رواية راعوث – الفصل الثامن والعشرون
part 28 ”
علي :- يله لا تضوجين معليج بيهم
راعوث :- مادري والله هيه وحدها تطلع شجاهم
علي :- عادي اني اريد مرتي هيج تضحك
راعوث :- ردت اطكها بضحكه بسرعه حطيت ايدي على حلكي كتمت ضحكتي ، شتريد اسمي مرتك
علي :- اسيل سيسي
راعوث :- من اجيب بنيه اسميها اثيل
علي :- اسيللل
راعوث :- هههه اي اي اسيل
علي :- كرصت خدودها ، فدووه حبيبيييي
راعوث :- حضنته حيل ، انته حبيبي انته
زينب :- شنو هاذا الحب نازل عليكم
علي :- اموت عليها
زينب :- يله يله ندري
علي :- يباوع لـ راعوث ويحجي ، يالله عسلل عسللل فوديتجج يربيي شنو هاي الخلقه لو اني من عمو اضمج بالكنتور
راعوث :- باوعت لزينب صارت نار وتخوزر ، مو زينه العصبيه لا يوكع الطفل
– سكتت وكامت تباوع يمنى ويسرى
ام غانم :- منو حامل
راعوث :- ماجاوبت كمت للمطبخ اجه وراي علي لزمني من ايدي واخذني لبره وكفت باب المطبخ
راعوث :- لا علوش خاف زلم بره
علي :- لا لا تعاي تعاي اشوفج شي محد والله سادين باب الاستقبال
راعوث :- رحت ويا سحب كرسي وجاب نركيله من يم باب الاستقبال وكعد عود يدخن
علي :- اعرف ادخن نركيله والله
راعوث :- خلي اجرب
علي :- تعاي بسرعه
راعوث :- مسحتها وسويت مثله عود اطلع دخان ماكو رخيت روحي على الكرسي وحطيت رجل على رجل وقلد حركات الولد من يدخنون
علي :- اشوفج شلون عمو عُقاب يدخن
راعوث :- يله كمت من الكرسي كعد علي فتح رجليه ورخه روحه على الكرسي وحط ايده منا ومنا على ايد الكرسي اخذ نفس من النركيله ورفع راسه عود يطلع الدخان
علي :- اكعدو ولد فرييييحه بت جواااد تره المايكعد اجي اشوفه غضب الله اني رجال تعبان اريد هدوء
راعوث :- اي والعباس والعباس هيج بالضبط هاي مين تعرفه يا امداني غير عايش ويا
علي :- هههههههه
راعوث :- شو وخر خلي اقلده كام كعدت بمكانه وسويت نفس حركاته بالضبط
راعوث :- يله عماتي اكعدو اني اريد هدوء
علي :- امداني مو هيج
راعوث :- جا ماكدر اسوي مثله نسيت الكلام ، شفت علي صفن على باب الاستقبال كمت ارجف شلون ادير وجهي خاف عُقاب كوه درت وجهي شفته سيف بسرعه كمت
راعوث :- ها
علي :- روحي طبي
راعوث :- ركضت طبيت للمطبخ
فرح :- وين جنتي ولج ساعه وشافج عُقاب بهاذا اللبس
راعوث :- بارده بالحوش
فرح :- ساعه وتمرضت يالله
راعوث :- خالاتكم يباتن
فرح :- مادري ليش
راعوث :- هيج اكول ، بقيت كاعده يمها صارت التسعه بليل صبو العشه و عُقاب ما اجه كعدت وياهم على السفره اتعشه شويه واجه علي كومي وكومي
فرح :- عوف البنيه تاكل يمه
راعوث :- لا اروح ويا شبعت
فرح :- چؤ يالله شلون بيك يعلاوي
راعوث :- كمت ويا علي اخذني للمطبخ
علي :- كعدي هنا
راعوث :- كعدت على الكرسي جاب علاكه كعد على الكرسي المقابيلي فتحها وطلع لفات وببسي
علي :- اكلي وياي
راعوث :- مو اكلت بعد ما اشتهي
علي :- لا حبابه بس ضوكي
راعوث :- انطاني لفة شاورما لحم بالصمون الفرنسي تموت ناكل ونضحك ونسولف وكل ساعه واحد طاب للمطبخ كال عليمن تضحكون تعلقت بي حيل احسه اخوي الله عوضني بي بدال اخواتي كعدت ويا البنات شويه بـ 11 وصعدت فرشت سنوني وغسلت وجهي ورحت نمت على الجربايه
– صفنت وين راح معقوله لمرته الثالثه متزوج غيري ومايكلي اي اكيد مو ماكال على زينب خاف صايرله شي چؤ واذا اجه بليل نام يمي انام بالكاع لو على الجربايه بقيت افكر واتكلب بالفراش نمت على بطني شميت المخده كلها عطره سحبت اللحاف شميته عطره وكانو نايم يمي حسيت بدفو مو طبيعي لا ارادي حضنت اللحاف وغمضت عيوني وغفيت
بـ 2 بليل
عُقاب :- دخلت البيت هدوء الكل نايم بس زينب كاعده بالصاله
زينب :- عُقاب
عُقاب :- الغي بسرعه روحي بخشمي ومتكسر اريد انام
زينب :- هاي مرتك راعوث
عُقاب :- ها خوش فهمت ، صعدت بالدرج سمعتها حجت وراي
زينب :- ماتصدك بيه شوفها بالكامرات تفتر بـ لبس ضيك وصلوخ كدام الولد ماتستحي ما متربايه وحتى طلعت بالشارع عليمن لابسه خلي تنزع
عُقاب :- صعدت للغرفه نزعت القميص شمرته شغلت ضوه احمر باوعت على راعوث نايمه بنص الجربايه وبطنها كلها طالعه رحت نمت بصفها غطيتها باللحاف وحضنتها لصدري
عُقاب :- حبيبي بويه حبيبي نايم تاخرت عليك ونمت كسر بيدك عُقاب
– تغيرت ملامحها ضاجت تريد تنام لزمت وجها وبسته
عُقاب :- شني من خلقه دخيل سيراميك الحمزه
راعوث :- كاافييي عوفنييي اريد اناااام
عُقاب :- ك** اخت ابوك يا عُقاب ليش ماتعوف فريختك نايمه
راعوث :- فشر فشر انشاء الله بعد ابد ماتكدر تنام
عُقاب :- فتحي عيونچ وحاجيني
راعوث :- ماكدر هاذا القندره بعيوني
عُقاب :- اخخ من القندره هسه اكوم اضربه
– باوعتلها غفت منتهيه بسابع نومه حتى من حجت وياي نايمه لزمت بطنها تشنج جسمها ضربت فخذها فزت باوعتلي بخوف
عُقاب :- بربوگه شوكت تحسين
راعوث :- صافنه عليه شجابني اني هنا وين نمت شصار شجاب عُقاب من زمان نايم يمي صار الصبح شصار صافنه بوجها
عُقاب :- ها يالله اجه الفرج حسيتي
راعوث :- بحركه سريعه كمت ادنيت لوره وباوعله ، منو انته
عُقاب :- *** بغزوان نامي بويه نامي محد يمج
راعوث :- كام من يمي راح شغل الضوه رجع اندار باوعلي عقج حواجبه بعصبيه تغيرت ملامحه
عُقاب :- كومي اوكفي
راعوث :- بسرعه كمت وكفت ومسح بعيوني باوع لملابسي من فوك لجوه بقه مركز برجليه باوع على ايدي عاط بصوت كزبر بدني
عُقاب :- جنتي تفترين بهاذا اللبس بره ؟؟؟
راعوث :- بلعت ريكي وفاتحه عيوني على وسعهن ، لا لا
عُقاب :- متاكده
راعوث :- هزيت راسي بـ اي باوعتله راح كعد على الكرسي شغل الشاشه طلع الكامرات دخل على فيديو مدري شنو صافنه عليه عاد فيديو يعيد بي شوي شوي لحد ان وصل من طلعت وره علي شغله باوع عليه لحد ان طبيت رجع عاده يتاكد كبر الفيديو اني هنا انتهيت حسيت بدوحه مو طبيعيه بسرعه كعدت على الجربايه وصفنت عليه
– دار وجها اليه شراين كصته بارزه وعيونه حمر دم صاك على سنونه بقوه وعاط من بين سنونه وحجه كلمه كلمه
عُقاب :- شلون .. اطلعين .. بهاذا الخريان ؟
راعوث :- ابوس ايدك
عُقاب :- اششششششششش شبعتيني من هاي ابوس ط** سامحتج مره وكلت تعقل بس احس جلدج مشتهي كتله ها؟
راعوث :- طبك الحزام طبكتين ويتقرب مني بخطوات بطيئه وكانو يكلي تحضري للموت
راعوث :- والقران بعد ما البس هيج والحسين حتى لو البس دشداشه امك والقران بس لا تسويلي شي والله مادري والله عبالي عادي عدكم حباب والحسين بسرعه طبيت محد شافني والكاظم والمسيح عليك القران عليك الحسين لا تسويلي شي
– طك الحزام بالهوى سمعت صوته واني طكيت البجيه وارجع لوره على الجربايه وجسمي كله يرجف
راعوث :- والعباس والعباس عليك العباس
عُقاب :- اريد العباس ياخذني يم ابو اريد اروح لنجف مشتاقلها الليله لو اني اطلع منا جنازه لو اطلع بيدي جنازه مشتهي اطگ جلد منو مستعد ينطگ ؟
راعوث :- وحق الحسين الشهيد بعد ما اللبس هيج وروح امي حباب عُقاب راح اموت والله لا تصيح حبااااب ابوس ايدك والله والله راح اموت من الخوف
– تقرب مني رفع الحزام يريد يطكني كمت ركض حصرت روحي بين الكنتور وزاويه الحايط يتقرب مني وصدره عريض وايده جبيره بس راشدي منه يمكن اموت والحزام بيده يخوف خطواته تخوف وعصبيته وكلشي بي خوفني اتمنى اموت بمكاني
– تقرب مني وضرب رجليه من جوه الطالعات بالحزام فرفحت روحي صرخت حيل
راعوث :- اخخخخخخخ عمووو حباااب
– دموعي كامت تنزل اقوى والزم برجليه بمكان الضربه وابجي شمر الحزام دار وجها فرك كصته حيل ويفرك بركبته رجع باوعلي تقرب مني واني صرخت بصوت عالي
عُقاب :- اشششش لا تصرخين تخاااافين ؟؟ من لبستي مافكرتي شراح يصير بيج وره هاي اللبسه وطلعتج بالباب وكدام الكواو** اخوتي ؟ حتى كدام جود الكو** لا تلبسين هاذا القنادر اللابسته
راعوث :- وخر عنيييي انتتتته شعليككككك بيه وخرررر
عُقاب :- شعليه اني ؟
– تقرب مني طبكت بالحايط لزم البدي شكه وصلتين صوت المزك وانفاسه باذاني انفاسه عاليه ناار وصاير اعصار عسريع كعدت وحضنت رجليه حيل واستر بجسمي راح يم الميز يدور بالجرارات ويعيط من بين سنونه
عُقاب :- اخخخخ حسااام الله يطلع روحك
– يدور بالمجر طلع علبه بيها حب فتحها يفرغ بيده بعد مايشوف كله وكع بالكاع شمر العلبه ودفر المجر برجليه من كد قوة الضربه انخسف الميز طلع باكيت جكاير ودخن نام بنص الجربايه الجكاره بين اصابعه وغمض عيونه انتهى بعدها ابد ما اتحرك ولا دخن ورماد الجكاره يوكع على الفراش
– كمت علكيفي بعد نسيت روحي نسيت وين الجنط اخذت قميصه من الكاع لبسته والغرفه صايره هوسه ردت اتعثر بالحب بالكاع رحت يما اخذت الجكاره من بين اصابعه خايفه لا نحترك وابجي من الوجع برجليه ومن الخوف ردت امشي انلزمت من خصري حيل ردت اصرخ عاط
عُقاب :- اششششششش
راعوث :- والله كلشي اسويلك بس لا تضربني والله توجعني
عُقاب :- كعدي
راعوث :- كعدت يما وبيدي الجكاره مشتعله دموعي تنزل ادنك راسي ماريده يشوفني ابجي
عُقاب :- اريد ادخن
راعوث :- اشهك واحجي ، هاك جكارتك
عُقاب :- ماكدر الزم شي انته حطها بحلكي
راعوث :- مو لازم خصري
عُقاب :- اششششش ما احب اليرادد
راعوث :- يحجي وهوه منتهي تعبان صوته حطيت الجكاره بحلكه اخذ نفس وخرتها نفخ الدخان مسحت دموعي وبقيت اكرر حركتي لمن خلصت الجكاره
عُقاب :- انطيني ثانيه
راعوث :- ماتوقفت بجي طلعتله الثانيه وشغلتها دخنها
عُقاب :- توجعچ ؟
راعوث :- اي والله شوفها صارت حمره اني شسويتلك تضربني
عُقاب :- شو اشوفها
راعوث :- شوفته رجليه باوعلها ابتسم باوع بوجهي
عُقاب :- گسر بيدي ليش تخليني اضربچ
راعوث :- والله اني ماكلتلك اضربني انته وحدك
عُقاب :- اسمعي حچايتي بويه
راعوث :- والله بعد ماعيدها هسه ليش تضربني مو حلفتلك بالعباس بعد ماعيدها
عُقاب :- فقدت يبوي غير تشرد مني ليش واكف بمكانك
راعوث :- بعد ماكو مكان اروحله هوه بس هنا وانته اجيت وضربتني
عُقاب :- تقربي
راعوث :- تقربت منه عبالي يريد شي سحبني حيل لحضنه حط راسي على صدره باس راسي وحضني حيل
عُقاب :- توجعج اخذج لطبيب خفتي تردين ابوج كومي اخذج لافراح خاف تخافين مادري بيج والله فقدت وجعتج الضربه الله ياخذ روحك حسام وياخذ روح ابنك ختلتي مني بس ضربتج اخخ منضرج راعوث منضرج ذكرني بجروح جنت اخيط بيهن من سنين منضرج فتح جرح سنين وسنين اخيط بي اخخخخ يحسااام
راعوث :- كتفه يرجف وكلبه نبضاته سريعه صوته تغير حيل باوعتله عيونه حمر رفع شعري وره اذاني
راعوث :- توجعني بس شويه شبيهن عيونك
عُقاب :- جيبيلي العلاج
راعوث :- كمت فتحت المجر وطلعت كل العلاجات بيدي حطيتهن على الجربايه
راعوث :- ياهوه
عُقاب :- هاذا بويه
راعوث :- فتحته ونطيته بيدي لزم ايدي باسها
عُقاب :- اخذج لطبيب
راعوث :- هيه توجعني بشكل مو طبيعي واريد ابجي منها بس شفته حيل تغير صوته وشكله وعيونه
راعوث :- لا بس بعد لا تضربني
عُقاب :- ابد وداعتك عسى ايدي بالكسر شلون مديتها عليك
راعوث :- كمت طلعت ملابس ورحت للحمام لبست شفت ملابس بالكاع لميتهن وحطيتهن بالسله ورحت للغرفه لكيته مطفي الضوه بس ضوه ازرك ونايم مسويلي مجال يما
– اخذت مخده ونمت بالكاع صفنت اركز بكلامه استوعب شحجه قبل شويه شنو جرح وشبي خاف عليه هلكد هوه مو ضايج مني بقيت افكر هستوني ردت اغفه
– فزيت على ايده محاوطتني وحاضني حيل وانفاسه بركبتي كلبي كام يدك سريع وبعد ماكدر احجي سكتت عود نايمه حضني قوي طبيت بصدره ويبوس بوجهي وبكتفي وبراسي جاب اللحاف غطاني وتغطه صرنه متغطين سوه اخذ مخدتي نام عليها واني على ايده سويت روحي ميته مو بس نايمه مسح على الضربه بيده وحضني اقوى همس باذاني
عُقاب :- حبيبي
راعوث :- حتى نفس كوه اخذه احس انكطع الأوكسجين وبكلبي ختمت القران كله وره نص ساعه لمن تاكدت نام ردت اسحب روحي منه ماكدر حسيت روحي مقيده بسلاسل استسلمت لأمر الواقع ونمت بحضنه …
الفصل التالي اضغط هنا
يتبع.. (رواية راعوث) اضغط على اسم الرواية لتجد الفهرس كاملاً بجميع الفصول.