رواية أحفاد الشيخ علي – الفصل الخامس
________________§§§______________________________________________
تراث:: يابه شگلنه غير اكلت حتى ما تبچي أعصابك عيني
سمرة:: سودة علية خايف لا تبچي هههههه
يامن:: يلا انچبو راح اروح انام
ايسر:: بعد وكت
يامن:: اهو هم حط روحه شدخلك يلا عيني تصبحون على خير
كمل كلامه و دخل صعد لغرفتة
سمرة:: هذا شبي متغير صارله هواي ينام من وكت
عراق:: ههههه وانتو مصدگين غير يصعد يخابر الحب و الحرب
نور:: عزاا صدگ
عراق:: اي نعم
تراث:: وانت شمدريك؟
عراق:: چنت اتصنت علية
تراث:: حشري ما تصيرلك چارة
نور:: لك لا تحچي على اخويه
عراق:: يروحلچ فدوة اخوچ و عشيرتة
سمرة:: ههههه يلا عمي ترى ماضل وكت راح اروح انام
نور:: اي خيه باچر يجون بابا هشام و البقية حتى اعرفچ على حور
سمرة:: شگد ما تحچين عنها صدگ صار عندي فضول اشوفها
عراق:: فدوة لألله انوب شلون اسم يجنن اذا هيچ اسمها عجل شكلها شلون؟
تراث:: انچب لك نسونجي و اني رايح انام اشوفكم باچر تصبحون على خير
نور:: و انت من اهل الخير
سمرة:: اني هم فايته انام
اردفو ياسر و ايمن بنفس الوقت
ايسر؛ ايمن:: اني هم اروح انام
ايسر:: غير لو يبطل يقلدني
ايمن:: هو انت منو بحالك حتى يقلدك
ايسر:: انت يا حلو
سمرة:: ايعع
………
في مكان اخر::
حور:: طلعنه للمطار و بقينه ننتضر نص ساعة تقريباً و صعدنه للطيارة متوجهين للعراق
عمر:: صدگ يابه بأي فندق راح نگعد
هشام:: لا مو فندق اشتريت بيت مرتب شافه النه وليد
علي:: اها و نور ما ترجع تعيش ويانه
هشام:: ما اعتقد لأن هي بيت جدها و يبقى البيت بيتها و ايمت ما تريد تجي كل الهلا بيها
حور:: يعني نوغ ما ترجع تعيش ويانه؟
هشام:: الله كريم الما نصل
………
في مكان اخر::
سمرة:: ولچ گعدي مو شلعتي گلبي كل يوم هيچ
نور:: استغفر الله منچ هيه كل يوم هيچ شنو السالفه خليني نايمة شويه
سمرة:: ولچ گومي خلي نطلع للسوگ
نور:: ما تولين الساعه 11 الصبح وين نطلع
سمرة:: ولچ يا 11 غير الساعة 4 العصر
من الصدمة گعدت على حيلي گمت ادور على تلفوني هاي من انام ابقى اتگلب
فـ التلفون ما ادري وين يصير لگيته
و باوعت على الساعة و طلعت صدگ الساعة 4 العصر
نور:: عزاا شنو بقاني لحد هسه نايمة و ليش محد گعدني
سمرة:: ردت اگعدچ بس خالة جواهر گالت خطية خليها نايمة عاد عفتچ نايمة ما گعدتچ
نور:: اهاا ولچ ما ادري بروحي شلون بقيت لحد هسه
سمرة:: ههههه صدگ تروحين وياي
نور:: وين؟
سمرة:: صديقتي من الطفولة يوم الأربعاء عرسها تروحين وياي؟
نور:: اي خيه ليش ما اروح ناقصني طول عرض
سمرة:: شدخل الطول و العرض المهم شوفي اليوم نطلع نشتري ملابس للعرس
نور:: اليوم تجي حور خلي تروح ويانه عادي مو؟
سمرة:: اي عادي عجل من نطلع نشتريلها ويانه لو هي ما يعجبها الا التشوفه و تختارة
نور:: لا عادي هي تحب ذوقي
سمرة:: عجل هاهية رتبي روحچ حتى نطلع و البسي شي مستور لأن راح نطلع ويه تراث
نور:: يبووو هم هذا شعندة ويانه؟
سمرة:: شني نروح وحدنه شبيچ خيه
نور:: يلا ميخالف
سمرة:: يلا عجل بدلي و نزلي راح انتضرچ جوة
نور:: تمام
طلعت سمرة و نزلت وراها غسلت وجهي و رجعت لغرفتي لبست بنطرون عريض و هاينك نص ردن و لبست بشت فوگ
الملابس و حطيت واقي شمس ما احب احط فونديشن و هل سوالف فـ حطيت
مسكارة و حمرة لون احمر و حطيت فوگاها مرطب شفايف حتى يبين بالحمرة لمعة و لفيت الحجاب لفة مرتبه و حطيت
تلفوني بالجنطه و طلعت من الغرفه نزلت جوة
سمرة:: مال هسه اطگچ بهلهولة حتى العروس بليلة عرسها ما أطول هيچ بالصالون ولچ فضيني
نور:: وجع شبيچ خوما اطلع مخنگلة بملابس النوم غير اطلع مرتبه حالي حالچ
شلون طالعه اني؟
سمرة:: غير تموتين صاروخ وربي
كملت كلامها و غمزتلي
نور:: ها ها شبيچ تغمزين؟
سمرة:: لا ماكو شي بس اعرف المن
مترتبة ههههه
نور:: ولچ مو الي بالچ بس اني دائماً مترتبة
سمرة:: شمدريچ منو أبالي ها ها
كملت كلامها و رجعت غمزت
نور:: هههه ولچ كافي انچبي
سمرة:: اي عمي هنياله تراث على هذا الگمر
نور:: ههههه ولچ كافي هسه تفضحيني
سمرة:: ههههه سكتنة بويه سكتنة
طلعنه و شفت تراث منتضرنة يم السيارة ولابس دشداشة سودة و هو كلش طويل من اوگف يمه اوصل لكتفه تقريباً و هو اسمر و الشمس تضرب بوجهه و عيونه مبينات صفر طالع يموت يطگ بالگاع
وجع شنو هل خفه استغفر الله چان واگف و كاض تلفونه يگلب بي انتبه لوجودنه و اردف
تراث:: ها الحمدلله على السلامة ساعه صارلي انتضر
نور:: هو بس انتضرت قابل اخذنه روحك
تراث:: انچبي لچ الصلفة مو زين مطلعچن
نور:: انوب مسوي علينه منيه
تراث:: و شعندچ حاطه حمرة طوخ المن ان شاء الله؟ طالعة لعرس مسحيها يلااا
نور:: ما امسحها ولا تصيح علية افتهمت
سمرة:: بعد اتمالخو من الشعر هاي شبيكم انوب تراث هسع هي جاهل و اذا حطت حمرة شبيك بويه؟
تراث:: شوفيها شلون طالعة انوب حمرة حمرة شكو تحط متگليلي تلبخن بوجهچن
و ترجعن ليورة
نور:: هسه لأن نلبخ ضاغطاتك شكو حاط روحك بنص سوالف نسوان استغفر الله
سمرة:: بويه كافي شمالكم انچلبتو ولكم ماضل وكت فضوني
تراث:: سمرة لا تچفصين
سمرة:: تمام
هاي خلق الله كلها ترجف منه و كأن لازم عليهم لزمه
سدينه السالفة و صعدنه بالسيارة و نزلنه يم مجمع يبيع فساتين كلش حلوة الواحد يحتار شنو يختار
سمرة:: ولچ نور تعالي شوفي هذا يجنن
باوعت للفستان ازرگ كلش حلو و صاير الحلگ و الكتف كله خرز ابيض يجنن و طويل مرتب مال محجبات
نور:: يجنن كلش حلو
سمرة:: يعني اخذة؟
نور:: اي خية اخذي
بقينه نفتر بالمحل و اني اخذت فستان صاير لونه أخضر كلش حلو و رداناته كلش عريضه و همات للمحجبات يجنن و اخذت
لـ حور فستان لونه ابيض و همات بي خرز الي فوگ الصدر و نازل على الكتف شويه يجنن
طلعنه من المجمع و تراث برة ينتضرنه
تراث:: ما كملتن ترى متت تعب صارلچن ساعة
نور:: يا شگد خطية چنت تفتر ويانه لو ما گاعد بالسيارة و مشغل تبريد
سمرة:: ههههه والله صحيح
تراث:: مو اگلج صلفة
نور:: عفية ترى اني جوعانه ما اكلت شي من الصبح و مشتهيه گهوه
تراث:: يلا اصعدن عجل تكو هنا مطعم قريب اكله حيل طيب خلي ناكل عود كملن
سمرة:: كملنا كلشي ضل بس الاحذيه
تراث:: يلا
صعدنه بالسيارة و رحنه على مطعم كلش حلو گعدنه و طلبنه اكل چنت كلش جوعانه اكلت كأن اول مرة اشوف اكل و تراث يضحك علية
تراث:: الي يشوفچ يگول هاي تاركينها اسبوع بدون اكل هههه
نور:: والله من الصبح ما اكلت شي لا تعيب خليني اكل لو مو عيب من الناس چان هسه بالخمسة اكل
سمرة:: ههههه عزا بعينچ ولچ عيب استحي منا العالم
تراث:: ههههه اكلي اكلي بالعافية
كملنا اكل و طلبنه گهوة شربت منها
و الحمرة مالتي طبعت على الفنجان كملنا
و گمنه حتى نطلع بس انتبهت لـ تراث كض الفنجان الي انطبع علية حمرة و گعد يمسح
بأثرها و دفع الفلوس و طلعنه استغربت من حركة تراث بس ما انطيت الموضوع أهمية
رحنه لمحل احذيه مو كلش چبير بس بيه احذيه حلوة اشترينه و طلعنه للبيت و اصلاً كل طلعتنه من 5 العصر لـ 9 باليل
دخلنا الحوش و أخذت سمرة الأغراض و دخلت للبيت قبلي و اني امشي وراها سمعت تراث يصيحني
تراث:: نوررر
نور:: ها عمو
تراث:: عمو؟
نور:: ههههه اي
تراث:: دحگي يولي هاذي الحمرة اذا اشوفچ بعد حاطتها افرك حلگچ افتهمتي؟
نور:: ههههه ولك صرت ارجف من الخوف
تراث:: و اگلچ صلفة بس اموت بصلافتچ هو انتي تخوفين عشيرة و ما تخافين
نور:: ههههه شگد صحيح
تراث:: شلون صارت ايدچ خلي اشوفها
رفعت ايدي حتى يشوفها
تراث:: شوفي شلون صايرة صاير بيها اثر شويه
نور:: اي والله
راح تراث للسيارة جاب عصارة و اجه حط منها على أيدي
نور:: شنو هاي؟
تراث:: عصارة مال حروق
نور:: اهاا
تراث:: اي بوية
________________§§§______________________________________________
الفصل التالي اضغط هنا
يتبع.. (رواية أحفاد الشيخ علي) اضغط على اسم الرواية لتجد الفهرس كاملاً بجميع الفصول.