رواية راعوث – الفصل الثاني والأربعون
part 42 ”
راعوث :- اووي عُقاب
عُقاب :- اليوم ابتلي بيج والخلقج
راعوث :- العشه
عُقاب :- تريدين عشه مو
راعوث :- هستوني ردت احجي شك الملابس وشمرني على الفراش ونام عليه فتحت عيوني على وسعهن من خوفي من تصرفه اخذ شفايفي بدون تفاهم وبقوه انعاد بذاكرتي كل الصار بغرفة الرياضه ولا كانو متصوب وتعبان …
راعوث :- نايمه على الجربايه متغطيه عيوني ذبلانه وجع بطني مو طبيعي احس جاي يفتحون بيها طبقه طبقه باوعتله ايده على بطني حاضني وبين اصابعه الجكاره وساند جسمه على ايده الثانيه ويباوع بعيوني لتفاصيل وجهي اخذ نفس جكاره ونفخه
عُقاب :- عاملتك بوحشيه !؟
– تقربت منه اكثر تقربت من اذانه عذبته شويه بـ انفاسي الحاره وهمست
راعوث :- وحشي
عُقاب :- اخخخخخخ حسسسسيم تسمممممع
راعوث :- ابتسمت كام من مكانه لابس شورت راح فتح الشباج والبردات شغل اغنيه
حُب كل حياتي | اليسا
– تقدم مني لزم ايدي وسحبني من مكاني سحب جرجف الدوشگ مال الجربايه ولفه على جسمي
عُقاب :- هاي بدله مال عرس عود
راعوث :- اكو ألم بطني بس هوه نساني مبتسمه وباوعله راح لبس جاكيت ونضاره شمسيه وكف بهيبه وثقه
– باوعت لمنضره بالشورت وجاكيت القاط والنضاره الشمسيه ضحكت
– بين متخلص مقدمة الاغنيه تقدم مني بخطوات بطيئه وكانو احنه بالقاعه مال العرس ثنه رجليه وسحب ايدي باسها حطيت ايدي على حلكي وضحكت
وكف رفع شعري وره اذاني نزع النضارات الشمسيه شمرهن ايده حاوطت خصري ولزم كف ايدي بايده الثانيه وبدينه نركص عيونه ملتقيات كل واحد منه يباوع لثاني بنفس النضره نضره حب اهتمام فرح غزل بين ما نسمع الاغنيه
– حب كل حياتي لقيتو قلبي خلاص اختار
– واخيراً فرحه عمري بعيشها انا ليل ونهار
– وانت جنبي لاول مره بحس براحة بال
– واللي نفس اقولو عليك غير أي كلام يتقال
عُقاب :- راحتي وملاذي ومسكني
راعوث :- قلبي خلاص اختار
عُقاب :- خلاص شو كولي خلاص
راعوث :- خلاااص
عُقاب :- قلد ، خلاااس
راعوث :- امم ككافي لتقلد
عُقاب :- كل غالي يهون يحبيبي فداك
راعوث :- ركزت بشواربه و أردفت ، حلوات
عُقاب :- الج وحدج
– كل ليله بتتعاش جنبك بالنسبالي خيال
عُقاب :- اي وروح حسيييييم
– جوه مني غلاوتك دايما قلبي على دا الحال
– انت اول حب واخر حب هعيش ويا
عُقاب :- وعد
– واللي بيني وبينك احساس اكبر من معناه
راعوث :- رفعني من الكاع وفرني عطت
راعوث :- نزلنييييي
– ضحك ونزلني راح طلع جكاره مشيت واحس دايخه انفتح الجرجف وكع لحد خصري بسرعه لزمته تغطيت باوعتله يباوعلي
عُقاب :- يبوووي هاي العروس مستعجله على الحقوق
راعوث :- عود اني عروس وانته عريس
عُقاب :- اي عيني اي اغاتي
راعوث :- جا وين بنطرون العريس
عُقاب :- اخذو المعازيم يكولون ال يلبسه يتزوج
راعوث :- اني راح انطي بدلتي للمعازيم البنات حتى يتزوجن
عُقاب :- وتبقه مصلخ
راعوث :- صفنت عليه ، لا
عُقاب :- يله ذبي بدلتج
راعوث :- تقدم مني بخطوات بطيئه رجعت لوره ، والعباس محد تريد تزوج مايردنها
عُقاب :- لا هاي وحده تريد تزوج انطيها خطيه لا تصير خبيث لكك انزععع
راعوث :- عُقااااب جاي نشاااقه شبيك
عُقاب :- ذبيها يله
راعوث :- طبكت بالباب حط ايده على الباب قيد حركتي لزمت الجرجف حيل على جسمي رفع خصلات شعري لوره حط اصبعه الابهام على شفايفي وفركهن
راعوث :- عُقاب
عُقاب :- ها ابوي
راعوث :- دايخه
عُقاب :- شنو يوجعك
راعوث :- بطني تأذيني
عُقاب :- حبيبي
راعوث :- طلعت من جوه ايده ورحت نمت على الجربايه واحس بطني كامت توجعني اكثر من قبل شويه عصرت بطني حيل بعد ما اتحمل صحت
راعوث :- عُقاااب
– اجه بسرعه عليه حضني يباوع بوجهي
عُقاب :- ها بويه وين الوجع اشريلي
راعوث :- بطني تأذيني حيل
– راح طلعلي ملابس واجه شالني اخذني للحمام كعدني على الطبله وخر عني الجرجف
راعوث :- لا تباوعلي
عُقاب :- ولك صارلك ساعه نايم يمي مصلخ
راعوث :- حباب لا تباوع
عُقاب :- ما باوع ابني
– سبحني ولبسني الملابس كل دقيقه يزود وجع الي بطني لدرجه صرت ابجي من الوجع ما اتحمل ماكدر اوكف ولا اكعد كل حركه اسويها تنمغص بطني دموعي كامت تنزل نزلني جوه كعدت على التخم بالصاله اجت عمتي يمي
ابتسام :- ها يمه شكو خير شبيها
عُقاب :- بس ديربالج عليها بين ما ابدل
ابتسام :- فهمني شبيها
عُقاب :- ألام الحمل
ابتسام :- يا يمه متأكد خاف بيها شي البنيه
عُقاب :- تفائلي بالخير
راعوث :- صعد عُقاب واني بقيت ابجي بحضن عمتي واحس راح اموت من الوجع طلعت فرح من غرفتها على صوتي
فرح :- ها خير سلامات
ابتسام :- بطنها توجع
فرح :- يا شجاج يحبيبتي اسويلج مي وهيل شوي ترتاحين
راعوث :- سوي أي شي راح امووت
فرح :- ما تموتين اسم الله عليج
راعوث :- كله من وراج
فرح :- ههههههه مبين معركه قويه
ابتسام :- خايبات شتحجن
فرح :- هيج سالفه
راعوث :- حضنت عمتي وابجي حطت ايدها على بطني وكامت تقره ايات عليها وره شويه ونزل عُقاب
عُقاب :- فريحه زيد كاعد
فرح :- اي خويه بغرفته
راعوث :- راح لغرفة زيد طلع بيده مفتاح سيارة زيد وطلعنه صعدت بالسياره وانطلقنه للمستشفى بسرعه اخذني لتحليلات الحمل سويت تحليل وكعدت بره انتضر عُقاب واكف يم الدكتور بالممر ويحجي ويا ويباوعلي كل شويه كاعده يمي مره واني الوج من بطني وكل ساعه اعدل كعدتي اكوم اوكف واكعد حجت المره ال يمي
– شبيج شنو اليوجعج مسويه عمليه
راعوث :- لا مادري شبيه سويت تحليل حمل يمكن حامل
– صل على محمد وآل محمد انتي متزوجه
راعوث :- اي خاله هذاك زوجي
– صلوات على النبي اثنينكم تخبلون شراح يطلعون جهالكم
راعوث :- عيونج الحلوه
– بعد روحي ضابط رجلج مو يمه
راعوث :- اي مين عرفتي
– عرفته من شواربه وحركاته ومسدسه بس مو جنج صغيره لو انتي ناعمه
راعوث :- راح يصير عمري 17
– يالله المهم مدللج ومرتاحه ويا مو مهم العمر
راعوث :- الحمدالله
– كامت المره بقيت كاعده لازمه بطني واباوع على الممرضه كل شويه تمر من يم عُقاب طبت لغرفه وره شويه وطلعت مطوخه الحمره وسابحه بالعطر بـ حجة تحجي ويا الدكتور تباوع لـ عُقاب باوعت على عُقاب يدخن جكاره ومضيق عيونه يباوع عليها وعلى الدكتور
– احس كلبي راح يطلع من مكانه نسيت كل الوجع احس جاي احترك بسرعه كمت من مكاني رحت لزمت ايده وباوعت للممرضه من فوك لجوه بقرف حجه الدكتور
– هاي زوجتك الله يحفظها
عُقاب :- مو بس زوجتي هاي روحي من الدنيا ماشوف غيرها شوف المستشفى شكد بيها ناس احس بس هيه موجوده تعرف جم مره اجيتك وجم علاج كتبتلي بس من دخلت حياتي صارت هيه علاجي
راعوث :- ابتسمت فرحانه لان شفت تعابير وجها تغيرن الممرضه ومشت من يمنا احس بفخر
– الله يحفظكم ويديمكم لايكين لبعض كلش انشاء الله زوجتك بحياتك بعد ما تحتاج هذاك العلاج
عُقاب :- حبيبي تسلم بهاي الفتره جاي احاول اتركه
– انشاء الله وقت قصير وتتعود بدونه
عُقاب :- حبيبي
راعوث :- مشه الدكتور باوعتله وحجيت بضوجه
راعوث :- لا تكله حبيبي
عُقاب :- يغار حتى من الرجال
راعوث :- اكعد يمي حتى يشوفوك زوجي
عُقاب :- مو يدلل ابني
راعوث :- كعدنه على الكراسي ايده حاوطت كتفي اريد اوخرها استحي احس كلهم يباوعون علينه بس ما يوخرها ويباوع على وجهي صافن عليه ويدخن بقيت مدنكه وهوه ابد ما دار وجها صافن عليه وره دقايق وطلع المحلل من غرفه التحليلات
– راعوث ناصر
– كام عُقاب على حيله
عُقاب :- بشر
– الف مبروك حامل
راعوث :- شكت حلكي الضحكه واحس اريد ابجي ارتبكت حيل من نضرت الناس اليه ونضرت عُقاب الكلها فرح نبضات كلبي سريعه واحس ماعرف شسوي حركه اسمع صوت النسوان الكاعدات
– بالعافيه ، الف مبروك ، صلوات على محمد ، فدوه مبين اول طفل الهم
راعوث :- مادري شسوي بقيت كاعده بمكاني وعيوني مدمعه ووجهي نار تقدم مني عُقاب وكف كبالي حط ايده منا ومنا على ضهر الكرسي ويباوع بوجهي ومبتسم بفرح باوعت يمنى الناس كلها صافنه علينه باوعتله ودنكت وهوه ابد عينه ماتحركت مركز بيه وعيونه يلمعن
راعوث :- شبيك عُقاب
عُقاب :- صار عدنه فريخ وجج صار عدنه فريخخ
راعوث :- عزه عفيه الناس عُقاب
عُقاب :- كوميي وجج كومي
راعوث :- كمت لزم ايدي وطلع يمشي سريع مبين مستعجل صعدني بالسياره وصعد بصفي نفس الكشن
راعوث :- عُقاااااب جعصتنييي
– كعدني بحضنه وسد الباب مسح على بطني باوعلي وباس شفتي بكل قوته
عُقاب :- عليج ابو فاضل سمعتي كال حامل لو اني حلمان
راعوث :- حامل والله ، عضيت شفتي الجوه ودنكت
عُقاب :- يله بروح امج اريد اشوف فرخنه الاول
راعوث :- مايصير اصبر
عُقاب :- راعوث يله
راعوث :- شسووي شسوي
عُقاب :- جيبي بالسياره
راعوث :- يله شك بطني وطلعه
عُقاب :- طبيعي
راعوث :- اي طبيعيه اني
عُقاب :- والعباس اليوم بسومه طير بالسمه تحلق
راعوث :- اي والعباس
عُقاب :- اليوم اشبع الجهال جكليت
راعوث :- اريد جكليت
عُقاب :- مو تدلل
راعوث :- نزل ركب بمكانه شغل اغنيه حب كل حياتي علاها وانطلق ويغني وياها وفرحان اول مره اشوفه هلكد فرحان اشترالي جكليت ياكل ويوكلني وانطلق باقوه سرعه فتح الجامات والهوى يجنن
– جان يوم حيل حلو لحضات عمري ما راح انساهن ابسط التفاصيل بهاي اللحضات عشقتها شعور راح نصير تلاثه حيل حلو ما جاي استوعب راح تجي ثمره تكبر الحب بينه اكثر واكثر حلوه الحياه …
– طفه الاغاني وباوعلي
عُقاب :- فرحانه
راعوث :- حيل
عُقاب :- واخيراً راح اصير ابو فريخاتج
راعوث :- واني ام فريخاتك
عُقاب :- الللللله خلي نروح لبيت المزرعه
راعوث :- لا لااا اريد افرح عمتي وفرح حباااب
عُقاب :- والله نفرحهم بعدين
راعوث :- لا حباب
عُقاب :- امري للحسين
راعوث :- باوعت على رجليه السياره مالت زيد اصغر من سيارته رجليه واصلات للستيرن مالت السياره وفاتح رجليه وكوه محصور حصر بالكشن
راعوث :- هسه عرفت ليش سيارتك جبيره
عُقاب :- انشك جد جدي السابع
راعوث :- باوعتله يحجي بجديه وضاج باوعت لرجلي وضحكت
عُقاب :- اضحكي بت نويصر انتي لو تحسين بالجاي احسه جان انخرستي مديهن رجليج ارتاحي
راعوث :- مرتاحين اني وفريخي
عُقاب :- هنياله فريخج
راعوث :- والله احبه حبيبي ، تلمست بطني ومبتسمه
عُقاب :- بدينه
راعوث :- بشنو
عُقاب :- اني صوجي
راعوث :- منو كالك حبلني
عُقاب :- اشششششش
راعوث :- سكتت وصلنه للبيت نزلت رحت ركض اريد اخبرهم وبيدي جيس الجكليت طبيت لصاله لكيت عمتي كاعده وفرح منتضرينه اول مطبيت عطت بفرحه
راعوث :- اني حاااااامل ، سمعت صوته وراي
عُقاب :- صار عدنه فرررريخ
– ماحس غير انطرمت اذاني بهلهوله عمتي سحبت مني الجكليت وطشته وتهلهل اخذتني بحضنها وتباركلي سحبتني فرح حضنتني وما اسمع غير الهلاهل والمباركات باوعت لعمتي حاضنها عُقاب باس راسها وهيه كامت تبجي من فرحتها
عُقاب :- شجاج حجيه اليكول عشر سنين ماتحبل
ابتسام :- فرحانه يمه فرحانه راح اشوف وليداتك يمه بعد روحي ولج تعاي احبج
راعوث :- رحت يمها حضنتني وتبوس بيه
عُقاب :- يله يا عيني اريد مرتي
ابتسام :- اخذها مريتك يمه اخذها والله ماتتوقع فرحتي ديربالج على روحج بعد كلبي يمه فدوات الج ييعد حيلي
عُقاب :- يله امشي راعوث
راعوث :- اصبرلي خلي ناكل جكليت
علي :- راح تجيبين سيسي
راعوث :- اي
علي :- يربيي يللله شوكت تجيبيها
فرح :- من تصير بطنها جبيره وبعدين تجيب
راعوث :- عُقاب صعد للغرفه بقيت اكل جكليت واحس جوعانه
راعوث :- عمه جوعانه
ابتسام :- هسه اسويلج شتريدين طلبي
راعوث :- أي شي ما تعشيت
ابتسام :- صعدي لغرفتج واني اودي الاكل
راعوث :- صعدت للغرفه شفت عُقاب كاعد بالكاع ويشتغل بالملفات تقربت منه فتحلي ايده كعدت بحضنه شم شعري قوي
عُقاب :- اي هسه نشتغل عدل
راعوث :- اريد احضنك حيل
عُقاب :- حضنيني كسري ضلوعي اريد اموت بحضنچ
راعوث :- حتى انته احضني حيل
عُقاب :- حيل كون حيل
راعوث :- اي كسرني
عُقاب :- اكسرج
راعوث :- عُقاب
عُقاب :- عيونه روحه كلبه السرسري
راعوث :- اني سرسريه
عُقاب :- انتي كلبي السرسري
راعوث :- عُقاب وين نسرين
عُقاب :- بالسجن حبيبي
راعوث :- عفيه طلعها عفيه بداعتي
عُقاب :- مو سهله ابني
راعوث :- والله هيه بريئه مثلي تريد ترجع لاهلها خطيه والله
عُقاب :- عود اشتغل على سالفتها
راعوث :- اي حباب لان خطيه هيه الوحيده حبابه وما أذتني
– سحب مخده نام بالكاع ونيمني بحضنه حضني حيل وباس خدي
عُقاب :- محضرلك هواي مفاجأت
راعوث :- كول والله
عُقاب :- وداعتك
راعوث :- حباب كلي شنو هنه
عُقاب :- لا بعدين وحده وحده اشوفك
راعوث :- واني ماعندي شي اسوي الك
عُقاب :- انته مفاجأتي انته كلشي حلو و احبه
راعوث :- عُقاب شسويت لحيدر
عُقاب :- قربت نهايته
راعوث :- حطيت راسي بصدره غمضت عيوني فرحانه فرحتي ماتنوصف بين ما افكر بالمستقبل وجهالنه غفيت بحضنه نسيت العشه وكلشي رحت بين الأحلام …
الفصل التالي اضغط هنا
يتبع.. (رواية راعوث) اضغط على اسم الرواية لتجد الفهرس كاملاً بجميع الفصول.