رواية أحفاد الشيخ علي – الفصل الثالث والأربعون
Part 43
حضنتني قوي واني حضنتها وهيه تمسح على شعري وسمي بأسم الله وترقي الي واني ابجي بحركهه وحاضنتها قوي من بطنها واحس النار مشتعله بكلبي وماعرف شون اطفيها الي كتلني رده البارد وحجيه جنه ما يعرفني ولا عمره اجه يمي
ايلين::شبيج يمه شبيج بس سولفلي صاير وياج يبعد امج حجيلي
نور::كلبي يوجعني يمه كلبي يوجعني
ايلين::سوده عليه يبعد امج ايمت ترتاحين ايمت اشوفج مرتاحه ايمت والله تعبتيني والله
نور::اوف اوف يمه
وخرتني شويه من حضنها وكامت تمسح بدموعي وهنه ينزلن وكومتني من مكاني وكمشت ايدي وطلعتني للمطبخ فتحت المي البارد وغسلت وجهي وجابتلي مي بارد خلتني اشربه ومسحت دموعي واني ابجي اكثر
ايلين::كافي يمه كافي كافي يبعد امج لا تحجيلي دام ما تردين تحجن بس لا تحركين كلبي بدموعج
نور::تعبانه يمه تعبانه
ايلين::سوده عليه يمه تعاي تعاي يمي
واخذتني لغرفتها فتت اني وهيه كبل راحت للصوبه شغلتها وحطت مخده يمها وكعدت هيه واني جيت نمت على رجليها واشهك ونار بعدها ما طفت وهيه تمسح على شعري وتقره قرأن وترد تمسح عيوني واني بس صافنه واحس وجهي نار من الدموع وكلبي نار
___________________
سديم::
جهزت الي اكدر عليه بس شغلات الي حيل ضروريه جهزتها وساره وياي ما عافتني ابد هيه وعمه مروه وعمه جواهر غير عن امي واختي الي المفروض شايلات همي ويركضن وراي بهل مناسبه وبهل يوم الي يكون اسعد يوم بحيات اي بنيه حسيت بقهر لان ما شفتهن مهتمات ابد وامي بغرفتها من بده تحضير للعرس وما طلعت ابد ولا شفتها ونمارق تطلع وقت الاكل وترجع لغرفتها تدرس لان هيه كليه مرحله ثانيه واني امي ما خلتني اكمل بس يامن عوضني عن كلشي يكفي وجوده بحياتي ويمي باقي ما يهمني بس ردت اعرف اذا امي راح تحضر عرسي لو لا فا طلعت من غرفتي لغرفتها وكفت اني يم باب غرفتها وشي بداخلي يكلي تراجعي مراح شوفين بس كلام يقهرج ويبجيج بس ما سمعت لهل صوت ودكيت الباب وفتت الغرفه باوعت لكيتها كاعده على جربايتها وجهازها بيدها من شافتني عدلت كعدتها واردفت
نجلاء ::فوتي
فتت اني وسديت الباب وراي وعيوني صارت بعيونها
نجلاء ::محتاجه شي؟
سديم ::راح تحضرين عرسي؟
نجلاء ::لا
سديم::على راحتج يمه
نجلاء::ما راضيه عليج وما راح تتوفقين لا بحياتج ولا بعرسج
ما حجيت شي ولا رديت الها كبل طلعت من الغرفه وسديت الباب وتنهدت واني احس كلبي يوجعني وما مرتاحه مدري ليش فتت الغرفتي وشفت جهاز يامن متصل عليه مرتين رمشت عليه على رصيد وهوه رد اتصل عليه جاوبته وحطيته على اذني
يامن::”هلا فراشتي ام عيون خضر هلا يولي
هلا بحلالي هلا هلا”
ضحكت على سوالفه واني احس الفرحه ما توسعني من اسمع صوته كبل ارتاح واحس دنيا كلها بخير
سديم::”هلا حبيبي ”
يامن::”اويلي يروحلج فدوه حبيبج ولج
باجر عرسنه باجرر باجررر”
سديم::”سنيننن سنينن ننتضر ولك يامن ما مصدكهه باجر عرسنه ما مصدكه باجر اخر يوم ونصير سويه ولك احس حلم كلش حلوه وماريد اكعد ماريد اكعد ماريد”
سمعت صوته يضحك واردف
يامن::”صدكي ولجج صدكي يافراشت كلبي يااا حلمي وحلالي وكل اهلي”
سديم::” احبك هواي هواي احبك”
يامن::” اويلي اروحلج فدوه اموتت عليج والله مو بكدي والله والله ”
ضحكت عليه وسكتت
يامن::” يله حبيبي نامي لا ضلين سهرانه باجر ورانه يوم طويل وحلو”
سديم::”تمام حبيبي تصبح على خير ”
يامن::” انتي الخير كله”
سديت الاتصال منه وتمددت على فراشي واني حيل فرحانه وتعبانه لان صار يومين كلها بالموولات نجهز وساره كضبتني من الصبح وسوتلي شيره واله قبل شويه ياله رتاحيت والبيت صاير هوسه واني تعبانه لذا فتت اريد انام والولد مشغلين الديجي من ال9 لحد هسه يركصون وعالكين الدنيا اكثر مني ومن يامن محد اله حق يحجي علينه بعد لان انتضرنه هواي وفرحتنه هاي دنيا مراح توسعها
____________________
غزل::
فتت سبحت وطلعت من الحمام باوعت ايسر كاعد على الدرج باوع عليه واردف
ايسر::جنتي تسبحين
غزل::اي
ايسر::نعيما
باوعت عليه اني ما اعرف شنو ارد بهاي فا اول شي اجه بالي كلته مشابهه لهل كلمه
غزل ::الله يعميك
ايسر::شنو
غزل::لا هيج فوت اسبح حروح اطلع بره اشوف شكو
ايسر::تمام
طلعت اركض من الخجل والموقف الي حطيت روحي بيه طلعت بره وشوف الديجي مشتغل والولد ملتمين كلهم يركصون جوبي حتى تراث موجود الي صارلنه شهرين ما شايفي ومشعول الجو واحد حاط ايده على كتف الثاني يجننونن والاغني عاليهه واخر واحد جان حمزه وبيده مسبحه ويفر بيها ويسوي حركاتت والابس دشاشه طالع يجنن وكلهم لابسين دشاديش مدري شعجب واحد يكول اني احله من للثاني ويضحكون بس يامن ماكو وهوه العريس والصوت عالي وسمع الاغني مشغلين اغنيه هلا برجال جوبي ومتحركين ويه الاغنيه يجننونن واني بس واكفه وصافنه عليهم من شكد ما حلوين كملو وجتي عمه جواهر بيها دولكه مي وكلاص وكامت تضحك عليهم وتنطيهم مي والجو بارد والهوه يجنن ولعبو لعب بقو مشغلين الاغاني ودك وركص لل1 بليل ياله طفوها وفاتو كلمن لغرفته وكلها فرحانه بيامن وسديم لان كلها تعرف شكد عانو ياله وصلو لهل يوم
__________________
ساره ::
سويت ممه لادم لان حيل يبجي فا كلت جوعان كملت الممه ورجعت للغرفه فتحت الباب وشوف حمزه شايله ويفتر بالغرفه ويحجي وياه وهوه يضحك
حمزه::شني هذا الحلو شني هل كاعد يبجي شكو تبجي المن يحلو
باوع عليه وضحك ورد صد عليه واردف
حمزه::ماما ماما كتلتك هسه اكتلها ودزها لهلها
ضحكت اني واردفت
ساره::اي والله خليني اروح لهلي ارتاح منك ومن ابنك الساعه بل 2 بليل ومحد نايم
حمزه ::يمهه نوديج لهلج غير اني وابني نديح بدونج
ضحكت اني عليه وجيت يمه ونزل ادم عليه شويه لان هوه هواي طويل ورفعه حيل
ساره::اكتل ابوك هسه لو بيتنه جان كتلته ودزيته لهله بس هسه احنه يم اهله اذا نكتله يفوتون علينه يكتولنه اني وياك
حمزه::يا زلمه يكدر يمد ايده عليج وعليه غير اكسرها كسر
ضحكت عليه وهوه ضحكلي وباسني من راسي واخذ مني الممه وحطها بحلك ادم وكام يشرب كبل سكت من حطها بحلكه
حمزه::مجوعه الولد شعندج
ساره::اني شعليه شايفني كل يوم صايره ام هيه اول مره ما تسويله انته
حمزه::اني شدراني هم اول مره اصير اب
وكمت اضحك وهوه يضحك عليه وادم شرب الممه كلها واني كعدت على جربايه وحمزه بقه يفتر بيه ويهزه الما نام وحطه بجربايته واجه تمدد على جربايه ومدلي ايده واني حطيت راسي عليها
حمزه:: كلشي صار عندي ما بقه شي اتمناه او احلم بيه
ساره::اي والله حتى اني الحمد الله
حمزه ::الحمد الله
ضحكت عليه وهوه صد عليه
حمزه::أكبر احلامي جانت انتي وطفل منج
حلو يشبهج وتحقق وبعد ماريد شي
ساره::اوف لو تعرف شكد احبك
حمزه::اني اخرب عليج
وتقرب مني واني تقربت عليه ونمنه من تعب بدون ما واحد يحس على ثاني
___________________
سمره::
سمره::هسه عمر مثلا مثلا
عمر::اي مثلا شنو
سمره::مثلا اني عصبتك حيل حيل
عمر::اي؟
سمره::يعني خليتك حيل عصبي
عمر::اي
سمره::سويت شغله انته ما ترضه بيها
عمر::اي؟
سمره::وما سيطرت على روحك وضربتني
عمر::مستحيل اضربج اني
سمره::هسه كلنه مثلا
عمر::حبيبي كتلج مستحيل اضربج
سمره::هاي شبيك مو جاي نكول مثلا مو صحيح وضجت مني وضربتي
عمر::اكسر ايدي قبل ما افكر امدها عليج
سمره::استغفر الله هسه كلنه مثلا
عمر::اشو انتي عاجبج تنضربين كوه
ضحكت اني عليه وهوه ضحكلي
عمر::كتلج مستحيل اسويها لا تفكرين هل تفكير
سمره::تمام هسه عمر سؤال
عمر::جواب عيني
سمره::ليش عيني؟
عمر::شنو
سمره::ليش عين وحده عينك ثانيه المن هاا هااا المنن
عمر::الج والله الج ثنينهن الج
سمره::هاا عبالي
عمر::استغفر الله
سمره ::لازم مو عاجبك
عمر::لا همداني اذا ما عاجبني
سمره::عبالي
عمر::هسه شنو سؤالج
سمره::ليش الموزه صفره
عمر ::حبيبي
سمره::ها
عمر::نامي انتي من تنعسين تكومين تحجين وما تعرفين شنو تحجين نامي حبيبي نامي
سمره::لا ماريد انام شايفني طفله
عمر::دلووشش دلووشش يلهه تنام يله تنام
وكام يهز بمخدتي مثل جهال
سمره::ولك عوفني شني جاهل اني
عمر::لعد نامي
سمره::تريد تخلص مني مو
عمر::استغفر الله ابقي كاعده حبيبي
سمره::اي ابقه كاعده وما تخليني انام
عمر::هسه باجر مو ورانه عرس
سمره::اي
عمر::لعد نامي
ضحكت اني وهوه ضحك وبقيت اسولف وهوه يسلكلي وماخذني على جوي الما غفيت بحضنه مثل طفله
__________________
سديم::
كعدتني ساره من ال7 صبح وهيه صيح عليه وتحجي
ساره ::ولجج كومي كومي مبقهه وقت للصولون يلههه ولج يلهه
سديم::شويه شويه
وجتي عليه سحبت البطانيه وكومتني غصب عني وطلعتلي ملابس
ساره::بدلي بسرعه حروح اجهز ريوك نتريك ونطلع كبل للصالون
سديم::تمام
بدلت وطلعت اركض من الغرفه وساره مجهزه الريوك وكعدت اكلت بسرعه وكمت وساره تضحك عليه كملت هيه وكامت غسلت ولبست عبايتها وطلعنه وصلنه حمزه اني وساره وغزل وكالت سمره راح تجي هيه وحور ونور عليه بصالون يجهزن ويانه وزهراء كالت راح من البيت اجي كبل للقاعه اني ارتب روحي ماريد صالون وهوسه وهل سوالف وكلت الها على راحتج وصلنه حمزه وفتنه للصالون وباوعت علينه ام الصالون واردفت
_منو بيجن العروسه
وغزل وساره اشرن عليه واشرتلي على كرسي وجيت كعدت عليه وبدت ام الصالون تحطلي مكياج واني ارجف ومتوتره توي حسيت بشعور سمره وخايفه حيل مدري ليش وارجف وشويه وحسيت ايد تكضب ايدي مكدرت احرك وجهي لان ام صالون ما تبقل رفعت راسي شويه وشفت سمره وهيه تضحك
سمره::لا تخافين ولا ترجفين هل يوم تنتضري عمرج كله افرحي وتونسي والعبي لعب الخوف والمستحه ما تفيدج بهيج يوم
بتسمت الها وهيه بتسمت الي وراحت كعدت وخرت شويه عني الي تحطلي المكياج وباوعت شفت نور وحور وكلهن كاعدات يضحكن ويسولفن بس نور صافنه جنها كاعده بعزه نفس كعدتها بعرس سمره مدري ليش نقهرت عليها بس ام صالون ما خلتني اكمل نضراتي الهن ورجعت وجهي لمكانه ورجعت تحطلي مكياج والبنات همات واحس طولنه هواي
سديم::بيش الساعه
حور::الساعه بل 3
سديم::يااا عززا وبعدني ممكمله
سمره ::ولج كافي لا تتوترين على راحتج ما عدنه شي
رتاحيت شويه وخلصت مكياجي وبدت ام الصالون ساعدني البس فستاني حسيت فرحه جبيره حيل من لبسته والبنات جهزن ولبست فساتينهن وحده تكول للثانيه اني احله منج واني اضحك وفتره بالفستان وهنه يمدحن بيهه
سديم ::والله طالعه حلوه؟
حور::والله هنيالج يامن على هل جمال
نور::ما شاء الله تبارك رحمان
ساره::يمه يمه جننين عين الحاسود بيها غود قل اعوذ برب الفلق
واني ضحكت عليها
سديم::راح نطلع للقاعه كبل كلبي يوجعني خايفه
ساره::اي لان ما بقه وقت هسه الولد يجون اتصل عليه وانتي راح تطلعين ويه يامن لان هوه كال اني اجي اخذها
سديم::صدك
ساره ::اي والله
سديم::خايفه متوتره حيل حيل
نور::كافي يروحي وربي طالعه جنننين احله عروس شافتها عيني
سمره::اي والله حيل حلوه لا تخافين
غزل::اتفق وكل كلمه كالنها صحيح
حور::بس لا ضلين متوتره وخايفه
سديم::تمام
وشويه ونسمع صوت هونرات حيل عاليهه وجتي وحده تركض
_اجه العريس وجماعته
طلعت البنات يركضن ونور وساره ساعدني بالفستان لان كاش حيل الما وصلت السياره وساعدني اصعد ويامن نزل ويانه واشوف الفرحه ما واسعته وكلش فرحان وطالع يجنن ما شلت عيني منه ابد شكد ما طالع حلو حيل حيل صعدت بالسياره ويامن يضحك وما خله وحده تصعد ويانه كال اريد اخد راحتي ويه مرتي وصعد هوه وشغل السياره ونطلق بسرعه الولد كلمن بسيارته ورانه
سديم::ولك على كيفك
يامن::ههه لا تخافين
وهوه يسوق كمش ايدي وحطها على شفايفه وباسها وخرها شويه ورد باسها
يامن::ولجج سديم احبج حيل احبج
واني اضحك اله وبقه يسولفلي شكد فرحان ويحبني الما وصلنه القاعه نزل هوه وساعدني انزل وكمش ايدي والبنات كلها وراي ساعدني بالفستان وتمشي ورانه الما وصلنه الكوشه كعدت اني وهوه كعد وشغلو اغاني وبدت ناس تركص واني فرحانه حيل وايدي بيد يامن وهوه فرحته اكبر من فرحتي شويه ونسمع صوت ضرب رصاص حيل قوي وكفت الاغاني وناس تباوع ناس باوعت وشفته اي هوه مصطفى وشايل بيده رشاشه وكام يضرب بجوه وبالقاعه زرف الي فوك زرف ناس كامت صيح ونص كامت تركض تطلع من القاعه تخاف توكع علينه ويامن كبل كام واني كمت من صدمه من شفته
مصطفى ::ولجج كتلج اكتله واكتلج وما اخليج صيرين الغيري
سجاد::مصطفى لا سوي شغله تندم عليها عمرك كله
مصطفى::اذا ما سويتها حبقه عمري كله ندمان لان ما سويتها
باوع الي مصطفى وكامو الولد يريدون يتكربون منه تا ياخذون الاسلاح وكام صاح بصوت عالي
مصطفى ::والله والاسمه الله الي يتكرب اكتله اني خبلللل ولكمممم خبلللل مخبلللل ما اخاف من أحد
سديم::مصطفى عليك الله لا سوي هيج مصطفى عليك الله
يامن ساكت ما حجه شي بس يباوع
مصطفى ::ولج كله من وراج من وراج بشنو هوه احسن مني ولج اني احبج ميت عليج مهوس بيج اريد حيل اريدج ليش عفتيني ورحتي اله ليش تحبي وما تحبيني بشنو هوه احسن مني
سكتت اني وصاح يامن بصوتت عالي وركض عليه واني ركضت وره يامن اريد اوكفه وهوه يريد يكضبه يكتله وما اسمع بس صوت المسدس ويامن وكع بحضني باوعت سجاد يركض لمصطفى وجط عليه والولد كلهم لزمو باوعت ليامن وهوه واكع بحضني وتارس فستاني الابيض كله دم وكلها صيح وتركض علينه……….
يتبع……
الفصل التالي اضغط هنا
يتبع.. (رواية أحفاد الشيخ علي) اضغط على اسم الرواية لتجد الفهرس كاملاً بجميع الفصول.