رواية أحفاد الشيخ علي – الفصل الحادي عشر
بعدني أشتاگلك يا لچمَة سنينِي
أثر جدمك عبر مني محطَات
وأثر صوتك لـ هاي اللحظة يچوينِي .
^—————————^
يامن:: احجولي بالتفصيل الي صار وين جنتو البارحه لحد هسع
تركة يامن و شهگ ايسر لان يامن جان خانگه وكام يحچي
ايسر:: هذا الولد چان قديم صاحبنه من ايام السادس بس مادري شبي و استچلب
وكام يحچي علينه و اختلف و طعنه بضهرنه و وصلنة الكلية واحنه بس مشاكل
و كونات اله وصلت البارحه چنه تونه طالعين من الكليه و گام ينادينه وگلناله
شتريد و گاللنه امشو وياي رايدكم بمكان گلناله هاهيه رحنه وياه وصعدنه بتكسي
وصلنه للمكان وبقه ابو تكسي ينتضرنه لان اني شكيت بالسالفه وما خليته يروح و
المكان الي وصلنه اله چان مكان مهجور مابيه احد مثل الساحه حيل چبيره وما بيها
أحد دخلنه للمكان و چان يطلع ثنين من جماعته واحد شايل سچين وثاني واكف
يدحگ علينه وهذا الولد شايل سچينه كام حط على ايمن وتكاون وياه وذوله جوي
عليه هذا ابن نعال ما تحمل طلع سچينه وحطها بكتف ايمن اني سمعته يصيح ما
تحملت اخذت السچينه وعفتهم گمت اركض عليه جيت عليه شبعته چتل
وحطيت سچينه بكتفه وشلتها و رديت ضربته من القهر والشاهد ابو التكسي
يامن:: وجماعته وينهم ليش ما نقلو للمستشفى؟
ايسر:: جماعته من ضرب ايمن ماضل واحد منهم جبناء فلتو وعافو وحده وعاد شافهم ابو تكسي چان رجال چبير بل عمر اخذت رقمه وطلع طاير بي للمستشفى
يامن:: انطيني رقمو بسرعه
ايسر:: دقيقه
طلع ورقه من جيبه
ايسر:: اكتب** 077
كتب يامن الرقم واتصل عليه وطلع بره
تراث:: يعني هسه نحچي على عملتك لو نگلك عفيه لان ساعدت اخوك وانت المخنث ما تعرف تفك روحك؟
ايمن:: ترى شايل سچينه منين افك روحي ابن النعال استچلب حتى ما يستاهل ينگال عليه الله يرحمك
نور:: حرام شبيكم شنو هل حچي كافي
تراث:: وانتي الخاتون ايمت تنامين باچر ما عندچ دوام؟
باوعت على يساري و رجعت باوعت على يميني
تراث:: احچي وياچ لا تستغبين باچر عندچ دوام من الصبح ومنو راح يوصلچ؟
نور:: اني وسمرة راح يوصلنه عمر
تراث:: عمر ما عنده شغل فاضي الچن؟
نور:: ولك اني مدرستي بطريقة وهوه وسمرة نفس الجامعة
انصدمت من حچيها وباوعت عليها
سمرة:: ليش هوه يا مرحلة؟
نور :لا خيه هو دكتور هنا بالجامعة
نصدمت من حچيها و ضليت فاكه حلگي لان مو مبين چبير مبين عمره توي طاب 27 سنه
سمرة:: ما عبالي دكتور نوب يداوم بجامعتي؟
نور:: اي خية و يگوم يوصلني ويوصلچ احسن من ما مگضيتها باصات لو خط وتتبهذلين هيچ احسن
تراث:: حچي نور صحيح واني اعرفه لعمر خوش ولد
نور:: منين تعرفه؟
تراث:: هههه صداقه قديمه هذا بس من اجه لحد هسع ما التقيت بيه يابه شگد مشتاگلو
وعمي حسين ما حچه شي تركنا و راح نام
حازم:: نهايتي اني وامكم ننجلط من وراكم
بس صبرك يارب فايت اني انام لان من البارحه ما غافيلي جفن
تراث:: نوم العوافي بويه
راح عمي حازم ينام
سجاد:: هسع انتو من البارحه وين چنتو؟
عراق:: لگيتهم يم هذا ولد صاحبهم حتى ما اتذكر اسمه؟
ايسر:: الف مره گلتلك اسمه مرتضى يا عالم يا ناس اسمه مرتضى مو حتى الولد راح يبچي وهوه يگلك مرتضى
ايمن:: عيني مرتي متگليلي شبيچ اعصابچ
سمرة:: ههههه ولا تبطل سوالف يول الي مثل حالتك هسه يبچي وينوح
جانو ثنينهم يحچون حتى يلطفون جو ويغطون على السالفه
ايمن:: صدك چذب هيه ايد تروح فدوه لمرتي الحلوه
{ يقصد ايسر مرته}
ايسر:: والله حتى نفسي لعبتها مو حتى بالجامعة فاضحنه ذيچ المره گاعد ويه ولد وهوه جاني من بدايه الجامعة يصيح مرتييي يله بالله شنو تحچون ويه هذا
ايمن:: تعالي خلي ابوسچ
ايسر:: ولك دوخر مو لعبت حتى نفسي
نور:: هههههه
شويه و دخل يامن و سكتو شگد يحبون يحچون ويشاقون بس يامن يخافون منه حقهم لان شخصيته هيبه وتخوف يعني صدك زلمه معدل
يامن:: اتصلت على هذا ابو التكسي
و حچيت وياه و فهمته سالفه و گالي اني ايمت ما تريدوني حاضر
تراث:: و هذا اجه شاهد والله حيل زين
حمزه:: واني ايمت ارجع مرتي؟
يامن:: ابن نعال احنه بيا حال تا ترجع مرتك الي بينه مكفينه انوب تجي هاذي ونجلاء جايه كملت السبحة
غمز حمزة و اردف…
حمزه :اي عيني جايه الحب والحرب سديم
نور :منو سديم؟
تراث :شكد قديمه انتي
سمره :هاي بت عمتچ السحارة يحبها يامن والله هيه خوش بنيه بس يمكن مسويه سحر لاخوچ
يامن :ههههه
سجاد:: دحگو صار ساعه يحچي وفاير ومن احد يجيب سيرتها من وحدو يضحك بس يسمع اسمها
يامن :اكل خرا و انچب كافيكم عاد يلا كل واحد على خرا ينطمر باچر ورانه تعب وشوفو ساعه ترى صبحت دنيا
طلعنه كل واحد على غرفته وجيت من تعب بس اريد الزم فراشي ما احس بجسمي ابد جيت تمددت على الفراش من التعب گبل نمت چفي على وجهي
^—————————^
في مكان اخر الساعة 7 الصبح::
ايلين :حور حور ولچ يمه گعدي
حور :بس شويه عوفني ما اغيد (ما اريد) اگوم
ايلين :ولچ يمه عندچ مدرسة گومي
حور :هسه بس شويه
ايلين : اني راح اطلع اكمل الريوگ و انتي گومي غسلي وبدلي عمر يگول لا تتأخر ترى ما انتضر امشي واعوفها
حور:: اووف ياغبي (ياربي) اووف
ايلين:: ولچ شلعتي گلبي گومي غسلي و بدلي يلا شبيچ
حور:: اووف ياغبي (ياربي) اووف گمت گمت
ايلين:: لا تبقين تتأففين كملي و انزلي رايحة اكمل الريوگ
نزلت ماما تكمل الريوگ و اني گمت من فراشي رتبتة و بدلت و نزلت شفت ماما و
بابا و عمر گاعدين يتريگون رحت للسنگ
غسلت وجهي و رحت گعدت گدام عمر
عمر باوع علية و اردف…
عمر:: شبي وجهچ؟
حور:: شبي؟
عمر:: وجهچ چنة وجة وحدة تتعاطة مخدرات مو وجه وحدة صاحية
باوعت علية و أشرت باصبعي على خشمي
حور:: باوع تغى (ترى) واصلة وياي لهنا و مالي خلگ احد مو خلصت من علي رجعت انت علية
عمر:: اعصابچ عيني على گولة علي البرنسيسة
باوعت على بابا و گلت….
حور:: ما تحچي ويه ولدك؟
هشام:: ولك عوف اختك
عمر:: يابة سكتنة
كملنة اكل و گمت غسلت و جبت جنطتي و عمر ينتضرني بالسيارة صعدت و مسافة الطريق و وصلنه بيت اهل نور
عمر:: انزلي و دگي الجرس لأن هاي اضرط منچ سنه يلا تگعد يمكن هسه بعدها بفراشها
حور:: ما بية حيل
عمر:: الي يشوفچ يگول عجوز تمشي على عكازة
حور:: هسه دگ هوغن (هورن) بلكت تطلع
عمر:: شنو اسمه؟
حور:: هوغن (هورن)
عمر:: ههههه
دگ هورن و محد طلع
عمر:: يلا نزلي
حور:: اووف ياغبي (ياربي) اووف ايمت اخلص من هل عذاب
نزلت و سديت الباب بقوة و سمعت عمر صاح
عمر:: مستهترة ما عليچ عتب
دگيت الجرس مرتين يلا طلعت
حور:: صاغ (صار) سنه ننتضغ (ننتضر) هنا وين چنتن الخاتونات
نور:: توخرين منا لا اهفچ بهاي الجنطة
سمرة:: كافي شبيچن جهال خما جهال يلا اصعدن ترى والله مالي خلگ حچي
صعدنه بالسيارة و ضلينه نحچي و نشاقة ويه عمر بس سمرة ساكته
وصلنه المدرسة و نزلنه اني و حور و سمرة بقت بالسيارة حتى عمر يوصلها ويا للجامعة
عمر:: شبيچ؟
سمرة:: منو؟
عمر:: جدي هو اكو احد غيرچ شبيهن عيونچ حمر چنچ وحدة ما نايمة
سمرة:: ايي والله البارحة محد گدر ينام
عمر:: ليش؟
سمرة:: السالفة حيل طويلة
عمر:: هههه اختصريها بوية اسمعچ
سمرة:: واحد متكاون ويه ايسر و ايمن و الولد داچ ايمن بسچينه بكتفة و ايسر ما تحمل و شايل السچينه و ضاربة مرتين بيها نقلو للمستشفى و طلع ميت و هسع اهلو يريدون يسوون گعدة
عمر:: والله عفية علية يستاهل هذا اخذ حق اخو و زيادة المفروض ما يسوون گعدة على هل سالفة لأن ابنهم هو البادي
سمرة:: والله ما ادري شنو راح يصير
عمر:: سهلة ان شاء الله تنحل
سمرة:: ان شاء الله
وصلنه للكلية و اني نزلت و عمر راح يصف السيارة دخلت للكلية ادور على أحمد لأن حيل مشتاقتلة
^————————-^
في مكان اخر::
وصلنه المدرسة و بدينه ندور على صفنه چانت المدرسة كلش حلوة و أهلية و الزي مالهم موحد ما عجبني القميص لانه احمر و الصدرية لونها اسود سألت حارس المدرسة على صفنه واشرلي علية رحنه اني و حور للصف و اكو بي هواي بنات و رابع رحلة فارغة و گعدنه اني و حور بيها المدرسة كلش حلوة و حتى صفنه مرتب و باوعت شفت بنية حلوة جاية علينه
زهراء:: شنو انتن جديدات هنا؟
نور:: اي خية نقل جديد
زهراء:: كل الهلا بيچن عرفونه يابة على هل نسوان الحلوة
حور:: هلا بيچ اكثغ (اكثر) اني اسمي حوغ (حور) و هاي اختي اسمها نوغ (نور)
زهراء:: ههههه عندچ لدغة
حور:: اي خية للاسف
نور:: ههههه
زهراء:: يولي شنو للأسف غير تموت ياريت عندي مثلها
حور:: خية وداعتچ تشبعين تنمغ (تنمر)
نور:: ههههه
حور:: انتي شبيچ استچلبتي فاكه حلگچ و تضحكين
^—————————^
في مكان اخر::
سجاد:: والله مال هسع اخذ اجازة أطول من حياتي و اروح خارج العراق
تراث:: ايمت تصير الگعدة
يامن:: اليوم محد حچة يمكن باچر تصير
عراق:: تصير الگعدة ويه جية هذي الحية شنو السالفة تريدون ننفضح
تراث:: باچر راح اطلع اجيبها لأن شگتني ويه تتصل
عراق:: دير بالك لا تطلع روحك
يامن:: تراث اگلك
تراث:: گول
يامن:: اني باچر اطلع من الصبح اجيبهن عوف هاذي السالفة علية
تراث:: هاذهو خوية على راحتك
سجاد:: يا ملعون
يامن:: اذا تفك حلگك انزع الحذاء و احطه بي
سجاد:: سكتت
^————————-^
في مكان اخر::
ضليت ادور على أحمد و شفته من بعيد گاعد ويه بنيه ما صدگت عيوني و تقربت و
من شفته زين گلبي گام يوجعني لأن هاي اول مرة تصير و مشيت الما وصلت يمهم و وگفت اباوع علية
سمرة:: السلام عليكم
احمد:: عليكم السلام
رغد:: عليكم السلام
سمرة:: شلونك احمد؟
رغد:: منو هاي احمد؟
احمد:: هاي زميلة وياي ما اعرفها حيل
من حچة هيچ حسيت گلبي وگع و عفتهم و مشيت للكافتريا و اني گوة امشي گلبي
يوجعني و جسمي يرجف و الدموع بعيني گوة حابستهن و بقيت گاعدة بالكافتريا ما حضرت ولا محاضرة و شوية و دخل احمد
وحدة باوعت عليّ و هو باوع علية و نزلت عيوني و اجه علية سحب كرسي و گعد گدامي
احمد:: اني اسف و اعتذر منچ بس هاذي بنت خالتي و اني ما حاچيلها خفت تسويلي مشكلة
حچيت و الدموع بعيني
سمرة:: لا ما صار شي
احمد:: سمرة لا تضوجين مني گلتلچ بنت خالتي
سمرة:: و اني گلتلك تمام شبيك انت
رفعت راسي و شفتها واگفة ببداية الكافتريا يمكن ادورله گمت
سمرة:: هاي حبيبتك ادورلك اني اترخص
احمد:: سمرة بس خلي نتفاهم
مشيت و عفته ما حچيت كلمة ويا و رحت افتر ادور لعمر حتى يرجعني للبيت شافني عمر و اجه يركض علية
عمر::………
^———————-^
الفصل التالي اضغط هنا
يتبع.. (رواية أحفاد الشيخ علي) اضغط على اسم الرواية لتجد الفهرس كاملاً بجميع الفصول.