رواية أحفاد الشيخ علي – الفصل السادس
يَاريت هَسه تِجي
ونكعُد سَوه ونبتِسم
ويَاريت ذاكّ الحلِم
يطَلع صّدُك مَو حِلم
شَايف جَدار وعَتگ
هَيچ أني جَاي انّثلم
وبدونَك تغّيرت
مَو نَفسي ذيَج القَبل
والعيون هَاي أنعَمت
والوجَه هذا ذبل
لا والتَحز بالگلُب
كالوّا فَراگكّ سَهِل .
________________§§§______________________________________________
في مكان اخر::
حور:: وصلنه للبيت الجديد و كلنا تعبانين
فـ محد قبل لا ينضف ولا يشتغل و گلنا عود باچر من الصبح نضف و نرتب البيت
حور:: هي شني انام على الجيفة شنو السالفة؟
علي:: وجه النعال يا جيفة هو غير البيت يلمع لمع انضف من وجهچ
حور:: انت ما تبطل تغاغ؟
علي:: الفضيها عدل عود تعاي احچي وياي
حور:: عمغغ احچي وياة شي تغى تعبني
علي:: اووي عيني غير لو تستقر البرنسيسة
عمر:: استغفر الله يعني انتو ما تملون ما تتعبون ما تگولون بشر تعبان توي واصلين من سفر بديتو مكافش
حور:: تغى اني معلية هو بدة شنو السالفه؟
علي:: يمه راح تبچي ولك راح تبچي ههههه
حور:: انچب
علي:: لا تبچين لا تبچين
حور:: انچببب
عمر:: يابه اذا اگوملك اخليك انت و الحايط سوة
علي:: ههههه سكتنه
حور:: اگللكم خلي نتصل على نوغ تجي تبات يمنه و همات تساعدنه والله مشتاقتلها
عمر:: ان شاء الله بس ارتاح اروح اجيبها ادللي بوية
حور:: بويه شگد مشتاقة الها احس اريد ابچي لو شفتها
علي:: راح تبچي راح تبچي
حور:: ياغب الصبغ منك ياغب
عمر:: راح افوت انام صوت ما اريد ابوي نايم و امي نايمه و انتو مو مزعطة و علي عساس انت الچبير انت جاهل نفس العقل ثنينكم اثگل شوية و عوفها
علي:: هسه منو وياها هي تتبچبچ على كلشي
حور:: اني ما اتبچبچ
علي:: ههههه صحيح صحيح
راح عمر لغرفتة البيت كلش حلو مكون من غرفتين جوة و مطبخ و حمام و استقبال و غرفة ضيوف كلش چبيرة و الطابق الثاني
بي ثلاثة غرف احنه فوگ عمر و علي كل واحد اله غرفه و اني و نور بغرفه خصصنالها مكان اذا حابة تجي و بابا و ماما
جوة و بقت غرفه ما استخدمناها البيت نضيف بس ما بي اثاث فـ گلنا اول منستقر شوية و نضفة نبدي نشتري اثاث و نرتبة
………
في مكان اخر::
نور:: شنو هل لعبان نفس ما بقى شي للمدرسة والله ما اريد اداوم
سمرة:: هههه ولچ راح تعجبچ المدرسة هنا و روحي تعرفي على بنات و تونسي يجوز تعجبچ
نور:: هنيالچ جامعة شلون ناس بختت عين الباردة عليچ
سمرة:: عين الحسود بيها عود
نور:: ههههه ولچ بس كم يوم و نداوم
سمرة:: والله اني بالنسبة الي حيل متحمسة للدوام
نور:: هاا ليش هلگد الجامعة حلوة هنا؟
سمرة:: اممم احچيلچ بس ما تحچين لأي أحد تضل السالفة بينه
نور:: يابة احچي ما يطلع حرف جربيني و اذا طلع حرف شنقيني
سمرة:: مو بس اشنقچ همات اعلگچ بالبنكة و اخليچ فرجة للرايح و الجاي
نور:: يمه شگد عنيفة لعد؟
سمرة:: ههههه
تقربت عليها كلش
نور:: يلا احچي راح اموت من الفضول
سمرة:: دحگي اني احب واحد
نور:: الله حيوو احچيلي من الألف للياء
سمرة:: دحگي هذا مو صارت علاقتي وياه بالجامعة لا احنه من الخامس علمي احبة و يحبني و ربي وفقنه و دخلنه نفس الجامعه بس التخصص يختلف
نور:: ههههه كلش زين والله شعجب لحد هسه ما اجه خطبچ
سمرة:: بعد خية گلنة من نكمل جامعة يجي يخطبني و نزوج ان شاء الله والله يا خية اذا اگلچ احبة قليل يعني شگد ما احبة مستعدة افدي بروحي و ابد ما اتندم
نور:: لهاي الدرجة تحبي؟
سمرة:: و اكثر حيل احبة اني اموت بي يعني علاقة أربع سنوات شلون تريديني ما احبة؟
نور:: عمي گلنالچ حبي بس مو هيچ
سمرة:: هو هيچ الحب يخليچ تحبين شغلات تكرهيها و تكرهين شغلات تحبيها و تقتنعين بشغلات عمرچ ما مقتنعة بيها ابد تنقهرين على قهرة و تفرحين على فرحه
و تكونين وياة بالمرة قبل الحلوة و شگد ما غالي عليچ اي كلمة منه مو حلوة او تافها تخليچ تبچين
نور:: هي شني ابچي علمود واحد هههه مستحيل
سمرة:: لا خية اني هم چنت نفس حچيچ باچر تحبين و تصير دمعتچ و دمعته واحد
و ضحكتچ و ضحكته وحدة و ما ترتاحين ويه بشر غيرة ابد تحسين هو كل اهلچ و ما محتاجة بهاي الدنيا غيرة
نور:: اممم شلون تعرفتي علية
سمرة:: ههههه خلي احچيلچ
نور:: يلا يلا
سمرة:: اني لمن چنت صف خامس ما چنت قوية بالرياضيات ابد فـ اخذ محاضرات عند مدرس بمعهد هو وياي و اكو هواي بنات و ولد بس هو احسة غير بالبداية چنه نتعارك
و واحد يكرة الثاني بعدين صار يساعدني بالدروس و يغششني ههههه و خلص المعهد و ضلينه على تواصل و اعترفلي انو هو يحبني و اني همات چنت ابادلة نفس المشاعر
نور:: ههههه والله كلش حلو ان شاء الله اهلهل بعرسكم و ارگص و اشوف جهالكم بحضنچ
سمرة:: ههههه ان شاء الله ضل بس ثلاثة أيام و اشوفة والله حيل مشتاقتلة
نور:: ههههه اريد اشوفه ما عندچ صورة اله؟
سمرة:: اي عندي
نور:: خلي اشوفها
سمعت تلفوني يرن رحت شفته و طلعت حور
سمرة:: منو؟
نور:: ولچ هاي حور يمكن وصلو
سمرة:: جاوبي يلااا
نور:: الووو
حور:: هلا بالضلع هلا بتاج الراس
نور:: هههه لك الله حيوو
سمرة:: ولا كأن نسوان مثقفات و بالخارج چنتن عايشات
حور:: ولچ ايمت تجين مشتاقين
نور:: جايتكم شويه و دزيلي واحد من الولد راح نجي اني و سمرة
حور:: كل الهلا بيچن ولچ نوغ (نور) البيت كلش حلو بس ما بي اثاث
نور:: يااا يلا سهلة تشترون ان شاء الله
حور:: ولچ والله كلش مشتاقتلچ تجين تباتين؟
نور:: والله ما ادري اشوف بابا و اشوف سمرة همات تجي وياي
حور:: ولچ يا غيت (يا ريت) والله ضوجة انوب هذا علي صاير فد غثيث ما ينحمل
نور:: ههههه سودة علية
………
في مكان اخر::
تراث:: شبيك عمي متگلي شبيك؟
عراق:: انچب و اكل خرا كلة من وراك هسه لو يدري عمي الا يطردني
سجاد:: هو انت تاليتك عامل نضافة تلوگ بيك هل شغلة عود نضف غرفتي وياك
عراق:: الجايف ابو الخيسة هو اليشوف غرفتك المعفنه من الريحة ما يطلع صاحي
تراث:: استغفر الله هسع انتو منو يقتنع بيكم مهندسين
عراق:: چان حلمي ضابط بس هذا الواقع يقهر چان هسع نايم ويه الثلاثينيات
سجاد:: الكرش أربع طبگات و الحواجب سرة مال نمل و لابسة جلد النمر
عراق:: اووف اويلي ربي
تراث:: استغفر الله يارب بس الصبر ما رايد شي
حازم:: السلام عليكم
تراث، سجاد، عراق:: وعليكم السلام
حازم:: شلون الشغل وياكم ان شاء الله ما اتندم لأن جبت عراق هنا
تراث:: يابه هذا ما يعرف بس يلغي و يضحك لو تنقلة لغير قسم احسن و هنا بس اني و سجاد نكمل الشغل بسرعة
عراق:: لا يا دودة الكتب
حازم:: انچب لك اكبر منك احترم
عراق:: على راسي عمي
سجاد يباوع لعراق و حاصر ضحكته
حازم:: چان استحيت عمرك 27 سنه و لحد هسع ما تعرف تسوي شي
عراق:: يعني عمي شتريد اسوي مهندس و عندي بيت و سيارة و شغلي ماشي و انوب جبتني هنا گوة و غصب عني الا تشتغل وياهم
حازم:: وليدي هاذي الشركه رزقنه كله منها ولو ما هي چان انتو ما بيكم واحد وصل لهنا و هي هم من تأسيس جدكم علي الله يرحمه
عراق:: الله يرحمه چان خوش زلمه سودة علية
سجاد:: ولك كضه هذا شويه و يگعد يلطم علية
تراث:: ههههه لا احساس ولا ضمير
حازم:: ما تصيرلك چارة تضل عار
عراق:: على راسي عمي على راسي احطك
سجاد:: ههههه
كضه عمي حازم من كتفة
حازم:: وليدي لو تجر عدل لو تعرف شيصير
عراق:: صار عمي تدلل الشركة بأمانتي
حازم:: عفية هيچ أريدك زلمة معدل حتى نلگالك مرة و نزوجك و نخلص منك اشو انتو من وصلكم السرة ولا واحد بيكم تزوج
عراق:: عمي شطالبنه بعدنه بداية زهرة شبابنه تريد تگطع هاذي الزهرة لا عمي ما حبيتها منك
تراث:: ههههه
سجاد:: اي والله صحيح اول مرة تحچي شي عدل و صحيح
عراق:: اني دوم احچي عدل بس انتو نغولة ما تفهمون
حازم:: هههه يلا ولدي اني طالع محتاجين شي؟
تراث:: لا يابة ما محتاجين شي
عراق:: روح و بالك مطمئن الشركة بأيد امينه
حازم:: هههه
طلع عمي حازم و اردف عراق
عراق:: ولو ادري الشركة بدوني تضيع بس شسوي عندي شغلات اهم
تراث:: اطلع اصلاً احنه من البداية ما مستفادين منك شي انوب هسع
سجاد:: اي والله صحيح
عراق:: سجاد انت ياهو اليحچي تصير ويا انت وياي لو علية ما افتهمت
سجاد:: عليكم ثنينكم
عراق:: اني رايح يلا اودعناكم
تراث:: وين؟
عراق:: اشتري ملابس جديدة لعرس صاحبي
تراث:: هذا العرس نفسة الراح يروحن علية سمرة و نور؟
عراق:: اي خما اكو شي؟
تراث:: لا وليدي سلامتك
عراق:: يلا اودعناكم
في مكان اخر::
عمر:: ……
________________§§§______________________________________________
الفصل التالي اضغط هنا
يتبع.. (رواية أحفاد الشيخ علي) اضغط على اسم الرواية لتجد الفهرس كاملاً بجميع الفصول.