رواية راعوث – الفصل الثاني والثلاثون
part 32 ”
ابتسام :- يمممه وليدي رجليكككك يممه الكزاز سوده بوجهي شطب علينه
فرح :- ركضت للحمام شفت زينب كاعده على الطبله وشعرها مكفش وجسمها بي طبعات زرك صوتها منتهي وتبجي شافتني كامت تضرب على وجها وتزلغ بخدودها وتملخ بشعرها وتصرخ
زينب :- اطلعييي بررررره طلعييي طلعي طلعييييي
فرح :- خفت تكوم تكتلني من تصرفاتها حسيتها مخبله بسرعه طلعت
ابتسام :- ها يمه سوده بوجهي كاتلها شبيها
فرح :- والحسين مادري راسي راح ينفجر من الخرعه هبط ضغطي والزهره ساعه وكتل الثانيه روحي حاجي ابنج شبيج عمه
ابتسام :- اني اكدررر اكدر عليييه
فرح :- يالله ، طبيت للصاله هدوء ماكو أي صوت طبيت للغرفه شفت الجهال كاعدين على الجربايه وقموره تبجي يسكت بيها علاوي
راعوث :- طب عُقاب واني طبكت بالحايط من الخوف من نضرة عيونه وجسمه وضخامته والحزام بيده خوفني شمره على الجربايه
– تقدم مني لزم كتفي وكومني وكفت باوعت على رجلي مختفيه بالدم كمت ارجف اباوع لجسمي يرجف رفع شعري وره اذاني
عُقاب :- وين ضربتج بابا ؟
راعوث :- ساكته وارجف من عصبيته خايفه يضربني او يرجع يضربها رفع فالينتي وشاف طبعه حمره بخصري فركها بيده علكيف و أردف
عُقاب :- توجعج؟
راعوث :- هزيت راسي بـ لا من الخوف نسيت ام الوجع
عُقاب :- نزفتي؟
راعوث :- هزيت راسي بـ لا
– باوعلي من فوك لجوه دار وجها يريد يروح لجربايه ماحسيت غير كاعد بالكاع فرك راسه بيده باوع على الجرح برجلي رجع ضهره لوره ونام بالكاع بنص الغرفه ضخامته وطوله مخيفه اباوع الكاع انملت دم من رجلي ركبته كلها شراين بقيت واكفه بمكاني واباوعله نسيت ام الوجع الي بطني ابد ما كعد تقدمت للمجر فتحته طلعت العلاج الي ياخذه
– تقدمت يما ضربته على صدره بخفة ايدي وهمست بصوت كله خوف
راعوث :- هاك علاجك
– كعد اخذ العلاج وباوعلي عيونه ذبلانه شبكني حيل
عُقاب :- يابعد ابوي
راعوث :- ليش رجليك بيها دم
عُقاب :- شويه اصابات
راعوث :- شوف الدم هوايه توجعك
عُقاب :- چؤ
راعوث :- بس بيها دم هواي روح خيطها مايوجع ماتحس بي
عُقاب :- حبيبي حبيبي السبع ومابجه ولا خبص المستشفى الامس
راعوث :- اباوع على رجلي تنزف احس روحي تطلع احس اني متأذيه مو هوه باوعتله يباوعلي بنضرة كلها تعب
عُقاب :- جيب علبة بيضه بالمجر الثاني
راعوث :- كمت طلعتها وانطيته اله فتحها طلع بطل ديتول فتحه وداره على رجلي اباوع لملامح وجها ولا تتغير ولا يتوجع عبالك جاي يداوي شخص ثاني مو رجلي انغسل الدم بالديتول وشفت الجروح الي برجليه واكو جرح كلش جبير بحيث مفصول لحم عن لحم اني شفت هيج واحس روحي كامت تلعب اكح واريد اتقيأ درت وجهي عنه
راعوث :- عُقاااااااب
عُقاب :- ها ابوي
راعوث :- روح لطبيب حباااب تخووف شوفهاااا
عُقاب :- ماتستاهل بابا هاي عندي زلاطه
راعوث :- دايره وجهي واحجي ويا ، يعني اشايف اقوه من هاذا
عُقاب :- لا تسألين عُقاب هاذا السؤال لان اجاباته نهايتهن اقرب مقبره من هول التسمعي
راعوث :- جا اني اذا تعور باصبعي الصغيرون اكوم ابجي
عُقاب :- باع ال چا ، بالله انته مصيبه انته بلوه
راعوث :- شسويت لزينب
عُقاب :- شكيت ط***
راعوث :- درت وجهي باوعتله لاف رجلي بشاش وبعدها تنزف كام مشه على رجلي ولا كانو متعور نام على الجربايه
عُقاب :- طفي الضوه وسدي البرده عدل ماريد اشوف ضوه
راعوث :- سويت الكاله ورحت كعدت على الجربايه
عُقاب :- تقرب ابني
راعوث :- بقيت كاعده بمكاني
عُقاب :- نزعيني
راعوث :- باوعتله نازع القميص ، شنزعك؟
عُقاب :- البنطرون
راعوث :- باوعت على البنطرون وباوعتله عضيت شفتي الجوه
عُقاب :- تعاي يمييي ولج تعاااي
راعوث :- تقربت منه حضني نمت صفح وراسي على صدره واباوع لوجها مغمض ويحجي
عُقاب :- كسر بيدها شلون مدتها عليج الله ياخذ روحها وجعتج بابا
راعوث :- اول بدايه توجعني بس هسه زينه شويه بس هيه خطيه ليش تصيح حيل شسويتلها
عُقاب :- والله اكول حرام تشتم الهوه لسه
راعوث :- ماتضوج عليها
عُقاب :- ماضوج ولا انقهر ولو ماشوف نفسي اوصخ ايدي وياهة والله جان فرغت المسدس براسهة
راعوث :- شواربگ
عُقاب :- عض شفته الجوه ، شبيهن
راعوث :- شلون هيج
عُقاب :- شبيهن بويه
راعوث :- شلون يطلعن ثخان وشلون هيج عدل وحلوات ، سكتت صفنت استوعب ، يعني هاي يعني شسمه
– مغمض عيونه وعاض شفته الجوه ومبتسم هز راسه بـ اي لعده مرات
عُقاب :- فهمتك فهمتك
راعوث :- اممم
عُقاب :- من اجيت من بطن امي هيج
راعوث :- يعني من انته صغير عندك
عُقاب :- اي ساطر بنات المنطقه
راعوث :- شبيهن البنات؟
عُقاب :- حلوات البنات
راعوث :- شنو حلوات؟
عُقاب :- اي حلوات اخخ شفايفهن شعرهن رموشهن ضحكتهن احس الجنه بس للبنات
راعوث :- ادري حلوات بس كلهن كلهن تحب شفايفهن ورموشهن وشعرهن؟
عُقاب :- اي
راعوث :- عُقاب
– طكها بضحكه واكتافه تهتز ضربته بيدي على صدره
عُقاب :- اشاقه وياك بابااا هنه حلوات بس ولا رمش عين دخل كلبي بس رموشك وضحكتك وشعرك وشفايفك اخ شفايفك شسون بيه عُقاب بطوله وضخامته وهيبته يوكع لو شاف شفايفك
راعوث :- حلوات
عُقاب :- كلمه حلوات قليله بحقهن ترفاات اخاف ابوسهن حيل وأذيهن
راعوث :- بس انته امس بستهن حيل وكامن يوجعني وبعد ماحس بيهن من الوجع
عُقاب :- امس انشلع گلبي امس من شفتك فقدت عقلي هم اعذرني بويه شلون الباشا يشوف هيج كارثه ويكعد راحه
راعوث :- منو شافني
عُقاب :- ضحك واهتزت اكتافه ، اريد ابوس حلكك على هاي الفهاوه
راعوث :- والله مو فاهيه
عُقاب :- حبيت الحب من وراچ
راعوث :- عضيت شفتي الجوه وابتسمت نزلت عيوني واحس دمعت من المستحه
عُقاب :- اريدهن
راعوث :- حجيت بصوت ناصي ، شتريد
– حط اصبعه الابهام على شفايفي مسح على شفتي أردف بصوت منتهي ،
عُقاب :- مخدراتي
راعوث :- سرت قشعريرة بجسمي اصابعه طخ بخدي برقه انفاسي صارت عاليه
عُقاب :- تعال ابني تعال
راعوث :- لا ارادي تقربت منه حسيت بحراره انفاسه طخن شواربه بشفايفي عيوني ذبلن طبكن شفايفنه انفتح الباب وصوت رجال يعيط
زيد :- ها عُقاب شمسوووي شصاير شنو هاي الدمايه تارسه البيت ذابح ذبيحه شمسوي بـ زين..
– راد يكمل اسم زينب وفتح عيونه على وسعهن بمنضرنه بعد مايعرف يطلع لو يطب يكمل حجي يسكت
راعوث :- كعدت بسرعه عدل وفاتحه عيوني على وسعهن وارجف حسيت الولد طار اختفى من الباب حتى ماسمعته ينزل بالدرج يمكن كمز من البايه الاولى للاخيره
– غطيت وجهي بايدي وباوعتله من بين اصابعي عاض شفته الجوه بسنونه ويضحك
عُقاب :- من*** مايخلينه ناخذ راحتنه ابن عامر الكو**
راعوث :- كمت بسرعه من مكاني سويت روحي اباوع بالغراض على الميز اعدل بالعطور وانفاسي سريعه رفعت عيوني باوعتله بالمرايه
– غمز و نطاني بوسه بالهوى
راعوث :- هنا احس كمت ارجف ماكدر اوكف على رجليه دنكت راسي واله شويه اوكع بالكاع كام لبس وطلع لو ما طلع من الغرفه جان وكعت
فرح :- هاي شبسرعه شحجيتو
زيد :- فرح فرح ولج فرح شفتهم شفتهم بوضعيه اخخ بوويه اتفشلتت شودانيي شصعدنيي
فرح :- يا دخيلك ياعلي اشفت زيد حاجيني كلبي كام يرجف كاتلها مذبوحه
زيد :- باع هاي ولج رومانسيه وهاي السوالف هوه ومرته
فرح :- عزه العزاني شلون شفتهم شكو طبيت عليهم غير ادك الباب
زيد :- شدرانييي انييي كلت متعارك وينه وين هاي السوالف
– طب عُقاب للمطبخ سحب كرسي وكعد بثقه حط الجكاره بحلكه ورثها أردف
عُقاب :- خير زيودي كمل حديثك
زيد :- شرب مي اخذ نفس ، زينب
عُقاب :- شبيها
زيد :- شنو شبيها صدك تحجي؟
عُقاب :- الغي بسرعه وراي شغل
زيد :- ضحك وكتم ضحكته ، شمسوي بيها طابه بالغرفه وقافله الباب وبس تبجي والصريخه ومفضوحين بين الناس والدمايه وكاسر الباب همزين ما تأذو الجهال مرتي امك ومأذي رجليك عليمن
عُقاب :- اليحاول يندك بمرتي راعوث اشوفه غضب الله
زيد :- اثنينهن نسوانك
عُقاب :- حجه بصوت عالي مسموع ، ماعندي بس مره وحده واني حذرتها قبل غروب الشمس ماشوف خلقتها وباجر اوراق الطلاك كدام باب بيتهم
زيد :- عُقاب لا تستعجل هنه الشرايج هيج يتعاركن ويتصالحن
عُقاب :- اني ماعندي هاذا المبدى كله ولا راعوث تنطگ وسبق وحذرتها زينب بس الضاهر تريد تطلك
زيد :- عديها على خير يخوي فدوه رحتلك
عُقاب :- كملت العندك؟
زيد :- عُقاب شبيك ما تتحاجه
– طلع بره صعد بالسياره وطبك الباب حيل ودك هورن متقصد يزعجنه
راعوث :- باوعت على شاشه الكامرات مشتغله شفت سياره عُقاب طلعت خفت تجي زينب تضربني مره ثانيه بقيت افتر بالغرفه نمت على الجربايه بقيت وحدي بالغرفه لـ 9 طبت فرح
فرح :- ها شلون صرتي يروحي
راعوث :- زينه
فرح :- خوما حجه عليج
راعوث :- لا وين زينب
فرح :- بغرفتها من العصر ليهسه ولا طلعت ولا فتحت الباب
راعوث :- چؤ
فرح :- تستاهل
راعوث :- بقت كاعده يمي وتسولف وياي تعشينه اني وياها بالغرفه لـ 1 و عُقاب ما اجه كامت فرح راحت تنام الكل نام نمت على الجربايه واباوع على الكامرات جلاب بالشارع وسيارات يمرن بالطريق
– كمت فتحت لابتوبه طلعت افلام كارتون جبت علاكه الاكل نمت بالكاع وحطيت رجليه على الجربايه ولابتوب على بطني طلعت جبس اكل بي واباوع على افلام الكارتون مركزه بي واكل انفتح الباب دخل عُقاب
– ابتسم بتعب ابتسمتله ورجعت اباوع
– راح نزع لبس شورت وكيمونه جاب مخده نام بصفي ويباوع وياي وكلته جبس بيدي واكلت بقينه نباوع سوه بدون نقاش نهائياً باوعتله مركز بالفلم شكله حلو عصبي وجاي يباوع افلام كارتون ضحكت وتقربت من خده بسته
عُقاب :- اخخخ گلبي باع البوسه
راعوث :- عضيت شفتي الجوه بخجل ورجعت اباوع ركزت بالفلم واجتني بوسه بخدي باوعتله
عُقاب :- وحده بوحده تعادل
راعوث :- افتحلي الككو ماكدرله
عُقاب :- حبيبي
راعوث :- اخذه مني وفتحه ماكو خاشوكه اله انزل واطيب بالايد اكلت منه باصبعي رجعت نمت واكل باصبعي و عُقاب يباوعلي نشفن شفايفه بللهن اسمع انفاسه عاليه وحاره نام صفح وايده حاوطتني
عُقاب :- كافي بروح جدج كافي
راعوث :- اطفي لابتوبك
عُقاب :- لا تمصين اصابعج بروح امج
راعوث :- ههههههه اشتهيت
عُقاب :- مو بس اشتهيت انشعل جد جده للباشا احتركت
راعوث :- تريد هاك ضوكه طيب
– اخذ باصبعه وقربه من شفايفي هزيت راسي بـ لا بمعنى ماريد
عُقاب :- مصي
راعوث :- حسيت بقشعريره بجسمي من نبرة صوته مصيت اصبعه غمض عيونه وحسيت مدري شصارله تغير لدرجه مو طبيعيه عقج حواجبه وكصته كلها شراين هوه ومغمض أردف بصوت منتهي
عُقاب :- كومي من يمي بابا لا أذيج
راعوث :- رجعت الاكل للعلاكه وباوعله اريد ابجي مايريدني؟ عاط
عُقاب :- كومييييي
راعوث :- بسرعه وخرت الابتوب وكمت ركض طلعت من الغرفه نزلت للمطبخ غسلت وكعدت على الكرسي صافنه مايريدني ضاج لان اخذت لابتوبه لعبت روحه مني لان اكل باصابعي بقيت كاعده وحدي ابد ما اجاني نوم
– وره نص ساعه دخل عُقاب سابح ولابس غير شورت وغير كيمونه بيده سويج السياره فتح باب المطبخ الي على الحوش مكسور كل الزجاج بس ماكو بالكاع منضفي اشرلي بيده الي بيها سويج بمعنى كومي
– كمت وراه ركب السياره ركبت طلعنه نفتر بالسياره الكل معزل والشوارع هدوء بس صوت الجلاب فررني بالسياره باوعتله وكلت
راعوث :- خلي اسوق اني حباب حباب
عُقاب :- تعاي اعلمج سواقه
راعوث :- كول والللله
عُقاب :- وداعت الله نزلي
راعوث :- نزلت اخذت مكانه وهوه اخذ مكاني سيارته حيل عاليه كوه رجليه طخ بالبانزين والبريك
عُقاب :- رجليج اليسرى شمريها لجلاب مانريدها بعد
راعوث :- ها
عُقاب :- ههههه اي بابا بس اليمنى اشتغلي بيها خوش
راعوث :- اي
عُقاب :- حركي الكير لهنا
راعوث :- حركت الكير مايتحرك ، ماعررف
عُقاب :- ضاغطه على البريك؟
راعوث :- لا
عُقاب :- دوسي عليه بابااا
راعوث :- وينه
عُقاب :- على اليسرى
راعوث :- كوه نزلت رجليه ما اوصله ضغطت عليه حركت الكير مايتحرك حركه اليه عُقاب وأردف
عُقاب :- وهسه شيلي رجليج من البريك
راعوث :- وخرت رجليه اتحركت السياره كمت ارجف وانفاسي عاليه ، اخاااف اخااف ماريد مااريد عُقاب شلون اوكفهاااا حبااااب
عُقاب :- ماكو شي يخوف اشششش فري الستيرن
راعوث :- سحب ايدي لزمها ولزمنه الستيرن ايد بايد فره شوي والسياره تمشي واني ارجف
عُقاب :- دوسي بانزين
راعوث :- وينه
عُقاب :- بـ ط** ابوي هاذا على اليمنى يم البريككك
راعوث :- لا تصيح اييي غير تعلمني ، دست بانزين بكل قوتي ضغطت عليه والسياره صارت سريعه
عُقاب :- مو حيلللللل مو حيلللل شيلي رجليجججج
راعوث :- بسرعه شلت رجليه ، وكف السياره عليك الله عليك الله وكفها
عُقاب :- دوسي بريك
راعوث :- ضغطت عليه بكل قوتي السياره تفلشت انلطشت حيل بالكرسي ضرب على كصته وحرك الكير
عُقاب :- *** امه بعد اليعلم فرخه على السواقه
راعوث :- اصلاً تعلمت بعد ما احتاج واحد يعلمني
عُقاب :- واضححح واضح باع وين وصلنه للحمزه كله بسياقه الانسه راعوث
راعوث :- شوف شكد مشينه هذاك الشارع كله عبرته
عُقاب :- نزلي نزلي
راعوث :- نزلت و رجعت كعدت بمكاني وهوه انطلق رفعت رجليه على الدشبول ورخيت روحي على الكشن باوعلي وعض شفته الجوه
عُقاب :- شلون وضعيه تكتل
راعوث :- باوعت لرجليه وضحكت طبك السياره ونزل فتح الباب باوعتله
راعوث :- وصلنه؟
عُقاب :- نزلي
راعوث :- نزلت فتح الباب الوره
عُقاب :- صعدي
راعوث :- صعدت وباوعتله باستغراب
عُقاب :- تمددي
راعوث :- شنو
– صعد يمي وطبك الباب سحب رجليه نيمني على الكشن ونام عليه
راعوث :- عُقاب حباااب شبيك حباب وخر وخررر شتريد مني نزلنيييي
عُقاب :- اششششش بس بوس وراية العباس
راعوث :- مااا ماااا حباب لا تأذيتي والله اموت كوه طبت حباااب
عُقاب :- بس بوس وسيراميك الحمزه
راعوث :- اريد انزل رجعني للبيت ، ماحسيت غير شفايفه طابكه على شفايفي ولمسات ايده على كل جسمي انتهيت بين ايده عض ركبتي ونزعني القميص كمت استر جسمي بيدي حتى مايشوفني واني منتهيه جوه ايده …
راعوث :- فتحت عيوني اشوف غواش و عُقاب نايم على صدري انفاسه حاره ومنتهي وعركان بس القميص نازعته وباقيه بداخليات والبجامه
– رفع راسه باوعلي والعرك ينزل على كصته عيونه ذبلانه باس جوه شفايفي رفعني نام على الكشن ونيمني فوكاه
– حطيت راسي على صدره اسمع دكات كلبه عاليه انفاسنه عاليه احس ما اقوى على الحركه جسمي متكسر
– باس راسي درت وجهي اشوف الساعه بـ 3 ونص راح يطلع الفجر غمضت عيوني ونمت بقربه واني احس بالامان ومشاعري مخربطه اتجاها …
الفصل التالي اضغط هنا
يتبع.. (رواية راعوث) اضغط على اسم الرواية لتجد الفهرس كاملاً بجميع الفصول.