رواية راعوث – الفصل الثالث والثلاثون
part 33 ”
راعوث :- فتحت عيوني دنيا الصبح بارده الناس تفتر من يم السياره المحلات مفتوحه متقيده بنومتي من الامس احس ضهري تشنج نمت على ضهري ودفعت ايده
راعوث :- وخررر عُقاب شبيك
عُقاب :- انتي وخرري شبيج تحوصييين *** اخت ابوي سوتني دوشگ
راعوث :- لا تفشررر من الصبححح وخر ايدك هسه هااي ايدك شبيهاااا وخرهااا
عُقاب :- وين اوديهااااا ويييين
راعوث :- لا تصيحححح اذانييييي
– اندكت الجامه دكه قويه رفعت راسي شفت شرطي مرور بسرعه كعدت كعد عُقاب يباوعلي بسرعه لزمت القميص على جسمي
راعوث :- دور وجهككككك
عُقاب :- خلي نخلي ريوك اليوم غير شكل ؟
– يتقرب مني وعاض شفته الجوه ومضيق عيونه
راعوث :- دوخررر عنييي
عُقاب :- فديته الشرررس
راعوث :- الشرطي يروح ويرجع يفتر يم السياره لبس عُقاب واني بسرعه لبست فتح الباب ونزل لميت شعري ونزلت وراه باوعلنه الشرطي باستغراب وبلع ريكه
– صباح الخير اهلاً سيدي الرائد شلونك اخبارك
عُقاب :- الحمدالله انته شلونك حسين شلونه شلون الشغل كلشي تمام
– الحمدالله والشكر اني استغربت شفت سيارتك هنا كلت معقوله بالسياره ناسيها صاير شي لا سامح الله وهم منا طريق الناس تريد تعبر
عُقاب :- هاي لعيونك راح احرك
– جا خير ليش نايم بالسياره
عُقاب :- اعتقد مو حلوه تدخل مو صحيح؟
راعوث :- اهوو راح يتعارك فتحت الباب وصعدت لكدام
– لا هاهيه براحتك
راعوث :- ركب عُقاب السياره وانطلق فتح الموبايل
عُقاب :- چؤ چؤ محترك جد جد زيودي 33 اتصال
راعوث :- اتصل عليه ما يجاوب حسيت كلبي انقبض مادري ليش طبك يم مطعم باوعتله
عُقاب :- نزلي
راعوث :- عُقاب باوع ملابسي وين نروح
عُقاب :- بابا ناكل تعال اضوكك اكل رحومي اله تتخبل عليه
راعوث :- بس استحي انزل بالبجامه وفالينه وباوع انته شلابس
عُقاب :- وداعتك ناسي روحي بالي كله يمك فوكاها رتبتي رائد وهنا الكل يعرفني راحت هيبتك يعويقب
راعوث :- رجع صعد واتصل على مدري منو
عُقاب :- لك هلا بعد روحي شلونك حبيبي تسلم اني كدام مطعمكم اريد احسن ريوك من ايدك الحلوه ونفسك الطيب نفرين كله ماعين سفري اي حبيبي لا والله ماكدر انزل جان اجيت كعدت جوه اكل بس عندي شغل سريع واكله بالطريق بين ما اوصل ، وجه نضره لراعوث ، شجيبلك جاي لو حليب؟
راعوث :- بكيفك
عُقاب :- جاي لو حليب؟
راعوث :- جاي
عُقاب :- اثنين جاي والباقي عليك خوش ريوك بعد روحي رحومي
راعوث :- سد الاتصال وباوع من الجامه ركز حيل تغيرت ملامحه رفع الاسلكي وحجه
عُقاب :- الو حسين ماجد حسين ماجد نداء دوريه منطقه ……
– حاضر سيدي الرائد
عُقاب :- سريع ثانيه وحده واشوف الدوريه مقتحمه المكان ثااانيه قسماً بالله اذا عدت الخمس دقايق وماشفتكم الكل ينطرد قسماً بالله
راعوث :- باوعتله يحجي بعصبيه وابد مايرمش سمعت صوت سياره الشرطه بالاسلكي عالي وانطفه راح الصوت فتح موبايله اتصل اتصل محد يجاوب
عُقاب :- اليوم اشعللل جدكككك ابن الك**
راعوث :- شبيك عُقاب
عُقاب :- اشششششش اذا صار شي مو تخافين بابا الوو ها رائد تعال بسرعه عوف صباح النور جيبلي ملابس بسرررعه لا تلغي جيب ملابسي وتعال للـ …… سريعع خرب روحك حساام انعل والدي اليتأخر
راعوث :- طفه الموبايل وشمره ، اخاف حباب ليش تصيح شصار راح يكتلونه
عُقاب :- اي راح يطبون عليج الارهاب حرب عالميه ثالثه راح تصير ، بابا ماكو شي بس اصيد فريسه وهاهيه نكمل شيرادلها
راعوث :- اخذني للبيت اخاف
– طلع مسدسه حرك الشاجور بلعت ريكي بخوف
راعوث :- راح يصير شي
عُقاب :- خليها على الصافي ومعليج
راعوث :- رجعني للبيت خايفه
عُقاب :- باباااا ماكدر اتحرك من مكانييي انطيني صبرررر
راعوث :- سكتت وره دقيقتين اكثر بس وسياراتهم ملت المكان وصوتهن عالي حاوطن المنطقه كلها والناس طلعت تفتهم شصاير رفع الاسلكي عُقاب وعاط
عُقاب :- كدامك على اليمنى بابا ابيض تسمعني عماد طعمه حسين ماجد كدامك باب ابيض بااب ابيض على اليمنى
– بس سيدي الرائد وين انته بس دليني مكانك
عُقاب :- وره ط** سياره بكد صماخك ماتشوفهاااا
– اعتذر سيدي الرائد هاذا البيت
راعوث :- اباوعله مأشر على بيت ناس
عُقاب :- عفييه هسه عجبتني سريع مداهمه اخذو الكل طلعو الكل من البيت غزوان دخل هنا فتشو البيت كلبو كلاب الكل لسجن للتحقيق
– حاضر سيدي الرائد
راعوث :- دفرو الباب بالسلاح ودخلو غطيت وجهي بايدي واني اتذكر الصار غمضت عيوني بكل قوتي اريد انسه اريد الموقف يروح من ذاكرتي تذكرت كل الصار لمسات غزوان وضربي اله وايمان ومن دخلو علينه انفتح باب السياره واسمع عُقاب يحجي باوعتله يلبس سريع
عُقاب :- رائد اخذ مرتي طلعها من المكان طلعها من هاي المنطقه بروح جدك ماكو غيرك أمن بي امانه عندك عرضك اختك هاي شرفك امانه صاحبك عندك طلعها منا
رائد :- شني السالفه عُقاب نزلي خويه نزلي
راعوث :- اجه عُقاب نزلني مشاني لسياره صديقه وشابكني حيل سمعت صوت رمي انعصر كلبي وختلت حيل بحضنه وارجف اريد ابجي فتح الباب وصعدني وره عسريع صعد صديقه وحركه السياره واسمع عاط
عُقاب :- بذمتك شرف اخوك هاي اخذها للبيت
راعوث :- انطلق حصرت روحي يم الباب وارجف من الخوف افكر خاف راح يصير شي لـ عُقاب وخايفه من الولد الوياي باوعتله بطرف عيني يباوعلي بالمرايه بسرعه نزل عيونه باوعت لشعره عرفته الحجه وياي مره
رائد :- اني اسف خويه
راعوث :- لطشت بالكشن ابد ماتحركت ولا حجيت احاول اضم روحي وره الكشن الكدامي
رائد :- اني اعتذر لان مره سمعتج كلام مايليق بيج ماجنت ادري انتي بريئه
راعوث :-ما جاوبت صفن ثواني وحجه
رائد :- لا تخافين
راعوث :- اثنينه متوترين بدون سبب شال بطل مي مشروب منه
رائد :- هاج تريدين مي
راعوث :- چؤ ، ماسمعني كال
رائد :- ها
راعوث :- اخذت البطل وخليته يمي اندار يسوق وبعد ابد ما حجه واني ختمت القران بكلبي وصلنه للبيت بسرعه فتحت الباب مقفول باوعتله جان يباوعلي بسرعه اندار فتح القفل مال الباب فتحتها سمعته حجه
رائد :- محتاجه شي
راعوث :- طبكت الباب وركضت للبيت لمحته من الباب قبل لا اسدها يضحك وسنونه كلهن طالعات طبكت الباب بوجها وطبيت للبيت على باب المطبخ مفتوحه لكيت زينب كاعده على الكرسي وحاطه ايدها على خدها وصافنه على الباب عرفت اجه واحد حجت بتعب وملل
فرح :- الحمدالله على السلامه
راعوث :- باوعتلها خفت من نضرتها وصوتها شصاير شبيها؟
فرح :- وين جنتو عيني
راعوث :- فرح خايفه
فرح :- خير شكو شبيج راعوث وين عُقاب صاير شي؟
راعوث :- اجو الشرطه وضربو بالسلاح وطبو لبيت ناس بي غزوان و عُقاب وياهم
فرح :- يا غزوان؟
راعوث :- صفنت استوعب هيه ماتدري؟ ، مادري هيج بس بس اخاف اجو شرطه هواي وكلهم عدهم اسلحه
فرح :- خوفتيني هيه هاي تعودنه على شغل عُقاب عادي ماينخاف عليه تعاي انتي سولفيلي الامس وينكم شطلعكم بنص الليل
راعوث :- هيج واذا شبيج
فرح :- نتصل عليكم ماتجاوبون
راعوث :- غير نايمين
فرح :- متاكده نايمين
راعوث :- باوعتلها درت وجهي صفح رجعت باوعتلها وطكت الضحكه
فرح :- ديله اني ماعرف نايمين مشيها على غيري هاي السالفه ، زينب عدها كسر بيدها وليل كله بالمستشفى وانتو ماكو ولا تدرون عايشين بعالم كله قلوب حب
راعوث :- صدك؟
فرح :- والله لا تقبل تخابر اهلها ولا تروحلهم تريد تبقه هنا تحلف يمين ماتخلي يطلكها
راعوث :- وين هسه هيه
فرح :- بالغرفه
راعوث :- تقدمت للصاله صاحت وراي فرح
فرح :- لا ترحين انصحج
راعوث :- ماهتميت رحت لغرفتها دكيتها
زينب :- منو
راعوث :- فتحت الباب باوعتلها مجبسين ايدها تقدمت منها كعدت بصفها حطيت ايدي على خدها دفعت ايدي
راعوث :- المفروض انتي تتأسفين اليه بس لان بسببي انضربتي اني اسفه
زينب :- ولي
راعوث :- شبيج
زينب :- تاكلين نعل وتولين من وجهي زعطوطه عقلج محجر
راعوث :- ليش تصيحين مو جاي احجي وياج عدل
زينب :- اكرهج ماطيقج اتمنى تموتين
راعوث :- تحبين عُقاب
زينب :- اموت عليه ولو تموتين ماخليج تاخذي مني وما اطلك ابقه على كلبج يجي يوم و يطلكج
راعوث :- انتو متعاركين؟
زينب :- تاكلين نعل تردين تشمتين مامزاعلين ولي من وجهي يله
راعوث :- شبي عُقاب وياج
زينب :- شبي يعني غير انتي خربتي بيناتنه وها اكلج خاف ماتدرين يوميه ادعي بصلاة الفجر والضهر والمغرب انشاء الله سرطان يحتل جسدج ويوكع شعرج ورموشج وحواجبج وانشاء الله يصير السرطان بعيونج حتى يروح جمال لونهن وكل اكله تاكليها كون سم وزحير وتموتين الف موته باليوم وهاذا جسمج يخرب وتنخرسين وتنطرمين و عُقاب يطلكج وادعي ربي لا يرزقج بالذريه وادعي يشيلون رحمج وابوج ناصر سمعت عنده مرض السرطان انشاء الله ينكسر كلبج بموته واخواتج يطشرن ويلعبون بعرض ابوج امين
راعوث :- كل هاذا الكلام مستحيل راح يجي تاريخ بعمري وانساه اقوى كلام سمعته من جنت طفله لحد عمري هاذا دعاء خله راسي ينسطر وعيوني فاتحتهن على وسعهن ودموعي تنزل لا ارادي وكلبي انعصر معقوله اكو هيج بشر؟
راعوث :- ليش ليش ليش شنو ذنب ابوي تدعين عليه هوه شعليييه بابا شعليه اني كلتله تعال تزوجني هوه وبسرعه بسرعه يريد العرس حتى ما كال اني متزوج ادعي عليه بس لا تدعين على بابا
زينب :- ادعي حتى على امج هيه وبكبرها لان خلفتج عار
راعوث :- تردين عُقاب الج وحدج
زينب :- شلووون ماااريده
راعوث :- هاهيه بس لا تدعين عليه
زينب :- ابقه ادعي لمن اطلعين من هاذا البيت ويجي يوم اسويلج سالفه شكبرها واخليج مذلوله بالشوارع حتى اهلج مايردوج وحده كح** سا**
راعوث :- ربي طلعني من اشد واقسى الضروف من كد مايحبني تردين يستجيب دعائج
زينب :- دوليييي ماباقي بس الزعاطيط تحجي وياي
راعوث :- اخذت حسره وطلعت من الغرفه واني هادئه دموعي ناشفات واحس بس احجي اطك بالبجي غاصتني العبره
فرح :- ها راعوث شحجيتن
راعوث :- ما جاوبتها صعدت لفوك طلعت ملابس وطبيت سبحت اباوع لوجهي بالمرايه بقيت مركزه بعيوني واني اتذكر كلامها بالي صد صوتها صافنه بالمرايه والمي ينزل على جسمي واحس حب عُقاب جاي ينسحب من كلبي احس واحد قيد جسمي حركت راسي من الخوف فركت وجهي انكطع نفسي بعد ماكو اوكسجين بسرعه سديت الدوش بدلت وفتحت الباب اخذت نفس
– عفت الباب مفتوح ورجعت توضيت ورحت اصلي صلاة الصبح ماصليتها كملت الصلاه بقيت كاعده على السجاده واني اتخيل نفسي بهاذا المرض الي حجت عليه دموعي نزلت وشهكت بصوت عالي
راعوث :- ربي اني اسألك ابي اشفيه من كل مرض ابعد عنه الهم والتعب اعيد صحة بابا يالله ارزقه وفرح اخواتي باحلى عيشه يارب ابعد عني عُقاب يارب كرهني بـ عُقاب وخلي هوه يكرهني يارب استجب دعائي ولو لمره وحده افصلني عن عُقاب يارب خلي كلبي ينملي بالكره والحقد اتجاه عُقاب
– سجدت وشهكت بصوت عالي كمت شلت السجاده وحطيتها بمكانها رحت فتحت كنتوره ادور على قران لكيت صندوك جوه ملابسه فتحته مقفول دورت على المفتاح نزلت لجوه مسطر الاحذيه دفعتهن خاف وراهن وسمعت طكه بالحذاء رفعتها لكيت مفتاح صغير بداخل الحذاء اخذته فتحت الصندوك انفتح
– لكيت صور رجال نسخه من عُقاب وجوه دفتر كعدت اكلب بالصور شفت اول صوره رجال لابس قميص ازرك مفتوحه تلاث دكم من كدام وبس شوارب عنده ولابس نضاره شمسيه وهيبه بالصور وهيج بالواقع شلون ونسخه من عُقاب باقي الصور نصهن هوه الرجال
– والجوه صور عُقاب هوه صغير نص الصور كانو مو طفل لازم سلاح ونص يدخن وكعدته وهيبته من هوه صغير مبين يلعمو ويسوي هيج حركات ويصورو لكيتله صوره حيل صغير تقريباً عمره 3 سنوات شعره طويل لركبته وكاعد على التخم حاط رجل على رجل وايده منا ومنا على ايد التخم ومعبس مبين كوه مصوري ابتسمت وبست الصوره
– جان طفل كله يضحك صوره بس من صار عمره تقريباً 7 سنوات اقل ابد ما ضاحك من هاذا العمر ولفوك باقي الصور كله عيونه يلمعن مايضحك مكتئب
– لكيت صوره عُقاب واكف يم امه لابسه بدله بيضه ويمها رجال بس مايشبه الرجال بهذنيج الصور يمكن لان اصغر جان ابتسمت مبين مسوين عرسين
– رجعت الصور وطلعت الدفتر فتحته كله شخابيط بقلم رصاص بحيث الورقه مختفيه وباقي شخابيط بشكل دائري ونص الورق ممزوكه من كد الضغط على القلم
– رجعت الصندوك لمكانه وطلعت من الغرفه لكيت ابتسام بالصاله
ابتسام :- هلا يمه شونج تعاي كعدي يمي
راعوث :- رحت كعدت يمها ، زينه
ابتسام :- شلونه عُقاب وياج
راعوث :- زين
ابتسام :- يمه ماتكليلي وين رحتو الامس
راعوث :- صفنت اكللها نمنه بالسياره استحي احسها تعرف شصار ، رحنه للبيت البي حصان
ابتسام :- غمزت وضحكت ، شعدكم هلايام بيت المزرعه
راعوث :- هيج نلعب ويا الحصان
ابتسام :- هااا بنص الليل تلعبون ويا الحصان
راعوث :- لا مو شسمه نمنه ومن كعدنه الصبح لعبنه ويا اي
ابتسام :- متوازين لو صوتج مفضوح
راعوث :- باوعتلها باستغراب احس فهمت بس مافهمت ، يمته شنو شبيج عمه
ابتسام :- هههههه كلبج علكيفج اشاقه وياج اكلج عمه
راعوث :- نصه صوتها وتحجي ، كولي
ابتسام :- جا الجنط ليش على حطت ايدي لا مرتبه غريضاتج لا مكياجاتج جا غير صارت غرفتج وغرفته الامس طبيت صدفه وشفتهن
راعوث :- عليمن احطهن بالكنتور بالجنطه اسهل
ابتسام :- زين اكلج
راعوث :- ها
ابتسام :- الجنطة مالت ملابس النوم شو ولا متحركه على حطت ايدي سيت واحد ما طالع منها جا شنو ماتلبسين المن اشتريتهن لشيب الخلفوني غير تلبسيهن لزوجج
راعوث :- لا البس
ابتسام :- وين تلبسييين الملابس ما متحركات
راعوث :- اني ارجع اخليهن نفس المكان
ابتسام :- ماشوفج تغسليهن ولا تشريهن ولا فد يوم لكيت بالغرفه ولا فد يوم لكيتج نايمه بيهن
راعوث :- طكت روحي صحت ، ماريد البسهن شلووون يعنيييي تغصبوني حتى على هذنييي
ابتسام :- اشش ولج ليش تخلين زينب تسمع وتضل تضحك عليج وتشمت بيج جا انتي لهسه تستحين من عُقاب يا سوده فكري غير صار زوجج حلالج شتلبسين لبسي شوفي البنات شتسوي علمود تكسب زوجها
راعوث :- بللت شفتي الجوه ، اشتهيت خبز مكسب
ابتسام :- يايمه اني وين وهيه وين ولج عمه جاي احجي وياج سمعيني حسبيني امج
راعوث :- اي اي والله اي فهمت اليوم البسله
ابتسام :- اي بعد روحي بنيتي النادره
راعوث :- اريد خبز
ابتسام :- هسه اودي عليوي يجيبلنه خبزات حارات منا واكليهن وشبعي
راعوث :- وين علوشي
ابتسام :- علوشج كعدي راحه لا يسمعج عُقاب بالاستقبال علوشج
راعوث :- طبيت للاستقبال لكيته كاعد على التخم يلعب بالموبايل كعدت يما حضني وباس خدي
علي :- يللله عمممه شوكت تجيبين سيسييي
راعوث :- مين اجيبلك
علي :- سوي سيسي جيبيها بطنج راح اصير جبير وهيه صغيرونه
راعوث :- تفكر مو مثل عمك
علي :- تحبين عمو
راعوث :- چؤ
علي :- ليش
راعوث :- اكو وحده غيري نفسها بي
علي :- زينب زين عمو حلو
راعوث :- ابتسمت ، اي
علي :- وصفيلي عمو
راعوث :- صفنت بالكاع عيوني كامن يلمعن ونبضات كلبي مو منتضمه ، يجنن شواربه ثخان سود وطويل وعضلاته كباار ايده جبيره لو شايف ضحكته الحقيقيه ماشوف ضحكته بس بالغرفه اخخ صوته فخم عيونه يخبلن اتمنى اكعد اباوع بوجها
– باوعت لـ علي صافن عليه ومبتسم ابتسامه غريبه وضاغط على الموبايل من باوعت للموبايل بسرعه وخر اصبعه وطفه الموبايل
راعوث :- شجنت تسوي
علي :- ماسوي شي
راعوث :- انطيني انطينيييي ، سحبت منه الموبايل ماينطينيا تعاركنه عليه سحبته منه حيل
علي :- لا لا ازعل والله ازعل اذا فتحتي
راعوث :- والله اذا ماخليتني افتحه ازعل وخر ايدك علييي وخر خلي اشوف فتحت الموبايل طلعت محادثه وداز صوتيه شغلتها صوتنه من كال تحبين عمو فتحت عيوني على وسعهن فوك صوره عُقاب واسمه
راعوث :- هاي ليششش؟
علي :- والله شسمه والله حباابه
راعوث :- احذفها عليك الله احذفهاا اخذه مني الموبايل وحذفها شفتها ماهيه ضربته على ضهرها
راعوث :- والله هاهيه وياك يعلاوي بعد ماعندي ثقه بيك ولا احجيلك
– بقه يباوعلي ويريد يبجي كمت من يما رحت للغرفه انعزل وحدي احسن كل هاي العائله ما شاء الله
راعوث :- لليل وما اجه عُقاب امه خافت تتصل عليه ما يجاوب بـ 11 نعست صعدت لفوك احس مخنوكه والدنيا حاره البيت دافي اخذت شاور سريع لبست دشداشه كصيره لونها وردي وبيها رسومات ميكي ماوس ومن الخصر تكه الصدر مربع وبي فيونكه صغيره والردن تعلاكات
– طبيت للغرفه باوعت بالمرايه كل جسمي طالع حجيت وحدي واني اباوع لروحي بالمرايه
راعوث :- فدوه فدوه ابوس شكلك يحلو
راعوث :- انفتح الباب ودخل عُقاب باوعلي من فوك لجوه بعيون ذبلانه
عُقاب :- اخخ بويه اليوم ناويه ليله حمره
راعوث :- باوعتله من فوك لجوه ودرت وجهي نشفت شعري
عُقاب :- **** صفح غزيوان لخاطر عيونك
راعوث :- امشط بشعري وباوعله من المرايه نزع ملابسه لبس بس بجامه وكعد بالكاع يداوي بالجرح الي برجليه
عُقاب :- مطنكره؟ ضايجه على غزوان؟
راعوث :- يعني شسوي اركص مثلاً اي لكيته هاهيه
عُقاب :- ابتسامه على الاقل
راعوث :- هزيت راسي بـ اي وابتسمت وبسرعه اختفت ابتسامتي حطيت الماسكه بشعري وتقدمت من الجربايه اريد اخذ مخده سحبني حيل وكعت بحضنه
راعوث :- اخخخخ وخرررر
– رفع دشداشتي اكثر نزلتها رفعها وضرب رجليه
عُقاب :- شنو هااي
راعوث :- شنو يعني رجلين ط** مثلاً
عُقاب :- وج بابا عييب عيب
راعوث :- بس انته تفشر
– ضرب رجليه اقوى
عُقاب :- شطالعه اليوم بربوگه؟
راعوث :- كافي عُقاب تره مالي خلك و اريد انام
عُقاب :- اخخخ شلون شفايف شلون جسم اويلي يابه
راعوث :- قرب شفايفه من شفايفي ركزت بشواربه احس انتهيت دفعته من صدره حيل وبعدت وجهي عنه رخه ايده بسرعه كمت من حضنه رحت كعدت على الجربايه
عُقاب :- شبيها زقوچتي اليوم منو مضوجها
راعوث :- حاجيت زينب شفت ايدها مكسوره؟
عُقاب :- اي وانتي مطنكره على هاي السالفه
راعوث :- شعليك بيه
عُقاب :- تعاي سويلي مساج لضهري يوجعني تعبان بابا
راعوث :- روح لزينب
عُقاب :- كسر بيده الغيرچ عليه
راعوث :- باوعتله ودنكت احس كلبي انغز فتح الابتوب وفتح الملفات وكعد يشتغل اباوع بعيونه كلهن قوه وشهامه اشوف القتل بعيونه كاعد يشتغل الكاع كلهن ملفات بيهن صور شباب وحتى نساء واكو صور سيارات وبيوت وطرق يباوع بلابتوب واسمع طكطكة الكيبورد من كد مايكتب سريع اتصل موبايله بدون ميباوع بي فتح الاتصال فتح السبيكر وهوه يكمل بشغل وموبايله بالكاع يحجي ويا
راعوث :- بقيت كاعده لمن كمل شغله شفته اجه نام على الجربايه اخذت مخدتي حطيتها بالكاع كعدت هوه نايم على بطنه دار وجها باوعلي
عُقاب :- فتحت الماسكه ونحل شعرها يوصل لكتفها رفعت الخصلات الي نزلت على عيونها وره اذانها وحطت الماسكه يمها عدلت الكلاده بركبتها رفعت راسها باوعتلي وتعلج مركز بتفاصيلها وحركاتها درستهن
راعوث :- شبيك ، سحب نفس من بين سنونه وأردف
عُقاب :- اشتهيت علج
راعوث :- ماتشتري
عُقاب :- مين جبتي
راعوث :- تريد
عُقاب :- وينه شو اشوفه
– صفنت ثواني تفكر وتعلج
راعوث :- دير وجهك
– غمض عيونه طلعته وكمت انطيته ورجعت لمكاني اكله ويباوعلي بنضرات غريبه أردف
عُقاب :- شو صاير اطيب وين جنتي حاطته
راعوث :- باوعتله وعضيت شفتي الجوه كمت تمشيت لضوه وبعد ماعرف امشي من نضرته طفيت الضوه
عُقاب :- وين ناويه تنامين اليوم؟
راعوث :- بالكاع
عُقاب :- ليش يابه
راعوث :- بكيفي
– رحت اخذت لحافه نمت على مخدتي بالكاع وتغطيت خزرني وفتح موبايله كلب بي ثواني وسمعت صوتي اني وعلوش صفنت عليه صافن بالموبايل ويستمع غطيت وجهي باللحاف وسويت روحي متت …
الفصل التالي اضغط هنا
يتبع.. (رواية راعوث) اضغط على اسم الرواية لتجد الفهرس كاملاً بجميع الفصول.