رواية راعوث – الفصل الأربعون
part 40 ”
راعوث :- فتحت عيوني احس ضهري يوجعني عُقاب حاضني حيل باوعت لساعه بـ 6 الصبح ضربته على صدره بخفة ايدي فتح عيونه باوعلي ورجع غمض
راعوث :- همست بصوت كله نعاس وخافت ، عُقاب كاعد؟ اريد اكوم
عُقاب :- صوتهااااا يا عااااالم قاتلللل
راعوث :- ليش تصيح
عُقاب :- ما اقاومچ صوتج صوتج اخخخ بويه
راعوث :- اريد اكوم وخر ايدك
عُقاب :- وين ترحين
راعوث :- لاخواتي
عُقاب :- اششش نامي
راعوث :- حباااب حباب
عُقاب :- عيب بويه شوفي الساعه
راعوث :- هيه افراح تكعد من وكت خليني اروح اذا نايمات اجي
عُقاب :- اشششششش
راعوث :- بس وخر ايدك ماروح بس اريد انام براحتي
عُقاب :- جذاب
راعوث :- ما جذب
عُقاب :- ابني وره نص ساعه يكعدن وروح يمهن
راعوث :- اشم ريحه اكل
عُقاب :- اكيد فريحه تسوي ريوك لرجلها
راعوث :- نادره فريحه
عُقاب :- اي بابا
راعوث :- لو عندي اخو ناخذها اله
عُقاب :- جا وزيد الكو**
راعوث :- هههههه عادي اثنين
عُقاب :- وج مايصيرررر
راعوث :- جا بس انته
عُقاب :- اني حلال عليه اربع نسوان
راعوث :- حلال عليكم اربعه احنه حلال علينه ثمانيه
عُقاب :- خوش فكره اربعه باربعه يعني حلال راح اتزوج ثمانيه نسوان
راعوث :- ينامن كلهن يمك بنفس الغرفه
عُقاب :- لا كل وحده غرفتها
راعوث :- كلهن يريدن ينامن بحضنك شلون
عُقاب :- كل يوم لوحده مثل الاحد للاوله الاثنين لثانيه وتستمر الحياه
راعوث :- يعني اني اول وحده
عُقاب :- اي بابا
راعوث :- زين هنه ثمانيه والايام كلهن سبعه شلون
عُقاب :- اطبك اثنين الجمعه
راعوث :- يعني اثنين ينامن بحضنك
عُقاب :- اي وحده منا وحده منا
راعوث :- صفنت ثواني استوعب خاف صدك كلامه ضربته حيل بصدره ضحك واهتزت اكتافه
راعوث :- كااافي كافي تريد تزوج ثمانيه مو اله اتزوج عشره واذا ما اتزوجت تعال اتفل بوجهي
عُقاب :- اتفل مو بس بوجهج بأماكن خاصه هم دللي
راعوث :- كافي عوفني عُقاب
– تقرب مني اكثر وباس خدي حيل
عُقاب :- وين اعوفك هاا فريخي وين اعوفك شعندي غيرك انته امي وابوي وسلاحي وجكايري وشغلي وعروك گلبي شايفه واحد يتخلى عن عروك گلبه
راعوث :- عوفني انته مو تريد تتزوج ثمانيه روح اتزوجهن وهذيج ال ماعدها يوم خلي تاخذ يوم الاحد ماريد انام يمك اصلاً
عُقاب :- غيرته قويه فديته
راعوث :- ما اغار
عُقاب :- راعوث
راعوث :- عوفني ما احجي وياك
عُقاب :- وروح حسيم ما اتزوج
راعوث :- حتى لو نطلك
عُقاب :- شكو نطلك اذا تغارين عليه
راعوث :- جاوبني
عُقاب :- لا وداعتك بالعكس اسوي المستحيل علمود ارجعك لحضني
راعوث :- ابتسمت عضيت شفتي الجوه حكيت ركبتي احس مستحيه تقرب مني حط راسه بركبتي اخذ نفس قوي وزفره تلمس ركبتي لمسات خفيفه باصابعه خلت جلدي يكزبر رفع الصليب وباسه بحنيه رفع راسه حط عيونه بعيوني ايده على خدي همس بتعب
عُقاب :- شلون افرحك
راعوث :- فرحانه
عُقاب :- اريد اخذج لكل محافضات العراق وبعدها اسفرج دوله دوله اريد تنسين الماضي انسي الانفجار والصار الج خايف عليج بويه خو ما مأثر بحياتج الصار
راعوث :- اذا انته يمي انسه كلشي
– ابتسمت مستحيه وضميت راسي بصدره
عُقاب :- ابوس الانفجار الوصلچ اليه
راعوث :- بعد ماسيطر على تصرفاتي نبضات كلبي سريعه وحلكي شاكته الابتسامه وعيوني يلمعن تقربت من اذانه همست ،
راعوث :- چوعانه
عُقاب :- *** برائد عبالي راح تكليلي احبك
راعوث :- هههههههههه يله اريد اكوم جوعانه
عُقاب :- هذا شنو من فرخ ابني شكد ياكل
راعوث :- شمدريني تدري هسه شمشتهيه
عُقاب :- الباشا
راعوث :- شنو باشا مشتهيه بسكت مالح
عُقاب :- صدك والله
راعوث :- بللت شفتي ، والله
عُقاب :- فريخي يشتهي بسكت مالح وما اجيبله كوم نسبح حتى اطلع اجيبلك
راعوث :- يله كوم
عُقاب :- يالله اجه الفرج
راعوث :- كام يم الكنتور بقيت نايمه بمكاني طلع ملابس باوعلي أردف
عُقاب :- يله كومي
راعوث :- وين اروح
عُقاب :- نسبح ؟
راعوث :- ماتسبح
– ما جاوبني بقه خازرني ثواني وتقدم مني
عُقاب :- كومي غسلي حتى تنزلين يم البنات
راعوث :- كمت للحمام بين ما اغسل وجهي دخل عُقاب سمعت الباب انقفلت درت وجهي باوعتله تقدم مني
راعوث :- شت شتريد
عُقاب :- احب من ينضحك على الفروخ بسرعه
راعوث :- شبيك تريد تسبح هاي كملت ليش قفلت الباب
عُقاب :- شحلات السبح الثنائي
راعوث :- ما اسبح وياك مااا عوفني اريد اطلع تره والله اصيح ابوي هنا
– تقدم مني ايده حاوطت خصري حضني قوي يباوع بعيوني وعيونه ذبلانه
عُقاب :- اذا اجه ابوج شتكليله
راعوث :- عُقاب يريد يسبح وياي
عُقاب :- اي واخاف مثلاً على شنو جاي اسبح ويا مرتي مامسويها هوه
راعوث :- حباب عُقاب والعباس ماريد
– سحبني جوه الدوش فتح المي واحنه بملابسنه كزبر بدني اخذت نفس وزفرته حضني اقوه مرر اصابع ايده على ضهري غمضت عيوني رفع الفالينه لزمت ايده
راعوث :- ماريد عفيه
عُقاب :- اشششش وراي شغل يله بابا
راعوث :- استحي حباب حباب
عُقاب :- رفعي ايدج
راعوث :- والله ماريد
– تغيرت ملامحه دفعني عنه نزع ملابسه بسرعه درت وجهي سبح بثواني وخلص لبس ملابس الشغل وطلع من الحمام
– سبحت وطلعت بدلت نزلت جوه ماهوه عُقاب الساعه توها راح تصير بـ 7 لكيت عمتي وفرح بالمطبخ محضرات الريوك
ابتسام :- هلا يمه صباح الخير روحي علكيفج وشوفي اهلج كعدو لو بعدهم
راعوث :- رحت فتحت باب الاستقبال ضلمه وكلهم نايمين رجعت للمطبخ
راعوث :- بعدهم نايمين
ابتسام :- نوم العوافي خليهم
راعوث :- جوعانه
ابتسام :- شتردين شنسويلج يحبيبتي كلشي موجود تردين بيض جبن كيمر
راعوث :- مشتهيه بيض وطماطه اثنينهن سوه
ابتسام :- من عيوني غسلي طماطه خلي اثرمها
راعوث :- رحت غسلت الطماطه واخذتها الها
ابتسام :- طكي البيضه بالطاسه بين ما اثرم شغلي الطباخ وحطي الطاوه وزيت خلي يحمه
راعوث :- طكيت البيض شغلت الطباخ صفنت احس ما اشتهي البيض بعد معدتي كامت توجعني شلون احاجيها اني كلتلها اريد شلون بعد باوعتلها ثرمت الطماطه
راعوث :- عمه
ابتسام :- ها عمه
راعوث :- اصبري والله جنت مشتهيتها هسه ماريد حبابه لا تضوجين
فرح :- بيها شي هاي البنيه
ابتسام :- يله يعمه شنو السالفه خلي نسوي ويا ريوك اهلج
راعوث :- والله جنت مشتهيتها بس هسه مادري شبيه احس نفسي تلعب
فرح :- ابصم بالعشره حامل
ابتسام :- هههه الله يسمع منج وتطلع حامل وشوف وليدات عُقاب يا يوم السعد هذا
راعوث :- هوه يكلي عندج فريخ
ابتسام :- بعد شريد اذا عُقاب متأكد
راعوث :- ابتسمت وطلعت رحت للاستقبال مشيت علكيف ونمت بحضن افراح حضنتها حيل فتحت عيونها باوعتلي ابتسمت حضنتني بكل قوتها
افراح :- احلى صباح بحياتي هوه شوفت وجهج
راعوث :- حتى اني والله
افراح :- لا انتي بعد صباحج الحلو عُقاب
راعوث :- چؤ افراااح
افراح :- هههههه مجذبه بشي
راعوث :- احبج بس انتي واخواتي وابوي والصبح احب اشوفج انتي
افراح :- فشله الساعه بـ 7 ولجن اكعدن
راعوث :- عوفيهن نايمات خطيه
افراح :- لا شنو خطيه ولازم نروح خو ما نكلفكم عشه وغده
راعوث :- والعباس ماتعوفوني
افراح :- استغفرالله لا تحلفين
راعوث :- ماا والله ماتعوفيني افراح والله ابجي تقبلين ابجي ماترحون والله معليه
افراح :- اي ماعوفج رجلج هنا
راعوث :- لا
افراح :- راح لشغله
راعوث :- مادري يمكن
افراح :- ولج شبيج غير رجلج تهتمين بي تشوفي وين رايح وين جاي
راعوث :- ليش ما كمتي شفتي غرفتي
افراح :- اي يروحي شويه واكوم اشوفها
راعوث :- ابتسمت افراح كعدت البنات وكامت سفطت الفراشات ما حاجيتها لان مادري عيب لان اخواتي ومتعوده عليهن طلعت اجيب الريوك
ابتسام :- ها يمه وين رحتي
راعوث :- كعدت البنات
ابتسام :- انتي كعدتيهن يمه سوده بوجهي فشله يايمه
راعوث :- واذا شبيج اخترعتت
ابتسام :- جيبي الفراشات لصاله هيه فرح تسفطهن بس طلعيهن الها
راعوث :- حجيت بصوت خافت ، سفطتهن افراح
ابتسام :- عضت اصبعها ، اخخخ ولج يمممه شلوون بهاي البنيييه شوكت تكبرين وتتعلمين ولج مو عيب خطار يسفط الفراشات سوده بوجهج ييمه
راعوث :- شسوووي شسوي كليلي
ابتسام :- روح جيبيهن حطيهن بالصاله امشي ولج امشيي
راعوث :- رحت اخذت الفراشات طلعت لصاله شفت علوش
راعوث :- تعال علوش شوف اخواتي
علي :- تعاي وياي
راعوث :- اخذته ورحت للاستقبال
افراح :- هذا منو الحلو
راعوث :- خطيب بنتي
افراح :- فدوه ليش ماتجي يمنه تعال اكعد يمي
– راح علوش كعد يم افراح
علي :- ما اجي لان خاف تستحن مني
افراح :- ههههه صير حباب ويا راعوث ديربالك عليها
علي :- اي اني احبها اموت عليها فوديتها
افراح :- يمه فدوه فدوه شنو هذا ينوكللل
راعوث :- ابتسمت ورحت جبت الريوك فتحت البرده والباب على الحوش احس ما اشتهي شي كعدت يمهن
راعوث :- بابا شتاكل
ناصر :- اكلن بالعافيه ماريد شي
علي :- جا وين امكم
افراح :- متوفيه يروحي
علي :- الله يرحمها
افراح :- فدوه يكلبي شهالتربيه هاي هذا ابن فروحه مو
راعوث :- اي
افراح :- بعد كلبي
علي :- انتي اختهن الجبيره
افراح :- اي تعال اكل ويانه
علي :- لا راح اروح ماما سوتلي ريوك
افراح :- بالعافيه
راعوث :- باوعلي علوش وابتسم ابتسمتله كام طلع
ابرار :- صوتي رايح من ضحكنه الامس
راعوث :- احلى يوم عندي
افراح :- شصار رحتي وبعد ما اجيتي كلتي انتضريني
راعوث :- مايقبل هذا ابو شوارب
افراح :- لهسه انتي على ابو شوارب
راعوث :- اي عُقاب
رقيه :- شنو مايقبل ؟
راعوث :- مايقبل انام يمجن انتن نمتن ردت انام يم افراح مايقبل
افراح :- غير مايتحمل فراكج
راعوث :- هاي شبيها
افراح :- مو صدك كلامي
راعوث :- كافي كافي اكلي واسكتي عوفي عُقاب
– انفتح الباب دخل علوش
علي :- راعوث عُقاب يريدج بالحوش
راعوث :- طلعت للحوش لكيته واكف مخصر تك ايد ولازم بيها البسكت وبايده الثانيه الجكاره يدخن لابس نضارات شمسيه والمسدس بخصره وكفت مقابيله باوعت على البسكت ودنكت العب باصابعي
افراح :- رقيه طفرت من مكانها وره ماطلعت راعوث راحت يم الشباج صاح بيها ابوي
ناصر :- مو عيييب تعااااي كعدي يللله اني هيج مربيج
رقيه :- حباب بابا والله بس اشوف راعوث
ناصر :- مو عيب اذا شافج واحد شيكول عليج
رقيه :- حباب والله بس شويه اشوف
عُقاب :- عبالك نسيت البسكت
راعوث :- هزيت راسي بـ اي
عُقاب :- شلون انساك وانته بعز شغلي بالي
راعوث :- مديت ايدي حتى ينطيني البسكت
عُقاب :- تريد انطياك
راعوث :- اي انطيني
راعوث :- شرط
راعوث :- شنو
عُقاب :- بوسيني اول
راعوث :- ماريده
عُقاب :- بسكت وكله ملوحه اخ يابه
راعوث :- تقبل يطلع بابنك بسكته؟
عُقاب :- والله اكله كله من وره امك ماتنطيني بوسه هيه بوسه بلاش وسهله
راعوث :- انطيني اول انته البسكت وبعدين ابوسك
– سحبني حيل اله باس خدي وحط البسكت بايدي
عُقاب :- بروح امك انطيني بوسه حتى اشتغل مرتاح
راعوث :- بست خده وهمست باذانه ، عندي حجي وياك من ترجع من الشغل
عُقاب :- اخخ بويه اليوم ابوس مجرم مجرم بحلكه احجي اطلب ماعندي شي
راعوث :- لا مو هسه والله بعدين يله اريد اروح يم اخواتي
– اخذ نفس جكاره ونفخه بوجهي باوع يمنى ويسرى يتاكد محد وباس شفايفي بوسه سريعه عضيت شفتي الجوه ومشيت للاستقبال وكفت يم باب الاستقبال الي صايره على الحوش وباوعتله انطاني بوسه بالهوى ابتسمت وطبيت
رقيه :- والحسين باسها
افراح :- ركعت كتفها بكتفي حيل وخزرتها ، ابوي اسكتي
رقيه :- اخخ شبيج ما يسمع علكيفي
ابرار :- عليج الكاظم مين باسها
رقيه :- اسكتي راح تجي
افراح :- اصبريلي بالبيت والله اني اعلمج طلعتن كلجن ما ما مربايات عدل هسه من طلعت عرفتجن
راعوث :- كعدت يمهن وجهن مايتفسر مثل الخايفات ، شبيجن؟
افراح :- ماكو شي شنو هذا
راعوث :- بسكت مالح اشتهيته وجابلي عُقاب
افراح :- ولج صدك حامل
راعوث :- مادري
افراح :- انشاء الله يجيني خبر بنيتي حامل
راعوث :- ابتسمت فتحت البسكت قدمتلهن منه واكلت
ناصر :- بويه افراح احس مخنوك حتى اذا كملتي طلعيني للحوش شويه ماكدر اكوم وحدي ادوخ
راعوث :- اكومك اني
افراح :- لا لا كعدي هاي اني شبعت
راعوث :- اكل بالبسكت وباوعلها راحت غسلت واجت كومت ابوي نزلت دمعه من عيني ليش اني مايخلوني اتقربله ليش بس افراح و عُقاب يتقربون منه وعادي اني شبيه مايريدني ابوي لان اتزوجت لو شنو شبيهم ما انتبهتلي افراح طلعت ابوي بره تمشي
شمس :- شبيج يروحي
راعوث :- مابيه شي
شمس :- ليش تبجين اكو شي احجيلي راعوث خوفتيني شكو
ابرار :- شبيج راعوث ليش تبجين
راعوث :- مو افراح لزمت ابوي وطلعته بره ليش اني مايخلوني
شمس :- والله العظيم حتى احنه ما نتقرب منه بس افراح وداعتج ما جذب والله ياخذ علاج مو زين علينه وعليه نتقرب منه لا تضوجين يحبيبتي هوه عدنه شوفته كافيه
راعوث :- هزيت راسي بـ اي ودنكت
– حسيت بلعبان نفس قوي اريد استفرغ حطيت ايدي على حلكي وكمت ركض طلعت لصاله شفت فرح كدامي لزمت ايدها واحس اريد اوكع
فرح :- ها يمه ها شبيج شكو شبيج راعوث تعاي ولج غسلي شبيج
راعوث :- ركضت للحمام الجوه غسلت بالمغسله واستفرغت دخلت فرح تمسح على ضهري استحيت دفعتها طلعتها بره سديت الباب وغسلت واستفرغ واحس وجع بطني مو طبيعي غسلت وطلعت لزمتني فرح
فرح :- ها شلون صرتي اخابر عُقاب
راعوث :- لا لا مابيه شي
فرح :- شجاج شبيج
راعوث :- مادري شبيه احس روحي دايخه
فرح :- كعدي كعدي هسه اجيبلج مي
راعوث :- كعدت على التخم بالصاله طلعت شمس كعدت يمي
شمس :- شبيج يروحي
راعوث :- مابيه شي لا تخوفين افراح
شمس :- ديربالج على روحج خاف متأذايه ماكله شي
راعوث :- شربت مي شويه حسيت روحي احسن بقيت كاعده شويه يمهن فرح بقت تسولف ويا شمس بعد ما تاكدن صرت احسن كمت طلعت بره لكيت بابا كاعد على الكرسي وافراح يما
راعوث :- ها بابا
ناصر :- شويه صرت احسن حلو هنا الجو الله يريحه البصره وذكرياتها
راعوث :- حلو المكان هنا
ناصر :- كلش حلو يبوي هاي نعمه عندج
راعوث :- بعد عنده بيت وبي حصان وحشيش يخبل والهوى كلش حلو هناك
ناصر :- صدك بيته وحده ملك
راعوث :- اي كالي بيتنه وحدنه احنه وفروخنه
ناصر :- شنو فروخنه بويه
راعوث :- باوعت لافراح عضتلي شفتها ، احنه وجهالنه
ناصر :- انشاء الله الله يحفظكم ويخليكم سوه دوم يارب الحمدالله ما مأذيج مو بويه ولا يضوجج يهتم بيج يحبج يطلعج مرتاحه يعني
راعوث :- اي بابا
راعوث :- ابتسملي وهز راسه بمعنى اي
– بقو عدنه للغده همه يردون يرحون بس جلبو بيهم ماترحون ولمن يجي عُقاب ومسوين الغده قنعو وبقو فرح اندمجت ويا البنات تغدو وشربو جاي كامن البنات بالصاله واجه زيد كعد ويا ابوي يسولف
– اخذت افراح لغرفتي اول ما دخلت صلت على النبي وباستني وعيونها دمعت
راعوث :- شبيج
افراح :- بالعافيه ييمه بالعافيه انشاء الله يوم اشوف ابنج منيمته على الجربايه يمج اللهم صلى على محمد وآل محمد تخبل الغرفه الله يسعدج ويهنيج بيها
راعوث :- ابتسمت
افراح :- هذني ملابسج لهسه بالجنط ليش يحبيبتي اخذيلج مكان من الكنتور وحطي غراضج هذا الكنتور شكبره المن تريدو
راعوث :- اي بعدين عود
افراح :- رتبي غراض عُقاب هذني ملفات رتبيهن اله ملابسه شيليهن غسليهن رتبي جرجف الجربايه خليج ام بيت الغريبه اطب تعيب تحجي على رجلج لا والله تحجي عليج
راعوث :- مايقبل والعباس مايقبل اشيل الملفات لمسه من اصبعي مايقبل
افراح :- رتبيهن وشوفي منو يحاجيج
راعوث :- ما تفهمين مايقبل
افراح :- ما اكلج خربيهن رتبيهن بس
راعوث :- هوه ما يرتبهن
افراح :- كولي هيج من البدايه
راعوث :- اي كافي
افراح :- يمه منج يمممه الله يساعد عُقاب
راعوث :- منو كاله يتزوجني
افراح :- تعاي كعدي يمي
راعوث :- راحت كعدت على الجربايه كعدت يمها
افراح :- هم بعدج تتحلمين
راعوث :- شنو من احلام
افراح :- الكوابيس جنتي تشوفيهن
راعوث :- لا
افراح :- تلكين خراميش شي مو من عُقاب
راعوث :- لا اصلاً كله راح الكوابيس وجنت احس واحد يقيدني وانفاس بس هسه ماكو لان بعد ما اباوع بالمرايه هوايه يمكن
افراح :- اي يحبيبتي ديربالج ثبتي على صلاتج ولا تباوعين بالمرايه تعوذي من الشيطان وانشاء الله ماكو شي
راعوث :- اي
افراح :- بعد شكو ماكو خاف عندج شي تردين تحجيلي ماطول وحدنه احجي يروحي
راعوث :- تذكرت زينب ، ماكو شي
افراح :- متاكده مرتاحه اهلج عيالج حماج خو ما متضايقه تاكلين ماتستحين مو ييمه
راعوث :- اي والله احسه بيتنه الثاني بس اشتاقلكم ماريد تعوفوني
افراح :- لازم يروحي واجيج غير مره وهم انتي لازم تجين احجي ويا عُقاب خلي يجيبج تجين يمنه نحضر لعرس شموسه قريب
راعوث :- اي حبابه حاجي انتي حبابه
افراح :- الله كريم احاجي هم احنه لازم نروح ديربالج على عيالج وزوجج صيري حبابه سمعي كلامه مو من كلشي تخافين صرتي بنيه جبيره بعد عيب هاي سوالف اليضوجج كولي لعُقاب عليه بعد روحي ديربالج على نفسج
راعوث :- هزيت راسي بـ اي واحس انقهرت نزلنه جوه وره شويه واجه عُقاب حجه ويا ابوي والبنات كامن لبسن يردن يرحن حاول وياهم عُقاب ابقو وبس ليله ما فاد مناك بيتنه وعلاج ابوي ومدري شنو اني كله هذا كاعده يمهم وباوعلهم احس مقهوره كلبي مقبوض راح يرحون ويفرغ البيت ابقه وحدي راح يرجعون لبغداد وماياخذوني ابد ما ضحكت ولا سولفت شفتهم كامو وكفو و عُقاب خابر رائد راح يجي واني طكيتها بالبجي
– اجت افراح ركض عليه حضنتني وتبوس بيه وهيه هم نزلت دموعها
راعوث :- اخذوني وياكم ماريد ابقه هنا حبابه افراح بس يوم واحد ابات عدكم
افراح :- اشش يروحي اش والله نجيج غير مره والله العظيم لا تبجين تقهريني اخر شي يعني اطلع منكم ابجي لا يروحي والله غير مره نجي هم كلنه ونبقه عدكم وانتي هم عُقاب هوه كال اجيبها وتباتين يمنه
راعوث :- حضنتها حيل لزمت بملابسها واحس اريد اصرخ واكللها لا تعوفيني اتمنى بوقتها اموت ولا اشوفهم يطلعون ويعوفوني
– حضنني اخواتي وباسني اباوعلهن يردن يبجن واني خدي كله دموع وكلبي مقبوض
راعوث :- اروح وياكم ماااا والله ما تعوفونييي اريد ارجع وياكم حباب بابا اخدني وياك حاجي عُقاب
ناصر :- بويه صدري موتني لا تحجين هيج ولج بويه حسي بابوج ال نشلع كلبه بفراكج وصوت بجيج هذا شلون هسه اكدر اعوفج
راعوث :- اي لااا تعوفني لا تعوفني ابقه هنااا بس اليوم
ناصر :- ماكدر علاجي ودكتوري والبيت مناك عذرينه يبويه مو تعلمتي هنا هسه بس شويه وتنسينه لان تعودتي علينه
راعوث :- مااااااا والله معليييه تاخذوني ماااا
– دخل عُقاب للاستقبال باوعلي من فوك لجوه
عُقاب :- رائد وصل كوم حجي علي وياك واهلاً وسهلاً بيكم نورتونه والله
راعوث :- باستني افراح ورادت تكوم لزمت بيها حيل
افراح :- والقران اجي والقران بس هديني ولج كافي
مو عيب سوده عليه راعوث ليش تكسرين كلبي ليشش
راعوث :- ساكته ما اجاوبها وبس ابجي واباوع لـ عُقاب خازرني وابد مايرمش ولا اتحرك
ناصر :- كسرتي كلبي يبوي شسويتي بحالي هدمتي حيلي
راعوث :- باوعت لابوي وكمت من حضن افراح طلعت للمطبخ سمعتهم يسلمون وابوي يحجي ويا عُقاب اسمعه يكله ديربالك عليها بسرعه طلعت فتحت باب الشارع ورحت لسيارة رائد فتحت الباب وكعدت
– دار وجها رائد صفن عليه نزع النضاره الشمسيه باوع باستغراب
رائد :- هلا خويه شلونج
راعوث :- مسحت دموعي وشهكت ما جاوبته صافنه عليه
رائد :- خير صاير شي انتي راعوث لو ياهو ماشوف عدل
راعوث :- اريد اروح ويا اهلي ، وطكيت بالبجي اقوه
رائد :- اي روحي جا ليش تبجين وين عُقاب
راعوث :- مايقبل مايقبل ، ضربت الكشن حيل واحس مو بوعي من القهر
رائد :- دفهميني السالفه شكو
راعوث :- استاذ عُقاب مايخليني اروحح ويا اهلييي ولا همه يقبلون يباتون اريدهم حاجي عُقاب الله يخليك بس حاجي بس كلمه
– شفت عُقاب طلع احس راح اموت من الخوف رجليه يرجفن وكلبي يرجف فتح الباب وعاط من بين سنونه
عُقاب :- انزليييي
راعوث :- ادنيت حيل للباب وابجي صك على سنونه اقوه وصاح من بين سنونه وخازرني بعيونه
عُقاب :- وججج انزلييي
رائد :- علكيفك مو هيج خوفتها علكيفك عُقاب مو مجرم كدامك
راعوث :- صعد عُقاب بالسياره وعاط
عُقاب :- انزل رائد
راعوث :- بسرعه نزل تقرب مني عُقاب
عُقاب :- ليش تعاندين !؟
راعوث :- اريد اهلي
عُقاب :- ليش ماتفهمين وتسمعين كلام
راعوث :- اريد اهلييي
عُقاب :- ما راح يطيرون جنت مفكر اخذج يمهم اسبوع بس بطلت
راعوث :- ما تاخذني تجذب عليه
عُقاب :- وروح امج اخذج
راعوث :- شوكت
عُقاب :- بس يومين تلاثه بين ما اضبط اموري
راعوث :- يعني تاخذني لو بطلت
عُقاب :- اذا عقلتي ونزلتي اخذج
راعوث :- خليهم ومن نروح ناخذهم ويانه
عُقاب :- اششش لازم يرحون يله بابا سلمي عليهم عدل وبوسيهم وخلي يرحون بالسلامه لا يصير عليهم شي بالطريق
راعوث :- كول والقران تاخذني
عُقاب :- والقران
راعوث :- وابو فاضل
عُقاب :- وابو فاضل اخذج
راعوث :- شهكت بصوت عالي ومسحت دموعي
عُقاب :- ها تصافت الامور
راعوث :- هزيت راسي بـ اي
عُقاب :- سباعيه نزلي بابا
راعوث :- نزلت من السياره راح عُقاب يم رائد ضربه على كتفه
عُقاب :- توكل
رائد :- اني بس عندي امنيه وحده اشوف جهالكم شلون يطلعون
عُقاب :- امشي حبيبي مو وكت جهال
رائد :- بشرفك عندي حجي وياك لو بليل لو باجر
عُقاب :- كافي ملحه شكد تحجي
راعوث :- بست اخواتي وصعدو بالسياره عُقاب واكف وراي ايده حاوطت كتفي رجعت ابجي من شفت السياره تحركت انطلقت السياره وصارت بعيده دخل بالفرع واختفت طكيت بالبجي اقوه وبصوت عالي
– طبيت ركض للبيت صعدت للغرفه شمرت روحي على الجربايه وابجي ودفر برجلي حيل اطلع قهري دخل عُقاب للغرفه
– تقرب مني ونام عليه كمت ادفر بي وادفعه بيدي لزم ايدي واني ادفعها حيل سيطر عليه وثبت ايدي
عُقاب :- والله اخذچ بويه
راعوث :- راحو وعافوني ما اخذوني
عُقاب :- *** بيك يحسيم اخذلك بيت بغداد
راعوث :- عوفني كاااافي ماريدككك
عُقاب :- اني ليش جبتهم ذكرتج بيهم كله صوجي عبالي افرحج
راعوث :- كله من وراك لو انته تكول اخذوها ياخذوني هد ايدي ماريدك تفهم شنو يعني ماريدك اريد اهلي عوفنييي ماريد اعيش هنا مليت
عُقاب :- رحمي گلبي
راعوث :- ماريده هذا كلبك ماريده اتمنى امرده بيدي مرد حتى تنساني وتكرهني ترجعني لاهلي
عُقاب :- طالع بشغله ضروريه وحياتي معرضه للخطر واسمع هيج كلام منج ؟
راعوث :- روح ولا ترجع حتى ارجع لاهلي اختفي روححح
عُقاب :- كولي موت ؟
راعوث :- كافي عوفنيييي
– كام من عندي وطلع من الغرفه سد الباب حيل رادت توكع
– كعدت مسحت دموعي واحس كلبي مقبوض اريد اكوم وراه و امنعه مايطلع خايفه شعور غريب هدوء البيت خله بدني يكزبر صفنت استوعب الحجيته ويا وشكد كسرت كلبه بكلامي نمت على الجربايه وصافنه بالسكف كلبي يرجف حايره اكوم لو ابقه
– باوعت على شاشه الكامرات شفت عُقاب بالحوش دفر الكرسي برجليه ومشه سيارته بره بين مايطلع طلع جكاره ودخنها بقيت اباوع عليه صعد السياره واني طفرت من مكاني حايره اكوم لو لا بس ركب السياره جانت اكو سياره طابكه اتحركت انفتحت الجامه شفت رجال ملثم ولابس كفوف اصبع ما طالع منه بس عيونه ومامبينات كلش مد ايده من الجامه لازم مسدس فتحت عيوني على وسعهن ورجليه جمدن ماكدر اتحرك بعد وصل من سياره عُقاب وضرب طلقه اتصوبت بـ جامة سيارة عُقاب
راعوث :- كلبي حسيته وكف رجليه يرجفن صرخت بصوت عالي ، عُقاااااااااااااااااااااااب
– نزلت ركض احس ماكدر ارمش ماكدر اتنفس احس المكان صار بعيد سنين وسنين اله اوصل مع انو ركضت بكل قوتي ودفعت كل الطلع بطريقي طلعت ركض فتحت باب الشارع وحسيت بطني جاي يدجون بيها بسجينه كلشي ماشوف ضلام دامس انتهيت مادري اني اذا واكفه لو واكعه عقلي وكف ماكو غير عُقاب وكلامي اله بعقلي ماكدر اصرخ صوت وشوشه باذاني ومن بعدها انتهيت رخيت كل جسمي وغبت عن الوعي …
الفصل التالي اضغط هنا
يتبع.. (رواية راعوث) اضغط على اسم الرواية لتجد الفهرس كاملاً بجميع الفصول.