رواية أحفاد الشيخ علي – الفصل الثاني عشر
بعدني أشتاگلك يا لچمَة سنينِي
أثر جدمك عبر مني محطَات
وأثر صوتك لـ هاي اللحظة يچوينِي .
^———————————^
احمد:: سمرة بس خلي نتفاهم
مشيت و عفته ما حچيت كلمة ويا و رحت افتر ادور لعمر حتى يرجعني للبيت شافني عمر و اجه يركض علية
في مكان اخر::
خلصنه اول درسين و طلعنة فرصة اكو بين كل درسين فرصة
حور:: عمي اني جوعانه ماكو هنا كافتريا صخام؟
نور:: ولچ زهيرة
زهراء:: هااع
حور:: وجعاء يطبچ كون
زهراء:: اشو هاذي عينها طالعة بسرعة اخذت ميانه؟
نور:: انچبي…ماكو كافتريا هنا؟
زهراء:: ليش؟
حور:: نغوح (نروح) ناخذ صوغ (صور) بيها شبيچ خية غيغ (غير) فاطسات جوع
زهراء:: اي خية اكو حانوت
گامت حور من رحلتنه على رحلة زهراء چانت گاعدة ورانه و سحبتها حور من ايدها حتى ناخذها ادلينه على الحانوت
زهراء:: ولچ اخخ أيدي راح تنفصخ
حور:: دگومي شلعتي گلبي
زهراء:: يالله گمت
في مكان اخر::
حمزة:: اني أيمت ارجع مرتي؟
جواهر:: تريد نروح اليوم العصر و نجيبها من أهلها؟
حمزة:: ياريت والله طاگة روحي عليها
مروة:: يول باچر تجي نجلاء هسع تسمعها حچي خطية
حمزة:: اشگ حلگة الي يجيب سيرتها
جواهر:: هاهية وليدي العصر نروح اني وياك و عمك وليد و ما نرجع اذا مو هي ويانه
حمزة:: عمة ترى ماضلي امل بس انتي والله هي قطعة من روحي و تريد تطلگ اني هسع و هي ماكو احس روحي راح اموت انوب اطلگها والله اموت صدگ
جواهر:: اسم الله عليك وليدي لا تحچي هيچ گلتلك تنحل و ترجع و أخذها و سافر للخارج تتعالج و ربي يرزقكم احسن ذرية يارب
حمزة:: الله يسمع منچ عمه
مروة:: تهون وليدي تنحل ان شاء الله
في مكان اخر::
عمر:: شبيچ؟
سمرة:: مابيه شي عمر اريد ارجع للبيت
عمر:: هسه احچيلي شكو منو وياچ؟
سمرة:: محد وياي اريد ارجع للبيت
عمر:: انطيني بس اسم و الباقي علية
سمرة:: عمر
عمر:: ها سمرة
سمرة:: تگدر توصلني للبيت لو ارجع وحدي؟
عمر:: شنو هل حچي طبعاً اوصلچ انتي امانه يمي روحي للسياره انتضريني يمها السياره عندي اوراق مهمه اجيبها واجيج
سمره ::تمام
رحت اتمشه الما وصلت السياره وبقيت واكفه انتضره ما طول شويه واجه فتح السيارة و صعدنه باوعت من الجام و هو جاي يشغل السيارة و اشوف احمد عيونه صارن حمر من شافني صاعدة ويه عمر ما اهتميت و حتى احرگة بعد باوعت لعمر و ابتسمت و حرك السيارة و طلعنه من الكلية
عمر:: ما تردين تحچيلي شنو صاير وياچ؟
سمرة:: لا عمر ياريت تنسى السالفة ما صار شي وياي
عمر:: هاهية اعبريني نسيت
ابتسمت اله و هو سكت و اني سكتت الما وصلني للبيت نزلت
سمرة:: شكراً
عمر:: ادللي بوية
ضل واگف الما فتت يالله راح
فتت و اني ميتة تعب تمنيت لو ميتة بساعتها ولا شايفة احمد هيچ اشوفة فتت على المطبخ و غسلت وجهي
مروة:: شبيچ اشو اليوم من وكت راجعة
سمرة:: تعبانه و حارة و رجعت
مروة:: خما بيچ شي؟
سمرة:: لا يمة مابية راح اصعد لغرفتي ارتاح
مروة:: ما تتغدين؟
سمرة:: لا يمة اكلت بالكلية
صعدت لغرفتي و بدلت و ضليت گاعدة و حايرة الف فكرة و فكرة اجت على بالي و گعدت احچي ويه نفسي
سمرة:: يجوز كلامه صحيح…او يجوز كلام احمد چذب و هاذي حبيبته….لا احمد اعرفة ما يچذب علية…و ضليت افكر الما نمت من التعب
في مكان اخر::
تراث:: تحددت الگعدة
عراق:: ايمت؟
تراث:: باچر الضهر و الگعدة تصير بديوانه
يامن:: الله كريم
سجاد:: عراق شعندك صار يومين مرافگنه شعجب
عراق:: خاف تكتلون احد ف ضليت وياكم ادير بالي عليكم
تراث:: شنو شايفنه مجرمين؟
يامن:: اني اخر عمري گوا* يدير باله علية
عراق ضل صافن
تراث:: اشو سكتت ما تردله
عراق:: انچب انت وجه الشيطان ادري بيك تريد تسوي فتنه بيني و بين اخوي هذا اخوية يمون شنو يسوي خلي يسوي
تراث:: هههه قنعتني خوش تحچي
في مكان اخر::
كملنة خمس دروس و بدينه بالسادس و احس روحي جاي تطلع من التعب و الضوجة و انوب هاي مدرسة الرياضيات ما تنبلع بس تصيح و ما احس الا شخص يدغني من ورة
نور:: ولچ صخيمة كافي هسه نترزل
حور:: كون تگوم تبطحچن هنا تصيغن (تصيرن) مسح ويه الگاع
زهراء:: كافي خلي نسمع
نور:: جدي الصارله ساعة يتحرش و هسه يريد يسمع
المدرسة:: ما تشبعن من الحچي و الغوة گومي نور
گمت و اشرتلي لأخر رحلة
المدرسة:: حركي روحچ و روحي گعدي هناك
نور:: ست اني معلية هن الي حچن
المدرسة:: شگد صلفة انوب ترادد
سكتت و رحت گعدت بالرحلة الاخيرة و اشوف حور و زهراء يضحكن علية شوية و دگ الجرس و طلعنه للبيوت كلها طلعت و بقينه اني و حور ننتضر عمر و شوية و شفته اجه وگف و سحبت حور من ايدها و رحنه علية شفت عمر حسيته ضايج صعدنه بالسيارة صعدت اني اليگدام و حور ليورة
نور:: السلام عليكم خوية
تنهد عمر و اردف
عمر:: عليكم السلام
نور:: سمرة وصلتها لو نسيتها؟
عمر:: لا شلون انساها وصلتها من زمان
نور:: شبيك ضايج؟
عمر:: مابيه شي
حور:: اي خية مبين كلش ضايج
زمخ بينه عمر…
عمر:: مابيه شي و حرف ما اريد اسمع منچن راسي يوجعني و دايخ
حور:: أعصابك عيني سكتنه
وصلني للبيت و نزلت من السياره فتت على البيت و راح عمر بعد ما تأكد مني دخلت البيت ضل بالي يمة مدري شبي فتت للبيت و رحت گبل على المطبخ
نور:: السلام عليكم
جواهر:: عليكم السلام هلا بنيتي
نور:: فاطسة جوع اني
جواهر:: هههه هسع احمي الغدة و اصبلچ شلون يومچ بالمدرسة
گعدت احچيلها و هي واگفة تحمي الغدة و تحچي وياي
نور:: الحمدلله زين نص و نص
جواهر:: بعدچ جديدة تتعودين شوية شوية
نور:: اي والله
شوية و حمه الاكل و صبتلي و گعدت اكل و هي طلعت ما ادري وين راحت كملت اكل و گمت غسلت و طلعت الغرفتي ذبيت نفسي على الچرباية من التعب حتى بدون ما ابدل ولا اي شي گبل نمت
في مكان اخر::
علي:: الله حيو البرنسيسة
چان گاعد هو و ابوي بالاستقبال ما حچيت شي بس باوعت على ابوي
هشام:: هههه ولك عوفها
علي:: عمر مو گتلك هاي برنسيسة و محد يگدر يحچي وياها
عمر ما حچة شي بس باوع علية و طلع لغرفتة
علي:: هذا شبي؟
حور:: والله ما ادغي (ادري) اجه اخذنه و هو هيچ
هشام:: عوفو و حور فوتي على امچ اتغدي و روحي ارتاحي و نامي علمود من تگعدين تقرين
حور:: تمام
في مكان اخر::
گعدت و نزلت جوة و سمعت عمة جواهر و حمزة يحچون و يريدون يروحون يرجعون مرت حمزة
دخلت عليهم
سمرة:: اريد اروح وياكم مشتاقة لسارة حيل
حمزة:: هاهية بوية روحي تحضري ننتضرچ
صعدت على غرفتي و اني اركض و اخذت عبايتي و لبستها بسرعة و لبست حجاب و نزلت
سمرة:: يلاا
جواهر:: هههه شو بسرعة
سمرة:: غير طگت روحي على سارة مشتاقتلها حيل
حمزة:: يلاا
طلعت و ركبت السيارة عمه جواهر گعدت يم حمزة و اني ليورة
نص ساعة و وصلنا لأن بيت اهل سارة بعيد شوية ستقبلنه اهلها بس هيه ماكو وكعدنه بالربعه
ابو ساره ::الله حيو وكل الهلا بيك
حمزه :الله بيك اكثر عمي
ام ساره ::شونج ام يامن شخبارج اشو ماكو صار من زمان كاطعه
جواهر ::هههه والله يا خيه الواحد مدا يلكه وقت يحك راسه تعرفين شغل وخبصه وسمعتو بسالفع الجديده
ابو ساره ::اي والله ايمت اصير الكعده؟
حمزه ::كالو باجر ان شاء الله
جراهر ::هسه احنه جينه نحجي وياكم وعمود ساره واريد ترجع ويانه للبيت البيت بدونها مو حلو وياريت شيل فكر طلاك من راسها
ام ساره ::والله شكد حجيت وياها يا ام يامن وشكد ردت منها ما تقبل
جواهر ::لعد خليها تكعد هيه وحمزه ويتفاهمون
اذا ما وصلو لحل الي تريده يصير
ابو ساره ::ما عدنه مشكله هسه نطلع احنه واصيحلك ساره واكعد تفاهم وياها واحجي ياريت تغير رأيها البنيه تحبكم وتعزكم واحد واحد
حمزه ::والله عمي محد حجه وياها كلمه او سمعها حجي بس هيه مادري شبيها اني ما رايد جهال اني اريدها بس يمي
ابو ساره ::هاهيه وليدي هسه نصيحها الك ودلل اكعدو احجو وتفاهمو وصلو الحل وان شاء الله تنحل
حمزه ::عمي عادي سمره تبقه ويانه؟
ابو ساره ::ماكو مشكله وليدي
بقيت اني وحمزه وطلع ابو ساره وام ساره وعمه جواهر شويه وطبت ساره وجان تجي تكعد مقابيل حمزه
حمزه ::منو كالج اني اقبل اطلكج؟؟
ساره ::حمزه ياريت تقبل تعرف بيه ماكدر اخلف وعندي مشكله وانته ادري بيك تريد جهال واني ماريد احرمك
حمزه ::وهسه اذا طلكنه تتوقعين اروح ازوج؟؟
ساره :: اي
حمزه ::مستحل مره بعدچ تدخل غرفتي انتي مرتي وما صيرلي اي وحده مره غيرچ اني اريدچ واحبچ وما يهمني اي حچي الخلفه الي ما تجي منچ اني ما اريدها كتلج اكو دكاتره بالخارج نحچي وياهم ونروح لاخر دنيا ونلكه حل لا تعوفيني ساره اني احبج روحي بيج والله
سمره ::خيه ترى من رحتي وحمزه متغير گعداتة مو مثل قبل ويانه وحچيه قل وكل حچيه عنچ ياريت ترجعين البيت بلياچ مو حلو و گالچ الدكتور اكو امل تخلفين طلعو للخارج وشوفو احسن دكتور وتنحل والله
ساره ::مادري والله ماريد احرمك من الجهال
حمزه ::ماريد اي طفل او جهال اذا ما چان منچ
ساره ما تحملت حچيه وتأثرت حيل وگعدت تبچي وهوه تقرب عليها وحضنها وكعد يمسح بدموعها وخر حجابها شويه وكعد يبوس شعرها ويشتم بيه
حمزه ::اوفف شمشتاق لهل ريحه شگلتي لربچ من حارمتني منچ ما تخافين من ربچ انتي
ساره ::هههه
حمزه ::من اروح فدوه لهل ضحكه الحلوه
سمره::عمي اكو هنا نفر ما مزوج راعو مشاعره
حمزه::ههههه
ساره ::هههه ان شاء الله تزوجين عيوني
سمره ::بوجودچ طبعا خيه يله عيني حضري ملابسچ تا ترحين ويانهه يله يلههه
ساره ::تمام هسه انتضروني الم غراضي واجي
طلعت سارة وجان تفوت عمه جواهر
جواهر ::ها بشرو ترجع
حمزه ::اي عمه ترجع
جواهر :: والله عفيه
في مكان اخر ::
گعدت وحطيت ايدي جوه مخدتي وطلعت جهازي واباوع للساعه بل 7 بليل
گمت من الفراش ونزلت جوه والبيت ما بي بس تراث گاعد بالاستقبال والولد يمكن كلمن بغرفته لو طالعين
تراث ::ها عمي زين گعدتي
نور::والله ميته تعب من المدرسه احس راسي راح ينفجر
تراث ::هههه يله امشي غسلي وصعدي الغرفتج اقري ما اريد تنزلين اذا ما مكمله قرايه
نور::بعد عمي تأمر بشي
تراث ::لا بويه سلامتج
عفته ورحت للمطبخ غسلت وصعدت الغرفتي باوعت للساعه صارت بل 8 كعدت بالگاع وحطت الكتب وگعدت اقره شويه واسمع الباب يندگ
نور::منوو فوتت
نفتح الباب وفات يامن
يامن :: ها بويه شجاي سوين
نور::جاي اقره تعال فوت
فات وگعد گدامي
نور::خوما محتاج شي
يامن ::لا بس جيت احچي وياچ شويه
نور::اللهه جابك يلهه بالله احجيلي منو سديم؟
يامن ::ههههه ماضل شي باچر تجي َتتعرفين عليها
نور ::دحچيلي
يامن ::الحچي ما يعرف يوصفها
نور:: يعني انت تحبها؟؟
يامن:: حب شنو غير اعشگها اذا اتنفسها قليل
نور:: لهل درجه؟؟
يامن::واكثر واكثر
نور ::من ايمت تحبها
يامن::من چنه اصغار عمري چان 14 وهيه 9 سنوات
نور::يمه يمه ههه ومن ذاك الوقت لحد هسه تحبها ما قل حبكم شي؟؟
يامن ::بالعكس يوم عن يوم يزيد حبي الها اكثر واكثر وتعلقي بيها
نور ::ليش ما تزوجها؟؟
يامن ::ياريت هسه قبل باجر
نور::شنو الي يمنعك انو تزوجها؟؟؟
يامن ::…………
^———————————^
الفصل التالي اضغط هنا
يتبع.. (رواية أحفاد الشيخ علي) اضغط على اسم الرواية لتجد الفهرس كاملاً بجميع الفصول.