجبني ومحققه حلمي لو ما امي
يامن::تردين اقدملج سادس خارج؟
سديم::تحجي صدك والله؟؟
يامن::اي والله اريد تكملين دراسه ويصير عندج شهاده وراتب حتى ما تحتاجين احد حتى اني
سديم::يمه يمه حبيبي
وكمت من مكاني من الفرحه وحضنته قوي وهوه ضحك وحضني
يامن::شعندي غير فراشتي ام عيون خضر احبل اجيب
سديم::ههههه ما تكدر
ضحكلي وعيونه تنكط حب واردف
يامن::راح احجي ويه عمي حازم عمود العرس وابوي
سديم::تمام حبيبي
يامن::يروحلج فدوه حبيبج وعشيره حبيبج والي خلف حبيبج وعيون حبيبج وكل حبيبج
سديم:: كافي وربي استحي شني هاي شبيك
يامن::اروح فدوه للتستحي
__________________
سمره::
كعدت الصبح باوعت على الساعه بل 11 ونص باوعت عمر نايم بعد عفته ما كعدته لان تعبان واليوم اجازته كمت من مكاني واخذت شال لفيته وطلعت من الغرفه طلعت للمطبخ محد موجود غسلت وجهي وطلعت للاستقبال كاعده حور وعلي يتريكون واحد يحجي على ثاني
حور::لضل خبيث ايدك عنييي وخغغغ
علي::وخغغغ امم وخغغغ ما تعرف تحجي
حور::حسبي الللههه على الضالميننن حسبي اللله وخررر خلي اكللل
علي::ما تاكلين سم الهاري
حور::سم بطنك كون
علي::بكلبج
حور::لا والله بكلبك انته
وباوعت عليه حور وضحكت
حور ::هلا بعروستنهه هلا يمهه هلااا هلا عمي هلا
وعلي يضحك ويباوع عليه وهيه تغني وتكول هلا وهوه يدك اصبع واني متت ضحك عليهم فتت كعدت يمها وهيه اخذت خبر من علي وحطته كدامي
حور::اكلي عيني جنتنه اكلي ما تغحين بيت وحدج بعد ما شوفين هل دلال
سمره::ليش اروح بيت وحدي؟
علي::عمر يريد يطلع بيت وحده والله حقه منو يكدر يعيش ويه هل شكول
حور::تروح فدوه لهل شكول
سمره::اشو ما كالي اني وياه بس وحده ميحتاج بيت وحد نبقه هنا احسن عود من يصير عدنه جهال الله كريم
حور::مدغي والله احجي وياه بهل سالفه
علي ::هسه هوه نايم؟
سمره::اي بعده خطيه مبين عليه تعب وما كعته كلت خلي يشبع نوم احسن
حور::خطيه سوده عليه
علي::بعد ابجن والطمن ودكنها مناحه من الصبح واني محد يكلي خطيه وتعبان بس هوه كلها تركض وراه
حور::انته مطي من نوع غاقي ما ينخاف عليك
علي::يابه هاي طاوه راح اهبطج بيها اغير ملامح وجهج اخليها تتعدل
حور::يمهه يمهه خفتتت عمي عمي غاح ابجي لا عليك الله لا
علي::طبج مرض
حور::مغض بطنك كون
سمره ::هييي كافييييي كافيي عمي خلي ناكل شبيكم بقه شويه تتمالخون
واحد يباوع للثاني بنضرات كلها خبث وسكتو شويه وكامو ياكلون
حور::استغفغ الله
علي::دلفضها عدل راح تحتسب حرام علينه
حور::غبيي غبيي جاييي شوفففف
علي::اشش يله ازقنبي بلا حجي زايد
حور::استغفغ الله
علي::بعد نوب شويه ستغفري وتدخلين جنه
_________________
ساره::
سجاد::اني صارت بالي وحده وراح احجي ويه عمي حازم وخطبها
عراق::مني هيه
سجاد ::من اخطب تعرفون
ساره::مبينه ذيج هيه زهيره
سجاد::لججج لججج انتي مين تدرين
ساره::مبينه من نضراتك راح تاكل البنيه اكل
سجاد::لو ما انتي مريضه وراح تموتين ونايمه بالفراش وتفضحين ناس
ساره::اشش لكك اتبسزز
عراق::محد يزوج قبلي
سجاد ::ايمن
ايمن ::عيونه
سجاد ::جرله زيج قوي نفسه الي علمتك ياه
ايمن::مو تدللل
عراق ::انته زلمه جر زيج اله ادوس بطنك
سجاد::عمك بضهرك لا تخاف
عراق::اكسرك والله
سجاد ::انته زلمه لا جرله زيج اله اكسرك
أيمن::حسبي الله اني شعليهه
ساره::سجاد هاي بس لا ادم من يجي تعلمه هيج
سجاد ::ابن اخوي هذااا اربي خوش تربيه
ايسر::غسلت ايدي اني
سجاد ::اوفف وربي يصير خوش تربيه
ساره ::الله لا يقدر وتربي انته يمه شني يصير من ولد شوارع
عراق::لا تخافين اني اربي
ايسر ::الله ايمت يجي ونكوم نلعب بيه اشمره على ايمن وايمن يشمره عليه
ساره::يمهه ابني بله وكع
ايمن::الي ما يوكع ويتكسر ما يصير زلمه
سجاد ::وجه القندره يا زلمه طفل بعد ما صار عمره شهر
أيمن::الرجوله تجي وياه من هوه وبطن امه
عراق ::غير لو يستقر ابو رجوله
أيمن::تروحلي فدوه لك
عراق::سجاد
سجاد ::ها
عراق::كابلني عليه
ايمن::اشاقه وربي
وكام سجاد وعراق وكضبو ايمن يردون يكتلو خطيه ما يكدرون بس عليه وايسر اجه يركض يفزعله واني ميته ضحك عليهم
ايمن::ولكك عوفف رجلييي بعد ما احجييي
سجاد::لا اوكف دقيقه
ايمن::اخخخ ولكك يمههه صدك من كال ابوي ما يكدر بس على امي
واني ميته عليهم ضحك وسجاد لازمه من رجليه وعراق رافعه من اديه وايسر واكف ما يعرف منو يكضب وايمن يصيح بعمه مروه وهيه جتي تركض وبيدها جفجير
مروه::ولكمم البنيه مريضه وتعبانه وطالعه من مستشفى وانتو متمالخين ماريد اشوف نفر هنا
هيه جتي تركض عليهم تريد تكتلهم ورافعه جفجير عليهم وسجاد شمر رجلين ايمن وطلع يركض وعراق عافه وطلع يركض وره سجاد وايسر عافه وطلع وايمن كعد باوع عليه ومن الخوف حتى ما كام طلع يزحف ركض على ركبه واني متت ضحك عليه
___________________
نور::
كعدت ورفعت راسي شويه وشوف ابوي ودكتور وماما ايلين ومرجعيني لغرفه الي جنت بيها اول مره واني احس بوجع بيدي مو طبيعي باوعت مرجعين جبس عبالي من اسوي العمليه يشيل جبس هاهيه واني متت وجع
نور::اااخخ ايدي مموتني توجعني حيل اخخ
دكتور::الحمد الله العمليه سهله ولان انتو ناس طيبين ربي سهلها اكثر والوجع ليل يخف وكتبت الها مغذيات ومسكنات حتى ترتاح
وليد::شكرا دكتور ما قصرت
دكتور::وهسه ساعدوها عمود تكوم تمشي لازم تمشي
نور::ماكدر ماكدر ماريد ايدي أيدي موتتني
دكتور::لازم تمشين
نور::ماريد عوفني ماريد شعري يحكني شعري اخخ
دكتور::بابا لازم تمشين
نور::ماريد عوفني
احس بدوخه وتعب مو طبيعي بعده تأثير البنج عليه ما راح اكدر اوكف تا امشي بس دكتور لحح واني ما اقبل وكام سحلني من رجليه واني اصيح عليه وابوي يضحك وما عافني اله كومني وابوي لازمني من جهه وهوه من جهه وساعدوني امشي الما وصلت الباب ورجعت
نور::هاهيه تعبت
دكتور::هاهيه
وليدي::يصير نطلع مو
دكتور::اي تكدرون تطلعون
وليد::مشكور دكتور
طلع دكتور وابوي طلع وراه وماما ايلين جتي عليه ساعدتني اكوم وابدل ملابسي كملت وهيه كامشه ايدي وطلعنه من الغرفه وابوي ينتضرنه بره اجه عليه وساعدني امشي لان احس بدوخه طلعنه من المستشفى الما وصلنه السياره فتحلي الباب وساعدني اصعد
نور::تراث ما اجه
سكت ابوي وماما ايلين محد بيه حجه حرف وشويه اردفت ماما ايلين
ايلين::لا يمه ما اجه
من هيه كالت هيه اني سكتت ما حجيت شي وشويه وصلنه البيت وكلها كاعده تنتضرنه ساعدني عمر افوت وهوه كامش بيدي الما وصلن الغرفه وخر الجرجر عني وجتي سمره ساعدتني انجضع وتمدد
نور::ايدي موتتني ايدي
علي::يمي
اخذ المغذيات الي جابنه ابوي وشكلهن فوك الحايط بمسمار دكه وحطهن وشكلي كانونه وحطلي المغديات لان شتغل سنتين بالمستشفى وهوه خبره بهل سوالف
نور::ايدي ايدي موتتني
علي::شويه وبيدي مفعول المسكن ويهدي الوجع
حور ::الحمد الله عسلامه يغوحي
نور::الله يسلمج
سمره::الف الحمد الله خلصتي
نور::اي والله
وشويه شويه كمت احس الوجع شويه ديخف
سمره ::ايمت يشيلون الجبس
ايلين::كال سبوعين هيج وراجعوني على العياده اشيل الها جبس
سمره::زين الحمد الله
ايلين::اي والله
حور::صبيت الغده بالاستقبال
وليد::عفيه وليدي
وطلع عمر وعلي وابوي وياهم ماما ايلين تا يتغدون وطلعت سمره وحور جتي كعدت يمي وشويه ورجعت سمره بيدها صينيه غده الي وكعدت يمي وتا توكلني
نور::تراث شونه
سمره::زين الحمد الله
نور::ليش ما اجه للمستشفى
سمره ::مادري
نور ::ها
سمره::نور لو تنسين تراث احسلج والله
نور::ليش شبيج سمره صاير شي
سمره::حجيت وياه وكال راح يخطب بنيه
نور::شنوو تشاقين موو ما تحجين صدك موو
سمره::ايدج ايدج بس اعصابج نور زلت لساني وربي
نور::احجي سمره احجي شنو يخطب احجي شبيج
سمره::ما تنقهرين
نور::لا على شنو انقهر
سمره::مادري شبي كال يريد يخطب بنيه من كرايبنه
يتبع………..
الفصل التالي اضغط هنا
يتبع.. (رواية أحفاد الشيخ علي) اضغط على اسم الرواية لتجد الفهرس كاملاً بجميع الفصول.