رواية راعوث – الفصل الأول والأربعون
part 41 ”
ابتسام :- يمه سوده بوجهي شماخذه بنيتي شبيها خو ما يصير عليها شي خاف حامل فدوه اروحلج ديربالج عليها
– انشاء الله عدها العافيه تكدرين تكعدين يمها بين ماتكعد
ابتسام :- طبيت يمها حاطين الها جهاز تنفس اصطناعي وترمش بعيونها ودموعها تنزل على خدها بس بعدها مو بوعيها بقيت كاعده يمها وره شويه ودخل عُقاب كتفه ملفوف بشاش متعوده على هذا منضره بس كلب الام ترف على ضناها لو مهما يكبرون
ابتسام :- ها يمه شلونك شلون صرت تعال يبعد روحي سولفلي شصار منو صوبك شلون عرفت راعوث
عُقاب :- تعودت هاي مو اول مره تصير شربي مي وشكر ومعليج بعد خليها على الصافي
ابتسام :- ناوي تجلطني والله العظيم
عُقاب :- شماخذه علاج راعوث انتي انطيتيها شي فرح !؟
ابتسام :- كلتلك الدكتوره والله يمه كلشي مانطيتها اله هاي فرح يمكن
ابتسام :- تقدم عُقاب من راعوث كعد بصفها دنك عليها صار شبه نايم عليها رفع شعرها لوره كمت من مكاني وطلعت بره كعدت بالممر
راعوث :- صوت وشوشه باذاني الأوكسجين بارد اسمع صوته الاحبه صوته الخشن همسه الحلو احس اريد اكوم اصرخ من الفرح يعني عايش مابي شي اسمعه يهمس باذاني
عُقاب :- مو تريدين اختفي ؟
راعوث :- فتحت عيوني باوعتله شكت حلكي الضحكه سحبت جهاز التنفس و كعدت حضنته حيل ابجي واضحك بـ هستيريا بست كل وجها وابجي بصوت عالي واشهك حطيت راسي على صدره وابجي
راعوث :- ليش رحت ليش لا تعوفني بعد لا تروح لشغل لا تعوفني عفيه والله اموت اذا عفتني
– جاوبني بدم بارد وبدون ما ياخذني لحضنه
عُقاب :- ما اعوفچ
راعوث :- عُقاااااب ليش تخوفنييي كااافي حاجينييي شصار منو هذا الرجال منوو ليش ضرب على سيارتك طلقه
عُقاب :- شغلي گ ضابط ورتبه رائد لازم تصير هاي الأمور
راعوث :- لا تروح لشغل عووفه ماخليك والله ماخليك تروح
عُقاب :- خوش بويه
راعوث :- وخرت من حضنه رفعت راسي باوعتله باوعت على ايده نضرته بارده اخذت حسره
راعوث :- اني اسفه والله ضجت وحجيت هيج عليك ضايج مني زاعلتني
عُقاب :- اذا صرتي احسن حتى نرجع للبيت لمي ملابسج اخذج لاهلج
راعوث :- فتحت عيوني على وسعهن وكلبي كام يرجف أردفت بصوت يرجف ، ليش
عُقاب :- مو تريدين افراح ؟
راعوث :- اريدك
عُقاب :- اريد تذكريني منو كال اختفي !؟
راعوث :- رائد
عُقاب :- الميانه زايده شو ؟
راعوث :- كعدت بحضنه وايدي حاوطت ضهره حضنته حيل اريده يحضني بس مادري شبي
راعوث :- ابوسها توجعك
عُقاب :- لو تكعدين بمكانج على السديه لو لا تتحرگين زياده
راعوث :- عرفته زعلان احس كلبي جاي ينمرد مرد شبكت ركبته وبست خده وخر ايدي كعدني بمكاني وكام يريد يطلع كمت من مكاني رحت وراه وكفت مقابيل الباب منعته يطلع رفعت راسي باوعتله طلع جكاره دخنها مضيق عيونه ويباوع بعيوني
راعوث :- لا تسوي بيه هيج لا تسوووي تقبل اموووت كلبي يوجعني والله ليش تأذيني
عُقاب :- شتريدين بالضبط
راعوث :- احضنيييييي
عُقاب :- اعتقد منطيج دوه اعترافات
راعوث :- كااافي مو تحضني سولف وياي لا تباوعلي هيج اني مرتك
عُقاب :- اي عيني شنو من علاج ماخذه من علاجاتي
راعوث :- دنكت راسي اخذت نفس وزفرته ارتبكت ، شنو يا علاجات شلون عرفت
عُقاب :- عندي تحقيق وياج بالبيت
راعوث :- كلبي راح يوكف
عُقاب :- مو مثل وكفت ، سكت اخذ نفس وزفره ، وخري من الباب
راعوث :- كلبي يوجعني
عُقاب :- اسويلج تخطيط
راعوث :- شنو هذا
عُقاب :- نزعي ونامي والباقي عليه
راعوث :- انته تسوي لو دكتوره
عُقاب :- اني
راعوث :- دنكت راسي تقربت منه ، حباب توجعك
عُقاب :- چؤ كلبك يوجعك
راعوث :- لا اريد اطلع من المستشفى
– لزم ايدي وفتح الباب طلعنه اشر لامه بمعنى ابقي كاعده واخذني لغرفه الدكتوره حجه وياها كتبتله علاج اليه راح جابه اجت عمتي وطلعنه لبره
حسن :- الحمدالله على السلامه الحمدالله عدت على خير
عُقاب :- الله يسلمك حبيبي مشكور
راعوث :- صعدنه بالسياره وبقه عُقاب والولد يحجون
حسن :- اني سمعت صوت رمي بس ماتوقعت انته تصوبت منو هذا متقصد اجت تايها
عُقاب :- الزمه الزمه وداعت دموع راعوث واشوفه غضب الله شلون يلعب ويا عُقاب عباله عُقاب سهل
حسن :- منو غريب عرف عندك واحد شاك بي
عُقاب :- مو واحد مليون واحد
حسن :- اوفف اوف شغلك صعب صعب الله يساعدك
عُقاب :- ماكو اصعب من كلام يأذيك من شخص تحبه
حسن :- فعلاً ولو تدخل بس خيرك
راعوث :- اخذت نفس وزفرته بقوه خليته يسمع
عُقاب :- عود يحذر
حسن :- منو
عُقاب :- مو وياك واحد بالي بالشغل
راعوث :- بقيت اباوع من الجامه واريد ابجي و عُقاب يدير وجها اليه ياخذ نضره سريعه ويندار وصلنه للبيت نزلت طبيت للبيت هستوه جاي زيد وجاي تحجيله فرح بسرعه كام تلكه عُقاب وشصار ووين رحتو فرح تلكتني خايفه عليه
فرح :- ها راعوث شبيج احجيلي صار شي بيج شي ليش وكعتي دختي خفتي
راعوث :- مابيه شي
زيد :- موتتني خوف هاي فرح خبلتني شصاااير شبيها ايدك شبيها راعوث منو هذا ال رمه عليك فهمني عُقاب كل مره تجي متصوب لا تسولف ولا تكول مين ولا تهتم لجرحك
عُقاب :- حبيبي زيودي علكيفك اشرب ميات وشكرات ماصاير شي اصابه بسيطه بس اخذ السياره لتصليح واحتاج سيارتك هذني الجم يوم وراعوث صعدي للغرفه
راعوث :- بلعت ريكي صعدت للغرفه ركضت ادور على مكان اختل بي البرده يشوفني وين اروح باوعت للكنتور جبير رحت ركض فتحته دفعت الغراض ودخلت بي كعدت حضنت رجليه حيل وسديت الباب بقيت فتحه قليله حتى اتنفس
– سمعت الباب انفتح خطوات رجليه نزع قميصه نزع الحزام شمر المحفظه والمسدس على الجربايه باوع على الغرفه ما لكاني طلع للحمام دور عليه ورجع دخل للغرفه قفل الباب تقرب من البرده وسحبها حيل كتمت انفاسي وفاتحه عيوني على وسعهن دورني ركن ركن بعدها صار هدوء سمعت الكرسي انسحب انفتح المجر صوت خرخشه العلبه بيها الحب نبضاتي بدت تعلى خوفي بدأ يزيد لا حركه لا صوت انفاسي كاتمتهن اسمع صوته يحسب حبه حبه
– 1
– 2
– 3
– 4
راعوث :- ارجف احرك عيوني يمنى ويسرى عركت اريد نفس ماكو اختنكت احس كلبي راح يوكف الصوت رعبني اسمعه هوه ويحسب وصوت خرخشه العلبه معناتها جاي يحسب بالحب راح يعرفني اخذت شلون اكول اله ضاعت وكعت مني ليش اخذت حب من عنده شسويت اني منو كال اله اخذت من علاجه؟ كمل من الحسب صار هدوء ثواني حجه
عُقاب :- دائماً الكنتور تسكنه الارواح
راعوث :- حسيت شي دغدغ خدي بسرعه درت وجهي شفت ملابسه معلكه صدري ينزل ويصعد من قوة انفاسي العاليه ونبضات كلبي
عُقاب :- هذا الكنتور اشتريته من محل وبعد فتره سألني صاحبي مين جبت هذا الكنتور عجبني واريد منه كلتله تدلل من عيوني اخذته للمحل وشفت المكان شبه مهجور سألت الناس كالو هاي منطقه مهجوره صارلها سنين وهذا احد الجن بايعه الك هاي قصتي ويا هذا الكنتور
راعوث :- اريد اطلع بس اخاف منه عرف اني ماخذه الحب وارجف من الضلمه الي اني بيها واحس الملابس يتحركن حضنت روحي حيل وضميت راسي بين رجليه
عُقاب :- مره جنت نايم بليل هدوء الغرفه سنطه سمعت طكه بالكنتور ما اهتميت لان اعرفهم دوم عايشين بهذا الكنتور مطفي الضوه وره شويه وانفتح باب الكنتور علكيف وصوت الباب المرعب ينفتح وشفت عيون بيض و حمر منوعات بالعدسات مبين عدهم عرس باوعو عليه سويت روحي نايم تأكدو نايم ورجعو يكملون عرسهم
راعوث :- كمت اتخيل اشياء تخوف دفرت الباب وطلعت ركض لحضنه وصرخت بصوت عالي
راعوث :- بابااااااااااااا
– حضنته بكل قوتي وابجي اناشغ وحاضنته بكل قوتي هوه كاعد على الكرسي واني صرت كاعده بحضنه باوعتله وامسح بدموعي اباوع للكنتور واباوعله
راعوث :- اخاااف حباااب كوم سد باب الكنتوووور
عُقاب :- ماخذه من علاجي ؟
راعوث :- باوعتله وكمت من حضنه باوعت على الباب مقفول وين اشرد
عُقاب :- هسه تتمنين عندج **** مثلي
راعوث :- لااااااا ماااا اتمنه
عُقاب :- صايره كح***
راعوث :- دنكت راسي شفت الحزام طابكه بيده
عُقاب :- العلبه بيها 15 حبايه واني بقيت 8 ليش صايرات 7 ؟
راعوث :- باوعتله صافنه بعيوني واريد ابجي
عُقاب :- اعترفي
راعوث :- مو اني اخذت
عُقاب :- اعترفيييي
راعوث :- مو اني
عُقاب :- كعدي بالكاع
راعوث :- وين اكعد
عُقاب :- هنا
راعوث :- اشرلي بيده يما مقابيله بالضبط كعدت بالكاع ومدنكه راسي حط ايده على راسي لعب بشعري باصبعه الابهام دنك عليه وهمس من فوكاي
عُقاب :- لا تعبيني
راعوث :- ماخذت من علاجك
عُقاب :- اعترفي يا علاج ماخذه
راعوث :- رفعت راسي عاط
عُقاب :- نزلي راسججج
راعوث :- نزلت راسي ، ليش جاي تعاملني هيج
عُقاب :- تستاهلين هيج معامله كلامج اطلعين وحدج وتكعدين بسيارة ولد غريب ماتعرفي هذا شيسمو مو مك*** مو است*** تاخذين علاج مو لعمرج وماتدرين شنو هوه اصلاً هذا كله وماتردين اعاملج بهاي الطريقه؟
راعوث :- والله اخاف لا تصيح
عُقاب :- مدللها واشتريلها وافرحها هيه هاي جزاتي بالنهايه ؟
راعوث :- بعد ماعيدهن كلهن والله
عُقاب :- يا علاج اخذتي
راعوث :- هذا ، اشرتله على العلبه بالكاع جان يحسب بيها
عُقاب :- حلو ماخذه اقوه علاج
راعوث :- دنكت راسي
عُقاب :- شوكت اخذتي
راعوث :- اليوم الضهر
عُقاب :- ليش اخذتي
راعوث :- مادري
عُقاب :- ليش .. اخذتي
راعوث :- مو انته من تضوج تاخذ اني ضجت لان افراح كلتلي راح اروح واخذت بس حبايه وحده
عُقاب :- ارتاح ****
راعوث :- والله بعد ماعيدها
عُقاب :- قسماً بالله العلي العظيم اذا شفتج مره ثانيه ماخذه اشكج نصين اذبحج اخليج تحفرين كبرج بيدج
راعوث :- نزلت دموعي وطكيتها بجيه قويه امسح بدموعي واشهك مدنكه راسي وابجي بصوت عالي نزل بالكاع سحبني الحضنه حضني قوي وباس راسي
عُقاب :- ليش تخليني أذيج وابجيج ها بويه ليش
راعوث :- والله مادري كلت بس هوه ياخذ من هذا الحب ويصير زين يمكن حتى اني من اخذ اصير زينه وما اضوج
عُقاب :- لا ابني مو زين عليك مالت كبار ويأذيك تعال اسئلني واني انطيك او اكلك مو زين عليك
راعوث :- اسفه
عُقاب :- اششش لا تبجين كومي بويه كومي ايدي تأذيني اذا انام بالكاع كومي على الجربايه
راعوث :- ايدك توجعك
عُقاب :- لا ابني بس اذا نمت عليها
راعوث :- خفت عليك
عُقاب :- تخاف عليه
راعوث :- لا بس ما خفت بس
عُقاب :- شلون تطلع وراي يبوي ليش تعرض حياتك للخطر
راعوث :- احضني
عُقاب :- اهخخ صاير يحب حضني
راعوث :- شالني ونيمني على الجربايه نام يمي حضني قوي حضنته وباوعت بعيونه
راعوث :- لا تعوفني
عُقاب :- ابد وداعتك
راعوث :- عُقاب خايفه
عُقاب :- مين بويه
راعوث :- لا تروح لشغلك اتركه عفيه
عُقاب :- مو سهله ابني
راعوث :- زعلان مني
عُقاب :- مو قليل كل السويتي بس مو سهله اشوف دموعج تنزل من وراي
راعوث :- والله كلهن ماعيدهن والله
عُقاب :- رضيني
راعوث :- شلون
عُقاب :- انته تعرف
راعوث :- عادي اكوم
عُقاب :- كوم بويه
راعوث :- كمت من يما نزلت جوه
ابتسام :- ها يمه شبيج باجيه لو شبيهن عيونج
راعوث :- ضحكت حتى ابين مابيه شي ، لا ما باجيه
ابتسام :- شلونه عُقاب انتي شلونج
راعوث :- زينين وين فرح
ابتسام :- بالمطبخ
راعوث :- طبيت للمطبخ لكيت فرح تسوي العشه رحت وكفت يمها امشي وراها وين ماتروح وصافنه شلون احجي منين ابدي
فرح :- ها يروحي تريدين شي
راعوث :- اي ، راحت تغسل الماعون رحت وراها
فرح :- احجي حبيبتي شكو
راعوث :- شسمه
فرح :- شسمه
راعوث :- باوعت على وغف التايت كمت امطك نفسي تريده بعد ما اتحمل اخذت شويه بيدي وضكته بلساني واني كمت اكح فرح انصدمت اجت تركض انطتني مي رحت اغسل بحلكي واكح
فرح :- طاحححح حضججج صدك تحجيييين صدك بالله
راعوث :- غسلت حلكي اكثر من مره وشربت مي رحت كعدت على الكرسي وطكيتها بضحكه
فرح :- والله خوفتيني شبيج راعوث منو ياكل الرغوه هاي
راعوث :- اشتهيتها شسوي ماكدرررر
فرح :- الله يستر من ابن عُقاب اذا توحمتي على رغوه تايت بعد شريد
راعوث :- مو حامل
فرح :- ابد مو حامل اني حامل
راعوث :- اي كافي
فرح :- الله يساااعد عُقاااااب
راعوث :- شمسويه كلها تكلي الله يساعده و الله يساعده
فرح :- سكتي كعدي عاقله وسكتي
راعوث :- اريد احجي وياج
فرح :- احجي خير
راعوث :- عُقاب زعلان مني شلون ارضي
فرح :- اجيتي لشخص الصح بس اكمل الي بايدي واجيج
راعوث :- وره ما كملت الي بايدها اجت يمي وكعدت تسولف وياي وياهوه اليدخل يكول شبيجن وشتحجن وشجاي تسون وفرح تضحك وتجاوب
– ماكو شي يله طلعو صار المطبخ عزيز
– تعلمني وتنصحني وتسولفلي شتسوي ويا رجلها واني مصدومه بس صافنه عليها وجاوبها بـ اي تعلمت هواي اشياء منها حسيتها امي اختي افراح الثانيه حبيتها حيل وتعلقت بيها اول بدايه مستحيه منها بس بعدين صرت اني اجر منها الكلام اريد اعرف واتعلم منها …
ادري البارت حيلل كصير بس خاف يكتلكم الفضول نزلته وهسه حسهر اكملها واذا كدرت انزل باجر بالنهار وبليل وشبعكم بارتات ♥️.
الفصل التالي اضغط هنا
يتبع.. (رواية راعوث) اضغط على اسم الرواية لتجد الفهرس كاملاً بجميع الفصول.