رواية أحفاد الشيخ علي – الفصل الثاني والأربعون
________________§§§______________________________________________
ما اريدك بعد حبك طلع جذاب
كل واحد بدربه ويلتهي بامره
حافي وياك امشي وما كلت تعبان
ادوس اعله الهيب وتنطفي الجمره
دللتك طفل تتآمر وتختار
ومن تعطش عيوني تصير الك جره
تتذكر من رسمت الضحكه عالشفتين .
________________§§§______________________________________________
ساره::
كملن شهرين واني حسيتهن سنتين طاير كلبي عليه ومفرفح اروح اشوفه بالمستشفى بس مكدر لا اجي يمه ولا المسه بس اشوفه واجه اليوم الي راح يطلع بيه من المستشفى وراح حمزه وسجاد وعراق حتى يكملون الإجراءات ويطلع ردت اروح وياهم وحمزه ما قبل وبقيت انتضر بيهم واني كلبي مشتعل نار عليه نار واعد دقيقه دقيقه وكلبي يوجعني واطكك اصابعي وفتريت البيت كله وعمه مروه تفتر وراي
مروه::يمه دكعدي والله مو زين عليج صحيح صرتي زينه بس ما يصير هيج هسه الولد راحو يجيبو شعندج كل هل توتر وشايله هم
ساره::مادري كتلهم خلي اروح وياكم ما قبلو كلبي نار انتضر بيهم معد اتحمل
جواهر::ولج ساره اكعدي راح اكوم اكتلج هسه يجي
سديم::خطيه عوفنها بعد قلب ام هيه هل شهرين ما رتاحت ابد تنتضر بيه
ساره ::اي والله نوم ما كدرت انام بس افكر بيه تعبت والله وكل يوم رايحه المستشفى عود اشوفه وبقه كم دقيقه ويجي بحضني
ضحكت سديم عليه واردفت
سديم ::هسه يجي بس اكعد شويه
ساره::لا ماريد بطني موتتني
مروه::ولج يمه هسه يروح يصير بيج شي
ضحكت عمه جواهر واردفت
جواهر:: وحمزه يهد علينه
مروه::اي والله نوب ياهو الي يكدر يسكته
ضحكت على حجيهن
ساره:: ههه يمه فدوه اروحله
وما احس الهه صوت سيارات بره وصوت دك هورنات قوي من سمعناه وطلعنه نركض نجلاء طلعت ويانه بس نمارق ماكو طلعنه بره وشوف الولد نزلو من سياره وحمزه شايل بيده ادم وعمه جواهر فاتت تركض جوه واني ركضت على حمزه
ساره::يمه ابني يمهه يمهه
وضحك حمزه بصوت عالي واردف
حمزه:اجهه صكاركم اجهه
اني ضحكت الهه ومديت اديه حتى اكمشه نطاني ياه واني كبل حضنته لصدري وخرته شويه وشوف وجهه يجنن ناعم ناعم حيل وكلش حلو يشبه حمزه مسحت خده وناعم ناعم واني طايره من الفرحه وبسته
ساره ::هلا هلا يبعد امك هلا هلا الي بنتضرته سنين هلا بالي نور حياتي
وما اشوف بس جكليت ينشمر علينه باوعت عمه جواهر تضحك وطش جكليت وشويه وفات عمي حازم وياه عمي حسين اخذه حمزه من ايدي واني اضحك عليه شاله وراح لعمو حازم وعمو حازم كبل اخذه من عنده وشاله
حازم ::ما شاء الله تبارك رحمان
ورفعه لعنده وكام يأذن بأذنه كمل اذان وباسه من خده ومسح وجهج وضحك ونطاه لعمي حسين
حازم::اخذ اخذ صرت جد
حسين ::بسم الله
واخذه من ايد عمو حازم وعمو حسين يضحك وكامش ايده وفرحان بيه وباسه ورفعه وهم قره بأذنه ايات وره ما كمل اردف
حسين::الحمد الله
حسيت فرحه جبيره من شفتهم كلهم فرحانين بيه لان اول حفيد الهم واول فرحه تفوت للبيت وره كل هل مشاكل الي صارت وكلها طايره بيه من الفرحه وناس تاخذه من ناس اخر شي اجه بيد عمه مروه
مروه::يمه كافي فصختو الطفل سوده عليه
واخذته وفاتت جوه وكلها طايره وراها واني ضحكت وحمزه يباوع عليه واجه يمي وباسني من راسي
حمزه::اندار على الله الي انطاج الي
ساره ::بالعكس اني هنيالي بيك
وضحك عليه واني ضحكتله وفتنه جو وعمه مروه مكعدتنه بحضنها وصيح على غزل
مروه::ولج يمه غزل ركضي جيبي مهاده خطيه ولج
غزل::وين حاطي
ساره::بغرفتي بجنطه بأول باب
غزل ::تمم
وطلعت طايره تركض تا جيبه لان اجه بدون مهاد بس لافي بطانيه وكلها ملتمه حاوالي عمه مروه وسجاد كاعد يمها وكامش ايده
مروه::ولك يمه خطيه عوفه
سجاد::يمه اشو هذا حيل صغير
حمزه واكف فوك راسه ويضحك وحجه بصوت حالي
حمزه::هههه هذا الاصغير باجر يصير صكاركم ويركض وراكم بالعوده اخلي يشلكم شل يصير هيبه مثل ابو
مروه::ههه ان شاء الله ان شاء الله
عراق::وجهه وجه حمزه
حمزه::ولك كو** غير ابني
ساره::اي والله سبع اشهر وتعب وضيم ونزيف ومراجعات وردت اموت تالي طلع يشبهه حمزه حرامات بيه سبع اشهر
ايسر::شو طيني خلي اشيله
مروه::بس امهده يمعود اصبر
ايمن::هاي غزل راحت جيب مهاد لو تحرر القدس
ساره::اوكف هسه اروح اشوفها وسويله ممه
طلعت من الغرفه وشفتها بوجهي.
ساره::صار ساعه
غزل::غير بقيت ادور حاطتهن ليجوه هاي حنطته كامله
ساره::عفيه ببنيتي
اخذتها منها وفتنه للغرفه وكعدت بالكاع وفتحت الجنطه وطلعت الامهاد وطيته لعمه مروه هيه رفعته ومددت رجليها وحطت المهاد على رجليها واني اباوع عليها حتى اتعلم وحطت فوكه ادم ونص طويل نص كصير من المهاد الكصير حطته فوك ايده وثاني جابته فوكاه ولفته عليه قوي
ايمن::يمه خنكتي
مروه ::شني خنكته هوه هيج يتمهد طفل
ايسر::هذا مو مهاد عذاب
جواهر::كلكم جنه نمهدكم هيج
ايسر::عيب عمه شهل حجي شايفتنه شطول الواحد هيبه وشوارب وعضلاته وتكلينه جنت امهدكم
جواهر::لعد شنو طلعت من بطن امك بهل شوارب والعضلات
وكلها ضحكت على حجي عمه جواهر
ايسر::هوه صوجي مو صوجنج
كملت مهاد وصاحتني
مروه::يمه ساره تعاي يمي
ساره::جيت يمه
جيت وكعدت يمها وتربعت وشالته وحطته بحضني
مروه::صارلج شهرين ميته على شوفته يمه لا تنطي لاحد شبعي بيه لا نوم ولا اكل كحلي عيونج بشوفته
اني كمشته ورفعت وبسته وكمت امسح بخدوده ورفعته لخشمي وشتميت ريحته وكمت اشمشم بيه
ساره::يمه جنن ريحته ريحت مسك اوف اوف يبعد امك انته
وماعرف شون دموعي كامن ينزلن مادري اذا هيه دموع فرحه مادري بس كمت ابجي ومعد يكفني واجه حمزه عليه بسرعه من شافني ابجي
حمزه::شبيج ساره شي يوجعج؟ حجيلي شبيج ليش تبجين
ساره::مادري بس فرحانه حيل حيل
حمزه::يابه مو وكفتي كلبي عبالي بيج شي
ومسح دموعي وباسني من راسي واخذه من ايدي
حمزه::باع هاي امك ام دميعه على كلشي تبجي
ساره ::اني مو ام دميعه
حمزه::ام دميعه على يعينك بويه ويعين ابوك.
ساره::هاا حمزهه هاااا
َوباوع عليه وهوه يضحك واني خنزرت اله بعصبيه
حمزه::اشاقه عمي شبيج
سجاد::يابهه هسه دنطوني ياهه مو لعبتو روحي
حمزه ::تعال هاك
رفعه حمزه لـ سجاد وهوه يهلي اله واني اضحك عليه
سجاد::هلا هلا هلا
اخذه منه وباسه
سجاد::هلا يبعد عمك هلا عمي شحجيلك تا احجيلك
عراق ::بعد اشغلك لطيمه واكعد الطم وابجي وشكيله والطفل يسمعك
سجاد::انجب لك
عراق::دمشي لكك
سجاد::اسكت خلي احجي ويه ابن اخوي
عراق::احجي
سجاد::اخخ يبعد عمك شجابك على هل اهل محد يحس ويزوج عمك وحارميني من العرس والوهسه بس شايف باجر من تكبر بس اشر اسحلها وجيبها الك وزوجك واذا ابوها ما قبل اكتل ابوها وناخذها الك وذا ابوك ما قبل هم اكتله
ايسر::هسه ياخذه الواهس ويكوم يكتل العشيره كلها
عراق::اي والله بس سجاد لا تحمه حيل
__________________
حور ::
حور::نوغ نوغ نوغ
نور::ها
حور::داومين؟
نور::ساعه بيش
حور::بل 10 ونص
نور::لا ماريد اداوم
حور::لعد ابقي اغتاحي اشغلج صوبه؟
نور::اي
حور::تمام
شغلت الها الصوبه وكربتها من الجربايه مالتها بس مو حيل وهيه مبين عليها تعب غطيتها وطفيت الضوه وطلعت لغرفه علي حتى يوصلني للدوام فتت الغرفه وشوفها مكلوبه كلب الي يكول داعش مداهمين الغرفه لو ضاربيها صاروخ الملابس بالكاع العطور على جربايه وهوه نايم بالمكلوب وحتى احذيته مشمره جيت عليه وسحبت البطانيه
حور::علي علي اكعد علي مبقه وقت عليه
علي::شكو عوفيني تعبانن تعباننن
حور::ولكك وصلني واغجع نام عفيه
علي::خلي عمر
حور::ما موجود بالدوام عفيه كوم عليك الله
علي::تمام طلعي انتضريني بره ابدل واجي
حور::تمام
كام وهوه يمط بجسمه ويثاوب ويجر بروحه عفته وطلعت وسديت الباب طلعت للستقبال انتضره شويه ما طول واجه
علي::يله كومي
حور::يلههه
كمت من مكاني وهوه طلع واني اركض وراه طلعنه من البيت وفتح السياره بالسويج وصعدت السياره بس علي ما صعد فتح باب السياره واكف يباوع باوعت للمكان الي هوه يباوع عليه وشفت بنيه ورديت باوعت عليه ملامحه كلها متغير كلها ملامح صدمه وكامش الباب قوي رجليه معد يشيلنه ويبلع بريجه وبالكوه يتنفس باوعت للبنيه تباوع عليه وعيونها متروسه دموع وهوه مستندت على باب السياره بالكوه واكف لازم الباب ومعد يتحرك جمد مكانه وعيونه على البنيه ما نزلهن ولا رمش ثانيه وحده باوعت للبنيه وركزت بيها وشفتها هيه جوري جوري نفسها شنو رجعها وره هل سنين نزلت بسرعه ركض على علي كمشته وهوه كمشني قوي هد حيله كله عليه وطلع طفل من البيت يصيح الها ماما عرفته ابنها وعلي عيونه عليها ما وخر عيونه ولا نزلنهن وحيله نهد من نضراتها وجسمه كله معد يشيله حتى رجليه وحيله صار كله عليه واني بالكوه واكفه لان ثكيل معد اتحمل
علي::رجعت حور رجعت هيه نفسها
حور::علي علي الزم نفسك حباب غاح توكع عليك الله علي امانه لا سوي هيج بغوحك علي غاح توكع امانه لا سوي هيج
علي::متعوبه متعوبه
وهيه ضلت تباوع الما ابنها كام يبجي وشالته وفاتت جوه عرفت البيت الي فاتت اله بيتهم لان البيت محد جان ساكن بيه شجابها هاي هنا هيه فاتت وعلي وكع بالكاع واني كبل نزلت اله وكعدت على ركبي
حور::علي كوم حباب كوم ماغيد اغوح للمدغسه بس كوم حباب
وهوه ساكت ما حجه ولا لفض كلمه كاعد بالكاع كدام بابنه ما يقبل يتحرك ولا يسوي شي الما نترسن عيوني دموع وكمت ابجي وباوع عليه
علي::مابيه شي مابيه
حور::غاح تغجعك لنفس حالتك قبل علي بالكوه طلعت منها لا تغجع حباب
كام من وكمش ايدي وكومني وصعد بالسياره
علي::صعدي اوصلج
حور::ماغيد
علي::صعدي ما بقه وقت
حور::لا ماغوح للمدغسه
علي::متأكده؟
حور ::اي
علي::تمام
نزلن من السياره وما حجه شي وياي عافني وفات جوه واني فتت وراه اركض باوعت عليه صعد لغرفته واني لحكته وصعدت لغرفته فتحت الباب وباوعت عليه كاعد على كرسي كدام الشباك وطلع جداحه وباكيت جكاير من جيبه وطلع جكاره من الباكيت وحطها بحلكه ورفع جداحه وشعلها وبده يدخن وعيونه على البيت
حور::علي
علي::عوفيني حور طلعي بره
حور ::خلي نحجي
علي::ماريد طلعي
حور::شكو كاعد تبارع لبيتهم من شباك
علي::بالكت اكدر المح شي منها مره ثانيه
لو بس ضلها ست سنين انتضر شوفتها
حور::كافي علي هيه دمرتك
علي::كلشي منها حلو
حور::البنيه مزوجه وعدها طفل
علي::ما حجيت وياها اني وهيه مبين جايه لهلى يجوز مطلكه لو مترمله
حور::ابوي مستحيل يخليك تاخذها
علي::منو طلب رأي ابوج طلعي بره حور طلعي
حور ::علي
وصاح عليه بصوت عالي خلاني ارجف من الخوف اول مره علي يصيح عليه هيج
علي::طلعييي برهههه
كبل اني طلعت من الغرفه وسديت الباب وعتفه مشيت شويه وكمشت المحجل مال الدرج نزلت وكعدت على الدرج واني كلبي يوجعني عليه
__________________
سديم::
يامن::حجيت ويه ابوي وعمي حازم
ساره::اي شكالك
يامن::عمي حازم كال دام هيج سبوع تلحكون تكملون كلشي ونزفكم كتله اي عمي سبوع جاي كامل كلشي وكله عليه
سديم::شكالك
يامن ::كال هاهيه
ساره::لعد العصر نطلع للسوك نجهز
يامن ::اي ساره بهل سالفه اني اعتمد عليج
ساره::لا تخاف يمي
سديم::وين نكدر نكمل كلشي بسبوع؟
ساره::لا تخافين عود جهازج اذا ما كملتي نطلع وره العرس نكمل الباقي
سديم ::هاهيه لعد
يامن ::تراث وين؟
ساره::هذا ماله اثر سألت عمه مروه عليه كالت يطلع من الصبح ما يرجع لل1 بليل
يامن ::يجوز بشركه
ساره::اي مدري شنو سالفته حاول تحجي وياه وشوفه
يامن ::الله كريم ان شاء الله ادم وين
ساره ::قبل شويه نام وحطيته بغرفتي تا ما يكعد وكل شويه اني لو عمه مروه نروح عليه نخمه
يامن ::ههه عفيه
سديم::يمه يمهه فدوه وربي يجنن ساعه كاضبته ابوس بيه ما شبعت منه
يامن::من نزوج اخليج تشبعين من جهال
سديم::لا عمي شسالفه ماريد نخلف وذا نخلف واحد او ثنين
ضحك يامن عليه بصوت عالي واردف
يامن::هههه خلب نزوج اله فرعنه اترسه ترس جهال
ساره::ان شاء الله عمي ان شاء الله
سديم ::ادري شنو ارنب خوما ارنب
يامن::معليه كتلج بعد اني
سديم::الله كريم
باوعت ساره كامت تا شوف ادام طلعت شويه وفات تراث باوع وتا يطلع واردف يامن
يامن::وعليكم السلام
تراث::هلا
يامن::اشو ماكو؟
تراث ::شغل
اجتي ساره وشايله ادام هوه من شافه كبل ضحك واخذه منها وشاله وكام يناغي له ويبوس بيه مدري ليش نقهرت عليه حالته مبينه حيل تعبانه وقليل يتواجد بالبيت بس وقت الاكل ونوم ونور ما يسأل عليها ولا يدري عنها شي كلها متعجبه بيه بس محد يسترجي يحجي ويفتح سيرتها كدامه باسه من خده ونطاه الساره واردف
تراث::لفي بطانيه بعد خطيه يروح يبرد جده الله يرحمها تكول طفل يبرد من نسمه الهوه
ساره::هسه اجيبله بطانيه
تراث ::عفيه
وطلع من الاستقبال وعافنه واجتي ساره وكعدت يم صوبه وحاطه ابنها بحضنها وتنغيله وتحجي وياه ويامن عافنه وطلع
ساره::تحضري هسه لان الساعه بل 2 ونص بل 3 نطلع
سديم::وأدام وين تعوفي لو ناخده ويانه؟
ساره::لا شاخده جو بارد ويتعبنه نروح اني وياج ويانه يامن وذا ما كملنه نطلع باجر
سديم::ان شاء الله
___________________
نور ::
كعدت من نوم وبقيت بفراشي ما جتني طاقه لا اكوم ولا اتحرك فتحت انستا وطلع حسابه كدامي فتت اله وماكو شي ما ناشر باوعت نفتح الباب وفاتت حور تركض اني كبل طفيت جهاز وعدلت كعدتي
حور::جوغي غجعت
نور::شنو؟
حور ::جوغي جوغي
نور::يا جوقي
حور::ولج ياا نعل حبيبت علي
نور::عززا ولج هاي شجابها شني مراسلته
حور::ولج لا ماخذين بيت بسدنه جيغانه
نور::ياا عزاا
حور::نوب عدها طفل
نور::تشاقين
حور ::اي والله
نور::وعلي شافها؟
حور ::اي هسه كاعد كدام شباك يباوع لبيتهم ويوغث جكاغه
نور::سوده عليه
حور::هسه شنسوي؟
نور::ما نسوي شي
حور::وعلي
نور::هوه جبير مو صغير ويعرف مصلحته معليج حبيبي
حور::ها
شويه وسمع جهازي يرن شلته وباوعت عليه ساره جاوبت عليها وفتحت سبكر
ساره::”الو”
نور::”هلا حبيبي”
ساره::”شخبارج”
نور::”الحمد لله وانتي شونه ادم”
ساره::”الحمد الله يسلم عليج”
ضحكت الها واردفت
نور::”الله يسلمه دزيلي صور اله”
ساره::”صار عمي تدللين”
نور ::”ههه”
ساره::”سبوع الجاي عرس يامن وسديم واهلج كلهم معزومين لانو انتو من اهل البيت تجين انتي مو؟”
نور::”مادري والله ”
وسمعت صوت سديم وهيه تحجي
سديم::” والله اذا ما جيتي ازعل عليج وبعد ما احجي وياج”
حور ::” عمي مالج دخل بيها نجي ونشعل الجو شعل”
سديم::” هاهيه عمي انتضرجن”
ساره::” سمره وين”
نور::” والله مدري ”
حور::” يمكن كاعده بالمطبخ ويه امي”
ساره ::” لعد سلميلي عليها”
حور::”يوصل يوصل”
ساره::”يله لعد باي”
نور::” هلا هلا حبيبي ”
وسديته منها وباوعت لحور
حور:: لا تهتمين للسالفه وغوحي وياي
نور::ان شاء الله
حور ::حطلع اشوف امي وسمغه
نور::تمام
طلعت حور من الغرفه واني رجعت كمشت المبايل ورحت لجهات الاتصال وباوعت لرقمه ضليت صافنه واجه بالي اتصل عليه واسأله لان الافكار راح تموتني من وره الي كالته سمره تصلت عليه وبقيت انتضر واني كلبي راح يوكع من الخوف وبطني كامت توجعني وكلبي يدك بسرعه جاوب عليه واسمع صوته واني احس الدمعه بطرف عيني
تراث ::”الو”
نور::”هلا”
تراث::”هلا شلونج”
نور::”الحمد الله وانت”
تراث::”الحمد الله
سكت هوه واني سكتت بطني ومتتني ومعد اعرف احجي كلمه وكسر الهدوئ بينه صوته
تراث::” محتاجه شي؟ ”
نور::” لا سلامتك بس اكو سؤال اريد اسأله”
تراث ::” جواب”
نور::” صحيح راح تخطب”
تراث::” منو كالج”
نور::”يعني صحيح؟ ”
تراث::”اي راح اخطب ان شاء الله”
حجه هيج واني احس شي خنكني من بلعومي واريد ابجي دموعي نزلن وبالكوه لازمتهن حتى ما ابجي ويسمع صوتي احس روحي جاي تطلع شويه شويه
نور::” الف مبروك”
تراث::” الله يباركلج ”
نور::” طلكني؟”
تراث::” اول ما يخلص عرس يامن وسديم ورقتج تصلج ان شاء الله ”
نور::”………………..
يتبع…….
الفصل التالي اضغط هنا
يتبع.. (رواية أحفاد الشيخ علي) اضغط على اسم الرواية لتجد الفهرس كاملاً بجميع الفصول.